ما يكفى الراتب خاصة الي عنده اطفال البامبرز والحليب غير الحضانة في الشهر حوالي 900 دولار


وش بقى من الراتب

700 اجار البيت
و الكتب والفواتير
وحتى السياره ما عندنا
اذا بغينا نروح نتقضى اقل شي 30 دولا حق التكسي والطريق بس خمس دقايق

غير الاغراض الي بذيك القيمة

واحنا ما نشتري الا الاشياء الاساسية وفي مدينة تعتبر رخيصة ... ما ادري الي في المدن الكبيرة وش يسوون

والله حرام عليكم
الحين الكويتي الاعزب ياخذ راتب سعودي متزوج وعنده طفل

شفتوا الفرق كيف ؟؟

الله المستعان

والله الحاله كسيفة والله يعين ...

في امريكا الراتب ما يكفي وبس..

والله يهنيكي يا صاحبه الموضوع ببريطانيا اذا كان الراتب يكفيكم ما شاء الله زين..

كنديشن والله مشاركتك اثرت الموضوع مرة

بس خليني اسألك مادام زوجك اول ريدي امريكي هل يدفع تكاليف دراسة طالب سعودي؟

لأن في بريطانيا الانترناشيونال ستيودنت يدفع ضعف تكاليف الطالب الاوروبي او البريطاني

بس بجد مشاركتك ثرية

ام دحومي اجل تغلقتي من نيوكاسل ههههههههههه تعالي عندي بلندن انا العام ببرايتون تغلقت منها ولحين اصيح عليها


هيتيني بلندن عند الله سعة هذاني ادوّر نجر حديد بطحن قهوتي طاحونتي خربت يامال فرقى عين جدي:)


اشكركم اخواتي الامريكيات اثريتوا الموضوع بمعاناتكم

فعلا حسيت بالفارق وهي زي ماقلت لكم السيارة هي اللي تاكل وانتم مضطرين لها مادام الوضع مختلف عنا في بريطانيا

انا مشكلتي اقيس على بريطانيا هي ودواحيسها وشبكة مواصلاتها التي لاتتفوق عليها الا شبكة مواصلاتنا في السعودية

ام دحومي مير قولي الله يعز ام تشارلز ولايعز علاها ويديمها ذخرا لبريطانيا والملحطين على الاقل لين نرجع الديرة

انا ماجاز لي ياخيتي الا الباصات ودي اسرق لي كم واحدن للرياض لاواحلات من حفر اندر غراوند بالرياض

يبدا من السويدي وينتهي بالرحمانية...ويمر ببيت اهلي بالربوة

ويجدعنا انا واختي حصة باسواق المجد

ياناس خرمانة العثيم مول وريحة الفصفص في اسواق المجد!!!!!!!!!!!!

حرام عليكم ابي سلف العثيم مول واختي حصة وريحة الفصفص اللي في اسواق المجد


شكلي نسو :(

ياحبي لك يابدوره انت ووكلامك ونصايحك الذهبيه ...
لكن مازيد شي على اللي قالو الاخوات اللي في امريكا والله حالتنا حاله
والله احيانا نص الاساسيات تنقص عنها المكافئه ,,,
مير الله يجعلهم يزودون الرواتب ...