رواتب الخاص!!

بنات انا قدم على وظايف قطاع خاص
واحس فيه ظلم كثير مقابل الدوام والكرف
الاغلب دوام يكون من الظهر الى ١٠ بالليل
او شفتين صباح لين الظههر وعصر لين ١٠ بالليل
واجازه يوم بس الجمعه وراتب مايسوى يعني اغلب اللي تواصلو
معي ٣٥٠٠-٣٧٠٠ ولا احد كلمني حول ٤٠٠٠
وانا اهلي قايلين اذا حصلتي السكن بنساعدك فيه
يعني بدفع نص سكن وسواق
اشتغلت قبل كذا بعياده كان راتبها ممتاز
٤٥٠٠ وفتره وحده لكن للاسف ماقدرت
اكمل فيها بسبب تسلط المدير وضغطه بالعمل
وباشياء ثانيه فضطريت اترك كنت متامله
احصل مثلها يعني اقل شي ٤٠٠٠
مو قصدي بس فلوس اصلا ماراح تسوي لي
شي بالرياض بتروح ملها مصاريف وسكن وسواق
لكن ابي اقل شي خبررررره لان كل ماقدمت مكان
يقولون مامعك خبره
يعني اللهم لاحسد المدرسات يومين اجازه
ودوام شفت واحد وطول وقتها جالسه وتتقهوى وتاكل
وياخذون بالراحه ٨ وفوق. هذا اللس توهم متوظفات
اما اللي معمرات يصك راتبها ٢٠
وتشتكي وتنق على كل شي وهي وظيفتهم يعتبرون دلع
في دلع
احس ماحد لم للقطاع الخاص ولا احد تكلم عن ضعف رواتبهم
ماغير عن التعليم طيب مو كل للناس معلمين ومعلمات!!