رواية النادرة/بارت٢)

بسم الله وعلى بركة الله
- موعد رحلة عادل وعبدالمجيد (٧)مساء . -في بيت عبدالمجيد؛ عائلته كلهم موجودين؛ أم فهد: وهي تجهز شنطة أبو فهد؛ والله ماحنا صابرين عنك. أول مره تسافر لوحدك؛وخارج المملكة؛ فهد : اي والله أنا مو مصدق ي أبوي أنك بتسافر. وتبعد عنا؛ كل شوي أتمنى أنك تغير رأيك ولا تروح؛ عبدالمجيد: ي حبيبي ي فهد والله إني حاس فيكم ؛ إن شاء الله شهرين وراجع لكم ي حبايبي 💕وريف: بابا ومن قال أن شهرين قليله. وش يصبرنا عنك شهرين مانشوفك؛ عبدالمجيد: يقرب منهم ويحضنهم؛ ي حبايبي أنتم الله يخليكم لي ويحفظكم؛ ؛كل الي ابغاه منكم الآن أنكم تكونون قد المسؤوليه، فهد: أبشر ي أبوي؛ مالك إلا الي يرضيك . عبدالمجيد: طلع مفتاح السيارة وأعطاه فهد؛ هذه سيارتك أنت وخالد ؛ واذا احتجتم شي؛ عمكم عبدالمحسن موجود. خالد: الله يعطيك العافية؛ وأن شاء الله ترجع ما نحتاج شي.العائله بصوت واحد: آمين .-
-
بالاستراحة ؛كان فيها عبدالسلام وإبراهيم عبدالمحسن و٢ زملاء لهم ، هنا دخل فهد عبدالمجيد: السلام عليكم ؛ عبدالسلام يهمس ل إبراهيم بتوتر؛ هذا وش جابه ؛ إبراهيم: ا ا هاه . والله مادري. كانوا متوترين. كلهم الموجودين بالاستراحه. ويناظرون جهة مكان معين من الاستراحه؛ فهد: جلس عندهم م أنتبه ل توترهم؛ ونظراتهم . - زميل عبدالسلام يدقه مع عضده ويضحك ضحكة تطمينه؛ أن فهد م أنتبه ل شي وعدا الوضع على خير. . فهد طلع للمغسله. عبدالسلام : استغل خروج فهد . وبسرعه راح للجهة المعنية ل يخبئ.... وبتوتر . يناظر ل خوياه . أنا ب مكان مهم وحساس؛ لو يكشفنا فهد بروح فيها. وممكن أفصل من عملي، زميله ناصر: لا تطمن ي حبيبي. حتى لو يكشفنا ماراح نقول أنك معنا وشريك لنا؛ إبراهيم عبدالمحسن: صح كلام ناصر. - رجع فهد ؛ وعبدالسلام ب مكانه م خبئ شي!! مجرد أخذ وضعية أنه يكلم بالجوال؛ وبمكان بعيد عن الإزعاج!! . . .