كوبونات الراقية تسجيل الدخول

الاخت الصغيرة
الاخت الصغيرة •
الاخت الصغيرة الاخت الصغيرة :
اسفة ع الاطالة الانتظر لك من عيوني اكملها ومشكورة متابعة للرواية:21:
اسفة ع الاطالة الانتظر لك من عيوني اكملها ومشكورة متابعة للرواية:21:
اسفة اني تاخرت عليكم بسبب ضروف خاصة وراح اكملها لكم
الجزء الحادي عشر
================




مر اسبوعين على زواجهم..وكل مره يحبهم يزيد لبعض..
عيونهم اذا تلاقت تحكي أسطوره من اساطير الحب القديمه اللي كلها وفا واخلاص..
أما أرواحهم فمتعلقه فبعض..وصعب أنها تنفصل..

واللحين هم في جدة عروس الخليج وبالتحديد تحت السحاب وقبال الموج..

قدام البحر..
أحمد\شفتي السماء..شفتي النجوم هذا أنتي..ماللحب عندي مدى..!!

سماح وتحاول توصل احساسها\شفت الهواء..شفت عشاقه..ماللهواء بوجودك قيمه...
أحمد وهو غرقان بالحب\سمـــاح..
سماح\تسمعك سماح..
أحمد\تحبيني..!!
سماح بحالميه\شفت الهواء..شفت عشاقه ..ماللهواء بوجودك قيمه...أظن أنها أجابه تكفيك..
احمد\لكنها ماترويني..!
سماح أبتسمت له وضربت على صدره\طمـــاع..
أحمد ويدعي الالم\آآآآه
سماح وخافت عليه\بسم الله عليك..حبيبي فيك شي..!!
أحمد بهمس\فيني اللي مافيه احد..سماح أحس أني سعيد..ماعمري حسيت بهالسعاده..
وباحساس صادق.....صدقيني بعض المرات احسد نفسي على هالسعاده..سماح الله يخليك لي..
صدقيني لوماكنتي من نصيبي مدري وش بيكون حالي..!!
سماح بعتب\أحمــد..حرام عليك لاتقول هالكلام ...وبحزن فظيع بعيونها اللي تشوفه..والله قلبي يعورني ..
أحمد بهمس\بسم الله على هالقلب اللي عايش له انا..سماح...انا اللي بموت اذا صار فيك شي..
سماح ومسك ايدها بحنان..حبيبتي أنا بدونك ولاشي..ولاشي..
سماح تاهت بعيونه\خلاص بس..
أحمد وتفاجأ\خلاص أيش..!!
سماح وغمضت عيونها\لاتقول أكثر..صدقني بتوه..
أحمد أبتسم بحب وبجنون\واللي يقولك أنها أحلى توهه.......

وبعد دقايق مرت بينهم,
أحمد\.سموحه ندخل اللحين..!!
سماح بتششت \لا أحمد خلنا شوي..

سكت عنها أحمد وظل يتامل بالبحر والناس اللي جايه ورايحه والأطفال اللي يحاوطون كل مكان..وكيف كانوا يلعبون بالتراب ببراءه؟؟
واللي ييبني بيت ..واللي يبني قلعه...
واللي يبني كوخ صغير..ويروح بعد هالتعب طويل يرمي نفسه بالبحر بكل حريه..

باختصاركانت ألأجواء فضيعه بالشاليه..على أنه حر..ومووت لكن وجود الناس كان معطي جمال للمكان وحيويه..


اما سماح تحس أنها متشتته..تحس بألم بقلبها..
هي فسرته أنه ألم
لكن هالألم كان حلو
كان متعب لكن حلو
كان يخفق عروقها ..
ويحسسها بالبروده..
كان يحتويها من كل الجهات
ويرعش روحها..
ماعرفت وش تفسير هالأحساس..!
عجزت ..وبين هالتشتت اللي في أفكارها..
حست بدفاء بأيدها ..
ويوم نزلت عيونها لمكان ايدها..
شافت أصابع أحمد تحاوط ايدها ..
ومنظر هالأصابع زاد الأحساس اللي بداخلها أكثر وأكثر..

============






في ذاك السحاب..وباحلى الوان الغيوم..
كانت في طياره ورقيه تحلق لبعيد..
تحلق لأخر مدى ممكن يوصله الشخص..
كان شعور حلو أنك تحلق بحريه..
<<ليتني أعيش هالشعور واطلق بحريه بدون قيود..
واللي زاد جمال الصوره..
كانت في طيور تطير بمسار واحد..
وباتجاه معين..
كانت طيور مهاجره..
بتهجر وطنها..!!
لكن على وين..!!

كم تمنى أنها يكون طير..
كم تمنى يحلق فوق السحاب..
ليته يعيش هالأحساس..
ليته يغوص بلا حدود..

ليته يحطم كل القوانين والأساطير المفروضه على البشريه..

كم تمنى انه يعيش.. يعيش بحريه..
كم تمنى يعيش بلحظة امان..
كم تمنى يغمض عيونه ويفتحها..
ويشوف نفسه ببلاده وبموطنه الغالي

آآآآواااه عليك يايوســــف..
يابعد أمنياتك..!!

وياصعوبتها..!!
ياثقلها..ويااٍستحالتها..!!

معقوله بترجع يايوسف..!!
معقوله بتصحى من هالكابوس المزعج..!!

معقوله هذا حلم وانتهى..!!
ليته حلم يايوسف
ليته حلم وانكوى..!!

ليتها اماني وأتحققت..!!

يابعد نظرك يايوسف..
ويا حلو صبرك اللي ظل 11 سنه..بدون امل..!!


وبعد هالتفكير الطويل وألأمنيات المستحيله..
رجع يوسف زي ماكان..
فتح عيونه بصعوبه..وهو يتمنى ألأ منيه ألأخيره
أمنيته الوهميه..
ويوم فتحها..
لقى انه كل على حالها..
هذا مكانه..
وهذه موطنه
وهذه بالنهايه امنيات..
رجع بعد ماأقتحمه البرد من كل ناحيه..
لف لفافته بصعوبه وعيونه تناظر هالسحاب اللي يضم الطيور المهاجره..
ومشى..ومشى..لحضن ممكن أنه يعوضه شوي من هالحنين اللي أقتحمه فجأه..

====================




فوق ..تحت..شمال..يمين..

Harry..up

فوق..تحت..شمال..يمين..

Harry..up
ثاني مره..كمل..
لاتوقف..ثامر..سعيد..الوليد..أســــرع..
فوق..تحت..شمال..يمين.
فوق..تحت..شمال..يمين..
فوق..تحت..شمال..يمين..
Stop
استراحه..خمس دقايق..وجاي
أنحنى الوليد ورمى نفسه على الأ رض بصعوبه وتعب شديد..
وبعدها على طول الشباب طاحوا..
تقريبا هم 12 شخص..
وكل واحد منهم ماصدق على الله بسبب وقفتهم اللي من ست الصبح..
وكان برنامجهم..تدريب x تدريب بدون توقف..

وكل هذا عشان مباريتهم النصف النهائيه
ولازم يطلعون بأحسن صوره..

فتح الوليد عيونه بصعوبه ورجع شعره لورى وأعتدل في جلسته وشرب لها ماي عشان يبلل شفايقه الجافه وتوه بيرجع لمكانه ثانيه..الا لفت أنتباهه على أشكال الشباب اللي نايمين باستسلام ومش حاسين بالدنيا..
والمشكله انه كلهم فاتحين فمهم ..شكلهم يفكرون أنه بتمطر ويرتاحون بعد هالظما اللي صابهم..

أطلق ظحكه خفيفه عليهم..وهالظحكه تحولت لضحكه عاليه والكل أنتبه له لأن الملعب يطلع صدى..


لكن اللحين الشاب مستغربين من الوليد لكن منظرهم وهو فاتحين فمهم ويبون يتنفسون بقوه خلاهم يظحكون مثله واكثر بعد..

لمن امتلى الملعب باصوات الشباب والكل طلع متجهين للملعب عشان يعرفون سبب الظحك المفاجأ ..

مساعد المدرب وهو يلهث وكان سعودي الجنسيه واسمه ماهر\شفيكم..!!شصاير..

ماردوا عليه وظلوا يظحكون بشكل هستيري..ويتمايلون على أرض الملعب بحركات مجنونه..وكانهم ماصدقوا على الله يلقون مساحه خضره وفاضيه عشان يطلعون مواهبهم فيها

وماوقفوا من الظحك..الا لمن سمعوا صوت ثاني كره عليهم عيشتهم..!!

المدرب\what`s happing..?
الشباب ولقوها فرصه عشان يطلعون حرتهم ردوا بصوت عالي بكلمه وحده\NOTHING....

المدرب رمى نظره على المساعد وهو ميت قهر منهم ..وطبعا المساعد ماقدر يقول شي..ولف وجهه وكأنه مشدود أنتباهه على شي موجود في الملعب..

وهالحركه زادت قهر المدرب..وماقدر يقول شي..طلع من الملعب وهو يتمتم كلمه براسه وناوي عليهم نيه\it`s o.k








مشاعر غريبه..مرت علي وماتركتني بحالي
مشاعر مجنونه ..تخليني أحلم وهالحلم مكتوب أعدامه من زمان

اعدمه هو ..وهومايدري..!!
يوســـف
ليه هدمت هالحلم اللي كان لنا..
يوســـف..وينك..والله الصبر ذبحني وأنت بعيد..ولا أدري وين دنياك..!!
يوسف.تدري وش صاراليوم..!!
يوســف..امك ماتت هاليوم من حرقة الجوف اللي فيها..!!
يوسف وش بيكون حالك وانتي تدري أنه اللي ولدتك ماتت قهر من بعدك..!!
ليتك يايوسف موجود..
ليتك موجود عشان تداوي جرح عيا يبرى..
يوسف..بالقلب ألم مدفون..الم يذبح ومأسور..
وانت اللي أسرته بغيابك..

يوسف وينك..!!
متى الله بكتب علي أني اشوفك..!!

يوسف
ليتني ماتعملت الأنتظار..!!
ليتني جاحده وحقوده..!!
ليتني تعلمت النسيان..!!
ليتني ماأعرف أصبر..

يـــوســـف
.
.
...ليتني نسيتك بزحمة الأوهام...

ضعت يايوسف ضعت..وأنا اللي ضعت وياك..








اليوم..وبهالتاريخ..كنت كل سنه أدخل غرفتها..
وأنا اللحين على سريرها..
اناظر اغراضها..واشم ريحتها الطيبه...
أدفي نفسي بملابسها الدافيه
والتمس الحنان بعطرها..
أحاول
أحاول أحس بوجودها بكل الطرق..
أتذكر المواقف اللي تمر بيني وبينها بهالغرفه الفاضيه..
أعصر مخي لمن اتذكر شي حلو مر بيني وبينها
وأخير ا تذكرت..
تذكرت يوم نجحت من الأبتدائي..وبدخل هالسنه اول متوسط
كنت فرحانه ساعتها..
وجيت ركض من المدرسه عشان أبشرها
ولقيتها بغرفتها جالسه على كرسي الكمودينه وتتعطر باحلى العطور اللي مكتوبه باسمها
حبيتها على راسها وهاللحظه دمعت عيوني..
تدرون ليه..!!
لأني شفت دموعها تسبق حروفها.
وكل ماتبي تمسح دموعها..تدمع من جديد..
أنا بهاللحظه ماقدرت اتكلم ظليت اصيح واصيح
وهي حاولت تمسح دموعي اللي بوجهي
ضميتها بقوى وأنا أتمتم بداخلي أنها الحب كله.
ورجعت لأرض الواقع المر وفتحت عيوني

أنا اللحين بغرفتها
وبسريرها..
واشم ريحتها بكل مكان
لكن دموعي ملت مخدتها..
وينها اللي تمسح دموعي..
وينها اللي تحضني اذا بردت..
وينها اللي تفرح بنجاحي..
يمه صرت وحيده..
وحيده بدونك..
يمه أنا محتاجه لك..
محتاجه لحنان وعطفك..
يمه أنتي رحتي.والقلب راح بعدك
يمــــه..وحشتيني..
يمـــه تشتت من بعدك..
يمه حني علي وتعالي..
يمه تعبت من دونك..
يمه شوفيني انا اصيح..
تعالي مسحي دموعي..
يمه بنتك بردانه..
تعالي ضميها وريحيها
يــمـــــه..وينك..!!
وينك البيت أنطفت شمعته بعدك..!!
بعدك يايمه عذاب









أحس بشي غريب..
شي أعتصر قلبي..
حزن أجتازني وذبحني..
يمه قلبي..
الم فظيع بقلبي..

جاني لؤي وفي ملامحه خوف..بعدت أيدي عن قلبي وابتسمت بألم
لؤي\يوسف شفيك..!!
يوسف \مافي شي..بس قلبي يعورني..
لؤي وخاف على صديق عمره\بسم الله عليك..تبينا نروح المستشفى..!!
يوسف بضيق\لا لؤي شدعوه..شوي وبيخوز الألم..وبعدين انتي نسيت موعدنا مع اللي يبي يشتري اللوح..!!
لؤي وتوه تذكر\أوووه نسيت..لاتروح عني أنا عندي كم شغله وبجي بسرعه..
يوسف\لا تتأخر
لؤي وهو يلبس جاكيته\أن شاء الله ثلث ساعه وجاي..
يوسف\أوكي..
أول ماطلع لؤي مسكت قلبي مره ثانيه ولكن هالمره كنت ماسكه باقوى ماعندي وأنا أتألم بصمت..
ماقدرت استحمل الالم..وحاولت اريح جسمي على الكرسي الخشبي اللي جالس فيه..
أحس بحراراه بوجهي وبأطرافي..
حاولت افصخ جاكيتي..ونفس الشي الحراره تاكلني والم اللي بصدري يزيد...
فصخت بلوزتي ومسكت قلبي بتعب وانا ارص على عيوني..

ومدري ليش
دمعت عيوني..
ومدري ليش تذكرت أمـــــي هاللحظه..

ياكيف حالك يايمه اللحين..!!
نستيني..
نسيتي ولدك البكر والا لحد اللحين أنا ألأول بقلبك ومستحيل أحد ياخذ مكاني..

لالالا أكيد صار الوليد اللحين ألأول..ودمعت اكثر
والا يمكن ابتسام..ابتسام هي اللي بعدي ,اكيد ماخذه حبك كله..

تصدقين يمه..وبارتجاف قوي
أنا بدونك ولا شـــــــــ......... ــي..

ليتني أشوفك واشبع بشوفك..
على الأ قل مره..مره وحده بس..
صدقوني أنا ماطلبت الكثير..
حــــــرام الواحد يشوف امه..

لا مش حرام..
حرام الواحد يكلم امه..!!
حتى هذه مش حرام..
أجل ليش مااقدر أشوفها..ليش القدر أبعدك عني..
كيف أوصلك يايمه ..قولي كيف..!!
صدقيني بهرول لشوفتك..!!
وبصعوبه مسحت دموعي بأطراف أصابعي اللي ترتجف..
صدقيني لو خيروني بالموت وشوفتك..راح افيدك يايمه..

لكن ليتهم يطلبون وأنا المأمور.
ليتهم..

حتى أنت يبه شخبارك اللحين..!!
وكيف السوق والشغل معك..!!
أكيد مرتاح..
حسافه يبه كنت اتمنى اكون اليد اليمنى لك..
كنت اتمنى أني أساعدك مثل ماقلت لك من زمان..

يبه ليتك تدري وش صار بولدك..!!
يبه ولدك مات من بعدكم..
يبه أرجوك سامحني..ماقدرت احقق أمنيتك..

وانتي يمه سامحيني..
سامحيني على كل شي..أنا غلطت واعترف بغلطتي.
يمه سامحيني على العذاب اللي تسببته لك..
يمه ادري أنه قلبك مجروح..لكن شسوي يمه..!!
الدنيا لعبت فيني..ورمتني بقسوه..

يمه سامحيني امنياتي صارت صعبه ..وماعندي غير السماح..
يمه..يبه.. أغفروا لي..
يمكن ماأشوفكم أغفروا لي..!!


ليتك تسمعيني يايمه...ليتك تسمعيني..!!


هذا أخر كلمه قالها يوسف..وبعدها أنقطع صوته وضاع بين دموعه المره..
وقلبه؟؟!!
وش حال قلبه..!!
قلبه ميت.. من عظم الأم اللي حسه يوم تذكر امه وابوه..

واللحين..زادت الألام..وزادت الجروح القديمه..!!


ياترى وش بيكون حال يوسف..بيستحمل الألم..!!والا راح يصير له شي..!!

في التكمله راح تعرفون اكثر...!!

----------


الجزء الحادي عشر
الفصل الثاني
===================




سمع صوت جنب غرفته..ولمن قرب أكثر من الصوت..عرف وين مصدره
حاول أنه يدخل..بس تردد في النهايه..
هو يدري أنه هذه غرفة مقفوله من زمان وهذا اللي خاف منه ومنعه من دخول
لكن حب الفضول اللي فيه خلاه يدخل وهو مقوي نفسه ..

واول مادخل شاف أخته أبتسام حاطه أيدينها الثنتين على وجهها وتصيح بصوت عالي..
خاف عليها..ووبسرعه جلس جنبها ومسك وجهها بايدها الصغيره الناعمه..
وهمس بأسمها بصوت حزين وباكي..
عزيز\بسومه..شفيك..!!
عزيز\بسومه…لاتصحين..بسومه ترى بصيح معك.. …
شوفيني بسومه..بصيح..

مارديت عليه أبتسام ومازالت على حالها..
وعزيز مايقدر يستحمل وتقطع قلبه على أخته اللي يعتبرها أمه الثانيه..
حاول فيها بكل وسائله البسيطه ..
مسك أيدها وبعدها عن وجهها..ويوم تعب وسمع شهقاتها المتكرره
ضمها بصدره بضعــــف شديــــد وهو يصيح معها…

وكلهم لاحول لهم ولاقوه
.
.
.
.
طلع من النادي بسرعه..
وكان أحساس قوي ينتابه ويشعره بالمراره..
حس بأخته
وبأمه
وابوه
وبأخوه
كلهم بنفس الوقت حس فيهم..
حس أنهم يستنجدونه..يطلبون منه شي غريب..مافهمه..
لكن اللي يبيه اللحين أنه يوصل البيت بسرعه..
وبالفعل وصل ونزل من سيارته وهو يهرول لمدخل البيت..
واول مافتح الباب شاف عكس لللي توقعه..
توقع
يشوف أخته وأبوه.
توقع يشوف امه اللي ماتت واخوه اللي ضايع..
لكن كلها كانت سراب..
وحتى وجود أبوه واخته هاللحظه كانت سراب

طلع للدور الفوقي بصعوبه وهو يتذكر كل شي هاليوم..
صح أنه كان صغير في العمر..
لكن الأحزان محفوره بالقلب وصعب أنها تنسي..
ولام نفسه على الدقايق اللي كان فيها بالملعب ونسى أحتياج اخته وابوه له..

وزي ماتوقع لقى أخته بغرفة أمه والدموع والذكريات الأليمه عنوان يومها

مشى ببطأ لها..لمن جلس على السرير وعيونه تدور على ذكريات أمه الباقيه..
خانته دموعه ونزلت وحس بنفس البروده اللي أختها حست فيها..
وماقدر الا أنه يشبك أيدينه الثنتين بصدره وهو منكس راسه بتشتت وضياع

وسكت هاللحظه احترام لأخته وذكريات أمه اللي تدور بخياله..

ويوم تعب من السكوت والذكريات اللي ذبحته وكلت فؤاده..قرب من أخته واخوه الصغير اللي لازال يصيح عشان الم ابتسام..
الوليد بحنان وضعف\ذكري الله ياأبتسام..
ابتسام بشهقه\ونعم بالله...الوليد..ومسحت دموعها...انا محتاجه أمي هاللحظه..الوليد أبي أمي..وين أمي.!
الوليد أمي راحت وتركتنا..!!ويوسف راح وتركنا..وكلهم راحوا حتى أبوي راح..ابوي مسكين راح وهو مسكين..
حتى أنت..وبصوت عالي بتروح وتتركني..!
الوليد مسح على شعر اخته بحنان وعطف وهو مش قادر يسوي شي ..
ابتسام برجا فضيع\الوليد..الله يخليك قولي أنك خلاص كنسلت البعثه..الله يخليك..لاتتركني...الوليد أنا ماعندي أحد الا أنت..أرجوك..أبوس أيدك لاتروح..الوليد انا خايفه أنك تنسانا وتبتعد .الوليد أخاف ماأشوفك مره ثانيه
الوليد لو اتخيل اني ماأشوفك لحظه..
بموووووت
بموووت يالوليد

ماتدري ابتسام أنها جالسه تذبحه بكلامها
ماتدري أنها جالسه تقطع قلبه بدموعها
ماتدري وش داخل الوليد..والا أيش جروح الوليد..

حتى هو فقد الأم والأخو..
على الأقل هي لقت حنان..واسشعرت فيه..

لكن هو ..مين بيعوضه فقدان أمه..
مين بينسيه جرح أخوه..

كان دلوع أمه..كان حبيبها الغالي اخر العنقود..
كان صاحب أخوه..كان قدوته وخليله.

واللحين ماعنده شي..

لا أم تحبه..ولا أخو يصاحبه..

ابتسام\ليش ساكت..!!تكلم..!!قول شي..قول أي شي..لاتسكتت..قول أنك مش رايح ريحني ..الله يخليك ريحني..الوليد أنا أتعذب..وأنت ماتدري..من أول ماقلتي وانا في عذاب..الوليد انا تعبانه..ريحني بكلمه..بكلمه وحده الله يخليك..ريحني..
ماأستحمل الوليد صوت أخته وهي تترجاه وحس أنها بيطير عقلها وبتجن من كثر ماهي مـتأثره ومصدومه وعشان يريحها قرب منها وضمها لصدره بأقوى ماعنده..
وهي لازالت تصيح في حضنه وتترجاه....
============








يـــــــــــــــــــــــوســــــــــــــــــــــــ ـــــــــــف

هذه الكلمه الوحيده اللي قالها...وبعدها طلب الأسعاف وراح مع صديق عمره المستشفى بسيارة ألأسعاف....


مايدري وش شفيه..!!
ولايدري وش صار عليه بعد ماطلع من عنده..

كل اللي يعرفه اللحين أنه لو فقد صديق عمره بيموت بعده..وبيفك نفسه من هالدنيا اللي حرمت كل غالي على قلبه


ظل ينتظر بره الغرفه عشان يطمنونه على يوسف ..
وتعب من كثر ماينتظره..
أفكار كثيره طرت على باله..
وكلها خوف على يوسف..
ولمن تخيل أنه بيموت ومش شايفه ثانيه
ولمن تخيل أنه بيموت بغربته..
ولمن تخيل أنه بيموت وحيد بدون اهله
ولمت تخيل انه مش شايف أمه ولا ابوه مره ثانيه..


انحـــرق قلبه حسره وقهر عليه..

وتمتم بداخله أنه مستحيل هالشي يصير
مستحيييل

وبعد نص ساعه طلع له الدكتور ووراه النيرس..
حاول يفهم منهم وش يقولون ..!!
لكنه مافهم لأنه لغته مو مره بــ الأنجليزي لكن اللي عرفه وحسه فيه
أنه يوسف بخير..وبيرجع له.
/
\
/
\
/
دخل على يوسف بسرعه وشافه على السرير وسارح..
قرب مه وحضنه وكله لهفه وشوق على صديق عمره..
لؤي ولازال حاضنه\تدري..تخيلت لحظه
لحظه يايوسف أني مش شايفك ثانيه..
تدري وش صار فيني..!!

أنحرق قلبي عليك..
يوسف بضيق\لاتقول هالكلام مره ثانيه أنا موجود..
لؤي\صعب..صعب تحس بالأحساس اللي حسيت فيه..
يوسف أبعد لؤي عنه شوي وابتسم له\بسم الله عليك..
لؤي\وعليك..يوسف علامك....!!
يوسف بحزن فضيع\مدري شقولك يالؤي..من اول ماطلعت وأنا ماسك قلبي..وبعدها بشوي حسيت أني بدون قلب..صدقيني حسيت أنه قلبي أختفى .تفتت..ماااات يالؤي..
لؤي\واللحين شتحس فيه..!!
يوسف\مدري شقولك..المهم لازم نطلع اللحين..
لؤي\وين تطلع..!!
يوسف\مافيني شي كشف علي الدكتور وماقال شي..بس قال أرتفاع في الظغط وحراره ..يعني مافيني شي..
لؤي\من صجك أنت..!!
يوسف\والله حتى انا مستغرب من حالي..والدكتور مستغرب أكثر..ماعلينا لكن كيف دفعت حق الأسعاف الي طلبته..!!
لؤي\والله أنك فاضي يايوسف..دفعته وخلاص..!!
يوسف\أيه..من وين لك..!!
لؤي\مالك شغل..وأنثبر وفز من مكانك..خرعتني عليك..!!
يوسف\هههههه الا تعال نسيت اللي يبي يشتري اللوح..!!
لؤي \بالطقاق ..مومهم.. هو يعني واقف علينا وتارك شغله..يااخوي هذا مليونير..ومو مهم أحنا عنده
يوسف\ههههههههه..طيب شوي..شوي ..شفيك منفعل,,!!

لؤي بحزن\يوسف ياأخوي..لاتخرعني عليك..صدقني مالي غيرك بهالدنيا..
يوسف\فديت قلبك يالغالي,,خلاص أخر مره..تووووبه..

ناظر لؤي يوسف بحزن فضيع..وماقدر غير أنه يضمه..
يبي يبعد هالأحساس اللي فقده من لحظات ومش قادر..
ويوسف حس فيه وضمه أكثر وهو خايف من هالزمن القدار..
=======================



















هديتـــــي..!!؟
ابتسام ولازالت بحضنه\لا ...ماهديت..
الوليد\ومتى بتهدين..!!
ابتسام\اذا شلت فكرة السفر من بالك..!!
الوليد\ابتسام.
ابتسام وابتعدت عنه\وليد..لاتحاول..!!
الولي\طيب انتي سمعيني لو مره..
ابتسام وهي زامه بوزها\نعم..
الوليد\فديت هالبوز المنتفخ والله..
ابتسام\سخييييييييييييييف

نط عليهم عزيز وهو متضايق لأنهم مطنشينه وهو حبه ويعرف شسالفه..!!
عزيز\اللحين ماتقولون لي شفيكم..!!
الوليد وعصب وحرك ايده كأنه بيضربه\وانت شعليك..!!
عزيز وهو يقلد صوته باتقان وحركة ايده\وانت شعليك..!!وانت كله تزفني..!!أدري ادري أنك ماتحبني..!!ياأخي وقلها وفكني..!!
مات ضحك عليه الوليد..اللي يشوف عزيز ويطالع شكله وهيئة جسمه وشعره الناعم الطويل مايصدق أنه يتكلم بهالكلام..لكن اللي يسمع صوته يخترع منه..لأنه صوت خشن وفيه بحه خفيفه وهذا محلي صوته اكثر..

الوليد\أمووت واعرف من وين تجيب هالكلام..عزيزوا...والله تخرع...أخاف اذا كبرت تكفخني..!!
ابتسام\يعني من وين جايب هالكلام..منك طبعا.!!بتخربه وهو صغير..
عزيز\لاتقولين صغير...وقام من السرير وفرز طوله..أنا أطول منكم..!!أنا اخوكم الكبير...!!ولازم تحترموني..!!

أنا اطول منكم.. ..
..أنا اخوكم الكبير..
..ولازم تحترموني..

ثلاث كلمات رنت في بال ابتسام والوليد..
ثلاث كلمات اسكنت الحزن فيهم مره ثانيه
ثلاث كلمات أطعنت قلبهم بسهوله
ثلاث كلمات رجعتهم لورى قبل 11 سنه
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
رحتي للبقاله بدون ماتقولين لي..ها..!!اوريك يابسوم بس خلي وليدوا يجي..!!

كان يوسف ماسك اذن ابتسام بخفه..يبي يلومها ومش عارف كيف..
هي مو اول مره تسويها وتطلع للبقاله لوحدها..دايما تاخذ الوليد محرم وتروح مع السواق للبقاله القريبه من حارتهم..

وهالمره يوسف ماتركها بدافع الغيره..ومش عارف كيف يفهمها أنه اللي تسويه غلط وزمان الطلعات راح وولى..

ابتسام ماسكه ايد يوسف اللي ماسك اذنها فيها..وتبي توخرها لأنها تأملت..لكن يوسف حاكم قبضت ايده ومش موخر..

ابتسام\يوسف..ياربي..حرام عليك..وخر.يوسف..والله بعلم أبوي عليك..!!
يوسف\وبعد..طويلة لسان.
ابتسام\وش شفيها يعني اذا رحنا البقاله ...أنا معي الوليد..
يوسف\والكوبه في الوليد..يعني اذا جاك حرامي وليدوا بيدافع عنك يالخبله..
ابتسام\طيب الله يخليك هد اذني عورتني يوسف..شوف..شوف وليد هذا هو جاء..
كان الزليد توه جاي وخايف من أخوه يوسف..ومنزل عيونه للأرض ويوم شاف يوسف هالمنظر وكيف اخوه متمسكن وخايف ماقدر يقاوم الضحك..وضحك..
وكان ابتسام عطوها الضوء الخضر وافرحت بسبب ضحك يوسف اللي بيهدي الوضع شوي..
أما الوليد رفع عيونه أخيرا ..وارتاح شوي..وعرف أنه يوسف مش زعلان عليه..
وعلى طول بدون مقدمات جاء لــ يوسف وحضنه وتاسف..
الوليد\زعلت علي..!!
يوسف بحنيه\أيه..زعلان عليك..
الوليد ويناظر ابتسام بحقد\كل بسبب بسوم هي اللي قالت لي تعال معي,.
يوسف\لكن تقدر تقول لها ماأبي أروح..
ابتسام بتهجم\يكذب عليك حتى هو يبي يروح البقاله عشان يشتري له حلويات..
يوسف\كلكم غلطانين..وهالمره سماح ومره ثانيه أن سوتوها ياويلكم مني..ولاتنسونــــــ..
الوليد+ابتسام\ندري...انا أطولكم..أنا اخوكم الكبير..ولازم تحترموني..


أنا اطول منكم.. ..
..أنا اخوكم الكبير..
..ولازم تحترموني..



أنا اطول منكم.. ..
..أنا اخوكم الكبير..
..ولازم تحترموني..




أنا اطول منكم.. ..
..أنا اخوكم الكبير..
..ولازم تحترموني..


عزيز\يوووووووووووووووووووووووووووووووووووووووه..شف يكم..!!

جاءءصوت عزيز لهم وخلاهم يصحون من الحلم اللي دام دقايق معدودوه..
ابتسام ماسكه اذنها.وكأنها تبي تعيش الموقف وتتذكر أكثر عشان تغمرها الفرحه من جديد
والوليد سرحان..في أي أيش..!!الله يعلم..

عزيز\ياربي..وانتوا ياتسكتون..أو تصيحون..خلاص أنا ماأحبكم..
ابتسام وهي متجاهله كلام عزيز وتناظر الفراغ اللي حولها\شكل الله اليوم كاتب لنا نرجع لذكريات قبل..يارب ياعظيم..!!كم بنعيش..!!
الوليد\آآآه ياأبتسام..وش مصبرنا غير هالذكريات..
ابتسام قربت من اخوها وبدت تحن له وتمثل دور الأم اللي نسته هالفتره بين زحمة أحزانها\وليد..فضفض لي..من زمان ماسمعتك..!!
الوليد\..شتبيني أقولك..!!والا شلون أصلا أحكي لك....خلي هالجروح اللي تفتحت اليوم تبرى..
ابتسام\وليد..ترى جرحك اللي تعاني منه..هو اصلا جرحي..وحزنك اللي تشكيه هو حزني..كلنا نعاني..ولا احد داري عنا..
الوليد شوف عزيز..شفته..
طالعه..
أحس أنه يوسف
الوليد\كيف..!!
ابتسام\خلني أكمل..أحس أنه يوسف ..شخصية يوسف..أسلوب يوسف ..شكل يوسف..أحس أنه نسخه مصغره منه..حتى حركاته..حركات يوسف..شوفه كيف جالس..!!وكان عزيز هالوقت جالس على السرير وممدد رجلينه وماسك خصلات من شعره اللي بدى يطول وشكله سرحان..
أنت ماتلاحظ ان الزمن يعيد نفسه ..صح في نقصان..لكن هذا هو يوسف..!!
الوليد بهمس\طيب اقولك شي..
ابتسام وتقرب أذنها\قول..!!
الوليد بجمود\تهقين أنه موجود..!!
ابتسام باستغراب\منوا..!!
الوليد بعيون منكسره ومتسأله نطق اسمه\يوســـف...!!

===================



كل منك يازفته..لو ماشفت وجهك الصبح كأن ماتأجلت بعثتي..!!
ياسمين تمتمت بداخلها\..
بندر\شفيك ساكته..مين بلع لسانك..!!
زوجة بندر\خلها..خلها ساكته ماأبي أسمع حتى صوتها؟؟
ياسمين\وش تبوني اقول لكم..!!
بندر\يلعنك..لاتقولين شي..وخري عن وجهي من شفتك وانا المصايب تتحذف فيني من كل جهه..وقرب من بقوه وصفعها عشان يبرد حرته وطلع..!!
زوجة بندر\تستاهلين...يابنت الفقر.

مسكت ياسمين خدها ببرود وكأنها متعوده على هالصفعات اللي كل مره لازم تكون مطبوعه على وجهها البريء
نزلت دمعتها ومسحتها بسرعه..وطلعت لغرفة امها عشان تعطيها دواها..

===========================












أول مره يشوفها بهالحال..
جسمها ينتفض..ووجهها صار ازرق..وكانت تصرخ بأعلى صوتها..

ماعرف وش يسوي..!!
الموقف أكبر منه
يحس أنه بكابوس مخيف يبي يطلع منه بس مش قادر..
مخه متلخبط وافكار كثيره في باله..
لحد اللحين مش قادر يستوعب الموقف..
هويعرف شفيها لكنه ماعمره شافها بهالحاله
يبي يسوي أي شي عشان تهدى..
لكنه هو مش فاهم..وهي مش حاسه بروحها
حس أنها بتموت وهي بين ايدينه..وهو جالس يتفرج ومنهار
ماقدر الا أنه يدعي ربه ويطبطب عليها وهو حاضنها بصدره..

وهي لازالت تصرخ وتصرخ وترتجف بجنون..

طاحت عينه على دواها وكأن الله أستجاب لدعاؤه وحققه
طلع أكثر من حبه وبسرعه قرب منها وفك فمها بصعوبه شديده..ودخل أخيرا حبه لفمها..لكنها طلعت هالحبه من كثر ماهي ترتجف وتصرخ وتتحرك..
وبحركه سريعه خذ له ماي وصب في أيده وعلى طول شربها ايها مع الحبه..وسكر فمها بصعوبه..وهي تشد على ايده ومش حاسه بنفسها..
ويوم عرف أنه الحبه دخلت أخيرا..حضنها بكل قوته وهي لازالت تصرخ وهالصرخات كانت ترن في أذن أحمد ..


لمــــن هــــــدت..وارتخت أطرافها وهي بحضنه..
فكر أنها ماتت بحضنه.. وعلى طول رفع وجهها وشافها مغمضه عيونها..وأنهار هاللحظه..
وبسرعه..حط ايده على قلبها ..وسمع دقاته الثابته..
ويوم حس فيها..رجعت له الحياه من جديد..
يكفي أنها حيه..ماماتت..وهذا كفيل انه يرعش قلبه وروحه..
حضنه بقوه..وهو ولأول مره يصيح على حالها..وهو اللي عينه ماذرفت دمعه بيوم على أحد الا هي

سمــــاح

=====================








بكره بنرجع الرياض..جهزوا أغراضكم اليوم..ولاتنسين...قولي لأمك..
راوين\بس تركي..أمي تبيــــ
تركي بصوت عالي\لاتقعدين تحنين..اللي قلتك عليه سويه..أنا طالع..سلام..

بعد ماطلع تركي راحت راوين تبلغ امها الخبر السيء اللي أحكمه اخوها..وهي تدري أن أمها بتتضايق اذا درت انه بترجع الرياض وهم اسبوعين كاملين ماخذوا...

قلت لأهلك..!!
تركي\أيه قلت لهم..
مبارك\طيب ماتقدر تخليهم هنا وتخلص شغلك وترجع لهم..!!
تركي بعصبيه\هذا اللي ناقص بعد اخليهم لوحدهم في هالبلد الزفت وامشي....وبعدين أنا مش ملزوم اروح وارجع مره ثانيه..عندي أشياء كثيره ولازم أسويها...والا نسيت مشروع جنا..
مبارك\طيب شفيك معصب..!!أيزي ياخي..مايستحمل الموضوع..ومين قالك أني نسيت هالمشروع..بس لوتبي الصدق ..خايف..!!
تركي\من ايش ..!!
مبارك\مدري شقولك...والمشكله أنه كل راس مالنا حطيناه بهالمشروع..ولا.. ويوم حسبت الميزانيه لقيت انه أحنا محتاجين نص المبلغ عشان نسدد الصندوق العقاري ولاتنسى السلفيه اللي ماخذينها من البنك ولحد الأن ماسددنا غير ربعها...!!
تركي بخبث وهو مساك أيد مبارك\مدام أنك معي..شيل فكرة الخوف من بالك..!!
مبارك\وانا شو اللي مصبرني غيرك أنت..
تركي\طيب ليش متعب نفسك ومتعبني وياك..ياأخي هذا اخر يوم لأجازتي..يعني خلني أستمتع على كيفي لاتصدع راسي بأمور الشغل..!!
مبارك\أفا عليك...ولايهمك اليوم عازمك على سهره ولاتحلم فيها..مظبط لك كل شي..وقرب منه..وضحك بخبث..وزي ماقلت اليوم اخر يوم..ولازم نستغله عدل..
تركي بــ همس\تعجبنــــي..
===================





ابتسام\أنت من صجك..!!
الوليد\وفيها هالمساءل مزح...!!..وبعدين تعالي قولي لي..شاللي خلاكم تتأكدون أنه يوسف مات...يمكن يكون حي..
ابتسام\تدري كم مر على هالحادثه...!11 سنه يالوليد..!!
الوليد بعتاب\واذا..ياما ناس فقدوا عيالهم وهم صغار..والدنيا تدور فيهم ويلقونهم..أبتسام..
شاللي يخلينا نتأكد أن يوسف مات..يمكن موجود..!!
وبعدين ليه أنتوا مادورتوه مره ثانيه..ليه ماسألتوا أكثر..
ابتسام بضيق\وأنت تتوقع أنه أحنا كتفنا ايدنا وأنتظرنا لمن يجينا يوسف..!!ياالوليد انت ماتدري عن شي كنت صغير..
أبوي طاحت رجوله وهو يدور على يوسف..مابقى مكان الا وراحه..
صار زي المجنون يدوره من مكان لمكان لدرجة انه صرنا مانشوف أبوي بالشهر والشهرين..ولمن نسأل عنه ..يطلع أنه مسافر يدور عليه بالخليج..
واللحين جاي تقول ليه مادورتوه..!!
انت ماتعرف شي..
ماتعرف..!!
وبعدين ماسالت نفسك ليه ابوي بعد وفاة امي الله يرحمها عزل نفسه..!!
ياوليد..أبوي يوم توفت أمي أنقطع أخر أمل عنده برجوع يوسف..وعرف أنه خلاص...
يوسف راح..ومش راجع..
وبعدها جلس فتره طويله فاقد الوعي
تقريبا أكثر من سنتين وهو بالمستشفى وفي غيبوبه ..
أكيد تذكر هالشي..
لكن ..الله رحم بحاله وحالنا وصحى من غيبوبته..
وردت الحياه فينا من جديد..
وبعدها جدتي أصرت على أبوي انه يتزوج عشان يطلع من حالة الوحده اللي عايشها..
وتزوج النسره لطيفه,,,
وحاول أنه يتناسى كل شي..
لكن انت تشوفه..دايم منعزل عن الكل..ويحاول يخفي جروحه اللي أحنا مخفينها..
يالوليد أبوي اكثر واحد عانا بينننا...لكن محد يدري عنه..
ولو تروح له اللحين وتجلس جنبه..بتشوف كيف الحزن يقطر من عيونه..
لكنه حزنه كان بصمت..
وانا خايفه على ابوي كثير..
خايفه أنا نخسره..
أحس أنه كل مره يبتعد عنا أكثر ..وكثير اذا جلست جنبه ماحس أنه موجود معي..
أحس أنه جسد بدون روح..
أحس أنه عقله مو معي..
دايم سرحان والتفكير ذابحه,,,
والمشكله انه لطيفه زوجه بالأسم وماقدرت تحل ولو جزء بسيط من مكان أمي الله يرحمها..
ودايما متمذره..
لكن ساعات أعذرها.
لأنه أبوي مبتعد عنها ومش معطيها حقوقها كامله..وهي مالها ذنب باللي يصير,,
وساعات ودي ذابحها..بسبب تصرفاتها اللي تقهر..
خلها على الله يالوليد..هموم كثيره بالقلب..
المهم ماعلينا لانغير الموضوع..
لحد اللحين مصمم على البعثه..
الوليد بعد ماسمع كلام أخته حس بالأنانيه واحتار كثير..لكن مايدري ليش مصمم على هالسفره
الوليد\انت اللحين خلتيني طايح بين امرين..يعني يكفي أنه ضميري يأنبني..مش هاين علي أروح واتركم..
لكن شقولك ياأبتسام..سفرتي هذه بتغير اشياء كثيره...!!
ابتسام\مثل.!!
الوليد\اولا حلو الواحد يكمل تعليمه بره..وخصوصا اذا حصل على شهاده من بره يعني اذا جاء السعوديه على طول يتوظف بدال مايجلس له شهور عشان يلقى له وظيفه تناسبه..
وثانيا أبي التحق بنادي للكوره واكتسب خبره اكثر..
وثالثا ويمكن اذا قلت لك مش فاهمتني لأني أنا اساسا مش فاهم ليه هالأصرار الشديد..
ابتسام\مافهمت
الوليد\مدري لسه أحس اذا سافرت وبغض النظر عن المكان اللي بروح له..أحس أني برتاح..
ابتسام\كيف يعني..
الوليد\أحساس..أحساس ياابتسام يراودني طول هالفتره اللي مضت..أحس أني بسمع شي عن يوسف..لاتقولين اني مجنون..لكن سبحان الله أحس أنه شي بيصير اذا سافرت..
ابتسام\كيف ..وليد..أنت شتقول..
الوليد\ماأدري ياأبتسام..قلت لك احساس..على الأقل وحتى لو ماعرفت شي عنه..على الأقل بريح نفسي..وبرضي ضميري اللي ذابحني..
ابتسام\وضح اكثر..
الوليد\أنا قصدي بدور على يوسف في كل مكان..وحتى اذا ماعرفت شي عنه ..على الأ قل برتاح نفسيا..لأني سعيت ورى هالشي..فهمتي!!
ابتسام\وليد..
الولي\هلا
ابتسام وهي ترتجف شفايفها\...احس أني بصيح..
ناظر الوليد اخته وشاف عيونها اللي مليناه دموع..
الوليد بحنيه\معقوله ياأبتسام..!!
ابتسام وغمضت عيونها\تدري وش سويت فيني..وخذت نفس وفتحت عيونها..
فكرة أنك بتسعى عشان تلقى يوسف.. طيرت قلبي..
وليد..تدري..لو يوسف رجع..تدري وش بيصير...!!
الوليد وهو متأثرمره\وش بييصير..!!
ابتسام ونزلت دموعها\شقولك..خليني أفرح بهالحظه بطريقتي..وتوه بيتكلم الوليد..الا قاطعته ابتسام...
ابتسام\أرجوك لاتتكلم..خلني أعيش هاللحظه,,ولاتخيب ظني..
الوليد بحزن على حال أخته اللي على طول صدقت أنه يوسف احتمال يرجع\لكن ابتسام مابيك تتفائلين ..قلت لك احساس..
ابتسام\بس وليد..لاتقول شي حتى هالأحساس مستخسره فيني..!!

وليد..
الوليد\نعم..
ابتسام \أنا راضيه عليك...روح.. والله معاك..

==================








طلعنا بغموض..ودخلنا بغموض أكثر..

الوليد..معقوله بيكشف حقيقة هالسر اللي دام 11 سنه..!!
وش هالأحساس اللي يخليه متأكد منه..!!
معقوله عنده دليل يأكد كلامه,,,!!



وأحمد..ومرض سماح..وش بيكون موقفه بعد اللي شافه..!!
وكيف بتكون مقابلته مع سماح..!!

وتركي..ومشاريعه..
وياسمين ..وعذابها..
ويوسف..وغربته..

وراوين واهلها ورجعتهم للرياض..!!

أحداث صارت..ومرت وهي غريبه..
وأحداث كثيرع بتصير..وبتمر...وبتظل غريبه..



بانتظار تعقيبكم..!!


شكـــــــــــــــرا.
وصيت قلبي عليك
الاخت الصغيرة
الاخت الصغيرة •
وهذا الجزء الثاني عشر للعيونكم
الجزء الثاني عشر
================






بعدما تأكدت أنها نامت طلعت أتمشى على البحر..وهذه الساعه الثانيه اللي تمر بدون فايده..

تعبت من التفكير
وتعبت من الألم اللي جاثم بصدري

ياما مرت علي أمور في أطار شغلي.. شديده..وقاسيه..وكانت تتطلب مني قوه عشان اسيطر على الموقف..

كنت احس بألمهم..
وكنت احس بظلم القدر عليهم..

كنت احاول بطريقتي أخفف عن مصيبتهم..واسهل أمرهم..
على أن الكل كان يسميني (الرجل الصلب)
وهالقب كنت دايم اسمعه من همسات الظباط والعسكرين والدائره كلها..
وكنت اضحك بداخلي..ماكنت اعصب على هاللقب ..بالعكس أفرح اكثر..
لأني قدرت وببساطه اكون مرتبه قويه والكل يحط له ألف حساب قبل مايتجاوز هالمرتبه..

لكن اليوم..وبهالوقت..

صار شي خلاني أعيد حساباتي من جديد..

شي خلاني أذرف دموع حسره..وأنا اللي ماعمري ذرفت دموع..

كنت اذا تضايقت..أتضايق بصمت..ماكان احد يحس وش اللي فيني..
لأن تكون ردة فعلي عكسيه...
أكون دايم أضحك ,اوزع ابتسامات..
أدري أن هذا تناقض ..لكن كل انسان له طريقته في التعامل مع حزنه..

وانا حزني ..يعني أني أدوس على جرحي بابتسامه..

وآآه من عذاب اليوم..وجرح اليوم..
كنت خايف أنها تموت بين ايديني..
ماكنت عارف وش أسوي..
ولا أبي أعرف أكثر..
كنت متجمد ..كنت بدون احساس..
أحساسي ذيك اللحظه ضاع..اختفى..
كنت اشوفوها شخص ثاني..
ولاتلوموني اذا ماعرفتها بلحظه..!!
كنت غريبه عني..
ماكانت سماح اللي أعرفها..
ماكانت سماح اللي قبل أشوي تمسح على راسي عشان أنام جنبها..
ماكانت سماح اللي تغطيني عشان ادفى وماازعجها بسوالفي اللي تعتبرها جريئه..

كانت غييييييييير
صدقوني غير..
وبوقتها..ويوم عرفت أنها سماح صحيح..
ضميتها بكل قوتي وأنا احاول اخفف عليها..
لكن هالحركه اللي سويتها زادتها أكثر..
وبحركه سريعه أعطيتها دواها غصبن عنها..
وارتاحت بعدها..

وارتخت أطرافها بحضني..
وانا ميت ذيك اللحظه لألمها وعذابها..

كانت معركه طوييله..كانت معركة اعصاب بطيئه..
كانت زي الشوكه اللي في البلعوم..

وبعد كذا تركتها بعد ماتأكت أنها نامت..وطلعت ..

كنت احس أني مخنوق أبي أتنفس..
أبي أفرغ اللي بداخلي كله..
لكن النتيجه وحده والألم واحد..

مدام سماح تعاني..أكيد أنا بعاني..








بابا..ثوف..ثوف الساعه كم..!!تأخرت وايد..

مسك عبد الرحمن بنته وشالها معاه لغرفته وهو ماله خلق لهذرتها وحنتها..

ريوف\بــابا..نثلني.نثلني..ماحبك..ماحبك..
عبدالرحمن\طيب أنا احبج~..كيفي..أحبج..وبعدين ليه مانمتي تدرين جم الساعه..!!
ريوف وشوي بتصيح\مافيني نوم..
عبد الرحمن بصوت قوي\لا والله..اللي كبرج اللحين نايمين عشان يصحون الصبح ويروحون مدارسهم..يالكسلانه..!!وغطها على سريره وهو من داخله ميت عليها وعلى عيونها اللي بتطلق العنان لدموعها...
لكن تركها لوحدها عشان تتأدب وماترجع تتنتظره زي كل مره ..
وبدل هدومه..وطلع للحمام...وهي لحد اللحين مش مستوعبه أنه هذا ابوها اللي تركها..

وكلها ثواني زي ماقال أبوها وتجمعت الدموع بعيونها وصااااحت..وهي بنفس الوضعيه حطاه ايدها على ثمها وبدون حركه واللي يهتز بس جسمها الضعيف..

طلع عبد الرحمن من الحمام وهو ناوي ينام ولايعبر بنته..
لكن يوم شاف اللي شافه..ماقدر يتحمل..
وعلى طول مسك بنته وحضنها بأقوى ماعنده..

عبدالرحمن\فديتــــــج..فديتـــج يابنتي ..ياحيببتي..خلاص..عمري لاتبجين..
لكن ريوف مااهتمت في أبوها وظلت تصيح وهي بنفس الوضعيه..وماتحركت ولاشبر..
واللي يضحك بالموضوع انه اذا زعلت ريوف دايم ماتتحرك من مكانها وكأنها صنم ثابت..الا اذا جاء أحد وراضاها ..وبعدين اذا شبعت دلع تتحرك..
لكن هالمره طال جمودها ,ابوها ميت ضحك على حركات دلعها..
بعد عبد الرحمن عنها ومسح دموعها ..ومسك خدودها بقوه..وهو وده يذبحها من الحب اللي يحس بقلبه لها..
عبد الرحمن\أموووووت فيج..والله اموووت فيج..مين مصبرني بهالدنياغيرج..ومين ذابحني بهالدنيا غيرج..ومين ماخذ قلبي بهالدنيا غيرج..ريوف..حياتي أنتي.اموووت فيج..

وبعد ماسمعت ريوف الدلع اللي كله لها..ارتاحت..وقالت كلمه وحده لأبوها وهي معصبه\حمــــار..
تفاجا عبد الرحمن منه وفتح عيونها بقوه لأنها أول مره تقولها له.. ويوم شافت ريوف شكل أبوها المتفأجأ ضحكت عليه مره..وهو على طول نسى الكلمه مع ضحك ريوف اللي يملي عليه دنيته...


وبكذه انتهت الليله على عبدالرحمن وبنته واستسلموا للنوم..







فتحت عيوني بصعوبه..وبعدت شعري المتناثر من وجهي..
صدااع..أحس بصداع..
الم فظيع..
دارت عيوني على ألغرفه كلها..كنت ابي أتذكر ليه أنا نايمه هالوقت..!!
ناظرت الساعه ولقيتها 1 بالليل..

ودار سؤال في بالي..!!
وين احمد..!!
وعلى طول نسيت أدور الأجابة بزحمة الشريط اللي ينعاد قدامي..

غمضت عيوني بقوه..وأنا احاول أنسى كل شي..
أبي أنسى نفسي وأرتاح..

تذكرت كل شي ساعتها..
تذكرت اني جاتني حاله فظيعه..
تذكرت اني ماخذت الدواء واهملت صحتي..

وبكيت
بكيت قهر ومراره..

ياربي ليه انا غير الناس..!!
ليه اللي كنت خايف منه صار..!!
ليه مااصير عاديه..
لامرض يحكمني..ولاهموم تذبحني..!!
ليش..ليش..!!


أستغفر الله..أستغفر الله..

وش بيقول عني أحمد..!!
وش بيكون موقفه بعد ماشافني..!!

أكيد..أكيد انفجع مني..
أكيد اخترع مني..
أكيد خاف مني..!!

هذا اللي كنت خايفه هذا اللي كنت خايفه منه..
ياربي شسوي
ياربي أرحمني برحمتك..

كيف بواجهه اللحين..!!
وش بقوله..!!
كيف بحط عيني بعينه..!!

كله منه..!!كله منه..
كله من هالمرض..ياربي..ياربي لين متى..!!
لين متى بيكون هذا حالي..!!

يأس.ضياع.حزن.عذاب.انهيار.

هذا احساس سماح اللحين..!!
اللي توقعته صار
والله حسبت حسابه بدى
وهذه أول غربه تحسها سماح..!!

أكيد في برد ..أكيد في جفا..!!

قمت الفراش وانا مرتاحه..
ليش..!!
لاتسالوني ليش...!!
أهم شي اني مرتاحه..
وعلى طول طلعت أتروش والبس..وكلها خذت نص ساعه..
بس..

نزلت تحت لوحدي كالعاده..
وبديت افطر وانا فرحانه..
أمي بيت الجيران..وأبوي يداوم.
وغلا وهيثم نايمين في سابع نومه..!!

تذكرت اني لازم أروح بيت جدي اليوم..
أمس دقت علي جدتي وقالت لي جدي يبيك تجينه الظهر وتتغدين عنده..
وأنا فرحت كثير لأني من زمان ماجلست مع جدي ولاسولفت معه..


مريت ليله علي أمس غريبه..عجيبه..
الله العالم..كيف مرت..!!

حسيت أنه قلبي أنقبض..
حسيته بألم وبحزن عميق..

ماعرفت افسر هالأحساس..
ولا بغيت أتعمق أكثر في هالأحساسيس اللي حسيتها امس..

لأنه كانت قويه بالنسبه لي..وماأرتحت الا لمن صليت ودعيت ربي يحفظ كل غالي على قلبي..
وبعدها ارتحت..ونمت بهدوء..


\بروح دورة المياه وبجي..
نور(ام تركي)\اجي معك..!!
راوين بنظره حنونه\لايمه..لاتعبين عمرك..شوي وبجي..
أبتسمت نور لبنتها وهي ماتدري ليش تتعاطف معها..!!
ماتدري ليش تشوف الحزن كله بعيونها..!!
أستبعدت نور الأفكار من راسها ورجع لها الحنين لأهلها اللي تركتهم وهي ماشبعت من شوفتهم..

بعد ماطلعت راوين من دورة المياه شافت كوشك بــ كورنر وشكل الأغراض اللي يبيعها رهيبه لأن الألوان اللي فيه تجذب أي شخص يمر جنبه...

قربت من عنده وهي فرحانه أنها لقت اللي كانت تبيه وبتتشتريه لبنات عمها
كانت حاطه فيبالها انها تشتري لكل وحده ساري مع الأساور الهنديه..
لكن لضيق الوقت ماقدرت تشتري غير الساري ..لأنها كانت حاطه في بالها أنها بتزهق من السوق وبتروحه كل مره لكن كلام اخوها واصراره على رجعة السعوديه مأاعطاها فرصه عشان تكمل باقي أغراضها..

راوين\أيوه..لقيت اللي أبيه..الأحمر لــ فجر وألوردي لغلا..والبرتقالي لــ جمانه..والفستقي لــ أبتسام..صح انه مو نفس اللون لكن تقريبا نفس الدرجات,, لقيتهم..
وانا باخذ الأصفر...يعجبني ألأصفر..!!..
just these ,please
thank you

البايع\
Welcome.mum

عطيته الفلوس مع كم درهم بخشيش له..
وعلى طول سرعت من خطواتي لأنهم اكيد يسألون علي اللحين.وماوعيت الا كل الأساور طاحت في ألأرض وألبعض منها انكسر..
وبحركه سريعه لميتهم وانا ميته خوف ..وانصدمت انه في أحد يلمهم معي..
\
/
\
/
\
/
\حاسبي..ايدك..
راوين\أووه..سوري...ناظرت راوين ايدها وشافت دم متجمع بطرف اصبعها..
وكانت شوي وبتصيح..
ماتدري تصيح عشان الموقف البايخ اللي انحطت فيه
والا علشان ايدها اللي أنجرحت..
الرجال بابتسامه غريبه\سلمتي..وأعطاها نظره اخيره..,ومشى بعدها...

وسرحت راوين بوجهه الرجال اللي شافته..
تحس أنه مو غريب عليها..!
ويوم عصرت مخها اكثر..
عرفته...
واصرخت صرخه مكتومه بقلبها
مبـــــــــــــارك
صديق تركي..
وماوعت الا بصوت امها يناديها
وعلى طول مشت باتجاه أمها وهي خايفه اذا عرف أخوها وش بيسوي لها..
أستنتجت انها بيذبحها...وهذا اقل عقاب ممكن يسويه اخوها لها
----------




لفيت الجهه الثانيه بتعب شديد..وكسل فظيع..
فتحت عيوني عليها,,
على الوجهه السموح...سماح..وابتمست
ويوم تذكرت المها..وعذابها,,أختف مني الأبتسامه
حاولت أقوم من الفراش ماقدرت..
أمس ما نمت الا متأخر..
لأني
بعد 4 ساعات متواصله دخلت للشاليه وكنت متأكد مليون بالميه أنه سماح هالوقت نايمه
وعلى طول تسبحت عشان أنعس وانام..
لكني لانمت..ولاهم يحزنون..
وزاد التعب والأرهاق..
ومن كثر تفكيري بالموضوع...غفيت بصعوبه..
وانا متضايق من عدم وصولي لحل يريح الطرفين..

كنت اعرف قبل بمرضها,,,وكنت اعرف انها مازدات حالتها الابسببها,,
كانت تتعترض تلتزم بمواعيد المستشفى وتهمل صحتها من يوم وهي صغيره
لكني مرات ماألومها...
من يوم وهي صغيره وهي من مستشفى لمستشفى..لمن ياست وجاتها حالة طفش وعدم مبالاه..
وخصوصا لأن حالتها ماتتغير..يعني نفس النتيجه..

لكن لازم أكلمها..هذه صحتها واذا هي مش مهتمه..انا بهتم وبساعدها لمن تستقر حالتها
وبكذه نسوي اللي علينا والباقي على الله سبحانه..

مرت فتره طويله وفجر تنتظرهيثم يصحى عشان يوديها بيت جدها...
وأخيرا صحى..وماعطته مجال أنه يفطر ولاحتى يشرب ماي..
لأنها كانت متأخره وتعرف جدها يحب يتغدى بدري بعدين يرتاح له كم ساعه...
أخيرا وصلت فجر بيت جدها ومانزل هيثم معها وقال لها ساعتين وبيجيها..

الجد\هلا والله..هلا بفجر العالي..وفجر جدها والله..
فجر\هلا بجدي..وحبت راسه..شلونك..عساك مرتاح..!
الجد\ يابنتي..بخير دامك بخير..وينك يافجر ..وينك يابنتي لك فتره مازرتي جدك..!!
فجر باحراج\السموحه يالغالي,,..حقك علي..أدري أني مقصره..!!
الجد\يالله معليه,,هالمره بنفوتها لك ياأبوك..!!
فجر\أدري..أري أن قلبك كبير وماتقدر على زعلي..!!الا وين جدتي..!!
الجد بسخريه المعتاده\يعني وينها بالله عليك..!!في المطبخ تتخانق مع الشغلات..هذه شغلتها كل يوم..
فجربضحكه خجوله\جدي..ها..أشوفك تتطنز على جدتي.,لاتخليني أعلمها...!!
جدي بكبرياء\قولي لها..يعني بتخوفيني..!!
فجر\أنزين..بقول لها.أنا رايحه..!!
وفعلا فجر قامت من عند جدها متجهه للمطبخ..والجد مسوي نفسه مومهتم لكن بقلبه متضايق لأن أكيدحرمته بتكبر السالفه زي كل يوم وبيصدع راسه..

وعشان يفتك من الصدعه راح لغرفته بصعوبه
وتذكر المفاجأ اللي محضرها لــ فجر,,,ولقاها فرصه عشان ينسيهم الموضوع..










\لو تلبس اللي تلبس...بتظل يوسف أجمل واحد عرفته...الله عليك يايوسف..يامعذب قلوب بنات باريس كلهم..صج يوسف... اسم على مسمى..!!

هذا كان أطراء من لؤي لــ يوسف..
لكن اللي يشوف الموقف بيستغرب..ليش لؤي يمدح يوسف..!!
على ان يوسف ماكان لابس غير لبس بسيط..جينزكحلي..وتشيرت أسود أكمامه طويله..
ومن برودة الجو صاير لونه أحمر على أبيض..وخصوصا اطرافه وشفايفه..
هذا غير الأبتسامه اللي محليه شكله أكثر ,اكثر..

ناظر يوسف شكله بحركه سريعه..وأستغرب من كلام صديقه.. لكن ماسرع ماأبعد هالأستغراب من نفسه..
وابتسم ابتسامة شكر لــ لؤي.
لأن لو لؤي مو موجود
الله العالم بحال يوسف ومعاناته..

لؤي\ياويلي عليك يايوسف..حتى ابتسامتك غيير..!!..أمش أمش..ترى بروح أذبح نفسي والسبب انت..!!
يوسف\ههههه لؤي حبيبي..سكر الموضوع ويالله تأخرنا على الرجال..!!
لؤي\أها..واضح أنك تقول أنطم يالؤي...لكن بفوتها لك هالمره..
يوسف بفرحه مايدري وش تفسيرها\غصبن عنك..يالله قدامي..
لؤي وياشر على خشمه\على هالخشم..!!


طلع يوسف مع لؤي واجروا لهم تاكسي ..
لؤي\أنا اللي بدفع هالمره..

يوسف \مو على كيفك..انا اللي بدفع..
لؤي\لا والله..منت دافع..!!
يوسف\أنقلع انا اللي بدفع..
لؤي وفيه الظحكه\ممكن تنطم..انا اكبر منك..يعني أنا اللي بدفع..
يوسف انتفض جسمه من هالكلمه..وحس بقشعريره قويه..
ياما كان هو الكبير..
هو المسؤل..
واللحين..!!
وينه من هذا كله..!!
ترك كل شي..!!
وتغرب..!!
لؤي وقطع حبل أفكاره \السكوت علامة الرضا..يعني أنا اللي فزت....لكن لاتصدق نفسك كثير أنت أكبر مني بكثير..وانا ياحليلي توني صغيرون..!!
مارد عليه يوسف..وابتسم له أبتسامه ماله أي معنى...
ومشى التاكسي على شوارع باريس الواسعه..
ودخل حي من أرقى المناطق بمدينة باريس..
الشجر الأخضر..والورود الزنبقيه البيضا..
والجو المغيم..
والا الشلالات اللي محاوطه الزرع..
كانت المنطقه روعـــه..
سبحان من خلقها..وصورها...
لكن مين اللي يتأمل خلق الله..ومين اللي يتعظ..
الأفواه مفتوحه..والعقل فارغ..

وأخيرا وصلوا..
ونزلوا من التاكسي..وهم لسه مش مصدقين اللي يصير لهم..
فتح الحارس البوابه لهم..
ودخلوا على الحديقه اللي تبعد أمتار عن البوابه الداخليه
وعشان تسهل المهمه..
جات لهم سياره من بعيد مفتوحه من جميع الجهات..وشكلها غريب وعشان تتصورن أكثر..تشبه السيارات اللي تنقلك من المطار لبوابة الطياره....
وركبوا فيها وهو لحد مش مستوعبين اللي يصير لهم..
لكن كانت هناك عيون تراغبهم..وتتف***م..من بعيد..
وهالعيون يوم شافت انهم قربوا من البوابه سكرت الستاره بخفه.,.وانتظرت ألأشاره عشان تستعد لهم..

نزل يوسف ولؤي من السياره وأنفتحت لهم البوابه الداخليه..
وهم اللحظه أتسعت عيونهم أكثر..من اللي شافوه..

أشبه من الخيال..واحلى من الأحلام..
قصر ولاكل القصور..
كل شي يدل على فخامته
التطريز الهندي والأحجار الكريمه في كل مكان..
والتحف اللي منتشره في كل مكان كأنها لوحه فنيه رسمها أحلى فنان..
والوان الجدران..ممزوجه باللون البنفسجي الغامق والذهبي الزاهي..
والكراسي كانت بنفس درجات ألوان واغمق شوي وأطرافها كانت مسندله فيها خيوط طويله من ماي الذهب...وكانت مرفوعه وهذا شي زاد من فخامتها..


وكانت في 3 صور قدام الصاله الخارجيه..وهذ شي لفت أنتباه يوسف لأنه هو حريف رسوم..
صورتين لشابين في مقتبل العمر وكانوا ماخذين زاويتين لللجدار وباين ان ملامحهم مو عريبه وتتوسطهم صوره لرجل كبير في السن ومايدري ليش يوسف أنتفض يوم شاف الصوره اللي في وسط..يمكن لأنها ملامح الرجل كانت كلها عظمه ورجوله..وهذا الشي اثر فيه كثير,,وحس أنه ياخذ من ابوه شوي..
ومايدري ليه ارتجف من هالتصور اللي تصوره..
11 سنه..
11 سنه أنحرمت عينه من خيال ابوه..
وهالصوره رجعته لذكرى قديمه..
معصوره بالقلب..









خذي يابنتي..هذه هديه لك...من زمان وانا ِأشتغل فيها..وان شاء الله تعجبك ياأبوك..!!
تفاجأت فجر من الهديه..وعلى الكثر الفرح اللي فرحته لكن أعتصر قلبها من الألم والحسره..
كانت الهديه عباره عن قرشة زجاجيه عطريه مخلوطه بريحة المسك والياسمين وشوي من العنبر

كانت ريحته فظيعه وهاديه جدا..
وغير كذا مكتوب بقلب القرشه أسمها..
فجـــر..
الجد\هذه اخر أصدار لنا في المصنع..وبكره بتنزل في السوق..وانتي اول وحده تاخذينها..وش رايك بهالمفاجأه الحلوه..
فجر وتتصنع الأبتسامه\مشكور يالغالي..هذه احلى هديه..
الجده\تستاهلين يابنتي..ولو أني زعلانه أن جدك ماأفتكر فيني ولاحتى فاجأني بس يالله معليش..
الجد وهو متفاجأ\شوف الحرمه شتقول...والله يافجر لو تدخلين غرفتنا وتشوفيه العطور ماتصدقين.والتفت لزوجته..عيب..يامره تكذبين وانتي بهالعمر..
فجر وميته ضحك على جدها وجدتها اللي مسوين نفسهم صغار \جدي..جدتي..والله انكم تفرحون الخاطر بخناقكم..شكلي بجي كل يوم عندكم عشان أستانس..
جدتي \والله يابنتي هذا جدك اللي مسوي نفسه مراهق..ومايدري أنه عجز..
الجد ويفرك ايدينه\لا انتي اليوم ناويه على خناقه صح..
الجده\شفت أنت اللي بديت..
فجر\هههههههههههه خلااااااص..ترى بروح بيتنا..
الجده\أحش رجولك لو رحتي وماضقتي غداي..بروح اشوف هالخبله اللي في المطبخ شصار عليها..!!
الجد بصوت واطي\
الله يعينها عليك
الجده\وش قلت..
الجد\قلت لا اله الا الله..
الجده وبتاكله بعيونها\محمد رسول الله..
وأول ماراحت الجده عنهم..
الجد\الله يعيني عليها..

تغدت فجر مع جدها وجدتها وعلى طول دقت على هيثم يوصلها البيت وهي مرتاحة البال..

كانوا يسمعون خطوات جايه من بعيد ..وكل مره هالصوت يعلى اكثر واكثر..
لمن اتضحت الصوره..
وحظر صاحب اقصر..
بكل هيبه ورجوله وثقه..
مد يده لــ لؤي وصافحه وبعدين مدها لــ يوسف
الرجل بصلابه\يوسف..
يوسف وبنفس الصوت\يوسف..يوسف محمد العالي..
ذكر يوسف اسمه وقرنه باسم عايلته..
مايدري ليه حب يقول أسمه كامل..!!
حس بحنين لصوته اللي ماسمع الا همس منه..
حس أنه يبي يتكلم ويتكلم..ومايسكت عن الكلام..
حس أنه فيه من ريحة اهله وابوه..
يكفي شكله..وحظوره..وهذ كفيل انه يريحه ويرد له الحياه من جديد..
الرجل\تشرفنـــا..
يوسف بنظره راجيه\زادني شرف..
الرجل\تفضلوا..حياكم الله..
يوسف+لؤي\الله يحيك..
لؤي\الطيب عربي..
الرجل\عربي.. وبثقه...وسعودي..
انتفض جسم يوسف للمره الثانيه..وكبر الأمل اللي بداخله..
لكن لسانه عجز عن قول أي كلمه..واكتفى بالصمت..
وقطع كلامهم صوت الخدم وهم يأدون دور الضيافه العربيه اللي مستحيل تنلغي هالعاده من أي بقعه من بقاع الأرض..
وأول ماشاف لؤي هالأكل اللي ماعمره شافه بدى ياكل بدون حيا وكانه هو الوحيد الموجود..
أما يوسف اكتفى انه يشرب عصير عشان يبلل ريقه الجاف..ونظراته ماغابت عن الرجل الغريب اللي جالس قدامه..






صحت سماح من النوم وعلى طول أتروشت بعد هالليله الكئيبه اللي مرت عليها.
وشافت قدامها فستان تركواز ومزموم ولبسته وحطت مكياج على نفس لون الفستان وروج بلون الزهر وطبعا البلاشر اللي مستحيل ماتحطه..وجفت شعرها ألأشقر شوي
وطلعت للصاله..
ومالقت أحمد..
وتضايقت..معقول طلع وتركها زي أمس لوحده..
وتأكدت من شكوكها..وتضايقت اكثر واكثر..
ورمت نفسها على الكنبه اللي قدامها وعيونها مليانه دموع وحاطه ايدها على خدها..

واللي ماتدري عنه سماح أنه أحمد جالس في البلكونه يكلم صديقه اللي معاه في الشغل
وشاف سماح من اول مادخلت الصاله وسم عليها من قلبه..
يحس انها ملاك نازله من السما..
والفستان جناان عليها..
لكن استغرب ليه جالس وشكلها متضايقه..
سكر من صديقه وطلع لها وهو يبتسم..
أحمد \صباح الخير.او مساء الخير..
سماح اخترعت منه..ماحست فيه .متى جاء..!!
وعلى طول مسحت دموعها بطرف اصبعها..
سماح وتناظر ساعتها بخجل لأنها تأخرت بالنوم\مساء النور..
أحمد وجلس جنبها\شفيه الحلو زعلان..!!
سماح\ولاشي..
وعم الهدوء بينهم..
سماح مش عارفه شتقول.
وأحمد مايدري كيف يبدى..
واخيرا نطقت سماح
سماح\أحمد..
أحمد\أمري يالغاليه
سماح\أنا أسفه..ونزلت عيونها
أحمد استغرب\أسفه..ليش..!!
سماح\عشان..أمســـ
ماخلاها تكمل جملتها وحط أيده على فمها\لا..لاتتاسفين...انا اللي ٍأسف..سماح..أعذريني لأني أبتعدت..بس صدقيني غصبن عني..
سماح وانجرحت\غصبن عنك..!!
أحمد\ماتخيليت أني اشوفك بهالحال وظل واقف مكتوف اليدين..تمنين اهون عليك باي طريقه ..لكن ماقدرت..كنت ابي أحميك من الأمك وعذابك..ماقدرت..
ماقدرت غير اضمك ..كنت عاجز ذيك هاللحظه..
سامحيني حبيبتي..
سماح\أحمد..أنت متضايق صح..اكيد أخترعت مني صح..!!
سكت أحمد
سماح\أنا كنت عارفه أنك اخترعت مني....لكن هذا شي مو بأيدي..
أحمد ومسك أيدها\شالكلام اللي تقولينه ياسماح...كيف خطر بالك هالشي..!!
سماح ودمعت عيونها\قول يااحمد..صدقني مراح ازعل عليك..أنا اعرف أني مريضه..لكن شسوي مو بأيدي شي..
أحمد وضمها\حبيبتي لاتصيحين..أنا احبك تعرفين شلون احبك..لاتخلين هالأفكار تلعب فيك وتضاقيك..ومشكلتك لها حل ان شاء الله..
سماح وغمضت عيونها بحضنه\أحمد..بتتركني..؟!
احمد\مستحيل..مستحيل اتركك بعد مالقيتك..مستحيل وأول مانرجع الشرقيه بوديك الدكتور..
سماح أبتعدت عنه\لااا
احمد مااستسلم وضمها ثانيه وحاول يستدرجها\حبيبتي سموحه..قلت لك انا معك..ولاتخافين احنا بنكشف عليك بس..
سماح بعصبيه زايده\لا ياأحمد..ماأبي..ماأبي..أرجوك..
أحمد بحزن\سموحه اهدي اللحين..ويصر خير بعدين
سماح\لا ياأحمد لاتغصبني على شي انا ماأبيه..
احمد وتضايق\خلاص..على راحتك..اهم شي ارتاحي اللحين..

سكت أحمد عن سماح وظلت بحضنه وهو يفكر كيف يخلي سماح ترضى..
وعرف أنه وهي متضايقه مراح يتوصل معها بنتيحه..

الرجل\أسمي سمير عبد الحي..طول عمري قضيته بفرنسا وتزوجت فرنسيه وجبت ولدين توفوا مع زوحتي بحاث سياره..
كانت الكلمات اللي قالها كأنها سم بحلق يوسف..
أسس احلام وانهدمت بدقيقه,,
بنى أوهام وأنمسحت وهي بحلاها
توقع انه يعرفه..
توقع انه يصير له..
توقع انه ابوه..
لكن لايعرفه ولايصير له ولاحتى ابوه.
وانقطع اخر أمل حلو عاشه..
وبدى سمير يعرض لهم قصة حياته وكيف عاشها بحلوها ومرها وكان الحزن بعض الأوقات يعم على الجو ويكون سيد للموقف..
تكلم عن بداية حياته..وكيف تزوج بفرنسا..وكيف بدت دراسته وخذ الدكتوراه بالموسيقى وكيف أسس هالثوره الكبيره من عرق جبينه..
كل شي تكلم عنه..
لكن اللي فجعهم وأثر عليهم بعمق..
أنه ولا مره دخل السعوديه..
ولاتنفس هواها..
يوسف\والله..
سمير\والله..شفت كيف الدنيا..!!..
يوسف بحزن فظيع\الله المستعان..
سمير\ماعلينا مانبي نفتح جروح قديمه..انا معجب برسوماتك يايوسف وعرفت عنك كل شي..
يوسف\كل شي..!!
سمير بثقه\كل شي..
يوسف وصابه الخوف\كيف..!!
سمير واول مره يبتسم\سر المهنه..!!
لؤي وتهجم بأسلوبه المعتاد\واللحين شنوا المطلوب..
سمير وغمز بعينه\تعجبني تدخل في المهم على طول..
لؤي ونفخ ريشه\أحم..أحم
سمير\نبدى بالجد اللحين عشان مانضيع وقت..أنا ابي منك ياوسف كل رسوماتك..وغير كذا أبيك ترسم لي بريشتك صالة الموسيقى.. وأضاف....هذا بعد اذنك طبعا..
يوسف\والله مدر شقولك..لكن أنا المساء فاضي وأبدى أشتغل بالرسومات وابيعها على الناس..
سمير\أعرف شفتك كذا مره..
يوسف\و الرسومات تقربيا امباعت لكن في كذا وحده بوريك أياها وان شاء الله تعجبك..!!
سمير باسلوبه التملكي\يعني أفهم انك موافق..
طال سكوت يوسف وبعده تكلم
يوسف\ ان شاء الله....وقام ببطء..نستأذن اللحين ..ونشوفك متى مابغيت
سمير بابتسامه\بكره حلو..
يوسف وحس بالنشاط\أوكي.من بكره نبدى..ومد ايده وهو يحاول يبعد المشاعر اللي يحس فيها
سمير بنفس الأحساس\حياكم الله..
=====================


أسبوع أنتهى بصعوبه على أفراد قصتنا
كان مغمور حزن وعاطفه ..وذكريات أليمه مالها أول ولا أخر
شفنا فيها القوي القوي.شفنا فيها الصبور المتحمل الشدايد..
وشفنا فيها المتعذب الضايع الزاهد عن هالدنيا الغريبه
وتأملنا لألمهم بصمت وعشنا معهم كل لحظه..

واسبوع ثاني مر زي البرق من تسارع احداثه واهميتها..

. بيت بوتركي رجعوا للسعوديه وقلب الأم مغادر للأض اللي انولدت فيها
..بدت جمانه تقدم اوراقها للجامعه ولحد الآن ماطلعت نتيجة القبول
وضع يوسف لمساته الأولى في تخطيط صالة الموسيقى وبدى يشتغل فيها كل مالقى وقت فاضي عنده
..تركي ومبارك أنفتح لهم باب من ذهب وبدوا في مشروع جنا الضخم
..سماح واحمد رجعوا من جده بسبب دوام ,ارتباطه بالشغل..
.. الوليد اليوم مباراته مع نادي النخبه السعودي والكل يترقب هالمباراه
(النخبه فريق من عندي ابتعاد عن المشاكل ^_^)

=======================








طلعت من بيت جدي زي المجنونه وعلى طول لبيت خالي محمد
اليوم المباراه بين الأتفاق والنخبه
وكلي أمل أنه ولد خالي يفوز...
لاتفكرون لبعيد..!!
ولد خالي واتمنى له الخير..
وكيفي..!!
صح والا لا..!!
صحيح هو مليق ومغرور ومتكبر شويه وماينهضم وتافه وسخيف وقليل ادب..!!
لكن بيظل ولد خالي..
وأنا وولد خالي على الغريب..
لكن نواف هو الحب الأول والأخير..
وأتمنى احصل له بوستر جديد..لكن ياعمري غايب عن الساحه هالفتره
والله يرجعه بالسلامه..
وبين هالهذره اللي براسي
وصلنا بيت خالي محمد..
وعلى طول نسيت أمي وسبقتها ورحت للصاله..
وشفت الكل مجتمع
وطنشتهم وسلمت على راوين اللي جات من السفر اليوم..
جمانه\فديتك..فديتـــــــــــــــــــــك..فديتـــــ ــك..وحشتيني مووووووووووت..
راوين والفرحه بعيونها\وأنا اكثر ياعمري..
جمانه وتاخذ نفس قوي\شخبارك وشمسويه عسى أستانستي..!!وشلون الهند واهل الهند ..؟؟
غلا بصوتها الناعم والرقيق وهي ترمش بعيونها\حسبي الله على بليسك من بنت..تركي راوين وسلمي علينا..ترى حتى احنا غايبين..!!
جمانه وتسوي نفسها انها توها تشوفها\يوووه..ماشفتك يابنت خالي..أعذريني..وسلمت عليها..شالزييين..شالحلاه...منوا ناويه تطيحينه اليوم..!!ها..اعترفي..!!
غلا وتأشر على كل الجالسين باصبعها الطويل\كلكـــــــــــــم..كلكم بطيحكم اليوم وبكيفي..وبمزاجي..عندك مانع..!!
جمانه\لا..
غلا بدلع وهي تعدل كم بلوزتها\حسبت..
جمانه مشت تسلم على البقيه لكن رجعت وضربت غلا بجبتها وهي تقول\روحي مستشفى المانع..!!ومشت بسرعه..والكل ضحك على المسرحيه اللي من زمان ماشافوها..
وغلا أحترقت واحمرت غيظ وقهر وهي ترمش بعيونها المكحله باللون الذهبي والأزرق\هين..أوريك ياجمانه..!!





هذا أنا جالسه معاهم..
ويقولون جالسه معاهم..!!
أوزع أبتسامات باهته..
وبداخلي..
وش أقول لكم عن اللي بداخلي..
شفتوا الجمره..!!
شفتوا كيف اذا ضوت..!!
هذا انا..
أحتضر موت وقهر..
وبداخلي شوق فضيع أني أدوره بحنايا وزوايا بيته..
ودي أدخل غرفته..
ودي أرجع للذكريات القديمه..
ودي أشم عطره..
ودي أشوف صورته..
ودي أجدد ملامحه بذاكرتي
ودي أقطف فل وأخيبها عن عين الكل
ودي أعلق على رسوماته ..واضحك عليها..
ودي اطير مع احلامي الوهميه..
ودي..وودي..وودي..
لكن ولاشي ممكن يتحقق..
وخطرت فكره في بالي..
وحسيت أنها خطيره..وصعب تنفيذها..!!
وعشان أخفف الألم اللي أعيشه..قررت اجازف وأنفذها..
لكن .....كيف..!!






في أستادالأمير محمد بن فهد بدت المباراه بين الأتفاق والنخبه..
وكل شباب العايله حظروا تشجيع للوليد..

وكانت المباراه بدايتها حماسيه
والكل ماشي على نفس الخطه المرسومه..

لكن اللي يضحك بالموضوع..انه ولا واحدمن شباب العايله يحب هالفريقين لكن حبا في الوليد شجعوه وصاروا ضد الفريق المنافس..
ماعدا عزيز اللي صار حب الأتفاق بدمه وقلبه..
لدرجة أنه تقاسيم وجهه ماتشوفونها من كثر الالوان اللي في وجهه..
نصه اخضر..والنص الثاني أحمر..
ومحكم راسه بشال بنفس الألوان..ويهتف بأعلى صوته باسم أخوه الوليد..
طلال ويصرخ بصوته\ياحمـــــــــار..مو كذا...فاول فاول..يلعنك..
هيثم ويمسك راسه \شوف الحمار..شيسوي..من وين جايبينه هذا..الله ياخذك..لالالا..مو عليه..أيه أيه..كمل..كمل..امش.
سلطان\راسي صده حسبي الله عليكم..جلسوا الكل يبي يشوف مو انتوا بس..!!
طلال\أسكت..أسكت..انا متفاعل حيييل..يالله..بسرعـــه؟؟ياربي بتروح الكوره وهو يتفرج..ياغباءه.. ويفرك يده بقوه...شفتوا..راحت عليه ..
وكانت هاللحظه الوليد بيسدد هدف وخصوصا وانا مهاجم في الفريق..
والكل متفاعل وحاط ايه على قلبه يبي الكوره تدخل المرمى..
لكن...
.
.
.
مادخلت..
والكل سب في الوليد لأنه ضيع فرصه حلوه..
والوليد مو اقل ضيقه منهم رمى نفسه على الأرض وهو ميت قهر..
وصفر الحكم..
وبكذا أنتهى الشوط الأول
تعادل سلبي ..صفر صفر..

جمانه وقامت من مكانها ووقفت في نص الصاله\ياغبــــــي..ياغبـــــــي..شفيه اخوك مايشوف مايفهم..!!صج ثور

ابتسام وعصبت\غبيه أنتي يابقره..أخوي أفهم منك..مالت عليك..
الجده\حسبي الله على بليسكم من بنات..قصروا على التلفزيون ازعجتونا..
غلا بدلع\أنا مدري ليه انتوا مهتمين بالكوره..وععععععععععععع حرق اعصاب على الفاضي..خليني أطلع احسن,,بدال ماأجلس مع هالبقره..
هند\طيب ممكن تستكتون نبي نتابع المباراه بهدوء..وأنتي ياجمانه أستحي على وجهك..احد يقول لولد خاله غبي..!!
ابتسام\أيه ياعمتي أدبيها ...وكشت عليها..
جمانه سكتت لأنها تفشلت من الكل اللي كانوا يتابعون المباراه ومن كثر ماهي منفعله ماحست بالكلام اللي قالته...
لكنها أنقهرت بداخلها كان الوليد يقدر يسدد ..لكن الحظ ماحالفه هالمره..
وجلست مكانها وهي معصبه عليه وودها تشوفه وتعطيه كف على وجهه عشان مايضيع فرصه ذهبيه مثل هذه..
وتذكرت كلام غلا انها هي البقره المقصوده..
وصرخت باسمها ولحقتها وغلا تركض خوف منها وشعرها يتطاير وراها
وجمانه ركظت وراها لكن سمعت الشوط الثاني بيبدى ورجعت للصاله مره ثانيه







قرف..قرف..قرف..

أنا الغبي اللي جلست مع الشياب وماطلعت مع الشباب..
لكن الحال واحد,,
الشياب سوالفهم ماصخه
والشباب طالعين للمباراه
ولأني ماأحب المبارايات اظطريت اجلس في بيت عمي
ولولا الفشيله كان قمت من زمان..
لكن جدي هالمخرف لزم علي اجلس معاهم..
وانا اللحين متملل منهم كلهم..
مالت عليهم..
طلعت للحديقه اللي بره الفله
وظليت أتمشى وأنا اتذكر ذكريات قديمه ومزعجه..
وكلها تدور حول شخص أكرهه واتمنى له الموت هاللحظه..
ومن يدري يمكن مات اللحين..
وحتى لو مامات أنا افتكيت منه وانتصرت بالأخير..
وهذا اهم شي عندي..
طاحت عيني على فل مزروع ببزاوية الحديقه
ولان عندي حساسيه من هالورود..مسكت وحده وظغطت عليها بايدي يأقوى ماعندي..قطيتها على الأرض..ومشيت وانا احس بالأنتصار,,
لمن دعمت بجسم صغير..ومسكت فمي بألم وأنا مغمض عيوني قهر
وتوني بصرخ الا مسكت نفسي وأنا احس أنا شي متعلق فيني..
ويوم أستوعبت اللي صاير..
شفت بنت غريبه والمصيبه أنها طايحه علي..وكلنا جالسين بالأرض
وقف مخي من التفكير..وماقدرت استوعب أكثر..
لمن صرخت هي..
غلا وتمسك شعرها\شعري...هد شعري ياغبي..
وانا لحد اللحين ساكت
غلا وهي منحرجه \شعري..
تركي بغباء\شنوا..!!
غلا\شعري..شعري متعلق......فيــــــ........ــــــك...
وتوني أحس اللي تقوله..شعرها الطويل متعلق بزر ثوبي ووعلى طول وبسهوله فكيته وصرخت من الألم
شكلي قطعته لها وانا مدري..
حاولت البنت نها تقوم من الأرض لكنها هالمره طاحت علي مره ثانيه
ومن كثر ماهي مفجوعه وخايفه ومستحيه صاحت..وانا ميت ضحك عليها وعلي..
لمن رحمتها وقمت ومسكتها من كتفها قومتها معي..
وعلى طول ماكذبت خبر وركظت لمن اختفت فجأه..
وكانها حلم غريب..
لكنه حلو..لأنها هي حلوه..
ياترى من هذه..!!
أكيد وحده من بنات عمي شكلها صغيره..!!
وانا شعلي منها ..
كيفها..!!
ورجعت اتذكر الموقف وانا أضحك من قلب عليها
الصراحه لو أنا منها ماأطلع من البيت شهر كامل..
الله يعينها..
الاخت الصغيرة
الاخت الصغيرة •
بنزل ان شاء الله الرواية كاملة بس ابغى شي يحفز وتقيييم كمان
الجزء الثالث عشر
============



طلعت فوق أسبق الزمن.
مدري أسبقه والا هو اللي يسبقني..
وسرعت من خطواتي
وكاني مجرمه تنتظر عقابها بأي لحظه..
ألتفت يمين ويساري..و محد لاحظ أني طلعت والا انتبهوا اصلا لأن الكل جالس يتفرج على المباراه
وهذا انا اللحين بالطابق الفوقي..وكلها خطوات وأتقرب من غرفته
حسيت الزمن يعيد نفسه..
تذكرت قبل سنين مرت..
كنت كل مره اجي بيته وادخل غرفته..
ومكان احد يدري باللي يصير ..
صح أنه مجازفه خطيره..لكن ماكان يهمني أحد غيره..
واللحين وبهالوقت شفت بابه..باب غرفته..
وأتقربت اكثر وأكثر..
وانا الرجفه مصاحبه كل خليه من خلايا جسمي..
الموقف صعب..
صدقوني الموقف صعب علي..
ياربي ثبتني..
يارب..
حطيت ايدي على مقبض الباب وغمضت عيني وانا قلبي طاير..
أحس أنه طار للغرفه قبل ماأدخلها,,,
وتوني بشيل ايدي عن المقبض..وبحطها مره ثانيه عشان افتحها..
لكن..
وللأسف..
انا الغرفه مقفله..
..
..
دموعي نزلت غيظ وقهر..
ليه كل الأحلام تبخرت..
ليه عيشت نفسي بشي مستحيل
ليه كل ماأتقرب من الحلم يبتعد..
رجعت وأنا أزف روحي لقبري..
لقبر احزاني..
حكايتنا بتظل مستحيله..
وأحلامنا بتظل وهميه..
تسندت على الباب وطحت على الأرض وانا أبكي الم..أبكي وجع..أبكي عذاب..
أبكي هالباب اللي يفصل بيني وبينه..
مصيبه اذا شفتي الحلم قدامك وماتقدر توصل له..
مصيبه اذا مافي شي يهون عليك الالامك..
واكبر جريمــــــه..
أنك تحب وحبك محكوم عليه بالأعدام الأبــــــدي..
\
/
\
/
كم عمري اللحين..!!
28 سنه..
وكم بقى لي شهر عشان أدخل ال 29 ..!!
بقى لي 8 شهور..!
شفتوا كيف العمر يمضي..
شفتوا كيف الزمن دوار..!!
لا..والمشكله..بدون هدف..!!
حسافه على العمر اللي ضاع ياوسف...
حسافــــــــــ..........ـــــــه..
حسافه يايوسف..

وبعد فترة عذاب بالنسبه لي..
مشيت دموعي بصعوبه..والكحل تلخبط مع دموعي..
ورتبت شعري اللي طايح منه خصلات ورفعته..
وقمت من ألأرض..وأستعدلت..
وانا أقوى.واقوى..
قلبي صار صخر..
تعب من تحمل هالصدمات..
وصار ضعيف..ضعيف...ضعيف وتعبان.
ورجعتت للدور التحتي..
وأنا مستعده لهموم جديده..وجرح جديد ينزف..
وأبتسمت..
وظحكت..
وتكلمت..
وساعدت..
وعاونت..
وأديت التمثيليه اليوميه بكل أتقان ومهاره..
ومحد يدري..
ومحد يحس..
ولا احد بيعرف وش ورى هالأبتسامه..؟!!
::::::::::::::
:::::::





توني طالع من عند الدكتور سمير..بعد ماأنهيت جزء بسيط جدا من تخطيط الصاله..
وهالجزء كلفني يومين بــ لياليهم ...لكن ولا كأني سويت شي
والصراحه ماكنت متوقع أنه الصاله بتتطلب مني شغل كثير ..صحيح أنه المساحه صغيره..
لكن التخطيط..والرسم..وبعدها الألوان..والشكل العام بياخذ مني وقت..
الله يعيني..
لكن اللي سهل علي أنه اغلبية السقف منحوت بأشكال غريبه وممزوجه بلون الذهبي وألاخضر..
وهذا الشي ريحني كثير لأني ماعمري رسمت بهالمساحه..
وبحاول أنه تكون الألوان متناسقه ..عشان تطلع احلى..
ركبت سيارة الفلا الخاصه عشان توصلني لشقتي..
ناظرت الساعه وكان الوقت المتأخر..
وأنا أحس بالجوع والعطش..
وكنت ابي اوصل بسرعه عشان اكل شي وانام على طول
ويوم وصلت نزلت بتعب وفتحت باب الشقه ..
وزي ماتوقعت لؤي نايم وأنا المسكين اللي أكرف ليل ونهار
قطيت جاكيتي واغراضي على الكرسي..
رحت للمطبخ على طول وأنا احاول أفصخ الجوتي بصعوبه..
,احس أنه مافيني حيل شوي وبطيح..
ولمن انجزت مهمه فك الجوتي.فتحت الثلاجه وسندت جسمي فيها وأنا متمايل..
طلعت علبة المرتديلا والجبنه والتوست..وعصير البرتقال..
وعلى طول وأنا نص مفتح ونص مغمض سويت لي توست سريع.هذا أكلي الحالي..
لاعت كبدي منه,,
تذكرت أمي..
تذكرت طباخها الحلو..
الله عليك يايمه..كنتي ترغميني على الأكل وكنتي تأكليني بايدك غصب عشان اكل..
لكن اللحين يايمه ولدك يجوع.. ويموت من الجوع..ومايلقى الا القليل عشان يسد جوعه..!!
يالله..هذه الدنيا,..يوم لك..وسنين..عليــــــــــــــــك..!
طلعت من المطبخ..وانا أكل التوست وأشرب العصير..
وتوني بدخل الغرفه لكن ماقاومت..وعكست اتجاهي ورحت لملجأي الوحيد..
رسوماتي..
شلت الغطا على الرسمه اللي أعشقها بجنون وتأملت فيها وكأني أول مره اشوفها وأرسمها..
دققت فيها اكثر..وماخاب ظني يوم سميتها باسمها..!!
كانت الرسمه عباره عن لونين..
تدرجات الأسود اللي تغلب على اللوحه..والأصفر الباهت اللي بلون القمر..
كانت بسيطه لكن فيها األف معني ومعني..
كانت رسمه لــ بنت وباين نص وجهها..لكن الملامح مو معروفه وكأنها صماء..
والنص ثاني مغطى بشعرها الأسود..
وكانت ماخذه تقريبا نص اللوحه من الجهه اليسرى..
وكان قبالها صوره لجبال ثلجيه وبعيده وملونه باللون الأصفر الباهت..
وكانت هي تناظر وتتأمل هالجبال البعيده وتكتشف شي فيهم مو مفهوم..
وكأنها تنتظر شي أشبه بالمستحيل..
كانت روعه بتأملاتها وطولة بالها وخصوصا نظرة عيونها الحزينه والناعسه..

كانت اللوحه بسيطه لكنها تحكي ألف معنى ومعنى..
كانت تحكي قصه غريب..عجيبه.مالها نهايه..
وسميتها باسمها
فجـــــــر..

ومدري ليه طرى علي كلام لؤي هذه اللحظه..
معقوله..معقوله اقدر بهالشيء أرجع السعوديه..
لكن انا مافكرت اني اسوي اللي طلبه لي الدكتور طمعا في فلوسه..
انا ماتهمني فلوسه..
وكل اللي سويته لأني أحب أرسم ..وحتى لوماعطاني مراح ازعل لأني انا سويت هالشي حبا فيه..
ذكرني بذكريات حلوه وقديمه..صج تعذبت ساعتها...لكن الأمل زاد في نفسي أكثر ,اكثر..
وعطاني الثقه بكلامه بدون مايحس..
وكنت لحظتها بقوله سبب غربتي لكني تراجعت..مدري ليه تراجعت..
خفت أنه مايفهمني أو تتغير نظرته لي..
خفت أنه مايصدقني..
لكن مدري ليه أحس أنه يعرف كل شي عني..
لدرجة نه احس يقرى افكاري..
وغير كذا أرتحت له بشكل مو طبيعي..
آآه بس..انا ليه افكر كثير..خليني أبعد نفسي من هالأفكار اخاف اندم على أحلامي الكبيره..
وأرجع محطم ساعتها..
وكل شي مع الأيام بيتبين اكثر..
وبنشوف وش الله كاتبه لي..!!
خليني أروح أنام أحسن..
بكره وراي شغل من الصبح..
ولازم اصحى بدري..
رميت أخر نظره للوحه..وغطيتها يالقماش..
وطلعت للغرفه وعلى طول طحت على السرير بقوه عشان أقهر لؤي وهو الأخ في سابع نومه لدرجة انه ماحس..
وانا مالي خلق ألعوزه اكثر لأن فيني نوووووووووووووم..ونمت على طول باستسلام.
:::::::::::::::::::::::::::





نرجع للمباره ولحد الآن تعادل سلبي صفر صفر...
لكن الفرق اللي بالشوط الثاني أنه زاد الحماس أكثر وكل لاعب يحاول يعرض مهاراته قدام الفريق المنافس له
ولمصيبه أنه الجو حار جدا لأن احنا بعز الصيف والعرق ينقط من جبين اللاعبين ومابقى الا ربع ساعه وتنتهي المباراه ولحد اللحين محد تحرك كلن على أعصابه والكل يبي يسدد وكذا مره حاول فريق النخبه يسدد لكن الكوره ياتطلع فوق المرمى أو أنه حارس الأتفاق يمسكها بكل براعه..لمن جاء شي غير متوقع وصعب بهالوقت..
الوليد وهو يحاول يطلع الكوره من الاعب رقم 2 ضربه ضربه قويه برجله بدون قصد وطاح الاعب و مشى بالكوره..وماوعى الا بصفارة الحكم والكرت ألأصفر بأيده وطبعا هالوقت الضيق مو مناسب لكروت صفراء ..
والمدرب التفاق عصب مووووت وبدى يسب الوليد اللي مش طالع له من زور,,
تجمعوا لاعبين الأتفاق على الحكم وهم يحاولون يعرفون سبب هالكرت الأًصفر..
وولوليد شوي وبيزنطه على أنه هو الغلطان لكن ذيك اللحظه الكل اعصابه وصلت حدها ويبي أي شي عشان يتخانق..<<هذا مشكلة نقع فيها كثير..الحكام اللي مدري من وين لاقطينهم..والعصبيه الزايده عن حدها..
ثامر جاء مسرع وشوي بيشوت الحكم\خير..خير...ليش تعطيه كرت اصفر..
الوليد وحاط ايده على راسه وصرخ بعصبيه\ماسويت شي...يخليني أخذ كرت اصفر..
محمد\موعلى كيفك تعطيه بدون سبب..فاهـــــم
الحكم كان ياباني و مش فاهم شي منهم والكل يسبه من جهه وهو يتحرطم عليهم وحاول يكلمهم باللغه ألأنجليزيه لكن طنشوه وقعدوا يسبونه ..
لمن أعلوا بالمايك الكرت الأصفر للوليد...
وبدوا يلعبون الربع ساعه الأخيره..
والوليد متوعد فيهم كلهم..وبنفس الوقت متضايق لأنه المدرب بيمنعه من المباراه الثانيه مع الأهلي..
حاول ينسى كل شي ويركز باللعب وخصوصا انه مابقى غير القليل وبتنتهي المباراه..
:::::::::::::::::::::::::::::::



نجي عند الحريم..
الحريم ملوا من هالكوره والمعركه اللي صايره بين جمانه والبنات عشان الكوره..
وأظطروا يروحون غرفة الحريم ويسولفون على راحتهم..
ومابقى غير جمانه وابتسام اللي متصنيمن تحت التفزيزن خايفين تفوتهم أي لقطه..وفجر وراوين وريوف جالس على الكنبات ويسولفون..
ابتسام تناظر جمانه اللي شوي وبتتكلم لكن أمنعتها من الكلام\اووووووووووووص..اوووص ولاكلمه..ماأبي اسمع شي..والله ياويلك أن قلتي شي عن اخوي..!!
جمانه اتفاجأت من هالتهجم الغريب وفتحت عيونها على الأخير.. وعشان تبين انه أيزي أسكتت وهي بداخلها ميته ضحك على أبتسام اللي ماترضى على أخوها

وفجأه تذكرت جمانه غلا..وأستغربت وينها..!!
جمانه\أقول بنات وين غلا..ماشفناها..!!
راوين\يمكن تلقينها تصلي بغرفة الحريم.
ابتسام \او يمكن بالحمام تعدل مكياجها..وتشوف جمالها الخلاب..
جمانه\على طاري الجمال الخلاب...كأني سمعت أن سماح رجعت اليوم صحيح..!!
فجر\أيه رجعت اليوم..لكنهم ماقدروا يجون اليوم...عشان يرتاحون
ابتسام\ياحليلهم والله..وقسم يالله أشتقت لسماح وسوالفها..!!
راوين بابتسامه\كلنا اشتقنا لها..
جمانه ولفت وجهها عليهم\طيب لو سمحتم اسكتوا نبي نكمل المباراه..
فجر ورواين طنشوها وكملوا سوالفهم..وفجأه تكلمت ريوف اللي جالسه بحضن فجر وهي معصبه على جمانه..
ريوف\بثثثثث..بث..ثهقتوني..ومسكت راسها..كله... اثعاج..(ازعاج) أثعاج..راسي يعورني..
فجر ماتت ضحك على ريوف اللي حتى هي منزعجه من صوت التلفزيزن وضمتها بقوه\حبيبتي والله..كل هالفوضى بسبب بنت خالتك جمانه..
جمانه وعينها على التلفزيزن\ريوفوا ماني فاضيه لك اللحين..خلي تخلص المباراه وأوريك الأزعاج اللي على اصوله..
ابتسام\وين غلا بس وقسم بالله محد يقدر يسكتت غير غلا..!!
وقامت جمانه وحطت ايدها على على خصرها وهي بتبدى خناقه جديده\لا والله..أيش شايفتني ماأقدر لغلا..خليهابس تجي والله لأوريها مين جمانه..!!
وبهالحظه صرخت ابتسام وقامت وهي تنطنط..وتقول..\أخيييييرا..اخييييرا..جبنا هدف أخييييييييييرا..
وعلى طول جمانه لفت وجهها للتلفزيون وجات لقطة كل الاعبين قاطين نفسهم على الوليد..
يعني شنوا..!!
الوليــــــــــــــد
جاااااااااااااااااب
هــــــــــــــــدف
يـــــــاهـــــــــــــــــــــووووووواااااااااااا
ونست جمانه كل شي وقامت تنطنط مع ابتسام الفرحانه..
وفجر وراوين يضحكون عليهم وريوف تأشر بوجهها وتقول والثكر...مجانين..

ابتسام\ونـــــــــــــأسه..اخوي جاب الهدف..ونااااااااااااااسه..وااااي بروح اقول لهم..ونااااااااااااااسه..
وجرت جمانه معها ..تعالي معي..
جمانه بخبال مدري من وين جايبته\يالله..
:::::::::::::::::::::::






طلال وفرحان ويصرخ عشان الشباب يسمعونه\والله وجبتها ياالوليد..وطيحتهم كلهم..
سلطان وبنفس الصوت\طالع علي ولد اخوي..
هيثم\ماسمعت عيد اللي قلته..!!
سلطان وتفشل\أحم ولاشي..ههههههههه..خلص عاد انطموا خل
هالدقايق تنتهي على خير ..

ومشى اللعب بتوتر فظيع..
الأتفاق يطمحون بهدف ثاني عشان يكسبون المباراه
والنخبه ماقدروا غير يدافعون عن مرماهم..
واللحين يلعبون بالوقت بدل ضايع..
ومابقى غير دقتين وتنتهي المباراه..
وبدت أصوات الجماهير تتعالى وتصفر بصوت عالي لأنه خلاص شوي وبيصفر الحكم وينتهي كل شي..
وبالفعل صفر الحكم معلن أنتهاء المباراه بفوز الأتفاق على النخبه..1_0
ونزلوا الجماهير على الملعب وأزدحم الملعب بسبب الجماهير والمصورين والاعبين...
وعلى طول النخبه طلعوا من الملعب وكل واحد بوجهه علامة الحزن..والكل رفض يطلع للكاميرا لأنهم حاطين في بالهم بيفوزن خصوصا أنهم أكثر من مره سددوا بالمرمى لكن الحظ ماحالفهم هالمره,.
أما الأتفاق مسوين بالملعب هيصه ولعب وأغاني وعرضات من فرحهم..ومابقى لهم غير مباراه ويتقدمون للدور الثاني ..
الوليد طبعا ميت من الوناسه والفرحه باينه بملامحه ووده يشوف المدرب عشان يكسر عينه لكن جاء مذيع من قناة السعوديه ويبي يسوي معاه لقاء صحفي على السريع<<مصدقه نفسي..صايره محلل رياضي^_^
وعلى طول المذيع مسكه وسلم عليه عشان مايروح ويتركه..
المذيع\مبروك كابتن الوليد على الفوز
الوليد\الله يبارك فيك..
المذيع\لمين تهدي الفوز.!!
الوليد\الحقيقه أهدي الفوز للأمير محمد بن فهد حفظه الله ورعاه..وكافة الشعب السعودي وبالأخص جمهور التفاق..وماأنسى أهلي اللي وقفوا معي..!!
المذيع\طيب هل تتوقع الحكم ظلمك في الكرت الأصفر..!!
الوليد وابتسم أخيرا\والله شوف انا ماأنكر اني غلطان لكن كان ردة فعلي طبيعيه وماكنت قاصد الخطأ..لكن حاولت ابين قدراتي وسددت هدف بالدقايق الأخيره..
المذيع\مره ثانيه ابارك لك الفوز..وان شاء الله من تقدم لتقدم أخر..
الوليد \مشكور أخوي يعطيك العافيه...سلام...
وجاء هاللحظه هيثم وسلطان وطلال وعبد العزيز وعلى طول عبد العزيز حضن اخوه بقوه ورفعه الوليد على فوق.
الوليدها شرايك فيني...
عزيز رفع ايده على فوق وطلع عضلاته\بطــــــــــل..اخوي بطل..
هيثم\أوه موكأنك سافطنا..!!والا الشهره نستك عيال عمك
الوليد\أفا والله عيال عمي واسفطكم..وماعاش مين ينساكم..
سلطان\مبروووك يالخبل..
طلال\مبروووووك فشلتنا..ليه خذت كرت أصفر..!!
الولي\يمه منكم كلكم منقهرين مني..مافي الا عزيز اللي فاهمني..
سلطان\هههههه نضحك معك صدقت أنت..المهم بتطلع اللحين للبيت..
الوليد\لا ماأقدر أطلع اللحين أجيكم بالليل ان شاء الله..
طلال\أوكي احنا طالعين ويبي لنا نص ساعه عشان نوصل البيت مع هالزحمه..
الوليد\الله يعينكم..
وهالوقت جاو شلة شباب يسلمون على الوليد ..والوليد ابتلش وترك عيال عمه وسلم على الشباب
وقال لهمانه بيشوفهم بالبيت.. واشروا عليه من بعيد أنهم بيرحون ومشوا ..وعزيز بالمووت رضى يفك اخوه..ومشى غصبن عنه معاهم..
:::::::::::::







مسكت قلبي..
صدقوني مسكته..
خفت أنه يطلع من كثر نبضاته
(وبلهجه باكيه وناعمه)..:
ياربي..شفيني..!؟
صار لي أكثر من نص ساعه بالممر اللي جنب الحمام عشان محد يشوفوني..
احس بحراره..هوخلقه حراره ..احنا بعز الصيف..!!
بس هالمره الحراره زادت..!!
يمكن لأن مافي كوندشن هنا..!!
والله أنك ياغلا تافهه وغبيه..
اللحين انتي تفكرين بالحراره..!!
فكري بالمصيبه اللي طحتي فيها..!!
لا..هذا مش مصيبه هذه كارثه..!!
والله لو يدرون اهلي بيذبحوني وبصير علك في حلق جمانوا..!!
اكيد بتضحك علي لو درت..!!
لكن أنا ماسويت شي..!!
أيه ماسويت شي..كل اللي سويته أني طلعت بره عشان اهرب من جمانه العجوز ودعمت بجدار قدامي..حتى هالجارد مدري من هو..
ولافكرت حتى اعرف من هو..
اول مره اشوفه بحياتي..!!
طيب وش دخله بيت عمي..!!
معقوله يكون حرامي..<<غبيه..معليش عذروها من كثر الفاجعه اللي طاحت فيها
لالالا وش حرامي ياغلا..لو حرامي ماكان لبس ثوب وغتره..وأصلا شكله كشخه..لكن انا اكيد احلى..
لا وبعد عرفتي أنه لابس ثوب وغتره..!!صج أنك بلوه ياغلا..
لاتفهموني غلط يوم طحت وياه بالأرض طاحت غترته معاه..يعني شي طبيعي بشوفها..
طيب ماعلي من هالأشياء التافهه اللحين وش بسوي؟؟
أطلع والا ماأطلع..!!
واذا طلعت أقولهم باللي صار..!!
والا أسكت..!!
لالا مش قايله لهم..وش بيفكني من لسانهم هذيلا..
طيب على الأقل بقول لــ فجر هي الوحيده اللي بتفهمني ..لكن مش اللحين بقول لها اذا رجعنا البيت..
طيب اللحين خليني أرتب شعري..وهالمكياج اللي منعفس..
والله أني فاضيه ..بس شسوي..ماأقدر اطلع كذه..
وعلى طول رتبت شعري وهالمره رفعته..الصراحه تبت عقب هالحادثه المحرجه..
وغمضت عيوني..اووووف ياربي ليه اتذكر اللحين وش صار..
مأأبي أتذكر..احس بفشيله وأحراج..
خلاااص..خلاص ياغلا..أنسي..أنسي وقوي نفسك ,اطلعي لهم..ولا كان شي صار..
مستحييل ماأقدر أنسى ..ياربي..اكيد اللحين وجهي أحمر وأكيد بيستغربون مني..
كرهت وجهي والسبب هاللون الأحمر.. طيب
واذا قالوا لي وين كنتي بقول لهم بالغرفه كنت اصلي..
اذا سالوني وشفيه وجهك أحمر بقول لهم أحتريت بالغرفه
واااااااااااو..عفيه عليك ياغلا ..صرتي اكبر كذابه بالعايله..
يالله خليني أطلع الوقت يمشي وأنا أضيغه بغبائي..
وبالفعل طلعت وأنا سامي بسم الله ..
ومن سوء حظي أني قابلت جمانه وفجر وراوين بوجهي وتغذيت فيها قبل ماتتعشى فيني..
غلا بصوت عالي أول مره يطلع منها ..
\لا تتكلمين ,انقلعي عن وجهي ..أنتي فاهمه.!
جمانه\ليه..خير ان شا ءالله..
غلا وكل حرتي طلعتها فيها لأنها هي سبب الموقف البايخ\بس كذا ..ياأختي ماأحبك..كيفي حره..
جمانه\شوفي انا مزاجي ؤايق..ومالي خلق اعفسد بتفاهتك يالدلوعه..ومشت..
غلا\احسن.وجلست بالكنب جنب فجر وراوين..
فجر بهدوء\شفيك غلا..!!ليه صرختي على جمانه
غلا\بس..كذا ماأطيقها..
راوين بطنازه\شي طبيعي..من متى أنتوا تظحكون مع بعض..!!
غلا\هذا انتي قلتيها..من متى احنا نضحك نع بعض..
راوين\لالالا امزاج اليوم مو مظبوط..ياأختي أفرحي الموته وحده..
فجر بجمود غريب\أي والله..الموته....وحـــده..
راوين\أقول ..اليوم بتنامون في بيت جدي..صح..!!
فجر\والله مدري..اخاف جدتي تطردنا..!!
رواين\لاوالله أنا اللحين جايه من الرياض عشان اتم لوحدي..
غلا وتذكرت أنها لازم تكلم فجر بالموضوع واذا ناموا بيت جدهم صعبه أنها تقول لها فعلى طول قالت بعصبيه
غلا\لا..مش نايمين بيت جدتي..!!
راوين ومتفاجأه\ليه..!!
غلا\ياأختي بس كذا مانبي..!!وتأففت..
راوين وتضايقت مره\مشكوره يابنت عمي..يجي منك أكثر..وقامت وهي متضاقيه من غلا وتعاملها الوقح معاها..وهي أصلا متضايقه من قبل لأنها أول مادخلوا سمعت الحريم يتطنزون على أمها..وأمها المسكينه على نياتها تفكرهم يضحكون معاها..وغير كذا سالفتها ويا مبارك..
باختصار.كل شي هالأيام تجمع ضدها..
::::::::::::::::::






توني مسكره من اختي مريم..وقالت لي أنهم مجتمعين بيت عمي محمد...ووناسه عندهم وبيسهرون االليل كله..
حسدتهم الصراحه..
من زمان عن جمعة البنات ولمتهم..
ودي اشوفهم اشتقت لهم والله..!!
وأستحيت اقول لأحمد يوديني لهم مدام هو عنده شغل... أووووف
واللحين صارت عشر ومارجع...
ياذا الشغل اللي مايخلص..
..والله طفشت..
لبس ولبسته..ومكياج وحطيته..وعشاء وسويته.. والشقه ونظفتها..وهو لساء ماجاء..!!
تذكرت أنا عندي ملابس لازم اكويها يوم جينا من السفر ولأن مالي خلق أبدا وتركتها..
فتحت التلفزيون وظليت اكثر من نص ساعه أفرر بالمحطات ومو ثابته على قناه معينه..
كل اللي فيها ماصخين..ومافي شي صار مهم عشان اتابعه..
حطيت على قناة المجد وكان البرنامج المعروض *سواليف*
احب هالبرنامج بجنون أحس أنه هالنص ساعه اللي تعرض فيه تخلص بسرعه من حلاوة البرنامج..
وأندمجت الصراحه ونسيت الطفش..
وانتهى البرنامج..وأحمد لسه ماجاء..
والله حسافه على اللبس اللي لبسته نظارت تنورتي البرتقايله القصيره..والبدي المدموج بالبرتقالي والذهبي..
أحب دايم البس البرتقالي لأنه شعري يناسب له كثير والمكياج اللي حطيته يبيلي ساعه عشان امسحه..
دخلت غرفتي وأنا مقرره اني أبدل وخذت لي ملابس بيجامه ودخلت اتسبح ..وفتحت الماي عشان يتعبى البانيو..
والا وسمعت صوت فتح باب..طليت من بابا وشفت أحمد يناديني..
وعلى طول سكرت الماي..وطلعت وانا ميته فرحه لكن سويت نفسي معصبه عليه..

حطيت ايدي بخصري وناظرته بنظره ناريه وبديت بالهجوم\بــدري..!!
أحمد وفيه الظحكه وقرب منها\بدري من عمرك ياحياتي..وباسني بخدي برقه.. وهمس بأذني..وحشتينـــــي....
طبعا أنا كل العصبيه اللي مثلتها تبخرت..وحلت بدالها أبتسامه..عرف كيف يذوبني....وسألته باحراج
سماح\ليه تأخرت..!!
احمد مسكها من ايدها وجلسوا على الكنبه\شسوي ياعمري..تركت الشغل اسبوعين وكله تراكم علي...!!المهم أنا ميييييييييييت جوع..ترى باكلك اذا ماحطيتي العشاء اللحين..
سماح وزاد احراجها وماعرفت شو تقول\لا والله..
أحمد\أيه والله...كيفي.....وحلالي..!!والا عندك مشكله..!!
مارديت عليه وقمت عشان ماأتبخر وأذوب قدامه ..وقمت وحشرت له العشاء اللي أصلا مخلص..بس سخنته بالمكيرويف..وحطيته على الطاوله..
وناديته وتعشينا وكان هو صادق في كلامه شكله ماأكل شي من الظهر,,
وظليت اناظره وأنا مش حاسه بنفسي..
كل يوم يزيد حبه بقلبي..وأحس من كثر ماأحبه ماأبيه يبتعد عني أبيه يكون ملكي أنا بس..
ياربي شكثر كنت غبيه يوم كنت ارفضه بسبب مرضي..
ماكنت ادري أنه هو الماي اللي أرتوي منه..
أحبك.
أحبك ياأحمد..
أحمد بابتسامه\خلصتي تأمل..!!والا بقى شي ماشفتيه فيني..!!
فشيييييييييييييييله...
وقسم بالله أني ميته احراج..سكت..
ونزلت عيوني بالأرض.
وشفته يكمل أكله..وبعدها قام..
احمد\..تسلم أيد اللي طبخه..
طبعا مارديت عليه..وهو راح يغسل..
وأنا قمت اشيل الصحون وأحطهم بالمطبخ..وظليت فتره اغسلهم..ويوم خلصت غسيل..أستحيت أطلع له..على أني كنت أبي أجلس جنبه بس أستحيت..لحد اللحين أنحرج منه..واليوم احرجني بما فيه الكفايه..
قررت اسوي شاي..وقهوه..عشان اضيع وقتي..
ويوم خلصت..سميت وطلعت..
وشفته يتفرج على التلفزيون ولابس بيجامه..وشوي وبيسكر عيونه..
ياعمري أكيد تعبان وفيه النوم..
ويوم حس فيني قام وشل الصينيه..وأنا هنا أرتبكت اكثر..وبعدها اشر لي أني أجلس جنبه وجلست..
وسكتنا..
وتوني أتذكر أني ماصبيت شاي له..
أوووه..شفيني اليوم..اللي يشوفني يقول أول مره اجلس معاه..
يمكن لأن تونا اليوم واصلين..وأول مره نجلس لوحدنا بالشقه...يمكن..!!
المهم صبيت له شاهي..,,ابتسم وشكرني..وشكله كذا كان يتطنز علي..!!
وصبيت انا بعد شاهي..وجلسنا نتفرج على التلفزيون والكل ساكت..
لمن جات اغنية حبيب احمد؟.
محمد عبده..
الأماكن..
وعلى طول..ترك احمد الشاي وطول على الأغنيه كلها..وأنا شوي وبذبحه..ماأطيق شي أسمه محمد عبده والأماكن بالذات تجيب لي النوم من كثر ماأسمعها<<ماعندها ذوق..
أوووف..صدع راسي هالعبده..
+++++++++++++

الأماكن اللي مرت أنت فيها عايشه بروحي وأبيها..
بس لكن مالقيتــــــك..!!
جيت قبل العطر يبرد.. قبل حتى يذوب في صمت الكلام وأحتريتــ,,,,,ــك
كنت اظن الريح جابت عطرك يسلم علي
كنت اظن الشوق جابك تجلس بجنبي شوي
كنت اظن وكنت أظن وخاب ظني ومابقى بالعمري شي
واحتريتــــــــــــك..
الأمــــاكـــــــن
الأماكن..كلها مشتاقه لك..مشتاقه لك..
++++++++++++
أحمد بحالميه\تدرين هالأغنيه..كانت تعني لي الكثير..!!!
وسكت أنا..ابيه يتكلم..
احمد\تدرين..قبل مانتزوج..وقبل حتى ماتوافقين..كنت دايم أحطها..كنت احسها مكتوبه لي..كلماتها لي أنا..
كنت أتألم لألم كلماتها..كنت اعيش هالأحساس,,كان احساس صعب..كنت ضايع بدونك ياسماح..وكنت انجرح اذا رفضتيني..لكن كنت اقاوم وأخطبك ثانيه وثالثه ورابعه ..ومايأست ابدا..كنت متمسك فيك..
وكنت احتريك كل يوم..وكل ساعه..وكل ثانيه..ومحد داري عني..!!
لكن اللحين ...الله حقق ومرادي وتزوجت الأنسانه اللي ظليت سنين احبها بصمت..
وصدقيني مستحيل اتخلى عنك ..مستحيل حتى المرض اللي أنتي تعانين منه مراح يأثر فيني..بالعكس..بيزيدني تمسك فيك..لكن اللي أبيه منك توافقين على طلبي..!!
سماح\.....اللي هو..!
احمد\أنا بحجز لك موعد مع الدكتور يفحص عليك..وأتمنى انك توافقين عن طيب نفس..وعرفي أنه كل اللي أسويه عشان اسعدك..ماأبيك تتضايقين من أي شي مدام أني حي ..
ظليت افكر بالطلب اللي عرضه لي أحمد..لكن لني كنت متشوشه ومش قادره استوعب..سكت وبعدها تكلمت بصرامه.
سماح\عطني مهله افكر..
أحمد\خذي راحتك حبيبتي أهم شي تكونين راضيه..و يالله خلينا نروح ننام..فيني نووم وتعبان..اخاف انام عليك اللحين..
سماح\هههههه..مومهم نام وبشيلك لكن اذا ظهري تكسر بقول أنت السبب...
مارد علي واكتفى بابتسامه هاديه..
..وسكر التلفزيون..ومسكني من ايدي ودخلنا غرفتنا..وانا أبتسم له لكن أفكر بالأعترافات اللي قالها لي ..
:::::::::::::::::::::::







قبل نص ساعه وصلنا بيت عمي بعد ماهد حيلنا طرق الدمام..كان زحمه بسبب هالمباراه..وعلى طول حطوا العشاء وطبعا ماسألوا وين الوليد لأنهم يدرون أنه بيتأخر..
وشفت الفرحه بعيون عمي محمدعشان ولده فاز بالمباراه..وفرحت لفرحته أكثر من فرحي للوليد..
عظيم هالرجل..!!صمته عظيم..!!
أحس أنه بداخله كلام كثير..ووده يفرغه..
دايم اذا شفته أتالأم لألمه..أحس أنه متعذب والحزن باين بعيونه..
واليوم شفت فرحه بعيونه..لكن حتى هالفرحه كانت هايده ومالها أي أثر..
غصبن عني دمعت يوم تأملت بعيونه..وعلى طول مستها بأصبعي..وأنسدت نفسي عن الأكل..!!
صعب تشوف أنسان يحس بالظلم وتظل مكتف الأيدين..وأنا أحس بهالشي كل ماشفت عيونه..
كنت عارف..والكل عارف انه التفكير ذبحه بولده يوسف..!!
آآه يايوسف..!!وينك اللحين ميت والا حي..!!
وبين تفكيري بيوسف..دخل علينا عزيز..وهو ميت ضحك..!!
ويوم سأله جدي شفيه..!!قال لنا (هناك البنات ذبحوني..كله يقولون ..وين الوليد..وين الوليد..أوووف زهقوني..!!)
وعاد جدي ماقصر ..قال لعزيز قول لهم(أستحوا على وجهكم شتبون في الولد..)وعلى طول عزيز ماكذب خبر وقال لهم..!!
وعلى طاري البنات.. تذكرت راوين..!! وغصبن عني أبتسمت
ياترى شتسوي اللحين..!!
أرتاحت بسفرتها والا لا..!!
أكيد أرتاحت..!!وأستانست بعد..!!
ياربي كيف اخذ أخبارها..سماحوا..متزوجه..وسميه ياويل اللي يكلمها..!!
اووووف..لو عندي خوات زي الناس كان توسطوا لها عندي..
يالله..الله كريم..وبيجي الفرج ان شاء الله..
وطاحت عيني بــ تركي..شفيه ذا بعد..!!
شيفكر فيه..!!ليكون يحب..!!أيه اللحين اللي يسرح معروف أنه يحب..مافي غير هالجواب..
لكن اقطع أيدي ورجلي بعد..
اذا هالقلب يحب..هو خل يحب أهله أول عشان يحب غيره..! مالت عليه..أتشائم اذا شفته أحس أنه أخبث مخلوقات الله..أستغفر الله العظيم..الله يستر منه..!!
:::::::::::::::::::







بعد ماخذت العفو أني أرجع البيت..وطبعا الشي جاء بعد صبر طويل..
..ركبت السياره على طول..وانا متشقق..
متشقق وناسه..!!مين قدي اليوم..هدف وجبته..وفوز وفزته..
وأهم شي بالموضع أني بقهر المغروره جمانوا..أكيد اللحين مقطعه نفسها من القهر..
ياربي لو حلال علي أشوف هالمغروره كان شفتها اليوم وظحكت عليها,,
بس حسافه..مو حلال..!!
ومن حظي النحس أنه بهالشارع في اشاره محطوطه..وهالأشاره تجلس فيها سنه عشان تفتح لك.. ياربي متى بوصل..أوووف وزحمه بعد..!!
يعني لازم الظغط والسكر يرتفع هاللحظه..سمعت صوت من برى ويوم لفيت لقيت مجموعة شباب.بسوبر يباركون لي من بعيد..ظحكت لهم وسلمت عليهم من بعيد وانا فرحان لهالحلم اللي ظليت سنين طويله اتمناه..و تحقق ومابقى غير القليل... وأشتغلت الأشاره..وطيرااااان لبيتنا..وكلها عشر دقايق ووقفت قدام البيت وأنا اهرن هرنات عشان اللي ينايم يصحى من نومه..ادري باخذ تهزيئه من جدي ..لكن كيفي اليوم فرحان ولازم أعبر عن فرحتي..ناظرت نفسي نظره اخيره بالمرايه ورتبت شعري الطايح بسبب هالحر الطاقي..
ونزلت من السياره..وعلى طول للمجلس وانا اصرخ بصوت عالي ,اظحك..

الوليد\وخروا...وخروا...وخروا..الوليد بشحمه ولحمه جاء...!!
وكأنهم ماصدقوا خبر..وكلهم قاموا يسلمون علي..لكن تركتهم وعلى طول رحت لعمامي اللي جالسين جنب بعض وسلمت عليهم و جدي اللي ضمني وبعدها سلمت على أبوي اللي الفرحه تقطر من عيونه..
محمد \مبروك ياولدي..!!وسكت وهو يدقق النظر فيني...ارتبكت بنظرته وعلى طول مسكت نفسي ورديت عليه
الوليد\الله يبارك فيك يبه...
ماجد\ها ياالوليد..كم بقى عاشن تخلص الدوري..!!
التفت لعمي وقلت له\بقى مباراه وحده..والله يستر منها..
بو أحمد\الله يوفقك ياولدي...
الوليد\آمييييييين..
سلطان وهجم علينا فجأه بكلامه\أقول يالوليد..ياحظك مدام أخواني فرحانين فيك...انا اخوهم واسم انه أخوان..
الوليد \مشكله الغيره..أعترف انك منقهر مني...
سلطان\مالت عليك..حق شنوا أغار..أنا اغار منك يالخبل..
الجد\ سلطانوا ويهد أسكت احسن لك...أنا ماأرضى على الوليد..
سلطان وقام من مكانه\لالالا خلاص أنا مالي قعده هنا..حتى ابوي يالوليد بتاخذه مني. واحمر وجهه من الغيظ...وقال...يقطع بليسك عليك حظ مو بصاحي..!!
والكل ضحك على كلام سلطان..وانا استئذنت منهم لأني أبي أبدل واسلم على جدتي..ومن داخلي رغبه فظيعه اني أشوف جمانوا المقهوره..

ولأني من أهل البيت دخلت وأنا اتحنحن واقول ياحريم أتغطوا ..
:::::::::::::::::::::



ظليت جالسه مع ابتسام..وبداخلي منقهره..لأني شوي وبنروح البيت..
ولو سمحتم بدون احراجات..انا منقهره لأني أبي أِشوفه..
لاتطالعون كذا..
ولد خالي وأبي اشوفه فيها شي..
وقطع افكاري صوت أبتسام.
ابتسام\لحظه..موكأن صوت الوليد..!!
جمانه\تهقين رجع..!!
ابتسام\أكيد..بروح اشوف..
ياحظها بتشوفه..
لكنها شفيها طولت..
مالت عليها وعليها..
وانا شفيني ماصدقت على الله انه يجي..أووووووف..ياهي حاله..
حاولت أسولف مع البنات وأغظ النظر لشخصين..غلا الخبله اللي مدري شفيها..
والوليد اللي أسمع صوته يعلى وهو يظحك ويتكركر مع اخته..
لكن اللي فرحني زود..أنه جدتي درت بوجود الوليد ولأنها تعبانه خانت حيلي قالت لنا تغطوا عشان اسلم على الوليد..
المهم كلنا تغطينا ودخل الأمير..الوليد..
ومن سوء حظي أن جدتي كانت قريبه من المدخل حق الصاله وماقدرت أِشوفه وأمي ماقصرت وقامت له وهي تسلم عليه..وحريم عمي سلموا عليه من بعديد وباركوا له..وحتى بنات خالتي سلموا عليه من بعيد..
ومدري ليه يوم قامت أمي.تذكرت أمه(عمتي أم يوسف)..وكل الغيظ والمشاعر اللي كانت أتجاهه تبخرت وحلت محلها الحزن والأسى..
صعب في هاللحظات الحلوه أنك تفقدين الام حتى لو في بديل..محد يعوظ الولد والبنت عن فرحة الأم..

لكن سمعت شي فجرني وانا مكاني ورجع الغيظ والقهر مره ثانيه وعيوني أمتلت شرارررر..
شفته يكلم ابتسام باذنها ويضحك معاها بصوت عالي ويطالعني بغرور واضح..وتكبر..
معقوله عرفني..لا مستحيل..!!
وليه مستحيل يالخبله..وأنتي ماتغطيتي عنه الا من كم سنه..!!صج خبله..
مالت عليه..الله ياخذه..ولا..ومصدقه نفسي أني أبي ِاشوفه..!من حلاته عشان اشوفه..
وعشان اقهره مثل ماقهرني..قمت من مكاني ورحت اخر الصاله وأتحداه ان شافني اللحين..
ويوم مرت دقيقتين أختفى صوته وعرفت أنه طلع غرفته..
وانا الحبيبه متغطيه عنه ولا احد قالي فتشي لأنه راح..

ومامرت نص ساعه الا كلن راح بيته لأنه تأخر الوقت..
وأنا في بالي أشياء كثيره ابي أعرفها
اولها ..عن غلا..أحس فيها شي ..البنت مو بصاحيه..والله يعيني على غرورها عشان تقولي السالفه..
والشي الثاني والمهم بنظري..ودي أعرف وش قال الوليد لأبتسام وهو يناظرني..
وكل هالأشياء بكره بعرفهم..غصبن عنهم..
أنا جمانه..مو حيا الله..!_*
::::::::::::::::::::










(طويل.).( يهبل)(.يلبس نظارات شفافه ماخذه نص وجهه) ..(وشايف نفسه)...(بس هذه مواصفاته)..!!وصح نسيت شي..(اللي يشوفه يقول عارض أزياء)..!!
هذا أخر كلام قالته لي غلا..وراحت لغرفته عشان تنام..
لكن لمحت..لمحت شي...
وياليتني مالمحته..
لمحت نظرة حالمه منها..
لمحت نظره متشوقه لمعرفة هالأنسان..
:::::::::::
والمصيبه..أنه كل الشكوك والمواصفات تتجه لشخص معين..
شخص أعتبرته غريب وبيظل غريب..
شخص كرهته ..من طفولتي..وبظل أكرهه..
لاتسألوني ليش...!.؟
بس عرفوا من هالشخص؟..!!
تـــــــركـــــــــــــــــــــي..!
كره الطفوله...!!
أمقتك ياتركــــــ]ــ]ـي
:::::::::::::











صحيت من نومي بدري..وتروشت على السريع ولبست جينز وتيشرت ابيض اكمامه طويله مع الجاكيت الأسود المعتاد..ونفس كل مره مافطرت..وهالمعده بتظل فاضيه لحد الليل..الا اذا رحمت نفسي وتغديت..
لكن تركت رساله لــ لؤي وكتبت له اني طالع للدكتور سمير عشان مايحاتيني..لأني اليوم عندنا ويك أند..وهالويك أند بقضيه بشغلي الثاني..
وزي ماتوقعت السياره كانت تنتظرني ..
ومامرت ثلث ساعه الا وأنا واصل..
واستقبلني..هالمره شخص أول مره اشوفه سلمت عليه بالفرنسي..ورد علي السلام بالعربي..
واكتفى بالسلام..وأنا ماحبيت أزيد بالكلام معه.وعلى طول دخلني صالة الموسيقى عشان ابتدي شغلي..
فصخت جاكيتي..وحطيته على جنب..
وبديت اكمل التخطيط اللي ماكملته أمس..وماحسيت بالوقت ابدا..
ولا حسيت باللي اللي دخل علي وأنا مندمج بشغلي..الا لمن نزلت ايدي من الجدار عشان اريحها..
وشفت الدكتور سمير واقف وراي على طول..
سلمت عليه..وسألني عن أخباري..وسكتنا..
ماعندنا حديث ممكن نتطرق له..وهو حس باحراجي..وطلب مني أكمل شغلي..
وجلس بعيد عني..
وارتبكت الصراحه..لأني ماأحب أشتغل وأحد يطالعني..
لكن طنشت..والتهيت بالتخطيط..!!
لكن رمى علي قنبله..ماأتوقعتها ابدا تصدر منه..!؟


الدكتور سمير\ماودك.بمعرض تعرض فيه لوحاتك..!؟؟؟
:::::::::::::










كانوا جالسين بالحديقه اللي بالحوش.. الجده..وجمانه وراوين..والعمه هند..ونور..
لأن الجوكان رائع خصوصا انه شوي وبيأذن المغرب...يعني لا حر ولابرد..معتدل..
والقهوه..والشاي..والحلى..والكيك..وكل شي يخطر في بالك..
وماعندهم غير السوالف..والظحك..ياحلوها من جلسه..!!
وكان ودهم يسيتمتعون بهالجو الحلو..لكن جمانه عفست عليهم الجلسه..
على قولتها تبي..تطلع..تبي تسافر..العطله بتخلص..وهي ماأستنشقت جو بره..تبي تتنفس.!؟
لكن لامجيب..
الجده تضربها بالعصا من جهه..
وامها تهزأها على طوالة لسانها من جهه ثانيه..
هند\يابنت استحي على وجهكك..انتي نسيتي أنه ماردوا عليكالجامعه..كيف تبين تسافرين..!!
جمانه بخشونه وصت رجالي\يمه..مالي شغل..أبي أأطلع..والله مليت..يعلها ولا دارسه..يعلهم ان شاء الله مايقبلوني..لكن أبي أطلع..شوفواو لكم حل..
راوين بنعومه وهي تاكل قطعة الكيك\ههههههههههه اللي يشوفك يقول انك جالسه في راس تنوره..احمدي ربك متى مابغيتي تجين الخبر جيتي..!!
جمانه وهجمت عليها\شب ..شب..ولا لمه يارواين..أشعليك.الهند وصيفتي فيها..وبعدها جيتي للشرقيه..يعني مالك عذر أنك تزهقين ..!!وبعدين عيب انك تاكلين وتتكلمين..يالخبله..!!
راوين وميته على بنت عمتها وبغت تغص بالأكل\فديت اللي منقهرين ومحترين والله..حبيبتي جمانه..لاينط لك عرق ..
جمانه والتفت على أمها وبدت تتمصلح وتتدلع\يمه..شوفي بنت أخوك تتطنز علي..!!
هند\ليتك بس تصيرين مثل راوين..عقل وادب..
جمانه وصرخت زي الصغار\يعني أنا مجنونه..ماعندي عقل..!!يعني أنا خبله..مااستحي..!!ولفت على راوين وكشت بوجهها..ماااااالت عليك,.!!
نور\حرام عليكم أنا ماأرضى على جمانه
جمانه وفرحت اخيرا أن احد عبرها\حبيبتي..عمري مرت عمي..فديتك..انتي اللي فاهمتني والله..خذي بوسها طايره على الهواء..ورمت لها بوسه..
والكل ضحك. على تصرفات جمانه الطفوليه..
الجده ومنقهره من صغر عقل جمانه \والله ياجمانه مايبيلك الا الرجل(الزوج)عشان يخليك مره..!!
جمانه\أيه أيه..أتحدتوا علي كلكم..أًصلا أنتوا هذا اللي تبونه..!!
هند\ياربي هالبنت بتجنني..كيف أخليها تعقل..!!
الجده\قلت لك ياهند العرس بيعقلها..متى بس يخلص ولد خالك عشان نفتك من حنتك..!!
رمت الجده هالكلام لجمانه..والمصيبه أنه قدام الكل..
صحيح جمانه..فري..وايزي..ويمكن ماتخجل الا قليل..
لكن غصبن عنها أستحت وحمر وجهها..
وأدركت هالشي بألأخير..يوم اظحكوا عليها..
ولأنها تعرف أنهم يقصدون الوليد..فصرخت عشان تمنع الأحراج وترجع جمانه الأوليه.
جمانه\وعععععععععععععععععععع..مابقى الا هذا أتزوجه..اخر يوم بحياتي ان شاء الله..
الجده\وشفيه ولد خالك..تحمدين ربك وتبوسين ايديك ورجلك على هالنعمه..يالخروه..!!
جمانه وخلاص ماقدرت تمثل أكثر..فقالت بصوت واطي وهي تمط بالكلمه\أمحــــــ،،،ـــــق..!!
وسمعتها راوين وماتت ضحك..على هالعجوز..عجوز العالي..^*
وماقدرت راوين غير أنها تسحبها وتوديها لقسمهم عشان توريها الهدايا اللي شرتها من الهند
وكانت معارضه ومعصبه لكن بداخلها مستانسه أنه ابتعدت عن الموقف واللي الأحراج اللي تسببته الجده لها..
ولمن وصلوا الغرفه..
جمانه\وقسم بالله ..اللي يشوفوني يقول عنز ويسحبونها..رواوينوا..تركيني ..!!
أتركتها راوين وهي تكتم الظحكه\أوكيز.اوكي....ممكن تجلسين بوريك شي..!!
جمانه جلست\وهذ جلسه..وريني..!!وبقلة صبر..بسرعه..
راوين\طيب..هدي أعصابك أول شي..
جمانه وفورت زياده لكن مابينت وكرهت بنت خالها بسبب هالبرود\طيب..وهذه هديناه..
راوين\أي تهدئه هذه..طالعي وجهك..اللي يشوفه يقول أِشاره حمراء..جمانوا ريلاكس..شفيك..!!
جمانه وتصنعت الأبتسامه والهدوء\مافيني شي..
راوين وبادلتها الأبتسامه\أوكي..أنتي تعجبيني كذا..
وطلعت راوين كيس كبير فيه الساري والأساور وورتهم جمانه..لكن تضايقت لأن أساور ابتسام هي اللي طاحت عليها بالمطار وقررت تعطيها اساورها الصفراء لأنها ساري أبتسام فستقي وفيه تموجات صفراء..وهي مو مشكله عندها مخزن اساور..
أما جمانه ماقدرت تقول غير \واااااااااااااااااااااااااااو..يجننننننننن راوين..
راوين\هذا هديه مني لكم واخترت لك البرتقالي..مدري ليه احس أنه بيناسب عليك..!!
جمانه وهي منشغله وماطالعت راوين\مشكوره..وأخيرا ناظرتها..أيه هذا بنت خالي..مو اللي من شوي..تقهرني..
راوين\واللحين..راح القهر..!!
جمانه ونعست عيونها\بقى شوي..!!
راوين\يمــــه منــــك..محد ياخذ منك لاحق ولاباطل..
جمانه\هههههههههه شسوي بعد هذا انا ..جمـــأنه..
راوين\واحلى جمانه بعد..






وبوم اذن المغرب جاو البنات واكتملت شلة ألنس..وراوين خذتها فرصه ووزعت الهدايا لهم..وصح أنها تضايقت من غلا بسبب سالفة امس..لكن مسرع مانستها لأنها أعتبرتها امر سخيف بالنسبه لأمورها الثانيه
وجمانه مانست سالفة السفر وشنت حمله على الكل عشان تطلع وتغير الجو..
وهالعدوه انتشرت للبنات كلهم..وصاروا صوت واحد..وكلهم مصرين انهم يسافرون أو يتمشون..
وطبعا محد من الحريم سمعهم..والرجال دوامات طبعا...
ومابقى غير الشباب وكل وحده قررت تقول لأخوها يمكن يرحمونهم شوي ويطلعونهم..!!
لكن عمتهم هند عرضت عليهم فكره...لكن جمانه كانت أول المعارضين..
جمانه\لاااااااااااااااااااااااااااااااااااااا..ماأ بي..ماأبي نروح راس تنوره..زهققق انا أبي أسفر مو أرجع البيت..
هند وطنشت بنتها الخبله\بنات تركوها..اذا جيتوا السكن هناك..بنطلع البحر..وبنشوي..وبنمشيكم كل مكان تبونها..وحتى السينما بنوديكم..
عجبهم البنات عرض عمتهم..وفرحوا..على ألقل شي..أحسن من لاشي..
لكن جمانه ماخلتهم وقرقرت براسهم..انه زهق..وحر..والسينما ماتعرض غير أفلام قديمه..
وشوي..شوي بدت تقنعهم..
هند\ها..وش رايكم بنات..
فجر\كيفكم..اللي تبونه سوووه..
ابتسام وتأثرت بكلام جمانه\لا بحر..حر اللحين..!!ماعندكم مكان ثاني..!!
هند عصبت..وعرفت انه بنتها أقنعت البنات.. وعشان كذا ماحبت تصر عليهم لأنه البنات شكلهم يبون يغيرون جو بره\على راحتكم..ومتى مابغيتوا..تجون بيتي حياكم الله..
ابتسام\ان شاء الله نجيكم مره ثانيه..!!بس عمتي تكفين أقنعيهم يسفرونا..وبضيق واضح...والله زهق..
هند واشرت بعيونها\من عيوني..بروح وبقنع الحريم..
ابتسام\تعيش عمتي..ياحضك ياحمانه فيها..
جمانه\أحم..طبعا..وهي طالعه علي ..أوووه قصديز.اانا طالعه عليها..!!
ابتسام وبسخريه\واضح..!!

غلا وأخيرا تكلمت وبدلع كالعاده\أنا عندي فكره..!!وياويله اللي يقول لا..!!
البنات وعلى طول نتفس صوت غلا المايع وهم حاطين أيدهم على وجههم\وش هي....!!

غلا ورمشت بعوينها\....البحـــــــــــريــــــــــن..!!
:::::::::::::
الاخت الصغيرة
الاخت الصغيرة •
الجزء الرابع عشر
===========


كانت ماسكه طرف أصبعها اللي يقطر دم وتحاول تظغط عليه بلفافه عشان يخف هالدم اللي ينزف..لكن تصدقون...!!ماكانت تحس فيه..لأن اللي في القلب جروح غطت على هالجرح..في القلب جروح العالم كله..
جاها ولد أخوها اللي كان حاضر الموقف..ومسك اصبعهاوخذ اللفافه ولفها بكل قوته وشد عليها..وهي تشوفه وماسكه نفسها...مأتبي تضعف قدامه..لكن..توها تحس بالألم..كان يضغط عليه من جهه وهي تصرخ الأهات من جهه ..لكن حتى الصرخه اللي كنت تصرخها مكتومه..محد يسمعها..
لكن دموعها هي اللي أستسلمت ..
مروان بحزن\عمتي..تمسكي شوي..شوي وبيخف الألم..!!..عمتي لاتصيحين....!!
ياسمين وحاولت تقاوم دموعها\حبيبي....أنا مافيني شي..بس الجرح حرقني شوي..!!
مروان\كل هذا ومافيك شي..عمتي أرجوك لاتكذبين علي..بعدين كيف رضيتي له..ليه ماوقفتي في وجهه..
ياسمين ولازلت تتألم لكن ماسكه نفسها وراصه على عيونها\لا يامروان..لاتقول كذا هذا ابوك.. وبعجز...واذا سمعك أكيد بيزعل..!!
مروان وصرخ\يخسي..يخسي يكون ابوي..!!هذا مجرم..مش أبـــــ....
ياسمين وسكرت فمه بايدها\لا..لا يامروان...لا تتعلم القسوه..أرجوك..!!
مراون\وبعدكل هذا وتدافعين عنه..عمتي كان بيذبحك..وصرخ..وانتي ساكته...!!
ياسمين وبقلة حيله\ماكان يقصد..هو قط السكينه وجات بــ اصبعي..!!..بس..
وبعيدن انا الغلطانه...كنت اشوفه معصب وهو جايني المطبخ .. ولا رديت عليه وهو طبعا اكيد بيثور من تجاهلي له..ومامسك نفسه وغط السكينه بدون مايقصد..بس هذه الحكايه..
مروان وماسك راسه\عمتي..كل هذا وتقولين بس...عمتي..لين متى..لين متى قولي لي..!!ونزلت دموعه وهو عاجز وماابيده شي..
ياسمين أحتارت ماعرفت كيف تسيطر على الموقف... وبعجز..وضعف حيله ضمته بأيدها اليسرى..والمشكله أنها عاجزه تهدي نفسها\امسح دموعك ياحبيبي...ماأبي أشوفهم...أمسح دموعك...والله الوحيد العالم بهالظلم اللي نعيشه..!!
مروان ضم عمته أكثر وهو يبي يحس بالأمان اللي مو بحاسه ونسى جرح عمته..ونسى أنه جاي يواسيها..وهي اللي واسته\عمتي..كفايه..انتي عانيتي كثير..واستحملتي مشاكلنا كلنا.....ليتني بس..ليتني بس أوقف بوجهه واقوله ..حرام عليك كفايه ظلم..!!
ياسمين ونزلت دموعها ثانيه بمراره\مين قال أحنا ماأبيدنا شي..!!أصبر يامروان.. .....ان الله مع الصابـــرين..!!
مروان أبتعد عن عمته شوي ..يبي يشوف أي شي من علامات الصبر ..لكن مالقى غير..الأسى اللي بعيونها\وانتي..بتصبرين..!!
ماردت عليه..لكن تمتمت بكلمة ايه..وأخنقتها العبره..وظلت ساكته..!
مسك مروان طرف اصبع عمته..وضاقت عيونه... لحد اللحين ينزف,,!!
مروان\عمتي..شكل النزف قوي..
ياسمين وهي تمسح على شعر مروان\قلت لك لاتخاف..شوي وبيوقف النزف..!!..
لكن لحد هاللحظه مروان مش مصدق عمته..هي تقول شي..واللي يشوفه من نزف شي ثاني..!!
ياسمين وحست فيه \ياربي على هالولد..مروان..
مروان وهو زعلان\نعم..
ياسمين وخلقت ألأبتسامه وطربت بصوتها\مافيني شي..مافيني شي..حبيبي لاااا..تقلق علي...!!
جرح..(وناظرته)..في طرف اصبعي..(واشرت على أصبعها)بيطيب ويمكن يختفي...جرح في طرف أصبعي بيطيب ويمكن يختفي..!!(ومسكت ايده وبعيونها نظره حنونه)...لما ايدك تلمس أيدي...لما ايدك تلمس أيدي..وسكتت وهو ابتسم..
وكملت بداخلها..
ظحكتنـــــــي..
لوتشوف جروح قلبي وش تقول..!؟
لو تشوف همومي وثقالي الحمول..!؟
لو تحس بضمى روحي لفرحى..!؟
كان صابك من مقاومتي ذهــول..
:::::::::
ياسمين\واللحين..ممكن تروح لغرفتك....!!
مروان واعترض \لا عمتي..بزهق لوحدي..
ياسمين \طيب ياعيون عمتك..بنجلس ربع ساعه زياده..!!وش رايك..!!
مروان بابتسامه\وأنا اقدر أقول شي...وغمز بعيونه بطفوله..سكتيني؟؟

مروان..عمره 12 سنه..
تقدرون تقولون أنه أسم لولد بندر في التبعيه لكن اللي ربته وعلمته وخلته رجال بعين الكل هي ياسمين..
وعشان كذا هو قريب لها بدرجه غير طبيعيه..

جرحــ فيـ طرفـــ أصبعيـــ بيطيبــ ويمكنـــ يختفيـــ
:::::::::::::::::::::






كنت بالسياره اللي توصلني للشقه..
ورجعت افكر باللي صار لي مع الدكتور سمير..!!وكانه جبل عالي وشامخ مكبوت بقلبي
صدمني بسؤاله..!!؟
مين أنا..!!عشان يعرض علي هالعرض اللي بيكلفه مبالغ باهضه..!!
أوكي.. قلنا أنه فاقد الوطن..والأهل...
قلنا انه وحيد..وكريم..وطيب..وغني وهذا حطوا عليها مليون خط...!! لكن ماتوصل لهدرجه..!!
وايش بيستفيد اذا ساعديني..!!
أكيد فيه مقابل..
أكيد..وخصوصا بهالزمن..!!وأنا ذايق هالشي..وكان المقابل أني خسرت 11 سنه من عمري..!!11 سنه..والله يعلم وش ورى هالخساره...موته..أو فرقى طول العمـــــر..!!
أنا لازم اعرف ..ماأبي أكون ساذج والأشخاص هم اللي يمشوني..والمؤمن ماينلذق من جحره مرتين..!!
ودي أفض كل شي معاه..وارتاح..لكن اعرف أنه الخسران الوحيد هو أنا..!!
سحبت نفس عميق بوهن وأنا ارثي على حالي وتشتت افكاري..
يارب..!!والله محتار..وش موقفي اذا واجهته..لازم أفكر عدل قبل ماأتخذ أي خطوه..!!
واحمد ربي ألف مره أنه يوم سألني طلع على طول لأنه جاه تليفون من الشغل حقه..والا كان أتهورت ورديت عليه برد أنا مش مستعد له..
والمشكله أني متأكد أنه بيسألني ثاني مره..وبيعرف أني فكرت بالموضوع..
يعني.!!
لازم أفكر..قبل مأاتواجه معاه..!!لازم..
ياربي..ساعدني..!!
أحس متعلق..متعلق بنهاية خيط ..وهالخيط بيجي يوم وبينقطع
مين الجأ له..ومين يسمعني..!!
(وبحزن طفر منه)الله يذكر ايام اول..كنت مرتاح البال..مكان عندي شي يشغلني..!
كنت بلاهموم..(وأبتسم على هالذكرى)
كنت مدلل..محبوب والكل بحسدوني على هالصفه..
لكن وش أستفدت من هذا كله..!!
ولاشي..!!
ولا شي استفدت..
الغربه هي اللي وصلتني لهالطريق..(وبصعوبه كمل)
وهي اليوم اللي خلتني وحيد..ماعندي أحد الجأ له..ولا أحد يفهمني..ولا احد أشتكي له..
ماعندي غير..ريشه افرغ فيها عواطفي..ولوحه أتامل فيها لمن يفيض عندي الحنين واشتاق..!وتذكر اللوحه بحنين..
وياعذاب هالشوق..اللي يقتلني حسافه وندم على اللي فات..!!
......
أنا ماأنكر وجود لؤي.والله الوحيد العالم وش حالتي بدونه..
لكن فاقد الأم..فاقد ألأبو..فاقد كل ماضي كنت اعيشه..!!
فاقـــدهــم..وربي فاقدهم..
:وبحسره..والم وضيع:داس على قلبه فيها..قال:
لو كان ابوي جنبي..موجود..كان ماأظطريت التجأ لأي احد..
ولو كانت أمي قريبه بحياتي..كان رميت نفسي بحضنهاوصحت..
وصحت لمن أحس أني مرتـــاح..
ويااااابعد هالراحـــــه..اللي أبيها..!!
/
\
/
وبعد فتره حسيتها طويله.. وصلت الشقه..
ورسخت في بالي أشياء كثيره..!!ولازم اغتنمها..!!
والا بتفوت محطه ثانيه من حياتي..."
==============






بعد مارمت غلا القنبله اللي سموها سحريه البنات..طاحوا عليها من وناستهم..وشوي وبيشقوقون روحهم من الفرحه..ومسكينه غلا ماقدرت تتنفس..وعصبت عليهم..لكن لاتخافون مو عشان أنها أختنقت..لا..!
عشان شعرها خرب ومالها خلق تظبطه..!!
غلا بنعومه ممزوجه بعصبيه\جمانوا..وخري عني..خربتي شعري..وخري..!!ليتني ماتكلمت..!!
جمانه بطنازه\شسوي ياقلبي من الفرحه والا أنا ماأواطنك..!!
غلا وحمر وجهها من الغيظ\يعني أنا اللي ميته عليك..!!
..done جمانه ومسكت كتوف غلا بدفاشه\أقول غلا خلينا نعقد فترة هدنه لحد مانروح البحرين وبعدين يصير خير
ياأخوك..اهم شي نطلع..!!done غلا بضحكتها الدلوعه\ههههه..حلوه هالكلمه..كثري منها..
فجر وتبي تغايضهم \وانتوا مصدقين نفسكم كثير يعني..!!أقول لاتحلمون كثيير..راس تنوره وكثير عليكم..!!
ابتسام بتوتر\ياربي..فجر..تكفين لاتحطمين مجاديفنا..خلينا نحاول ويصير خير ساعتها..!!
جمانه وولفت على فجر بتهديد\علمن يوصلك ويتعداك يافجر..والله ياويلك أني قلتي ماتبين تروحين.. ونعست عيونها وهي تتذكر شي قريب....موتسوين نفس ذيك المره طلعنا وجلستي بالبيت..!!
فجر بابتسامه\أفكر..!!
راوين وبان التعجب بعيونها\اي طلعه..واي روحه..متى صار ..!!
جمانه وتبي تقهر راوين\ويه فاتك..طلعنا..وطلعنا..وطلعنا..
راوين\وين طيب..!!
جمانه \أقولك لحظه..ورحنا..وشرينا واكلنا,,!!
راوين بقهر\حسبي الله على بليسك وين..!
جمانه وماسكه ظحكتها\صبري..وشرينا ملابس حق الكليه..وكلنا من كانتون..أممم و بعد أيش سوينا..!
ونجحت خطة جمانه في قهر راوين\خلاص..ماأبي أعرف شي..!!
ابتسام ورق قلبها لراوين\تركيها ياراوين..جمانه متخصصه في رفع ظغط الجميع..رحنا جيان..تمشينا شوي فيه ورجعنا البيت..
راوين وناظرت جمانه\ماااااااااااالت,,
جمانه وغمزت بعينها بكل جرأه\أمووت انا في اللي ينقهرون وويستسلمون بسرعه..أحبهم والله..
ابتسام بصراحه\والله ماينفع معك ياجمانه غير هالأسلوب..!!
غلا ورمشت بعيونها\المهم شفيكم تضيعون الوقت..يالله خلونا ننشر الخبر..مافي وقت..
فجر بثقه \ماله داعي ننشر الخبر..عندنا اكبر ثنتين حنانات بالعايله وهو بيتولون المهمه..
غلا+جمانه بفضول\منوا..!!
فجر وفيها الظحكه\...انتوا طبعا..!!
غلا+جمانه وبؤبؤ عيونهم شوي وبيطلع \أحنـــــا..!!
ابتسام\هههههههههههههههههههههههههه صدقتي يافجر..ماله داعي نتعب روحنا انتوا عن عشرين بنت..!!
غلا باعتراض\لالالالالا أحنا ماتفقنا على كذا..كل وحده فيكم بتكلم أخوها..والحريم عادي..بيرضون بالنهايه..!!
ابتسام وسكتت\طيب فكونا..يالله تفرقوا..كل وحده تدق على أخوها..
جمانه بدلع\وأنا طبعا بدق على خالي...حبيبي..سلطان..
فجر\ماله داعي تدقين ليه..أنا توني شايفته بالمجلس..
جمانه وقامت\والله زين..بروح اشوفه..
وبكذا اتفقوا البنات أنهم يستلمون المهمه الصعبه ويبدون باقناع اخوانهم..
وطبعا غلا أستلمت المهمه بدال فجر ودقت على هيثم..
وابتسام دقت على الوليد
وجمانه بتكلم سلطان
وبقى راوين اللي ظلت جامدة الملامح....!!
==========




كل وحده تكلم اخوها..والحريم عادي بيرضون بالنهايه..
كل وحده تكلم اخوها..والحريم عادي بيرضون بالنهايه..

هذه الجمله أنعادت ألف مره في بال راوين..!!
تحسها صعبه..صعبه كثير..
معقوله تقدر تكلم أخوها..!!
معقوله تقدر تحط عينها بعينه..!!
مستحيل طبعا..!!
أخوها..مو مثل أي أخو..!!
أخوها تركي..
تركي الصعب..
وبكذا أنقطع الأمل الوحيد عند راوين ..ومن البدايه استسلمت واعلنت أنهزامها..!!وبان الحزن بعيونها..
فجر مسكت ايد راوين وهمست بأذنها\راوين..!!
راوين بحزن وخيبة امل\همممم
فجر\شفيك حبيبتي..!!
راوين\ولاشي..!!
فجر ورصت على ايدها وبنفس نبرة الصوت\..متأكده..
راوين وغمضت عيونها\فجر..خلينا نطلع شوي احس أني مخنوقه..
فجر\أوكي..وقامت وظلت ماسكه ايدها..لمن طلعوا بعيد عن عيون البنات..
وجلسوا بالكراسي اللي بالحوش...
راوين ساكته والحزن واليأس باين بتقاسيم وجهها..
وفجر نفس الشي ساكته أحترام لصمت راوين..
راوين بضيق\..فجــر..أنا ماأقدر أروح معكم..!!
فجر بابتسامه \والسبب..!!
راوين وحست بصعوبه بالكلام\فجر..أظن أنتي أكثر وحده تعرفين ليش ماأقدر اروح معكم..!!
فجر وقربت منها وحسستها بالأمان بمسكة ايدها\أنتي قصدك أهلــــــ...
راوين وقاطعتها\أيه..
فجر وتناظر النحله اللي بالزرع وكيف تنتقل من ورده لورده\راوين..شوفي..الحياه صعبه..وفيها ممرات كثيره ..وكل ممر يختلف عن الممر الثاني..لكن الذكي اللي يقدر يتجاوز هالممر بسهوله...واكبر مثال ممكن تتصورينه.. (وبصعوبه كملت)....انـــا..
راوين باستغراب\كيف..!!

فجر وعينه ثابته لقدامها\أنا..طفوله صعبه..ومراهقه مجنونه..طفولتي كانت حلوه..لكن بنفس الوقت مره..ومراهقتي كانت مجنونه..راوين..الكل يعرف بقصتي..وماأظن..أنه احد يقدر يمسح الماضي.لكن اللي أبي أقولك اياه..على كل اللي مريت فيه..قدرت اتجاوز الممرات..وقدرت أكسر كل حاجز..ممكن يقتلني.انا ماأنكر أني أمر بلحظات ضعف كثيره..لكن قدرت..وصدقيني..كل أزمه تمر علي..خلتني أصير اقوى واقوى..
راوين وصابتها العدوه وظلت تتأمل بالورد\بســ...!!
فجر وتجاهلت كلمتها\راوين ابيك تكونين قويه..ابيك ماتستسلمين بسهوله..فكري..قاومي..حتى لوطحتي...قومي..وشدي الهمه..وثابري. لمن توصلين للي تبينه..!!لاتكونين مهزوزه من اول موقف يمر عليك.خليك اقوى..وأثبتي لمن توصلين للي تبينه..!!...............واللحين فهمتي,,!!
راوين بعيون تلمع\فجــــر..تدرين..!!.وخانها التعبير.........انتي صج فجــــر...!!
فجر وفهمت عليها لكن حبت تتغيبى شوي\طيب انا أدري أني فجر..!!
راوين وعصبت\يوووووه فجر..!!
فجر\ههههههه طيب..خلاص..ياربي صج اذا قالت جمانه..تعصبين بسرعه وتردين احلى وأحلى..
راوين وابتسمت وهالأبتسامه خلت وجهها أحلى\شسوي بعد..انا كذا..أستحملوني شوي..
فجر بابتسامه\واحلى استحمال..
راوين\ههههه طيب أمش نروح لهم..اكيد قلبوا البيت علينا اللحين..
فجر ووقفت\يالله..وزي ماقلت لك..حاولي..ولاترجعين ورى من أول محاوله..!!
راوين \...ياأحن روح..واطيب قلب... أوعدك.!!ومسكت ايدها وابتسمت..يالله ندخل..
================




وبعدين..!!
ابتسام وصابها قهر من برود أخوها\الولييييييد..وعمى..أنا اختك الكبيره وغصبن عنك بتوافق على اللي أبيه..!!
الوليد وضحك على عصبية اخته\هههههههه بسوم..شفيك..أنا ماقلت شي..حرام اقول بعدين..!!
ابتسام وودها تشوف الوليد عشان تذبحه\لا مو حرام لكن اسلوبك ينرفز ياأخي..ذكرتني بجمانوا..!!المهم..أنت وينك اللحين..!!
الوليد وفرح بهالأقتران اللي بينه وبين جمانه حتى لو كان سخيف لكن مابين\انا كنت بالنادي..وجاي لعندكم..
ابتسام\طيب الوليد..وبترجي الله خليك..الله يخليك..كلم الشباب باسلوبك السحري..وبصوت بدوي...تكفى..!!
الوليد ويقلدها\تكفى..!!
ابتسام وفيها الظحكه لكن مسكت نفسها\أيه تكفى..........وماقدرت...وظحكت...هههههههه وليد أنا أختك الوحيده..ياحبيبي يالوليد..
الوليد وسكتها\طيب بس بس..لايجيني شي غير تكفى وحبيبي..!!
ابتسام\هههههه يقطع بليسك..يالله تعال,,,
الوليد ويمثل العصبيه\زين...زين....صمختي أذني..أررررررف..والله مصخره..ودلع بنات..وقفل السماعه بوجهها..
مسكت ابتسام تلفونها بكل قوتها..ومابقى سبه الا سبة فيه اخوها..
ولعنت نفسها ألف مره على هالترجي والخطبه الطويله اللي ماتودي ولاتجيب..
واتجهت للبنات وهي ميته قهر وأي وحده بتشوفها بوجهها بتحط حرتها فيها..
والمصيبه..
انها مالقت ..جويلتا..
عرفتوا منهي..!!
هذه الله يسلمكم..اللي تتناجر كل يوم..وكل ليله مع الجده..
مديـــرة المنزل..
ابتسام وتضرب على رجلها بقوه\وخري عني..أقولك وخري عني..ترى النفسيه واصله.(.ورفعت ايدها لخشمها)...لحد هنا..!!
جوليتا وتمسح راحة ايدها بملابسها\طيب ماما أنا أيش يسوي ادا انتا زعلان..!!(وبطريقه تضحك رفعت رجولها عشان تشوف عيون ابتسام اللي تطلق شرار)تبي ماي..!!
ابتسام\لااااا
جوليتا\تبي عصير
ابتسام\لااا
جوليتا\تبي شاي
ابتسام\لاااااااااااا
جوليتا ومصدقه نفسهاكثير\تبي ثلج..هدا حلو ثلج..عشان يخفف حراره مال أنتا..!!
ابتسام ووصلت خلاص عندها\جوليتاااااا
جوليتا\نعم..
ابتسام ورفعت ايدها بشكل فوضوي وغمضت عيونها وصرخت\أنقلعـي من وجــهـي...!!ومشت عنهــا..
جليتا\أيش فيه هدا ماما ابتسام..مافي عقل..كلوا نفر مجنون في هذا بيت..ودخلت المطبخ وهي تتحرطم على كل نفر في هالبيت من كبيرهم لصغيرهم..
=============






دقت غلا على هيثم وقالت له ينطره بره جنب ممر الصاله..وطلع لها وهو مستغرب منها طلب منها تبدى بالموضوع لكنها لحد الآ ساكته..والمشكله أنه هيثم طفش منها..ومن اسلوبها المايع.وهيثم من النوع اللي مايحب أحد يدلع عليه...لكن غلا أخته..ومايقدر على أخته..!!
أحد يقدر على غلا..!!
ويوم حس أنه راسه دار من كثر ماهي تروح وتجي بنفس الأتجاه مسك اعصابه وكلمها برقه مثل ماهي تتكلم..!
هيثم\أيوه غلا...!!شنوا تبين..!!
غلا وقربت منه بدلع ومسكت ايده ورمشت بعيونها ومطت أسمه\هيثــوم..!!
هيثم فتح عيونها على الأخير بطريقه مسرحيه\هيثوم..ومسكة ايد!!..لالالا السالفه فيها أنا..غلا..شنوا تبين..!!ولأنه عملي زهق منها و ضاف على كلامه...خلصينـــي..!؟
غلا تركت ايده وشبكت اصابيعها بتوتر\هيثم..انت تدري اني أخر العنقود..صح..!!
وتدري انه مابقى شي على الدومات..صح..!!
وتدري أنه أحنا ماسافرنا..صح..!!
وتدري اني زهقانه وملانه ومتقرفه وطفشانه..هيثـــوم..احنا البنات قررنا نرووووووح..البحريــــن...وأنتوا بتودونا..!وصرخت بوجهه وهو اخترع المسكين...شرايك بفكرتــــــي الجهنميـــه..!!
ورجعت لصوتها المعتاد وهي تتمايل)... حلوه موا..!!
ظل هيثم يناظر اخته فتره طويله تذكر أنه صحيح هم ماسافروا هالصيف والدوامات بتبدى وحتى هو محتاج يغير جو..وعجبته الفكره كثير..فمبدئيا هو موافق..وبيحاول في الشباب لمن يوافقون..
هيثم\وأنا قادر أرفض طلب أختي...!!أكيد موافـــق..!!
وماوعى الا غلا بكبرها طاحت عليه وحضنته..!!
غلا\ياربي عليك ياهيثم..والله محد يسوااااااك..!!
هيثم وميت ضحك على غلا وبنفس الوقت منحرج\طيب غلا وخري عني زنطتيني..!!
غلا وابتعدت شوي عنه شوي\شسوي بعد..يلوموني ليه احبك..!!يالله شاو بروح أبشر البنات..!!وطارت زي العصفوره باتجاه الصاله وهي تتكركر..لكن بعدين احترمت نفسها لأن شافت قدامها نور مرت عمها..
أستحت منها ونزلت عيونها بــ الأرض..وقالت سوري...ومشت ..وهالمره بهدوء ووقار...
=========


طلع مع لؤي يتمشى في بارك أندريه ستروئن وخصوصا لأنه محتاج يشم هواء نقي وهالمكان يقدر فيه يعيد حساباته من جديد..وحس أنه الوقت المناسب عشان يقول لــ لؤي كل شي صار بينه وبين الدكتور سمير..
وبدى يعرض له الأحداث اللي صارت امس واليوم..

وأستغرب وبشده من ردة فعل لؤي وموافقته المباشره على عرض الدكتور سمير..توقعه يتفاجأ مثله ويسال ليه كل هالعروض المغريه...ّّوأيش الغرض منها..!! لكن كانت ردة فعله موأيده ميه بالميه وبدون تراجع للتفكير..
..وماينكر يوسف انه شجعه وخصوصا أنه بيسهل له أشياء كثيره هو في غنى عنها..!!
لؤي\ولك عين بعد تفكر..!!يوسف لين متى الأنتظار..!!الفرصه جاتك لعندك..!!
انت ماعليك غير تمارس هوايتك اللي تحبها بكل أتقان وسرعه..!!السالفه جدا سيمبل..!!اوتوكل على الله وانا اخوك..!!

يوسف مسح على حاجبه الأيمن بضيق\بس لؤي..انت ليه مافكرت بالمقابل..!!صحيح انه الدكتور سمير كريم لكن مو لهدرجهـــ......
لؤي وبتسرع ماكان متوقعه\لأني أعرف ليه هو يسوي كذا..!!
يوسف ووقف مشي وهو يحس بشي غريب يجهله\شقصدك..!!
لؤي ولعن نفسه على زلة لسانه\...أوهوووواااا مو قصدي شي...وبعدين ليه تحط هالعثرات بطريقك:.!!يايوسف ياحبيبي فكر..فكر عدل..وبصوت واطي..الطريق قــــرب..شوفه قدامك..!!

(وناظر يوسف قدامه بعيون تايهه وضايعه تنتظر لو شمعه وحده عشان تضوي حياته ومالقى غير سراب..سراب بعيد..وبنفس الوقت قريب.. وفجأه شاف صورة أبوه تمر حذاله..وبعدها أمه وهي تضحك له..وتزاحمت الصور وشاف ابتسام والوليد وجده وجدته..وغمض عيونه وهو متشتت واول ماغمض شاف فجر وبعيونها نفس النظره اللي بعيونه..وكأنه مرايه تعكس ملامحه وجهه واحساسه..فتح عيونه على طول لأنه ماقدر يستحمل هالنظره الغريبه..وماشاف شي من اللي تخيله..حتى الناس اللي كانوا يمشون والضجه اللي يسببونها ماحس فيها..يحس أنه يمشي بدون اتجاه وضايع بين الطرق ومافي أحد يشوفه ولا يشوف أحد..مافي غير طريق وقباله سراااااب يختفي ويطلع فجأه..

يوسف وألف أحساس يعيشه هاللحظه\بس يالؤي..كفـــايه..!
لؤي بصرامه أول مره يعهدها\لا..مو كفايه.!!...يوسف..حرام عليك..!!لين متى بتظل تعطي بدون مقابل..ليت متى بتظل حابس هالألم الي بعيونك..حتى لو كنت غلطان..حتى لو كنت خايف من المواجهه..حتى لوكنت خايف من ردة فعل أهلك اذا دروا..لاتسكتت..أقنعهم..ناقشهم..أظن 11 سنه كفيل أنه ينسيهم الماضي وينسيك أنت أغلاطك..أنت غلطت والقدر غلط معك..ولازم..لازم تصحح غلطتك..!!لاتعاقب نفسك هالعقاب اللي أول نتايجه غربتك..!!يوسف لاتنسى أنه في ناس كثير عايشين لك..لاتنسى امك وأبوك اللي محترقين لشوفك..او حتى يكتفون بسماع صوتك..أو حتى لو يضمنون وجودك بهالدنيا..لاتكون أناني يايوسف..
فكر عدل واحسب حساب لكل شي..ولاتضيع هالفرصه..(واضاف بحذر)...ترى الفرصه ماتجي الا مره وحده بالعمر..!

يوسف ومش حاس بنفسه\وأنا اقولك نفس الكلام...(وبتحدي يجهله)...احنا اثنينا في مركب واحد ونهايتنا شبه معروفه والسؤال يطرح نفسه اللحين..!!..!!اظن انك تتمنى ترجع لديارك..!!
لؤي وداس على جرحه وقالها باللم وضياع وأنكسار وحالميه\أتمنـــى..!!....
أظن اتمنى قليله....وبالم فضيع...قول أحلــــــم..ورص على أيده....احلم بشوفوتهم...
انا ادري انه مافي أحد بينتظرني..وأنا ادري اني بسبب لهم العار القديم من اول مايشوفوني..!!
لكن لحد يلوموني على اللي سويته..!!كنت صغير..ماافهم شي..
كنت فقير..أو بمعنى اصح...كنت محتاج
كنت ابي أي شي عشان أسد جوعي فيه..واسد جوع أهلي اللي كانوا برقبتي..!!
لكن خذت الطريق الخطأ وسببت لأهلي العار والذل..
وجلس على الكراسي اللي جنب البارك بهدوء وهو يناظر كيف الجو بدى يغيم والليل يعلن بدايته....وبدى يتذكر قصته القديمه..
كنت صغير..مأفهم شي..وعيال الحرام استغلوا حاجتي وضعفي..
وبدوا يلعبون فيني..لمن صرت صيده سهله لهم..

وأستغلوني وانا راضي كل الرضا على اللي أسويه..
كانت حالتي زي الموت البطيء..وكنت اعرف أني ميت ميت..!!
لكن غصبن عني اللي سويته..!!
ماكن عندي غير هالحل..!!
وهم كانوا يعرفون اني محتاج لهم..عشان كذا خططوا ببراعه وانتصروا وانا اللي طحت فيها وتغربت..
...ونزلوا دموعه حسره والم وندم... مدري كيف طاوعني قلبي ورضيت..!!
(وتذكر أخر عمليه وصلته لهالحال..!!)
كنا خمسه...ثنين بالسياره..وثلاثه مستلمين المهم الصعبه وكنت انا ثالثهم واصغرهم..!!ولبسنا كان اسود في أسود ومغطين روسنا بلفافه سوده..وقبل مانتفرق عادوا كلمتهم المعروفه وكلنا كنا حافظينها عن غيب..
يوسف\شنهي..!!
لؤي\كانوا يقول زعيمنا: اذا أندق الجرس محد يعرف أحد..!!وكانوا قصدهم اذا أنكشف امرنا كل واحد يتبرى عن الثاني ومراح احد يساعده..المهم طلعنا فوق السور احنا الثلاثه..ووصلنا اخيرا لمزرعة البيت..وكان البيت يبعد عن المزرعه حوالي ستين قدم..مشينا بهروله وبدون صوت ماعدا نفسنا هو اللي ينسمع..ودخلنا البيت اللي كان مظلم وماكان أحد موجود..وسرقنا كل شي ثمين يخطر على بالك..التحف.....والذهب والألماس..وخزنة الفلوس كلها..وطبعا ماكان هذا غرضنا الحقيقي..هذه كانت مجرد اكسسوارات نمشي فيها حالنا..
غرضنا كان سرقة الملفات المهمه اللي تهز امور الحكومه والدوله..ونعطيها مليون خليجي يتمنى هالملفات تكون بأيده..
يوسف\طيب صديقكم هذا اللي مشترك معاكم اللي كان ماخذ منصب كبيرفي دائرة الحكومه.....ماكان يعرف أنه بيجي يوم وبتسرقونه..!!
لؤي\سالم يعرف أنا أحنا اكبر زعيمة عصابات في الدوله وهو اللي ٍأسسنا..وحتى يوم طلبني معاهم كان قاصد أنه ياخذ شخص صغير في السن ومن احياء فقيره لأنه بعض العمليات تتطلب بواحد مثلي يكون فيها....لكن ماتوقع هاليوم بينقلب عليه الحال ونسرقه..!!
وخصوصا وأنه كان معطينا اكثر من مهمه نسويها في اليوم الواحد..وكلها مهمات صعبه وتهز السوق هز..
لكن انكتب لنا ذاك اليوم ندخل بيته ونسرقه..
وهو بسهوله كشفنا لكن بوقت متأخر..وطبعا لأنهم اذكياء اللي معي كانوا مخططين أنهم يهاجرون في بلاد ولايرجعون مره ثانيه والله يعلم وين هي بقعتهم هالوقت.. طبعا بعد ماعطوني مبلغ محترم اسد فيه فمي..لكني كنت ذيك اللحظه غبي وساذج..وطحت بالصيده ..وطاح علي كل شي وانكشفنا عند سالم.... ولأنه مايقدر انه يشتكي علي وخصوصا لأني بفضحه بسبب مؤمراته وبوقاته اللي خلته مليونير سفرني زي الكلب باول طياره في ألمانيا..ومن المانيا لباريس..ومسح دموعه اللي عيت تجف بطرف كمه وتمتم بصعوبه
بس هذه قصتي...وتقريبا نفس نهاية قصتك..!!
يوسف وكل مافيه يرتجف\........على ألأقل قصتك كانت شريفه بالنسبه لقصتي اللي كل يوم واحسها تكون أكثر دنائه..
لؤي ومسك أيد صديقه وحس ببرودتها\يوسف..على الأقل انت كنت مش واعي..مش حاس في نفسك..وتحملت غلطة غيرك..ومو ذنبك اذا كنت يوم من الأيام مدمن ...
وصدقني أنه في لبس بالموضع..!!مستحيل اصدق أنهم يسفرونك بدون سبب..
لأنك مو اول واحد ولأا اخر واحد يتعاطى..!!
(وسكت لؤي وظل يناظر بيوسف وماشاف غير دموع تنهمر وقلب محروق بسبب هالكلمه.وماقدر غير أنه يكمل كلامه حتى لو كان قاسي...)
انا ادري انه كلامي مو جايب فايده اللحين..لكن فكر مين اللي طيحك هالطيحه القويه..
يوسف وعلا صوته..وقام من مكانه زي الطير المذبوح\بـــــس...أرجوك لاتتكلم.. ارجوك...!!لاتذكرني بأي شي..(وغمض عيونه)..والله لو تشوف هالقلب كيف مذبوح واشر على قلبه...كان بكيت على صديقك مثل ألأم اذا بكت على مرض ولدها... والله لو تحس بهالجبال اللي على صدري كيف أتحملها..كان متتتت وأنت راضي ولا أنك تعيش لحظه مره..أرجوك يالؤي أرجوك..لاتذكرني بالعمر اللي ضيعته..ترى حتى الذكرى تفتتني قطعه قطعه لمن اصير زي الرملا اللي تهب من ارض لأرض ومالها لا مكان ولاوطن ولاعزوه..!!
==================






رجعت الصاله بعد ماكلمت ابوي وفرحت كثير أنه وافق .. لكن اللي صار وماكنت اتوقعه انه أبوي ملزم يروح تركي معنا وخصوصا لأنه بيكون محرم لي..وأنا أعرف أنه تركي مستحيل يوافق على طلب أبوي حتى لو ابوي بنفسه طلب من تركي..!!
صابني الحزن واسرني من كل جهه..لكن خطر في بالي كلام فجر.وكأنه عسل صافي يمتع الطعم والنظر..
وتراجعت لقسمنا وأنا أتذكر أني ولامره طلبت من تركي شي..وأكيد بيحن قلبه هالمره مدام أنه فيها طلعه ومتعه له
وبكذا مسكت تلفوني على طول ودقت عليه قبل ماأتراجع وأغير راي ..وكرهة نفسي اني متحمسه أكثر من اولز.اخاف يرفض منه..لكن أبعدت عني هالأفكار السوده وتوكلت على الله..وضربت رقمه اللي نادر مااستخدمه..
لكنه مارد ....سحبت نفس عميق.... وقويت قلبي ودقيت عليه ثانيه وثالثه..و مارد..والمره الربعه دقيت ورد اخيرا..وابتسمت بعفويه..
وقالت له السالفه باختصار لأنه هو يحب انه يدخل بالموضع على طول وحاولت يكون صوتي فيه حنيه أكثر من أنه يكون فيه طلب مفروض عليه..... وكنت أتخيل أني اذا قلت أن الشباب كلهم بيروحون بيوافق لكني نسيت من فرحتي انه ولا واحد من الشباب يحب تركي وهو بالمثل مايطيق يسمع أسمهم..والود وده يتبرى من هالعايله بكبرها..
وحتى أحنا يتمنى يتبرة منا..ويفتك من واجباته كاخ..هذا اذا عرف وش معنى الواجبات..!!
وماانتظر رد مني او كلمه عشان يبرر موقفه..سكر السماعه بوجهي على طول............!
رميت نفسي على الجدار..وظليت أخنق واخنق في نفسي العبره..
لمن ماقاومت..وبكييييت.. وانا عاجزه كل مافي الكلمه من معنى..!!
أي تفاؤل..!!وأي أمل..!!وأي أخوه اللي أنتوا تسمونها..!!
كنت اكذب على نفسي..!.كنت أحط ألف عذر عشان أتفائل وأكلمه بطبيعه مثل أي أخت تكلم أخوها..!!
كنت أتوهم أني اخته ..وانه أنسان ومخلوق مثلنا..
ماكنت ادري انه حجر..قاسي..!!ظالم..!!جبار..
لا... كنت ادري أنه حجر..لكن توهمت بداخل نفسي أنه بيحن قلبه علي..
بيرق شوي..ويسألني.. وين بتروحون!!
أو مثلا أسباب هالطلعه..!!
أو اقلها..لا ..علامة الرفض..
لكنه ماسال,,واكتفى باسهل الحلول..
تسكير السماعه..
=============







خلااااص قرروتوا..!!
جمانه وتحاول تنسق كلماتها وماتطينها\أي قررنا..وأحم الكل وافق بعد حضرة جنابي..!!
هند وتمسك بطنها بتعب\وياحضرة جنابك قلتي لأبوك..!!
جمانه ضربت راسها بقوه لأنها توها تتذكر أبوها\هـــا..لا..أيه.. وخذت نفس...بكلمه.!!
الجده وتحاول تلقى أي شي عشان تتخانق\هذا اللي ناقص بعد..تروحين بدون شور أبوك..!!
فجر وأنقذتها\لا اصلا جمانه بتكلم أبوها لكن جلسنا نخطط وش بنسوي..!!وضاع علينا الوقت..
هند وتتفحص بنتها وشافت الكذب بعيونها\أكيييد..!!
جمانه وهي ترص على اسنانها\وانا اقدر اصلا..!لازم بابي اقوله..!!وبصوت عالي..هذا اللي ناقص بعد اروح بدون شور ابوي..أذبح نفسي ولا أسويها.. واضافت وهي فرحانه لأنها قدرت تنقذ نفسها...أصلا لازم يعطيني الجواز..يعني يامامي أكيد بقوله..!!
هند\فكرت بعد..ماتقولين له..!!
جمانه وهي تنفي كلام أمها\افا والله.كيف ماأقوله..!!لازم اقوله..!!
هند بتعب\طيب فكينا من هذرتك وسكتي تراك صدعتي راسي وتعبتيني..يكفي أني خلقه تعبانه..!!
الجده وخافت على بنتها اللي صارت وحيده بدون أخت\بسم الله عليك يابنيتي..وناظرت جمانه بعصبيه ..جمانوا وهيد..قومي تعبتي أمك من حنتك يالخبله..!!
جمانه بصوت رجالي وهي معصبه لأنه كل شي بيلومونها فيه\يمـــــه..ياربي..ماسويت شي..ليه انتي معصبه علي..!!
هند وتشد على كل كلمه تقولها\لأنك زي ماقالت جدتك..خبله..!!أقول بلا هذره قومي جيبيلي الدواء مع ماي,,,!!
جمانه واشرت بعيونها الثنتين عشان تمتص غضب أمها\من عيوني..يالغاليه..!!
لطيفه أم عزيز\أقول هند..أنتي أي شهر اللحين..!!
هند وتمسح على وجهها بتعب\في نهاية السادس..!!
لطيفه وبعيون حسوده\مايبين عليك..!!
هند\انه كذا بحملي بجمانه بين..لكن حمالي بناصر مابين..!!
لطيفه\أجل بيجينا ولد..!!
هند بحسره وامل بنفس الوقت\اللي الله كاتبه لي..راضيه فيه..!!
============




ياأخي مايصير لنا أكثر من ساعه جالسين مع بعض وانت كله تسرح..والتلفون اللي جاك خلاك تسرح اكثر..!!أمووت واعرف مين اللي كلمك..!!
تركي بنظره غير مباليه\أختي..وظغط على الكاس من جهه ثانيه ....بارد كثير..عطني منديل..!
مبارك وجاته العدوه من تركي وسرح من أول ماجاء طاري راوين وهو يتذكر اخر موقف بينهم..وابتسم على هالذكرى..
تركي بسخريه\ياحبيبي..اللحين أنت اللي سرحت...مبـــارك..!!
مبارك وانتبه\هــا..!
تركي\ٌأقولك عطني المنديل اللي جنبك..أيدي تجمدت من البروده..!!
مبارك\حلاتــه بارد..وينعش القلب...ويار على راسه.. ويخليك تصحصح..
تركي ويصغر عيونه\دعايه على غفله..
مبارك\لالالا هـ الأمور مايجبون لها دعايات..!!ورمى عليه المنديل بخفه.....تفضل..!!الا أقولك..بكره بتروح الرياض..
تركي وبثقه\أكيييد..زين مني جالس يومين..!!
مبارك بعفويه\والأهل...اوه قصدي يعني بيجلسون هنا مين بعيدن بيجيبهم..!!
تركي\أنت نسيت أنه الوالد موجود..!!
مبارك وتوه متذكر\أيوه..نسيت انك قلت لي..!
تركي ويلتفت حوالينه ويناظر اللي رايح وجاي\غريبه ماأشوف زحمه اليوم..
مبارك\تلقاهم لسه ماأرجعوا من السفر..!!
تركي وتنهد وفكره في مكان ثاني\أيــــه..
مبارك ومستغر بمن تركي\والله انه فيك شي..
تركي ويشرب شوي\مافيـني شي..متملل..هذه السالفه ومافيها..
مبارك مافهم عليه..وسكت عنه...وظلوا أثنينهم يشربون..وماهم أي احد..أهم شي يرضون روحهم المتعطشه لها الأمور..
مبارك ويناظر قدامه \شوف مين جاي...!!
تركي ومش مهتم ولا هو ملتفت \..منوا..!!
مبارك\جاسم وربعه..من زمان عنهم..!!
تركي بضيق\خله يولي زين..مش فاضي لتفاهتهم..
مبارك\فشله تركي قوم نسلم عليهم..!!
تركي وعلا صوته شوي\ياخي ماتفهم..ماتستوعب..قلت لك ماأبي..!!
مبارك طنش تركي وقام يسلم عليهم..
أما تركي..نسى سالفة اخته ولا اهتم فيها أصلا..مجرد تلفون أزعجه..ونساه بكاس واحد..
لكن الموضع اللي يفكر فيه اللحين..البنت اللي شافها بيت عمه..
يتمنى يعرفها ..ومايدري ليش هالفضول اللي فيه..
يمكن شكلها ابهره..
أو يمكن كانت من النوع اللي يعجبه..
وهو بأقل من دقيقه حفظ شكلها..ولبسها ..وحركاتها..وشعرها..وأهم شي شعرها لأن أثر فيه بقوه..
وغير كذا جرأتها..جراتها في الكلام وكيف أنها تقبلت الموضوع وحتى في مشيتها كانت جريئه..
مو جريئه..يعني أيزي..
لا كانت جريئه في الوثوق..وهذا اهم شي عند تركي..
الجرأه في الوثوق في النفس..
نقدر نقول أعجبته..أو المعنى الأصح..أبهرته شكليا وشخصيا..
تذكؤ كيف طاحت عليه..!!وكيف علق شعرها بزر ثوبه الفضي..حس أنه نفسه أختف ذيك اللحظه,,ومابقى غير ريحة العطريه الجريئه..
كان الموضوع فعلا يضحك..
لكن ماعمره سمع سبه من احد..وتجي هي بسهوله وتسبه..!!وماحط في باله ذاك الوقت لأنه في موقف لايحسد عليه..وعرف أنها مش حاسه بنفسها أصلا وهي تتكلم..ويوم شافها تصيح..توه يحس بالموقف..وعلى طول أبعد شعرها من ثوبه بخفه..وحس أنه ألمها لكن ماكان همه في ذاك الوقت غير أنه يطلع شعرها وتبتعد عشان يستوعب الللي صاير..

وعلى طول ربط سالفته بالطلعه اللي قالت عنها اخته..وخصوصا لأنها قالت البنات والشباب هم اللي بيرحون..
وهو متأكد أنها بتكون معاهم..لأنها اكيد هي يابنت عمه أو بنت عمته..
وجات في باله فكره أنه يوافق على طلب أخته..
لكن مااسرع ماطرد هالفكره السخيفه من باله..
لأنه مادخلت عقله..!!
أوكي هو يتمنى يعرف من هي البنت..لكن ماتوصل لدرجة انه يوافق على طلب أخته عشان بنت لاراحت ولاجات..
وبكذا نسى سالفة غلا..وحس أنه غبي لأنه يفكر فيها..
وهو مو أي شي يفكر فيه..
لازم تفكيره ينحصر بمستواه او اكثر..
اما الأشياء السخيفه..فبتكون لغيره...مش له...!؟؟
================






بعد مشاوارت طويله بين الشباب ...وبعد تعبهم في أقناع الوليد اللي مش راضي بهالمصخره على قولته...
قرروا انهم يروحون بكره الظهر..يعني العصر بالكثير بيكونون بالبحرين..
وعزيز شم ريحة خيانه ويوم درى بسفرة البحرين تعلق بالوليد وظل يحن ويزن عليه ومابقى شي ماسواه..لكن الوليد طنشه ومارضى يروح معهم وخصوصا انه محد بعمره بيروح...وحاول في ابتسام لكن ابتسام حاولت تراضيه بانها بتجيب له حلاو وبدلات من اللي يحبهم قلبه ..لكن مارضى..وفي النهايه تعلق فيها وماييبي يرجع البيت لكن امه عطته ضربه في ظهره وسكت والدموع متجمعه في عيونه..وابتسام عصبت لكن ماقدرت تتكلم لأنه لطيفه امه بعض ألأحيان تفرض سيطرتها على عزيز وماترضى ابدا احد يناقشها بالموضوع حتى لو ذبحته قدام الكل..
==========
أما عند البنات اتفقوا أنهم يباتون في البيت الكبير
عشان تكون الطلعه جماعيه.... وابتسام كان عندها لبس في البيت والجواز عند الوليد..لكن دقت على ابوها قبل كل شي عشان تحطه بالصوره..أما فجر وغلا راحوا البيت عشان يجيبون أغراضهم وبالمره ياخذون الأذن من ابوهم..ورجعوا على طول لأنهم متحمسين كثير وهيثم ظحك على خبالهم وخصوصا غلا اللي بتقطع روحها من الوناسه..ودقت الساعه 12 أعلان ليوم جديد..ولحد اللحين البنات صاحيين
يخططون وش راح يصر اذا وصولوا البحرين..وكل وحده حاطه مخطط في بالها وتبي تسويه..
ماعندا راوين اللي ساكته وجالسه تقرى مجله وتلهي ررحها وقلبها يحترق من الحزن اللي أسرها..
ومحد حس فيها..وحاولت فجر أكثر من مره أنها تكلمها لكن راوين رفضت انها تتكلم وأكتفت بتوزيع ألأبتسامات بين فتره وفتره..
والبنات مايدرون شسالفه وفكروا أنها بتروح معهم حالها حالهم..

ابتسام واصلبت جسمها وبان طولها وبيجامتها اللي مستعيرتها من جمانه\شوفوا أول شي على طول نروح السيف نشوف الفلام لمن نقول بس..وبعدها نتعشى..وماله داعي نتغدى لأني أسوي ريجيم ,انتوا بعد اشوفكم زايدين هأليام سوا مثلي..
جمانه وققامت وعلت صوتها بخشونه\شوفي عاد..مو يعني لأني عطيت بيجامتي تستقوين علينا..ولاتفكرين روحك كبيره..تراني أطول منك..!!والمخطط حقك فاشل..فاشـــل..فاشــل..!!والتفت لغلا..!!غلا..!!
غلا وتبر اظافرها اللي زايد طولها\هلا..
جمانه واشرت لها\تعالي ياحظي أحنا اللي مخططين..ولازم اللي نقوله يصير..(وابتسام تسمعهم لكن مطنشه جمانه ودزتها بعيد)
ابتسام\مااالت عليك..مخططي أنا اللي بيصر غصبن عنك..!!وعنها..!!
فجر بعيون صارمه\أقول..بلا خبال انتي وياها..سمعوي أقتراحي أنا..!!
جمانه وجلست جنب فجر بسرور\اذا تكلمت فجر...الصراحه وعذرا يعني مأاقدر أردها..أمري يافجر العالي..وش مخطط..!!
فجر بصلابه\أول شي..نتغدى بالسيف هذا البوفيه اللي جنب السينما..وبعدها ندخل نشوف فيلمين..واحد مصري عشان نراضي فئه..وواحد أجنبي عشان نراضي فئه ثانيه..وبكذا ارضينا الكل..وبعدها نطلع نتسوق شوي..ونتعشى باي مطلعم تبونه..!!عجبكم ألأقتراح..!!
جمانه وحاطه ايدها على خدها وتتأمل فجر\عسسسسل..كل شي من فمك الصغيرون عسل..لكن عندي سؤال.!!
فجر وبنفس الصلابه\تفضلي..!!
جمانه بغباء وهدوء\ليه دائما أشوفك رافعه شعرك..ماعمري شفته مفتوح..دايما ترفعينه..!!
الكل ناظر جمانه حتى راوين اللي متضايقه ناظرتها وبعيونها الف سؤال وسؤال..وفجأه الكل ضحك بدون توقف..وزاد ضحكهم يوم شافوا أنه جمانه تطالع فيهم ولا كانها مسويه شي..
جمانه وبانت على ملامحها التعجب \شفيكم..انا من جد اسأل..!!
غلا هنا ماقدرت وجهها حمر وماقدرت وطاحت على الكنب وهي تكمل ضحكتها..
راوين وتكلمت اخيرا بعد ماتعبت من الضحك\من صجك أنتي..هذا سؤال..!!
جمانه وفتحت عيونها\أيه..فيها شي اذا سألت هالسؤال..
ابتسام ومسكت قلبها اللي المها من كثر الظحك\شوفي جمانه هههههه السؤال مافيه شي..لكنه دخل عرض..أحنا وييييييييييين وانتي وين..!!
جمانه وتوها تفهم عقلية بنات خالها\سخفيييين..
فجر وماتبي تحرج بنت عمتها وجاوبت على سؤالها\سمعي جمانه..أنا ماأحب أفتح شعري لأني تعودت على رفعه..يعني المساله عاديه..واللي ماتعودت عليه ماأحب أسويه..!!
ابتسام بسخريه\ها..طاحت الدوده..!!
جمانه بقهر\أيه...طاحت..ومسكت مخده قريبه منها ورمتها على غلا اللي مازلت تضحك...يعل أٍسنانك الكسر قولي آميييين..!!
غلا ووقفت الضحك وهي خايفه من هالدعوه\ ياربي..بسم الله علي...وضحكت عشان تقهر جمانه..هههههههههههههههه في أعدائي ان شاء الله..!
ابتسام ودخلت في موضوع ثاني\..ياربي تصدقون نسيت عزيز أكيد اللحين فاقدني..!!
جمانه وحزنت عليه لأنها تمووت فيه\الصراحه اللي سوته أمه غلط..والله بغيت أفعصها لكن مسكت نفسي..
فجر\المشكله أنه مانقدر نقول لهاشي لأنها هي متعصبه في هالأمور ..
ابتسام\أنتوا ماشفتوا شي..في البيت تسوي بلاوي وانا اللي أطيح فيها..والمصيبه أنه مر وقفت في وجهها وصرخت علي وعطتني كلام يسم البدن..والي يضحك بالموضوع أنه طول الوقت عندي لكن واذا شافت أي غلطه منه تحطه فيني لأنها عارفه محد رباه غيري وهي مطنشه حضرتها..
فجروبحزن\ياعمري ياعزيز يوم شفت الدموع بعيونه ماقدرت... ودي ضميته ذيك اللحظه..
جمانه بطنازه\أنتي تضمينه من هنا وهي تخنقك من جهه ثانيه..!!
ابتسام بضيق\ودي أشوفه..ياربي أكيد لحد اللحين يصيح..!!
غلا باستنكار\وش يصيح ..!!أكيد تلقينه نايم اللحين شوفي الساعه كم..!!
ابتسام وناظرت ساعتها\ول...الساعه 3 ..!!مر الوقت بسرعه..!!مافي الا بكره أكلمه
فجر بتعب\بنات أمشوا ننام بكره ورنا قعده من الصبح..!!
غلا وبرقه\لا ياعيوني ..ولو سمحتم لحد يقومني الا اذا جهزتوا نفسكم وركبتوا السياره..!!
جمانه\لا ياحبيبتي..انتي نسيتي جدتي بتقومك من الضحى..
غلا بدلع\عادي بسوي روحي نايمه..
جمانه وتضحك\أهي والعصا فوق ظهرك..!!
راوين وقامت\أقول أنا بروح انام..تصبحون على خييير..
فجر\حتى انا بعد..!!تعبانه مره..وقامت فجر ورى راوين وكانت حطه في بالها أنها تكلمها اللحين لكن فضلت أنها تعطيها مجال لبكره وخصوصا أنه الوقت مايسمح للنقاش..
وناموا البنات وكل وحده تفكر في بكره ..وايش راح يصير من مغامرات في البحرين..
====================






لفيت الجهه الثانيه بضيق..هي تسمع صوت من بعيد وهذا اللي مزعجها..وماقاومت اكثر وفتحت عيونها بطء وكسل شديد..
ناظرت الساعه ولقتها 12..صرخت باعلى صوتها
..بنااااااااااااااات...
مكست جوالها ولقت 13 مكالمه من هيثم..و6 مكالمات من سلطان..
رفعت شعرها بحركه سريعه وقامت وأصلبت روحها..وراحت للحمام عشان تصلي صلاة الفجر اللي فاتتها قضاء والظهر..
وبعد ماطلعت صلت وهي تستغفر ربها اكثر من مره وتفكر كيف أخذها النوم ونساها حتى الصلاه اللي مستحيل تقدر تفوتها..ولمن خلصت صلاه فتحت الستاير عشان تدخل الشمس وتصحي هالميتين ومش حاسين بروحهم..
فجر بصوت عالي\بنااااااااااااات قوموا يالله مافي وقت..
ويوم حست فجر انه مافي فايده مسكت كل وحده وفعت المفرش عنه بكل قوتها..وقربت عند غلا اللي ولا قنبله تصحيها..
فجر\غلا..غلا..غلا..غلااااا..قومي يالله..
غلا حركت عيونها وهي منزعجه\أووووف الواحد مايقدر يرتاح في هالبيت..!!ياربــــي
فجر ومالها خلق تضحك\قومي يالخبله..قومي..وراحت لجمانه\جمانه..جمانه..ومسكت غرتها اللي دوم طايحه على وجهها..جماااااااااااانه؟؟
جمانه عطتها رفسه معتبره من كثر ماهي رجولها طويله وصرخت بصوت خشن وفيه النوم\وخررررري..
فجر وطفشت منهم ووقفت في وسط الغرفه الكبيره\بناااااااات قوموا والله زهقتـوني قوموا..
راوين أستجابت لنداء فجر وصحت لأنه نومها خفيف ورفعت شعرها اللي متناثر\فجرز.كم الساعه..!!
فجر\12 ونص ..راوين قوميهم الله يخليك بنزل تحت وبدق على الأولاد..
راوين وقامت بكسل\أوكي..روحي بصحيهم لك..
ابتسام وصحت من ضجة البنات والنور اللي بالغرفه وهي مخترعه\ياحسره ..تأخرنــــــا..
فجر وهي طالعه\بدر عليكم من زمان متأخرين..!!
راوين\اللحين شيقوم هذيلا ..!!جمانه...غلاااا..
ابتسام وقامت من فراشها\صبري اللحين بيقومون..ومشت ابتسام جنبهم وداست على رجولهم..
وماسمعوا غير صرخه هزت البيت هز..
صرخة جمانه اللي غطت على صرخة غلا الناعمه..
=======








اتصلت فجر بهيثم وعرفت انه كلهم مجتمعين في بيت جدهم ماعدا الوليد اللي لسه ماجاء من النادي وقالها في ظرف ربع ساعه تتجهزون لأنه مافي وقت..
وتذكرت فجر راوين وطلعت فوق عشان تسالها لكن ماشافت غير غلا واقفه جنب باب الحمام وتصرخ على ابتسام اللي طولت بالسبوح..أما جمانه أنحاشت قسمهم عشان تخلص بسرعه..


فجر \وين راوين..!!
غلا بتأفف\راحت هي وجمانه لقسمهم..!!
فجر وتوسعت عيونها\يعني راوين بتروح..!!
غلا وانزعجت من فجر\أكيد بتروح.!!كيف ماتروح..!!
فجر وتوها تحس أنه غلا ماتدري بالموضوع\يووه نسيت أنك ماتدرين..!!
غلا وضاقت عيونها\شنوا..!!
فجر وحست انه مافي مفر من السكوت\راوين يمكن ماتروح..!!ومشت مسرعه..بروح اكلمها.!!
غلا وعلت وصتها عشان تسمعها فجر اللي طلعت\تعالي...كيف مش رايحــــــه....!!؟؟أوووف..ياربي من صجكم..!!مايصير لازم راوين تروح وضربت بأيدها على الباب ومسكينه ابتسام اخترعت..!!وقالت كلمتها المعتاده...يـــاربـــــي..!!
=============





حاظنه أمها وهي تصيح عشان تفرغ كل اللي بداخلها ..هي من امس حابسه دمعتها عند البنات وماتبي تضايقهم لكن من شافت أمها صاحت وهي عارفه أنه أمها حاسه بمعاناتها..
راوين بصوت يذبح\يمه شسوي..أكيد اللحين بيرحون..كيف اقول لهم أني مش رايحه..!!
نور وتطبطب على بنتها بحنان\حبيبتي راوين..أبوك راضي وانا أمس قلت له..وماعليك من اخوك هو اصلا بيروح الرياض بعد شوي..!!
راوين وتضايقت أكثر وبان هالشي من صوتها\بس يمه لازم يروح تركي..مايصير أروح لوحدي..!!
فجر وتوها داخله وفاجأتهم\ليه مايصير,,والا نسيتي سلطان..!!
راوين والتفت لفجر\فجر..!!
فجر وجلست جنببهم على الأرض عشان تكون بستواهم\أيه فجر..!!وانا اللي مفكره انك بتردين علي..طنشتينا وجيتي هنا.!!
نور بابتسامه حلوه وهي تمسح دموع بنتها\شفتي..خلاص أنحلت المشكله أنا بقول لأبوك أنا سلطان بدال تركي..!!شرايك..!!
راوين وتناظر فجر مره..وأمها مرات\لايمه لاتقولين له ماله داعي..وناظرت فجر..خلاص فجر,..!! أنا مش رايحه..!!
فجر بحزن\ليـــه..!!
راوين واصلبت طولها\بس خلاص ....
أنا قرررررت..!!
ومستحيل أتراجع عن قراري..ومشت وهي حزينه لبعد وظلم اخوها..أكثر من حزنها من عدم روحتها..



حلقة الغموض انفتح جزء منها وبانت بأبشع صوره ممكن يتصورها الأنسان..لؤي اللي كان حرامي وتاب...ويوســـف المدمن..!!
هل من مزيد من غموض في باقي القصه..!!


وغربة ياسمين وعدم شعورها بالأمان..!!بتغير في مجرى القصه..!!


تركي المحظوظ الجبار..بتضحك له الدنيا كل مره وبيمارس تعذيب احبابه..!!

قرار راوين بيأثر على طلعتهم البحرين..!!

وطلال وش موقفه من هذا كله..!!


تابعوني في الجزء الجاي..يمكن تلقون اجابه لبعض الأسئله..!!
الاخت الصغيرة
الاخت الصغيرة •
الجزء الرابع عشر
===========


كانت ماسكه طرف أصبعها اللي يقطر دم وتحاول تظغط عليه بلفافه عشان يخف هالدم اللي ينزف..لكن تصدقون...!!ماكانت تحس فيه..لأن اللي في القلب جروح غطت على هالجرح..في القلب جروح العالم كله..
جاها ولد أخوها اللي كان حاضر الموقف..ومسك اصبعهاوخذ اللفافه ولفها بكل قوته وشد عليها..وهي تشوفه وماسكه نفسها...مأتبي تضعف قدامه..لكن..توها تحس بالألم..كان يضغط عليه من جهه وهي تصرخ الأهات من جهه ..لكن حتى الصرخه اللي كنت تصرخها مكتومه..محد يسمعها..
لكن دموعها هي اللي أستسلمت ..
مروان بحزن\عمتي..تمسكي شوي..شوي وبيخف الألم..!!..عمتي لاتصيحين....!!
ياسمين وحاولت تقاوم دموعها\حبيبي....أنا مافيني شي..بس الجرح حرقني شوي..!!
مروان\كل هذا ومافيك شي..عمتي أرجوك لاتكذبين علي..بعدين كيف رضيتي له..ليه ماوقفتي في وجهه..
ياسمين ولازلت تتألم لكن ماسكه نفسها وراصه على عيونها\لا يامروان..لاتقول كذا هذا ابوك.. وبعجز...واذا سمعك أكيد بيزعل..!!
مروان وصرخ\يخسي..يخسي يكون ابوي..!!هذا مجرم..مش أبـــــ....
ياسمين وسكرت فمه بايدها\لا..لا يامروان...لا تتعلم القسوه..أرجوك..!!
مراون\وبعدكل هذا وتدافعين عنه..عمتي كان بيذبحك..وصرخ..وانتي ساكته...!!
ياسمين وبقلة حيله\ماكان يقصد..هو قط السكينه وجات بــ اصبعي..!!..بس..
وبعيدن انا الغلطانه...كنت اشوفه معصب وهو جايني المطبخ .. ولا رديت عليه وهو طبعا اكيد بيثور من تجاهلي له..ومامسك نفسه وغط السكينه بدون مايقصد..بس هذه الحكايه..
مروان وماسك راسه\عمتي..كل هذا وتقولين بس...عمتي..لين متى..لين متى قولي لي..!!ونزلت دموعه وهو عاجز وماابيده شي..
ياسمين أحتارت ماعرفت كيف تسيطر على الموقف... وبعجز..وضعف حيله ضمته بأيدها اليسرى..والمشكله أنها عاجزه تهدي نفسها\امسح دموعك ياحبيبي...ماأبي أشوفهم...أمسح دموعك...والله الوحيد العالم بهالظلم اللي نعيشه..!!
مروان ضم عمته أكثر وهو يبي يحس بالأمان اللي مو بحاسه ونسى جرح عمته..ونسى أنه جاي يواسيها..وهي اللي واسته\عمتي..كفايه..انتي عانيتي كثير..واستحملتي مشاكلنا كلنا.....ليتني بس..ليتني بس أوقف بوجهه واقوله ..حرام عليك كفايه ظلم..!!
ياسمين ونزلت دموعها ثانيه بمراره\مين قال أحنا ماأبيدنا شي..!!أصبر يامروان.. .....ان الله مع الصابـــرين..!!
مروان أبتعد عن عمته شوي ..يبي يشوف أي شي من علامات الصبر ..لكن مالقى غير..الأسى اللي بعيونها\وانتي..بتصبرين..!!
ماردت عليه..لكن تمتمت بكلمة ايه..وأخنقتها العبره..وظلت ساكته..!
مسك مروان طرف اصبع عمته..وضاقت عيونه... لحد اللحين ينزف,,!!
مروان\عمتي..شكل النزف قوي..
ياسمين وهي تمسح على شعر مروان\قلت لك لاتخاف..شوي وبيوقف النزف..!!..
لكن لحد هاللحظه مروان مش مصدق عمته..هي تقول شي..واللي يشوفه من نزف شي ثاني..!!
ياسمين وحست فيه \ياربي على هالولد..مروان..
مروان وهو زعلان\نعم..
ياسمين وخلقت ألأبتسامه وطربت بصوتها\مافيني شي..مافيني شي..حبيبي لاااا..تقلق علي...!!
جرح..(وناظرته)..في طرف اصبعي..(واشرت على أصبعها)بيطيب ويمكن يختفي...جرح في طرف أصبعي بيطيب ويمكن يختفي..!!(ومسكت ايده وبعيونها نظره حنونه)...لما ايدك تلمس أيدي...لما ايدك تلمس أيدي..وسكتت وهو ابتسم..
وكملت بداخلها..
ظحكتنـــــــي..
لوتشوف جروح قلبي وش تقول..!؟
لو تشوف همومي وثقالي الحمول..!؟
لو تحس بضمى روحي لفرحى..!؟
كان صابك من مقاومتي ذهــول..
:::::::::
ياسمين\واللحين..ممكن تروح لغرفتك....!!
مروان واعترض \لا عمتي..بزهق لوحدي..
ياسمين \طيب ياعيون عمتك..بنجلس ربع ساعه زياده..!!وش رايك..!!
مروان بابتسامه\وأنا اقدر أقول شي...وغمز بعيونه بطفوله..سكتيني؟؟

مروان..عمره 12 سنه..
تقدرون تقولون أنه أسم لولد بندر في التبعيه لكن اللي ربته وعلمته وخلته رجال بعين الكل هي ياسمين..
وعشان كذا هو قريب لها بدرجه غير طبيعيه..

جرحــ فيـ طرفـــ أصبعيـــ بيطيبــ ويمكنـــ يختفيـــ
:::::::::::::::::::::






كنت بالسياره اللي توصلني للشقه..
ورجعت افكر باللي صار لي مع الدكتور سمير..!!وكانه جبل عالي وشامخ مكبوت بقلبي
صدمني بسؤاله..!!؟
مين أنا..!!عشان يعرض علي هالعرض اللي بيكلفه مبالغ باهضه..!!
أوكي.. قلنا أنه فاقد الوطن..والأهل...
قلنا انه وحيد..وكريم..وطيب..وغني وهذا حطوا عليها مليون خط...!! لكن ماتوصل لهدرجه..!!
وايش بيستفيد اذا ساعديني..!!
أكيد فيه مقابل..
أكيد..وخصوصا بهالزمن..!!وأنا ذايق هالشي..وكان المقابل أني خسرت 11 سنه من عمري..!!11 سنه..والله يعلم وش ورى هالخساره...موته..أو فرقى طول العمـــــر..!!
أنا لازم اعرف ..ماأبي أكون ساذج والأشخاص هم اللي يمشوني..والمؤمن ماينلذق من جحره مرتين..!!
ودي أفض كل شي معاه..وارتاح..لكن اعرف أنه الخسران الوحيد هو أنا..!!
سحبت نفس عميق بوهن وأنا ارثي على حالي وتشتت افكاري..
يارب..!!والله محتار..وش موقفي اذا واجهته..لازم أفكر عدل قبل ماأتخذ أي خطوه..!!
واحمد ربي ألف مره أنه يوم سألني طلع على طول لأنه جاه تليفون من الشغل حقه..والا كان أتهورت ورديت عليه برد أنا مش مستعد له..
والمشكله أني متأكد أنه بيسألني ثاني مره..وبيعرف أني فكرت بالموضوع..
يعني.!!
لازم أفكر..قبل مأاتواجه معاه..!!لازم..
ياربي..ساعدني..!!
أحس متعلق..متعلق بنهاية خيط ..وهالخيط بيجي يوم وبينقطع
مين الجأ له..ومين يسمعني..!!
(وبحزن طفر منه)الله يذكر ايام اول..كنت مرتاح البال..مكان عندي شي يشغلني..!
كنت بلاهموم..(وأبتسم على هالذكرى)
كنت مدلل..محبوب والكل بحسدوني على هالصفه..
لكن وش أستفدت من هذا كله..!!
ولاشي..!!
ولا شي استفدت..
الغربه هي اللي وصلتني لهالطريق..(وبصعوبه كمل)
وهي اليوم اللي خلتني وحيد..ماعندي أحد الجأ له..ولا أحد يفهمني..ولا احد أشتكي له..
ماعندي غير..ريشه افرغ فيها عواطفي..ولوحه أتامل فيها لمن يفيض عندي الحنين واشتاق..!وتذكر اللوحه بحنين..
وياعذاب هالشوق..اللي يقتلني حسافه وندم على اللي فات..!!
......
أنا ماأنكر وجود لؤي.والله الوحيد العالم وش حالتي بدونه..
لكن فاقد الأم..فاقد ألأبو..فاقد كل ماضي كنت اعيشه..!!
فاقـــدهــم..وربي فاقدهم..
:وبحسره..والم وضيع:داس على قلبه فيها..قال:
لو كان ابوي جنبي..موجود..كان ماأظطريت التجأ لأي احد..
ولو كانت أمي قريبه بحياتي..كان رميت نفسي بحضنهاوصحت..
وصحت لمن أحس أني مرتـــاح..
ويااااابعد هالراحـــــه..اللي أبيها..!!
/
\
/
وبعد فتره حسيتها طويله.. وصلت الشقه..
ورسخت في بالي أشياء كثيره..!!ولازم اغتنمها..!!
والا بتفوت محطه ثانيه من حياتي..."
==============






بعد مارمت غلا القنبله اللي سموها سحريه البنات..طاحوا عليها من وناستهم..وشوي وبيشقوقون روحهم من الفرحه..ومسكينه غلا ماقدرت تتنفس..وعصبت عليهم..لكن لاتخافون مو عشان أنها أختنقت..لا..!
عشان شعرها خرب ومالها خلق تظبطه..!!
غلا بنعومه ممزوجه بعصبيه\جمانوا..وخري عني..خربتي شعري..وخري..!!ليتني ماتكلمت..!!
جمانه بطنازه\شسوي ياقلبي من الفرحه والا أنا ماأواطنك..!!
غلا وحمر وجهها من الغيظ\يعني أنا اللي ميته عليك..!!
..done جمانه ومسكت كتوف غلا بدفاشه\أقول غلا خلينا نعقد فترة هدنه لحد مانروح البحرين وبعدين يصير خير
ياأخوك..اهم شي نطلع..!!done غلا بضحكتها الدلوعه\ههههه..حلوه هالكلمه..كثري منها..
فجر وتبي تغايضهم \وانتوا مصدقين نفسكم كثير يعني..!!أقول لاتحلمون كثيير..راس تنوره وكثير عليكم..!!
ابتسام بتوتر\ياربي..فجر..تكفين لاتحطمين مجاديفنا..خلينا نحاول ويصير خير ساعتها..!!
جمانه وولفت على فجر بتهديد\علمن يوصلك ويتعداك يافجر..والله ياويلك أني قلتي ماتبين تروحين.. ونعست عيونها وهي تتذكر شي قريب....موتسوين نفس ذيك المره طلعنا وجلستي بالبيت..!!
فجر بابتسامه\أفكر..!!
راوين وبان التعجب بعيونها\اي طلعه..واي روحه..متى صار ..!!
جمانه وتبي تقهر راوين\ويه فاتك..طلعنا..وطلعنا..وطلعنا..
راوين\وين طيب..!!
جمانه \أقولك لحظه..ورحنا..وشرينا واكلنا,,!!
راوين بقهر\حسبي الله على بليسك وين..!
جمانه وماسكه ظحكتها\صبري..وشرينا ملابس حق الكليه..وكلنا من كانتون..أممم و بعد أيش سوينا..!
ونجحت خطة جمانه في قهر راوين\خلاص..ماأبي أعرف شي..!!
ابتسام ورق قلبها لراوين\تركيها ياراوين..جمانه متخصصه في رفع ظغط الجميع..رحنا جيان..تمشينا شوي فيه ورجعنا البيت..
راوين وناظرت جمانه\ماااااااااااالت,,
جمانه وغمزت بعينها بكل جرأه\أمووت انا في اللي ينقهرون وويستسلمون بسرعه..أحبهم والله..
ابتسام بصراحه\والله ماينفع معك ياجمانه غير هالأسلوب..!!
غلا ورمشت بعيونها\المهم شفيكم تضيعون الوقت..يالله خلونا ننشر الخبر..مافي وقت..
فجر بثقه \ماله داعي ننشر الخبر..عندنا اكبر ثنتين حنانات بالعايله وهو بيتولون المهمه..
غلا+جمانه بفضول\منوا..!!
فجر وفيها الظحكه\...انتوا طبعا..!!
غلا+جمانه وبؤبؤ عيونهم شوي وبيطلع \أحنـــــا..!!
ابتسام\هههههههههههههههههههههههههه صدقتي يافجر..ماله داعي نتعب روحنا انتوا عن عشرين بنت..!!
غلا باعتراض\لالالالالا أحنا ماتفقنا على كذا..كل وحده فيكم بتكلم أخوها..والحريم عادي..بيرضون بالنهايه..!!
ابتسام وسكتت\طيب فكونا..يالله تفرقوا..كل وحده تدق على أخوها..
جمانه بدلع\وأنا طبعا بدق على خالي...حبيبي..سلطان..
فجر\ماله داعي تدقين ليه..أنا توني شايفته بالمجلس..
جمانه وقامت\والله زين..بروح اشوفه..
وبكذا اتفقوا البنات أنهم يستلمون المهمه الصعبه ويبدون باقناع اخوانهم..
وطبعا غلا أستلمت المهمه بدال فجر ودقت على هيثم..
وابتسام دقت على الوليد
وجمانه بتكلم سلطان
وبقى راوين اللي ظلت جامدة الملامح....!!
==========




كل وحده تكلم اخوها..والحريم عادي بيرضون بالنهايه..
كل وحده تكلم اخوها..والحريم عادي بيرضون بالنهايه..

هذه الجمله أنعادت ألف مره في بال راوين..!!
تحسها صعبه..صعبه كثير..
معقوله تقدر تكلم أخوها..!!
معقوله تقدر تحط عينها بعينه..!!
مستحيل طبعا..!!
أخوها..مو مثل أي أخو..!!
أخوها تركي..
تركي الصعب..
وبكذا أنقطع الأمل الوحيد عند راوين ..ومن البدايه استسلمت واعلنت أنهزامها..!!وبان الحزن بعيونها..
فجر مسكت ايد راوين وهمست بأذنها\راوين..!!
راوين بحزن وخيبة امل\همممم
فجر\شفيك حبيبتي..!!
راوين\ولاشي..!!
فجر ورصت على ايدها وبنفس نبرة الصوت\..متأكده..
راوين وغمضت عيونها\فجر..خلينا نطلع شوي احس أني مخنوقه..
فجر\أوكي..وقامت وظلت ماسكه ايدها..لمن طلعوا بعيد عن عيون البنات..
وجلسوا بالكراسي اللي بالحوش...
راوين ساكته والحزن واليأس باين بتقاسيم وجهها..
وفجر نفس الشي ساكته أحترام لصمت راوين..
راوين بضيق\..فجــر..أنا ماأقدر أروح معكم..!!
فجر بابتسامه \والسبب..!!
راوين وحست بصعوبه بالكلام\فجر..أظن أنتي أكثر وحده تعرفين ليش ماأقدر اروح معكم..!!
فجر وقربت منها وحسستها بالأمان بمسكة ايدها\أنتي قصدك أهلــــــ...
راوين وقاطعتها\أيه..
فجر وتناظر النحله اللي بالزرع وكيف تنتقل من ورده لورده\راوين..شوفي..الحياه صعبه..وفيها ممرات كثيره ..وكل ممر يختلف عن الممر الثاني..لكن الذكي اللي يقدر يتجاوز هالممر بسهوله...واكبر مثال ممكن تتصورينه.. (وبصعوبه كملت)....انـــا..
راوين باستغراب\كيف..!!

فجر وعينه ثابته لقدامها\أنا..طفوله صعبه..ومراهقه مجنونه..طفولتي كانت حلوه..لكن بنفس الوقت مره..ومراهقتي كانت مجنونه..راوين..الكل يعرف بقصتي..وماأظن..أنه احد يقدر يمسح الماضي.لكن اللي أبي أقولك اياه..على كل اللي مريت فيه..قدرت اتجاوز الممرات..وقدرت أكسر كل حاجز..ممكن يقتلني.انا ماأنكر أني أمر بلحظات ضعف كثيره..لكن قدرت..وصدقيني..كل أزمه تمر علي..خلتني أصير اقوى واقوى..
راوين وصابتها العدوه وظلت تتأمل بالورد\بســ...!!
فجر وتجاهلت كلمتها\راوين ابيك تكونين قويه..ابيك ماتستسلمين بسهوله..فكري..قاومي..حتى لوطحتي...قومي..وشدي الهمه..وثابري. لمن توصلين للي تبينه..!!لاتكونين مهزوزه من اول موقف يمر عليك.خليك اقوى..وأثبتي لمن توصلين للي تبينه..!!...............واللحين فهمتي,,!!
راوين بعيون تلمع\فجــــر..تدرين..!!.وخانها التعبير.........انتي صج فجــــر...!!
فجر وفهمت عليها لكن حبت تتغيبى شوي\طيب انا أدري أني فجر..!!
راوين وعصبت\يوووووه فجر..!!
فجر\ههههههه طيب..خلاص..ياربي صج اذا قالت جمانه..تعصبين بسرعه وتردين احلى وأحلى..
راوين وابتسمت وهالأبتسامه خلت وجهها أحلى\شسوي بعد..انا كذا..أستحملوني شوي..
فجر بابتسامه\واحلى استحمال..
راوين\ههههه طيب أمش نروح لهم..اكيد قلبوا البيت علينا اللحين..
فجر ووقفت\يالله..وزي ماقلت لك..حاولي..ولاترجعين ورى من أول محاوله..!!
راوين \...ياأحن روح..واطيب قلب... أوعدك.!!ومسكت ايدها وابتسمت..يالله ندخل..
================




وبعدين..!!
ابتسام وصابها قهر من برود أخوها\الولييييييد..وعمى..أنا اختك الكبيره وغصبن عنك بتوافق على اللي أبيه..!!
الوليد وضحك على عصبية اخته\هههههههه بسوم..شفيك..أنا ماقلت شي..حرام اقول بعدين..!!
ابتسام وودها تشوف الوليد عشان تذبحه\لا مو حرام لكن اسلوبك ينرفز ياأخي..ذكرتني بجمانوا..!!المهم..أنت وينك اللحين..!!
الوليد وفرح بهالأقتران اللي بينه وبين جمانه حتى لو كان سخيف لكن مابين\انا كنت بالنادي..وجاي لعندكم..
ابتسام\طيب الوليد..وبترجي الله خليك..الله يخليك..كلم الشباب باسلوبك السحري..وبصوت بدوي...تكفى..!!
الوليد ويقلدها\تكفى..!!
ابتسام وفيها الظحكه لكن مسكت نفسها\أيه تكفى..........وماقدرت...وظحكت...هههههههه وليد أنا أختك الوحيده..ياحبيبي يالوليد..
الوليد وسكتها\طيب بس بس..لايجيني شي غير تكفى وحبيبي..!!
ابتسام\هههههه يقطع بليسك..يالله تعال,,,
الوليد ويمثل العصبيه\زين...زين....صمختي أذني..أررررررف..والله مصخره..ودلع بنات..وقفل السماعه بوجهها..
مسكت ابتسام تلفونها بكل قوتها..ومابقى سبه الا سبة فيه اخوها..
ولعنت نفسها ألف مره على هالترجي والخطبه الطويله اللي ماتودي ولاتجيب..
واتجهت للبنات وهي ميته قهر وأي وحده بتشوفها بوجهها بتحط حرتها فيها..
والمصيبه..
انها مالقت ..جويلتا..
عرفتوا منهي..!!
هذه الله يسلمكم..اللي تتناجر كل يوم..وكل ليله مع الجده..
مديـــرة المنزل..
ابتسام وتضرب على رجلها بقوه\وخري عني..أقولك وخري عني..ترى النفسيه واصله.(.ورفعت ايدها لخشمها)...لحد هنا..!!
جوليتا وتمسح راحة ايدها بملابسها\طيب ماما أنا أيش يسوي ادا انتا زعلان..!!(وبطريقه تضحك رفعت رجولها عشان تشوف عيون ابتسام اللي تطلق شرار)تبي ماي..!!
ابتسام\لااااا
جوليتا\تبي عصير
ابتسام\لااا
جوليتا\تبي شاي
ابتسام\لاااااااااااا
جوليتا ومصدقه نفسهاكثير\تبي ثلج..هدا حلو ثلج..عشان يخفف حراره مال أنتا..!!
ابتسام ووصلت خلاص عندها\جوليتاااااا
جوليتا\نعم..
ابتسام ورفعت ايدها بشكل فوضوي وغمضت عيونها وصرخت\أنقلعـي من وجــهـي...!!ومشت عنهــا..
جليتا\أيش فيه هدا ماما ابتسام..مافي عقل..كلوا نفر مجنون في هذا بيت..ودخلت المطبخ وهي تتحرطم على كل نفر في هالبيت من كبيرهم لصغيرهم..
=============






دقت غلا على هيثم وقالت له ينطره بره جنب ممر الصاله..وطلع لها وهو مستغرب منها طلب منها تبدى بالموضوع لكنها لحد الآ ساكته..والمشكله أنه هيثم طفش منها..ومن اسلوبها المايع.وهيثم من النوع اللي مايحب أحد يدلع عليه...لكن غلا أخته..ومايقدر على أخته..!!
أحد يقدر على غلا..!!
ويوم حس أنه راسه دار من كثر ماهي تروح وتجي بنفس الأتجاه مسك اعصابه وكلمها برقه مثل ماهي تتكلم..!
هيثم\أيوه غلا...!!شنوا تبين..!!
غلا وقربت منه بدلع ومسكت ايده ورمشت بعيونها ومطت أسمه\هيثــوم..!!
هيثم فتح عيونها على الأخير بطريقه مسرحيه\هيثوم..ومسكة ايد!!..لالالا السالفه فيها أنا..غلا..شنوا تبين..!!ولأنه عملي زهق منها و ضاف على كلامه...خلصينـــي..!؟
غلا تركت ايده وشبكت اصابيعها بتوتر\هيثم..انت تدري اني أخر العنقود..صح..!!
وتدري انه مابقى شي على الدومات..صح..!!
وتدري أنه أحنا ماسافرنا..صح..!!
وتدري اني زهقانه وملانه ومتقرفه وطفشانه..هيثـــوم..احنا البنات قررنا نرووووووح..البحريــــن...وأنتوا بتودونا..!وصرخت بوجهه وهو اخترع المسكين...شرايك بفكرتــــــي الجهنميـــه..!!
ورجعت لصوتها المعتاد وهي تتمايل)... حلوه موا..!!
ظل هيثم يناظر اخته فتره طويله تذكر أنه صحيح هم ماسافروا هالصيف والدوامات بتبدى وحتى هو محتاج يغير جو..وعجبته الفكره كثير..فمبدئيا هو موافق..وبيحاول في الشباب لمن يوافقون..
هيثم\وأنا قادر أرفض طلب أختي...!!أكيد موافـــق..!!
وماوعى الا غلا بكبرها طاحت عليه وحضنته..!!
غلا\ياربي عليك ياهيثم..والله محد يسوااااااك..!!
هيثم وميت ضحك على غلا وبنفس الوقت منحرج\طيب غلا وخري عني زنطتيني..!!
غلا وابتعدت شوي عنه شوي\شسوي بعد..يلوموني ليه احبك..!!يالله شاو بروح أبشر البنات..!!وطارت زي العصفوره باتجاه الصاله وهي تتكركر..لكن بعدين احترمت نفسها لأن شافت قدامها نور مرت عمها..
أستحت منها ونزلت عيونها بــ الأرض..وقالت سوري...ومشت ..وهالمره بهدوء ووقار...
=========


طلع مع لؤي يتمشى في بارك أندريه ستروئن وخصوصا لأنه محتاج يشم هواء نقي وهالمكان يقدر فيه يعيد حساباته من جديد..وحس أنه الوقت المناسب عشان يقول لــ لؤي كل شي صار بينه وبين الدكتور سمير..
وبدى يعرض له الأحداث اللي صارت امس واليوم..

وأستغرب وبشده من ردة فعل لؤي وموافقته المباشره على عرض الدكتور سمير..توقعه يتفاجأ مثله ويسال ليه كل هالعروض المغريه...ّّوأيش الغرض منها..!! لكن كانت ردة فعله موأيده ميه بالميه وبدون تراجع للتفكير..
..وماينكر يوسف انه شجعه وخصوصا أنه بيسهل له أشياء كثيره هو في غنى عنها..!!
لؤي\ولك عين بعد تفكر..!!يوسف لين متى الأنتظار..!!الفرصه جاتك لعندك..!!
انت ماعليك غير تمارس هوايتك اللي تحبها بكل أتقان وسرعه..!!السالفه جدا سيمبل..!!اوتوكل على الله وانا اخوك..!!

يوسف مسح على حاجبه الأيمن بضيق\بس لؤي..انت ليه مافكرت بالمقابل..!!صحيح انه الدكتور سمير كريم لكن مو لهدرجهـــ......
لؤي وبتسرع ماكان متوقعه\لأني أعرف ليه هو يسوي كذا..!!
يوسف ووقف مشي وهو يحس بشي غريب يجهله\شقصدك..!!
لؤي ولعن نفسه على زلة لسانه\...أوهوووواااا مو قصدي شي...وبعدين ليه تحط هالعثرات بطريقك:.!!يايوسف ياحبيبي فكر..فكر عدل..وبصوت واطي..الطريق قــــرب..شوفه قدامك..!!

(وناظر يوسف قدامه بعيون تايهه وضايعه تنتظر لو شمعه وحده عشان تضوي حياته ومالقى غير سراب..سراب بعيد..وبنفس الوقت قريب.. وفجأه شاف صورة أبوه تمر حذاله..وبعدها أمه وهي تضحك له..وتزاحمت الصور وشاف ابتسام والوليد وجده وجدته..وغمض عيونه وهو متشتت واول ماغمض شاف فجر وبعيونها نفس النظره اللي بعيونه..وكأنه مرايه تعكس ملامحه وجهه واحساسه..فتح عيونه على طول لأنه ماقدر يستحمل هالنظره الغريبه..وماشاف شي من اللي تخيله..حتى الناس اللي كانوا يمشون والضجه اللي يسببونها ماحس فيها..يحس أنه يمشي بدون اتجاه وضايع بين الطرق ومافي أحد يشوفه ولا يشوف أحد..مافي غير طريق وقباله سراااااب يختفي ويطلع فجأه..

يوسف وألف أحساس يعيشه هاللحظه\بس يالؤي..كفـــايه..!
لؤي بصرامه أول مره يعهدها\لا..مو كفايه.!!...يوسف..حرام عليك..!!لين متى بتظل تعطي بدون مقابل..ليت متى بتظل حابس هالألم الي بعيونك..حتى لو كنت غلطان..حتى لو كنت خايف من المواجهه..حتى لوكنت خايف من ردة فعل أهلك اذا دروا..لاتسكتت..أقنعهم..ناقشهم..أظن 11 سنه كفيل أنه ينسيهم الماضي وينسيك أنت أغلاطك..أنت غلطت والقدر غلط معك..ولازم..لازم تصحح غلطتك..!!لاتعاقب نفسك هالعقاب اللي أول نتايجه غربتك..!!يوسف لاتنسى أنه في ناس كثير عايشين لك..لاتنسى امك وأبوك اللي محترقين لشوفك..او حتى يكتفون بسماع صوتك..أو حتى لو يضمنون وجودك بهالدنيا..لاتكون أناني يايوسف..
فكر عدل واحسب حساب لكل شي..ولاتضيع هالفرصه..(واضاف بحذر)...ترى الفرصه ماتجي الا مره وحده بالعمر..!

يوسف ومش حاس بنفسه\وأنا اقولك نفس الكلام...(وبتحدي يجهله)...احنا اثنينا في مركب واحد ونهايتنا شبه معروفه والسؤال يطرح نفسه اللحين..!!..!!اظن انك تتمنى ترجع لديارك..!!
لؤي وداس على جرحه وقالها باللم وضياع وأنكسار وحالميه\أتمنـــى..!!....
أظن اتمنى قليله....وبالم فضيع...قول أحلــــــم..ورص على أيده....احلم بشوفوتهم...
انا ادري انه مافي أحد بينتظرني..وأنا ادري اني بسبب لهم العار القديم من اول مايشوفوني..!!
لكن لحد يلوموني على اللي سويته..!!كنت صغير..ماافهم شي..
كنت فقير..أو بمعنى اصح...كنت محتاج
كنت ابي أي شي عشان أسد جوعي فيه..واسد جوع أهلي اللي كانوا برقبتي..!!
لكن خذت الطريق الخطأ وسببت لأهلي العار والذل..
وجلس على الكراسي اللي جنب البارك بهدوء وهو يناظر كيف الجو بدى يغيم والليل يعلن بدايته....وبدى يتذكر قصته القديمه..
كنت صغير..مأفهم شي..وعيال الحرام استغلوا حاجتي وضعفي..
وبدوا يلعبون فيني..لمن صرت صيده سهله لهم..

وأستغلوني وانا راضي كل الرضا على اللي أسويه..
كانت حالتي زي الموت البطيء..وكنت اعرف أني ميت ميت..!!
لكن غصبن عني اللي سويته..!!
ماكن عندي غير هالحل..!!
وهم كانوا يعرفون اني محتاج لهم..عشان كذا خططوا ببراعه وانتصروا وانا اللي طحت فيها وتغربت..
...ونزلوا دموعه حسره والم وندم... مدري كيف طاوعني قلبي ورضيت..!!
(وتذكر أخر عمليه وصلته لهالحال..!!)
كنا خمسه...ثنين بالسياره..وثلاثه مستلمين المهم الصعبه وكنت انا ثالثهم واصغرهم..!!ولبسنا كان اسود في أسود ومغطين روسنا بلفافه سوده..وقبل مانتفرق عادوا كلمتهم المعروفه وكلنا كنا حافظينها عن غيب..
يوسف\شنهي..!!
لؤي\كانوا يقول زعيمنا: اذا أندق الجرس محد يعرف أحد..!!وكانوا قصدهم اذا أنكشف امرنا كل واحد يتبرى عن الثاني ومراح احد يساعده..المهم طلعنا فوق السور احنا الثلاثه..ووصلنا اخيرا لمزرعة البيت..وكان البيت يبعد عن المزرعه حوالي ستين قدم..مشينا بهروله وبدون صوت ماعدا نفسنا هو اللي ينسمع..ودخلنا البيت اللي كان مظلم وماكان أحد موجود..وسرقنا كل شي ثمين يخطر على بالك..التحف.....والذهب والألماس..وخزنة الفلوس كلها..وطبعا ماكان هذا غرضنا الحقيقي..هذه كانت مجرد اكسسوارات نمشي فيها حالنا..
غرضنا كان سرقة الملفات المهمه اللي تهز امور الحكومه والدوله..ونعطيها مليون خليجي يتمنى هالملفات تكون بأيده..
يوسف\طيب صديقكم هذا اللي مشترك معاكم اللي كان ماخذ منصب كبيرفي دائرة الحكومه.....ماكان يعرف أنه بيجي يوم وبتسرقونه..!!
لؤي\سالم يعرف أنا أحنا اكبر زعيمة عصابات في الدوله وهو اللي ٍأسسنا..وحتى يوم طلبني معاهم كان قاصد أنه ياخذ شخص صغير في السن ومن احياء فقيره لأنه بعض العمليات تتطلب بواحد مثلي يكون فيها....لكن ماتوقع هاليوم بينقلب عليه الحال ونسرقه..!!
وخصوصا وأنه كان معطينا اكثر من مهمه نسويها في اليوم الواحد..وكلها مهمات صعبه وتهز السوق هز..
لكن انكتب لنا ذاك اليوم ندخل بيته ونسرقه..
وهو بسهوله كشفنا لكن بوقت متأخر..وطبعا لأنهم اذكياء اللي معي كانوا مخططين أنهم يهاجرون في بلاد ولايرجعون مره ثانيه والله يعلم وين هي بقعتهم هالوقت.. طبعا بعد ماعطوني مبلغ محترم اسد فيه فمي..لكني كنت ذيك اللحظه غبي وساذج..وطحت بالصيده ..وطاح علي كل شي وانكشفنا عند سالم.... ولأنه مايقدر انه يشتكي علي وخصوصا لأني بفضحه بسبب مؤمراته وبوقاته اللي خلته مليونير سفرني زي الكلب باول طياره في ألمانيا..ومن المانيا لباريس..ومسح دموعه اللي عيت تجف بطرف كمه وتمتم بصعوبه
بس هذه قصتي...وتقريبا نفس نهاية قصتك..!!
يوسف وكل مافيه يرتجف\........على ألأقل قصتك كانت شريفه بالنسبه لقصتي اللي كل يوم واحسها تكون أكثر دنائه..
لؤي ومسك أيد صديقه وحس ببرودتها\يوسف..على الأقل انت كنت مش واعي..مش حاس في نفسك..وتحملت غلطة غيرك..ومو ذنبك اذا كنت يوم من الأيام مدمن ...
وصدقني أنه في لبس بالموضع..!!مستحيل اصدق أنهم يسفرونك بدون سبب..
لأنك مو اول واحد ولأا اخر واحد يتعاطى..!!
(وسكت لؤي وظل يناظر بيوسف وماشاف غير دموع تنهمر وقلب محروق بسبب هالكلمه.وماقدر غير أنه يكمل كلامه حتى لو كان قاسي...)
انا ادري انه كلامي مو جايب فايده اللحين..لكن فكر مين اللي طيحك هالطيحه القويه..
يوسف وعلا صوته..وقام من مكانه زي الطير المذبوح\بـــــس...أرجوك لاتتكلم.. ارجوك...!!لاتذكرني بأي شي..(وغمض عيونه)..والله لو تشوف هالقلب كيف مذبوح واشر على قلبه...كان بكيت على صديقك مثل ألأم اذا بكت على مرض ولدها... والله لو تحس بهالجبال اللي على صدري كيف أتحملها..كان متتتت وأنت راضي ولا أنك تعيش لحظه مره..أرجوك يالؤي أرجوك..لاتذكرني بالعمر اللي ضيعته..ترى حتى الذكرى تفتتني قطعه قطعه لمن اصير زي الرملا اللي تهب من ارض لأرض ومالها لا مكان ولاوطن ولاعزوه..!!
==================






رجعت الصاله بعد ماكلمت ابوي وفرحت كثير أنه وافق .. لكن اللي صار وماكنت اتوقعه انه أبوي ملزم يروح تركي معنا وخصوصا لأنه بيكون محرم لي..وأنا أعرف أنه تركي مستحيل يوافق على طلب أبوي حتى لو ابوي بنفسه طلب من تركي..!!
صابني الحزن واسرني من كل جهه..لكن خطر في بالي كلام فجر.وكأنه عسل صافي يمتع الطعم والنظر..
وتراجعت لقسمنا وأنا أتذكر أني ولامره طلبت من تركي شي..وأكيد بيحن قلبه هالمره مدام أنه فيها طلعه ومتعه له
وبكذا مسكت تلفوني على طول ودقت عليه قبل ماأتراجع وأغير راي ..وكرهة نفسي اني متحمسه أكثر من اولز.اخاف يرفض منه..لكن أبعدت عني هالأفكار السوده وتوكلت على الله..وضربت رقمه اللي نادر مااستخدمه..
لكنه مارد ....سحبت نفس عميق.... وقويت قلبي ودقيت عليه ثانيه وثالثه..و مارد..والمره الربعه دقيت ورد اخيرا..وابتسمت بعفويه..
وقالت له السالفه باختصار لأنه هو يحب انه يدخل بالموضع على طول وحاولت يكون صوتي فيه حنيه أكثر من أنه يكون فيه طلب مفروض عليه..... وكنت أتخيل أني اذا قلت أن الشباب كلهم بيروحون بيوافق لكني نسيت من فرحتي انه ولا واحد من الشباب يحب تركي وهو بالمثل مايطيق يسمع أسمهم..والود وده يتبرى من هالعايله بكبرها..
وحتى أحنا يتمنى يتبرة منا..ويفتك من واجباته كاخ..هذا اذا عرف وش معنى الواجبات..!!
وماانتظر رد مني او كلمه عشان يبرر موقفه..سكر السماعه بوجهي على طول............!
رميت نفسي على الجدار..وظليت أخنق واخنق في نفسي العبره..
لمن ماقاومت..وبكييييت.. وانا عاجزه كل مافي الكلمه من معنى..!!
أي تفاؤل..!!وأي أمل..!!وأي أخوه اللي أنتوا تسمونها..!!
كنت اكذب على نفسي..!.كنت أحط ألف عذر عشان أتفائل وأكلمه بطبيعه مثل أي أخت تكلم أخوها..!!
كنت أتوهم أني اخته ..وانه أنسان ومخلوق مثلنا..
ماكنت ادري انه حجر..قاسي..!!ظالم..!!جبار..
لا... كنت ادري أنه حجر..لكن توهمت بداخل نفسي أنه بيحن قلبه علي..
بيرق شوي..ويسألني.. وين بتروحون!!
أو مثلا أسباب هالطلعه..!!
أو اقلها..لا ..علامة الرفض..
لكنه ماسال,,واكتفى باسهل الحلول..
تسكير السماعه..
=============







خلااااص قرروتوا..!!
جمانه وتحاول تنسق كلماتها وماتطينها\أي قررنا..وأحم الكل وافق بعد حضرة جنابي..!!
هند وتمسك بطنها بتعب\وياحضرة جنابك قلتي لأبوك..!!
جمانه ضربت راسها بقوه لأنها توها تتذكر أبوها\هـــا..لا..أيه.. وخذت نفس...بكلمه.!!
الجده وتحاول تلقى أي شي عشان تتخانق\هذا اللي ناقص بعد..تروحين بدون شور أبوك..!!
فجر وأنقذتها\لا اصلا جمانه بتكلم أبوها لكن جلسنا نخطط وش بنسوي..!!وضاع علينا الوقت..
هند وتتفحص بنتها وشافت الكذب بعيونها\أكيييد..!!
جمانه وهي ترص على اسنانها\وانا اقدر اصلا..!لازم بابي اقوله..!!وبصوت عالي..هذا اللي ناقص بعد اروح بدون شور ابوي..أذبح نفسي ولا أسويها.. واضافت وهي فرحانه لأنها قدرت تنقذ نفسها...أصلا لازم يعطيني الجواز..يعني يامامي أكيد بقوله..!!
هند\فكرت بعد..ماتقولين له..!!
جمانه وهي تنفي كلام أمها\افا والله.كيف ماأقوله..!!لازم اقوله..!!
هند بتعب\طيب فكينا من هذرتك وسكتي تراك صدعتي راسي وتعبتيني..يكفي أني خلقه تعبانه..!!
الجده وخافت على بنتها اللي صارت وحيده بدون أخت\بسم الله عليك يابنيتي..وناظرت جمانه بعصبيه ..جمانوا وهيد..قومي تعبتي أمك من حنتك يالخبله..!!
جمانه بصوت رجالي وهي معصبه لأنه كل شي بيلومونها فيه\يمـــــه..ياربي..ماسويت شي..ليه انتي معصبه علي..!!
هند وتشد على كل كلمه تقولها\لأنك زي ماقالت جدتك..خبله..!!أقول بلا هذره قومي جيبيلي الدواء مع ماي,,,!!
جمانه واشرت بعيونها الثنتين عشان تمتص غضب أمها\من عيوني..يالغاليه..!!
لطيفه أم عزيز\أقول هند..أنتي أي شهر اللحين..!!
هند وتمسح على وجهها بتعب\في نهاية السادس..!!
لطيفه وبعيون حسوده\مايبين عليك..!!
هند\انه كذا بحملي بجمانه بين..لكن حمالي بناصر مابين..!!
لطيفه\أجل بيجينا ولد..!!
هند بحسره وامل بنفس الوقت\اللي الله كاتبه لي..راضيه فيه..!!
============




ياأخي مايصير لنا أكثر من ساعه جالسين مع بعض وانت كله تسرح..والتلفون اللي جاك خلاك تسرح اكثر..!!أمووت واعرف مين اللي كلمك..!!
تركي بنظره غير مباليه\أختي..وظغط على الكاس من جهه ثانيه ....بارد كثير..عطني منديل..!
مبارك وجاته العدوه من تركي وسرح من أول ماجاء طاري راوين وهو يتذكر اخر موقف بينهم..وابتسم على هالذكرى..
تركي بسخريه\ياحبيبي..اللحين أنت اللي سرحت...مبـــارك..!!
مبارك وانتبه\هــا..!
تركي\ٌأقولك عطني المنديل اللي جنبك..أيدي تجمدت من البروده..!!
مبارك\حلاتــه بارد..وينعش القلب...ويار على راسه.. ويخليك تصحصح..
تركي ويصغر عيونه\دعايه على غفله..
مبارك\لالالا هـ الأمور مايجبون لها دعايات..!!ورمى عليه المنديل بخفه.....تفضل..!!الا أقولك..بكره بتروح الرياض..
تركي وبثقه\أكيييد..زين مني جالس يومين..!!
مبارك بعفويه\والأهل...اوه قصدي يعني بيجلسون هنا مين بعيدن بيجيبهم..!!
تركي\أنت نسيت أنه الوالد موجود..!!
مبارك وتوه متذكر\أيوه..نسيت انك قلت لي..!
تركي ويلتفت حوالينه ويناظر اللي رايح وجاي\غريبه ماأشوف زحمه اليوم..
مبارك\تلقاهم لسه ماأرجعوا من السفر..!!
تركي وتنهد وفكره في مكان ثاني\أيــــه..
مبارك ومستغر بمن تركي\والله انه فيك شي..
تركي ويشرب شوي\مافيـني شي..متملل..هذه السالفه ومافيها..
مبارك مافهم عليه..وسكت عنه...وظلوا أثنينهم يشربون..وماهم أي احد..أهم شي يرضون روحهم المتعطشه لها الأمور..
مبارك ويناظر قدامه \شوف مين جاي...!!
تركي ومش مهتم ولا هو ملتفت \..منوا..!!
مبارك\جاسم وربعه..من زمان عنهم..!!
تركي بضيق\خله يولي زين..مش فاضي لتفاهتهم..
مبارك\فشله تركي قوم نسلم عليهم..!!
تركي وعلا صوته شوي\ياخي ماتفهم..ماتستوعب..قلت لك ماأبي..!!
مبارك طنش تركي وقام يسلم عليهم..
أما تركي..نسى سالفة اخته ولا اهتم فيها أصلا..مجرد تلفون أزعجه..ونساه بكاس واحد..
لكن الموضع اللي يفكر فيه اللحين..البنت اللي شافها بيت عمه..
يتمنى يعرفها ..ومايدري ليش هالفضول اللي فيه..
يمكن شكلها ابهره..
أو يمكن كانت من النوع اللي يعجبه..
وهو بأقل من دقيقه حفظ شكلها..ولبسها ..وحركاتها..وشعرها..وأهم شي شعرها لأن أثر فيه بقوه..
وغير كذا جرأتها..جراتها في الكلام وكيف أنها تقبلت الموضوع وحتى في مشيتها كانت جريئه..
مو جريئه..يعني أيزي..
لا كانت جريئه في الوثوق..وهذا اهم شي عند تركي..
الجرأه في الوثوق في النفس..
نقدر نقول أعجبته..أو المعنى الأصح..أبهرته شكليا وشخصيا..
تذكؤ كيف طاحت عليه..!!وكيف علق شعرها بزر ثوبه الفضي..حس أنه نفسه أختف ذيك اللحظه,,ومابقى غير ريحة العطريه الجريئه..
كان الموضوع فعلا يضحك..
لكن ماعمره سمع سبه من احد..وتجي هي بسهوله وتسبه..!!وماحط في باله ذاك الوقت لأنه في موقف لايحسد عليه..وعرف أنها مش حاسه بنفسها أصلا وهي تتكلم..ويوم شافها تصيح..توه يحس بالموقف..وعلى طول أبعد شعرها من ثوبه بخفه..وحس أنه ألمها لكن ماكان همه في ذاك الوقت غير أنه يطلع شعرها وتبتعد عشان يستوعب الللي صاير..

وعلى طول ربط سالفته بالطلعه اللي قالت عنها اخته..وخصوصا لأنها قالت البنات والشباب هم اللي بيرحون..
وهو متأكد أنها بتكون معاهم..لأنها اكيد هي يابنت عمه أو بنت عمته..
وجات في باله فكره أنه يوافق على طلب أخته..
لكن مااسرع ماطرد هالفكره السخيفه من باله..
لأنه مادخلت عقله..!!
أوكي هو يتمنى يعرف من هي البنت..لكن ماتوصل لدرجة انه يوافق على طلب أخته عشان بنت لاراحت ولاجات..
وبكذا نسى سالفة غلا..وحس أنه غبي لأنه يفكر فيها..
وهو مو أي شي يفكر فيه..
لازم تفكيره ينحصر بمستواه او اكثر..
اما الأشياء السخيفه..فبتكون لغيره...مش له...!؟؟
================






بعد مشاوارت طويله بين الشباب ...وبعد تعبهم في أقناع الوليد اللي مش راضي بهالمصخره على قولته...
قرروا انهم يروحون بكره الظهر..يعني العصر بالكثير بيكونون بالبحرين..
وعزيز شم ريحة خيانه ويوم درى بسفرة البحرين تعلق بالوليد وظل يحن ويزن عليه ومابقى شي ماسواه..لكن الوليد طنشه ومارضى يروح معهم وخصوصا انه محد بعمره بيروح...وحاول في ابتسام لكن ابتسام حاولت تراضيه بانها بتجيب له حلاو وبدلات من اللي يحبهم قلبه ..لكن مارضى..وفي النهايه تعلق فيها وماييبي يرجع البيت لكن امه عطته ضربه في ظهره وسكت والدموع متجمعه في عيونه..وابتسام عصبت لكن ماقدرت تتكلم لأنه لطيفه امه بعض ألأحيان تفرض سيطرتها على عزيز وماترضى ابدا احد يناقشها بالموضوع حتى لو ذبحته قدام الكل..
==========
أما عند البنات اتفقوا أنهم يباتون في البيت الكبير
عشان تكون الطلعه جماعيه.... وابتسام كان عندها لبس في البيت والجواز عند الوليد..لكن دقت على ابوها قبل كل شي عشان تحطه بالصوره..أما فجر وغلا راحوا البيت عشان يجيبون أغراضهم وبالمره ياخذون الأذن من ابوهم..ورجعوا على طول لأنهم متحمسين كثير وهيثم ظحك على خبالهم وخصوصا غلا اللي بتقطع روحها من الوناسه..ودقت الساعه 12 أعلان ليوم جديد..ولحد اللحين البنات صاحيين
يخططون وش راح يصر اذا وصولوا البحرين..وكل وحده حاطه مخطط في بالها وتبي تسويه..
ماعندا راوين اللي ساكته وجالسه تقرى مجله وتلهي ررحها وقلبها يحترق من الحزن اللي أسرها..
ومحد حس فيها..وحاولت فجر أكثر من مره أنها تكلمها لكن راوين رفضت انها تتكلم وأكتفت بتوزيع ألأبتسامات بين فتره وفتره..
والبنات مايدرون شسالفه وفكروا أنها بتروح معهم حالها حالهم..

ابتسام واصلبت جسمها وبان طولها وبيجامتها اللي مستعيرتها من جمانه\شوفوا أول شي على طول نروح السيف نشوف الفلام لمن نقول بس..وبعدها نتعشى..وماله داعي نتغدى لأني أسوي ريجيم ,انتوا بعد اشوفكم زايدين هأليام سوا مثلي..
جمانه وققامت وعلت صوتها بخشونه\شوفي عاد..مو يعني لأني عطيت بيجامتي تستقوين علينا..ولاتفكرين روحك كبيره..تراني أطول منك..!!والمخطط حقك فاشل..فاشـــل..فاشــل..!!والتفت لغلا..!!غلا..!!
غلا وتبر اظافرها اللي زايد طولها\هلا..
جمانه واشرت لها\تعالي ياحظي أحنا اللي مخططين..ولازم اللي نقوله يصير..(وابتسام تسمعهم لكن مطنشه جمانه ودزتها بعيد)
ابتسام\مااالت عليك..مخططي أنا اللي بيصر غصبن عنك..!!وعنها..!!
فجر بعيون صارمه\أقول..بلا خبال انتي وياها..سمعوي أقتراحي أنا..!!
جمانه وجلست جنب فجر بسرور\اذا تكلمت فجر...الصراحه وعذرا يعني مأاقدر أردها..أمري يافجر العالي..وش مخطط..!!
فجر بصلابه\أول شي..نتغدى بالسيف هذا البوفيه اللي جنب السينما..وبعدها ندخل نشوف فيلمين..واحد مصري عشان نراضي فئه..وواحد أجنبي عشان نراضي فئه ثانيه..وبكذا ارضينا الكل..وبعدها نطلع نتسوق شوي..ونتعشى باي مطلعم تبونه..!!عجبكم ألأقتراح..!!
جمانه وحاطه ايدها على خدها وتتأمل فجر\عسسسسل..كل شي من فمك الصغيرون عسل..لكن عندي سؤال.!!
فجر وبنفس الصلابه\تفضلي..!!
جمانه بغباء وهدوء\ليه دائما أشوفك رافعه شعرك..ماعمري شفته مفتوح..دايما ترفعينه..!!
الكل ناظر جمانه حتى راوين اللي متضايقه ناظرتها وبعيونها الف سؤال وسؤال..وفجأه الكل ضحك بدون توقف..وزاد ضحكهم يوم شافوا أنه جمانه تطالع فيهم ولا كانها مسويه شي..
جمانه وبانت على ملامحها التعجب \شفيكم..انا من جد اسأل..!!
غلا هنا ماقدرت وجهها حمر وماقدرت وطاحت على الكنب وهي تكمل ضحكتها..
راوين وتكلمت اخيرا بعد ماتعبت من الضحك\من صجك أنتي..هذا سؤال..!!
جمانه وفتحت عيونها\أيه..فيها شي اذا سألت هالسؤال..
ابتسام ومسكت قلبها اللي المها من كثر الظحك\شوفي جمانه هههههه السؤال مافيه شي..لكنه دخل عرض..أحنا وييييييييييين وانتي وين..!!
جمانه وتوها تفهم عقلية بنات خالها\سخفيييين..
فجر وماتبي تحرج بنت عمتها وجاوبت على سؤالها\سمعي جمانه..أنا ماأحب أفتح شعري لأني تعودت على رفعه..يعني المساله عاديه..واللي ماتعودت عليه ماأحب أسويه..!!
ابتسام بسخريه\ها..طاحت الدوده..!!
جمانه بقهر\أيه...طاحت..ومسكت مخده قريبه منها ورمتها على غلا اللي مازلت تضحك...يعل أٍسنانك الكسر قولي آميييين..!!
غلا ووقفت الضحك وهي خايفه من هالدعوه\ ياربي..بسم الله علي...وضحكت عشان تقهر جمانه..هههههههههههههههه في أعدائي ان شاء الله..!
ابتسام ودخلت في موضوع ثاني\..ياربي تصدقون نسيت عزيز أكيد اللحين فاقدني..!!
جمانه وحزنت عليه لأنها تمووت فيه\الصراحه اللي سوته أمه غلط..والله بغيت أفعصها لكن مسكت نفسي..
فجر\المشكله أنه مانقدر نقول لهاشي لأنها هي متعصبه في هالأمور ..
ابتسام\أنتوا ماشفتوا شي..في البيت تسوي بلاوي وانا اللي أطيح فيها..والمصيبه أنه مر وقفت في وجهها وصرخت علي وعطتني كلام يسم البدن..والي يضحك بالموضوع أنه طول الوقت عندي لكن واذا شافت أي غلطه منه تحطه فيني لأنها عارفه محد رباه غيري وهي مطنشه حضرتها..
فجروبحزن\ياعمري ياعزيز يوم شفت الدموع بعيونه ماقدرت... ودي ضميته ذيك اللحظه..
جمانه بطنازه\أنتي تضمينه من هنا وهي تخنقك من جهه ثانيه..!!
ابتسام بضيق\ودي أشوفه..ياربي أكيد لحد اللحين يصيح..!!
غلا باستنكار\وش يصيح ..!!أكيد تلقينه نايم اللحين شوفي الساعه كم..!!
ابتسام وناظرت ساعتها\ول...الساعه 3 ..!!مر الوقت بسرعه..!!مافي الا بكره أكلمه
فجر بتعب\بنات أمشوا ننام بكره ورنا قعده من الصبح..!!
غلا وبرقه\لا ياعيوني ..ولو سمحتم لحد يقومني الا اذا جهزتوا نفسكم وركبتوا السياره..!!
جمانه\لا ياحبيبتي..انتي نسيتي جدتي بتقومك من الضحى..
غلا بدلع\عادي بسوي روحي نايمه..
جمانه وتضحك\أهي والعصا فوق ظهرك..!!
راوين وقامت\أقول أنا بروح انام..تصبحون على خييير..
فجر\حتى انا بعد..!!تعبانه مره..وقامت فجر ورى راوين وكانت حطه في بالها أنها تكلمها اللحين لكن فضلت أنها تعطيها مجال لبكره وخصوصا أنه الوقت مايسمح للنقاش..
وناموا البنات وكل وحده تفكر في بكره ..وايش راح يصير من مغامرات في البحرين..
====================






لفيت الجهه الثانيه بضيق..هي تسمع صوت من بعيد وهذا اللي مزعجها..وماقاومت اكثر وفتحت عيونها بطء وكسل شديد..
ناظرت الساعه ولقتها 12..صرخت باعلى صوتها
..بنااااااااااااااات...
مكست جوالها ولقت 13 مكالمه من هيثم..و6 مكالمات من سلطان..
رفعت شعرها بحركه سريعه وقامت وأصلبت روحها..وراحت للحمام عشان تصلي صلاة الفجر اللي فاتتها قضاء والظهر..
وبعد ماطلعت صلت وهي تستغفر ربها اكثر من مره وتفكر كيف أخذها النوم ونساها حتى الصلاه اللي مستحيل تقدر تفوتها..ولمن خلصت صلاه فتحت الستاير عشان تدخل الشمس وتصحي هالميتين ومش حاسين بروحهم..
فجر بصوت عالي\بنااااااااااااات قوموا يالله مافي وقت..
ويوم حست فجر انه مافي فايده مسكت كل وحده وفعت المفرش عنه بكل قوتها..وقربت عند غلا اللي ولا قنبله تصحيها..
فجر\غلا..غلا..غلا..غلااااا..قومي يالله..
غلا حركت عيونها وهي منزعجه\أووووف الواحد مايقدر يرتاح في هالبيت..!!ياربــــي
فجر ومالها خلق تضحك\قومي يالخبله..قومي..وراحت لجمانه\جمانه..جمانه..ومسكت غرتها اللي دوم طايحه على وجهها..جماااااااااااانه؟؟
جمانه عطتها رفسه معتبره من كثر ماهي رجولها طويله وصرخت بصوت خشن وفيه النوم\وخررررري..
فجر وطفشت منهم ووقفت في وسط الغرفه الكبيره\بناااااااات قوموا والله زهقتـوني قوموا..
راوين أستجابت لنداء فجر وصحت لأنه نومها خفيف ورفعت شعرها اللي متناثر\فجرز.كم الساعه..!!
فجر\12 ونص ..راوين قوميهم الله يخليك بنزل تحت وبدق على الأولاد..
راوين وقامت بكسل\أوكي..روحي بصحيهم لك..
ابتسام وصحت من ضجة البنات والنور اللي بالغرفه وهي مخترعه\ياحسره ..تأخرنــــــا..
فجر وهي طالعه\بدر عليكم من زمان متأخرين..!!
راوين\اللحين شيقوم هذيلا ..!!جمانه...غلاااا..
ابتسام وقامت من فراشها\صبري اللحين بيقومون..ومشت ابتسام جنبهم وداست على رجولهم..
وماسمعوا غير صرخه هزت البيت هز..
صرخة جمانه اللي غطت على صرخة غلا الناعمه..
=======








اتصلت فجر بهيثم وعرفت انه كلهم مجتمعين في بيت جدهم ماعدا الوليد اللي لسه ماجاء من النادي وقالها في ظرف ربع ساعه تتجهزون لأنه مافي وقت..
وتذكرت فجر راوين وطلعت فوق عشان تسالها لكن ماشافت غير غلا واقفه جنب باب الحمام وتصرخ على ابتسام اللي طولت بالسبوح..أما جمانه أنحاشت قسمهم عشان تخلص بسرعه..


فجر \وين راوين..!!
غلا بتأفف\راحت هي وجمانه لقسمهم..!!
فجر وتوسعت عيونها\يعني راوين بتروح..!!
غلا وانزعجت من فجر\أكيد بتروح.!!كيف ماتروح..!!
فجر وتوها تحس أنه غلا ماتدري بالموضوع\يووه نسيت أنك ماتدرين..!!
غلا وضاقت عيونها\شنوا..!!
فجر وحست انه مافي مفر من السكوت\راوين يمكن ماتروح..!!ومشت مسرعه..بروح اكلمها.!!
غلا وعلت وصتها عشان تسمعها فجر اللي طلعت\تعالي...كيف مش رايحــــــه....!!؟؟أوووف..ياربي من صجكم..!!مايصير لازم راوين تروح وضربت بأيدها على الباب ومسكينه ابتسام اخترعت..!!وقالت كلمتها المعتاده...يـــاربـــــي..!!
=============





حاظنه أمها وهي تصيح عشان تفرغ كل اللي بداخلها ..هي من امس حابسه دمعتها عند البنات وماتبي تضايقهم لكن من شافت أمها صاحت وهي عارفه أنه أمها حاسه بمعاناتها..
راوين بصوت يذبح\يمه شسوي..أكيد اللحين بيرحون..كيف اقول لهم أني مش رايحه..!!
نور وتطبطب على بنتها بحنان\حبيبتي راوين..أبوك راضي وانا أمس قلت له..وماعليك من اخوك هو اصلا بيروح الرياض بعد شوي..!!
راوين وتضايقت أكثر وبان هالشي من صوتها\بس يمه لازم يروح تركي..مايصير أروح لوحدي..!!
فجر وتوها داخله وفاجأتهم\ليه مايصير,,والا نسيتي سلطان..!!
راوين والتفت لفجر\فجر..!!
فجر وجلست جنببهم على الأرض عشان تكون بستواهم\أيه فجر..!!وانا اللي مفكره انك بتردين علي..طنشتينا وجيتي هنا.!!
نور بابتسامه حلوه وهي تمسح دموع بنتها\شفتي..خلاص أنحلت المشكله أنا بقول لأبوك أنا سلطان بدال تركي..!!شرايك..!!
راوين وتناظر فجر مره..وأمها مرات\لايمه لاتقولين له ماله داعي..وناظرت فجر..خلاص فجر,..!! أنا مش رايحه..!!
فجر بحزن\ليـــه..!!
راوين واصلبت طولها\بس خلاص ....
أنا قرررررت..!!
ومستحيل أتراجع عن قراري..ومشت وهي حزينه لبعد وظلم اخوها..أكثر من حزنها من عدم روحتها..



حلقة الغموض انفتح جزء منها وبانت بأبشع صوره ممكن يتصورها الأنسان..لؤي اللي كان حرامي وتاب...ويوســـف المدمن..!!
هل من مزيد من غموض في باقي القصه..!!


وغربة ياسمين وعدم شعورها بالأمان..!!بتغير في مجرى القصه..!!


تركي المحظوظ الجبار..بتضحك له الدنيا كل مره وبيمارس تعذيب احبابه..!!

قرار راوين بيأثر على طلعتهم البحرين..!!

وطلال وش موقفه من هذا كله..!!


تابعوني في الجزء الجاي..يمكن تلقون اجابه لبعض الأسئله..!!