الجزء التاسع عشر
==========
لأني من زمان مارسمت ..وانشغلت بدوام المطعم الصبح..وبالمسا أكمل الصاله الموسيقيه...
قررت اليوم ارسم في المكان اللي متعود ارسم فيه..
تركت رساله لــ لؤي وقلت له اني طالع ومو راجع الا بالليل وهو اكيد راح يعرف وين يلقاني..ولصقتها بوسط الثلاجه لأني أعرف أنه أول مايفتح عيونه بيروح سيده للمطبخ وخصوصا لأنه اليوم ويك أند..ومافي دوام..
يعني خذ راحتك يايوسف بعد عذاب أسبوع كامل كله الم وحيره..
ركزت اللوحه على ارض شارع الشانزلزيه اللي تكثر فيها مختلف الرسامين من جميع الدول..وناظرت متحف اللوفر اللي أمنيتي أدخله وامتع عيني بــ لوحاته اللي تجمع ريشة أحلى الفنانين..
لكن هذا شي مستبعد كثير..
أبتسمت على امنياتي البعيده.. وطلعت عدت الرسم..فصخت القبعه اللي شريتها حديثا و جاكيتي الجلدي المعتاد لأنه كان الجو ممتع بنسيمه اللي يهب بحلاوه..ونسمة الهواء اللي تنعشك وتعيش..
وبديت اشخبط..ومدري ليش حسيت أني أبي أرسم سماء....وزرع..وخضره.. و..شمس...ايه شمس..!!
نفسي ارسم شمس تمتلك اللوحه كلها بأشعتها الساطعه القويه..
وتنعكس على الأرض لترسم أحلى صوره أبداعها خالقها...
نفسيتي متفائله اليوم وهالشيء أثر على لوحتي بشكل كبير..!!
أجل انا من متى أرسم بتفاؤل وأمل..كل رسوماتي كانت تعكس شخصيتي المجروحه..
واليوم وبهالوقت نظرت للكون بنظره ثانيه..!!
الله ياعالم..الله يادنيــــا..شكثر أنتي غريبه..ومتقلبه..!!
والقدر بدى يبستم لي من جديد..!!
ويتكون صدمه قويه بالنسبه لي اذا هالمحاوله بتصير فاشله..!!
مش عارف وش بيكون حالي..!!
يأس..ضياع..الم.. جرح ثاني..!!
لا لا..شي اقوى من كذا..
راح أنهار للأخير..
لأني وبكل بساطه..ماعاد لي قلب يستحمل ويعيش من جديد..!!
شي عظيم اذا لمست الأمل بأيدك..لكن الموت اذا كان هالأمل الوحيد راح يكون من فئة المستحيلات..!!
+++++++++
لحظات طويله جالس فيها بالسياره وانا قدام باب بيتنا..
اذن العشاء وظلم الوقت..وأنا لسه بنفس المكان وأفكر بالموضوع..
.. بعد ماطلعت من الشقه وأنا ضايع
وعقلي عاجز عن التفكير..
مبارك..صديق عمري..يبي يخطب اختي...!!
معادله صعبه وعاجز أني أحلها..
انا أكثر واحد يعرفه حتى أكثر من أهله...وماضيه السيء كأنه شريط ينعاد قدامي..!!
وانا وهو نمشي على نفس التيار..وكل واحد فينا عارف معدن الثاني..!!
لكن السؤال اللحين..!!
هل انا راح أرضى أنه اختي تعيش عيشة مبارك..!!
مبارك اخو وأتمنى له التوفيق في حياته..وبرضوا راوين أختي الوحيده ..!
شفيك ياتركي..!!شالمشاعر الغريبه اللي تمر فيها..!!
من متى وأنت تهمك مصلحة أختك..!!
ومن متى أنت تفكر بسعادتها..!!
لك سنين وانت هاملهم وحاطهم أخر اهتماماتك..!!
ولو عليك كان اتبريت منهم للأبد..!!
شالتناقض اللي تمر فيه ياتركي..!!
شكل النوم لعب دوره وبدى يرهقني..
طلعت من السياره ودخلت البيت وانا ناوي أني أجل السالفه لوقت أفضل..
وأول ماطلعت الصاله الفوقيه..شفت راوين جالسه مع ياسر ويلعبون سوني ويظحكون..ومش حاسين بالي حولهم من وناستهم..!!
ظليت فتره واانا أتأمل في راوين..
بــــراءه..رواين أختي كلها براءه..
معقوله اقدر أسلمها لمبارك..!!
غمضت عيوني باستسلام و بتعب وتوجهت لغرفتي..
وشفت نور طالعه من غرفتها..أبتسمت لي وتوها بتكلمني لكن سبقتها ودخلت غرفتي على طول..
أكره ابتسامتها..واكره كل شي فيها..
وهي الوحيده اللي سببت لي التعاسه..!!
+++++++++
اليوم الثاني على طول تغدى أحمد في بيت أبوه وخذ سماح معاه..
وتونسوا الكل بشوفتهم..وام أحمد فاطمه..ماتدري شتسوي بمرت ولدها..ودها دوم تشوفها وتكون تحت نظر عينها..
وفجر وغلا ماقصروا ابدا..
أرتاحت كثير..وتمنت لو هالفرحه تكون في بيت اهلها,,,
وتضايقت على طول.وهي تفكر ليش أهلها مافرحوا بخبر حملها مثل فرحة اهل أحمد..اللي عيونهم تقطر سعاده وراحه..
وتذكرت أختها..وتضايقت كثير..
وهالضيقه بينت كثير بملامح وجهها..
والكل لاحظ حزنها وأولهم أحمد اللي يحاتيها من أمس..لكنها مارضت تنطق بكلمه له..وماتبيه يتضايق عشان أختها..واعتبرتها مسأله بين أخت واختها..وفضلت السكوت..
رفعت عينها وشافت أحمد يناظرها من بعيد..وعرفت أنه حس فيها..وعلى طول ابتسمت بوجهه..ماتبيه يحاتيها..وهو مايستاهل الا كل حب ومعزه..
وهو بادلها باحلى ابتسامه وكأن ينتظر من زمان هالأبتسامه عشان يهدى..
لقطت الموقف غلا وظحكت وهي ناويه على مصيبه....ومين يفتك من لسان غلا..تؤام جمانه في التحرش والنقزات..
غلا\ياعينـــــي ياعينــــــي..وهذا بعد قدامنا..أجل وش تسون من ورانا..!!
أنحرجت سماح لأنه هالموقف صار قدام الكل..اما أحمد مابين شي على ملامحه الجامده دايما..
خزت فجر غلا بعينها..وعلى طول أم أحمد ضربتها بايدها الطويله\صج ماتستحين على وجهك ياخبله..
مدت غلا بوزها الصغير وسوت نفسها زعلانه وقالت كلمتها المشهوره\ياربـــــي..يعني أنا كل ماأتكلم تسكتوني..شالعيشه هذه..!!اوووف
ماعجبه أحمد دلع أخته الزايد..واعتفست ملامحه..وغلا حست بتهزيأه جديده..وعلى طول تنزلت عيونها للأرض..تحترم أحمد بشكل كبير..واحترامها زاد لمن صارت تخاف منه ..وسماح حست بالكهرباء والتوتر فحبت تلطف الجو\\لا الا غلا عاد..لحد يزعلها..!!
غلا بهمس\بـــدري يامرت اخوي..!!
كملت أم أحمد تهزيأها\ليش اذا مو عاجبها..بالطقاق.محد مفتكر فيها..!!
تضايقت غلا..واخترب برستيجها قدامهم..وام أحمد ظحكت لأنه عرفت تقهر بنتها الدلوعه..ورفعت عينها لأحمد وشافته يظحك وملامحه صارت أحلى..أرتاحت هنا..اهم شي أنه اخوها مايعصب عليها..
وكملوا سوالفهم اللي كانت كلها تقتصر عن الطفل الجديد المنتظر من قبل العايله كلها..لمن قام أحمد وهو ماوده يطلع من هاللمه الحلوه
ام أحمد\على وين يمه..!!
ظحك أحمد براحه وتذكر كيف أمه كانت تحاتيه قبل زواجه وماتخليه ابدا يطلع الا لمن تعرف هو وين رايح ومن وين جاي..وماكانت تنام ابدا الا اذا شافته قدام عيونها سليم معافى..ولدها البكر.ومن حقها تخاف عليه وتحبه هالحب الكبير..وناظر سماح وشافها مبتسمه لأنها تعرف هو وين رايح اللحين..!!..
أحمد\الدوام..والمكتب ينادني..ماأقدر أتأخر أكثر..!!
ضرب أم احمد على صدرها بحسره وقلة حيله\ومتى بتفتك ياولدي..!!
ناظر أحمد أمه بعيون حالمه كلها امل وحب لوطن كبير في قلبه\من وظيفتي..!!أمن هالبلاد بعروقي يمه..افديها بروحــــي وبكل خليه فيني حيه..!!
زادت ابتسامة سماح وافتخرت باأحمد كزوج واخو وحبيب لهالوطن..
وفجر ماعلقت ...تعرف أخوها..وتتذكر كيف عانا وهو يرتقي لهالمنصب..وماقدرت غير تدعي أخوها في ظهر الغيب..
وطلع من عندهم أحمد بعد ماسلم عليهم وعيون الكل تحفظه وتدعليله وترعاه..
++++++++++
اليوم هو الأربعاء موعد اجتماع العوايل بيت الجد يوسف..لكن هالأربعاء كان هادي وبارد من امره..ومو الكل حظر..واولهم بيت العم بوتركي..والعمه هند اللي اشهرها الأخير في الحمل قربت وتنتظر هالمولود اللي ممكن يقلب حياتها الى تفاؤل وامل..
مرت هالثلاث ايام زي البرق وخصوصا على الوليد اللي تقدمت بعثته على الأسبوع الجاي يوم الجمعه المغرب..وقرر اليوم ينشر الخبر على العايله كلها..
واللي مضايقه أكثر..أنه قدم خطاب لنادي الأتفاق بانه راح يغيب بره للدراسه..والنادي وافق على هالخطاب..والحلم اللي كان يتمناه أنتهى..ومايدري هل راح يرجع للفريق اذا خلص دراسه او لا..!!
ومايدري هل راح يتوفق والا لا..!!لكن اللي مريحه شوي...صديقه ثامر بيكون معه وهذا الأمر بيكون من صالحه وبيونسه في غربته..وسأل عن المواد اللي درسها ونجح فيها وطلع انه يقدر مايعيدها لأنه الجامعه اللي بيلتحق لها تقريبا تعطي نفس المواد اللي يدرسها..
وأول من درى بالخبر الحريم لأنه ابتسام ماقدرت تكتم حزنها والكل لاحظ هالشيء وأول ماسألتها الجده عن حالها وسبب ضيقتها أنفجرت بكي بدون شعور..وهي تدري أنه الوليد اليوم بيعلمهم بخبر بعثته اللي بيتفاجأون منها..وحاولوا البنات يهدونها لكنها مش قادره وخصوصا لأنها كانت تحت ظغط كبير هالأسبوع اللي مر..واحساسا الوحده والتفكير للمستقبل بيدمرها..ومالقت أحد تشكيله وهي تشوف كيف الوليد يستعد لسفرته ومشغول في ترتيب اموره..ولااحد حاس بالنار اللي عيت تطفيها..
ماقدرت ولاراح تقدر تخبي شعور الحزن والأسى على حالها..!
خذت الجده ابتسام في حضنها وبكت معاها..بكت لوحدتها..و بكت لأمها وليوسف..
حست الجده فيها..وحست بظلم القدر على هالبنت..وماقدرت غير تضمها وتوسيها وابتسام تشهق بصوت مسموع ومؤلم..وكلهم لاحول لهم ولاقوه..و اللي جالسين شعروا بالرهبه والموقف الصعب اللي تمر فيه ابتسام..وكلهم أشفقوا عليها..حتى لطيفه اشفقت عليها لكن بنفس الوقت أستغربت من الموضوع وتضايقت لأنه محمد زوجها ماخبرها بشي..وتذكرت فجأه أنها أسم متزوجه وماله داعي تتضايق وتستهم وهي عارفه وضعها عدل..
الخبر انتشر بشكل سريع في المجلس والبعض كان معارض والبعض موافق..والوليد كان موقفه صعب وحاول قد مايقدر أنه يتحاشى نظرة أبوه الحزينه,,لكن ماقدر انه يقاوم وكأنه عيونه لاأراديا تطيح في عين ابوه..
ومن المؤيدين للبعثه كان ماجد(بوطلال) اللي شجع الوليد\أيه هذا الكلام زين..روح ياولدي أهم شي مستقبلك ماعليك من جدك...!!
تكلم الجد بعصبيه وهو ابدا مو عاجبه الوضع\يالوليد وش لك بــ هالبلاد..أركد في ديرتك احسن لك..ولاتسمع كلام عمك..!!
رفع الوليد عينه على الشباب اللي جالسين جنبه ويبي مساعدتهم في اقناع جده..فحس فيه عبدالرحمن اللي كان جالس قريب من أحمد وتكلم بلباقه\ياعمي الله يهديك هذا مستقبل الوليد وهو أحرص منا كلنا..ومافيها شي انه يدرس بالخارج ..بالعكس تفكيره سليم ومدروس..
ولأول مره الجد يعارض رأي عبد الرحمن..وتضايق من الموضوع واعتفس وجهه وهو يزفر بحراره ويلف على الوليد\يعني شفيها دراستنا ..تقدر تقولي..!!هذا عمامك كلهم طلعوا منها..وماشاء الله بتوظفين في أحسن وظيفه. وماعليهم شر..
وتوه بيتكلم الوليد لكن سلطان رد قبله\يايبه الزمن اللحين تغير..والوظايف صارت صعبه الوصول لها ..وبعدين مافيها شي خلو الولد يدرس بره ولاتضايقونه أكثر..
تعب الجد يوسف من الكلام وحس انها جاي بالوقت الضايع..وصابه الحزن على الوليد اللي يعتبره من أحب احفاده على قلبه \اذا على الوظيفه من بكره بعطيك مكتب وبتستلم راتبك..فكر يالوليد..!؟وبعجز وقل حيله..قلبنا مايقوى على فراقك ياولدي....!
عم الهدوء في المجلس كله بعد الكلام اللي قاله الجد يوسف..كانت كل كلمه يقولها جد فيها رجا وعتب فظيع..وهذا شي أثر على الوليد زود ماهو متأثر اساسا بنظرات ابوه..
حس أنه يبي يبتعد عن المجلس كله..خلاص ماعاد يقاوم اكثر..يبي أحد يسمعه ويفهمه..لكن الكل عواطفهم تغلبت عليهم..وعرف أنه حتى عيال عمه مايبونه يسافر..وكانوا يجامولونه ظاهريا..
مايعرف مين يتوجه له هاللحظه عشان يفهمه..!!
حتى هو عاجز وحاير..ليش مش حاسين بالبروده اللي بقلبه..!!
يعني يفكرون أنه الغربه سهله بنظره..!!
هوعارف وفاهم..ومش قادر يشرح لهم كيف هو يعاني..!..الموضوع اكبر من مسألة غربه ودراسه..!!
الموضوع هو قلبه اللي يحسسه بشعور غريب اتجاه أخوه يوسف..وكأنه هالشعور قريب وموجود..يستشعره ويحس فيه..كل ماتذكر انه بيسافر..
ياما غمض عيونه وشاف أخوه قدامه كأنه نور سطع زي الشمس قدامه..
ياما حلم فيه أحلام يقظه وكلها تنبؤات بوجود أخوه بهالدنيا الوسيعه..
كل شي حوله يحسسه بالأمل..وبنفس الوقت كل شي يحسسه بالمحال..
اللي يعرف باحاسيس الوليد يقول هو يعرف مكان اخوه يوسف..وواثق كل الثقه انه بيحلصه يوم من ألايام..!!
لكن اللي محد يعرفه انه كل هذا مجرد امنيات واحاسيس ممكن أنها تكون حقيقه وممكن تكون تخيلات..!!
عشان كذا محد يعرف السبب الخفي اللي يكنه الوليد داخله الا أخته ابتسام وثامرصديقه ..
++++++++++
مسك يوسف مكان قلبه بقوه..واستنكر هالتغلبات اللي يتخيلهاهالأيام.يحس بقلبه بيطير..أو بينتزع من روحه..وهالأحاسيس صار متعود عليها..لكن شعوره كان غريب ..يحس بفرحه وبنفس الوقت بحزن فظيع..مش عارف كيف يفسر شعوره..!!
حتى مزاجه صار غريب هالفتره..!!ساعات يحس كانه طير على وشك التحليق لسما عاليه عليه..وساعات يحس كأنه العصفور اللي بعشه ومحروم من النور..وفي كلا الحالتين هو عايش وراضي بحكم ربه..!!
رفع عينه لــ لؤي اللي كان توه داخل الشقه وحامل معاه أكياس وعلى طول ابتسم له وشال أيده من صدره..\ياهلا والله..
بادله لؤي الأبتسامه وعلى طول أرخى كل قواه بالكرسي اللي قدامه والأكياس طاحت بالأرض\أووووف تعب والله..احنا لازم ناخذ لنا سياره على قدنا..!!
رفع يوسف شعره الطويل اللي يتخلله الخصلات البيضا اللي بدت تحتل قسم كبير من شعره الخفيف\لاوالله..ومن وين لنا الفلوس..طايحين على بنك وأنا ماأدري..!!
ابتسم لؤي على سخرية يوسف الواضحه\لا طايح على عبير,,!!
تذكر يوسف صديقة لؤي الجديده اللي تعرف عليها من أيام وكانت أردنية الأصل تدرس في فرنسا عشان تكتسب لغه فرنسيه..وأنعجبت في لؤي يوم دخلت مع صديقاتها المطعم اللي يشتغلون فيه..وأول ماشافته وهي متعطشه للحب وخصوصا لأنه عربي وجميل بنظرها..
لؤي\تدري وش احسن شي بالموضوع..!!
يوسف\شنوا..!!
لؤي\انها ماشافتك..لأني أعرف اذا بس طاحت عينها عليك بتنساني وبتنسى أني موجود أصلا ..
ظحك يوسف على حال لؤي وتذكر سيلينا..وحمد ربه انها ماأقتحمت حياته بعد أخر موقف بينها وبينه\أقول قوم وحط لنا العشاء تراني حدي جوعان وانتظرك من زمان..!!
قام لؤي للمطبخ وحط ألأغراض بصينيه وجابها لــ يوسف\الله والأغراض عاد..أنت كثير عليك جبنه فرنسيه وخبز محمص..!!
ظحك يوسف براحه غريبه\وانا راضي كل الرضا..!!...أهم شي تكون وياي..
وبدى يوسف ياكل ولؤي يشاركه في الأكل وبنفس الوقت يختلس نظراته له وكملته الأخيره ترن في أذنه..
يكفي أنك وياي
يكفي أنك وياي
وبدون شعور تكلم وهو يهمس له\..وانا ويــاك..
ظحك يوسف على لهجة لؤي الهاديه وتوه يحس بمدى تأثير الكلمه عليه..
+++++++++++
كان الوضع بين مبارك وتركي متوتر والرسميه صارت ماخذه حيز كبير في تعاملهم..وكأنه هالسنين الصداقه اللي مضت أنمحت في يوم وليله..وكل هذا بسبب رد تركي الجاف على مبارك..وأخذ موضوع دراسة راوين عذر لأقناعه في تأجيل سالفةالخطبه..وبكذا تسكر الموضوع لأجل غير مسمى للطرفين..
واليوم موعد رحلة تركي لدبي ومبارك موجود معاه بمطار الملك خالد..
تركي\اذا دق عليك عميل المنتجات وطلب فلوسه قول له أني مسافر وبرجع خلال هاليومين..
مبارك\واذا طلب رقمك..!!أعطيه اياه..!!
تنرفز تركي..من متى احد يعرف رقمه الشخصي..صج غبي\شفيك مبارك..!!ياأخي تصرف مو كل مره بقولك لاتعطي أحد رقمي..!
عض مبارك على شفايفه بقهر..ومايدري متى ينكسر غرور وجبروت تركي \أوكي نسينا..أي أوامر ثانيه أستاذ..!!
تنهد تركي ومسح على وجهه كالعاده اذا تنرفز..
مايدري ليش ماهو طايق مبارك هالفتره..وكل مايتذكر أنه طلب أيد أخته..يتجمع الدم كله براسه..!!
مايدري ليش هالأحاسيس الغريبه,,!!
وين الصداقه...معقوله تنتهي بموقف واحد..!!
شالتناقض اللي يعيشه تركي..!!
وليش..!!
وليش جاء بهالوقت..!!
اسئله كثيره مش عارف لها جواب..!!وتصرفاته صارت غريبه..!!
تناقض..
تركي يعيش بحالة تناقض...
+++++++
طيب ممكن تهدين اللحين..!
مسحت ابتسام دموعها بالمنديل اللي تبلل دموع\ماأقدر..انتوا مو حاسين..!!
ابتسمت فجر لها..اذا هي مو حاسه فيها..أجل منوا اللي بيحس ياابتسام..؟
فجر\يعني هذا رأيك فينا..!!
تأففت ابتسام بضجر..وكرهت لسانها اللي يدوم يزل\لا ..هذا موقصدي..لكن انا متضايقه يافجر..من زمان وأنا اعرف والتفكير أتعبني..ومو لاقيه احد أشكي له..كنت اشوف ابوي حزين وساكت كالعاده..وبنفس الوقت أشوف الوليد يرتب أموره ومتوتر..وأنا اللي طايحه بينهم..مش عارفه كيف اتصرف..والا مين أكمله عشان يريحني...كنت ضايعه يافجر..كنت أتمنى ذيك اللحظه تكون امي بجنبي تسمعني واسمعها..وكل واحد فينا تهون على الثانيه..
لكن لا امي موجوده..ولا احد موجود يسد مكان امي عندي..!
واليوم يأست وماقدرت استحمل وبدون شعور بكيت يوم حسيت بنبرة الدفا اللي بصوت جدتي...وكانت كل قواي انهارت وكأني زي اللي منتظره أي كلمه أو نظره عشان أفرغ اللي بداخلي..
صعب.صعب يافجر تحسين باللي كنت احس فيه..
حسيت بالغربه طول هالأسبوع اللي فات..وكنت أشفق على حالي..
ومالقيت..مالقيت غير جدارن تحاوطني من كل جهه..وتشهد لحظات صمتي وعذابي..
أكره هالأحساس يافجر..أكرهه..
أكرهه الغربه اللي مصاحبتني وكأني مأسور لها..
وهالغربه اليوم بتبعد عني الوليد..اللي طالع الله ثم اطالعه..!!
تدرين فجر..صرت وحيده..خلاص مافي أحد بعد اليوم بيكون معي..
مافي أحد بتخانق معاه..وبحاتيه في اكله وشربه..!!
مافي أحد بنتظره اذا رجع متأخر بالليل..مافي أحد بيسأل عن حالي..!!
محد بيعرف اذا كنت مريضه ومحتاجه دواء يريحني..
محد بيعرف اذا انا متضايقه والا لا..!!
أنا ضعت يافجر..
ضعت بعد الوليد..مثل ماضعت..بعد يوسف وامي ..
مابقى أحد..خلاص مأبقى أحد..!!
..
تاثرت فجر بكلام ابتسام وابدا ماتوقعت أنه ابتسام حزينه ومكسورة الخاطر..وماقدرت تسوي شي لها..لأنها ضربت على الوتر الحساس..لكنها تعرف اذا سكتت بتذبح ابتسام أكثر..
و قاومت وتكلمت والكلمات تطلع بدون شعور\واحنا..وين رحنا..!!وابوك..وعزيز..وجدتي ..والا نسيتهم بعد الوليد..!!
قامت ابتسام من مكانها وهي مجروحه أكثر من أول ودموعها بللت وجهها كله\أنتـــوا....تصدقين احس سؤال صعب...ماأعرف اذا بيبقى أحد بعيني بعد الوليد والا لا..!!
وطلعت من المكان وهي ضايعه..وعيون فجر تتبعها و مليانه دمــوع على حال ابتسام المؤلم..
++++++++
أنتهى الويك أند بهدوء..وبدى اسبوع ثاني ثقيل للكل..
ومتعب لــ سماح اللي بدت ترهق بسبب حملها..لكن وجود أحمد بجنبها عامل اساسي و كبير في تنشيط يومها اللي تصحى فيه بأدويه..وتنام على أدويه معينه.. هذا غير أكلها المنتظم ونومها المبكر اللي تتضجر بسببه ..وكل هالأمور تفعلها بسبب أنجاب طفل سليم معافى..
أحمد\ممكن تاكلين بدون تذمر,,!!
اخفت سماح ابتسامتها وتصنعت العصبيه ورمت الشوكه على الطاوله\لا
هدى أحمد أعصابه وخذ نفس طويل\سمـــاح
ظحكت سماح\أحمد
خزها بعينه وهو ناوي عليها اليوم\سماح
مطت اسمه بدلع\أحمــــد عطته نظره ساحره وهي متونسه من عصبيته و
احمد\وبعــدين..!!
سماح\ههههههه ولاقبلين..!!..احمد عاد..والله خلاص..بموت..شبعت والله..شوفني كيف صرت دبه..!!
احمد\أوكي خلصي صحنك..وصدقيني بعدها مراح افتح فمي بكلمه..!!
سماح\لاااا
أحمد\أيه
سماح\أوووف..
أحمد\بسرعه..لك 15 ثواني...
سماح\شنوا أحمد أحنا جالسين بالبيت مو بالشغل
احمد\10 ثواني
سماح\أحمــــــد..
أحمد ويناظر ساعته\5 ثواني..
سماح\ياربــــــي
مسكت سماح الشوكه بضيق وبدت تاكل..وتاكل.وأحمد يناظرها وحابس الظحكه..
احمد\صج اللي المثل اللي يقول..
سماح وهي تاكل\أي مثل..!!
أحمد\حريم مايجون الا بالعين الحمراء..
+++++++++++
توني طالع من الجامعه..
هذا أول يوم دام لي..والله ياخذ هالدوام..!!
أنا شلي يخليني أخذ هالتخصص اساسا..والله لوعه وبطة كبد..
أمحق جراح ياطلال...
صدقوني زهقت..مليت من الدراسه..ولو علي أطلع منها وافتك..
ومسوي نفسي بو زعم دكتور..وين الدكتور..ووين انا..!!
الطريق طويل ..وانا لسه..توني ماطلعت من البيضا...
الله يعدي هالسنين على خير..وأتخرج وافتك..بعدها أتزوج...
وعلى طاري الزواج..
آآآآخ بس..ووين اللي ابيها..!!
طول هالأسبوع اللي مر وانا أترقب رجعتي للرياض زي المجنون..
أعد الأيام عد..وأنتظر يوم الجمعه يجي ..
ويوم جاء حسيت بكآبه ..
مدري شنوا كنت متوقع يصير..
اللي يشوفني يقول اني بشوفها..او حتى بسمع صوتها من بعيد..
لاكان لاهذا صار..ولاذاك..
وهذاني موجود احترق شوق و قهر..
ياناس..هي جنبي ومش قادر أوصل لها..
شعور صعب..
لكن الله كريم..
ومن كثر تفكيري وصلت البيت ونزلت على طول وأنا عيني رافعه فوق واشوف نافذة غرفتها..هذا حالتي..شوف وحرقة جوف..
معقوله وصلت البيت اللحين...
مااظن..شكلها ماخلصت دوام..وهذا اللي خمنته..
دخلت البيت لأنه كان عندي مفتاح سبير له...وشفت ياسر يلعب كوره..
اشتقت له هالولد. لي مده.ماشفته امس جيت مـتأخر..وعلى طول نمت....
جاني من بعيد يركض وهو يلهث..ووجهه محمر من صقعة الشمس..لمن صارقدامي ,ومد ايده يصافحني..\هلا والله
ياسر\هلا بولد عمي..وينك أمس ماشفتك..!!
طلال\جيت متـاخر وماحبيت أزعجكم..دخلت الغرفه سكرت على روحي الباب ونمت..شخبار أول يوم دراسي..!!
مرر ايده بجبينه اللي معرق \حليو..لكن اليوم كان فاشل جدا..وماله داعي..ماخذنا غير الكتب..وطول الحصص هذره وسوالف..
طلال\هههه ذكرتني باللي مضى,,أيام المدرسه وخبالها..ياحلوها من ايام ليتها تعود والله...
ياسر\من صجك أنت وش تبي فيها..أحمد ربك اللحين أنت طالب طب..مليون غيرك يتمنى دراستك..!!
أعتفس وجهي على طول يوم ذكر اني طالب طب..مسكته من ايده ودخلنا داخل\تكفى..لاتذركيني بشي عن الطب..تراني كاره عيشتي والله,,
الا تعال..وين تركي ماأشوفه..!!
ياسر\هو من متى أحنا نشوفه.!
حسيته يتكلم بسخريه..لكن صاج بكلامه..من متى أحنا نشوف تركي..!!نادر جدا..
ياسر\له يومين مسافر دبي..ورجع امس الصبح..وعلى طول طلع للدوام...
ظليت فتره أفكر بتركي..خبيث هالولد..مايفوت يوم الا ويشتغل فيه..يموت اذا جلس بدون شغل..
طلال\وش عنده بدبي..!!
ياسر\على قولته..وثقل صوته..بيزنــــس..!
ظحكت على لهجة ياسر...وكملنا سوالف عن كل شي..ماشاء الله على هالولد..ارتاح له كثير..واللي يشوفه يعطيه اكبر من عمره..
الله يحفظه,,
==========
أول مارجعت الجامعه مريت على أمي أشوف أخبارها..!!
ويوم دخلت غرفتها..شفتها متمدده على السرير وعلامات التعب والأرهاق مبينه في وجهها..جلست جنبها..وانا خايفه عليها..\يمه أنتي تعبانه..!!
ردت علي بصعوبه\لا جمانه مافيني شي..بس أحس أنه ولادتي قربت..
فتحت عيوني على الأخير وانا مستغربه\شلون..أنتي توك..!!
وبنفس اللهجه\أدري..لكن مدري شفيني أحس بخمول فظيع..والالام قويه...الله يستر..
كلام أمي خوفني أكثر..ومش عارفه وش أقول. هذا مصيبتي ..ماأقدر أعبر..واظل ساكته..وبعدين استوعب,,,.وأمي حست فيني..وانا اللي مفكره أمي صعب أنها تحس فيني.هي من اسبوع ومهتمه فيني حيل..من أول مارجعنا البيت وهي ملاحظه التغيرات اللي طرت علي..وكثير تسألني..وانااسكت ماعندي رد مقنع عشان اريحها فيه..
هند\جمانه.روحي ارتاحي..أنت اكيد تعبانه من الطريق..
جمانه\لايمه عادي..بجلسك معك شوي..
هند\لا قلت لك لا..اللحين روحي أرتاحي لك ساعتين..,انا مافيني شي..واذا أحتجت لك بنادي الخدامه تصيحيك..
ماعجبني ردها..وظليت ساكته..لكنها ماخلتني واعترضت للمره الثانيه لمن أرغمتني اروح غرفتي وارتاح..وفعلا أنا محتاجه راحه..وابي أريح جسمي..ممرات الجامعه ماخلت فين حيل..وغصب طيب بتضعفني..
دخلت غرفتي وغيرت ملابسي ونمت وأنا مستهتره بصحتي..ووجبتي وحده باليوم غدء وعشاء في وقت واحد..وقبل ماأنام أكل سنيكرس وببسي..عشقي ألأبدي..وأنام على طول..
هذا حالتي كل يومي..كرهت هالروتين اليومي..لنا اسبوعين مارحنا الظهران..وتبون الصراحه أشتقت لها..ل.يتنا بس نروح..لكن ماأظن هالفتره..أمي على وشك ولاده..والروحه غير وارده أبدا....
لمن جاء يوم الأربعاء زي البرق..و الصبح قبل ماأروح الدوام سمعت أمي تكلم جدتي وتقول لها انه كل خوالي بيجون راس تنوره ويبظلون لحد نهاية الأسبوع..
ماتتخيلون قد ايش فرحت..
نقزت من الوناسه..كلهم وحشوني..أحس أني دهر ماشفتهم....الا غلا ماوحشتني..كل يوم أشوفها بالجامعه...لوعت كبدي بدلعها..!!
وعلى طاري الجامعه خليني أروح أتأخرت عليها..
والله يعني برجع العصر..ليتني أرجع بدري..عشان أتجهز..
ياحظي..من قدي اليوم..!!
+++++++++++
كلمتي أخوك..!!
راوين\أيه كلمته..لكن مااظن انه يجي ..!!
ابتسمت نور بحزن\الله يهديه.. وعلى طول غيرت الموضوع...المهم متى بتجين..!!
أمتلى قلب راوبن حزن ويأس..كل ماتتذكر أنه أمها ماتقدر تكلم تركي تموت قهر..
للأسف تركي مش معترف أنه عنده أم..واذا كلمته يطنشها..او يتنساى وجودها..
ماتتوقع أنه في أحد قلبه حجر كثر تركي..!!
ياما دعت له بالهدايه..لكن العاصي..عاصي..لو طلع للعالي أو دنى للأرض مذلول..
راوين\ماعندي الا محاظره وحده..الساعه وحده واصله البيت..!!
نور\طيب يابنتي لاتتأخرين...ورانا مشوار للشرقيه..!!
راوين\ان شاء الله يمه..مع السلامه..
نور\مع السلامه..!!
سكرت من أمي ومشيت للكفتريا لأنه بقى على المحاظره ربع ساعه....وظحكت على نفسي..لأني تذكرت الأحلام اللي بنيتها هالأسبوع..وبطلها الأول وألأخير طلال..
وهذا الأسبوع كله مر عادي..وبدون نتايج ملحوظه..
حتى ظله..ماأنسمح لي أشوفه..
على أن ساكنين في بيت واحد..وندرس بجامعه وحده..!!
لكن امنياتنا مستحيله...
سبحان الله..كل شي أشوفه قريب..وبنفس الوقت بعيد..!!
لكن ليتني أعرف..ليتني أعرف أكثر عن اللي قاله لي سلطان..!!
بس ماعندي الجرأه أني أتكلم معه عن هذا الموضوع...
وش بيقول عني أصلا..البنت ميته على الحب...وماصدقت على الله أحد يحبها..!!
والله أني متندمه..ياليتني خليته يكمل اللي يعرفه...ولا أظل بهالحيره..
ويمكن أنا فهمت غلط..
بس ماأظن..كلماته كانت واضحه ومالها الا معنى واحد..!!
طلال يعتبرني غير..يعني يحبني..!!
صح..والا أنا غلطانه..!!
+++++++++
يمــــه لكم 5 دقايق اذا ماطلعتوا..بحلف أني مااروح..وشوفوا عاد مين يوديكم..!!
نزلت فجر ووراها غلا تلبس نقابها..\ زين لاتعصب علينا..!!..ولفت على فجر...السخيفه جمانوا..حتى ماقالت لي أنه بنروح لهم اليوم..!!
لبست فجر عباتها وردت على أختها\يمكن نست..!!
ظحكت غلا بسخريه\كل الناس تنسى الا العجوز..ماتنسى..!!
كل هذا وهيثم يسمعهم يتكلمون وهو مبردين على الأخير..وهو معصب..ليش.!!بس كذا هو عرق في العايله كلها العصبيه الزايده..
..واللي يشوف هيثم يقول أنه في زلزال بيصير اذا مامشوا هالوقت..!!
كتف هيثم أيدينه بعصبيه..وزفر بقوه\قولوا والله..وين امي..!!
فجر\شفيك معصب..أمي بتنزل اللحين..!!
هيثم\تدرون كم الساعه اللحين..!!
غلا\يعني كم..!!
هيثم\أربــــع..اربع العصر..!!
أم أحمد\وخير ياطير..!!هذا أحنا جاهزين..!!
رفع هيثم عينه على أمه وكانت تنزل من الدرج ويوم شافها لابسه عباتها هدى شوي..وطلع يشغل السياره,,!!
وغلا تتبعه بعيونها..ويوم شافته طلع كليا..تكلمت..
غلا\كبريت..ولدكم هيثم كبريت...!!تعالي كم خذتي لبس..!!
تضايقت فجر من غلا..هذا اللي هامها لبسها وبس..\أوووف غلا..يعني كم خذت عشر..!!..ثنين بس..!
رمشت غلا بعيونها ووقفت جنب باب الصاله\ويه انا خذت خمس..!!
حط فجر أيدها على خصرها\وليش ان اشاء الله..ثنين يكفي.!!وين رايحني أحنا..كلها الجمعه وراجعين..!!
ظحكت غلا بغرور\صحيح هولبسين..لكن ثلاثه احتياط..!!
توها بترد فجر على أختها الا سمعوا هيثم يهرن..طنشتها وطلعت بره تلحق على حلف هيثم....وغلا تتمخطر وراها....
+++++++++++
اجتمع البعض في بيت جاسم ..زوج هند..
ماعدا عبد الرحمن اللي مايقدر يترك الشركه..
واحمد اللي أمتنع عشان راحة سماح..
أما بيت بو يوسف..
لطيفه مارضت تروح عشان ماتنبط مرارتها كثرماهي منقهره بحمل هند..وحطت عذر أنها بتجلس مع زوجها محمد اللي أعتذر عن الروحه..
والوليد منشغل بسفرته اللي بقى لها يومين..واللي طايح فيهم أثنين..عزيز وابتسام..
لكن الجده خذت ابتسام معاها وماقدرت تاخذ عزيز لأنه أمه مارضت..
والوليد بعد تفكير واقناع من جدته قرر يجيهم بالليل اذا خلص أموره وبالمره يسلم على عمته قبل مايسافر..
=============
جمانه بغرفتها..ماجات من الجامعه الا متأخر وعلى طول دخلت غرفتها تتروش وتغير ملابسها..
احتارات وش تلبس..!!
طلعت لبسين..الأول بلوزه صفراء بوسطها كلمات بالأنجليزي بيجيه..وكانت نص كم من الجهه اليمني..وكم طويل من الجهه الثانيه..وتنوره ميدي بيجيه..!!
والبدله الثانيه..كانت ورديه صوف هاينك.. نص كم ويتخللها على طرف اليسار وروود بنفس اللون..والتنوره جينز عاديه..!!
وبعد حيره طويله أختارت البدله الأولى..وجعدت شعرها عشان يكثر ..
وحطت بلاشر بني وملمع بني على شفايفها.. وشدو بيج على عيونها وكحل خفيف....
ناظرت نفسها بالمرايه..
وصرخــــت...
وااااااااااااااااااو..تهبلين ياجمون..منوا ناويه تطيحين اليوم..!!
وظحكت بخبث...
غلا الخبله..ناويه اسرق الأضواء منها...
جمانه جسمها ضعيف شوي وطويله....وملامحه ناعمه كثير..واللي يميزها يمكن عيونها اللي تدل على شطانتها..كانت حاد كثير..لكنها مو وسيعه.. وشفايفها شوي بارزه..وبشرتها قمحيه..
يعني البنت ناعمه..واللي يشوفها مايصدق انه كل هالبراء ه تخفيها جنون بنت..!؟
بعد ماناظرت نفسها أخر نظره..صفرت بخبال..وطلعت للصاله تستقبل اللي جايين..
وشافتهم كلهم..وكانت جدتها بالوسط..والبنات على يمينها والحريم على اليسار..صفطتهم كلهم وجات تركض تسلم على جدتها\فديت اللي وحشني والله..نورتي راس تنوره كلها..!!
مسكتها جدتها وحضنتها باقوى ماعندها..اشتاقت لهالبنت الشيطانه...واشتاقت لحركاتها اللي تعصبها
الجده\يعلي ماانحرم من شوفة عيالك قولي آمييين..!!
ظحكت جمانه بخبال كالعاده\آميييييييين..
هند كانت جنب أمها ويوم سمعت كلمة بنتها عصبت\شف البنت صج ماتستحين..تبين تتزوجين..!!
جمانه\وشفيها يعني ..وتبي تجنن أمها اكثر ا ضافت..هذه سنة الحياه..
هند لوزت بوزها وردت\بنات اخر زمن..
لازالت جمانه تظحك..ماتدري ليه قالت آمين...يوم شافت منظر اهلها فرحت كثير..وبعفويه قالت هالكلمه..ابتعدت عن جدتها..وسلمت على حريم خوالها..وبعدين رجعت تسلم على البنات..وعلى طول غلا استلمتها..\يالخاينه..ليش ماقلتي لي أنه أحنا بنجيكم..!!
عفست جمانه وجهها..وكل هذا عشان تقهر غلا\وليش ان شاالله أقولك.!!وبعدين أنا فكرت أنك تدرين..!!
رمشت غلا بعيونها بتوتر\لا ..ماأدري..!!
راوين\وان شاء الله أنتوا بتتخانقون مره ثانيه.أستحوا..
رفعت جمانه عيونها لــ راوين..وظحكت..\راوين..تصدقين وحشتيني..!!
انحرجت راوين..وحمرت\حتى أنتي...وحشتيني..!!
والتفت لــ فجر\حتى أنتي فجر..وابتسام..كلكم فقدتكم..!!
ابتسمت فجر..وماعلقت..اما أبتسام تصنعت الأبتسامه وبهدوء تكلمت\..حتى أنا فقدتك..!!
============
أنتهى الجزء..!!
الجزء العشرين
الفصل الأول
===========
راوين\أبي أروح البحـر..!!
ابتسام\طيب روحي..!!والا أقول...قوموا كلنا نروح..!!محتاجه أشم هواء...!!
راوين\أبي اشوف الغروب..!!
شاركتهم غلا بالحديث وكأنها أكتشفت شي خطير\طيب شرايكم نقول لسلطان..!!صدقوني ماراح يرفض لنا طلب..!!
فجر وماعجبتها فكرة أختها\أقول غلا..مو كأنك زودتيها شوي..أركدي أحسن..!!
غلا بدت بالدلع\شفيها يعني..عمي..ومايرفض لنا طلب..!!والا عندكم كلام ثاني..!!
فجر\السالفه مو سالفة سلطان وبس..أهدوا شوي..تونا جايين..عينوا خير..!!
غلا\يوووه..أحنا جايين عشان نستانس..وينها جماونا..مسويه بوزعم ربة البيت..!!
راوين\هههههههه في المطبخ جمانوا..
استغلت الغرصه ابتسام وقامت المطبخ على طول\بروح اشرب ماي..عطشانه..
راوين\جيبيلي معاك ابتسام لو سمحتي..!!
ابتسمت ابتسام لراوين ومشت المطبخ..وهي تفكر شتقول لجمانه..
أكيد بتنصدم..
وكانت بتتراجع..لكن حست بغباء..جمانه مردها بتعرف ..عن طريقها والا عن طريق شخص ثاني..
دخلت المطبخ ووقفت جنب الباب وشافتها تصب العصير في أكواب..والراحه باينه بملامحها..
حست بالذنب والضيقه..هي تعرف انه اذا جمانه درت بتزعل..وهي ماودها تعفس مزاجها وفرحتها اليوم..!!
أحتارت..تقول..والا ماتقول..!!
وظلت فتره طويله تفكر وسرحانه..
وماوعاها من سرحانها الا صوت جمانه..\بســــوم..
ابتسام\هلا..
جمانه\شفيك..تعالي..!!
قربت ابتسام من جمانه..وابتسمت بوجهها
جمانه بحنيه\تبين شي..!!
ابتسام\لا..
ضاقت عيون جمانه واستغربت..شفيها ابتسام..!!\بسوم شفيك..احس أنك مو على بعضك..!!
ابتسام\أنا....!!مافيني شي..!!
جمانه\متأكده..!!
ابتسام\أيه..ونزلت عيونها..متأكده..
حملت جمانه صينية العصير..ومشت\طيب أمشي نطلع لهم..
ابتسام\جمانـــه..لحظه..!!
التفت جمانه عليها..وسكتت تنتظر ابتسام تتكلم..
ابتسام\عندي لك سالفه..وابي أقولها..!!بس أحس زحمه والوقت مو مناسب,,,
أحترات جمانه أكثر..وفضولها لعب دوره..لكن الصينيه بأيدها ..وماتقدر تمارس طواقيسها المعتاده..ففضلت أنها تصبر شوي..لمن تلقى الفرصه المناسبه..\أوكي بسوم..خليني نطلع اللحين..ويصير خير بعدين..اوكي..!!
ابتسام\مو مشكله..
وبكذا طلعت جمانه وابتسام للصاله ..
لكن جمانه حست أنه الموضوع يخص الوليد..ماتدري ليش..!!
احساسها هالمره كان كبير..وقوي..
حاولت تتناسى الموضوع وتندمج مع البنات وسوالفهم..
بس ماقدرت..فكرت أنه تاخذ ابتسام ويختلون بغرفتها لوحدهم..لكن حستها صعبه تترك البنات لوحدهم..
جاها صوت راوين \ياهوااا..وش تفكرين فيه..
ابتسمت جمانه باحراج وخفت نبرة صوتها\ولاشي...
راوين\ياويلي على اللي يقولون ولاشي..!!جمانه شفيك..صخيتي فجأه..!!ماهو من عوايدك الهدؤء..
جمانه\ومين قال..!!أصلا أنا كلي هدوء ونعومه..!!
راوين\أهــا..طيب جمون..تعالي بقولك شي..!!
جمانه\قولي..
راوين بهس\لا قربي أكثر...
قربت جمانه منها لمن ألصقت فيها\وهذاني قربت..
راوين\أقول.....ابي أروح البحر...
ظحكت جمانه على رقة وخجل بنت خالها\ولايهمك..نروح البحر..هو قريب كثير منا..
فرحت راوين واستمتعت من هاللحظه\يعني نقدر نروح له مشي..
جمانه\نقدر..بس بنتعب....يبيلنا سياره تشيلنا...
راوين\ومين بيودينا...!
جمانه\وفيه غيره..سلطان راعي الفزعات..
راوين\أخاف يفشلنا..!!
جمانه\لاتخافين مايقدر علي..بكلمه وعلى طول بيوافق..
راوين\وثوق..
جمانه\أحم أحم..غصبن عنكم..ههههههه
راوين\أهي هذا جمانه العجوز اللي أعرفها..!!
أقتحمت غلا حديثهم فجأه\شتقولون..!!
جمانه أرمقتها بنظره حاده\وأنت شعليك..!!
غلا\أقول جمانه..
جمانه كتفت أيدينها وتسندت على الكنب الجلدي\نعم..!!
غلا\أنقلعــــي...وقامت بسرعه جنب الحريم قبل ماتسمع ردة فعل جمانه اللي دوم تقهرها..
===========
متى بتجي..!!
الوليد\ماأدري..أحتمال بكره بالليل..اوفجر الجمعه..!!
ثامر\ماتحس انها صعبه وضيق عليك..!!
شرب الوليد الكوفي اللي طلبه وهو يحس أنه الوقت يمشي بسرعه زي ماقال ثامر..بس هو مجبر أنه يروح\أنا أصلا أنا رايح رايح..عمتي لازم أسلم عليها قبل ماأسافر..
ثامر\على راحتك..بس حاول تجي الخميس أحسن لك..
الوليد\يصير خير..وأنت خلصت أمورك..!!
ثامر براحه\..والله يصبرنا على فراق هالبلد..
الوليد\تكفى ياثامر لاتذكرني...كل ماأتذكر أني بتغرب بعتصر هالقلب..
ثامر\يالله أحنا رايحين ندرس..والله يثبتنا ان شاء الله...
الوليد\ أن شاء الله....يالله قوم وراي طريق..
ناظر ثامر ساعته وكانت 8 والعقرب الكبير على10\تونا..شفيك مستعجل...!!
الوليد\وراي شغله ولازم اخلصها..
ثامر\أوكي..
طلعوا الشباب من الكوفي وقرروا يتلاقون الجمعه
الوليد ماكان عنده شغل ولاشي..بس كان يبي يختلي بنفسه شوي..
الوقت صار يخونه..وهو يحس بالتشتت بأفكاره..
يتخيل وش بيصير اذا عرفت جمانه..
يتخيل كيف بيسافر عن أهله..
كيف بيكون الوداع..
كيف بيصبر من دونهم.
صعب ..سفره بيكون صعب..
بيترك كل شي وبيسافر..
بيترك أبوه وأخته واخوه..وجمانه... وحلمه بانه يكون مشهور ولاعب محترف....
كل شي بيتركه...بسبب مجرد أمل ضعيف..ممكن يحيا وممكن يموت وهو ماطلع للنور..
لكن خلاص هو قرر الله معاه ودليله في كل خطوه يخطوها..
هو يمشي باحساس قلبه..باحساس قلبه اللي يقوله يوسف حي مامات..
والله كريـــم..وعلى نياتكم ترزقون...
==========
لا..مستحييييييل..!!
بعد ماطلعوا البنات (غلا وجمانه وراوين وابتسام) للبحر قررت ابتسام تقول لجمانه كل شي وتحطها بالصوره..مدام غلا وراوين مبتعدين عنهم..ومافي ناس موجودين هالوقت..
لكن أبدا ماتصورت تكون ردة فعلها بهالصوره..
:
وتحسفت على قد شعر راسها أنها تسترت على الموضوع وماخبرت جمانه....
جمانه تايهه.. مساكه راسها بعجز..وتروح وتجي من التوتر والضيقه اللي مصاحبتها من أول مادرت بالخبر..
خلاص الوقت ضاع والوليد بيسافر بعد يومين..!!
وش بيكون حالها..!!
ووقفت وهي مقابله ابتسام وعيونها كلها لوم وعتب عليها..\ليش ياابتسام..ليش ماقلتي لي..!!
حال ابتسام ماكان أحسن من حال جمانه..حتى هي متضايقه..اذا جمانه بتفارق حبيب..فأبتسام بتفارق أخو وعايله كامله تشتت بعد الوليد\وش تبيني أقول..أقولك أخوي تقدمت سفرته وبيروح بعد يومين..جمانه..
لاتزيديني لوم وضيقه..يكفي اللي فيني..أنا خلاص ماعدت أميز أفعالي..ماعدت أعرف اذا أنا عايشه والا لا..!!
سفرة الوليد هدت حيلي وارهقتني..!!فلا تلوميني أرجوك..كفايه لوم..
أنا أبي أحد يواسيني..مو يزيد علي..!!
أنتوا مو حاسين بحرقة الجوف اللي بصدري..
مو حاسين..ولا بتحسون بيوم ..
مشت ابتسام بعيد عن جمانه وهي ماتبي تقول شي تندم عليه بعيدن
وجمانه كانت منصدمه منها..ومو مستوعبه اللي قالته ابتسام..
ويوم شافت ابتسام تبتعد عن البحر..توها تستوعب..وعلى طول صرخت باسمها بدون شعور..\ابتســــــــام....
وابتسام سمعتها ولفت عليها وهي بمكانهاواقفه..
مشت جمانه لها لمن صارت قبالها..وعم الصمت بينهم..وماينسمع غير موج البحر اللي يتلاطم على الصخر ويرتد بكل قوته..
رفعت ابتسام أصبعها السبابه ودمعتها بعينها\شوفي جمانه..اذا بترجعين تلومينــــي فروحي أحسن لك....
حضنتها جمانه بكل قوه كانت عندها وسكتت ابتسام على طول وكأنت فعلا محتاجه حضن يضمها ويريحها وينسيها هموم بكره..
تمتمت جمانه باذن ابتسام بصعوبه وكل مافيها يرتجف \ألوم اللي يلومك يابتسام..ألوم اللي يلومك..سامحيني..سامحيني أرجوك..
ابتسام\جمانه..ليش مو حاسني فيني..أبي ارتاح..تعبت ومو قادره ارسي على بر..حاولت كذا مره اتأقلم مع الوضع..لكن ماقدرت..غصبن عني..غصبن عني..ماابي أخسر أحد ثاني..مليت..مليت من وحدتي وحزني..أبي أنسى..ماابي أحب أحد ثاني..لأن كل اللي أحبهم يروحون عني..ويخلوني بروحي..
ماأبي أنصدم..
تعبت وانا عايشه بروحي..
متى برتاح..قولي لي..متى برتاح..!!
وسكتت..وظلت تصيح..وتصيح في حظن جمانه..
ويوم هدت أبتعدت عنها. ومسحت دموعها بطرف عباتها.
وجمانه حاسه باللوم.\أسفه ابتسام..
ابتسام\لاتتأسفين..وانسي الموضوع..
جمانه\كيف أنسى وانتي متضايقه..
ابتسام\لا خلاص انا مو مضايقه..ارتحت لأني كلمتك..خفت أنك ماتفهميني..
ابتسام بابتسامه جافه \أثارايك تحبينه وأحنا ماندري..
أنحرجت جمانه..ودزت ابتسام بعيد..\ومين قال أني أحبه..
غمزت ابتسام بعيونها\لا والله..!!
جمانه\أي والله..
ابتسام\بيجي اليوم...
مافهمت جمانه عليها وضاقت عيونها\منوا..!!
ابتسمت ابتسام\الوليد..بيجي الليله..
بدون شعور قالت جمانه\صـــج..!!
ابتسام\أيه صج..!!أمشي نروح للبنات..شفيهم كيف يلعبون بالماي..شكل غلا عطت جرعات خبال لراوين..
التفت جمانه للبنات ومشت مع ابتسام لهم.. ..وفكرها بالوليد..بيجي الليله..يعني بتشوفه..هذا الشي ريحها كثير..على الأقل بتشوفه قبل مايسافر..
============
هند\يعني مو جايين اليوم..!!أنت قلتي لي أنهم بيجون..!!
الجده\أيه كانوا بيجون لكن سميه مارضت تجي معهم..!!
تكلمت نور ولهجتها ممزوجه بخوف\طيب ليش ماتجي سميه..شفيها..!!
الجده\تقول أمها أنها تعبانه..وهي مافيها الا كل خير..دلع بنيات,,
تنهدت هند بحزن على حال بنت أخوها سميه\الله يهديها ان شاء الله....
الجده\وين عشاك..والا مانتي بعشيتنا..!!
هند\شدعوه يمه..أنا انتظر هالبنات يجون..والتفت على فجر..فجور حبيبتي..دقي على جمانه قوليلهم بنحط العشاء..
طلعت فجر تلفونها من شنطتها\ان شاء الله عمتي..
ابتسم الجده بوجه فجر بكل حب وفخر\أيه هذا البنت السنعه..مو مثل المهبل اللي هجوا بسرعه..
بادلتها فجر الأبتسامه وكلمت جمانه\هلا وينكم..
تكلمت الجده بصوت عالي عشان تسمع جمانه\ياللي ماتستحون بسرعه تعالوا البيت..ولاتهيتوتن زي الصبيان..
جمانه على الخط وهي تضحك على كلام جدتها\وييييه..الجده معصبه..
فجر\حدها معصبه.يالله تعالوا..
جمانه\اللحين جايين..بس ننتظر سلطان..
تكلمت فجر بصوت واطي\بسرعه..
جمانه\هههههه طيب سلام..وسكرت..
الجده\وش قالت..!!
قامت فجر وحبت راس جدتها\بيجون يالغاليه,,هدي أعصابك..مو زين عليك..
كلمات فجر البسيطه بعثت الأبتسامه في وجه الجده ونست البنات على طول..ويوم شافت هند الموقف ظحكت\مفعولك قوي يافجر..صرتي أحسن مني..!!
فجربهدوء\ليتني أصير مثلك..أو حتى جزء منك..!!
هند\ياعمري والله مين مثلك أنتي..!!...والتفت لأم أحمد وقالت..الله يخلي لك فجر ان شاء الله..
رفعت أم أحمد ايدها لفوق \آميييييين..
وكلها لحظات وجاوا البنات وحطوا العشاء لهم وللرجال وتعشوا
==============
كانت ماسكه كيسه مليانه حلويات وطايره من الفرحه لأنه أبوها رضى لها تشتريهم..وكل مره تفتح حلاوه وتاكل شوي منها وتفتح الثانيه وتاكل شوي منهاوتضحك بجنون..وابوها جالس يناظرها وهو يسوق ويظحك على ضحكتها \يالدبـــه..!!بسج حلاو..
مااستوعبت ريوف كلام أبوها وظلت طول الطريق تاكل وتفتح لمن فتحتهم كلهم وارتاحت\اللــــه حلو حلــــو..ثنوا تقول..!!وحطت ايدها على فمها ودمعتها بعينها..أنا دبـــه..!!
ظحك عبد الرحمن على براءة بنته وحركاتها العفويه اللي تهبل فيه وتمسح أي ذرة عقل عنده\أيه دبه..دبـــه كبيره بعد...
قطت ريوف الحلاوه اللي بفمها ونزلت دمعتها\أنت الدبه..!!
علا نبرته شوي\لا أنتي الدبه..يالدبـــه..
ريوف\لااااااااا..انا مو دبه..مو دبه..
عبدالرحمن\وبعدين ليش تقطين الحلاو..اللي يجيبك معاه مره ثانيه السوبر ماركت..باخذ روز معي..وبخليج لوحدج في البيت..
حركت ريوف رجولها بعصبيه وهي مصدقه أنه أبوها بخليها بالبيت لوحدها ورمت كل الحلاو بالأرض..وهو ماهتم فيها وظل يضحك على حركاتها لمن وصلوا البيت ونزلت على طول من السياره اما عبد الرحمن فتح الشنطه بينزل الأكياس وجاه تلفون وكان أحمد داق عليه وظل يكلمه ونسى ريوف اللي ظلت تصيح جنب باب البيت..ويوم أنهى مكالمته شافها وظحك عليها وخذا ألكياس وفتح الباب وطنشها ونادى روز تشيل باقي الأكياس معاه
وظل واقف جنب الباب قبالها وهي بنفس الوضعيه ساكته ودموعها بعيونها.. وعرف أنها مو متحركه أبدا الا اذا أحد مسكها ..
ظحك كثير على بنته..هذه عادتها ومستحيل تغيرها ابدا وعلى طول شالها بخفه ودخلها الصاله وقطها على الكنب وفصخ غترته وجلس جنبها وحضنها\بنتي دلوعه..!!
مشت ريوف دموعها بثوب أبوها وتكلمت بصوت خشن من كثر الصياح \ماأحبــــك..كله تصلخ علي..بعلم يدتي عليك.
جارها عبدالرحمن بالكلام ومثل أنه خايف وحضنها بقوه\لالالا لاتقولين لها..أخاف تطقني بعدين..!!
شدت على اسنانها وقالت بقهر\الا بقول لها..تطقك بالعصا مالتها..وظحكت بخبث وهي تتخيل أبوها ينضرب بالعصا..
عبدالرحمن\ياشقيه..ترضين أنه أبوج ينطق..!!
ريوف\أحثـــن..تثتاهل..
فتح عبد الرحمن عيونه ومسوي نفسه مندهش وتركها وقطها على الكنب\وبعد أستاهل..أوريج..جلسي هني لوحدج...بروح أنا أنام..وياويلج ان جيتيني ولاتسبحتي..!!وابتسم بخبث..يادبــــــه..ودخل المطبخ وقال لروز تسبح بنته..وطلع فوق يتسبح وينام..
ويوم مرت ربع ساعه شاف أحد يفتح باب غرفته فتح عيونه شوي وعرف انه ريوف وعلى طول غمض عيونه وسوى روحه نايم ومو حاس فيها..وعلى طول جاته بنته وشعرها مليان ماي ولابسه بيجامه بيضه ومستعده للنوم ورفعت رجولها بصعوبه عشان تطلع للسرير وجلست جنبه ونامت..يوم حس عبدالرحمن أنها نامت ضمه لصدرها وحب راسها وعرف انها توها متسبحه وابتسم بحنيه.. مسك ريموت المكيف اللي كان محطوط جنبه وقصر عليه لأخر شي وغطاها بفراشه ونام وهي بحضنه كالعاده..
=================
ناظر الوليد ساعته الفضيه وشافها 12 ونص..
مر الوقت عليه بسرعه وماحس أنه وراه طريق الا على 12 .. بركن سيارته على جنب..وتفشل من عمره كيف بيدخل عليهم هالحزه أكيد كلهم نايمين..وكيف أصلا بيدخلونه الا بوجود جاسم زوج عمته هند..
ويوم وصل للبوابه قرر يكلمه عشان يدخله ..وضرب على رقمه وهو منحرج وتوقع انه مايرد عليه لكن تفاجأ أنه باول رنه رد..سلم عليه وسأله عن أحواله..وتفاجأ للمره الثانيه يوم عرف انه كان ينتظره هو وعمته هند..سكر منه وظل ينتظره..
وهو يسأل نفسه..مين قال لهم أني جاي..!!أكيد جدتي..!مافي غيرها..!!
والله أحراج ليتني ماجيت بس..وأنحطيت بهالموقف..اللحين وش بيقول عني الرجال..مستهتر وتوه متفرغ..!!
أوووف الله حاله..
وعلى هاللوم والتفكير شفت سيارة جاسم من بعيد..ويوم قرب نزلت من سيارتي ورحت اسلم عليه\السموحه منك..تعبتك معاي..
جاسم\أفا عليك يالوليد لاتعب ولاشي..يالله تعال وراي..عمتك تنتظرك..!!
ابتسم الوليد باحراج فظيع وقال\ان شاء الله..وركب سيارته..
وكلها خمس دقايق ووصلوا نزل الوليد وترك شنطته بالسياره ..ووقف له جاسم لمن جاء له وحط ايده بكتفه \حياك...
الوليد\الله يحيك...ودخلوا البيت وعلى طول للصاله لأنه هند كانت منتظرتهم وأول ماشفاها الوليد حن لها لأنه واضح عليها التعب والأرهاق وفجأه تذكر امه وترحم عليها بقلبه اللي أنفطر حزن بذكراها..سرع خطواته من عمته يوم شافها بتقوم عشان تسلم وجلسها وحب راسها\والله ماتقومين..وانت تعبانه...
ابتسمت هند بتعب خفيف وضربت الوليد على صدره بخفه\وليش توك تجينا..!!كنت أحاتيك..!!
جلس الوليد جنبها ..وناظر جاسم اللي كان يبتسم لهم وبعدين لف على عمته\شسوي ياعمتي..والله نسيت وماتذكرت أني بجيكم الا متأخر..
هند بعتاب\أخر مره تسويها...
الوليد\هههههههه ان شاء الله..
تذكرت هند سفرة الوليد وتكلمت بجديه عشان تخفي حزنها عليه\وش صار على سفرتك..!!
أستغرب الوليد..مايذكر أنه قال لعمته عن هالموضوع\أنتي دريتي..!!
هند\وفي أحد تتوقع مادرى...أنا ماراح ألومك لأن خلاص مضى وقت اللوم...لكن اللي ابيه منك تشد حيلك وترفع روسنا..وتجيب لنا الشهاده..
أرتاح كثير الوليد من كلام عمته..يمكن لأنها الوحيده اللي تقبلت الموضوع بكل واقعيه وماتضايقت زي البقيه..
الوليد\شفتي عيوني...من عيوني ياعمه..!
أخذت هند نفس وكملت كلامها بصعوبه\الله يوفقك..واللحين يالله قوم نام..تأخر الوقت..
جاسم\ها ياهند أرتحتي اللحين...!!
هند\أكيد.. ايه صحيح تعشيت..
الوليد\ متعشي..تسلمين..
قامت هند بصعوبه بعد مساعدة الوليد لها\..يالله أنا بروح أنام وراي قومه الصبح..وخذ راحتك ...وابتسمت بحنان...البيت بيتك
===========
جوعـــــانه
..وابي أكل شي يسد جوعي..
بتقولون لي ليه ماتعشيتي..!!بقول لكم جلست جنب الرقيقه غلا اللي كانت مسويه ريجيم وسدت نفسي على الأكل...وماكلت غير ملعقتين خضار وقمت وانا متنرفزه منها...وفي شي ثاني سد نفسيتي كلها..لكن ماراح أّذكره..أنتوا تعرفون أكيد..!!
طلعت من الغرفه بهدوء عشان مااقوم البنات اللي ناموا بغرفتي وسكرت الباب ببطىء..ويوم انجزت المهم الصعبه أطلقت واااااااو كبيره بعد..
ورحت للمطبخ وفتحت الثلاجه على طول... لعل وعسى أشوف شي بقى من العشاء..لكن للأسف مالقيت شي..
أكيد الخبله جيليتا خدامة جدتي رمتهم بالزباله أو كلتهم..مالت عليها الدوبه..
تسندت على الثلاجه وانا الجوع ذابحني واصوات بطني بدت تطلع وتقول أنقذوني..
وشفت علبة ببسي مسكره..خذتها وفتحتها..
أدري بتقولون مجنونه..بس شسوي هذا الموجود حاليا..
شفت كيسة توست محطوطه بطاولة المطبخ..وفكرت أسوي لي توست بجبن..لكن تعيجزت وطنشت بطني..تذكرت أني حاطه سنيكرس بدولاب الصاله وطلعت اخذه.ياسلام..حلت السهر عندك ياجمانه..!!
و شفته وماحد كله..فتحته على طول بأيدي اليمني..وأيدي اليسار ماسكه قوطي الببسي لكن سمعت أزعاج وراي وصكت باب.. لفيت وجهي بسرعه..وشفت الوليد وصرخت\يمـــــــه..وحطيت الببسي والسنكيرس بوجهي وكأنهم بيحجبوني عن الوليد..وعلى طول تخبيت ورى الدولاب لأنه كانت في فتحة ديكور جنبه..ودخلت نفسي غصب فيها..لمن تغلصت..!!
وقلبي..!!
شنوا قلبي..!!
احسه بيوقف من نبضاته المتسارعه..وغمضت عيوني بدون شعور والببسي والسنكرس بوجهي لحد اللحين..
:
سمعت صوته الهامس وكان قريب مني حيل\جمانه..؟
عرفنـــــــــي..!!يارب ثبتني ماأقدر أستحمل..
عاد اسمي مره ثانيه\جمانه وينك..!!
رديت عليه وجسمي ينتفض\هلا...هلا...الوليـــ ــــــد..!!
كلمني ووصوته هادي ومحرج\آسف ..ماكنت أدري انه في أحد موجود..!!كنت طالع أخذ شنطتي من السياره..وووبس..
جمانه\لاعادي الوليد..أدري أنك ماتقصد......وسكت..وهو سكت..وظلينا فتره ساكتين..سبحان الله تحققت أمنيتي على طول وشفته وهو شافني بموقف ماعمري تصوت أنه بيحصلي بيوم..
وبعد فتره..ماحسيت فيه..
وشكله راح..حسافه..
لكن أتفاجأت بصوته مره ثانيه..
الوليد\أحم..ماراح تقولين لي على السلامه..او على الأقل شلونك..!!
ياربي..وانا اللي مفكره أنه راح..أثاريه موجود..معقوله يفكر بنفس اللي أفكر فيه,...!!
رديت عليه بصوت واطي وأنا منحرجه\الحمدلله على سلامتك..
الوليد بهمس\بس..!!
ابتسمت له..ماراح يوفت هالفرصه\أيه بس......وكملت وانا مغصوبه... الوليد معليش تدخل غرفة العيال أبي أطلع..
الوليد\أفا طرده يابنت العمه,,!!..
لاياالوليد مو طرده..أخاف أذوب قدامك..ياويلي شفيني..!!
جمانه\لا ..أخاف يطلع ويشوفونا...ووو
قاطعني بسرعه وتفهم الوضع\أوكي..انا بدخل..تصبحين على خير ....جمــــانه..
غمضت عيوني وأنا هيمانه..اسمي حلو على لسانه..\وانت من اهل الخير..
وسمعت فتحت باب وعرفت أنه راح..
وانا على طول تركت هالببسي والسنيكرس اللي مخبيه فيهم وجههي وحطيت بالطاوله ودخلت غرفتي انام..وانا شبعانه...
شبعانه حــــب...!!
============
فتحت عيوني ومسكت ساعتي اللي جنبي وشفتها 11 بالظبط..لفيت وجهي الجهه الثانيه وشفت غلا نايمه وشوي بتوصل عند الباب من كثر حراكاتها....أما جمانه على سريرها..و مايبين شي فيها غير رجولها الطوال..
وشكل فجر وابتسام صاحين من زمان وماحسيت فيهم..
قمت من فراشي بكسل..الصراحه ودي أنام اكثر..لكن فشله وش بيقول عني..!!
دخلت الحمام اللي بالغرفه وكانت هذه أول مره أدخله..ياحليلها جمون..حتى الحمام صابغته اصفر..!!
تموت على الأصفر هالبنت..!!ولمساتها كلها أنثويه والورود المجففه منتشره بكل جهه حتى بالحمام..!!..بس لوتخف من دفاشتها تطلع بيرفكت..!!
غسلت ةجههي بالماي وشفت وجهي بالمرايه...
ضعفت كثير..
معقوله كل هذا تفكير..
لكن مو مشكله ضعفي أبرز ملامحي أكثر..
ابتسمت على تفاهتي..وذتكرت أنهم أحتمال يجون اليوم..
يارب يجون..!!وحتى لو جاوا..وش بيصير يعني.!!
صج غبيه..!!
خلني أطلع تأخرت عليهم..وبلا كلام ماله معني..!
وطاحت عيني على البنات مره ثانيه..وكنت بصحيهم لكني مو ناقصه تهزيأت توني صاحيه ومالي خلق..
طلعت من الغرفه وأتجهت للصاله وشفت الكل مجتمع ماعدا فجر وابتسام..لكن سمعت أصوات البنات في المطبخ ورحت لهم على طول وشفتهم جالسين يفطورن..
راوين\صبـــــاح الخير..
فجروابتسام\صباح النور..
طلعت فجر كرسي لي وقربته جنبها\تعالي فطري معنا..
جلست جنبها وشفت عصير برتقال وصبيت لي منه وشربته..من متى صاحين..!!
ابتسام\يعني ربع ساعه..
راوين\أها زين..خفت أنكم صاحين بدري..
فجر\والبنات صحوا..!!
ظحكت بنعومه وقلت\ولاقنبله تقومهم..
ابتسام\يمه منهم..أكثر ناس بالعايله ينامون..ماتشوفونهم صايرين طوال..!!
راوين\صج..!!اجل بظل طول اليوم نايمه..!!
فجر\أجل تصدقون أنا سمعت العكس..!!بس خلاص راحت علينا ووبيظل هذا طولنا..
مسحت شوي جبن بالخبز وابتسمت برضا\ على كل حال..
==============
توني ماسك خط الطريق وناوي أنزل الشرقيه..ومن الشرقيه لراس تنوره..
أمس قررت أني ماأروح وأخلص شغل المشروع..
لكن مدري ليش غيرت رأي على طول ..وماشفت نفسي الا مجهز أغراضي وراكب السياره..وكلها أربع ساعات وواصل ..
ظغطت على راسي بألم وفصخت النظاراه الشمسيه....راسي مصدع وكله بسبب سهرة أمس..
كثرت بالشرب لمن داخ راسي ونمت بدون ماأحس.... .. وغير كذا تذكرت أني ماشربت قهوتي الصبح..ومافيني أرجع وأشتري لي قهوه من أحد هالكفيهات..
شفت على يميني محطة بنزين وجنبها (قهوة الطريق) لفيت لها وطلبت قهوه وكلها نص دقيقه وخذتها وطبعا ماحطيت سكر لأني أحبها مره عشان تصحصحني أكثر..
ومشيت ودعست الطبلون..أبي اوصل بسرعه..وناوي أخلي هالأربع ساعات ساعتين..
شغلت على الراديوا عشان ألهي نفسي بهالطريق..
حطيت على أف أم وطلعت لي أغنيه غريبه مصريه وممزوجه بعربي..
صج سخفين كل واحد حس أنه صوته حلو حط له اغنيه وصار مشهور.
مصدقين حالهم كثير..أجل هذه أصوات..!!
طفيت الراديوا وخذت لي شريط لــ عبدالحليم حافظ...*..نار ياحبيبي نار..*وشغلته..
سمعت صوت تلفوني يدق..قصرت على المسجل..وجلست أدور عليه وأنا أبي أتذكر وين حاطه..
وبالأخير شفته تحت المقعد اللي جنبي خذته على طول قبل مايسكر وشفت المتصل مبارك..
ورجع لي الصداع ثانيه وضاقت عيوني بملل....شيبي هذا متصل..!!توني شايفه أمس..!!
وعلى طول بدون شعور قفلت تلفوني بوجهه..وقطيته ورى..وطولت على المسجل..
===========
صار لي نص ساعه واقفه جنب المرايه واحاول أدخل هالعدسات الكحليه اللي مو راضيه تدخل..
وياانا ياهي اليوم..بتدخل يعني بتدخل..
ومدام أني دخلت الأولى بتدخل الثانيه غصبن عنها..
بس شفيها زهقتني ياربي..الكل تجهز وخلص الا أنا..!!بقى لي اكمل مكياجي ومكياجي أعرفه ياخذ مني ساعه كامله ..ياربي شسوي اللحين..
والله يشوف شكلي يموت ظحك عيني مفتوحه على ألاخر وتدمع.. وجسمي كله على المرايه والشعر مرفوع أي كلام..
ليكون مقلوبه عشان كذا ماتدخل..!!
خذت العدسه وحطيت لها السائل اللي ينظفها وقلبتها وحطيتها بوسط عيني وتركتها...وعلى طول دخلت..
أخييييرا..أثاريها مقلوبه وانا ماادري...!!آآآآه ...غمضت عيوني عشان ترتاح شوي وجلست على سرير جمانه..ويوم حسيت أني أرتحت فتحتها وخذت منديل ومشيت دموعي اللي نزلت..
وبديت أشتغل بالمكياج..
ومدام أني لابسه بلوزه فوشيه وجينز كحلي..راح أحط مكياج بسيط..
خذت القلم الكحلي وحطيته تحت عيوني والماسكارا برموشي ثبتها..صحيح أني مو محتاجه تطويله رموش..لكن ماأقدر لازم أحطه.... وبعدها حطيت قلوس وردي وشوي بلاشر فوشي وانتهيت..
ماله داعي احط اوفر..
فتحت شعري ونفشته شوي ورفعته كله ونزلت خصلات من ورى..وانتهيت اخيرا..
بس بقى احط الحلق الغجري اللي كان بلون البدله فوشي..
خذته من الشنطه ولبسته..ولبست أساوري السته اللي كانت بالطراز الهندي..وهذا شي اساسي عندي..!
وابتسمت أبتسامة رضا على شكلي..
وطلعت للصاله وانا عارفه أني باخذ تهزيأه من امي على جلستي المتأخره...
وبالفعل اول ماطبيت الصاله عطتني أمي الكلام العدل..والمصيبه أنه الكل جالس ..وغير كذا كانوا يتغدون ومطنشيني..
هو أكيد بيطنشوني..أمس حالت فيني عمتي هند وبالموت كلت
واليوم شكلها يأست مني..
...شفت سلة فاكهه على الطاوله..خذت لي تفاحه وجلست على الطاوله..وأنا شوي منحرجه..
أم أحمد\بدري غلا..كان كملتي نومك..
ظحكت على أمي عشان أخفف الموقف علي..وناظرن بفجر عشان أستنجد فيها\ههههههه والله كان ودي لكن أحترمت روحي...
سمعت ظحكة جمانه اللي كنت جالسه جنب ابتسام \هههههه صج أحترمتي روحك..!
التفت العمه هند على بنتها وضربتها على أيدها\وانتي مو أحسن منها..توك صاحيه ياحظي..!!
وأنا هنا مت ظحك..احسن مو أنا بس اللي أتهزأ..تستاهل جمانوا..مسويه نفسها بو زعم أنها الزينه..مالت عليها...وبكذا سكتت وسكرت فمها..أحس مالي خلق أزعاج من الظهر..
لكن حسيت أنا في أحد ناقص..مو موجود..
أيه..جدتي وينها..\أقول فجر..وين جدتي..!!
فجر\عند العيال بالمجلس..
غلا\أها..
فجر\تبين منها شي..!!
ظحكت...يعني شنوا أبي منها..!!\لا..بس أسال عنها..!
ابتسام\..
هند\وين ياأبتسام,,,!!
ابتسام\لا خلاص ياعمتي..شبعت يعطيك العافيه..
هند\يعني بتسوين نفس غلا..!!
التفت علي ابتسام وقالت بقهر\وأنا اقدر أصير مثل غلا..همتها عاليه البنت..!!
وظحك الكل على لهجتها,,أما أنا..ابتسمت بفخر وغرور ورمشت بعيوني\شكـــرا..وعلى طول جت عيني بعين مرت عمي نور..وانحرجت الصراحه..ليش مدري..!!
أحس اذا طالعتني اخجل منها عكس أزواج عمي البقيه..
يمكن لأنها هاديه ونادر ماتتكلم مع أي شخص..
أو يمكن لأنها دوم تبتسم بطيبه ونيه صافيه..
مااعرف ليش..!!
لكن اللي اعرفه انها الوحيده اللي أستحي منها..
واكره أني أنوضع بهالمواقف..لأن شخصيتي تتغير كليا..
ومااكون غلا اللي الكل يعرفها...
:
قطع افكاري صوت جمانه وهي تتدلع على أمها \يمه ترى أقولك من اللحين..بنطلع ونتمشى ..
رديت عليها عمتي وهي تتمصخر عليها\ومين ياعمري بيوديكم..!!
جمانه بصوت أجش وحريمي\لاتخافين علينا..احنا مرتبين الوضع عدل..سلطان بعد عمري..!!..خلف أهلي والله..يعلني ماأّذوق حرته بيوم بيتكفل بهالشي..!!
الجالسين كلهم ظحكوا على كلامها..ومطها بالكلمات...
مو قلت لكم أنها عجوز..وماتصدقون..!!
ومحد مصبرني على خبالها الا انها تفهمني بسرعه..لأني حتى أنا أبي أطلع..
جمانه\ها وش قلتي يمه..
هند\ماأدري..
الصقت جمانه بأمها أكثر وبدت تتدلع\يمه..تكفيييييين..
دزتها عمتي بخفه وهي مالها خلق للدلع اللي مو جاي بوقته\زين..زيــــن..وخري عني..
جمانه\يعني موافقه..!!
هند\اوووف اللهم طولك ياروح..مواقفه..وخري عني جمانوا..
ظحكت جمانه بجنون وباست أمها بدفاشه\واااي أموت فيك يمه..ياحبيبتي أنتي,,!!وقامت تنطط زي السبال.....يالله بنات جهزوا حالكم..وينــ فجر..!!
رفعت فجر راسها\هذاني موجوده..
جمانه\هههههههه والله ماشفتك..يالله قوموا..وانتي أول وحده بتقومين معانا..!!
فجر\يصير خير..
ضربت جمانه رجولها بالأرض بعصبيه\فجـــــــــــــــــــر..قومي....!!
فجر\ههههههه زين..أصلا حتى أنا نفسي أشم هواء..
=============
يتمشون على البحر..ومستمتعين بجو اليوم الحلو..
ماكان حار ولابارد..كان معتدل بنسيمه الدافي.. ولولا الرمل اللي عكر وذبح عيونهم..كان طلع ولا احلى..
الوليد حاط أيدينه بجيب بنطلونه الفضفاض النيلي..وكان رياضي قح بجزمته الرياضيه..تيشيرته أبيض ولابسه كاب نيلي\ماراح يجي طلال..!!
سكر هيثم تلفونه وحطه بجيب بنطلونه الجينز\مااظن.يقول أحتمال يجي..واحتمال لا..!!
الوليد بحزن ياكل قلبه\حسافه كان ودي نسهر الليله مع بعض..!!
حزة في نفس هيثم هالكلمه لأنها بتكون أخر سهره مع الوليد اللي كان صديق وولد عم واخو بنفس الوقت..
مايدري كيف بيقدرون على فراقه..
صحيح هم نادر مايشوفونه وخصوصا لأنه مقسم وقته بين النادي والجامعه..لكن بيظل له اثر كبير بعد سفرته..
والله يعينهم على فراقه المر..
هيثم حاول يبعد نظاراته عن الوليد..وناظرالسماء اللي مغيمه..والبحر اللي يلطم بامواجه \ماأتخيل..ولابي أتخيل أنك بتسافر عنا...
ابتسم الوليد بألم وقال\لا..تخيل ياهيثم..عشان أقدر اروح وانا مطمئن..
هيثم\أتخيــــل..!!
أحسها صعبه يالوليد..
كيف قدرت.!!كيف قدرت تترك حلمك وتروح..
وعشان أيش..!!
معقوله عشان دراسه..!!اللي تقدر تكملها هنا..في بلدك وعند أهلك..!!
رفع الوليد راسه للسماء وكانه يطلب المعونه من ربه أنه يصبره ويثبته..عظ على شفايفه وحاول يكتم سره ومارد الا بكلمتين وعينه متصوبه لمدى لبعيد محد يشوفه الا هو\حلمي هنــاك..حلمي بره ياهيثم..!!
هيثم بعجز واضح وقف قبال الوليد\كيف..قولي كيف..!!وين اللي يقول يبي يصير لاعب مشهور..وين اللي يقول يبي يوصل للنجوميه..وين أمنياتك وطموحاتك..والا كل هذه الأمور أنتهت..!!
الوليد جاوبه بعيون كسيره وضايعه\أرجوك ياهيثم..لاتذكرني..خلني أنسى..
هيثم\كيف تبين أسكت وأنا أشوفك تهدم كل شي حلو بنيته بايام طويله..ولاتبيني أذكرك..!!
الوليد بجمود غريب\هيثـــــم...اذا تبي تجرح هالقلب...وأشر على قلبه.... ذكرني..وتلذذ في تعذيبي..
واذا تبي تداوي هالقلب..أنسى...مثل ماانا بنسى...!!
ومشى بعد ماقال هالجملتين اللي عورت قلب هيثم..وشتته أكثر..
وظل واقف يناظر ولد عمه اللي يمشي بانكسار لوحده..
وكأنه غريق في بحر ماله أول ولاأخر..
وكان بيتبعه لكن تراجع لأنه عرف أنه يبي يكون لوحده ويراجع حساباته..
وطاحت عينه على سلطان اللي جايب البنات ..وظحك وهو في غمرة حزنه..لأنه كان شكل سلطان يضحك وجموع البنات وراه وكأنه أمير وهم يتبعونه..
قرب لهم وشاف وحده تلوح له بأيدها وتسويله باي...وعرف أنها غلا من نظاراتها..
سلطان\هلا وغلا بولد أخوي...وين الثاني عنك..تطلعون ولاتقولون لي..
هيثم\بلا كذب قلنا لك وأنت مارضيت..لف هيثم وجهه على بنات عمه وسلم عليهم..شخباركم بنان العم..!!
محد تكلم غير جمانه الملقوفه\وأنا مطلعني من الحسبه..!!
هيثم\ههههههه وانتي معطتني فرصه..توني بقول شخبارك بنت عمتي..!!
جمانه\وانا برد عليك..الحمدلله..
دخلن غلا عرض عليهم ولصقت بهيثم\أقول أقول أقول..هيثوم..!!
بعد عنها هيثم وهو متقرف من حركاتها\هيثم في عينج..شتبين..!!
جمانه\ههههههههههه أحسن..
خزت غلا جمانه من ورى نظارتها وبعدين طنشتها\نبي ندخل داخل..
هيثم\دخلوا..احد مسكم..
فجر\نبيكم تدخلون معنا..!!
هز هيثم كتوفه بدون أعتراض\كيفكم..عادي..!
قربت ابتسام جنب فجر وهمست لها\فجر..قولي له وين الوليد مايرد على تلفونه..!!
فجر\ان شاء الله...هيثم..
هيثم\هلا
فجر\وين الوليد ابتسام تسأل عنه..!!
بدون قصد هيثم طاحت عينه على ابتسام ورد عليها.. وهي أنحرجت من نظراته لها وعلى طول نزلت عيونها هيثم\الوليد يتمشى على البحر... قدام شوي..
فجر\أرتحتي..!!
رفعت ابتسام عيونها\يعنـــي..
جمانه\واحنا بنوقف كثير..!!
سلطان\لا طبعا..بس صبروا بدق على الوليد..!!
دق سلطان على الوليد ومارد عليه..وظل يدق عليه لمن رد وقال له أنهم بيدخلون داخل وقفل منه..
ابتسام\بيجي..!!
سلطان\أيه..يالله مشينا...
مشوا الشباب والبنات لـ داخل المركز وكان حلو وممتع.. تقريبا فيه بالجهه اليسرى سينما لكن مادخلوها وجنب السينما على طول مطعم لوجبات سريعه وبعدها مكتبه متوسطه اللي دخول فيها البنات عشان فجر... والشباب تركوهم ودخلوا صالة الألعاب اللي كانت محتله مساحه واسعه بشكل كبير.. والألعاب اللي كانت موجوده لعبة البولينج والبلياردوا كانت بصاله ثانيه أصغر شوي.. والعاب كثيره خاصه للشباب..لكن المركز كان عائلي..
::::
وهاللحظه دخل عليهم الوليد وهو متصنع الأبتسامه.. وشاف سلطان وهيثم ماخذين كور البولينج الثقيله ويبدون يلعبون..
خذ الوليد الكوره وقرر يلعب معاهم ويعرض مهاراته لهم..
وخذ له مكان معين..وصار بالجهه اليمنى وهيثم باليسرى وسلطان يتوسطهم وكلهم مستعدين ومنزلين ظهورهم للــ لعبه..
سلطان\أقول هيثم مدام الوليد جاي ماله داعي نفشل عمرنا ونلعب..امش ننسحب..!!
ناظر هيثم الوليد وفرح لأنه مبتسم وشكله حاول انه ينسى ومايضيع اليوم الوحيد اللي بيكون فيه مجتمع معاهم..وهو حس بالغباء لأنه حاول يذكره بجروح قديمه..وكره عمره على تسرعه.
لكن حاول يتناسى الموضوع ويستمتع مع الوليد بكل الطرق مدام هو حاب هالشيء..
هيثم\لالالالا بالعكس..انا أبي ألعب..ومقرر أهزم هالوليد..!!
ظحك الوليد بغرور وجارا هيثم وهو يدري أنه المسأله كلها تمثيل في تمثيل\مشكله الثقه..يالله 3..2..1..go....
ومشوا بسرعه لمن رموا الكور الحديديه والكل يناظر هالكور اللي تتحرك ومايدورن مين اللي بيطيح أكثر وبيوصول للهدف..
وطبعا زي ماقال سلطان الوليد هو اللي بيفوز عليهم وطيحهم ماعدا ثنتين صار متحكمين بوفقتهم ومانزلوا واللي بعده على طول هيثم اللي كان بقى له 5 ويفوز واخرهم سلطان وماراح أذكر كم لأنه فاشل بهالأمور ..واللي يعجبه بس لعب الورقه(الكوتشينه) والبقيه على جنب عنده..
سلطان\مو أنا قلت لك..خلنا ننسحب..هذا هو فاز علينا..أنا منسحب من اللعبه..ومشى عنهم..
ظحك الوليد بجنون على شكل سلطان المهزوم ومشى وراه وحاط أيده علة وجهه.. وباسه على خده\قلنا لك من زمان خلنا نعلمك ..لكن مارضيت..!!
مسح سلطان خده بقرف\ووع عليك..أحد قالك بوس..امشوا ندخل بس..!!
الوليد\وين.!!
هيثم\نلعب بلياردوا..!!
سلطان\مانبي بلياردوا..!!
ابتسم الوليد بخبث\ليش خايف من الهزيمه..!لاتخاف ماأحب العبها ولا أعرف لها اساسا..
هيثم\حتى أنا..
سلطان\والله اللي يعرف لها تركي...
الوليد\ولد عمي..!!
سلطان\أيه متفنن في هاللعبه..
هيثم\أصلا مايبيلها شي..
سلطان بطنازه واضحه\أيه مايبيلها شي..اشوفك تعرف تلعبها..!!
انحرج هيثم لأنه صحيح مايعرف لها ولا يبي يعرف أصلا\أقول أمشوا نطلع..
الوليد\يالله..
طلعوا الشباب من صالة الألعاب ودخلوا المكتبه اللي ماكن فيها أحد الا البنات اللي ماخذين راحتهم على الأخير وكل واحده ماسكه كتاب وتقرى....
هيثم\شسالفه ماأشوف احد موجود غيرنا..!!
سلطان\نادر محد يجي هنا اساسا..واذا جاوا مايطولون....أمش ناخذ لنا أحد هالكتب ونتعنقف...قصدي نتثقف..!!
هيثم\لا الله يخليك..مالي خلق أتثقف..عندي في البيت كتب يبيلها فتح..
:::::
بالجهه الثانيه غلا وجمانه جالسين جنب بعض ويطلعون بالهكتب يتصفحونها على السريع ويقرون من كل بحر قطره.. وياخذون كتاب ثاني ويسون نفس الشي..
جمانه\يععععع.مااتخيل أقرى كتاب كامل..
غلا\قولي لي...انتي شلون نجحتي..!!
جمانه\بالواسطه..خخخخخخخ..يعي شلون نجحت بالدز...والله..
غلا وتناظر جمانه بقرف\كنت شاكه...
جمانه وودها تفقع عيون غلا\أقول تراني معطتك وجهه..
غلا\والله محد قالك تجلسين جنبي.. وحطت ايدينها بخصرها..قلوا الأماكـــن..!!
جمانه تنفست بضجر\غلاوه..اجلي الخناقه للبيت..مالي خلق لك..
ظحكت غلا بدلع\ولا أنا..بس شسوي.. ماأقدر..
جمانه استغربت\ماتقدرين في شنوا..!!
غلا\ماأقدر لازم أتخانق معك..والا ماأصير غلا العالي..
قربت جمانه منها وساسرتها\تصدقين حتى أنا..ماأقدر..أحس بشي ناقص اذا ماتخانقت معك..
ابتسمت غلا \الله يخلينا لبعض..
بادلتهاجمانه الأبتسامه وقالت\ويخلي هالخناقات اللي تقربنا من بعض,,,
رفعت غلا ايدينها لفوق وقالت بصوت مايع\آمييييين..
جمانه وتجاري الخبله اللي جنبها وترفع أيدها لفوق\يارب العالمين,,,
جمانه وغلا\هههههههههههههههههههههههههههههههههه
فجر\اوششششششششش..استحوا..
حطت غلا ايدها بفمها وقطت الكتاب اللي بحظنها وسببت ازعاج بالمكتبه والكل التفت عليها...
خزت فجر أختها لأنها سببت ازعاج وهمست لها\شيلي الكتاب..فشلتينا..
غلا\يوووه طيب..
جات راوين للبنات وهم منحرجين من الموقف اللي صار
راوين\أقول امشوا نطلع..خلاص زهقت..
قامت فجر وهي شوي معصبه من حركات غلا الغبيه وراحت لهيثم\وهذا اللي بيصير أساسا..قوموا يالله..
هيثم\شفيكـــم,,!!
فجر\خلص..بنطلع..!!
سلطان\يالله..وين تبون تروحون..!!
فجر\كيفكم..
::
ابتسام\ليه ماترد على تليفونك..!!
الوليد\كان معي خط..
ابتسام\..تكذب على منوا أنت..!!
الوليد\على أختي الكبيره..بسوم..
ابتسام رصت على أسنانها\سخيف..
الوليد\مشكوره..يجي منك اكثر..
ابتسام\الوليد..
الوليد\ابتسام
ابتسام\الوليد..
الوليد ومصر\ابتسام..
ابتسام بتأفف\أوووف..خلاص لاتطول..شكلي غلط جنبك..مستحيل الناس يصدقون اني أكبر منك..
الوليد ظحك بخيلاء\والله محد قالك تكونين قزمه..!!صج سنفور..!
ابتسام\..أنا سنفوره..!!
الوليد\أيه..
ابتسام انقهرت ومابينت له\ياويلي..طلعوا وتركونا..أمش نطلع وراهم..
الوليد \من بعد المكان..يالله أمشي..
الوليد\أقول ابتسام..
ابتسام\ها..
الوليد\ويعاه..شنوا ها.!!
ابتسام\اوووه..نعم..
الوليد\أحم..ماقالت لك شي جمانه..
ابتسام\مثل..!!
الوليد\يعني..أي شي..
ابتسام ابتسمت وحبت تجنن أخوها\لا ولاشي..ولاجابت حتى طاريك..
الوليد حس بخيبة امل\مالت عليكم ثنتينكم..!!أمشي بسرعه..والا بروح عنك..
فرحت ابتسام..هي تعرف كيف تهبل في أخوها..يستاهل..أجل هي سنفور..!!
:::
طلعوا الشباب للبحر ثانيه وقرروا البنات يرجعون لأنهم تعبوا من كثر المشي..
اما هيثم والوليد مايبون يرجعون اللحين..
ووصل سلطان البنت للسكن ورجع للشباب مره ثانيه..
::
عند باب مدخل البيت..
غلا\ويه كيف بدخل اللحين..جزمتي اختربت وصارت مليانه تراب..حرااام..
جمانه\والله محد قالك تلبسينها وتتكشخين..وشفينا كلنا لبسنا نعال..
غلا بغرور\وانا وش دخلني فيكم.
دخلت جمانه البيت وتركت غلا\أجل لاتتذمرين..
تسندت غلا عند باب المدخل وهي تتأفف وتنظف جزمتها بمناديل حاطتهم بشنطتها الصغيره
وماوعت الا بأحد من قوة جسمها طلعها بره باب البيت و هي أرتدت لورى وكانت بتطيح لكن مسكت على الجدار اللي خدش أظفارها الطويله ورفعت راسها تبي تشوف من هالوقح اللي عمل هالعمله..!!
وطاحت عينها على شخص مألوف بالنسبه لها طويل وعريض ولابس نظاره شمسيه ولابسه بدله ديزاينها هندي التيشرت بني على برتقالي..والبنطلون بني محروق وتلفونه بايده.. حاولت تتذكر منوا ..هي شافته من قبل..!!
هيئته معروفه..
بس منوا وهي لسه مو مستوعبه اللي صاير..!!
معقوله شافته بتلفزيون..لأنه مشبهته بعارض أزياء..دايم أتابعه,,
ويوم جات على بالها عارض ألأزياء
تذكرتــــــه..
و حطت أيدها على ثمها تمنع صرختها وسمعته يقول لها
أنتـــــــــي..!!
غطت غلا وجهها بأيدها وهي كارهه نفسها على هالمواقف اللي دايم تنحط فيها مع الشخص المجهول..!!
================
منوا هذا..!!
أكيد عرفتوه..!!
تركي طبعا..!!لأنه وصل الشرقيه..
هذا الفصل الأول من الجزء العشرين
بالفصل الثاني راح تعرفون ردة فعل غلا وتركي من اللي صار..
وأول يوم للوليد بغربته..وتعايشه مع الجو..
وصرخة قلب ..ومشاعر غريبه بتحل على يوسف..!
تابعوني بالفصل الجاي اللي يحمل عنوان >>..صرخة قلب
الجزء العشرين
الفصل الثاني
============
مسكت الغطا اللي قاطته أي كلام على راسي بايدي اليسار..وظغطت عليه بدون مااحس..
وكل قوتي كانت محطوطه على يدي اليمنى اللي متثبته على جدار البيت..
حاولت أرفع الغطا وأستر فيه نفسي وشعري اللي نصه طالع
حاولت أهرب...او أمشي خطوتين حتى..
حاولت أحرك أيديني.. لكن حسيت أنه كل مافي جسمي أنشل مره وحده..
حسيت أني متكهربه..متجمده..خايفه..مشتته..
احاسيس كثيره تخالطت بذهني..
ومن صعوبتها ..وقفت كل شي فيني..!!
وأنا لسه واقفه..وهو بالمثل واقف..
وكل هالأحاسيس اللي أحسها ماخذت نص دقيقه..لكن صوته الغريب الرجولي اللي جاني مره ثانيه ونظراته اللي
دخلت فيني..خلتني أستوعب أكثر..
تركي\أنتي...منوا..!!
وبسرعه وبدون أي شعور مريت جنبه وأنضرب كتفي بكتفه بقوه.. وماهتميت لأني أبي اهرب عن عيونه اللي غيرت شي فيني ماعرفته..
ودخلت البيت وانا أتنفس من أعماق اعماقي..
ولقيت راوين بطريقي وتناديني..
راوين\غلا..!!
تجاهلتها..ودخلت غرفة جمانه وانا اركض وكأن أحد يلاحقني....وقفلت باب الغرفه وانا خايفه..وجلست على السرير بعباتي ..
وانا كل تفكيري على هالشخص الغريب اللي اقتحم حياتي للمره الثانيه..!!
ليش تجمعني معه الصدف للمره الثانيه..!!
ليش وقفت وماعرفت أتحرك..!!
معقوله يصير لي..!!
لا مستحيل..لأنه حتى هو مايعرفني..!!
بس منوا..!!
منوا هذا..!!
ماأذكر اني شفته يوم من الأيام..!!
ومحد قال أنه بيجي أحد اليوم..!!
وليش حستيه شايفه نفسه أكثر من الموقف الأول..!!
أووووه وانا شدخلني فيه..!!
بس والله شكله غريب..
شكله غريب..كل شي فيه غريب..
نظراته..شكله..هيئته..أسلوبه..
ليتني أعرف مين هو..!!
بس كيف..!!
ومين اسأل..!!
وحتى لو سالت وش بيقولون عني..!!
أصلا مالي وجه اقول لأي شخص الموقف اللي تكرر معاه..
خلني أسكت أحسن..
ومثل ماأنكتب لي أشوفه بالصدفه..أكيد راح أعرفه بالصدفه
خذت نفس طوييييييييييل....
وقمت من السرير ورتبت شكلي وفصخت العباه..
وطلعت للصاله وأنا احاول أقنع نفسي باأني بعرفه بيوم..!
::::
شفت فجر جالسه مع جمانه وابتسام ويتفرجون على التلفزيون..
وبشكل أرادي جلست جنب اختي..
لأني أحس بالأمان مدام أني بتواجد بالمكان اللي هي بتتواجد فيه..
ابتسمت لي بحنيه\وينك أنتي..!!
رديت عليها بجمود\موجوده..بس دخلت الحمام..
جمانه\أكيد عشان ترتبين مكياجك اللي أختفى..
جاوبتها بسخريه\أيــه عندك مانع..!!
جمانه بصرخه \لاااااا..
ابتسام هالمره تكلمت غصبن عنها وهي تحاول تتنساى سفر اخوها وتنضم مع جو البنات\أبي أعرف شي واحد...اذا جلستوا بمجلس ماتقدرون تمسكون نفسكم..وقسم بالله أنكم قطاوه على هيئة بشر..
جمانه\ويه بسم الله علينا..أصلا أحنا نموووت في بعض.بس تدرين أنولدنا واحنا نتخانق ونعودنا على هالشي..عشان كذا صعب نقاوم رغبتنا ونكون مسالمين..صح غلا..!!
جاوبتها وانا اضحك على جنونها اللي ماأقدر أستغنى عنه\صـــح..
جمانه\سمعتوا..يعني لاتتكلمون رجاء..أحنا لابقين مع بعض..
فجر\خلاص محنا صاكينكم بعين..الله يخليكم لبعض..
وبعد كلمة فجر اللي سكتتنا..جات راوين وهي مبتسمه..وتذكرت أني طنشتها من شوي ومشيت..وكرهت نفسي..
أنا لين متى بتعلم الذرابه..صج ثوره..!!
وأكيد خذت بخاطرها مني..!!
كيف اعتذر لها..الصراحه ماأعرف أتكلم بهالمواقف..
راوين\سلام..
جمانه\ ياويلي على بنت خالي اذا أبتسمت...!!
راوين\فرحانه..فرحــانه ياناس..!!
فجر\فرحينا معاك..!!
راوين\تركي جاء من الرياض..وموجود بالمجلس..!!
::::::
تركي
تركي
تركي
تركـــي
لا ااااااااااااااااااا
معقـــــوله..معقوله يكون اخو راوين..!!
تركي..!!
ماأصدق..
ماأصدق..
ولد عمي..!!وماأعرفه..
وكيف ماجاء على بالي الشبه الكبير اللي بينه وبين راوين..!!
وانا اقول أحس أني أعرفه..ملامحه مو غريبه علي..!!
ياربــي ...يطلع ولد عمي...!!؟
وش بيقول عني اللحين..
أكيد بيقول أني متقصده حركاتي معاه..
أكيد..هذا اللي يجي في بال الشباب دايما..
طيب يمكن مايكون تركي..!!
يمكن يطلع شخص ثاني؟؟!!
لالالا أكيد تركي..محد غيره....
ياربي...شالصدف الغريبه..!!لفيت عيني على البنات.. وشفت فجر معتفس وجهها..وجمانه متفاجأه..وابتسام ملامحه هاديه..اما راوين..مبتسمه بفرحه كبيره..
جمانه\صج..!!تصدقين نفسي اشوف أخوك..ماعمري شفته...!!الا وأنا صغيره..
راوين\أيه هو قليل جياته معنا الشرقيه..بس أخاف اذا شفتيه تموتين..!!
جمانه\ليش..!!
راوين وغمزت بعينها\مزيون اخوي..!!
جمانه\خلص زوجيني أياه..
ابتسام\ومين قال أحنا بنرضى أصلا..!!
جمانه وكتفت ايدينها\وليش ان شاء الله..!!
ابتسام وابتسمت\أنتي أدرى..!!
جمانه أنحرجت وبدت بالسب\مالت..
ابتسام\عليك..
==========
معقــــوله...!!؟
صدف غريبــه..مثيره..عجيبه تجمعني انا وياها بنفس المكان..
مين هالبنت..!!
من تكون..!!
وليش تعرضت لهالموقف معاها..!؟
وكيف قدرت أسألها..!!ليش ماتحكمت بنفسي ومشيت..
ليش ظليت واقف أناظرها وانا مصدوم..!!
ليش ماتحركت وطنشتها..!!
أحس أني غبي..غبــي..
اللي يشوفوني يقول أول مره بحياتي يشوف بنت..!!
حسيت برجفه غريبه..مو مفهومه..تحتوي كل مافيني....
حسيت أني مش قادر أتحكم بنفسي..ولا اسيطر على الموقف..!!
ليتني أعرف مين هي..!!
ليتني أعرف..!!
لكن كيف..!!
كيـــف..!!
مسكت راسي بضيق وظغطت عليه....لازلت مصدع..!!
والقهوه ماأثرت فيني..ولاريحتني..!!
وشكلها زادتني تعب..؟؟!
دخلت داخل البيت..وعلى طول للمجلس..!!
وأنا متضايق لأامرين..
أولهم أني ماعرفت هوية البنت..وثانيا مالي خلق أي أحد..
وودي أرجع الرياض وارتاح..
لكن وين الراحه..
وأنا فكري مع هالبنت..!!
اللي اقتحمت حياتي بدون سابق أّنذار..
ويوم قررت أتناسها رجعت لي فجأه.. مثل مادخلت حياتي فجأه..
أكره هالشي..أكرهه..وماتعودت أني أعيش حالة هالغموض..
تعودت كل شي أبيه يتنفذ بسهوله..
وبدون حرق أعصاب..وضيقـة بال..
لكن بعرفها..
أكيد بعرفهــا..
==============
طلع من الدوام بدري..وارسل مسج لــ سماح تجهز حالها لأنه عازمها للعشاء بمطعم
ودخل الشقه للغرفه على طول وشافها مايله ظهرها على تحت وتدور شي معين
طاح على السرير بتعب وجاته رغبه بالنوم بس حاول يجاهد نفسه..
أحمد\مساء الخير..
ارفعت عينها صوبه ونزلتها\هلا احمد..انت جيت..!!
أحمد\أيه جيت شتسوين..!!
نزلت راسها ورجعت تدور\ادور على الحلق..طاح مني..مدري وينه..!!
.. قام من السرير..وقرب لها ومسكها من خصرها وهو ناويه بتهزيأه\وش قلت لك أنا..!!
خافت..وردت عليه بصعوبه\ماقلت شي..
أحمد\طيب..تركي الحلق..وخذي حلق غيره..بس لاتعبين عمرك ..
جاوبته بقلق\أحمد..عادي..
أحمد\حياتـــي..أخـــاف عليك...ليش ماتفهمين..!!
بعد ايدينه عنها اللي ماسكه خصرها وجلست على كرسي التسريحه وحطت بعض الأغراض بشنطتها وجاوبته بنرفزه\طيب..
.سماح.. جدا حساسه..ليش ماتفهم أنه خايف عليها..!!
وقف ورى الكرسي وحبيها على راسها عشان يراضيها وهمس بأذنها اليمين\بتطولين..!!
سماح بهدوء\لا..
أحمد\زعلتي..
سماح\شوي..
ابتسم على براءتها اللي تحرك شي كبير فيه..\أفديهـــم..أفدي اللي يزعلون شوي..!
وعلى طول ابتسمت على كلامه.. وقامت من الكرسي وخذت عباتها\جاهــزه..
ابتسم لها ومسكها من أيدها\وانا جاهز..
طالعته بنظره من فوقه لتحته\ماأنت مبدل ثوبك..!!
أحمد\يووووه..نسيت..
سماح\عرفت اللحين مين اللي يأخرك..!!
مارد عليها ودخل غرفة التبديل وبدل وخذ ثوب جديد ولبسه وسكر ازاريره وهو طالع للصاله\..يالله سماح....ورانا نومه..!!
سماح\ياحبك للنظام..كل شي عندك مرتب..حتى الأكل له وقته..وانا صرت مثلك..!!
وقف جنب مراية الصاله وعدلت غترته\ليش..ماتحبين النظام..!!
سماح\صدقني ..صرت احبـــه..والسبب أنت يأأحمد..!!
============
مضى اليوم على بيت العمه هند بغمضة بصر..
وكان جميل بأحداثه ..
قرروا الحريم فيه يطلعون للبحر بعد العشاء ويمضون أخر الساعات فيه
البنات دخلوا المطبخ وعملوا بعض الأشياء الخفيفه حق الطلعه..
جمانه عملت فشار وكان نصه محروق..وتوعدت انه اللي بينطق بحرف ويعلق ياويله منها..
وبكذا البنات اسكتوا وهو ماسكين الظحكه
وراوين جهزت العصير والشاي والقهوه بمساعدة ابتسام..
وفجر عملت كيكه بالشوكلاته..
وغلا جالسه على كرسي المطبخ وسرحانه بالخبر اللي عرفته اليوم..ولازالت متفاجأه..
وتمنت امنيه غريبه..
تمنت انها تشوفه..
ليش..!!
ماتدري..!!
فجر\أقول بسرعه خلصوا..الحريم مشوا مع سلطان..!!
حطت جمانه الفشار في علبه بلاستيكيه كبيره ورفعت غرتها اللي ذابحتها\واحنا ..مين بيودينا..!!
ردت ابتسام على جمانه وحطت باقي الأكواب في الكيسه\الوليد..الوليد يتسبح اللحين وقالي بعد عشر دقايق بيمشي..!!واللحين مضت خمس دقايق..!!
راوين\فجر خلصتي الكيكه..
فجر جلست على الكرسي وخذت نفس\أيه بس حطيتها بالثلاجه عشان تتمساك..ابتسام روحي شوفي الوليد..قولي له خلصنا..!!
ابتسام\أوكي..راوين السكر وملاعق التحريك ماحطيتهم....!!
راوين\ وينهم..!!
جمانه\بتلقينهم بالدرج الأخير اللي على اليسار..!!
فجر توها تحس بااختها وسرحانها..قربت الكرسي جنبها ومسكت ايدها اللي حاطتها على خدها\غلا..
غلا\همممم
فجر وهي رافعه حاجب\شفيــك..!!
غلا\مافيني شي..خلصتوا..
فجر\ايه..
قامت غلا من الكرسي وطلعت بره المطبخ..وفجر عينها عليها والتفت على جمانه..لكن لقتها حتى هي مصدومه ..
وسكتت..أكيد بالأخير بتعرف وش السالفه..!!
::::::
دقت ابتسام تلفون لأخوها وقالت له أنهم جاهزين..وهو بالمثل توه مخلص لبس..
وبكذا البنات طلعوا وركبوا السياره وانظغطوا ظغطه محترمه لأنه سيارة الوليد رياضيه وبالموت تلبق لثلاثه ورى..
ولأن حظ جمانه نحس واضعفهم أظطرت تكون شوي مقدمه هي مع غلا
وابتسام طبعا قدام..وتضحك عليهم..
ابتسام\أقول بسرعه أتسعدلوا قبل مايجي الوليد..
جمانه ورصت على اسنانها\أنتي فكينا واللي يرحم والديك..جالسه لي قدام ومريحه..
ابتسام\ههههههههههه اذا تبين مو مشكله تعالي بدالي..
فجر\اسكتوا..هذا الوليد جاء..
ركب الوليد السياره وسلم عليهم..وحس انهم متضايقين وظحك بداخله\شكلكم متضايقين..!!
تكلمت فجر لأنها تعتبر الوليد اخوا صغير لها\لاعادي الوليد..بس سرع الله يخليك..
الوليد\ان شاء الله.
اللي هون عليهم شوي انه المسافه قريبه كثير..يعني خمس دقايق ووصلوا.
الوليد\وصلنــــا..حياكم الله..
البنات بصوت واحد\الله يحيك..
نزلوا البنات من السياره ومشوا لمن وصلوا للحريم اللي كانوا فارشين السجاده وجالسين جنب البحر والضحك كان عنوان جلستهم وخصوصا لأن الشباب كلهم جالسين معاهم وطاقين سوالف ونكت..واولهم سلطان اللي جالس جنب أمه ويجننها بسوالف ابوه..
أما هيثم كان جالس معاهم لكن بعيد شوي لأنه ينحرج من الحريم..
والغريب بالموضوع أنه تركي كان موجود معاهم لكنه بعيد عنهم يكلم بالتلفون..
البنات حسوا بالأحراج وجلسوا جنب جدتهم وسلطان..
اما الوليد جلس مع هيثم..
الجده\كان بطيتوا بعد..وين الشاي احتريه من الصبح..!!
دزت فجر ابتسام وراوين لأنهم هم اللي حطوا الشاي..\صبوا شاي..!!
راون أعترضت وانحرجت بطبيعتها\لا والله..
ابتسام\طلعي الدله..خليني أصب..!!
وبالفعل صبت ابتسام الشاي..وطلعت فجر الكيك والمكسرات والفشار وحطته بصحون بلاستيكيه مع البنات ووزعوه وهو جالسين..
ولحد اللحين تركي ماقرب ..ومحد من البنات يدري بوجوده معاهم..
الوليد حس بحزن يحتويه..ويعصر فؤاده..
معقوله بتكون هالجلسه الحلوه بعيده عنه..
معقوله بيتغرب عنهم..!!
بيقدر..!!
بيقدر على بعدهـــم..
رفع عينه بدون شعور لأبتسام أخته وشافها تسولف مع البنات.. وانتقلت عينه لجدته وسلطان..وبدون شعور ركز على جمانه اللي حفظ شكلها بين بنات عمه..وابتسم بحزن لها ..وهي حست فيه ورفعت عينها له وظلت تناظر فيه وهي مو حاسه بشي أبدا غير عيونه اللي تطفر حزن وشكوى..
وعلى طول تذكرت سفرته وقلبها خفق بجنون
كسر الوليد النظره يوم سمع حس هيثم وهو يناديه واول مالتفت صوبه حس هيثم فيه من عيونه اللي تشكي الفراق..ومانطق بكلمه وظل يتأمل وجه ولد عمه اللي بغيب سنين عنه..ويوم حس بنفسه تكلم وهو يبي يبعد جو الحزن اللي اسره فجأه..
كل هذا وجمانه ماشالت عينها عنهم وهي تراقب حركات الوليد بدون محد يحس فيها..
حاولت أنها تبعد عيونها عنه لكن ماقدرت..
الوليد بيفارقها سنيـــن طويله..
ظلت فتره تناظره وتتأمل كل حركاته اللي يسويها وهو يتكلم..ويعلق على أي شي .
لمن سمعت صوت جدتها وهي تنادي الوليد يجلس جنبها ..وشافته قام من مكانه وجلس محل سلطان اللي قام هو الثاني وجلس جنب هيثم..
بعدوا البنات شوي ووسعوا للوليد اللي جلس بين اخته وجدته وعلى طول وبدون شعور حط راسه على كتفها وهو يبي يلتمس حنان وعاطفه فاقدها من سنين طويله..ويوم ابتسام شافت هالموقف اجتمعت الدموع بعيونها لكن على طول مسحتهم بكفها وابتسمت بشقاوه للوليد\بدينا بالتلصق..!!وخر عن جدتــي..!!
الجده وعشان تقهر ابتسام قربت من الوليد اكثر وحضنت ذراعه\وانت شعليك يالملقوفه..وخري عنا يالله...
كتفت ابتسام ايدنيها وهي تدعي الغيره\وبعــــد..ايه خلاص نستوني بعد الوليد اشوف..!!
سلطان\بس أنتي اللي نسوك..أجل شقول أنا..!!
الجده\فديت الوليد والله..خلوني أشبع منه..
ابتسم الوليد لجدته بحنيه وحبها على راسها\بشتاقلك والله..!!
الجده\أحنا أكثر..بس شنسوي فيك ياوليد راسك يابس..!!طالع على جدك..!!
الوليد\هههههه حرام عليك ياجدتي..جدي راسه يابس..!!
كملت الجده\وشري بعد..انت ماتعرفه كثري..!!
وظحك الكل على الجده وتكلمت فجر\أنا ماأرضى على جدي..!!
الجده\جاتنا عاد حبيبة جدها..!!
سلطان\كملت والله..فجر حببية ابوي..والوليد حبيب أمي..وانا حبيب منوا..!!
هيثم\ههههههههه أنت حبيبي..!!
سلطان\لا والله..!!ماابيك..زهقت منك كل يوم معاي بالجامعه..!!
هيثم\لازم تحمد ربك وتشكره أنك تشوف طلتي كل صبحيه..!!
رفع ايده سلطان بسخريه وقال\أقول بس لايكثر وانا عمك..!!؟
جمانه مااستحملت..ماأستحملت اللي تشوفه..
ابتسام والوليد يجاملون وهي أكثر وحده تعرفهم..
قامت من مكانها وهي تسأل البنات\بتمشـــى ..مين ييقوم معي..!!
قامت غلا معاها..اما فجر وراوين وابتسام حلت لهم الجلسه وظلوا يسولفون..
وعيون الوليد تتبع جمانه لمن أختفت في ظلمة هالليله..
وجاء هاللحظه تركي وهو توه مسكر السماعه من مبارك اللي متفاجأ من غيابه..
وجلس جنب الشباب شوي وهومقرر انه يمشي بعد نص ساعه للرياض...
:
غلا\شفيك قمتـــي..!!
رمت جمانه الحصا اللي جمعتهم في البحر وردت على غلا بضيق\أنتي اللي شفيك..!!
تفاجأت غلا..وأدعت الامباله في كلامها\عــادي..
جمانه\أجل ليش طول الوقت كنتي مسرحه..!!
رفعت غلا أدينها الثنتين بخصرها\وليش..!!كنتي تراقبيني..!!
جمانه\مالت عليك..!!شنوا أراقبك بعد..!!صجــ..!!
غلا وقاطعتها\رجاء لاتسبين..!!أنا أكبر منك..!!
جمانه\لا والله..تصدقين توني أدري..!!
غلا\وهذا أنتي دريتــي..عندك كويز السبت..!!
أعتفس جمانه وجهها يوم تذكرت الجامعه وتذكرت أنه عندها اختبار انجليزي ولاعت كبدها..ماتطيق شي اسمه انجليزي\وععع..عندي انحليزي..!وأنتي..!!
غلا\أنا عندي كويز الثلاثاء..أقول كأنه بعدنا كثير..
جمانه وهي تناظر المكان\لاعادي..امان..
غلا وصابها الخوف\بس أنا اخاف..!!
جمانه وغمرتها الظحكه بعد ضيقة البال\صج انك..!!
غلا\أني شنوا..!!
جمانه\ولاشي..أمشي نلف..!!
غلا\يالله..
::::
ذكرى اليمه تعتصر قلب فجر..لمجرد رجوع الماضي لها..
ومو أي ماضي...
هذا ماضي تركي الأسود..
اللي يعرفه كل شخص سمع عنه..
مضت أيام كثيـره طويلـــه..وهي ماسمعت أي خبر عنه..
واليوم التقت عيونها فيه ..
وعرفت توها أنه الدنيا صغيره..
ومصير الحي يتلاقــى..
من اول مامسكت القلم وبدت تكتبت خواطرها اللي كانت دليلها في حلها وترحالها..
من أول ماعرفت الحب وعاشته بكل لحظه..
من أول ماكان عمرها 16 سنه وهي تحيا وتموت لأجل الــ (حـب)..
كانت تكتب له..وتسهر له..وتفرح له..
قلمها..كان عباره عن فيض مشاعر مكبوته بقلبها الصغير..
وهالمشاعر كبرت وانكتبت في كتاب لها..
ومع الوقت وتطورها في هالمجال نشرت أول خاطره لها في مجلة الأسبوع..
وبدت الدنيا تفتح لها ابواب السعاده من كل جانب..
ومشت الأيام وهي تكتب باوراق ورديه مغلفه بوله وشوق ولهفه..
وكانت هالأوراق هي وسيلة الأتصال اللي بينها وبين يوسف..
لمن أنكشف سرها بصوره مؤلمه وبشعه..
وانهدم أول حلم عندها..
كرهتــــه..وكرهت كل شي يتعلق فيه..
كان حبها عذري..
طاهــر.
لكنه كان ظالم ويبي يشوه صورتها بأي وسيله..
والسبب مو معروف..!!
هل هوحقد..!!او غيره..!!
لحد هاليوم ماتعرف وش السببب..!!.
لكنه أصبح محرم بين يوم وليله..
واليوم بدال ماتكتب هالأوراق الورديه..
صارت تكتب اوراق فرقــا منسيه..
منسيــه في عالم ظلمها وقسى عليهــا..
" سرحت فجر على ذكــرى قديمه تجمعها مع يوسف وتركي..وماوعت من صحوتها الا بصوت ابتسام يناديها"
ابتسام\فجور...وينك ياهــواااا..
فجر\هــا
ابتسام\ماتبين نمشي..!!انا وراوين بنلحق البنات..
ناظرت فجر ابتسام بيأس وقل حيله\ياليـــت..!!
قامت على طول وهي حاسه أنها متختنقه..وتبعتها ابتسام وراوين..
وشافوا البنات بطريقهم..
جمانه\وين على الله..!!
راوين\أنتوا اللي وين..!!
غلا\احنا بنرجع ...تعبنا من المشي..!!يالله جمانه..
ابتسام\مالت عليكم..احنا جايين لكم..
غلا بدلع\والله محد قال لكم ماتجون معنا..!!ورمشت بعيونها..وراي جمــون..
مشت غلا مع جمانه عند الحريم وهي ماتدري عن اللي بتشوفه..
مشت وهي زي الطفله الصغيره على الدنيا..
ماتعرف وش تخبي لها الأيام لبكره..
ولاتعرف غير انها بتعيش حياتها بكل لحظه تمر عليها..براحــه وصفــا نفس..
ويوم وصلوا قابلته ..وعرفته من طوله لأنه كان واقف وبيمشي..
وهي ماقدرت تمشي أكثر ووقفت بمكانها ورجولها خذلتها مثل كل مره تشوفه قبالها..
واللحين كل شكوكها كانت صحيحه..
وطلع ولد عمهـــا..
دنيــا غريبــه..تجمع أشخاص بعاد وبنفس الوقت قراب..
وعشان أيش..!!
القدر كفيل بهالجواب..!!
والبرد والجفــا...بيتصادم مع نسمة الهـــوى..!؟؟
:::
سلم تركي على اللي جالسين واسـتأّن منهم بانه بيرجع الرياض الليله
ولمح المعارضه وخيبة الأمل بوجه امه اللي فرحة بشوفته.. لكن كالعاده مااهتم للموضوع ولا لي نظراتها اللي تترجاه وكلهاحب وعاطفــة أم لولدهــا..
ويوم مشى عشان يروح التقت عينه بعينها..وعرفها..
وكيف مايعرفها...!؟؟
هذه عيونها اللي حركة شي فيه تتلاقى معه اليوم للمره الثانيه..!!
شالصــدف..وشالقدر الغريب اللي يجمعه وياها..!!
ظلوا ثواني معدوده يناظرون في بعض ..واللي حولهم مو حاسين فيهم ومنهمكين بالسوالف والجمعه..
ولولا أنه جمانه شدت طرف عباة غلا كان أنفضحوا وصاروا في خبر كانا..\غلوه..وعمى..تحركـــي..!!
انتبه تركي للحركه البسيطه اللي اصدرت من جمانه وعلى طول بعد عنهم ومشى جهة السيارات
لمن وصل ووقف لحظه جنب باب السياره وهو حاس بتشتت أفكاره..
رفع ايده وفصخ نظاراته ومسح على وجهه بضيق..
وركب سيارته وهو في باله شي واحد بيريحه من اللي هو فيه..
كاسة خمــر..
محتاجــه اللحين
==============
مرت الليله غريبه على الكل وكلن في قلبه شقى هالليله..
وقاموا بعد ساعات طويله قضوها على البحر..ورجعوا البيت..
وكلن في باله شي مختلف ومتعب..
راوين تحسرت على هاليومين الحلوين اللي قضتهم بعيد عن اللي تتمناه
وفجر رجعت لها ذكرى مؤلمه كانت منسيه في مخيلتها وجاء الوقت اللي تحيا فيه هالذكرى بكل قسوه مثل
ماعهد تها ..
وغلا تحس بشي يذوب بداخلـهــا..لكن جهلت حالتها اللي تمر فيها ورجعت تتذكر المواقف اللي رسخت في بالها اليوم وانطبعت في مخيلتها وكانها رملا تثبت في صخر مبلل بماي وعيت تختفي..وهالحاله خلتها تذوب أكثر..
أما جمانه وابتسام فحالهم مو أحسن من البقيه..
جمانه جالسه على سريرها وتتظاهر بالنوم العميق..وابتسام بالمثل,,جالسه تحتها على طول..
وكل وحده فيهم تفكيرها في اللي بيصير في بكره من أحداث..
ويوم يأست ابتسام وتعبت من تفكيرها هتفت باسم جمانه وماتدري ليش حست أنها صاحيه\أنتي صاحيــه...!؟
ردت جمانه بصوت اجش وثقيل\لانايمـــه,,
ابتسام\جمون يالله عاد..
جمانه\لا مانمــت...شتبين بســوم..!!
ابتسام وتطالع بالسقف\أنتي تفكرين باللي أفكرفيــه..
لفت جمانه جسمها بجهة ابتسام \اللي هو..
ابتسام\بكــره..تفكرين في بكره ..
جمانه\تبين الصدق..ايه..
ناظرت ابتسام بعيون جمانه وخذت نفس وبعدها تكلمت بصوت هامس وهي معقده حواجبها\مش مصدقــه..أحس أني أحلم..أحس أنه كابوس.جمانه الوليد بيسافر بكره..مش مصدقــه..
جمانه\خلاص ابتسام..ارضي باللي الله كاتبه له..وأدعي له بالتوفيــق..
تفاجأت ابتسام من رد جمانه الهادي...وين عصبيتها يوم درت بسفرته..\وبسهوله تقولينها..!!
جمانه\شو تبيني أقول..جاوبيني..!!
ابتسام\ولاشــي..لاتقولين أي شي..
جمانه وهي ضايعه\خلي اللي في القلب بالقلب..محد حاس فيني..
ابتسام وحنت عليها ورق صوتها\ولا أنا..!!
جمانه وحاولت تنهي الموضوع\خلاص ابتسام..ابي أنام..
ابتسام وتجاهلت ردها\تدرين أنا بنمشي الصبــح..
وانقبض قلب جمانه\صــج..؟؟!
ابتسام بصوت واطي وهي تلتفت للبنات اللي نايمين جنبها\أيه صج..
جمانه\ليش ماقلتي لي..!!
ابتسام\وهذاني قلت لك..
سكتت جمانه..ايش بتسوي يعني..!!
ماراح تسوي شي..والوليد مرده بيسافر سواء مشى الصبح او الظهر..
ابتسام\جمانــه..
جمانه\تصبحين على خير..
بهالكلمه عم السكون بينهم وجمانه فضلت هالشيء..تبي تختلي لوحدها وتفكر..وخصوصا مع القرار اللي اتخذته قبل يومين..وشكل هالقرار بيتأجل لمن تهدا الأوضاع شوي..
::
وانتهى اليوم وجاء الجمعه المنتظر..
في صباح الجمعه صحى الوليد وهو متروع بعد مانام له ساعتين بعد ماصلى الفجر
ودق على ابتسام وردت عليه طول لأنها صاحيه وخبرها بأنه نص ساعه وبيمشون..
ودقت الساعه وبترحل السفينه....
ياعينه لاتبكين..دموع هالعيون تزيد عذابه..
.. ياقلبه لاتشكين..خلوه يبعد وهو مرتاح الظنينه.
..هذا زمن الغبرا يشتت الأحبه..
هذا زمن الفرقا والغربه والظليمه....
ودقت الساعه وبترحل السفينه....
:::::
واقف قبال باب الصاله وهو حاظن جدته بذارعه اليمين وعمته هند ياليسار ..والرجال مقابلينه والحريم جالسين يناظرونهم من بعيد
..والجد يوسف ماسك عصاته وجلس بكرسي قريب من الباب وساكت..
الوليد حاول يدور بعيونه على جمانه بين البنات وماشافها..وعرف أنها مو موجوده...وحس بالضيقه لعدم وجودها..
الجو كان حزين ويتخلله هدوء وبروده..وكأن الكل عارف ليش هو بيتغرب عنهم..!!
ومحد قادر يتكلم ولاحتى يعترض..
والوليد يشوف ساعته ويبي يوصل البيت بأقرب وقت..
ويوم حس المسأله بتطول والجو بدى يتكهرب.. تكلم وهو يحاول يبتسم بصعوبه\يالله..لازم أمشي اللحين...!!
ومسك جدته وأول ماحظنها اهتز جسمها وظلت تصيح وتصيح وهو ماأستحمل الموقف وتركها وسلم على عمته والعيال..وقرب من جده وشافه منزل عيونه ويناظر الأرض وحب راسه وأيده \تروح وترد لنا سالم وووالله يحفظك ياولدي..
ابتسم الوليد لجده وماقدر ينطق بحرف وفتح باب الصاله وطلع وهو يسمع جدته تقول\
ودعتك الرحمن اللي لاتضيع ودائعه..
ودعتك الرحمن اللي لاتضيع ودائعه..
كانت ابتسام بالسياره لأنها ماتبي تحظر الموقف واول ماركب الوليد ماتكلم شغل السياره ومسك خط الخبر
ويوم وصلوا نزلت ابتسام \ماراح تنزل..
الوليد\بمر على صديقي وبجي..
ابتسام\اللحين بياّذن الظهر
الوليد\أدري بصلي عنده..تبين شي..
ابتسام\سلامتك..
سكتت ابتسام.تبي أشياء كثيره لكنها ماقدرت تقول شي..تبي تجلس معاه بس هو مو حاس فيها..
لكن الوليد يبي يطلع ويتنفس وخصوصا هالأوقات هذه مايبي يدخل البيت ويشوف ابوه ..
ولايبي يشوف احد..
يحس بالضيق كل مامر الوقت..
ومش عارف يحدد مشاعره..
لكن اللي يعرفه أنه يبي يبتعد عن جو البيت الكئيب,,وكل مايذتكر أنه ماسلم على جمانه يتضايق أكثر..
::::
دخلت ابتسام البيت وحصلت عزيز جالس بالصاله ويلعب كالعاده بلايستيشن قربت منه وسكرت عيونها بأيدها\منوا انا..!!
عزيز بصوت طفولي\منوا أنتي..!!
ابتسام\ماعرفتني..!!
عزيز وهو يفكر\لا.
بعدت ابتسام وضمته بقوه وهي مشتاقه له مووت\حبيبي عزيز وحشتني..
عزيز\وخري يالدبــه ليش رحتي عني..!!أنا ماأحبك..!!
ظحكت ابتسام وهي ميته عليه وضمته أكثر\وانا أموووت فيك..
عزيز\كذابه..ماتحبيبني..خلتوني لوحدي..حتى الدب الوليد راح..
بعدت ابتسام عنه وقامت وهي تمثل العصبيه\اشوفك مصدق نفسك كثير.انابطلع وبتركك لوحدك
خاف عزيز أنها تسويه مره ثانيه ولصق فيها وهو فيه الصيحه
ظل طول هاليومين زهقان وجالس مع الخدامه
ولطيفه الله بالخير ماتدري عنه وطول هالأيام طالعه يابيت أهلها او عند جيرانها وصديقاتها
والضحيه هو..
عزيز\لالالالالا خلااص أخر مره..بس لاتروحيين..
ابتسام\زين وين امك..!!
عزيز \أمي..!!نايمه بغرفتها
ابتسام\فكـــه..امش نطلع الغرفه
عزيز\بسوم..
التفت له\شتبي..
تظاهر عزيز بالتعب وتمايل بجسمه وحب يتدلع ..من زمان ماتدلع على ابتسام\شليــني..!!
ماتت ابتسام على شكله وطنشته وطلعت فوق\اذا تبيبني الحقني..
===========
دخل الوليد البيت الساعه ثلاث العصر وطلع للدور الفوقي ودخل غرفته وشاف ابتسام وعزيز يرتبون اغراضه واول ماشافه عزيز ركض له وحضنه\وينــك..
الوليد\موجود..شخبارك يابطل..
ارتفعت معنويات عزيز بمجرد كلمة الوليد له وكأنه شهاده كبيره حصل عليها\الحمدلله
جلس الوليد على السرير واسترخى وعزيز جلس جنبه\شفتي ابوي..!!
ابتسام\أيه..سأل عنك..!!
الوليد\اهــا..بروح له اللحين..
عزيز\وليد أنت صج بتسافر..!!
ناظر الوليد اخوه \ايه
عزيز\وبتطول هنــاك..!
الوليد\لا..
عزيز فجأه ارتجف فكه\ومايصير توديني معاك..
عزيز برجا\ودني معاك..
الوليد\ماأقدر.
قرب عزيز من وجهه\ليش..!!
الوليد\بــس.....ماأقدر..
عزيز\طيب ..أنا ابيـــك..
الوليد\وحتى أنا... أبيك..
عزيز\طيب لاتروح..
الوليد\ماأقدر..
عزيز بدون مايحس باللي قاله\بتتركنــي لوحــدي..!!
سكت الوليد..وسكت عزيز فتره مو طويله.. وهو مش عارف كيف يعبر عن حزنه..مش مصدق أنه أخوه بيرحل عنهم.. وظل يصيح لوحده ودموعه ملت وجهه..والوليد ماأستحمل يشوف أخوه بهالحال قربه له وحضنه وهو تعبان..
كل هذا وابتسام تناظرهم وساكته....
تحس بقلبها يدق بقوه..وشي بخفوقها يحتــرق..
مااستحملت الوضع وطلعت بره الغرفه وهي كل مافيها يرتجف..
والوليد حس فيها..وقوى قلبه..
الوليد\عزيز..خلاص..أنت بطــل صح..!!
عزيز ولازال يصيح\صــح..
الوليد\والبطل يصيح..
عزيز\لا..
الوليد\يالله أمسح دموعك..
عزيز\مابــي..
مسح الوليد دموع أخوه وحب على راسه وحاول يهديه ويفرحه بأي شي\تحبني عزيز..
عزيز\أيه..بس لاتروح..
الوليد\عزيز أنا بروح لكن بكلمك بالتلفون كل يوم..واذا رحت بتشري لك كل تبيه..وحتى السوني اللي قلتي لي عليه بشتريه من هناك..ويالله اللحين ابيك ماتصيح..البطل مايصيح..يالله أبي اشوفك تضحك..
بعد عزيز عن اخوه ومسح دموعه اللي ظلت تنهمروسكت..
الوليد ابتسم له ومسك شعره اللي على عيونه ورفعه
وظل يناظر بعيونه اللي كانت نسخه من عيون يوسف\يوســف..انت يوسف..!!
عزيز\يوســف..!!مين يوسف..!!
مارد عليه الوليد وناظر ساعته بقلق وقام على طول يلبس ويتجهز..
::::::
على الساعه اربع ونص تجهز الوليد ولبس له بدله تيشرتها ابيض والجينز كحلي وجاكيته والاب توب بايده اليسار..وشناطه كانت بالسياره
نزل للصاله وشاف ابتسام وعزيز وابوه جالسين بالصاله وينتظرونه..
وياكثر ماتعذب قلبه اليوم..
وياكثر ماصبر وتحمل..
تعب قلبه..تعــب.كفايه عليه اللي صار بالنهار والصبح..كفايــه..
حتى هو تعبان..وله قلب يشكي ويتألم,,ينجرح ويجاهد..ويسكت ويكبد بقلبه.!!
مين يسمعه..!!
ومين يشكي له وحدته..
مين..!!
طاحت عينه على عزيز وشافه يمسح دموعه بأيده الصغيره..ويوم التف لأبتسام شافها هي الثانيه تصيح بهدوء ومنزله عيونها للأرض..ويوم شاف ابوه كان ساكت وهادي ويناظر فيه نظره مافهمها ولاعرفها..
نظره غريبه..
ممكن تكون نظرة رجا..او نظره عتاب..
جهلها..
جهل هالنظره وماقدر غير يبعد عيونه عن ابوه..ويتقرب من ابتسام ويهديها بكلمات بسيطه وحنونه لكن هيهات ابتسام تسكت..بل بالعكس زادت بكا وهالمره بصوت مسموع يعور القلب..
عزيزماأستحمل يشوف اخته تصيح قرب منها وحضنها من ورى ظهرها وصاح معاها..
دق تلفون الوليد وكان ثامر يستعجله لأنه وصل بيتهم..سكر الوليد منه..وابتسام عرفت أنه بيمشي اللحين..رفعت عينه له وسألته\بتروح..!!
قرب لها الوليد وجلس جنبها\أيه بروح..
ابتسام بصوت يرجــف\ونهـــ ــون عليــك..
الوليد\لا...ماتهــونون..
ابتسام\أرجوك..لاتروح..وبنظره كسيره..تكفــــى.
حضنها الوليد وماقدرت تقول شي غير أنها تصيح لفراقه..
بعد عنها الوليد وراح لأبوه هو مش عارف كيف يسلم عليه..
يحب راسه..ولاأيدينه..ولايحضنه ويرتاح..!!
ظل واقف فتره..يناظر في أبوه..ودمعت عيونه هاللحظه وماستحمل وارتمى بحضنه\سامحنـــي يابوي..
رص أبوه عليه\مسامحــك..مسامحك يالوليد..روح ياولدي..انا راضي عليك..روح..وقلبي معاك روح..
الوليد\ صدقنــي برجــع وبفرحــك..برجع وبفرحك..
بويوسف\الله يرجعك لنا سالم..قوم ياولدي..
قام الوليد وحس أنه مرتاح..يكفي أنه أرتمى في حظن ابوه وارتاح ..يكفي أنه أبوه راضي عليه..
هالشي البسيط كفيل بانه يريحه من هموم كثيره كان شايلها بقلبه..
طلع من البيت بعد ماناظرهم النظره الأخيره وفتح باب الصاله
وابتسام قامت له بسرعه ووقفت جنب الباب وبايدها كتاب\الوليــــد..
لف الوليد عليها وقرب لها
أعطته ابتسام الكتاب وابتسمت له بين دموعها\هذا قران..بيحفظك..خله معاك وين ماتروح..
اشر الوليد على عيونه\من عيوني...وباس راسها ومشى بره البيت..
ابتسام\الوليــد..
لف الوليد للمره الثانيه..ونااظر اخته نظره أخيره وطلع وسكر الباب وراه.
وعيون ابتسام تتبعه تحفظه وترعاه..
مشى وهو متمسك بأمل وحيد..
ممكن ينور دربه..أو يرجعه خايب..
وحلقت الطياره على سماءالسعوديه متجها لـ نيويورك
وقلوب كثيره تنتظره يرجع مرفوع الراس..
والله الوحيد العالم بحال الوليد ببداية غربته
=======
مسك قلبــه بشده من ورى ثيابه وغمض عيونه بالم..
وجلس على اقرب كرسي كان جنبه..وهو حاس بدوخه تتعب جسمه..
صرخااااات كبيره تتخلل قلبه..صرخات يحس أنها تنادي باسمه...
وتقوله أنا جاي يايوسف..
جــأي.
حس فيه لؤي وترك اللي عنده وقرب جنب صديقه وهو خايف أنه النوبه ترجع ليوسف مره ثانيه\يوسـف علامــك..!!فيك شي..!!
يوسف وهو مغمض وماسك جهة صدره\لا..مافيني شي..لؤي ساعدني أبي أجلس على السرير..احس بدوخه قويه..
تشتت لؤي لكن نفذ أوامر صديقه وساعده على الوقفه ودخلوا الغرفه وجلسه على السرير وفكك ازارره العلويه وراح يجيب له ماي يبرد على قلبه..
ويوم جاء شافه بوضعيته مسترخي وايده على صدره..رفعه شوي وشربه الماي\يوسف..أنت فطرت اليوم..!!
يوسف رد عليه بتعب\شفيك لؤي أنا فاطر معاك الصبح..!!
عتفس وجهه لؤي\أجل علامك..!!
يوسف بياس\مدري..مدري..تكفي لؤي خلني بروحي شوي..ابي أريح كم ساعه..
اعترض لؤي بقوه\مستحيييل..مستحيل اخليك..تبي يصير مثل اللي صار لك ذاك اليوم..أسف حبيبي..
ابتسم يوسف غصبن عنه عشان يريح بوقلب مرهف\أقول ماني بزر قدامك..روح وكمل شغلك..
لؤي\ظحكتني..اسكت احسن..مليق وانت تتحجى..
يوسف\كيفــك..مردك بتقوم..انا بنام وبتزهق..
لؤي\نوم العوافي الغالي..
يأس يوسف منه..وحس بالضجر وغمض عيونه وهو يحاول ينام..
لكن هيهات ينام..يحس بالهام غريب..وصرخات تعتلي قلبه وروحه..
ومايدري ليش..هالأحساس يتعلق باهله..!!
بس كيف يوصل لهم..!!
كيف..!!
دمعت عيونه وهو عاجـــز عن فعل أي شي يطمن قلبه عليهم..
ويوم شاف لؤي دموعه خاف أكثر\يوســف..!!
مارد عليه يوسف وظلت عيونه تدمع بحراره وهو مغمض وساكت
لؤي\شفت..وتقول مافيني شي..!!يوســف تكلم..
يوسف\مافيني شي يالؤي..لكن قل الحيله هي اللي وصلتني لهالحال..لؤي..
لؤي\فرغ يايوسف لاتكبد بصدرك..
يوسف\مشتاق لأهلي يالؤي..وحشوني..وربي وحشوني..أبي اشوفهم لو مره.ومسح دموعه..صدقني مراح اكون اناني ومتذمر بس شوفه...شوفه وحده.. حتى لوكانت بعيده..!!
انقبض قلب لؤي ..لازال يوسف متعلق برجوعه لاهله..مايدري وش يقوله عشان يهون عليه..لأنه حتى هو عاجز مثله..وهو حاس فيه..اكيد حاس فيه..
جمــره..جمره تحرق قلوبهم ومو مخليتهم يتهنون..وبيظلون متغربين في دنيا ناكرتهم وهم مو اهل لهالظليمه.\أذكر الله يايوسف..ومافي شي عند الله بعيد..
ردد يوسف بنفسه\ونعم بالله..ونعم بالله
=========
الفصل الأول
===========
راوين\أبي أروح البحـر..!!
ابتسام\طيب روحي..!!والا أقول...قوموا كلنا نروح..!!محتاجه أشم هواء...!!
راوين\أبي اشوف الغروب..!!
شاركتهم غلا بالحديث وكأنها أكتشفت شي خطير\طيب شرايكم نقول لسلطان..!!صدقوني ماراح يرفض لنا طلب..!!
فجر وماعجبتها فكرة أختها\أقول غلا..مو كأنك زودتيها شوي..أركدي أحسن..!!
غلا بدت بالدلع\شفيها يعني..عمي..ومايرفض لنا طلب..!!والا عندكم كلام ثاني..!!
فجر\السالفه مو سالفة سلطان وبس..أهدوا شوي..تونا جايين..عينوا خير..!!
غلا\يوووه..أحنا جايين عشان نستانس..وينها جماونا..مسويه بوزعم ربة البيت..!!
راوين\هههههههه في المطبخ جمانوا..
استغلت الغرصه ابتسام وقامت المطبخ على طول\بروح اشرب ماي..عطشانه..
راوين\جيبيلي معاك ابتسام لو سمحتي..!!
ابتسمت ابتسام لراوين ومشت المطبخ..وهي تفكر شتقول لجمانه..
أكيد بتنصدم..
وكانت بتتراجع..لكن حست بغباء..جمانه مردها بتعرف ..عن طريقها والا عن طريق شخص ثاني..
دخلت المطبخ ووقفت جنب الباب وشافتها تصب العصير في أكواب..والراحه باينه بملامحها..
حست بالذنب والضيقه..هي تعرف انه اذا جمانه درت بتزعل..وهي ماودها تعفس مزاجها وفرحتها اليوم..!!
أحتارت..تقول..والا ماتقول..!!
وظلت فتره طويله تفكر وسرحانه..
وماوعاها من سرحانها الا صوت جمانه..\بســــوم..
ابتسام\هلا..
جمانه\شفيك..تعالي..!!
قربت ابتسام من جمانه..وابتسمت بوجهها
جمانه بحنيه\تبين شي..!!
ابتسام\لا..
ضاقت عيون جمانه واستغربت..شفيها ابتسام..!!\بسوم شفيك..احس أنك مو على بعضك..!!
ابتسام\أنا....!!مافيني شي..!!
جمانه\متأكده..!!
ابتسام\أيه..ونزلت عيونها..متأكده..
حملت جمانه صينية العصير..ومشت\طيب أمشي نطلع لهم..
ابتسام\جمانـــه..لحظه..!!
التفت جمانه عليها..وسكتت تنتظر ابتسام تتكلم..
ابتسام\عندي لك سالفه..وابي أقولها..!!بس أحس زحمه والوقت مو مناسب,,,
أحترات جمانه أكثر..وفضولها لعب دوره..لكن الصينيه بأيدها ..وماتقدر تمارس طواقيسها المعتاده..ففضلت أنها تصبر شوي..لمن تلقى الفرصه المناسبه..\أوكي بسوم..خليني نطلع اللحين..ويصير خير بعدين..اوكي..!!
ابتسام\مو مشكله..
وبكذا طلعت جمانه وابتسام للصاله ..
لكن جمانه حست أنه الموضوع يخص الوليد..ماتدري ليش..!!
احساسها هالمره كان كبير..وقوي..
حاولت تتناسى الموضوع وتندمج مع البنات وسوالفهم..
بس ماقدرت..فكرت أنه تاخذ ابتسام ويختلون بغرفتها لوحدهم..لكن حستها صعبه تترك البنات لوحدهم..
جاها صوت راوين \ياهوااا..وش تفكرين فيه..
ابتسمت جمانه باحراج وخفت نبرة صوتها\ولاشي...
راوين\ياويلي على اللي يقولون ولاشي..!!جمانه شفيك..صخيتي فجأه..!!ماهو من عوايدك الهدؤء..
جمانه\ومين قال..!!أصلا أنا كلي هدوء ونعومه..!!
راوين\أهــا..طيب جمون..تعالي بقولك شي..!!
جمانه\قولي..
راوين بهس\لا قربي أكثر...
قربت جمانه منها لمن ألصقت فيها\وهذاني قربت..
راوين\أقول.....ابي أروح البحر...
ظحكت جمانه على رقة وخجل بنت خالها\ولايهمك..نروح البحر..هو قريب كثير منا..
فرحت راوين واستمتعت من هاللحظه\يعني نقدر نروح له مشي..
جمانه\نقدر..بس بنتعب....يبيلنا سياره تشيلنا...
راوين\ومين بيودينا...!
جمانه\وفيه غيره..سلطان راعي الفزعات..
راوين\أخاف يفشلنا..!!
جمانه\لاتخافين مايقدر علي..بكلمه وعلى طول بيوافق..
راوين\وثوق..
جمانه\أحم أحم..غصبن عنكم..ههههههه
راوين\أهي هذا جمانه العجوز اللي أعرفها..!!
أقتحمت غلا حديثهم فجأه\شتقولون..!!
جمانه أرمقتها بنظره حاده\وأنت شعليك..!!
غلا\أقول جمانه..
جمانه كتفت أيدينها وتسندت على الكنب الجلدي\نعم..!!
غلا\أنقلعــــي...وقامت بسرعه جنب الحريم قبل ماتسمع ردة فعل جمانه اللي دوم تقهرها..
===========
متى بتجي..!!
الوليد\ماأدري..أحتمال بكره بالليل..اوفجر الجمعه..!!
ثامر\ماتحس انها صعبه وضيق عليك..!!
شرب الوليد الكوفي اللي طلبه وهو يحس أنه الوقت يمشي بسرعه زي ماقال ثامر..بس هو مجبر أنه يروح\أنا أصلا أنا رايح رايح..عمتي لازم أسلم عليها قبل ماأسافر..
ثامر\على راحتك..بس حاول تجي الخميس أحسن لك..
الوليد\يصير خير..وأنت خلصت أمورك..!!
ثامر براحه\..والله يصبرنا على فراق هالبلد..
الوليد\تكفى ياثامر لاتذكرني...كل ماأتذكر أني بتغرب بعتصر هالقلب..
ثامر\يالله أحنا رايحين ندرس..والله يثبتنا ان شاء الله...
الوليد\ أن شاء الله....يالله قوم وراي طريق..
ناظر ثامر ساعته وكانت 8 والعقرب الكبير على10\تونا..شفيك مستعجل...!!
الوليد\وراي شغله ولازم اخلصها..
ثامر\أوكي..
طلعوا الشباب من الكوفي وقرروا يتلاقون الجمعه
الوليد ماكان عنده شغل ولاشي..بس كان يبي يختلي بنفسه شوي..
الوقت صار يخونه..وهو يحس بالتشتت بأفكاره..
يتخيل وش بيصير اذا عرفت جمانه..
يتخيل كيف بيسافر عن أهله..
كيف بيكون الوداع..
كيف بيصبر من دونهم.
صعب ..سفره بيكون صعب..
بيترك كل شي وبيسافر..
بيترك أبوه وأخته واخوه..وجمانه... وحلمه بانه يكون مشهور ولاعب محترف....
كل شي بيتركه...بسبب مجرد أمل ضعيف..ممكن يحيا وممكن يموت وهو ماطلع للنور..
لكن خلاص هو قرر الله معاه ودليله في كل خطوه يخطوها..
هو يمشي باحساس قلبه..باحساس قلبه اللي يقوله يوسف حي مامات..
والله كريـــم..وعلى نياتكم ترزقون...
==========
لا..مستحييييييل..!!
بعد ماطلعوا البنات (غلا وجمانه وراوين وابتسام) للبحر قررت ابتسام تقول لجمانه كل شي وتحطها بالصوره..مدام غلا وراوين مبتعدين عنهم..ومافي ناس موجودين هالوقت..
لكن أبدا ماتصورت تكون ردة فعلها بهالصوره..
:
وتحسفت على قد شعر راسها أنها تسترت على الموضوع وماخبرت جمانه....
جمانه تايهه.. مساكه راسها بعجز..وتروح وتجي من التوتر والضيقه اللي مصاحبتها من أول مادرت بالخبر..
خلاص الوقت ضاع والوليد بيسافر بعد يومين..!!
وش بيكون حالها..!!
ووقفت وهي مقابله ابتسام وعيونها كلها لوم وعتب عليها..\ليش ياابتسام..ليش ماقلتي لي..!!
حال ابتسام ماكان أحسن من حال جمانه..حتى هي متضايقه..اذا جمانه بتفارق حبيب..فأبتسام بتفارق أخو وعايله كامله تشتت بعد الوليد\وش تبيني أقول..أقولك أخوي تقدمت سفرته وبيروح بعد يومين..جمانه..
لاتزيديني لوم وضيقه..يكفي اللي فيني..أنا خلاص ماعدت أميز أفعالي..ماعدت أعرف اذا أنا عايشه والا لا..!!
سفرة الوليد هدت حيلي وارهقتني..!!فلا تلوميني أرجوك..كفايه لوم..
أنا أبي أحد يواسيني..مو يزيد علي..!!
أنتوا مو حاسين بحرقة الجوف اللي بصدري..
مو حاسين..ولا بتحسون بيوم ..
مشت ابتسام بعيد عن جمانه وهي ماتبي تقول شي تندم عليه بعيدن
وجمانه كانت منصدمه منها..ومو مستوعبه اللي قالته ابتسام..
ويوم شافت ابتسام تبتعد عن البحر..توها تستوعب..وعلى طول صرخت باسمها بدون شعور..\ابتســــــــام....
وابتسام سمعتها ولفت عليها وهي بمكانهاواقفه..
مشت جمانه لها لمن صارت قبالها..وعم الصمت بينهم..وماينسمع غير موج البحر اللي يتلاطم على الصخر ويرتد بكل قوته..
رفعت ابتسام أصبعها السبابه ودمعتها بعينها\شوفي جمانه..اذا بترجعين تلومينــــي فروحي أحسن لك....
حضنتها جمانه بكل قوه كانت عندها وسكتت ابتسام على طول وكأنت فعلا محتاجه حضن يضمها ويريحها وينسيها هموم بكره..
تمتمت جمانه باذن ابتسام بصعوبه وكل مافيها يرتجف \ألوم اللي يلومك يابتسام..ألوم اللي يلومك..سامحيني..سامحيني أرجوك..
ابتسام\جمانه..ليش مو حاسني فيني..أبي ارتاح..تعبت ومو قادره ارسي على بر..حاولت كذا مره اتأقلم مع الوضع..لكن ماقدرت..غصبن عني..غصبن عني..ماابي أخسر أحد ثاني..مليت..مليت من وحدتي وحزني..أبي أنسى..ماابي أحب أحد ثاني..لأن كل اللي أحبهم يروحون عني..ويخلوني بروحي..
ماأبي أنصدم..
تعبت وانا عايشه بروحي..
متى برتاح..قولي لي..متى برتاح..!!
وسكتت..وظلت تصيح..وتصيح في حظن جمانه..
ويوم هدت أبتعدت عنها. ومسحت دموعها بطرف عباتها.
وجمانه حاسه باللوم.\أسفه ابتسام..
ابتسام\لاتتأسفين..وانسي الموضوع..
جمانه\كيف أنسى وانتي متضايقه..
ابتسام\لا خلاص انا مو مضايقه..ارتحت لأني كلمتك..خفت أنك ماتفهميني..
ابتسام بابتسامه جافه \أثارايك تحبينه وأحنا ماندري..
أنحرجت جمانه..ودزت ابتسام بعيد..\ومين قال أني أحبه..
غمزت ابتسام بعيونها\لا والله..!!
جمانه\أي والله..
ابتسام\بيجي اليوم...
مافهمت جمانه عليها وضاقت عيونها\منوا..!!
ابتسمت ابتسام\الوليد..بيجي الليله..
بدون شعور قالت جمانه\صـــج..!!
ابتسام\أيه صج..!!أمشي نروح للبنات..شفيهم كيف يلعبون بالماي..شكل غلا عطت جرعات خبال لراوين..
التفت جمانه للبنات ومشت مع ابتسام لهم.. ..وفكرها بالوليد..بيجي الليله..يعني بتشوفه..هذا الشي ريحها كثير..على الأقل بتشوفه قبل مايسافر..
============
هند\يعني مو جايين اليوم..!!أنت قلتي لي أنهم بيجون..!!
الجده\أيه كانوا بيجون لكن سميه مارضت تجي معهم..!!
تكلمت نور ولهجتها ممزوجه بخوف\طيب ليش ماتجي سميه..شفيها..!!
الجده\تقول أمها أنها تعبانه..وهي مافيها الا كل خير..دلع بنيات,,
تنهدت هند بحزن على حال بنت أخوها سميه\الله يهديها ان شاء الله....
الجده\وين عشاك..والا مانتي بعشيتنا..!!
هند\شدعوه يمه..أنا انتظر هالبنات يجون..والتفت على فجر..فجور حبيبتي..دقي على جمانه قوليلهم بنحط العشاء..
طلعت فجر تلفونها من شنطتها\ان شاء الله عمتي..
ابتسم الجده بوجه فجر بكل حب وفخر\أيه هذا البنت السنعه..مو مثل المهبل اللي هجوا بسرعه..
بادلتها فجر الأبتسامه وكلمت جمانه\هلا وينكم..
تكلمت الجده بصوت عالي عشان تسمع جمانه\ياللي ماتستحون بسرعه تعالوا البيت..ولاتهيتوتن زي الصبيان..
جمانه على الخط وهي تضحك على كلام جدتها\وييييه..الجده معصبه..
فجر\حدها معصبه.يالله تعالوا..
جمانه\اللحين جايين..بس ننتظر سلطان..
تكلمت فجر بصوت واطي\بسرعه..
جمانه\هههههه طيب سلام..وسكرت..
الجده\وش قالت..!!
قامت فجر وحبت راس جدتها\بيجون يالغاليه,,هدي أعصابك..مو زين عليك..
كلمات فجر البسيطه بعثت الأبتسامه في وجه الجده ونست البنات على طول..ويوم شافت هند الموقف ظحكت\مفعولك قوي يافجر..صرتي أحسن مني..!!
فجربهدوء\ليتني أصير مثلك..أو حتى جزء منك..!!
هند\ياعمري والله مين مثلك أنتي..!!...والتفت لأم أحمد وقالت..الله يخلي لك فجر ان شاء الله..
رفعت أم أحمد ايدها لفوق \آميييييين..
وكلها لحظات وجاوا البنات وحطوا العشاء لهم وللرجال وتعشوا
==============
كانت ماسكه كيسه مليانه حلويات وطايره من الفرحه لأنه أبوها رضى لها تشتريهم..وكل مره تفتح حلاوه وتاكل شوي منها وتفتح الثانيه وتاكل شوي منهاوتضحك بجنون..وابوها جالس يناظرها وهو يسوق ويظحك على ضحكتها \يالدبـــه..!!بسج حلاو..
مااستوعبت ريوف كلام أبوها وظلت طول الطريق تاكل وتفتح لمن فتحتهم كلهم وارتاحت\اللــــه حلو حلــــو..ثنوا تقول..!!وحطت ايدها على فمها ودمعتها بعينها..أنا دبـــه..!!
ظحك عبد الرحمن على براءة بنته وحركاتها العفويه اللي تهبل فيه وتمسح أي ذرة عقل عنده\أيه دبه..دبـــه كبيره بعد...
قطت ريوف الحلاوه اللي بفمها ونزلت دمعتها\أنت الدبه..!!
علا نبرته شوي\لا أنتي الدبه..يالدبـــه..
ريوف\لااااااااا..انا مو دبه..مو دبه..
عبدالرحمن\وبعدين ليش تقطين الحلاو..اللي يجيبك معاه مره ثانيه السوبر ماركت..باخذ روز معي..وبخليج لوحدج في البيت..
حركت ريوف رجولها بعصبيه وهي مصدقه أنه أبوها بخليها بالبيت لوحدها ورمت كل الحلاو بالأرض..وهو ماهتم فيها وظل يضحك على حركاتها لمن وصلوا البيت ونزلت على طول من السياره اما عبد الرحمن فتح الشنطه بينزل الأكياس وجاه تلفون وكان أحمد داق عليه وظل يكلمه ونسى ريوف اللي ظلت تصيح جنب باب البيت..ويوم أنهى مكالمته شافها وظحك عليها وخذا ألكياس وفتح الباب وطنشها ونادى روز تشيل باقي الأكياس معاه
وظل واقف جنب الباب قبالها وهي بنفس الوضعيه ساكته ودموعها بعيونها.. وعرف أنها مو متحركه أبدا الا اذا أحد مسكها ..
ظحك كثير على بنته..هذه عادتها ومستحيل تغيرها ابدا وعلى طول شالها بخفه ودخلها الصاله وقطها على الكنب وفصخ غترته وجلس جنبها وحضنها\بنتي دلوعه..!!
مشت ريوف دموعها بثوب أبوها وتكلمت بصوت خشن من كثر الصياح \ماأحبــــك..كله تصلخ علي..بعلم يدتي عليك.
جارها عبدالرحمن بالكلام ومثل أنه خايف وحضنها بقوه\لالالا لاتقولين لها..أخاف تطقني بعدين..!!
شدت على اسنانها وقالت بقهر\الا بقول لها..تطقك بالعصا مالتها..وظحكت بخبث وهي تتخيل أبوها ينضرب بالعصا..
عبدالرحمن\ياشقيه..ترضين أنه أبوج ينطق..!!
ريوف\أحثـــن..تثتاهل..
فتح عبد الرحمن عيونه ومسوي نفسه مندهش وتركها وقطها على الكنب\وبعد أستاهل..أوريج..جلسي هني لوحدج...بروح أنا أنام..وياويلج ان جيتيني ولاتسبحتي..!!وابتسم بخبث..يادبــــــه..ودخل المطبخ وقال لروز تسبح بنته..وطلع فوق يتسبح وينام..
ويوم مرت ربع ساعه شاف أحد يفتح باب غرفته فتح عيونه شوي وعرف انه ريوف وعلى طول غمض عيونه وسوى روحه نايم ومو حاس فيها..وعلى طول جاته بنته وشعرها مليان ماي ولابسه بيجامه بيضه ومستعده للنوم ورفعت رجولها بصعوبه عشان تطلع للسرير وجلست جنبه ونامت..يوم حس عبدالرحمن أنها نامت ضمه لصدرها وحب راسها وعرف انها توها متسبحه وابتسم بحنيه.. مسك ريموت المكيف اللي كان محطوط جنبه وقصر عليه لأخر شي وغطاها بفراشه ونام وهي بحضنه كالعاده..
=================
ناظر الوليد ساعته الفضيه وشافها 12 ونص..
مر الوقت عليه بسرعه وماحس أنه وراه طريق الا على 12 .. بركن سيارته على جنب..وتفشل من عمره كيف بيدخل عليهم هالحزه أكيد كلهم نايمين..وكيف أصلا بيدخلونه الا بوجود جاسم زوج عمته هند..
ويوم وصل للبوابه قرر يكلمه عشان يدخله ..وضرب على رقمه وهو منحرج وتوقع انه مايرد عليه لكن تفاجأ أنه باول رنه رد..سلم عليه وسأله عن أحواله..وتفاجأ للمره الثانيه يوم عرف انه كان ينتظره هو وعمته هند..سكر منه وظل ينتظره..
وهو يسأل نفسه..مين قال لهم أني جاي..!!أكيد جدتي..!مافي غيرها..!!
والله أحراج ليتني ماجيت بس..وأنحطيت بهالموقف..اللحين وش بيقول عني الرجال..مستهتر وتوه متفرغ..!!
أوووف الله حاله..
وعلى هاللوم والتفكير شفت سيارة جاسم من بعيد..ويوم قرب نزلت من سيارتي ورحت اسلم عليه\السموحه منك..تعبتك معاي..
جاسم\أفا عليك يالوليد لاتعب ولاشي..يالله تعال وراي..عمتك تنتظرك..!!
ابتسم الوليد باحراج فظيع وقال\ان شاء الله..وركب سيارته..
وكلها خمس دقايق ووصلوا نزل الوليد وترك شنطته بالسياره ..ووقف له جاسم لمن جاء له وحط ايده بكتفه \حياك...
الوليد\الله يحيك...ودخلوا البيت وعلى طول للصاله لأنه هند كانت منتظرتهم وأول ماشفاها الوليد حن لها لأنه واضح عليها التعب والأرهاق وفجأه تذكر امه وترحم عليها بقلبه اللي أنفطر حزن بذكراها..سرع خطواته من عمته يوم شافها بتقوم عشان تسلم وجلسها وحب راسها\والله ماتقومين..وانت تعبانه...
ابتسمت هند بتعب خفيف وضربت الوليد على صدره بخفه\وليش توك تجينا..!!كنت أحاتيك..!!
جلس الوليد جنبها ..وناظر جاسم اللي كان يبتسم لهم وبعدين لف على عمته\شسوي ياعمتي..والله نسيت وماتذكرت أني بجيكم الا متأخر..
هند بعتاب\أخر مره تسويها...
الوليد\هههههههه ان شاء الله..
تذكرت هند سفرة الوليد وتكلمت بجديه عشان تخفي حزنها عليه\وش صار على سفرتك..!!
أستغرب الوليد..مايذكر أنه قال لعمته عن هالموضوع\أنتي دريتي..!!
هند\وفي أحد تتوقع مادرى...أنا ماراح ألومك لأن خلاص مضى وقت اللوم...لكن اللي ابيه منك تشد حيلك وترفع روسنا..وتجيب لنا الشهاده..
أرتاح كثير الوليد من كلام عمته..يمكن لأنها الوحيده اللي تقبلت الموضوع بكل واقعيه وماتضايقت زي البقيه..
الوليد\شفتي عيوني...من عيوني ياعمه..!
أخذت هند نفس وكملت كلامها بصعوبه\الله يوفقك..واللحين يالله قوم نام..تأخر الوقت..
جاسم\ها ياهند أرتحتي اللحين...!!
هند\أكيد.. ايه صحيح تعشيت..
الوليد\ متعشي..تسلمين..
قامت هند بصعوبه بعد مساعدة الوليد لها\..يالله أنا بروح أنام وراي قومه الصبح..وخذ راحتك ...وابتسمت بحنان...البيت بيتك
===========
جوعـــــانه
..وابي أكل شي يسد جوعي..
بتقولون لي ليه ماتعشيتي..!!بقول لكم جلست جنب الرقيقه غلا اللي كانت مسويه ريجيم وسدت نفسي على الأكل...وماكلت غير ملعقتين خضار وقمت وانا متنرفزه منها...وفي شي ثاني سد نفسيتي كلها..لكن ماراح أّذكره..أنتوا تعرفون أكيد..!!
طلعت من الغرفه بهدوء عشان مااقوم البنات اللي ناموا بغرفتي وسكرت الباب ببطىء..ويوم انجزت المهم الصعبه أطلقت واااااااو كبيره بعد..
ورحت للمطبخ وفتحت الثلاجه على طول... لعل وعسى أشوف شي بقى من العشاء..لكن للأسف مالقيت شي..
أكيد الخبله جيليتا خدامة جدتي رمتهم بالزباله أو كلتهم..مالت عليها الدوبه..
تسندت على الثلاجه وانا الجوع ذابحني واصوات بطني بدت تطلع وتقول أنقذوني..
وشفت علبة ببسي مسكره..خذتها وفتحتها..
أدري بتقولون مجنونه..بس شسوي هذا الموجود حاليا..
شفت كيسة توست محطوطه بطاولة المطبخ..وفكرت أسوي لي توست بجبن..لكن تعيجزت وطنشت بطني..تذكرت أني حاطه سنيكرس بدولاب الصاله وطلعت اخذه.ياسلام..حلت السهر عندك ياجمانه..!!
و شفته وماحد كله..فتحته على طول بأيدي اليمني..وأيدي اليسار ماسكه قوطي الببسي لكن سمعت أزعاج وراي وصكت باب.. لفيت وجهي بسرعه..وشفت الوليد وصرخت\يمـــــــه..وحطيت الببسي والسنكيرس بوجهي وكأنهم بيحجبوني عن الوليد..وعلى طول تخبيت ورى الدولاب لأنه كانت في فتحة ديكور جنبه..ودخلت نفسي غصب فيها..لمن تغلصت..!!
وقلبي..!!
شنوا قلبي..!!
احسه بيوقف من نبضاته المتسارعه..وغمضت عيوني بدون شعور والببسي والسنكرس بوجهي لحد اللحين..
:
سمعت صوته الهامس وكان قريب مني حيل\جمانه..؟
عرفنـــــــــي..!!يارب ثبتني ماأقدر أستحمل..
عاد اسمي مره ثانيه\جمانه وينك..!!
رديت عليه وجسمي ينتفض\هلا...هلا...الوليـــ ــــــد..!!
كلمني ووصوته هادي ومحرج\آسف ..ماكنت أدري انه في أحد موجود..!!كنت طالع أخذ شنطتي من السياره..وووبس..
جمانه\لاعادي الوليد..أدري أنك ماتقصد......وسكت..وهو سكت..وظلينا فتره ساكتين..سبحان الله تحققت أمنيتي على طول وشفته وهو شافني بموقف ماعمري تصوت أنه بيحصلي بيوم..
وبعد فتره..ماحسيت فيه..
وشكله راح..حسافه..
لكن أتفاجأت بصوته مره ثانيه..
الوليد\أحم..ماراح تقولين لي على السلامه..او على الأقل شلونك..!!
ياربي..وانا اللي مفكره أنه راح..أثاريه موجود..معقوله يفكر بنفس اللي أفكر فيه,...!!
رديت عليه بصوت واطي وأنا منحرجه\الحمدلله على سلامتك..
الوليد بهمس\بس..!!
ابتسمت له..ماراح يوفت هالفرصه\أيه بس......وكملت وانا مغصوبه... الوليد معليش تدخل غرفة العيال أبي أطلع..
الوليد\أفا طرده يابنت العمه,,!!..
لاياالوليد مو طرده..أخاف أذوب قدامك..ياويلي شفيني..!!
جمانه\لا ..أخاف يطلع ويشوفونا...ووو
قاطعني بسرعه وتفهم الوضع\أوكي..انا بدخل..تصبحين على خير ....جمــــانه..
غمضت عيوني وأنا هيمانه..اسمي حلو على لسانه..\وانت من اهل الخير..
وسمعت فتحت باب وعرفت أنه راح..
وانا على طول تركت هالببسي والسنيكرس اللي مخبيه فيهم وجههي وحطيت بالطاوله ودخلت غرفتي انام..وانا شبعانه...
شبعانه حــــب...!!
============
فتحت عيوني ومسكت ساعتي اللي جنبي وشفتها 11 بالظبط..لفيت وجهي الجهه الثانيه وشفت غلا نايمه وشوي بتوصل عند الباب من كثر حراكاتها....أما جمانه على سريرها..و مايبين شي فيها غير رجولها الطوال..
وشكل فجر وابتسام صاحين من زمان وماحسيت فيهم..
قمت من فراشي بكسل..الصراحه ودي أنام اكثر..لكن فشله وش بيقول عني..!!
دخلت الحمام اللي بالغرفه وكانت هذه أول مره أدخله..ياحليلها جمون..حتى الحمام صابغته اصفر..!!
تموت على الأصفر هالبنت..!!ولمساتها كلها أنثويه والورود المجففه منتشره بكل جهه حتى بالحمام..!!..بس لوتخف من دفاشتها تطلع بيرفكت..!!
غسلت ةجههي بالماي وشفت وجهي بالمرايه...
ضعفت كثير..
معقوله كل هذا تفكير..
لكن مو مشكله ضعفي أبرز ملامحي أكثر..
ابتسمت على تفاهتي..وذتكرت أنهم أحتمال يجون اليوم..
يارب يجون..!!وحتى لو جاوا..وش بيصير يعني.!!
صج غبيه..!!
خلني أطلع تأخرت عليهم..وبلا كلام ماله معني..!
وطاحت عيني على البنات مره ثانيه..وكنت بصحيهم لكني مو ناقصه تهزيأت توني صاحيه ومالي خلق..
طلعت من الغرفه وأتجهت للصاله وشفت الكل مجتمع ماعدا فجر وابتسام..لكن سمعت أصوات البنات في المطبخ ورحت لهم على طول وشفتهم جالسين يفطورن..
راوين\صبـــــاح الخير..
فجروابتسام\صباح النور..
طلعت فجر كرسي لي وقربته جنبها\تعالي فطري معنا..
جلست جنبها وشفت عصير برتقال وصبيت لي منه وشربته..من متى صاحين..!!
ابتسام\يعني ربع ساعه..
راوين\أها زين..خفت أنكم صاحين بدري..
فجر\والبنات صحوا..!!
ظحكت بنعومه وقلت\ولاقنبله تقومهم..
ابتسام\يمه منهم..أكثر ناس بالعايله ينامون..ماتشوفونهم صايرين طوال..!!
راوين\صج..!!اجل بظل طول اليوم نايمه..!!
فجر\أجل تصدقون أنا سمعت العكس..!!بس خلاص راحت علينا ووبيظل هذا طولنا..
مسحت شوي جبن بالخبز وابتسمت برضا\ على كل حال..
==============
توني ماسك خط الطريق وناوي أنزل الشرقيه..ومن الشرقيه لراس تنوره..
أمس قررت أني ماأروح وأخلص شغل المشروع..
لكن مدري ليش غيرت رأي على طول ..وماشفت نفسي الا مجهز أغراضي وراكب السياره..وكلها أربع ساعات وواصل ..
ظغطت على راسي بألم وفصخت النظاراه الشمسيه....راسي مصدع وكله بسبب سهرة أمس..
كثرت بالشرب لمن داخ راسي ونمت بدون ماأحس.... .. وغير كذا تذكرت أني ماشربت قهوتي الصبح..ومافيني أرجع وأشتري لي قهوه من أحد هالكفيهات..
شفت على يميني محطة بنزين وجنبها (قهوة الطريق) لفيت لها وطلبت قهوه وكلها نص دقيقه وخذتها وطبعا ماحطيت سكر لأني أحبها مره عشان تصحصحني أكثر..
ومشيت ودعست الطبلون..أبي اوصل بسرعه..وناوي أخلي هالأربع ساعات ساعتين..
شغلت على الراديوا عشان ألهي نفسي بهالطريق..
حطيت على أف أم وطلعت لي أغنيه غريبه مصريه وممزوجه بعربي..
صج سخفين كل واحد حس أنه صوته حلو حط له اغنيه وصار مشهور.
مصدقين حالهم كثير..أجل هذه أصوات..!!
طفيت الراديوا وخذت لي شريط لــ عبدالحليم حافظ...*..نار ياحبيبي نار..*وشغلته..
سمعت صوت تلفوني يدق..قصرت على المسجل..وجلست أدور عليه وأنا أبي أتذكر وين حاطه..
وبالأخير شفته تحت المقعد اللي جنبي خذته على طول قبل مايسكر وشفت المتصل مبارك..
ورجع لي الصداع ثانيه وضاقت عيوني بملل....شيبي هذا متصل..!!توني شايفه أمس..!!
وعلى طول بدون شعور قفلت تلفوني بوجهه..وقطيته ورى..وطولت على المسجل..
===========
صار لي نص ساعه واقفه جنب المرايه واحاول أدخل هالعدسات الكحليه اللي مو راضيه تدخل..
وياانا ياهي اليوم..بتدخل يعني بتدخل..
ومدام أني دخلت الأولى بتدخل الثانيه غصبن عنها..
بس شفيها زهقتني ياربي..الكل تجهز وخلص الا أنا..!!بقى لي اكمل مكياجي ومكياجي أعرفه ياخذ مني ساعه كامله ..ياربي شسوي اللحين..
والله يشوف شكلي يموت ظحك عيني مفتوحه على ألاخر وتدمع.. وجسمي كله على المرايه والشعر مرفوع أي كلام..
ليكون مقلوبه عشان كذا ماتدخل..!!
خذت العدسه وحطيت لها السائل اللي ينظفها وقلبتها وحطيتها بوسط عيني وتركتها...وعلى طول دخلت..
أخييييرا..أثاريها مقلوبه وانا ماادري...!!آآآآه ...غمضت عيوني عشان ترتاح شوي وجلست على سرير جمانه..ويوم حسيت أني أرتحت فتحتها وخذت منديل ومشيت دموعي اللي نزلت..
وبديت أشتغل بالمكياج..
ومدام أني لابسه بلوزه فوشيه وجينز كحلي..راح أحط مكياج بسيط..
خذت القلم الكحلي وحطيته تحت عيوني والماسكارا برموشي ثبتها..صحيح أني مو محتاجه تطويله رموش..لكن ماأقدر لازم أحطه.... وبعدها حطيت قلوس وردي وشوي بلاشر فوشي وانتهيت..
ماله داعي احط اوفر..
فتحت شعري ونفشته شوي ورفعته كله ونزلت خصلات من ورى..وانتهيت اخيرا..
بس بقى احط الحلق الغجري اللي كان بلون البدله فوشي..
خذته من الشنطه ولبسته..ولبست أساوري السته اللي كانت بالطراز الهندي..وهذا شي اساسي عندي..!
وابتسمت أبتسامة رضا على شكلي..
وطلعت للصاله وانا عارفه أني باخذ تهزيأه من امي على جلستي المتأخره...
وبالفعل اول ماطبيت الصاله عطتني أمي الكلام العدل..والمصيبه أنه الكل جالس ..وغير كذا كانوا يتغدون ومطنشيني..
هو أكيد بيطنشوني..أمس حالت فيني عمتي هند وبالموت كلت
واليوم شكلها يأست مني..
...شفت سلة فاكهه على الطاوله..خذت لي تفاحه وجلست على الطاوله..وأنا شوي منحرجه..
أم أحمد\بدري غلا..كان كملتي نومك..
ظحكت على أمي عشان أخفف الموقف علي..وناظرن بفجر عشان أستنجد فيها\ههههههه والله كان ودي لكن أحترمت روحي...
سمعت ظحكة جمانه اللي كنت جالسه جنب ابتسام \هههههه صج أحترمتي روحك..!
التفت العمه هند على بنتها وضربتها على أيدها\وانتي مو أحسن منها..توك صاحيه ياحظي..!!
وأنا هنا مت ظحك..احسن مو أنا بس اللي أتهزأ..تستاهل جمانوا..مسويه نفسها بو زعم أنها الزينه..مالت عليها...وبكذا سكتت وسكرت فمها..أحس مالي خلق أزعاج من الظهر..
لكن حسيت أنا في أحد ناقص..مو موجود..
أيه..جدتي وينها..\أقول فجر..وين جدتي..!!
فجر\عند العيال بالمجلس..
غلا\أها..
فجر\تبين منها شي..!!
ظحكت...يعني شنوا أبي منها..!!\لا..بس أسال عنها..!
ابتسام\..
هند\وين ياأبتسام,,,!!
ابتسام\لا خلاص ياعمتي..شبعت يعطيك العافيه..
هند\يعني بتسوين نفس غلا..!!
التفت علي ابتسام وقالت بقهر\وأنا اقدر أصير مثل غلا..همتها عاليه البنت..!!
وظحك الكل على لهجتها,,أما أنا..ابتسمت بفخر وغرور ورمشت بعيوني\شكـــرا..وعلى طول جت عيني بعين مرت عمي نور..وانحرجت الصراحه..ليش مدري..!!
أحس اذا طالعتني اخجل منها عكس أزواج عمي البقيه..
يمكن لأنها هاديه ونادر ماتتكلم مع أي شخص..
أو يمكن لأنها دوم تبتسم بطيبه ونيه صافيه..
مااعرف ليش..!!
لكن اللي اعرفه انها الوحيده اللي أستحي منها..
واكره أني أنوضع بهالمواقف..لأن شخصيتي تتغير كليا..
ومااكون غلا اللي الكل يعرفها...
:
قطع افكاري صوت جمانه وهي تتدلع على أمها \يمه ترى أقولك من اللحين..بنطلع ونتمشى ..
رديت عليها عمتي وهي تتمصخر عليها\ومين ياعمري بيوديكم..!!
جمانه بصوت أجش وحريمي\لاتخافين علينا..احنا مرتبين الوضع عدل..سلطان بعد عمري..!!..خلف أهلي والله..يعلني ماأّذوق حرته بيوم بيتكفل بهالشي..!!
الجالسين كلهم ظحكوا على كلامها..ومطها بالكلمات...
مو قلت لكم أنها عجوز..وماتصدقون..!!
ومحد مصبرني على خبالها الا انها تفهمني بسرعه..لأني حتى أنا أبي أطلع..
جمانه\ها وش قلتي يمه..
هند\ماأدري..
الصقت جمانه بأمها أكثر وبدت تتدلع\يمه..تكفيييييين..
دزتها عمتي بخفه وهي مالها خلق للدلع اللي مو جاي بوقته\زين..زيــــن..وخري عني..
جمانه\يعني موافقه..!!
هند\اوووف اللهم طولك ياروح..مواقفه..وخري عني جمانوا..
ظحكت جمانه بجنون وباست أمها بدفاشه\واااي أموت فيك يمه..ياحبيبتي أنتي,,!!وقامت تنطط زي السبال.....يالله بنات جهزوا حالكم..وينــ فجر..!!
رفعت فجر راسها\هذاني موجوده..
جمانه\هههههههه والله ماشفتك..يالله قوموا..وانتي أول وحده بتقومين معانا..!!
فجر\يصير خير..
ضربت جمانه رجولها بالأرض بعصبيه\فجـــــــــــــــــــر..قومي....!!
فجر\ههههههه زين..أصلا حتى أنا نفسي أشم هواء..
=============
يتمشون على البحر..ومستمتعين بجو اليوم الحلو..
ماكان حار ولابارد..كان معتدل بنسيمه الدافي.. ولولا الرمل اللي عكر وذبح عيونهم..كان طلع ولا احلى..
الوليد حاط أيدينه بجيب بنطلونه الفضفاض النيلي..وكان رياضي قح بجزمته الرياضيه..تيشيرته أبيض ولابسه كاب نيلي\ماراح يجي طلال..!!
سكر هيثم تلفونه وحطه بجيب بنطلونه الجينز\مااظن.يقول أحتمال يجي..واحتمال لا..!!
الوليد بحزن ياكل قلبه\حسافه كان ودي نسهر الليله مع بعض..!!
حزة في نفس هيثم هالكلمه لأنها بتكون أخر سهره مع الوليد اللي كان صديق وولد عم واخو بنفس الوقت..
مايدري كيف بيقدرون على فراقه..
صحيح هم نادر مايشوفونه وخصوصا لأنه مقسم وقته بين النادي والجامعه..لكن بيظل له اثر كبير بعد سفرته..
والله يعينهم على فراقه المر..
هيثم حاول يبعد نظاراته عن الوليد..وناظرالسماء اللي مغيمه..والبحر اللي يلطم بامواجه \ماأتخيل..ولابي أتخيل أنك بتسافر عنا...
ابتسم الوليد بألم وقال\لا..تخيل ياهيثم..عشان أقدر اروح وانا مطمئن..
هيثم\أتخيــــل..!!
أحسها صعبه يالوليد..
كيف قدرت.!!كيف قدرت تترك حلمك وتروح..
وعشان أيش..!!
معقوله عشان دراسه..!!اللي تقدر تكملها هنا..في بلدك وعند أهلك..!!
رفع الوليد راسه للسماء وكانه يطلب المعونه من ربه أنه يصبره ويثبته..عظ على شفايفه وحاول يكتم سره ومارد الا بكلمتين وعينه متصوبه لمدى لبعيد محد يشوفه الا هو\حلمي هنــاك..حلمي بره ياهيثم..!!
هيثم بعجز واضح وقف قبال الوليد\كيف..قولي كيف..!!وين اللي يقول يبي يصير لاعب مشهور..وين اللي يقول يبي يوصل للنجوميه..وين أمنياتك وطموحاتك..والا كل هذه الأمور أنتهت..!!
الوليد جاوبه بعيون كسيره وضايعه\أرجوك ياهيثم..لاتذكرني..خلني أنسى..
هيثم\كيف تبين أسكت وأنا أشوفك تهدم كل شي حلو بنيته بايام طويله..ولاتبيني أذكرك..!!
الوليد بجمود غريب\هيثـــــم...اذا تبي تجرح هالقلب...وأشر على قلبه.... ذكرني..وتلذذ في تعذيبي..
واذا تبي تداوي هالقلب..أنسى...مثل ماانا بنسى...!!
ومشى بعد ماقال هالجملتين اللي عورت قلب هيثم..وشتته أكثر..
وظل واقف يناظر ولد عمه اللي يمشي بانكسار لوحده..
وكأنه غريق في بحر ماله أول ولاأخر..
وكان بيتبعه لكن تراجع لأنه عرف أنه يبي يكون لوحده ويراجع حساباته..
وطاحت عينه على سلطان اللي جايب البنات ..وظحك وهو في غمرة حزنه..لأنه كان شكل سلطان يضحك وجموع البنات وراه وكأنه أمير وهم يتبعونه..
قرب لهم وشاف وحده تلوح له بأيدها وتسويله باي...وعرف أنها غلا من نظاراتها..
سلطان\هلا وغلا بولد أخوي...وين الثاني عنك..تطلعون ولاتقولون لي..
هيثم\بلا كذب قلنا لك وأنت مارضيت..لف هيثم وجهه على بنات عمه وسلم عليهم..شخباركم بنان العم..!!
محد تكلم غير جمانه الملقوفه\وأنا مطلعني من الحسبه..!!
هيثم\ههههههه وانتي معطتني فرصه..توني بقول شخبارك بنت عمتي..!!
جمانه\وانا برد عليك..الحمدلله..
دخلن غلا عرض عليهم ولصقت بهيثم\أقول أقول أقول..هيثوم..!!
بعد عنها هيثم وهو متقرف من حركاتها\هيثم في عينج..شتبين..!!
جمانه\ههههههههههه أحسن..
خزت غلا جمانه من ورى نظارتها وبعدين طنشتها\نبي ندخل داخل..
هيثم\دخلوا..احد مسكم..
فجر\نبيكم تدخلون معنا..!!
هز هيثم كتوفه بدون أعتراض\كيفكم..عادي..!
قربت ابتسام جنب فجر وهمست لها\فجر..قولي له وين الوليد مايرد على تلفونه..!!
فجر\ان شاء الله...هيثم..
هيثم\هلا
فجر\وين الوليد ابتسام تسأل عنه..!!
بدون قصد هيثم طاحت عينه على ابتسام ورد عليها.. وهي أنحرجت من نظراته لها وعلى طول نزلت عيونها هيثم\الوليد يتمشى على البحر... قدام شوي..
فجر\أرتحتي..!!
رفعت ابتسام عيونها\يعنـــي..
جمانه\واحنا بنوقف كثير..!!
سلطان\لا طبعا..بس صبروا بدق على الوليد..!!
دق سلطان على الوليد ومارد عليه..وظل يدق عليه لمن رد وقال له أنهم بيدخلون داخل وقفل منه..
ابتسام\بيجي..!!
سلطان\أيه..يالله مشينا...
مشوا الشباب والبنات لـ داخل المركز وكان حلو وممتع.. تقريبا فيه بالجهه اليسرى سينما لكن مادخلوها وجنب السينما على طول مطعم لوجبات سريعه وبعدها مكتبه متوسطه اللي دخول فيها البنات عشان فجر... والشباب تركوهم ودخلوا صالة الألعاب اللي كانت محتله مساحه واسعه بشكل كبير.. والألعاب اللي كانت موجوده لعبة البولينج والبلياردوا كانت بصاله ثانيه أصغر شوي.. والعاب كثيره خاصه للشباب..لكن المركز كان عائلي..
::::
وهاللحظه دخل عليهم الوليد وهو متصنع الأبتسامه.. وشاف سلطان وهيثم ماخذين كور البولينج الثقيله ويبدون يلعبون..
خذ الوليد الكوره وقرر يلعب معاهم ويعرض مهاراته لهم..
وخذ له مكان معين..وصار بالجهه اليمنى وهيثم باليسرى وسلطان يتوسطهم وكلهم مستعدين ومنزلين ظهورهم للــ لعبه..
سلطان\أقول هيثم مدام الوليد جاي ماله داعي نفشل عمرنا ونلعب..امش ننسحب..!!
ناظر هيثم الوليد وفرح لأنه مبتسم وشكله حاول انه ينسى ومايضيع اليوم الوحيد اللي بيكون فيه مجتمع معاهم..وهو حس بالغباء لأنه حاول يذكره بجروح قديمه..وكره عمره على تسرعه.
لكن حاول يتناسى الموضوع ويستمتع مع الوليد بكل الطرق مدام هو حاب هالشيء..
هيثم\لالالالا بالعكس..انا أبي ألعب..ومقرر أهزم هالوليد..!!
ظحك الوليد بغرور وجارا هيثم وهو يدري أنه المسأله كلها تمثيل في تمثيل\مشكله الثقه..يالله 3..2..1..go....
ومشوا بسرعه لمن رموا الكور الحديديه والكل يناظر هالكور اللي تتحرك ومايدورن مين اللي بيطيح أكثر وبيوصول للهدف..
وطبعا زي ماقال سلطان الوليد هو اللي بيفوز عليهم وطيحهم ماعدا ثنتين صار متحكمين بوفقتهم ومانزلوا واللي بعده على طول هيثم اللي كان بقى له 5 ويفوز واخرهم سلطان وماراح أذكر كم لأنه فاشل بهالأمور ..واللي يعجبه بس لعب الورقه(الكوتشينه) والبقيه على جنب عنده..
سلطان\مو أنا قلت لك..خلنا ننسحب..هذا هو فاز علينا..أنا منسحب من اللعبه..ومشى عنهم..
ظحك الوليد بجنون على شكل سلطان المهزوم ومشى وراه وحاط أيده علة وجهه.. وباسه على خده\قلنا لك من زمان خلنا نعلمك ..لكن مارضيت..!!
مسح سلطان خده بقرف\ووع عليك..أحد قالك بوس..امشوا ندخل بس..!!
الوليد\وين.!!
هيثم\نلعب بلياردوا..!!
سلطان\مانبي بلياردوا..!!
ابتسم الوليد بخبث\ليش خايف من الهزيمه..!لاتخاف ماأحب العبها ولا أعرف لها اساسا..
هيثم\حتى أنا..
سلطان\والله اللي يعرف لها تركي...
الوليد\ولد عمي..!!
سلطان\أيه متفنن في هاللعبه..
هيثم\أصلا مايبيلها شي..
سلطان بطنازه واضحه\أيه مايبيلها شي..اشوفك تعرف تلعبها..!!
انحرج هيثم لأنه صحيح مايعرف لها ولا يبي يعرف أصلا\أقول أمشوا نطلع..
الوليد\يالله..
طلعوا الشباب من صالة الألعاب ودخلوا المكتبه اللي ماكن فيها أحد الا البنات اللي ماخذين راحتهم على الأخير وكل واحده ماسكه كتاب وتقرى....
هيثم\شسالفه ماأشوف احد موجود غيرنا..!!
سلطان\نادر محد يجي هنا اساسا..واذا جاوا مايطولون....أمش ناخذ لنا أحد هالكتب ونتعنقف...قصدي نتثقف..!!
هيثم\لا الله يخليك..مالي خلق أتثقف..عندي في البيت كتب يبيلها فتح..
:::::
بالجهه الثانيه غلا وجمانه جالسين جنب بعض ويطلعون بالهكتب يتصفحونها على السريع ويقرون من كل بحر قطره.. وياخذون كتاب ثاني ويسون نفس الشي..
جمانه\يععععع.مااتخيل أقرى كتاب كامل..
غلا\قولي لي...انتي شلون نجحتي..!!
جمانه\بالواسطه..خخخخخخخ..يعي شلون نجحت بالدز...والله..
غلا وتناظر جمانه بقرف\كنت شاكه...
جمانه وودها تفقع عيون غلا\أقول تراني معطتك وجهه..
غلا\والله محد قالك تجلسين جنبي.. وحطت ايدينها بخصرها..قلوا الأماكـــن..!!
جمانه تنفست بضجر\غلاوه..اجلي الخناقه للبيت..مالي خلق لك..
ظحكت غلا بدلع\ولا أنا..بس شسوي.. ماأقدر..
جمانه استغربت\ماتقدرين في شنوا..!!
غلا\ماأقدر لازم أتخانق معك..والا ماأصير غلا العالي..
قربت جمانه منها وساسرتها\تصدقين حتى أنا..ماأقدر..أحس بشي ناقص اذا ماتخانقت معك..
ابتسمت غلا \الله يخلينا لبعض..
بادلتهاجمانه الأبتسامه وقالت\ويخلي هالخناقات اللي تقربنا من بعض,,,
رفعت غلا ايدينها لفوق وقالت بصوت مايع\آمييييين..
جمانه وتجاري الخبله اللي جنبها وترفع أيدها لفوق\يارب العالمين,,,
جمانه وغلا\هههههههههههههههههههههههههههههههههه
فجر\اوششششششششش..استحوا..
حطت غلا ايدها بفمها وقطت الكتاب اللي بحظنها وسببت ازعاج بالمكتبه والكل التفت عليها...
خزت فجر أختها لأنها سببت ازعاج وهمست لها\شيلي الكتاب..فشلتينا..
غلا\يوووه طيب..
جات راوين للبنات وهم منحرجين من الموقف اللي صار
راوين\أقول امشوا نطلع..خلاص زهقت..
قامت فجر وهي شوي معصبه من حركات غلا الغبيه وراحت لهيثم\وهذا اللي بيصير أساسا..قوموا يالله..
هيثم\شفيكـــم,,!!
فجر\خلص..بنطلع..!!
سلطان\يالله..وين تبون تروحون..!!
فجر\كيفكم..
::
ابتسام\ليه ماترد على تليفونك..!!
الوليد\كان معي خط..
ابتسام\..تكذب على منوا أنت..!!
الوليد\على أختي الكبيره..بسوم..
ابتسام رصت على أسنانها\سخيف..
الوليد\مشكوره..يجي منك اكثر..
ابتسام\الوليد..
الوليد\ابتسام
ابتسام\الوليد..
الوليد ومصر\ابتسام..
ابتسام بتأفف\أوووف..خلاص لاتطول..شكلي غلط جنبك..مستحيل الناس يصدقون اني أكبر منك..
الوليد ظحك بخيلاء\والله محد قالك تكونين قزمه..!!صج سنفور..!
ابتسام\..أنا سنفوره..!!
الوليد\أيه..
ابتسام انقهرت ومابينت له\ياويلي..طلعوا وتركونا..أمش نطلع وراهم..
الوليد \من بعد المكان..يالله أمشي..
الوليد\أقول ابتسام..
ابتسام\ها..
الوليد\ويعاه..شنوا ها.!!
ابتسام\اوووه..نعم..
الوليد\أحم..ماقالت لك شي جمانه..
ابتسام\مثل..!!
الوليد\يعني..أي شي..
ابتسام ابتسمت وحبت تجنن أخوها\لا ولاشي..ولاجابت حتى طاريك..
الوليد حس بخيبة امل\مالت عليكم ثنتينكم..!!أمشي بسرعه..والا بروح عنك..
فرحت ابتسام..هي تعرف كيف تهبل في أخوها..يستاهل..أجل هي سنفور..!!
:::
طلعوا الشباب للبحر ثانيه وقرروا البنات يرجعون لأنهم تعبوا من كثر المشي..
اما هيثم والوليد مايبون يرجعون اللحين..
ووصل سلطان البنت للسكن ورجع للشباب مره ثانيه..
::
عند باب مدخل البيت..
غلا\ويه كيف بدخل اللحين..جزمتي اختربت وصارت مليانه تراب..حرااام..
جمانه\والله محد قالك تلبسينها وتتكشخين..وشفينا كلنا لبسنا نعال..
غلا بغرور\وانا وش دخلني فيكم.
دخلت جمانه البيت وتركت غلا\أجل لاتتذمرين..
تسندت غلا عند باب المدخل وهي تتأفف وتنظف جزمتها بمناديل حاطتهم بشنطتها الصغيره
وماوعت الا بأحد من قوة جسمها طلعها بره باب البيت و هي أرتدت لورى وكانت بتطيح لكن مسكت على الجدار اللي خدش أظفارها الطويله ورفعت راسها تبي تشوف من هالوقح اللي عمل هالعمله..!!
وطاحت عينها على شخص مألوف بالنسبه لها طويل وعريض ولابس نظاره شمسيه ولابسه بدله ديزاينها هندي التيشرت بني على برتقالي..والبنطلون بني محروق وتلفونه بايده.. حاولت تتذكر منوا ..هي شافته من قبل..!!
هيئته معروفه..
بس منوا وهي لسه مو مستوعبه اللي صاير..!!
معقوله شافته بتلفزيون..لأنه مشبهته بعارض أزياء..دايم أتابعه,,
ويوم جات على بالها عارض ألأزياء
تذكرتــــــه..
و حطت أيدها على ثمها تمنع صرختها وسمعته يقول لها
أنتـــــــــي..!!
غطت غلا وجهها بأيدها وهي كارهه نفسها على هالمواقف اللي دايم تنحط فيها مع الشخص المجهول..!!
================
منوا هذا..!!
أكيد عرفتوه..!!
تركي طبعا..!!لأنه وصل الشرقيه..
هذا الفصل الأول من الجزء العشرين
بالفصل الثاني راح تعرفون ردة فعل غلا وتركي من اللي صار..
وأول يوم للوليد بغربته..وتعايشه مع الجو..
وصرخة قلب ..ومشاعر غريبه بتحل على يوسف..!
تابعوني بالفصل الجاي اللي يحمل عنوان >>..صرخة قلب
الجزء العشرين
الفصل الثاني
============
مسكت الغطا اللي قاطته أي كلام على راسي بايدي اليسار..وظغطت عليه بدون مااحس..
وكل قوتي كانت محطوطه على يدي اليمنى اللي متثبته على جدار البيت..
حاولت أرفع الغطا وأستر فيه نفسي وشعري اللي نصه طالع
حاولت أهرب...او أمشي خطوتين حتى..
حاولت أحرك أيديني.. لكن حسيت أنه كل مافي جسمي أنشل مره وحده..
حسيت أني متكهربه..متجمده..خايفه..مشتته..
احاسيس كثيره تخالطت بذهني..
ومن صعوبتها ..وقفت كل شي فيني..!!
وأنا لسه واقفه..وهو بالمثل واقف..
وكل هالأحاسيس اللي أحسها ماخذت نص دقيقه..لكن صوته الغريب الرجولي اللي جاني مره ثانيه ونظراته اللي
دخلت فيني..خلتني أستوعب أكثر..
تركي\أنتي...منوا..!!
وبسرعه وبدون أي شعور مريت جنبه وأنضرب كتفي بكتفه بقوه.. وماهتميت لأني أبي اهرب عن عيونه اللي غيرت شي فيني ماعرفته..
ودخلت البيت وانا أتنفس من أعماق اعماقي..
ولقيت راوين بطريقي وتناديني..
راوين\غلا..!!
تجاهلتها..ودخلت غرفة جمانه وانا اركض وكأن أحد يلاحقني....وقفلت باب الغرفه وانا خايفه..وجلست على السرير بعباتي ..
وانا كل تفكيري على هالشخص الغريب اللي اقتحم حياتي للمره الثانيه..!!
ليش تجمعني معه الصدف للمره الثانيه..!!
ليش وقفت وماعرفت أتحرك..!!
معقوله يصير لي..!!
لا مستحيل..لأنه حتى هو مايعرفني..!!
بس منوا..!!
منوا هذا..!!
ماأذكر اني شفته يوم من الأيام..!!
ومحد قال أنه بيجي أحد اليوم..!!
وليش حستيه شايفه نفسه أكثر من الموقف الأول..!!
أووووه وانا شدخلني فيه..!!
بس والله شكله غريب..
شكله غريب..كل شي فيه غريب..
نظراته..شكله..هيئته..أسلوبه..
ليتني أعرف مين هو..!!
بس كيف..!!
ومين اسأل..!!
وحتى لو سالت وش بيقولون عني..!!
أصلا مالي وجه اقول لأي شخص الموقف اللي تكرر معاه..
خلني أسكت أحسن..
ومثل ماأنكتب لي أشوفه بالصدفه..أكيد راح أعرفه بالصدفه
خذت نفس طوييييييييييل....
وقمت من السرير ورتبت شكلي وفصخت العباه..
وطلعت للصاله وأنا احاول أقنع نفسي باأني بعرفه بيوم..!
::::
شفت فجر جالسه مع جمانه وابتسام ويتفرجون على التلفزيون..
وبشكل أرادي جلست جنب اختي..
لأني أحس بالأمان مدام أني بتواجد بالمكان اللي هي بتتواجد فيه..
ابتسمت لي بحنيه\وينك أنتي..!!
رديت عليها بجمود\موجوده..بس دخلت الحمام..
جمانه\أكيد عشان ترتبين مكياجك اللي أختفى..
جاوبتها بسخريه\أيــه عندك مانع..!!
جمانه بصرخه \لاااااا..
ابتسام هالمره تكلمت غصبن عنها وهي تحاول تتنساى سفر اخوها وتنضم مع جو البنات\أبي أعرف شي واحد...اذا جلستوا بمجلس ماتقدرون تمسكون نفسكم..وقسم بالله أنكم قطاوه على هيئة بشر..
جمانه\ويه بسم الله علينا..أصلا أحنا نموووت في بعض.بس تدرين أنولدنا واحنا نتخانق ونعودنا على هالشي..عشان كذا صعب نقاوم رغبتنا ونكون مسالمين..صح غلا..!!
جاوبتها وانا اضحك على جنونها اللي ماأقدر أستغنى عنه\صـــح..
جمانه\سمعتوا..يعني لاتتكلمون رجاء..أحنا لابقين مع بعض..
فجر\خلاص محنا صاكينكم بعين..الله يخليكم لبعض..
وبعد كلمة فجر اللي سكتتنا..جات راوين وهي مبتسمه..وتذكرت أني طنشتها من شوي ومشيت..وكرهت نفسي..
أنا لين متى بتعلم الذرابه..صج ثوره..!!
وأكيد خذت بخاطرها مني..!!
كيف اعتذر لها..الصراحه ماأعرف أتكلم بهالمواقف..
راوين\سلام..
جمانه\ ياويلي على بنت خالي اذا أبتسمت...!!
راوين\فرحانه..فرحــانه ياناس..!!
فجر\فرحينا معاك..!!
راوين\تركي جاء من الرياض..وموجود بالمجلس..!!
::::::
تركي
تركي
تركي
تركـــي
لا ااااااااااااااااااا
معقـــــوله..معقوله يكون اخو راوين..!!
تركي..!!
ماأصدق..
ماأصدق..
ولد عمي..!!وماأعرفه..
وكيف ماجاء على بالي الشبه الكبير اللي بينه وبين راوين..!!
وانا اقول أحس أني أعرفه..ملامحه مو غريبه علي..!!
ياربــي ...يطلع ولد عمي...!!؟
وش بيقول عني اللحين..
أكيد بيقول أني متقصده حركاتي معاه..
أكيد..هذا اللي يجي في بال الشباب دايما..
طيب يمكن مايكون تركي..!!
يمكن يطلع شخص ثاني؟؟!!
لالالا أكيد تركي..محد غيره....
ياربي...شالصدف الغريبه..!!لفيت عيني على البنات.. وشفت فجر معتفس وجهها..وجمانه متفاجأه..وابتسام ملامحه هاديه..اما راوين..مبتسمه بفرحه كبيره..
جمانه\صج..!!تصدقين نفسي اشوف أخوك..ماعمري شفته...!!الا وأنا صغيره..
راوين\أيه هو قليل جياته معنا الشرقيه..بس أخاف اذا شفتيه تموتين..!!
جمانه\ليش..!!
راوين وغمزت بعينها\مزيون اخوي..!!
جمانه\خلص زوجيني أياه..
ابتسام\ومين قال أحنا بنرضى أصلا..!!
جمانه وكتفت ايدينها\وليش ان شاء الله..!!
ابتسام وابتسمت\أنتي أدرى..!!
جمانه أنحرجت وبدت بالسب\مالت..
ابتسام\عليك..
==========
معقــــوله...!!؟
صدف غريبــه..مثيره..عجيبه تجمعني انا وياها بنفس المكان..
مين هالبنت..!!
من تكون..!!
وليش تعرضت لهالموقف معاها..!؟
وكيف قدرت أسألها..!!ليش ماتحكمت بنفسي ومشيت..
ليش ظليت واقف أناظرها وانا مصدوم..!!
ليش ماتحركت وطنشتها..!!
أحس أني غبي..غبــي..
اللي يشوفوني يقول أول مره بحياتي يشوف بنت..!!
حسيت برجفه غريبه..مو مفهومه..تحتوي كل مافيني....
حسيت أني مش قادر أتحكم بنفسي..ولا اسيطر على الموقف..!!
ليتني أعرف مين هي..!!
ليتني أعرف..!!
لكن كيف..!!
كيـــف..!!
مسكت راسي بضيق وظغطت عليه....لازلت مصدع..!!
والقهوه ماأثرت فيني..ولاريحتني..!!
وشكلها زادتني تعب..؟؟!
دخلت داخل البيت..وعلى طول للمجلس..!!
وأنا متضايق لأامرين..
أولهم أني ماعرفت هوية البنت..وثانيا مالي خلق أي أحد..
وودي أرجع الرياض وارتاح..
لكن وين الراحه..
وأنا فكري مع هالبنت..!!
اللي اقتحمت حياتي بدون سابق أّنذار..
ويوم قررت أتناسها رجعت لي فجأه.. مثل مادخلت حياتي فجأه..
أكره هالشي..أكرهه..وماتعودت أني أعيش حالة هالغموض..
تعودت كل شي أبيه يتنفذ بسهوله..
وبدون حرق أعصاب..وضيقـة بال..
لكن بعرفها..
أكيد بعرفهــا..
==============
طلع من الدوام بدري..وارسل مسج لــ سماح تجهز حالها لأنه عازمها للعشاء بمطعم
ودخل الشقه للغرفه على طول وشافها مايله ظهرها على تحت وتدور شي معين
طاح على السرير بتعب وجاته رغبه بالنوم بس حاول يجاهد نفسه..
أحمد\مساء الخير..
ارفعت عينها صوبه ونزلتها\هلا احمد..انت جيت..!!
أحمد\أيه جيت شتسوين..!!
نزلت راسها ورجعت تدور\ادور على الحلق..طاح مني..مدري وينه..!!
.. قام من السرير..وقرب لها ومسكها من خصرها وهو ناويه بتهزيأه\وش قلت لك أنا..!!
خافت..وردت عليه بصعوبه\ماقلت شي..
أحمد\طيب..تركي الحلق..وخذي حلق غيره..بس لاتعبين عمرك ..
جاوبته بقلق\أحمد..عادي..
أحمد\حياتـــي..أخـــاف عليك...ليش ماتفهمين..!!
بعد ايدينه عنها اللي ماسكه خصرها وجلست على كرسي التسريحه وحطت بعض الأغراض بشنطتها وجاوبته بنرفزه\طيب..
.سماح.. جدا حساسه..ليش ماتفهم أنه خايف عليها..!!
وقف ورى الكرسي وحبيها على راسها عشان يراضيها وهمس بأذنها اليمين\بتطولين..!!
سماح بهدوء\لا..
أحمد\زعلتي..
سماح\شوي..
ابتسم على براءتها اللي تحرك شي كبير فيه..\أفديهـــم..أفدي اللي يزعلون شوي..!
وعلى طول ابتسمت على كلامه.. وقامت من الكرسي وخذت عباتها\جاهــزه..
ابتسم لها ومسكها من أيدها\وانا جاهز..
طالعته بنظره من فوقه لتحته\ماأنت مبدل ثوبك..!!
أحمد\يووووه..نسيت..
سماح\عرفت اللحين مين اللي يأخرك..!!
مارد عليها ودخل غرفة التبديل وبدل وخذ ثوب جديد ولبسه وسكر ازاريره وهو طالع للصاله\..يالله سماح....ورانا نومه..!!
سماح\ياحبك للنظام..كل شي عندك مرتب..حتى الأكل له وقته..وانا صرت مثلك..!!
وقف جنب مراية الصاله وعدلت غترته\ليش..ماتحبين النظام..!!
سماح\صدقني ..صرت احبـــه..والسبب أنت يأأحمد..!!
============
مضى اليوم على بيت العمه هند بغمضة بصر..
وكان جميل بأحداثه ..
قرروا الحريم فيه يطلعون للبحر بعد العشاء ويمضون أخر الساعات فيه
البنات دخلوا المطبخ وعملوا بعض الأشياء الخفيفه حق الطلعه..
جمانه عملت فشار وكان نصه محروق..وتوعدت انه اللي بينطق بحرف ويعلق ياويله منها..
وبكذا البنات اسكتوا وهو ماسكين الظحكه
وراوين جهزت العصير والشاي والقهوه بمساعدة ابتسام..
وفجر عملت كيكه بالشوكلاته..
وغلا جالسه على كرسي المطبخ وسرحانه بالخبر اللي عرفته اليوم..ولازالت متفاجأه..
وتمنت امنيه غريبه..
تمنت انها تشوفه..
ليش..!!
ماتدري..!!
فجر\أقول بسرعه خلصوا..الحريم مشوا مع سلطان..!!
حطت جمانه الفشار في علبه بلاستيكيه كبيره ورفعت غرتها اللي ذابحتها\واحنا ..مين بيودينا..!!
ردت ابتسام على جمانه وحطت باقي الأكواب في الكيسه\الوليد..الوليد يتسبح اللحين وقالي بعد عشر دقايق بيمشي..!!واللحين مضت خمس دقايق..!!
راوين\فجر خلصتي الكيكه..
فجر جلست على الكرسي وخذت نفس\أيه بس حطيتها بالثلاجه عشان تتمساك..ابتسام روحي شوفي الوليد..قولي له خلصنا..!!
ابتسام\أوكي..راوين السكر وملاعق التحريك ماحطيتهم....!!
راوين\ وينهم..!!
جمانه\بتلقينهم بالدرج الأخير اللي على اليسار..!!
فجر توها تحس بااختها وسرحانها..قربت الكرسي جنبها ومسكت ايدها اللي حاطتها على خدها\غلا..
غلا\همممم
فجر وهي رافعه حاجب\شفيــك..!!
غلا\مافيني شي..خلصتوا..
فجر\ايه..
قامت غلا من الكرسي وطلعت بره المطبخ..وفجر عينها عليها والتفت على جمانه..لكن لقتها حتى هي مصدومه ..
وسكتت..أكيد بالأخير بتعرف وش السالفه..!!
::::::
دقت ابتسام تلفون لأخوها وقالت له أنهم جاهزين..وهو بالمثل توه مخلص لبس..
وبكذا البنات طلعوا وركبوا السياره وانظغطوا ظغطه محترمه لأنه سيارة الوليد رياضيه وبالموت تلبق لثلاثه ورى..
ولأن حظ جمانه نحس واضعفهم أظطرت تكون شوي مقدمه هي مع غلا
وابتسام طبعا قدام..وتضحك عليهم..
ابتسام\أقول بسرعه أتسعدلوا قبل مايجي الوليد..
جمانه ورصت على اسنانها\أنتي فكينا واللي يرحم والديك..جالسه لي قدام ومريحه..
ابتسام\ههههههههههه اذا تبين مو مشكله تعالي بدالي..
فجر\اسكتوا..هذا الوليد جاء..
ركب الوليد السياره وسلم عليهم..وحس انهم متضايقين وظحك بداخله\شكلكم متضايقين..!!
تكلمت فجر لأنها تعتبر الوليد اخوا صغير لها\لاعادي الوليد..بس سرع الله يخليك..
الوليد\ان شاء الله.
اللي هون عليهم شوي انه المسافه قريبه كثير..يعني خمس دقايق ووصلوا.
الوليد\وصلنــــا..حياكم الله..
البنات بصوت واحد\الله يحيك..
نزلوا البنات من السياره ومشوا لمن وصلوا للحريم اللي كانوا فارشين السجاده وجالسين جنب البحر والضحك كان عنوان جلستهم وخصوصا لأن الشباب كلهم جالسين معاهم وطاقين سوالف ونكت..واولهم سلطان اللي جالس جنب أمه ويجننها بسوالف ابوه..
أما هيثم كان جالس معاهم لكن بعيد شوي لأنه ينحرج من الحريم..
والغريب بالموضوع أنه تركي كان موجود معاهم لكنه بعيد عنهم يكلم بالتلفون..
البنات حسوا بالأحراج وجلسوا جنب جدتهم وسلطان..
اما الوليد جلس مع هيثم..
الجده\كان بطيتوا بعد..وين الشاي احتريه من الصبح..!!
دزت فجر ابتسام وراوين لأنهم هم اللي حطوا الشاي..\صبوا شاي..!!
راون أعترضت وانحرجت بطبيعتها\لا والله..
ابتسام\طلعي الدله..خليني أصب..!!
وبالفعل صبت ابتسام الشاي..وطلعت فجر الكيك والمكسرات والفشار وحطته بصحون بلاستيكيه مع البنات ووزعوه وهو جالسين..
ولحد اللحين تركي ماقرب ..ومحد من البنات يدري بوجوده معاهم..
الوليد حس بحزن يحتويه..ويعصر فؤاده..
معقوله بتكون هالجلسه الحلوه بعيده عنه..
معقوله بيتغرب عنهم..!!
بيقدر..!!
بيقدر على بعدهـــم..
رفع عينه بدون شعور لأبتسام أخته وشافها تسولف مع البنات.. وانتقلت عينه لجدته وسلطان..وبدون شعور ركز على جمانه اللي حفظ شكلها بين بنات عمه..وابتسم بحزن لها ..وهي حست فيه ورفعت عينها له وظلت تناظر فيه وهي مو حاسه بشي أبدا غير عيونه اللي تطفر حزن وشكوى..
وعلى طول تذكرت سفرته وقلبها خفق بجنون
كسر الوليد النظره يوم سمع حس هيثم وهو يناديه واول مالتفت صوبه حس هيثم فيه من عيونه اللي تشكي الفراق..ومانطق بكلمه وظل يتأمل وجه ولد عمه اللي بغيب سنين عنه..ويوم حس بنفسه تكلم وهو يبي يبعد جو الحزن اللي اسره فجأه..
كل هذا وجمانه ماشالت عينها عنهم وهي تراقب حركات الوليد بدون محد يحس فيها..
حاولت أنها تبعد عيونها عنه لكن ماقدرت..
الوليد بيفارقها سنيـــن طويله..
ظلت فتره تناظره وتتأمل كل حركاته اللي يسويها وهو يتكلم..ويعلق على أي شي .
لمن سمعت صوت جدتها وهي تنادي الوليد يجلس جنبها ..وشافته قام من مكانه وجلس محل سلطان اللي قام هو الثاني وجلس جنب هيثم..
بعدوا البنات شوي ووسعوا للوليد اللي جلس بين اخته وجدته وعلى طول وبدون شعور حط راسه على كتفها وهو يبي يلتمس حنان وعاطفه فاقدها من سنين طويله..ويوم ابتسام شافت هالموقف اجتمعت الدموع بعيونها لكن على طول مسحتهم بكفها وابتسمت بشقاوه للوليد\بدينا بالتلصق..!!وخر عن جدتــي..!!
الجده وعشان تقهر ابتسام قربت من الوليد اكثر وحضنت ذراعه\وانت شعليك يالملقوفه..وخري عنا يالله...
كتفت ابتسام ايدنيها وهي تدعي الغيره\وبعــــد..ايه خلاص نستوني بعد الوليد اشوف..!!
سلطان\بس أنتي اللي نسوك..أجل شقول أنا..!!
الجده\فديت الوليد والله..خلوني أشبع منه..
ابتسم الوليد لجدته بحنيه وحبها على راسها\بشتاقلك والله..!!
الجده\أحنا أكثر..بس شنسوي فيك ياوليد راسك يابس..!!طالع على جدك..!!
الوليد\هههههه حرام عليك ياجدتي..جدي راسه يابس..!!
كملت الجده\وشري بعد..انت ماتعرفه كثري..!!
وظحك الكل على الجده وتكلمت فجر\أنا ماأرضى على جدي..!!
الجده\جاتنا عاد حبيبة جدها..!!
سلطان\كملت والله..فجر حببية ابوي..والوليد حبيب أمي..وانا حبيب منوا..!!
هيثم\ههههههههه أنت حبيبي..!!
سلطان\لا والله..!!ماابيك..زهقت منك كل يوم معاي بالجامعه..!!
هيثم\لازم تحمد ربك وتشكره أنك تشوف طلتي كل صبحيه..!!
رفع ايده سلطان بسخريه وقال\أقول بس لايكثر وانا عمك..!!؟
جمانه مااستحملت..ماأستحملت اللي تشوفه..
ابتسام والوليد يجاملون وهي أكثر وحده تعرفهم..
قامت من مكانها وهي تسأل البنات\بتمشـــى ..مين ييقوم معي..!!
قامت غلا معاها..اما فجر وراوين وابتسام حلت لهم الجلسه وظلوا يسولفون..
وعيون الوليد تتبع جمانه لمن أختفت في ظلمة هالليله..
وجاء هاللحظه تركي وهو توه مسكر السماعه من مبارك اللي متفاجأ من غيابه..
وجلس جنب الشباب شوي وهومقرر انه يمشي بعد نص ساعه للرياض...
:
غلا\شفيك قمتـــي..!!
رمت جمانه الحصا اللي جمعتهم في البحر وردت على غلا بضيق\أنتي اللي شفيك..!!
تفاجأت غلا..وأدعت الامباله في كلامها\عــادي..
جمانه\أجل ليش طول الوقت كنتي مسرحه..!!
رفعت غلا أدينها الثنتين بخصرها\وليش..!!كنتي تراقبيني..!!
جمانه\مالت عليك..!!شنوا أراقبك بعد..!!صجــ..!!
غلا وقاطعتها\رجاء لاتسبين..!!أنا أكبر منك..!!
جمانه\لا والله..تصدقين توني أدري..!!
غلا\وهذا أنتي دريتــي..عندك كويز السبت..!!
أعتفس جمانه وجهها يوم تذكرت الجامعه وتذكرت أنه عندها اختبار انجليزي ولاعت كبدها..ماتطيق شي اسمه انجليزي\وععع..عندي انحليزي..!وأنتي..!!
غلا\أنا عندي كويز الثلاثاء..أقول كأنه بعدنا كثير..
جمانه وهي تناظر المكان\لاعادي..امان..
غلا وصابها الخوف\بس أنا اخاف..!!
جمانه وغمرتها الظحكه بعد ضيقة البال\صج انك..!!
غلا\أني شنوا..!!
جمانه\ولاشي..أمشي نلف..!!
غلا\يالله..
::::
ذكرى اليمه تعتصر قلب فجر..لمجرد رجوع الماضي لها..
ومو أي ماضي...
هذا ماضي تركي الأسود..
اللي يعرفه كل شخص سمع عنه..
مضت أيام كثيـره طويلـــه..وهي ماسمعت أي خبر عنه..
واليوم التقت عيونها فيه ..
وعرفت توها أنه الدنيا صغيره..
ومصير الحي يتلاقــى..
من اول مامسكت القلم وبدت تكتبت خواطرها اللي كانت دليلها في حلها وترحالها..
من أول ماعرفت الحب وعاشته بكل لحظه..
من أول ماكان عمرها 16 سنه وهي تحيا وتموت لأجل الــ (حـب)..
كانت تكتب له..وتسهر له..وتفرح له..
قلمها..كان عباره عن فيض مشاعر مكبوته بقلبها الصغير..
وهالمشاعر كبرت وانكتبت في كتاب لها..
ومع الوقت وتطورها في هالمجال نشرت أول خاطره لها في مجلة الأسبوع..
وبدت الدنيا تفتح لها ابواب السعاده من كل جانب..
ومشت الأيام وهي تكتب باوراق ورديه مغلفه بوله وشوق ولهفه..
وكانت هالأوراق هي وسيلة الأتصال اللي بينها وبين يوسف..
لمن أنكشف سرها بصوره مؤلمه وبشعه..
وانهدم أول حلم عندها..
كرهتــــه..وكرهت كل شي يتعلق فيه..
كان حبها عذري..
طاهــر.
لكنه كان ظالم ويبي يشوه صورتها بأي وسيله..
والسبب مو معروف..!!
هل هوحقد..!!او غيره..!!
لحد هاليوم ماتعرف وش السببب..!!.
لكنه أصبح محرم بين يوم وليله..
واليوم بدال ماتكتب هالأوراق الورديه..
صارت تكتب اوراق فرقــا منسيه..
منسيــه في عالم ظلمها وقسى عليهــا..
" سرحت فجر على ذكــرى قديمه تجمعها مع يوسف وتركي..وماوعت من صحوتها الا بصوت ابتسام يناديها"
ابتسام\فجور...وينك ياهــواااا..
فجر\هــا
ابتسام\ماتبين نمشي..!!انا وراوين بنلحق البنات..
ناظرت فجر ابتسام بيأس وقل حيله\ياليـــت..!!
قامت على طول وهي حاسه أنها متختنقه..وتبعتها ابتسام وراوين..
وشافوا البنات بطريقهم..
جمانه\وين على الله..!!
راوين\أنتوا اللي وين..!!
غلا\احنا بنرجع ...تعبنا من المشي..!!يالله جمانه..
ابتسام\مالت عليكم..احنا جايين لكم..
غلا بدلع\والله محد قال لكم ماتجون معنا..!!ورمشت بعيونها..وراي جمــون..
مشت غلا مع جمانه عند الحريم وهي ماتدري عن اللي بتشوفه..
مشت وهي زي الطفله الصغيره على الدنيا..
ماتعرف وش تخبي لها الأيام لبكره..
ولاتعرف غير انها بتعيش حياتها بكل لحظه تمر عليها..براحــه وصفــا نفس..
ويوم وصلوا قابلته ..وعرفته من طوله لأنه كان واقف وبيمشي..
وهي ماقدرت تمشي أكثر ووقفت بمكانها ورجولها خذلتها مثل كل مره تشوفه قبالها..
واللحين كل شكوكها كانت صحيحه..
وطلع ولد عمهـــا..
دنيــا غريبــه..تجمع أشخاص بعاد وبنفس الوقت قراب..
وعشان أيش..!!
القدر كفيل بهالجواب..!!
والبرد والجفــا...بيتصادم مع نسمة الهـــوى..!؟؟
:::
سلم تركي على اللي جالسين واسـتأّن منهم بانه بيرجع الرياض الليله
ولمح المعارضه وخيبة الأمل بوجه امه اللي فرحة بشوفته.. لكن كالعاده مااهتم للموضوع ولا لي نظراتها اللي تترجاه وكلهاحب وعاطفــة أم لولدهــا..
ويوم مشى عشان يروح التقت عينه بعينها..وعرفها..
وكيف مايعرفها...!؟؟
هذه عيونها اللي حركة شي فيه تتلاقى معه اليوم للمره الثانيه..!!
شالصــدف..وشالقدر الغريب اللي يجمعه وياها..!!
ظلوا ثواني معدوده يناظرون في بعض ..واللي حولهم مو حاسين فيهم ومنهمكين بالسوالف والجمعه..
ولولا أنه جمانه شدت طرف عباة غلا كان أنفضحوا وصاروا في خبر كانا..\غلوه..وعمى..تحركـــي..!!
انتبه تركي للحركه البسيطه اللي اصدرت من جمانه وعلى طول بعد عنهم ومشى جهة السيارات
لمن وصل ووقف لحظه جنب باب السياره وهو حاس بتشتت أفكاره..
رفع ايده وفصخ نظاراته ومسح على وجهه بضيق..
وركب سيارته وهو في باله شي واحد بيريحه من اللي هو فيه..
كاسة خمــر..
محتاجــه اللحين
==============
مرت الليله غريبه على الكل وكلن في قلبه شقى هالليله..
وقاموا بعد ساعات طويله قضوها على البحر..ورجعوا البيت..
وكلن في باله شي مختلف ومتعب..
راوين تحسرت على هاليومين الحلوين اللي قضتهم بعيد عن اللي تتمناه
وفجر رجعت لها ذكرى مؤلمه كانت منسيه في مخيلتها وجاء الوقت اللي تحيا فيه هالذكرى بكل قسوه مثل
ماعهد تها ..
وغلا تحس بشي يذوب بداخلـهــا..لكن جهلت حالتها اللي تمر فيها ورجعت تتذكر المواقف اللي رسخت في بالها اليوم وانطبعت في مخيلتها وكانها رملا تثبت في صخر مبلل بماي وعيت تختفي..وهالحاله خلتها تذوب أكثر..
أما جمانه وابتسام فحالهم مو أحسن من البقيه..
جمانه جالسه على سريرها وتتظاهر بالنوم العميق..وابتسام بالمثل,,جالسه تحتها على طول..
وكل وحده فيهم تفكيرها في اللي بيصير في بكره من أحداث..
ويوم يأست ابتسام وتعبت من تفكيرها هتفت باسم جمانه وماتدري ليش حست أنها صاحيه\أنتي صاحيــه...!؟
ردت جمانه بصوت اجش وثقيل\لانايمـــه,,
ابتسام\جمون يالله عاد..
جمانه\لا مانمــت...شتبين بســوم..!!
ابتسام وتطالع بالسقف\أنتي تفكرين باللي أفكرفيــه..
لفت جمانه جسمها بجهة ابتسام \اللي هو..
ابتسام\بكــره..تفكرين في بكره ..
جمانه\تبين الصدق..ايه..
ناظرت ابتسام بعيون جمانه وخذت نفس وبعدها تكلمت بصوت هامس وهي معقده حواجبها\مش مصدقــه..أحس أني أحلم..أحس أنه كابوس.جمانه الوليد بيسافر بكره..مش مصدقــه..
جمانه\خلاص ابتسام..ارضي باللي الله كاتبه له..وأدعي له بالتوفيــق..
تفاجأت ابتسام من رد جمانه الهادي...وين عصبيتها يوم درت بسفرته..\وبسهوله تقولينها..!!
جمانه\شو تبيني أقول..جاوبيني..!!
ابتسام\ولاشــي..لاتقولين أي شي..
جمانه وهي ضايعه\خلي اللي في القلب بالقلب..محد حاس فيني..
ابتسام وحنت عليها ورق صوتها\ولا أنا..!!
جمانه وحاولت تنهي الموضوع\خلاص ابتسام..ابي أنام..
ابتسام وتجاهلت ردها\تدرين أنا بنمشي الصبــح..
وانقبض قلب جمانه\صــج..؟؟!
ابتسام بصوت واطي وهي تلتفت للبنات اللي نايمين جنبها\أيه صج..
جمانه\ليش ماقلتي لي..!!
ابتسام\وهذاني قلت لك..
سكتت جمانه..ايش بتسوي يعني..!!
ماراح تسوي شي..والوليد مرده بيسافر سواء مشى الصبح او الظهر..
ابتسام\جمانــه..
جمانه\تصبحين على خير..
بهالكلمه عم السكون بينهم وجمانه فضلت هالشيء..تبي تختلي لوحدها وتفكر..وخصوصا مع القرار اللي اتخذته قبل يومين..وشكل هالقرار بيتأجل لمن تهدا الأوضاع شوي..
::
وانتهى اليوم وجاء الجمعه المنتظر..
في صباح الجمعه صحى الوليد وهو متروع بعد مانام له ساعتين بعد ماصلى الفجر
ودق على ابتسام وردت عليه طول لأنها صاحيه وخبرها بأنه نص ساعه وبيمشون..
ودقت الساعه وبترحل السفينه....
ياعينه لاتبكين..دموع هالعيون تزيد عذابه..
.. ياقلبه لاتشكين..خلوه يبعد وهو مرتاح الظنينه.
..هذا زمن الغبرا يشتت الأحبه..
هذا زمن الفرقا والغربه والظليمه....
ودقت الساعه وبترحل السفينه....
:::::
واقف قبال باب الصاله وهو حاظن جدته بذارعه اليمين وعمته هند ياليسار ..والرجال مقابلينه والحريم جالسين يناظرونهم من بعيد
..والجد يوسف ماسك عصاته وجلس بكرسي قريب من الباب وساكت..
الوليد حاول يدور بعيونه على جمانه بين البنات وماشافها..وعرف أنها مو موجوده...وحس بالضيقه لعدم وجودها..
الجو كان حزين ويتخلله هدوء وبروده..وكأن الكل عارف ليش هو بيتغرب عنهم..!!
ومحد قادر يتكلم ولاحتى يعترض..
والوليد يشوف ساعته ويبي يوصل البيت بأقرب وقت..
ويوم حس المسأله بتطول والجو بدى يتكهرب.. تكلم وهو يحاول يبتسم بصعوبه\يالله..لازم أمشي اللحين...!!
ومسك جدته وأول ماحظنها اهتز جسمها وظلت تصيح وتصيح وهو ماأستحمل الموقف وتركها وسلم على عمته والعيال..وقرب من جده وشافه منزل عيونه ويناظر الأرض وحب راسه وأيده \تروح وترد لنا سالم وووالله يحفظك ياولدي..
ابتسم الوليد لجده وماقدر ينطق بحرف وفتح باب الصاله وطلع وهو يسمع جدته تقول\
ودعتك الرحمن اللي لاتضيع ودائعه..
ودعتك الرحمن اللي لاتضيع ودائعه..
كانت ابتسام بالسياره لأنها ماتبي تحظر الموقف واول ماركب الوليد ماتكلم شغل السياره ومسك خط الخبر
ويوم وصلوا نزلت ابتسام \ماراح تنزل..
الوليد\بمر على صديقي وبجي..
ابتسام\اللحين بياّذن الظهر
الوليد\أدري بصلي عنده..تبين شي..
ابتسام\سلامتك..
سكتت ابتسام.تبي أشياء كثيره لكنها ماقدرت تقول شي..تبي تجلس معاه بس هو مو حاس فيها..
لكن الوليد يبي يطلع ويتنفس وخصوصا هالأوقات هذه مايبي يدخل البيت ويشوف ابوه ..
ولايبي يشوف احد..
يحس بالضيق كل مامر الوقت..
ومش عارف يحدد مشاعره..
لكن اللي يعرفه أنه يبي يبتعد عن جو البيت الكئيب,,وكل مايذتكر أنه ماسلم على جمانه يتضايق أكثر..
::::
دخلت ابتسام البيت وحصلت عزيز جالس بالصاله ويلعب كالعاده بلايستيشن قربت منه وسكرت عيونها بأيدها\منوا انا..!!
عزيز بصوت طفولي\منوا أنتي..!!
ابتسام\ماعرفتني..!!
عزيز وهو يفكر\لا.
بعدت ابتسام وضمته بقوه وهي مشتاقه له مووت\حبيبي عزيز وحشتني..
عزيز\وخري يالدبــه ليش رحتي عني..!!أنا ماأحبك..!!
ظحكت ابتسام وهي ميته عليه وضمته أكثر\وانا أموووت فيك..
عزيز\كذابه..ماتحبيبني..خلتوني لوحدي..حتى الدب الوليد راح..
بعدت ابتسام عنه وقامت وهي تمثل العصبيه\اشوفك مصدق نفسك كثير.انابطلع وبتركك لوحدك
خاف عزيز أنها تسويه مره ثانيه ولصق فيها وهو فيه الصيحه
ظل طول هاليومين زهقان وجالس مع الخدامه
ولطيفه الله بالخير ماتدري عنه وطول هالأيام طالعه يابيت أهلها او عند جيرانها وصديقاتها
والضحيه هو..
عزيز\لالالالالا خلااص أخر مره..بس لاتروحيين..
ابتسام\زين وين امك..!!
عزيز \أمي..!!نايمه بغرفتها
ابتسام\فكـــه..امش نطلع الغرفه
عزيز\بسوم..
التفت له\شتبي..
تظاهر عزيز بالتعب وتمايل بجسمه وحب يتدلع ..من زمان ماتدلع على ابتسام\شليــني..!!
ماتت ابتسام على شكله وطنشته وطلعت فوق\اذا تبيبني الحقني..
===========
دخل الوليد البيت الساعه ثلاث العصر وطلع للدور الفوقي ودخل غرفته وشاف ابتسام وعزيز يرتبون اغراضه واول ماشافه عزيز ركض له وحضنه\وينــك..
الوليد\موجود..شخبارك يابطل..
ارتفعت معنويات عزيز بمجرد كلمة الوليد له وكأنه شهاده كبيره حصل عليها\الحمدلله
جلس الوليد على السرير واسترخى وعزيز جلس جنبه\شفتي ابوي..!!
ابتسام\أيه..سأل عنك..!!
الوليد\اهــا..بروح له اللحين..
عزيز\وليد أنت صج بتسافر..!!
ناظر الوليد اخوه \ايه
عزيز\وبتطول هنــاك..!
الوليد\لا..
عزيز فجأه ارتجف فكه\ومايصير توديني معاك..
عزيز برجا\ودني معاك..
الوليد\ماأقدر.
قرب عزيز من وجهه\ليش..!!
الوليد\بــس.....ماأقدر..
عزيز\طيب ..أنا ابيـــك..
الوليد\وحتى أنا... أبيك..
عزيز\طيب لاتروح..
الوليد\ماأقدر..
عزيز بدون مايحس باللي قاله\بتتركنــي لوحــدي..!!
سكت الوليد..وسكت عزيز فتره مو طويله.. وهو مش عارف كيف يعبر عن حزنه..مش مصدق أنه أخوه بيرحل عنهم.. وظل يصيح لوحده ودموعه ملت وجهه..والوليد ماأستحمل يشوف أخوه بهالحال قربه له وحضنه وهو تعبان..
كل هذا وابتسام تناظرهم وساكته....
تحس بقلبها يدق بقوه..وشي بخفوقها يحتــرق..
مااستحملت الوضع وطلعت بره الغرفه وهي كل مافيها يرتجف..
والوليد حس فيها..وقوى قلبه..
الوليد\عزيز..خلاص..أنت بطــل صح..!!
عزيز ولازال يصيح\صــح..
الوليد\والبطل يصيح..
عزيز\لا..
الوليد\يالله أمسح دموعك..
عزيز\مابــي..
مسح الوليد دموع أخوه وحب على راسه وحاول يهديه ويفرحه بأي شي\تحبني عزيز..
عزيز\أيه..بس لاتروح..
الوليد\عزيز أنا بروح لكن بكلمك بالتلفون كل يوم..واذا رحت بتشري لك كل تبيه..وحتى السوني اللي قلتي لي عليه بشتريه من هناك..ويالله اللحين ابيك ماتصيح..البطل مايصيح..يالله أبي اشوفك تضحك..
بعد عزيز عن اخوه ومسح دموعه اللي ظلت تنهمروسكت..
الوليد ابتسم له ومسك شعره اللي على عيونه ورفعه
وظل يناظر بعيونه اللي كانت نسخه من عيون يوسف\يوســف..انت يوسف..!!
عزيز\يوســف..!!مين يوسف..!!
مارد عليه الوليد وناظر ساعته بقلق وقام على طول يلبس ويتجهز..
::::::
على الساعه اربع ونص تجهز الوليد ولبس له بدله تيشرتها ابيض والجينز كحلي وجاكيته والاب توب بايده اليسار..وشناطه كانت بالسياره
نزل للصاله وشاف ابتسام وعزيز وابوه جالسين بالصاله وينتظرونه..
وياكثر ماتعذب قلبه اليوم..
وياكثر ماصبر وتحمل..
تعب قلبه..تعــب.كفايه عليه اللي صار بالنهار والصبح..كفايــه..
حتى هو تعبان..وله قلب يشكي ويتألم,,ينجرح ويجاهد..ويسكت ويكبد بقلبه.!!
مين يسمعه..!!
ومين يشكي له وحدته..
مين..!!
طاحت عينه على عزيز وشافه يمسح دموعه بأيده الصغيره..ويوم التف لأبتسام شافها هي الثانيه تصيح بهدوء ومنزله عيونها للأرض..ويوم شاف ابوه كان ساكت وهادي ويناظر فيه نظره مافهمها ولاعرفها..
نظره غريبه..
ممكن تكون نظرة رجا..او نظره عتاب..
جهلها..
جهل هالنظره وماقدر غير يبعد عيونه عن ابوه..ويتقرب من ابتسام ويهديها بكلمات بسيطه وحنونه لكن هيهات ابتسام تسكت..بل بالعكس زادت بكا وهالمره بصوت مسموع يعور القلب..
عزيزماأستحمل يشوف اخته تصيح قرب منها وحضنها من ورى ظهرها وصاح معاها..
دق تلفون الوليد وكان ثامر يستعجله لأنه وصل بيتهم..سكر الوليد منه..وابتسام عرفت أنه بيمشي اللحين..رفعت عينه له وسألته\بتروح..!!
قرب لها الوليد وجلس جنبها\أيه بروح..
ابتسام بصوت يرجــف\ونهـــ ــون عليــك..
الوليد\لا...ماتهــونون..
ابتسام\أرجوك..لاتروح..وبنظره كسيره..تكفــــى.
حضنها الوليد وماقدرت تقول شي غير أنها تصيح لفراقه..
بعد عنها الوليد وراح لأبوه هو مش عارف كيف يسلم عليه..
يحب راسه..ولاأيدينه..ولايحضنه ويرتاح..!!
ظل واقف فتره..يناظر في أبوه..ودمعت عيونه هاللحظه وماستحمل وارتمى بحضنه\سامحنـــي يابوي..
رص أبوه عليه\مسامحــك..مسامحك يالوليد..روح ياولدي..انا راضي عليك..روح..وقلبي معاك روح..
الوليد\ صدقنــي برجــع وبفرحــك..برجع وبفرحك..
بويوسف\الله يرجعك لنا سالم..قوم ياولدي..
قام الوليد وحس أنه مرتاح..يكفي أنه أرتمى في حظن ابوه وارتاح ..يكفي أنه أبوه راضي عليه..
هالشي البسيط كفيل بانه يريحه من هموم كثيره كان شايلها بقلبه..
طلع من البيت بعد ماناظرهم النظره الأخيره وفتح باب الصاله
وابتسام قامت له بسرعه ووقفت جنب الباب وبايدها كتاب\الوليــــد..
لف الوليد عليها وقرب لها
أعطته ابتسام الكتاب وابتسمت له بين دموعها\هذا قران..بيحفظك..خله معاك وين ماتروح..
اشر الوليد على عيونه\من عيوني...وباس راسها ومشى بره البيت..
ابتسام\الوليــد..
لف الوليد للمره الثانيه..ونااظر اخته نظره أخيره وطلع وسكر الباب وراه.
وعيون ابتسام تتبعه تحفظه وترعاه..
مشى وهو متمسك بأمل وحيد..
ممكن ينور دربه..أو يرجعه خايب..
وحلقت الطياره على سماءالسعوديه متجها لـ نيويورك
وقلوب كثيره تنتظره يرجع مرفوع الراس..
والله الوحيد العالم بحال الوليد ببداية غربته
=======
مسك قلبــه بشده من ورى ثيابه وغمض عيونه بالم..
وجلس على اقرب كرسي كان جنبه..وهو حاس بدوخه تتعب جسمه..
صرخااااات كبيره تتخلل قلبه..صرخات يحس أنها تنادي باسمه...
وتقوله أنا جاي يايوسف..
جــأي.
حس فيه لؤي وترك اللي عنده وقرب جنب صديقه وهو خايف أنه النوبه ترجع ليوسف مره ثانيه\يوسـف علامــك..!!فيك شي..!!
يوسف وهو مغمض وماسك جهة صدره\لا..مافيني شي..لؤي ساعدني أبي أجلس على السرير..احس بدوخه قويه..
تشتت لؤي لكن نفذ أوامر صديقه وساعده على الوقفه ودخلوا الغرفه وجلسه على السرير وفكك ازارره العلويه وراح يجيب له ماي يبرد على قلبه..
ويوم جاء شافه بوضعيته مسترخي وايده على صدره..رفعه شوي وشربه الماي\يوسف..أنت فطرت اليوم..!!
يوسف رد عليه بتعب\شفيك لؤي أنا فاطر معاك الصبح..!!
عتفس وجهه لؤي\أجل علامك..!!
يوسف بياس\مدري..مدري..تكفي لؤي خلني بروحي شوي..ابي أريح كم ساعه..
اعترض لؤي بقوه\مستحيييل..مستحيل اخليك..تبي يصير مثل اللي صار لك ذاك اليوم..أسف حبيبي..
ابتسم يوسف غصبن عنه عشان يريح بوقلب مرهف\أقول ماني بزر قدامك..روح وكمل شغلك..
لؤي\ظحكتني..اسكت احسن..مليق وانت تتحجى..
يوسف\كيفــك..مردك بتقوم..انا بنام وبتزهق..
لؤي\نوم العوافي الغالي..
يأس يوسف منه..وحس بالضجر وغمض عيونه وهو يحاول ينام..
لكن هيهات ينام..يحس بالهام غريب..وصرخات تعتلي قلبه وروحه..
ومايدري ليش..هالأحساس يتعلق باهله..!!
بس كيف يوصل لهم..!!
كيف..!!
دمعت عيونه وهو عاجـــز عن فعل أي شي يطمن قلبه عليهم..
ويوم شاف لؤي دموعه خاف أكثر\يوســف..!!
مارد عليه يوسف وظلت عيونه تدمع بحراره وهو مغمض وساكت
لؤي\شفت..وتقول مافيني شي..!!يوســف تكلم..
يوسف\مافيني شي يالؤي..لكن قل الحيله هي اللي وصلتني لهالحال..لؤي..
لؤي\فرغ يايوسف لاتكبد بصدرك..
يوسف\مشتاق لأهلي يالؤي..وحشوني..وربي وحشوني..أبي اشوفهم لو مره.ومسح دموعه..صدقني مراح اكون اناني ومتذمر بس شوفه...شوفه وحده.. حتى لوكانت بعيده..!!
انقبض قلب لؤي ..لازال يوسف متعلق برجوعه لاهله..مايدري وش يقوله عشان يهون عليه..لأنه حتى هو عاجز مثله..وهو حاس فيه..اكيد حاس فيه..
جمــره..جمره تحرق قلوبهم ومو مخليتهم يتهنون..وبيظلون متغربين في دنيا ناكرتهم وهم مو اهل لهالظليمه.\أذكر الله يايوسف..ومافي شي عند الله بعيد..
ردد يوسف بنفسه\ونعم بالله..ونعم بالله
=========
الجزء العشرين
الفصل الأول
===========
راوين\أبي أروح البحـر..!!
ابتسام\طيب روحي..!!والا أقول...قوموا كلنا نروح..!!محتاجه أشم هواء...!!
راوين\أبي اشوف الغروب..!!
شاركتهم غلا بالحديث وكأنها أكتشفت شي خطير\طيب شرايكم نقول لسلطان..!!صدقوني ماراح يرفض لنا طلب..!!
فجر وماعجبتها فكرة أختها\أقول غلا..مو كأنك زودتيها شوي..أركدي أحسن..!!
غلا بدت بالدلع\شفيها يعني..عمي..ومايرفض لنا طلب..!!والا عندكم كلام ثاني..!!
فجر\السالفه مو سالفة سلطان وبس..أهدوا شوي..تونا جايين..عينوا خير..!!
غلا\يوووه..أحنا جايين عشان نستانس..وينها جماونا..مسويه بوزعم ربة البيت..!!
راوين\هههههههه في المطبخ جمانوا..
استغلت الغرصه ابتسام وقامت المطبخ على طول\بروح اشرب ماي..عطشانه..
راوين\جيبيلي معاك ابتسام لو سمحتي..!!
ابتسمت ابتسام لراوين ومشت المطبخ..وهي تفكر شتقول لجمانه..
أكيد بتنصدم..
وكانت بتتراجع..لكن حست بغباء..جمانه مردها بتعرف ..عن طريقها والا عن طريق شخص ثاني..
دخلت المطبخ ووقفت جنب الباب وشافتها تصب العصير في أكواب..والراحه باينه بملامحها..
حست بالذنب والضيقه..هي تعرف انه اذا جمانه درت بتزعل..وهي ماودها تعفس مزاجها وفرحتها اليوم..!!
أحتارت..تقول..والا ماتقول..!!
وظلت فتره طويله تفكر وسرحانه..
وماوعاها من سرحانها الا صوت جمانه..\بســــوم..
ابتسام\هلا..
جمانه\شفيك..تعالي..!!
قربت ابتسام من جمانه..وابتسمت بوجهها
جمانه بحنيه\تبين شي..!!
ابتسام\لا..
ضاقت عيون جمانه واستغربت..شفيها ابتسام..!!\بسوم شفيك..احس أنك مو على بعضك..!!
ابتسام\أنا....!!مافيني شي..!!
جمانه\متأكده..!!
ابتسام\أيه..ونزلت عيونها..متأكده..
حملت جمانه صينية العصير..ومشت\طيب أمشي نطلع لهم..
ابتسام\جمانـــه..لحظه..!!
التفت جمانه عليها..وسكتت تنتظر ابتسام تتكلم..
ابتسام\عندي لك سالفه..وابي أقولها..!!بس أحس زحمه والوقت مو مناسب,,,
أحترات جمانه أكثر..وفضولها لعب دوره..لكن الصينيه بأيدها ..وماتقدر تمارس طواقيسها المعتاده..ففضلت أنها تصبر شوي..لمن تلقى الفرصه المناسبه..\أوكي بسوم..خليني نطلع اللحين..ويصير خير بعدين..اوكي..!!
ابتسام\مو مشكله..
وبكذا طلعت جمانه وابتسام للصاله ..
لكن جمانه حست أنه الموضوع يخص الوليد..ماتدري ليش..!!
احساسها هالمره كان كبير..وقوي..
حاولت تتناسى الموضوع وتندمج مع البنات وسوالفهم..
بس ماقدرت..فكرت أنه تاخذ ابتسام ويختلون بغرفتها لوحدهم..لكن حستها صعبه تترك البنات لوحدهم..
جاها صوت راوين \ياهوااا..وش تفكرين فيه..
ابتسمت جمانه باحراج وخفت نبرة صوتها\ولاشي...
راوين\ياويلي على اللي يقولون ولاشي..!!جمانه شفيك..صخيتي فجأه..!!ماهو من عوايدك الهدؤء..
جمانه\ومين قال..!!أصلا أنا كلي هدوء ونعومه..!!
راوين\أهــا..طيب جمون..تعالي بقولك شي..!!
جمانه\قولي..
راوين بهس\لا قربي أكثر...
قربت جمانه منها لمن ألصقت فيها\وهذاني قربت..
راوين\أقول.....ابي أروح البحر...
ظحكت جمانه على رقة وخجل بنت خالها\ولايهمك..نروح البحر..هو قريب كثير منا..
فرحت راوين واستمتعت من هاللحظه\يعني نقدر نروح له مشي..
جمانه\نقدر..بس بنتعب....يبيلنا سياره تشيلنا...
راوين\ومين بيودينا...!
جمانه\وفيه غيره..سلطان راعي الفزعات..
راوين\أخاف يفشلنا..!!
جمانه\لاتخافين مايقدر علي..بكلمه وعلى طول بيوافق..
راوين\وثوق..
جمانه\أحم أحم..غصبن عنكم..ههههههه
راوين\أهي هذا جمانه العجوز اللي أعرفها..!!
أقتحمت غلا حديثهم فجأه\شتقولون..!!
جمانه أرمقتها بنظره حاده\وأنت شعليك..!!
غلا\أقول جمانه..
جمانه كتفت أيدينها وتسندت على الكنب الجلدي\نعم..!!
غلا\أنقلعــــي...وقامت بسرعه جنب الحريم قبل ماتسمع ردة فعل جمانه اللي دوم تقهرها..
===========
متى بتجي..!!
الوليد\ماأدري..أحتمال بكره بالليل..اوفجر الجمعه..!!
ثامر\ماتحس انها صعبه وضيق عليك..!!
شرب الوليد الكوفي اللي طلبه وهو يحس أنه الوقت يمشي بسرعه زي ماقال ثامر..بس هو مجبر أنه يروح\أنا أصلا أنا رايح رايح..عمتي لازم أسلم عليها قبل ماأسافر..
ثامر\على راحتك..بس حاول تجي الخميس أحسن لك..
الوليد\يصير خير..وأنت خلصت أمورك..!!
ثامر براحه\..والله يصبرنا على فراق هالبلد..
الوليد\تكفى ياثامر لاتذكرني...كل ماأتذكر أني بتغرب بعتصر هالقلب..
ثامر\يالله أحنا رايحين ندرس..والله يثبتنا ان شاء الله...
الوليد\ أن شاء الله....يالله قوم وراي طريق..
ناظر ثامر ساعته وكانت 8 والعقرب الكبير على10\تونا..شفيك مستعجل...!!
الوليد\وراي شغله ولازم اخلصها..
ثامر\أوكي..
طلعوا الشباب من الكوفي وقرروا يتلاقون الجمعه
الوليد ماكان عنده شغل ولاشي..بس كان يبي يختلي بنفسه شوي..
الوقت صار يخونه..وهو يحس بالتشتت بأفكاره..
يتخيل وش بيصير اذا عرفت جمانه..
يتخيل كيف بيسافر عن أهله..
كيف بيكون الوداع..
كيف بيصبر من دونهم.
صعب ..سفره بيكون صعب..
بيترك كل شي وبيسافر..
بيترك أبوه وأخته واخوه..وجمانه... وحلمه بانه يكون مشهور ولاعب محترف....
كل شي بيتركه...بسبب مجرد أمل ضعيف..ممكن يحيا وممكن يموت وهو ماطلع للنور..
لكن خلاص هو قرر الله معاه ودليله في كل خطوه يخطوها..
هو يمشي باحساس قلبه..باحساس قلبه اللي يقوله يوسف حي مامات..
والله كريـــم..وعلى نياتكم ترزقون...
==========
لا..مستحييييييل..!!
بعد ماطلعوا البنات (غلا وجمانه وراوين وابتسام) للبحر قررت ابتسام تقول لجمانه كل شي وتحطها بالصوره..مدام غلا وراوين مبتعدين عنهم..ومافي ناس موجودين هالوقت..
لكن أبدا ماتصورت تكون ردة فعلها بهالصوره..
:
وتحسفت على قد شعر راسها أنها تسترت على الموضوع وماخبرت جمانه....
جمانه تايهه.. مساكه راسها بعجز..وتروح وتجي من التوتر والضيقه اللي مصاحبتها من أول مادرت بالخبر..
خلاص الوقت ضاع والوليد بيسافر بعد يومين..!!
وش بيكون حالها..!!
ووقفت وهي مقابله ابتسام وعيونها كلها لوم وعتب عليها..\ليش ياابتسام..ليش ماقلتي لي..!!
حال ابتسام ماكان أحسن من حال جمانه..حتى هي متضايقه..اذا جمانه بتفارق حبيب..فأبتسام بتفارق أخو وعايله كامله تشتت بعد الوليد\وش تبيني أقول..أقولك أخوي تقدمت سفرته وبيروح بعد يومين..جمانه..
لاتزيديني لوم وضيقه..يكفي اللي فيني..أنا خلاص ماعدت أميز أفعالي..ماعدت أعرف اذا أنا عايشه والا لا..!!
سفرة الوليد هدت حيلي وارهقتني..!!فلا تلوميني أرجوك..كفايه لوم..
أنا أبي أحد يواسيني..مو يزيد علي..!!
أنتوا مو حاسين بحرقة الجوف اللي بصدري..
مو حاسين..ولا بتحسون بيوم ..
مشت ابتسام بعيد عن جمانه وهي ماتبي تقول شي تندم عليه بعيدن
وجمانه كانت منصدمه منها..ومو مستوعبه اللي قالته ابتسام..
ويوم شافت ابتسام تبتعد عن البحر..توها تستوعب..وعلى طول صرخت باسمها بدون شعور..\ابتســــــــام....
وابتسام سمعتها ولفت عليها وهي بمكانهاواقفه..
مشت جمانه لها لمن صارت قبالها..وعم الصمت بينهم..وماينسمع غير موج البحر اللي يتلاطم على الصخر ويرتد بكل قوته..
رفعت ابتسام أصبعها السبابه ودمعتها بعينها\شوفي جمانه..اذا بترجعين تلومينــــي فروحي أحسن لك....
حضنتها جمانه بكل قوه كانت عندها وسكتت ابتسام على طول وكأنت فعلا محتاجه حضن يضمها ويريحها وينسيها هموم بكره..
تمتمت جمانه باذن ابتسام بصعوبه وكل مافيها يرتجف \ألوم اللي يلومك يابتسام..ألوم اللي يلومك..سامحيني..سامحيني أرجوك..
ابتسام\جمانه..ليش مو حاسني فيني..أبي ارتاح..تعبت ومو قادره ارسي على بر..حاولت كذا مره اتأقلم مع الوضع..لكن ماقدرت..غصبن عني..غصبن عني..ماابي أخسر أحد ثاني..مليت..مليت من وحدتي وحزني..أبي أنسى..ماابي أحب أحد ثاني..لأن كل اللي أحبهم يروحون عني..ويخلوني بروحي..
ماأبي أنصدم..
تعبت وانا عايشه بروحي..
متى برتاح..قولي لي..متى برتاح..!!
وسكتت..وظلت تصيح..وتصيح في حظن جمانه..
ويوم هدت أبتعدت عنها. ومسحت دموعها بطرف عباتها.
وجمانه حاسه باللوم.\أسفه ابتسام..
ابتسام\لاتتأسفين..وانسي الموضوع..
جمانه\كيف أنسى وانتي متضايقه..
ابتسام\لا خلاص انا مو مضايقه..ارتحت لأني كلمتك..خفت أنك ماتفهميني..
ابتسام بابتسامه جافه \أثارايك تحبينه وأحنا ماندري..
أنحرجت جمانه..ودزت ابتسام بعيد..\ومين قال أني أحبه..
غمزت ابتسام بعيونها\لا والله..!!
جمانه\أي والله..
ابتسام\بيجي اليوم...
مافهمت جمانه عليها وضاقت عيونها\منوا..!!
ابتسمت ابتسام\الوليد..بيجي الليله..
بدون شعور قالت جمانه\صـــج..!!
ابتسام\أيه صج..!!أمشي نروح للبنات..شفيهم كيف يلعبون بالماي..شكل غلا عطت جرعات خبال لراوين..
التفت جمانه للبنات ومشت مع ابتسام لهم.. ..وفكرها بالوليد..بيجي الليله..يعني بتشوفه..هذا الشي ريحها كثير..على الأقل بتشوفه قبل مايسافر..
============
هند\يعني مو جايين اليوم..!!أنت قلتي لي أنهم بيجون..!!
الجده\أيه كانوا بيجون لكن سميه مارضت تجي معهم..!!
تكلمت نور ولهجتها ممزوجه بخوف\طيب ليش ماتجي سميه..شفيها..!!
الجده\تقول أمها أنها تعبانه..وهي مافيها الا كل خير..دلع بنيات,,
تنهدت هند بحزن على حال بنت أخوها سميه\الله يهديها ان شاء الله....
الجده\وين عشاك..والا مانتي بعشيتنا..!!
هند\شدعوه يمه..أنا انتظر هالبنات يجون..والتفت على فجر..فجور حبيبتي..دقي على جمانه قوليلهم بنحط العشاء..
طلعت فجر تلفونها من شنطتها\ان شاء الله عمتي..
ابتسم الجده بوجه فجر بكل حب وفخر\أيه هذا البنت السنعه..مو مثل المهبل اللي هجوا بسرعه..
بادلتها فجر الأبتسامه وكلمت جمانه\هلا وينكم..
تكلمت الجده بصوت عالي عشان تسمع جمانه\ياللي ماتستحون بسرعه تعالوا البيت..ولاتهيتوتن زي الصبيان..
جمانه على الخط وهي تضحك على كلام جدتها\وييييه..الجده معصبه..
فجر\حدها معصبه.يالله تعالوا..
جمانه\اللحين جايين..بس ننتظر سلطان..
تكلمت فجر بصوت واطي\بسرعه..
جمانه\هههههه طيب سلام..وسكرت..
الجده\وش قالت..!!
قامت فجر وحبت راس جدتها\بيجون يالغاليه,,هدي أعصابك..مو زين عليك..
كلمات فجر البسيطه بعثت الأبتسامه في وجه الجده ونست البنات على طول..ويوم شافت هند الموقف ظحكت\مفعولك قوي يافجر..صرتي أحسن مني..!!
فجربهدوء\ليتني أصير مثلك..أو حتى جزء منك..!!
هند\ياعمري والله مين مثلك أنتي..!!...والتفت لأم أحمد وقالت..الله يخلي لك فجر ان شاء الله..
رفعت أم أحمد ايدها لفوق \آميييييين..
وكلها لحظات وجاوا البنات وحطوا العشاء لهم وللرجال وتعشوا
==============
كانت ماسكه كيسه مليانه حلويات وطايره من الفرحه لأنه أبوها رضى لها تشتريهم..وكل مره تفتح حلاوه وتاكل شوي منها وتفتح الثانيه وتاكل شوي منهاوتضحك بجنون..وابوها جالس يناظرها وهو يسوق ويظحك على ضحكتها \يالدبـــه..!!بسج حلاو..
مااستوعبت ريوف كلام أبوها وظلت طول الطريق تاكل وتفتح لمن فتحتهم كلهم وارتاحت\اللــــه حلو حلــــو..ثنوا تقول..!!وحطت ايدها على فمها ودمعتها بعينها..أنا دبـــه..!!
ظحك عبد الرحمن على براءة بنته وحركاتها العفويه اللي تهبل فيه وتمسح أي ذرة عقل عنده\أيه دبه..دبـــه كبيره بعد...
قطت ريوف الحلاوه اللي بفمها ونزلت دمعتها\أنت الدبه..!!
علا نبرته شوي\لا أنتي الدبه..يالدبـــه..
ريوف\لااااااااا..انا مو دبه..مو دبه..
عبدالرحمن\وبعدين ليش تقطين الحلاو..اللي يجيبك معاه مره ثانيه السوبر ماركت..باخذ روز معي..وبخليج لوحدج في البيت..
حركت ريوف رجولها بعصبيه وهي مصدقه أنه أبوها بخليها بالبيت لوحدها ورمت كل الحلاو بالأرض..وهو ماهتم فيها وظل يضحك على حركاتها لمن وصلوا البيت ونزلت على طول من السياره اما عبد الرحمن فتح الشنطه بينزل الأكياس وجاه تلفون وكان أحمد داق عليه وظل يكلمه ونسى ريوف اللي ظلت تصيح جنب باب البيت..ويوم أنهى مكالمته شافها وظحك عليها وخذا ألكياس وفتح الباب وطنشها ونادى روز تشيل باقي الأكياس معاه
وظل واقف جنب الباب قبالها وهي بنفس الوضعيه ساكته ودموعها بعيونها.. وعرف أنها مو متحركه أبدا الا اذا أحد مسكها ..
ظحك كثير على بنته..هذه عادتها ومستحيل تغيرها ابدا وعلى طول شالها بخفه ودخلها الصاله وقطها على الكنب وفصخ غترته وجلس جنبها وحضنها\بنتي دلوعه..!!
مشت ريوف دموعها بثوب أبوها وتكلمت بصوت خشن من كثر الصياح \ماأحبــــك..كله تصلخ علي..بعلم يدتي عليك.
جارها عبدالرحمن بالكلام ومثل أنه خايف وحضنها بقوه\لالالا لاتقولين لها..أخاف تطقني بعدين..!!
شدت على اسنانها وقالت بقهر\الا بقول لها..تطقك بالعصا مالتها..وظحكت بخبث وهي تتخيل أبوها ينضرب بالعصا..
عبدالرحمن\ياشقيه..ترضين أنه أبوج ينطق..!!
ريوف\أحثـــن..تثتاهل..
فتح عبد الرحمن عيونه ومسوي نفسه مندهش وتركها وقطها على الكنب\وبعد أستاهل..أوريج..جلسي هني لوحدج...بروح أنا أنام..وياويلج ان جيتيني ولاتسبحتي..!!وابتسم بخبث..يادبــــــه..ودخل المطبخ وقال لروز تسبح بنته..وطلع فوق يتسبح وينام..
ويوم مرت ربع ساعه شاف أحد يفتح باب غرفته فتح عيونه شوي وعرف انه ريوف وعلى طول غمض عيونه وسوى روحه نايم ومو حاس فيها..وعلى طول جاته بنته وشعرها مليان ماي ولابسه بيجامه بيضه ومستعده للنوم ورفعت رجولها بصعوبه عشان تطلع للسرير وجلست جنبه ونامت..يوم حس عبدالرحمن أنها نامت ضمه لصدرها وحب راسها وعرف انها توها متسبحه وابتسم بحنيه.. مسك ريموت المكيف اللي كان محطوط جنبه وقصر عليه لأخر شي وغطاها بفراشه ونام وهي بحضنه كالعاده..
=================
ناظر الوليد ساعته الفضيه وشافها 12 ونص..
مر الوقت عليه بسرعه وماحس أنه وراه طريق الا على 12 .. بركن سيارته على جنب..وتفشل من عمره كيف بيدخل عليهم هالحزه أكيد كلهم نايمين..وكيف أصلا بيدخلونه الا بوجود جاسم زوج عمته هند..
ويوم وصل للبوابه قرر يكلمه عشان يدخله ..وضرب على رقمه وهو منحرج وتوقع انه مايرد عليه لكن تفاجأ أنه باول رنه رد..سلم عليه وسأله عن أحواله..وتفاجأ للمره الثانيه يوم عرف انه كان ينتظره هو وعمته هند..سكر منه وظل ينتظره..
وهو يسأل نفسه..مين قال لهم أني جاي..!!أكيد جدتي..!مافي غيرها..!!
والله أحراج ليتني ماجيت بس..وأنحطيت بهالموقف..اللحين وش بيقول عني الرجال..مستهتر وتوه متفرغ..!!
أوووف الله حاله..
وعلى هاللوم والتفكير شفت سيارة جاسم من بعيد..ويوم قرب نزلت من سيارتي ورحت اسلم عليه\السموحه منك..تعبتك معاي..
جاسم\أفا عليك يالوليد لاتعب ولاشي..يالله تعال وراي..عمتك تنتظرك..!!
ابتسم الوليد باحراج فظيع وقال\ان شاء الله..وركب سيارته..
وكلها خمس دقايق ووصلوا نزل الوليد وترك شنطته بالسياره ..ووقف له جاسم لمن جاء له وحط ايده بكتفه \حياك...
الوليد\الله يحيك...ودخلوا البيت وعلى طول للصاله لأنه هند كانت منتظرتهم وأول ماشفاها الوليد حن لها لأنه واضح عليها التعب والأرهاق وفجأه تذكر امه وترحم عليها بقلبه اللي أنفطر حزن بذكراها..سرع خطواته من عمته يوم شافها بتقوم عشان تسلم وجلسها وحب راسها\والله ماتقومين..وانت تعبانه...
ابتسمت هند بتعب خفيف وضربت الوليد على صدره بخفه\وليش توك تجينا..!!كنت أحاتيك..!!
جلس الوليد جنبها ..وناظر جاسم اللي كان يبتسم لهم وبعدين لف على عمته\شسوي ياعمتي..والله نسيت وماتذكرت أني بجيكم الا متأخر..
هند بعتاب\أخر مره تسويها...
الوليد\هههههههه ان شاء الله..
تذكرت هند سفرة الوليد وتكلمت بجديه عشان تخفي حزنها عليه\وش صار على سفرتك..!!
أستغرب الوليد..مايذكر أنه قال لعمته عن هالموضوع\أنتي دريتي..!!
هند\وفي أحد تتوقع مادرى...أنا ماراح ألومك لأن خلاص مضى وقت اللوم...لكن اللي ابيه منك تشد حيلك وترفع روسنا..وتجيب لنا الشهاده..
أرتاح كثير الوليد من كلام عمته..يمكن لأنها الوحيده اللي تقبلت الموضوع بكل واقعيه وماتضايقت زي البقيه..
الوليد\شفتي عيوني...من عيوني ياعمه..!
أخذت هند نفس وكملت كلامها بصعوبه\الله يوفقك..واللحين يالله قوم نام..تأخر الوقت..
جاسم\ها ياهند أرتحتي اللحين...!!
هند\أكيد.. ايه صحيح تعشيت..
الوليد\ متعشي..تسلمين..
قامت هند بصعوبه بعد مساعدة الوليد لها\..يالله أنا بروح أنام وراي قومه الصبح..وخذ راحتك ...وابتسمت بحنان...البيت بيتك
===========
جوعـــــانه
..وابي أكل شي يسد جوعي..
بتقولون لي ليه ماتعشيتي..!!بقول لكم جلست جنب الرقيقه غلا اللي كانت مسويه ريجيم وسدت نفسي على الأكل...وماكلت غير ملعقتين خضار وقمت وانا متنرفزه منها...وفي شي ثاني سد نفسيتي كلها..لكن ماراح أّذكره..أنتوا تعرفون أكيد..!!
طلعت من الغرفه بهدوء عشان مااقوم البنات اللي ناموا بغرفتي وسكرت الباب ببطىء..ويوم انجزت المهم الصعبه أطلقت واااااااو كبيره بعد..
ورحت للمطبخ وفتحت الثلاجه على طول... لعل وعسى أشوف شي بقى من العشاء..لكن للأسف مالقيت شي..
أكيد الخبله جيليتا خدامة جدتي رمتهم بالزباله أو كلتهم..مالت عليها الدوبه..
تسندت على الثلاجه وانا الجوع ذابحني واصوات بطني بدت تطلع وتقول أنقذوني..
وشفت علبة ببسي مسكره..خذتها وفتحتها..
أدري بتقولون مجنونه..بس شسوي هذا الموجود حاليا..
شفت كيسة توست محطوطه بطاولة المطبخ..وفكرت أسوي لي توست بجبن..لكن تعيجزت وطنشت بطني..تذكرت أني حاطه سنيكرس بدولاب الصاله وطلعت اخذه.ياسلام..حلت السهر عندك ياجمانه..!!
و شفته وماحد كله..فتحته على طول بأيدي اليمني..وأيدي اليسار ماسكه قوطي الببسي لكن سمعت أزعاج وراي وصكت باب.. لفيت وجهي بسرعه..وشفت الوليد وصرخت\يمـــــــه..وحطيت الببسي والسنكيرس بوجهي وكأنهم بيحجبوني عن الوليد..وعلى طول تخبيت ورى الدولاب لأنه كانت في فتحة ديكور جنبه..ودخلت نفسي غصب فيها..لمن تغلصت..!!
وقلبي..!!
شنوا قلبي..!!
احسه بيوقف من نبضاته المتسارعه..وغمضت عيوني بدون شعور والببسي والسنكرس بوجهي لحد اللحين..
:
سمعت صوته الهامس وكان قريب مني حيل\جمانه..؟
عرفنـــــــــي..!!يارب ثبتني ماأقدر أستحمل..
عاد اسمي مره ثانيه\جمانه وينك..!!
رديت عليه وجسمي ينتفض\هلا...هلا...الوليـــ ــــــد..!!
كلمني ووصوته هادي ومحرج\آسف ..ماكنت أدري انه في أحد موجود..!!كنت طالع أخذ شنطتي من السياره..وووبس..
جمانه\لاعادي الوليد..أدري أنك ماتقصد......وسكت..وهو سكت..وظلينا فتره ساكتين..سبحان الله تحققت أمنيتي على طول وشفته وهو شافني بموقف ماعمري تصوت أنه بيحصلي بيوم..
وبعد فتره..ماحسيت فيه..
وشكله راح..حسافه..
لكن أتفاجأت بصوته مره ثانيه..
الوليد\أحم..ماراح تقولين لي على السلامه..او على الأقل شلونك..!!
ياربي..وانا اللي مفكره أنه راح..أثاريه موجود..معقوله يفكر بنفس اللي أفكر فيه,...!!
رديت عليه بصوت واطي وأنا منحرجه\الحمدلله على سلامتك..
الوليد بهمس\بس..!!
ابتسمت له..ماراح يوفت هالفرصه\أيه بس......وكملت وانا مغصوبه... الوليد معليش تدخل غرفة العيال أبي أطلع..
الوليد\أفا طرده يابنت العمه,,!!..
لاياالوليد مو طرده..أخاف أذوب قدامك..ياويلي شفيني..!!
جمانه\لا ..أخاف يطلع ويشوفونا...ووو
قاطعني بسرعه وتفهم الوضع\أوكي..انا بدخل..تصبحين على خير ....جمــــانه..
غمضت عيوني وأنا هيمانه..اسمي حلو على لسانه..\وانت من اهل الخير..
وسمعت فتحت باب وعرفت أنه راح..
وانا على طول تركت هالببسي والسنيكرس اللي مخبيه فيهم وجههي وحطيت بالطاوله ودخلت غرفتي انام..وانا شبعانه...
شبعانه حــــب...!!
============
فتحت عيوني ومسكت ساعتي اللي جنبي وشفتها 11 بالظبط..لفيت وجهي الجهه الثانيه وشفت غلا نايمه وشوي بتوصل عند الباب من كثر حراكاتها....أما جمانه على سريرها..و مايبين شي فيها غير رجولها الطوال..
وشكل فجر وابتسام صاحين من زمان وماحسيت فيهم..
قمت من فراشي بكسل..الصراحه ودي أنام اكثر..لكن فشله وش بيقول عني..!!
دخلت الحمام اللي بالغرفه وكانت هذه أول مره أدخله..ياحليلها جمون..حتى الحمام صابغته اصفر..!!
تموت على الأصفر هالبنت..!!ولمساتها كلها أنثويه والورود المجففه منتشره بكل جهه حتى بالحمام..!!..بس لوتخف من دفاشتها تطلع بيرفكت..!!
غسلت ةجههي بالماي وشفت وجهي بالمرايه...
ضعفت كثير..
معقوله كل هذا تفكير..
لكن مو مشكله ضعفي أبرز ملامحي أكثر..
ابتسمت على تفاهتي..وذتكرت أنهم أحتمال يجون اليوم..
يارب يجون..!!وحتى لو جاوا..وش بيصير يعني.!!
صج غبيه..!!
خلني أطلع تأخرت عليهم..وبلا كلام ماله معني..!
وطاحت عيني على البنات مره ثانيه..وكنت بصحيهم لكني مو ناقصه تهزيأت توني صاحيه ومالي خلق..
طلعت من الغرفه وأتجهت للصاله وشفت الكل مجتمع ماعدا فجر وابتسام..لكن سمعت أصوات البنات في المطبخ ورحت لهم على طول وشفتهم جالسين يفطورن..
راوين\صبـــــاح الخير..
فجروابتسام\صباح النور..
طلعت فجر كرسي لي وقربته جنبها\تعالي فطري معنا..
جلست جنبها وشفت عصير برتقال وصبيت لي منه وشربته..من متى صاحين..!!
ابتسام\يعني ربع ساعه..
راوين\أها زين..خفت أنكم صاحين بدري..
فجر\والبنات صحوا..!!
ظحكت بنعومه وقلت\ولاقنبله تقومهم..
ابتسام\يمه منهم..أكثر ناس بالعايله ينامون..ماتشوفونهم صايرين طوال..!!
راوين\صج..!!اجل بظل طول اليوم نايمه..!!
فجر\أجل تصدقون أنا سمعت العكس..!!بس خلاص راحت علينا ووبيظل هذا طولنا..
مسحت شوي جبن بالخبز وابتسمت برضا\ على كل حال..
==============
توني ماسك خط الطريق وناوي أنزل الشرقيه..ومن الشرقيه لراس تنوره..
أمس قررت أني ماأروح وأخلص شغل المشروع..
لكن مدري ليش غيرت رأي على طول ..وماشفت نفسي الا مجهز أغراضي وراكب السياره..وكلها أربع ساعات وواصل ..
ظغطت على راسي بألم وفصخت النظاراه الشمسيه....راسي مصدع وكله بسبب سهرة أمس..
كثرت بالشرب لمن داخ راسي ونمت بدون ماأحس.... .. وغير كذا تذكرت أني ماشربت قهوتي الصبح..ومافيني أرجع وأشتري لي قهوه من أحد هالكفيهات..
شفت على يميني محطة بنزين وجنبها (قهوة الطريق) لفيت لها وطلبت قهوه وكلها نص دقيقه وخذتها وطبعا ماحطيت سكر لأني أحبها مره عشان تصحصحني أكثر..
ومشيت ودعست الطبلون..أبي اوصل بسرعه..وناوي أخلي هالأربع ساعات ساعتين..
شغلت على الراديوا عشان ألهي نفسي بهالطريق..
حطيت على أف أم وطلعت لي أغنيه غريبه مصريه وممزوجه بعربي..
صج سخفين كل واحد حس أنه صوته حلو حط له اغنيه وصار مشهور.
مصدقين حالهم كثير..أجل هذه أصوات..!!
طفيت الراديوا وخذت لي شريط لــ عبدالحليم حافظ...*..نار ياحبيبي نار..*وشغلته..
سمعت صوت تلفوني يدق..قصرت على المسجل..وجلست أدور عليه وأنا أبي أتذكر وين حاطه..
وبالأخير شفته تحت المقعد اللي جنبي خذته على طول قبل مايسكر وشفت المتصل مبارك..
ورجع لي الصداع ثانيه وضاقت عيوني بملل....شيبي هذا متصل..!!توني شايفه أمس..!!
وعلى طول بدون شعور قفلت تلفوني بوجهه..وقطيته ورى..وطولت على المسجل..
===========
صار لي نص ساعه واقفه جنب المرايه واحاول أدخل هالعدسات الكحليه اللي مو راضيه تدخل..
وياانا ياهي اليوم..بتدخل يعني بتدخل..
ومدام أني دخلت الأولى بتدخل الثانيه غصبن عنها..
بس شفيها زهقتني ياربي..الكل تجهز وخلص الا أنا..!!بقى لي اكمل مكياجي ومكياجي أعرفه ياخذ مني ساعه كامله ..ياربي شسوي اللحين..
والله يشوف شكلي يموت ظحك عيني مفتوحه على ألاخر وتدمع.. وجسمي كله على المرايه والشعر مرفوع أي كلام..
ليكون مقلوبه عشان كذا ماتدخل..!!
خذت العدسه وحطيت لها السائل اللي ينظفها وقلبتها وحطيتها بوسط عيني وتركتها...وعلى طول دخلت..
أخييييرا..أثاريها مقلوبه وانا ماادري...!!آآآآه ...غمضت عيوني عشان ترتاح شوي وجلست على سرير جمانه..ويوم حسيت أني أرتحت فتحتها وخذت منديل ومشيت دموعي اللي نزلت..
وبديت أشتغل بالمكياج..
ومدام أني لابسه بلوزه فوشيه وجينز كحلي..راح أحط مكياج بسيط..
خذت القلم الكحلي وحطيته تحت عيوني والماسكارا برموشي ثبتها..صحيح أني مو محتاجه تطويله رموش..لكن ماأقدر لازم أحطه.... وبعدها حطيت قلوس وردي وشوي بلاشر فوشي وانتهيت..
ماله داعي احط اوفر..
فتحت شعري ونفشته شوي ورفعته كله ونزلت خصلات من ورى..وانتهيت اخيرا..
بس بقى احط الحلق الغجري اللي كان بلون البدله فوشي..
خذته من الشنطه ولبسته..ولبست أساوري السته اللي كانت بالطراز الهندي..وهذا شي اساسي عندي..!
وابتسمت أبتسامة رضا على شكلي..
وطلعت للصاله وانا عارفه أني باخذ تهزيأه من امي على جلستي المتأخره...
وبالفعل اول ماطبيت الصاله عطتني أمي الكلام العدل..والمصيبه أنه الكل جالس ..وغير كذا كانوا يتغدون ومطنشيني..
هو أكيد بيطنشوني..أمس حالت فيني عمتي هند وبالموت كلت
واليوم شكلها يأست مني..
...شفت سلة فاكهه على الطاوله..خذت لي تفاحه وجلست على الطاوله..وأنا شوي منحرجه..
أم أحمد\بدري غلا..كان كملتي نومك..
ظحكت على أمي عشان أخفف الموقف علي..وناظرن بفجر عشان أستنجد فيها\ههههههه والله كان ودي لكن أحترمت روحي...
سمعت ظحكة جمانه اللي كنت جالسه جنب ابتسام \هههههه صج أحترمتي روحك..!
التفت العمه هند على بنتها وضربتها على أيدها\وانتي مو أحسن منها..توك صاحيه ياحظي..!!
وأنا هنا مت ظحك..احسن مو أنا بس اللي أتهزأ..تستاهل جمانوا..مسويه نفسها بو زعم أنها الزينه..مالت عليها...وبكذا سكتت وسكرت فمها..أحس مالي خلق أزعاج من الظهر..
لكن حسيت أنا في أحد ناقص..مو موجود..
أيه..جدتي وينها..\أقول فجر..وين جدتي..!!
فجر\عند العيال بالمجلس..
غلا\أها..
فجر\تبين منها شي..!!
ظحكت...يعني شنوا أبي منها..!!\لا..بس أسال عنها..!
ابتسام\..
هند\وين ياأبتسام,,,!!
ابتسام\لا خلاص ياعمتي..شبعت يعطيك العافيه..
هند\يعني بتسوين نفس غلا..!!
التفت علي ابتسام وقالت بقهر\وأنا اقدر أصير مثل غلا..همتها عاليه البنت..!!
وظحك الكل على لهجتها,,أما أنا..ابتسمت بفخر وغرور ورمشت بعيوني\شكـــرا..وعلى طول جت عيني بعين مرت عمي نور..وانحرجت الصراحه..ليش مدري..!!
أحس اذا طالعتني اخجل منها عكس أزواج عمي البقيه..
يمكن لأنها هاديه ونادر ماتتكلم مع أي شخص..
أو يمكن لأنها دوم تبتسم بطيبه ونيه صافيه..
مااعرف ليش..!!
لكن اللي اعرفه انها الوحيده اللي أستحي منها..
واكره أني أنوضع بهالمواقف..لأن شخصيتي تتغير كليا..
ومااكون غلا اللي الكل يعرفها...
:
قطع افكاري صوت جمانه وهي تتدلع على أمها \يمه ترى أقولك من اللحين..بنطلع ونتمشى ..
رديت عليها عمتي وهي تتمصخر عليها\ومين ياعمري بيوديكم..!!
جمانه بصوت أجش وحريمي\لاتخافين علينا..احنا مرتبين الوضع عدل..سلطان بعد عمري..!!..خلف أهلي والله..يعلني ماأّذوق حرته بيوم بيتكفل بهالشي..!!
الجالسين كلهم ظحكوا على كلامها..ومطها بالكلمات...
مو قلت لكم أنها عجوز..وماتصدقون..!!
ومحد مصبرني على خبالها الا انها تفهمني بسرعه..لأني حتى أنا أبي أطلع..
جمانه\ها وش قلتي يمه..
هند\ماأدري..
الصقت جمانه بأمها أكثر وبدت تتدلع\يمه..تكفيييييين..
دزتها عمتي بخفه وهي مالها خلق للدلع اللي مو جاي بوقته\زين..زيــــن..وخري عني..
جمانه\يعني موافقه..!!
هند\اوووف اللهم طولك ياروح..مواقفه..وخري عني جمانوا..
ظحكت جمانه بجنون وباست أمها بدفاشه\واااي أموت فيك يمه..ياحبيبتي أنتي,,!!وقامت تنطط زي السبال.....يالله بنات جهزوا حالكم..وينــ فجر..!!
رفعت فجر راسها\هذاني موجوده..
جمانه\هههههههه والله ماشفتك..يالله قوموا..وانتي أول وحده بتقومين معانا..!!
فجر\يصير خير..
ضربت جمانه رجولها بالأرض بعصبيه\فجـــــــــــــــــــر..قومي....!!
فجر\ههههههه زين..أصلا حتى أنا نفسي أشم هواء..
=============
يتمشون على البحر..ومستمتعين بجو اليوم الحلو..
ماكان حار ولابارد..كان معتدل بنسيمه الدافي.. ولولا الرمل اللي عكر وذبح عيونهم..كان طلع ولا احلى..
الوليد حاط أيدينه بجيب بنطلونه الفضفاض النيلي..وكان رياضي قح بجزمته الرياضيه..تيشيرته أبيض ولابسه كاب نيلي\ماراح يجي طلال..!!
سكر هيثم تلفونه وحطه بجيب بنطلونه الجينز\مااظن.يقول أحتمال يجي..واحتمال لا..!!
الوليد بحزن ياكل قلبه\حسافه كان ودي نسهر الليله مع بعض..!!
حزة في نفس هيثم هالكلمه لأنها بتكون أخر سهره مع الوليد اللي كان صديق وولد عم واخو بنفس الوقت..
مايدري كيف بيقدرون على فراقه..
صحيح هم نادر مايشوفونه وخصوصا لأنه مقسم وقته بين النادي والجامعه..لكن بيظل له اثر كبير بعد سفرته..
والله يعينهم على فراقه المر..
هيثم حاول يبعد نظاراته عن الوليد..وناظرالسماء اللي مغيمه..والبحر اللي يلطم بامواجه \ماأتخيل..ولابي أتخيل أنك بتسافر عنا...
ابتسم الوليد بألم وقال\لا..تخيل ياهيثم..عشان أقدر اروح وانا مطمئن..
هيثم\أتخيــــل..!!
أحسها صعبه يالوليد..
كيف قدرت.!!كيف قدرت تترك حلمك وتروح..
وعشان أيش..!!
معقوله عشان دراسه..!!اللي تقدر تكملها هنا..في بلدك وعند أهلك..!!
رفع الوليد راسه للسماء وكانه يطلب المعونه من ربه أنه يصبره ويثبته..عظ على شفايفه وحاول يكتم سره ومارد الا بكلمتين وعينه متصوبه لمدى لبعيد محد يشوفه الا هو\حلمي هنــاك..حلمي بره ياهيثم..!!
هيثم بعجز واضح وقف قبال الوليد\كيف..قولي كيف..!!وين اللي يقول يبي يصير لاعب مشهور..وين اللي يقول يبي يوصل للنجوميه..وين أمنياتك وطموحاتك..والا كل هذه الأمور أنتهت..!!
الوليد جاوبه بعيون كسيره وضايعه\أرجوك ياهيثم..لاتذكرني..خلني أنسى..
هيثم\كيف تبين أسكت وأنا أشوفك تهدم كل شي حلو بنيته بايام طويله..ولاتبيني أذكرك..!!
الوليد بجمود غريب\هيثـــــم...اذا تبي تجرح هالقلب...وأشر على قلبه.... ذكرني..وتلذذ في تعذيبي..
واذا تبي تداوي هالقلب..أنسى...مثل ماانا بنسى...!!
ومشى بعد ماقال هالجملتين اللي عورت قلب هيثم..وشتته أكثر..
وظل واقف يناظر ولد عمه اللي يمشي بانكسار لوحده..
وكأنه غريق في بحر ماله أول ولاأخر..
وكان بيتبعه لكن تراجع لأنه عرف أنه يبي يكون لوحده ويراجع حساباته..
وطاحت عينه على سلطان اللي جايب البنات ..وظحك وهو في غمرة حزنه..لأنه كان شكل سلطان يضحك وجموع البنات وراه وكأنه أمير وهم يتبعونه..
قرب لهم وشاف وحده تلوح له بأيدها وتسويله باي...وعرف أنها غلا من نظاراتها..
سلطان\هلا وغلا بولد أخوي...وين الثاني عنك..تطلعون ولاتقولون لي..
هيثم\بلا كذب قلنا لك وأنت مارضيت..لف هيثم وجهه على بنات عمه وسلم عليهم..شخباركم بنان العم..!!
محد تكلم غير جمانه الملقوفه\وأنا مطلعني من الحسبه..!!
هيثم\ههههههه وانتي معطتني فرصه..توني بقول شخبارك بنت عمتي..!!
جمانه\وانا برد عليك..الحمدلله..
دخلن غلا عرض عليهم ولصقت بهيثم\أقول أقول أقول..هيثوم..!!
بعد عنها هيثم وهو متقرف من حركاتها\هيثم في عينج..شتبين..!!
جمانه\ههههههههههه أحسن..
خزت غلا جمانه من ورى نظارتها وبعدين طنشتها\نبي ندخل داخل..
هيثم\دخلوا..احد مسكم..
فجر\نبيكم تدخلون معنا..!!
هز هيثم كتوفه بدون أعتراض\كيفكم..عادي..!
قربت ابتسام جنب فجر وهمست لها\فجر..قولي له وين الوليد مايرد على تلفونه..!!
فجر\ان شاء الله...هيثم..
هيثم\هلا
فجر\وين الوليد ابتسام تسأل عنه..!!
بدون قصد هيثم طاحت عينه على ابتسام ورد عليها.. وهي أنحرجت من نظراته لها وعلى طول نزلت عيونها هيثم\الوليد يتمشى على البحر... قدام شوي..
فجر\أرتحتي..!!
رفعت ابتسام عيونها\يعنـــي..
جمانه\واحنا بنوقف كثير..!!
سلطان\لا طبعا..بس صبروا بدق على الوليد..!!
دق سلطان على الوليد ومارد عليه..وظل يدق عليه لمن رد وقال له أنهم بيدخلون داخل وقفل منه..
ابتسام\بيجي..!!
سلطان\أيه..يالله مشينا...
مشوا الشباب والبنات لـ داخل المركز وكان حلو وممتع.. تقريبا فيه بالجهه اليسرى سينما لكن مادخلوها وجنب السينما على طول مطعم لوجبات سريعه وبعدها مكتبه متوسطه اللي دخول فيها البنات عشان فجر... والشباب تركوهم ودخلوا صالة الألعاب اللي كانت محتله مساحه واسعه بشكل كبير.. والألعاب اللي كانت موجوده لعبة البولينج والبلياردوا كانت بصاله ثانيه أصغر شوي.. والعاب كثيره خاصه للشباب..لكن المركز كان عائلي..
::::
وهاللحظه دخل عليهم الوليد وهو متصنع الأبتسامه.. وشاف سلطان وهيثم ماخذين كور البولينج الثقيله ويبدون يلعبون..
خذ الوليد الكوره وقرر يلعب معاهم ويعرض مهاراته لهم..
وخذ له مكان معين..وصار بالجهه اليمنى وهيثم باليسرى وسلطان يتوسطهم وكلهم مستعدين ومنزلين ظهورهم للــ لعبه..
سلطان\أقول هيثم مدام الوليد جاي ماله داعي نفشل عمرنا ونلعب..امش ننسحب..!!
ناظر هيثم الوليد وفرح لأنه مبتسم وشكله حاول انه ينسى ومايضيع اليوم الوحيد اللي بيكون فيه مجتمع معاهم..وهو حس بالغباء لأنه حاول يذكره بجروح قديمه..وكره عمره على تسرعه.
لكن حاول يتناسى الموضوع ويستمتع مع الوليد بكل الطرق مدام هو حاب هالشيء..
هيثم\لالالالا بالعكس..انا أبي ألعب..ومقرر أهزم هالوليد..!!
ظحك الوليد بغرور وجارا هيثم وهو يدري أنه المسأله كلها تمثيل في تمثيل\مشكله الثقه..يالله 3..2..1..go....
ومشوا بسرعه لمن رموا الكور الحديديه والكل يناظر هالكور اللي تتحرك ومايدورن مين اللي بيطيح أكثر وبيوصول للهدف..
وطبعا زي ماقال سلطان الوليد هو اللي بيفوز عليهم وطيحهم ماعدا ثنتين صار متحكمين بوفقتهم ومانزلوا واللي بعده على طول هيثم اللي كان بقى له 5 ويفوز واخرهم سلطان وماراح أذكر كم لأنه فاشل بهالأمور ..واللي يعجبه بس لعب الورقه(الكوتشينه) والبقيه على جنب عنده..
سلطان\مو أنا قلت لك..خلنا ننسحب..هذا هو فاز علينا..أنا منسحب من اللعبه..ومشى عنهم..
ظحك الوليد بجنون على شكل سلطان المهزوم ومشى وراه وحاط أيده علة وجهه.. وباسه على خده\قلنا لك من زمان خلنا نعلمك ..لكن مارضيت..!!
مسح سلطان خده بقرف\ووع عليك..أحد قالك بوس..امشوا ندخل بس..!!
الوليد\وين.!!
هيثم\نلعب بلياردوا..!!
سلطان\مانبي بلياردوا..!!
ابتسم الوليد بخبث\ليش خايف من الهزيمه..!لاتخاف ماأحب العبها ولا أعرف لها اساسا..
هيثم\حتى أنا..
سلطان\والله اللي يعرف لها تركي...
الوليد\ولد عمي..!!
سلطان\أيه متفنن في هاللعبه..
هيثم\أصلا مايبيلها شي..
سلطان بطنازه واضحه\أيه مايبيلها شي..اشوفك تعرف تلعبها..!!
انحرج هيثم لأنه صحيح مايعرف لها ولا يبي يعرف أصلا\أقول أمشوا نطلع..
الوليد\يالله..
طلعوا الشباب من صالة الألعاب ودخلوا المكتبه اللي ماكن فيها أحد الا البنات اللي ماخذين راحتهم على الأخير وكل واحده ماسكه كتاب وتقرى....
هيثم\شسالفه ماأشوف احد موجود غيرنا..!!
سلطان\نادر محد يجي هنا اساسا..واذا جاوا مايطولون....أمش ناخذ لنا أحد هالكتب ونتعنقف...قصدي نتثقف..!!
هيثم\لا الله يخليك..مالي خلق أتثقف..عندي في البيت كتب يبيلها فتح..
:::::
بالجهه الثانيه غلا وجمانه جالسين جنب بعض ويطلعون بالهكتب يتصفحونها على السريع ويقرون من كل بحر قطره.. وياخذون كتاب ثاني ويسون نفس الشي..
جمانه\يععععع.مااتخيل أقرى كتاب كامل..
غلا\قولي لي...انتي شلون نجحتي..!!
جمانه\بالواسطه..خخخخخخخ..يعي شلون نجحت بالدز...والله..
غلا وتناظر جمانه بقرف\كنت شاكه...
جمانه وودها تفقع عيون غلا\أقول تراني معطتك وجهه..
غلا\والله محد قالك تجلسين جنبي.. وحطت ايدينها بخصرها..قلوا الأماكـــن..!!
جمانه تنفست بضجر\غلاوه..اجلي الخناقه للبيت..مالي خلق لك..
ظحكت غلا بدلع\ولا أنا..بس شسوي.. ماأقدر..
جمانه استغربت\ماتقدرين في شنوا..!!
غلا\ماأقدر لازم أتخانق معك..والا ماأصير غلا العالي..
قربت جمانه منها وساسرتها\تصدقين حتى أنا..ماأقدر..أحس بشي ناقص اذا ماتخانقت معك..
ابتسمت غلا \الله يخلينا لبعض..
بادلتهاجمانه الأبتسامه وقالت\ويخلي هالخناقات اللي تقربنا من بعض,,,
رفعت غلا ايدينها لفوق وقالت بصوت مايع\آمييييين..
جمانه وتجاري الخبله اللي جنبها وترفع أيدها لفوق\يارب العالمين,,,
جمانه وغلا\هههههههههههههههههههههههههههههههههه
فجر\اوششششششششش..استحوا..
حطت غلا ايدها بفمها وقطت الكتاب اللي بحظنها وسببت ازعاج بالمكتبه والكل التفت عليها...
خزت فجر أختها لأنها سببت ازعاج وهمست لها\شيلي الكتاب..فشلتينا..
غلا\يوووه طيب..
جات راوين للبنات وهم منحرجين من الموقف اللي صار
راوين\أقول امشوا نطلع..خلاص زهقت..
قامت فجر وهي شوي معصبه من حركات غلا الغبيه وراحت لهيثم\وهذا اللي بيصير أساسا..قوموا يالله..
هيثم\شفيكـــم,,!!
فجر\خلص..بنطلع..!!
سلطان\يالله..وين تبون تروحون..!!
فجر\كيفكم..
::
ابتسام\ليه ماترد على تليفونك..!!
الوليد\كان معي خط..
ابتسام\..تكذب على منوا أنت..!!
الوليد\على أختي الكبيره..بسوم..
ابتسام رصت على أسنانها\سخيف..
الوليد\مشكوره..يجي منك اكثر..
ابتسام\الوليد..
الوليد\ابتسام
ابتسام\الوليد..
الوليد ومصر\ابتسام..
ابتسام بتأفف\أوووف..خلاص لاتطول..شكلي غلط جنبك..مستحيل الناس يصدقون اني أكبر منك..
الوليد ظحك بخيلاء\والله محد قالك تكونين قزمه..!!صج سنفور..!
ابتسام\..أنا سنفوره..!!
الوليد\أيه..
ابتسام انقهرت ومابينت له\ياويلي..طلعوا وتركونا..أمش نطلع وراهم..
الوليد \من بعد المكان..يالله أمشي..
الوليد\أقول ابتسام..
ابتسام\ها..
الوليد\ويعاه..شنوا ها.!!
ابتسام\اوووه..نعم..
الوليد\أحم..ماقالت لك شي جمانه..
ابتسام\مثل..!!
الوليد\يعني..أي شي..
ابتسام ابتسمت وحبت تجنن أخوها\لا ولاشي..ولاجابت حتى طاريك..
الوليد حس بخيبة امل\مالت عليكم ثنتينكم..!!أمشي بسرعه..والا بروح عنك..
فرحت ابتسام..هي تعرف كيف تهبل في أخوها..يستاهل..أجل هي سنفور..!!
:::
طلعوا الشباب للبحر ثانيه وقرروا البنات يرجعون لأنهم تعبوا من كثر المشي..
اما هيثم والوليد مايبون يرجعون اللحين..
ووصل سلطان البنت للسكن ورجع للشباب مره ثانيه..
::
عند باب مدخل البيت..
غلا\ويه كيف بدخل اللحين..جزمتي اختربت وصارت مليانه تراب..حرااام..
جمانه\والله محد قالك تلبسينها وتتكشخين..وشفينا كلنا لبسنا نعال..
غلا بغرور\وانا وش دخلني فيكم.
دخلت جمانه البيت وتركت غلا\أجل لاتتذمرين..
تسندت غلا عند باب المدخل وهي تتأفف وتنظف جزمتها بمناديل حاطتهم بشنطتها الصغيره
وماوعت الا بأحد من قوة جسمها طلعها بره باب البيت و هي أرتدت لورى وكانت بتطيح لكن مسكت على الجدار اللي خدش أظفارها الطويله ورفعت راسها تبي تشوف من هالوقح اللي عمل هالعمله..!!
وطاحت عينها على شخص مألوف بالنسبه لها طويل وعريض ولابس نظاره شمسيه ولابسه بدله ديزاينها هندي التيشرت بني على برتقالي..والبنطلون بني محروق وتلفونه بايده.. حاولت تتذكر منوا ..هي شافته من قبل..!!
هيئته معروفه..
بس منوا وهي لسه مو مستوعبه اللي صاير..!!
معقوله شافته بتلفزيون..لأنه مشبهته بعارض أزياء..دايم أتابعه,,
ويوم جات على بالها عارض ألأزياء
تذكرتــــــه..
و حطت أيدها على ثمها تمنع صرختها وسمعته يقول لها
أنتـــــــــي..!!
غطت غلا وجهها بأيدها وهي كارهه نفسها على هالمواقف اللي دايم تنحط فيها مع الشخص المجهول..!!
================
منوا هذا..!!
أكيد عرفتوه..!!
تركي طبعا..!!لأنه وصل الشرقيه..
هذا الفصل الأول من الجزء العشرين
بالفصل الثاني راح تعرفون ردة فعل غلا وتركي من اللي صار..
وأول يوم للوليد بغربته..وتعايشه مع الجو..
وصرخة قلب ..ومشاعر غريبه بتحل على يوسف..!
تابعوني بالفصل الجاي اللي يحمل عنوان >>..صرخة قلب
الجزء العشرين
الفصل الثاني
============
مسكت الغطا اللي قاطته أي كلام على راسي بايدي اليسار..وظغطت عليه بدون مااحس..
وكل قوتي كانت محطوطه على يدي اليمنى اللي متثبته على جدار البيت..
حاولت أرفع الغطا وأستر فيه نفسي وشعري اللي نصه طالع
حاولت أهرب...او أمشي خطوتين حتى..
حاولت أحرك أيديني.. لكن حسيت أنه كل مافي جسمي أنشل مره وحده..
حسيت أني متكهربه..متجمده..خايفه..مشتته..
احاسيس كثيره تخالطت بذهني..
ومن صعوبتها ..وقفت كل شي فيني..!!
وأنا لسه واقفه..وهو بالمثل واقف..
وكل هالأحاسيس اللي أحسها ماخذت نص دقيقه..لكن صوته الغريب الرجولي اللي جاني مره ثانيه ونظراته اللي
دخلت فيني..خلتني أستوعب أكثر..
تركي\أنتي...منوا..!!
وبسرعه وبدون أي شعور مريت جنبه وأنضرب كتفي بكتفه بقوه.. وماهتميت لأني أبي اهرب عن عيونه اللي غيرت شي فيني ماعرفته..
ودخلت البيت وانا أتنفس من أعماق اعماقي..
ولقيت راوين بطريقي وتناديني..
راوين\غلا..!!
تجاهلتها..ودخلت غرفة جمانه وانا اركض وكأن أحد يلاحقني....وقفلت باب الغرفه وانا خايفه..وجلست على السرير بعباتي ..
وانا كل تفكيري على هالشخص الغريب اللي اقتحم حياتي للمره الثانيه..!!
ليش تجمعني معه الصدف للمره الثانيه..!!
ليش وقفت وماعرفت أتحرك..!!
معقوله يصير لي..!!
لا مستحيل..لأنه حتى هو مايعرفني..!!
بس منوا..!!
منوا هذا..!!
ماأذكر اني شفته يوم من الأيام..!!
ومحد قال أنه بيجي أحد اليوم..!!
وليش حستيه شايفه نفسه أكثر من الموقف الأول..!!
أووووه وانا شدخلني فيه..!!
بس والله شكله غريب..
شكله غريب..كل شي فيه غريب..
نظراته..شكله..هيئته..أسلوبه..
ليتني أعرف مين هو..!!
بس كيف..!!
ومين اسأل..!!
وحتى لو سالت وش بيقولون عني..!!
أصلا مالي وجه اقول لأي شخص الموقف اللي تكرر معاه..
خلني أسكت أحسن..
ومثل ماأنكتب لي أشوفه بالصدفه..أكيد راح أعرفه بالصدفه
خذت نفس طوييييييييييل....
وقمت من السرير ورتبت شكلي وفصخت العباه..
وطلعت للصاله وأنا احاول أقنع نفسي باأني بعرفه بيوم..!
::::
شفت فجر جالسه مع جمانه وابتسام ويتفرجون على التلفزيون..
وبشكل أرادي جلست جنب اختي..
لأني أحس بالأمان مدام أني بتواجد بالمكان اللي هي بتتواجد فيه..
ابتسمت لي بحنيه\وينك أنتي..!!
رديت عليها بجمود\موجوده..بس دخلت الحمام..
جمانه\أكيد عشان ترتبين مكياجك اللي أختفى..
جاوبتها بسخريه\أيــه عندك مانع..!!
جمانه بصرخه \لاااااا..
ابتسام هالمره تكلمت غصبن عنها وهي تحاول تتنساى سفر اخوها وتنضم مع جو البنات\أبي أعرف شي واحد...اذا جلستوا بمجلس ماتقدرون تمسكون نفسكم..وقسم بالله أنكم قطاوه على هيئة بشر..
جمانه\ويه بسم الله علينا..أصلا أحنا نموووت في بعض.بس تدرين أنولدنا واحنا نتخانق ونعودنا على هالشي..عشان كذا صعب نقاوم رغبتنا ونكون مسالمين..صح غلا..!!
جاوبتها وانا اضحك على جنونها اللي ماأقدر أستغنى عنه\صـــح..
جمانه\سمعتوا..يعني لاتتكلمون رجاء..أحنا لابقين مع بعض..
فجر\خلاص محنا صاكينكم بعين..الله يخليكم لبعض..
وبعد كلمة فجر اللي سكتتنا..جات راوين وهي مبتسمه..وتذكرت أني طنشتها من شوي ومشيت..وكرهت نفسي..
أنا لين متى بتعلم الذرابه..صج ثوره..!!
وأكيد خذت بخاطرها مني..!!
كيف اعتذر لها..الصراحه ماأعرف أتكلم بهالمواقف..
راوين\سلام..
جمانه\ ياويلي على بنت خالي اذا أبتسمت...!!
راوين\فرحانه..فرحــانه ياناس..!!
فجر\فرحينا معاك..!!
راوين\تركي جاء من الرياض..وموجود بالمجلس..!!
::::::
تركي
تركي
تركي
تركـــي
لا ااااااااااااااااااا
معقـــــوله..معقوله يكون اخو راوين..!!
تركي..!!
ماأصدق..
ماأصدق..
ولد عمي..!!وماأعرفه..
وكيف ماجاء على بالي الشبه الكبير اللي بينه وبين راوين..!!
وانا اقول أحس أني أعرفه..ملامحه مو غريبه علي..!!
ياربــي ...يطلع ولد عمي...!!؟
وش بيقول عني اللحين..
أكيد بيقول أني متقصده حركاتي معاه..
أكيد..هذا اللي يجي في بال الشباب دايما..
طيب يمكن مايكون تركي..!!
يمكن يطلع شخص ثاني؟؟!!
لالالا أكيد تركي..محد غيره....
ياربي...شالصدف الغريبه..!!لفيت عيني على البنات.. وشفت فجر معتفس وجهها..وجمانه متفاجأه..وابتسام ملامحه هاديه..اما راوين..مبتسمه بفرحه كبيره..
جمانه\صج..!!تصدقين نفسي اشوف أخوك..ماعمري شفته...!!الا وأنا صغيره..
راوين\أيه هو قليل جياته معنا الشرقيه..بس أخاف اذا شفتيه تموتين..!!
جمانه\ليش..!!
راوين وغمزت بعينها\مزيون اخوي..!!
جمانه\خلص زوجيني أياه..
ابتسام\ومين قال أحنا بنرضى أصلا..!!
جمانه وكتفت ايدينها\وليش ان شاء الله..!!
ابتسام وابتسمت\أنتي أدرى..!!
جمانه أنحرجت وبدت بالسب\مالت..
ابتسام\عليك..
==========
معقــــوله...!!؟
صدف غريبــه..مثيره..عجيبه تجمعني انا وياها بنفس المكان..
مين هالبنت..!!
من تكون..!!
وليش تعرضت لهالموقف معاها..!؟
وكيف قدرت أسألها..!!ليش ماتحكمت بنفسي ومشيت..
ليش ظليت واقف أناظرها وانا مصدوم..!!
ليش ماتحركت وطنشتها..!!
أحس أني غبي..غبــي..
اللي يشوفوني يقول أول مره بحياتي يشوف بنت..!!
حسيت برجفه غريبه..مو مفهومه..تحتوي كل مافيني....
حسيت أني مش قادر أتحكم بنفسي..ولا اسيطر على الموقف..!!
ليتني أعرف مين هي..!!
ليتني أعرف..!!
لكن كيف..!!
كيـــف..!!
مسكت راسي بضيق وظغطت عليه....لازلت مصدع..!!
والقهوه ماأثرت فيني..ولاريحتني..!!
وشكلها زادتني تعب..؟؟!
دخلت داخل البيت..وعلى طول للمجلس..!!
وأنا متضايق لأامرين..
أولهم أني ماعرفت هوية البنت..وثانيا مالي خلق أي أحد..
وودي أرجع الرياض وارتاح..
لكن وين الراحه..
وأنا فكري مع هالبنت..!!
اللي اقتحمت حياتي بدون سابق أّنذار..
ويوم قررت أتناسها رجعت لي فجأه.. مثل مادخلت حياتي فجأه..
أكره هالشي..أكرهه..وماتعودت أني أعيش حالة هالغموض..
تعودت كل شي أبيه يتنفذ بسهوله..
وبدون حرق أعصاب..وضيقـة بال..
لكن بعرفها..
أكيد بعرفهــا..
==============
طلع من الدوام بدري..وارسل مسج لــ سماح تجهز حالها لأنه عازمها للعشاء بمطعم
ودخل الشقه للغرفه على طول وشافها مايله ظهرها على تحت وتدور شي معين
طاح على السرير بتعب وجاته رغبه بالنوم بس حاول يجاهد نفسه..
أحمد\مساء الخير..
ارفعت عينها صوبه ونزلتها\هلا احمد..انت جيت..!!
أحمد\أيه جيت شتسوين..!!
نزلت راسها ورجعت تدور\ادور على الحلق..طاح مني..مدري وينه..!!
.. قام من السرير..وقرب لها ومسكها من خصرها وهو ناويه بتهزيأه\وش قلت لك أنا..!!
خافت..وردت عليه بصعوبه\ماقلت شي..
أحمد\طيب..تركي الحلق..وخذي حلق غيره..بس لاتعبين عمرك ..
جاوبته بقلق\أحمد..عادي..
أحمد\حياتـــي..أخـــاف عليك...ليش ماتفهمين..!!
بعد ايدينه عنها اللي ماسكه خصرها وجلست على كرسي التسريحه وحطت بعض الأغراض بشنطتها وجاوبته بنرفزه\طيب..
.سماح.. جدا حساسه..ليش ماتفهم أنه خايف عليها..!!
وقف ورى الكرسي وحبيها على راسها عشان يراضيها وهمس بأذنها اليمين\بتطولين..!!
سماح بهدوء\لا..
أحمد\زعلتي..
سماح\شوي..
ابتسم على براءتها اللي تحرك شي كبير فيه..\أفديهـــم..أفدي اللي يزعلون شوي..!
وعلى طول ابتسمت على كلامه.. وقامت من الكرسي وخذت عباتها\جاهــزه..
ابتسم لها ومسكها من أيدها\وانا جاهز..
طالعته بنظره من فوقه لتحته\ماأنت مبدل ثوبك..!!
أحمد\يووووه..نسيت..
سماح\عرفت اللحين مين اللي يأخرك..!!
مارد عليها ودخل غرفة التبديل وبدل وخذ ثوب جديد ولبسه وسكر ازاريره وهو طالع للصاله\..يالله سماح....ورانا نومه..!!
سماح\ياحبك للنظام..كل شي عندك مرتب..حتى الأكل له وقته..وانا صرت مثلك..!!
وقف جنب مراية الصاله وعدلت غترته\ليش..ماتحبين النظام..!!
سماح\صدقني ..صرت احبـــه..والسبب أنت يأأحمد..!!
============
مضى اليوم على بيت العمه هند بغمضة بصر..
وكان جميل بأحداثه ..
قرروا الحريم فيه يطلعون للبحر بعد العشاء ويمضون أخر الساعات فيه
البنات دخلوا المطبخ وعملوا بعض الأشياء الخفيفه حق الطلعه..
جمانه عملت فشار وكان نصه محروق..وتوعدت انه اللي بينطق بحرف ويعلق ياويله منها..
وبكذا البنات اسكتوا وهو ماسكين الظحكه
وراوين جهزت العصير والشاي والقهوه بمساعدة ابتسام..
وفجر عملت كيكه بالشوكلاته..
وغلا جالسه على كرسي المطبخ وسرحانه بالخبر اللي عرفته اليوم..ولازالت متفاجأه..
وتمنت امنيه غريبه..
تمنت انها تشوفه..
ليش..!!
ماتدري..!!
فجر\أقول بسرعه خلصوا..الحريم مشوا مع سلطان..!!
حطت جمانه الفشار في علبه بلاستيكيه كبيره ورفعت غرتها اللي ذابحتها\واحنا ..مين بيودينا..!!
ردت ابتسام على جمانه وحطت باقي الأكواب في الكيسه\الوليد..الوليد يتسبح اللحين وقالي بعد عشر دقايق بيمشي..!!واللحين مضت خمس دقايق..!!
راوين\فجر خلصتي الكيكه..
فجر جلست على الكرسي وخذت نفس\أيه بس حطيتها بالثلاجه عشان تتمساك..ابتسام روحي شوفي الوليد..قولي له خلصنا..!!
ابتسام\أوكي..راوين السكر وملاعق التحريك ماحطيتهم....!!
راوين\ وينهم..!!
جمانه\بتلقينهم بالدرج الأخير اللي على اليسار..!!
فجر توها تحس بااختها وسرحانها..قربت الكرسي جنبها ومسكت ايدها اللي حاطتها على خدها\غلا..
غلا\همممم
فجر وهي رافعه حاجب\شفيــك..!!
غلا\مافيني شي..خلصتوا..
فجر\ايه..
قامت غلا من الكرسي وطلعت بره المطبخ..وفجر عينها عليها والتفت على جمانه..لكن لقتها حتى هي مصدومه ..
وسكتت..أكيد بالأخير بتعرف وش السالفه..!!
::::::
دقت ابتسام تلفون لأخوها وقالت له أنهم جاهزين..وهو بالمثل توه مخلص لبس..
وبكذا البنات طلعوا وركبوا السياره وانظغطوا ظغطه محترمه لأنه سيارة الوليد رياضيه وبالموت تلبق لثلاثه ورى..
ولأن حظ جمانه نحس واضعفهم أظطرت تكون شوي مقدمه هي مع غلا
وابتسام طبعا قدام..وتضحك عليهم..
ابتسام\أقول بسرعه أتسعدلوا قبل مايجي الوليد..
جمانه ورصت على اسنانها\أنتي فكينا واللي يرحم والديك..جالسه لي قدام ومريحه..
ابتسام\ههههههههههه اذا تبين مو مشكله تعالي بدالي..
فجر\اسكتوا..هذا الوليد جاء..
ركب الوليد السياره وسلم عليهم..وحس انهم متضايقين وظحك بداخله\شكلكم متضايقين..!!
تكلمت فجر لأنها تعتبر الوليد اخوا صغير لها\لاعادي الوليد..بس سرع الله يخليك..
الوليد\ان شاء الله.
اللي هون عليهم شوي انه المسافه قريبه كثير..يعني خمس دقايق ووصلوا.
الوليد\وصلنــــا..حياكم الله..
البنات بصوت واحد\الله يحيك..
نزلوا البنات من السياره ومشوا لمن وصلوا للحريم اللي كانوا فارشين السجاده وجالسين جنب البحر والضحك كان عنوان جلستهم وخصوصا لأن الشباب كلهم جالسين معاهم وطاقين سوالف ونكت..واولهم سلطان اللي جالس جنب أمه ويجننها بسوالف ابوه..
أما هيثم كان جالس معاهم لكن بعيد شوي لأنه ينحرج من الحريم..
والغريب بالموضوع أنه تركي كان موجود معاهم لكنه بعيد عنهم يكلم بالتلفون..
البنات حسوا بالأحراج وجلسوا جنب جدتهم وسلطان..
اما الوليد جلس مع هيثم..
الجده\كان بطيتوا بعد..وين الشاي احتريه من الصبح..!!
دزت فجر ابتسام وراوين لأنهم هم اللي حطوا الشاي..\صبوا شاي..!!
راون أعترضت وانحرجت بطبيعتها\لا والله..
ابتسام\طلعي الدله..خليني أصب..!!
وبالفعل صبت ابتسام الشاي..وطلعت فجر الكيك والمكسرات والفشار وحطته بصحون بلاستيكيه مع البنات ووزعوه وهو جالسين..
ولحد اللحين تركي ماقرب ..ومحد من البنات يدري بوجوده معاهم..
الوليد حس بحزن يحتويه..ويعصر فؤاده..
معقوله بتكون هالجلسه الحلوه بعيده عنه..
معقوله بيتغرب عنهم..!!
بيقدر..!!
بيقدر على بعدهـــم..
رفع عينه بدون شعور لأبتسام أخته وشافها تسولف مع البنات.. وانتقلت عينه لجدته وسلطان..وبدون شعور ركز على جمانه اللي حفظ شكلها بين بنات عمه..وابتسم بحزن لها ..وهي حست فيه ورفعت عينها له وظلت تناظر فيه وهي مو حاسه بشي أبدا غير عيونه اللي تطفر حزن وشكوى..
وعلى طول تذكرت سفرته وقلبها خفق بجنون
كسر الوليد النظره يوم سمع حس هيثم وهو يناديه واول مالتفت صوبه حس هيثم فيه من عيونه اللي تشكي الفراق..ومانطق بكلمه وظل يتأمل وجه ولد عمه اللي بغيب سنين عنه..ويوم حس بنفسه تكلم وهو يبي يبعد جو الحزن اللي اسره فجأه..
كل هذا وجمانه ماشالت عينها عنهم وهي تراقب حركات الوليد بدون محد يحس فيها..
حاولت أنها تبعد عيونها عنه لكن ماقدرت..
الوليد بيفارقها سنيـــن طويله..
ظلت فتره تناظره وتتأمل كل حركاته اللي يسويها وهو يتكلم..ويعلق على أي شي .
لمن سمعت صوت جدتها وهي تنادي الوليد يجلس جنبها ..وشافته قام من مكانه وجلس محل سلطان اللي قام هو الثاني وجلس جنب هيثم..
بعدوا البنات شوي ووسعوا للوليد اللي جلس بين اخته وجدته وعلى طول وبدون شعور حط راسه على كتفها وهو يبي يلتمس حنان وعاطفه فاقدها من سنين طويله..ويوم ابتسام شافت هالموقف اجتمعت الدموع بعيونها لكن على طول مسحتهم بكفها وابتسمت بشقاوه للوليد\بدينا بالتلصق..!!وخر عن جدتــي..!!
الجده وعشان تقهر ابتسام قربت من الوليد اكثر وحضنت ذراعه\وانت شعليك يالملقوفه..وخري عنا يالله...
كتفت ابتسام ايدنيها وهي تدعي الغيره\وبعــــد..ايه خلاص نستوني بعد الوليد اشوف..!!
سلطان\بس أنتي اللي نسوك..أجل شقول أنا..!!
الجده\فديت الوليد والله..خلوني أشبع منه..
ابتسم الوليد لجدته بحنيه وحبها على راسها\بشتاقلك والله..!!
الجده\أحنا أكثر..بس شنسوي فيك ياوليد راسك يابس..!!طالع على جدك..!!
الوليد\هههههه حرام عليك ياجدتي..جدي راسه يابس..!!
كملت الجده\وشري بعد..انت ماتعرفه كثري..!!
وظحك الكل على الجده وتكلمت فجر\أنا ماأرضى على جدي..!!
الجده\جاتنا عاد حبيبة جدها..!!
سلطان\كملت والله..فجر حببية ابوي..والوليد حبيب أمي..وانا حبيب منوا..!!
هيثم\ههههههههه أنت حبيبي..!!
سلطان\لا والله..!!ماابيك..زهقت منك كل يوم معاي بالجامعه..!!
هيثم\لازم تحمد ربك وتشكره أنك تشوف طلتي كل صبحيه..!!
رفع ايده سلطان بسخريه وقال\أقول بس لايكثر وانا عمك..!!؟
جمانه مااستحملت..ماأستحملت اللي تشوفه..
ابتسام والوليد يجاملون وهي أكثر وحده تعرفهم..
قامت من مكانها وهي تسأل البنات\بتمشـــى ..مين ييقوم معي..!!
قامت غلا معاها..اما فجر وراوين وابتسام حلت لهم الجلسه وظلوا يسولفون..
وعيون الوليد تتبع جمانه لمن أختفت في ظلمة هالليله..
وجاء هاللحظه تركي وهو توه مسكر السماعه من مبارك اللي متفاجأ من غيابه..
وجلس جنب الشباب شوي وهومقرر انه يمشي بعد نص ساعه للرياض...
:
غلا\شفيك قمتـــي..!!
رمت جمانه الحصا اللي جمعتهم في البحر وردت على غلا بضيق\أنتي اللي شفيك..!!
تفاجأت غلا..وأدعت الامباله في كلامها\عــادي..
جمانه\أجل ليش طول الوقت كنتي مسرحه..!!
رفعت غلا أدينها الثنتين بخصرها\وليش..!!كنتي تراقبيني..!!
جمانه\مالت عليك..!!شنوا أراقبك بعد..!!صجــ..!!
غلا وقاطعتها\رجاء لاتسبين..!!أنا أكبر منك..!!
جمانه\لا والله..تصدقين توني أدري..!!
غلا\وهذا أنتي دريتــي..عندك كويز السبت..!!
أعتفس جمانه وجهها يوم تذكرت الجامعه وتذكرت أنه عندها اختبار انجليزي ولاعت كبدها..ماتطيق شي اسمه انجليزي\وععع..عندي انحليزي..!وأنتي..!!
غلا\أنا عندي كويز الثلاثاء..أقول كأنه بعدنا كثير..
جمانه وهي تناظر المكان\لاعادي..امان..
غلا وصابها الخوف\بس أنا اخاف..!!
جمانه وغمرتها الظحكه بعد ضيقة البال\صج انك..!!
غلا\أني شنوا..!!
جمانه\ولاشي..أمشي نلف..!!
غلا\يالله..
::::
ذكرى اليمه تعتصر قلب فجر..لمجرد رجوع الماضي لها..
ومو أي ماضي...
هذا ماضي تركي الأسود..
اللي يعرفه كل شخص سمع عنه..
مضت أيام كثيـره طويلـــه..وهي ماسمعت أي خبر عنه..
واليوم التقت عيونها فيه ..
وعرفت توها أنه الدنيا صغيره..
ومصير الحي يتلاقــى..
من اول مامسكت القلم وبدت تكتبت خواطرها اللي كانت دليلها في حلها وترحالها..
من أول ماعرفت الحب وعاشته بكل لحظه..
من أول ماكان عمرها 16 سنه وهي تحيا وتموت لأجل الــ (حـب)..
كانت تكتب له..وتسهر له..وتفرح له..
قلمها..كان عباره عن فيض مشاعر مكبوته بقلبها الصغير..
وهالمشاعر كبرت وانكتبت في كتاب لها..
ومع الوقت وتطورها في هالمجال نشرت أول خاطره لها في مجلة الأسبوع..
وبدت الدنيا تفتح لها ابواب السعاده من كل جانب..
ومشت الأيام وهي تكتب باوراق ورديه مغلفه بوله وشوق ولهفه..
وكانت هالأوراق هي وسيلة الأتصال اللي بينها وبين يوسف..
لمن أنكشف سرها بصوره مؤلمه وبشعه..
وانهدم أول حلم عندها..
كرهتــــه..وكرهت كل شي يتعلق فيه..
كان حبها عذري..
طاهــر.
لكنه كان ظالم ويبي يشوه صورتها بأي وسيله..
والسبب مو معروف..!!
هل هوحقد..!!او غيره..!!
لحد هاليوم ماتعرف وش السببب..!!.
لكنه أصبح محرم بين يوم وليله..
واليوم بدال ماتكتب هالأوراق الورديه..
صارت تكتب اوراق فرقــا منسيه..
منسيــه في عالم ظلمها وقسى عليهــا..
" سرحت فجر على ذكــرى قديمه تجمعها مع يوسف وتركي..وماوعت من صحوتها الا بصوت ابتسام يناديها"
ابتسام\فجور...وينك ياهــواااا..
فجر\هــا
ابتسام\ماتبين نمشي..!!انا وراوين بنلحق البنات..
ناظرت فجر ابتسام بيأس وقل حيله\ياليـــت..!!
قامت على طول وهي حاسه أنها متختنقه..وتبعتها ابتسام وراوين..
وشافوا البنات بطريقهم..
جمانه\وين على الله..!!
راوين\أنتوا اللي وين..!!
غلا\احنا بنرجع ...تعبنا من المشي..!!يالله جمانه..
ابتسام\مالت عليكم..احنا جايين لكم..
غلا بدلع\والله محد قال لكم ماتجون معنا..!!ورمشت بعيونها..وراي جمــون..
مشت غلا مع جمانه عند الحريم وهي ماتدري عن اللي بتشوفه..
مشت وهي زي الطفله الصغيره على الدنيا..
ماتعرف وش تخبي لها الأيام لبكره..
ولاتعرف غير انها بتعيش حياتها بكل لحظه تمر عليها..براحــه وصفــا نفس..
ويوم وصلوا قابلته ..وعرفته من طوله لأنه كان واقف وبيمشي..
وهي ماقدرت تمشي أكثر ووقفت بمكانها ورجولها خذلتها مثل كل مره تشوفه قبالها..
واللحين كل شكوكها كانت صحيحه..
وطلع ولد عمهـــا..
دنيــا غريبــه..تجمع أشخاص بعاد وبنفس الوقت قراب..
وعشان أيش..!!
القدر كفيل بهالجواب..!!
والبرد والجفــا...بيتصادم مع نسمة الهـــوى..!؟؟
:::
سلم تركي على اللي جالسين واسـتأّن منهم بانه بيرجع الرياض الليله
ولمح المعارضه وخيبة الأمل بوجه امه اللي فرحة بشوفته.. لكن كالعاده مااهتم للموضوع ولا لي نظراتها اللي تترجاه وكلهاحب وعاطفــة أم لولدهــا..
ويوم مشى عشان يروح التقت عينه بعينها..وعرفها..
وكيف مايعرفها...!؟؟
هذه عيونها اللي حركة شي فيه تتلاقى معه اليوم للمره الثانيه..!!
شالصــدف..وشالقدر الغريب اللي يجمعه وياها..!!
ظلوا ثواني معدوده يناظرون في بعض ..واللي حولهم مو حاسين فيهم ومنهمكين بالسوالف والجمعه..
ولولا أنه جمانه شدت طرف عباة غلا كان أنفضحوا وصاروا في خبر كانا..\غلوه..وعمى..تحركـــي..!!
انتبه تركي للحركه البسيطه اللي اصدرت من جمانه وعلى طول بعد عنهم ومشى جهة السيارات
لمن وصل ووقف لحظه جنب باب السياره وهو حاس بتشتت أفكاره..
رفع ايده وفصخ نظاراته ومسح على وجهه بضيق..
وركب سيارته وهو في باله شي واحد بيريحه من اللي هو فيه..
كاسة خمــر..
محتاجــه اللحين
==============
مرت الليله غريبه على الكل وكلن في قلبه شقى هالليله..
وقاموا بعد ساعات طويله قضوها على البحر..ورجعوا البيت..
وكلن في باله شي مختلف ومتعب..
راوين تحسرت على هاليومين الحلوين اللي قضتهم بعيد عن اللي تتمناه
وفجر رجعت لها ذكرى مؤلمه كانت منسيه في مخيلتها وجاء الوقت اللي تحيا فيه هالذكرى بكل قسوه مثل
ماعهد تها ..
وغلا تحس بشي يذوب بداخلـهــا..لكن جهلت حالتها اللي تمر فيها ورجعت تتذكر المواقف اللي رسخت في بالها اليوم وانطبعت في مخيلتها وكانها رملا تثبت في صخر مبلل بماي وعيت تختفي..وهالحاله خلتها تذوب أكثر..
أما جمانه وابتسام فحالهم مو أحسن من البقيه..
جمانه جالسه على سريرها وتتظاهر بالنوم العميق..وابتسام بالمثل,,جالسه تحتها على طول..
وكل وحده فيهم تفكيرها في اللي بيصير في بكره من أحداث..
ويوم يأست ابتسام وتعبت من تفكيرها هتفت باسم جمانه وماتدري ليش حست أنها صاحيه\أنتي صاحيــه...!؟
ردت جمانه بصوت اجش وثقيل\لانايمـــه,,
ابتسام\جمون يالله عاد..
جمانه\لا مانمــت...شتبين بســوم..!!
ابتسام وتطالع بالسقف\أنتي تفكرين باللي أفكرفيــه..
لفت جمانه جسمها بجهة ابتسام \اللي هو..
ابتسام\بكــره..تفكرين في بكره ..
جمانه\تبين الصدق..ايه..
ناظرت ابتسام بعيون جمانه وخذت نفس وبعدها تكلمت بصوت هامس وهي معقده حواجبها\مش مصدقــه..أحس أني أحلم..أحس أنه كابوس.جمانه الوليد بيسافر بكره..مش مصدقــه..
جمانه\خلاص ابتسام..ارضي باللي الله كاتبه له..وأدعي له بالتوفيــق..
تفاجأت ابتسام من رد جمانه الهادي...وين عصبيتها يوم درت بسفرته..\وبسهوله تقولينها..!!
جمانه\شو تبيني أقول..جاوبيني..!!
ابتسام\ولاشــي..لاتقولين أي شي..
جمانه وهي ضايعه\خلي اللي في القلب بالقلب..محد حاس فيني..
ابتسام وحنت عليها ورق صوتها\ولا أنا..!!
جمانه وحاولت تنهي الموضوع\خلاص ابتسام..ابي أنام..
ابتسام وتجاهلت ردها\تدرين أنا بنمشي الصبــح..
وانقبض قلب جمانه\صــج..؟؟!
ابتسام بصوت واطي وهي تلتفت للبنات اللي نايمين جنبها\أيه صج..
جمانه\ليش ماقلتي لي..!!
ابتسام\وهذاني قلت لك..
سكتت جمانه..ايش بتسوي يعني..!!
ماراح تسوي شي..والوليد مرده بيسافر سواء مشى الصبح او الظهر..
ابتسام\جمانــه..
جمانه\تصبحين على خير..
بهالكلمه عم السكون بينهم وجمانه فضلت هالشيء..تبي تختلي لوحدها وتفكر..وخصوصا مع القرار اللي اتخذته قبل يومين..وشكل هالقرار بيتأجل لمن تهدا الأوضاع شوي..
::
وانتهى اليوم وجاء الجمعه المنتظر..
في صباح الجمعه صحى الوليد وهو متروع بعد مانام له ساعتين بعد ماصلى الفجر
ودق على ابتسام وردت عليه طول لأنها صاحيه وخبرها بأنه نص ساعه وبيمشون..
ودقت الساعه وبترحل السفينه....
ياعينه لاتبكين..دموع هالعيون تزيد عذابه..
.. ياقلبه لاتشكين..خلوه يبعد وهو مرتاح الظنينه.
..هذا زمن الغبرا يشتت الأحبه..
هذا زمن الفرقا والغربه والظليمه....
ودقت الساعه وبترحل السفينه....
:::::
واقف قبال باب الصاله وهو حاظن جدته بذارعه اليمين وعمته هند ياليسار ..والرجال مقابلينه والحريم جالسين يناظرونهم من بعيد
..والجد يوسف ماسك عصاته وجلس بكرسي قريب من الباب وساكت..
الوليد حاول يدور بعيونه على جمانه بين البنات وماشافها..وعرف أنها مو موجوده...وحس بالضيقه لعدم وجودها..
الجو كان حزين ويتخلله هدوء وبروده..وكأن الكل عارف ليش هو بيتغرب عنهم..!!
ومحد قادر يتكلم ولاحتى يعترض..
والوليد يشوف ساعته ويبي يوصل البيت بأقرب وقت..
ويوم حس المسأله بتطول والجو بدى يتكهرب.. تكلم وهو يحاول يبتسم بصعوبه\يالله..لازم أمشي اللحين...!!
ومسك جدته وأول ماحظنها اهتز جسمها وظلت تصيح وتصيح وهو ماأستحمل الموقف وتركها وسلم على عمته والعيال..وقرب من جده وشافه منزل عيونه ويناظر الأرض وحب راسه وأيده \تروح وترد لنا سالم وووالله يحفظك ياولدي..
ابتسم الوليد لجده وماقدر ينطق بحرف وفتح باب الصاله وطلع وهو يسمع جدته تقول\
ودعتك الرحمن اللي لاتضيع ودائعه..
ودعتك الرحمن اللي لاتضيع ودائعه..
كانت ابتسام بالسياره لأنها ماتبي تحظر الموقف واول ماركب الوليد ماتكلم شغل السياره ومسك خط الخبر
ويوم وصلوا نزلت ابتسام \ماراح تنزل..
الوليد\بمر على صديقي وبجي..
ابتسام\اللحين بياّذن الظهر
الوليد\أدري بصلي عنده..تبين شي..
ابتسام\سلامتك..
سكتت ابتسام.تبي أشياء كثيره لكنها ماقدرت تقول شي..تبي تجلس معاه بس هو مو حاس فيها..
لكن الوليد يبي يطلع ويتنفس وخصوصا هالأوقات هذه مايبي يدخل البيت ويشوف ابوه ..
ولايبي يشوف احد..
يحس بالضيق كل مامر الوقت..
ومش عارف يحدد مشاعره..
لكن اللي يعرفه أنه يبي يبتعد عن جو البيت الكئيب,,وكل مايذتكر أنه ماسلم على جمانه يتضايق أكثر..
::::
دخلت ابتسام البيت وحصلت عزيز جالس بالصاله ويلعب كالعاده بلايستيشن قربت منه وسكرت عيونها بأيدها\منوا انا..!!
عزيز بصوت طفولي\منوا أنتي..!!
ابتسام\ماعرفتني..!!
عزيز وهو يفكر\لا.
بعدت ابتسام وضمته بقوه وهي مشتاقه له مووت\حبيبي عزيز وحشتني..
عزيز\وخري يالدبــه ليش رحتي عني..!!أنا ماأحبك..!!
ظحكت ابتسام وهي ميته عليه وضمته أكثر\وانا أموووت فيك..
عزيز\كذابه..ماتحبيبني..خلتوني لوحدي..حتى الدب الوليد راح..
بعدت ابتسام عنه وقامت وهي تمثل العصبيه\اشوفك مصدق نفسك كثير.انابطلع وبتركك لوحدك
خاف عزيز أنها تسويه مره ثانيه ولصق فيها وهو فيه الصيحه
ظل طول هاليومين زهقان وجالس مع الخدامه
ولطيفه الله بالخير ماتدري عنه وطول هالأيام طالعه يابيت أهلها او عند جيرانها وصديقاتها
والضحيه هو..
عزيز\لالالالالا خلااص أخر مره..بس لاتروحيين..
ابتسام\زين وين امك..!!
عزيز \أمي..!!نايمه بغرفتها
ابتسام\فكـــه..امش نطلع الغرفه
عزيز\بسوم..
التفت له\شتبي..
تظاهر عزيز بالتعب وتمايل بجسمه وحب يتدلع ..من زمان ماتدلع على ابتسام\شليــني..!!
ماتت ابتسام على شكله وطنشته وطلعت فوق\اذا تبيبني الحقني..
===========
دخل الوليد البيت الساعه ثلاث العصر وطلع للدور الفوقي ودخل غرفته وشاف ابتسام وعزيز يرتبون اغراضه واول ماشافه عزيز ركض له وحضنه\وينــك..
الوليد\موجود..شخبارك يابطل..
ارتفعت معنويات عزيز بمجرد كلمة الوليد له وكأنه شهاده كبيره حصل عليها\الحمدلله
جلس الوليد على السرير واسترخى وعزيز جلس جنبه\شفتي ابوي..!!
ابتسام\أيه..سأل عنك..!!
الوليد\اهــا..بروح له اللحين..
عزيز\وليد أنت صج بتسافر..!!
ناظر الوليد اخوه \ايه
عزيز\وبتطول هنــاك..!
الوليد\لا..
عزيز فجأه ارتجف فكه\ومايصير توديني معاك..
عزيز برجا\ودني معاك..
الوليد\ماأقدر.
قرب عزيز من وجهه\ليش..!!
الوليد\بــس.....ماأقدر..
عزيز\طيب ..أنا ابيـــك..
الوليد\وحتى أنا... أبيك..
عزيز\طيب لاتروح..
الوليد\ماأقدر..
عزيز بدون مايحس باللي قاله\بتتركنــي لوحــدي..!!
سكت الوليد..وسكت عزيز فتره مو طويله.. وهو مش عارف كيف يعبر عن حزنه..مش مصدق أنه أخوه بيرحل عنهم.. وظل يصيح لوحده ودموعه ملت وجهه..والوليد ماأستحمل يشوف أخوه بهالحال قربه له وحضنه وهو تعبان..
كل هذا وابتسام تناظرهم وساكته....
تحس بقلبها يدق بقوه..وشي بخفوقها يحتــرق..
مااستحملت الوضع وطلعت بره الغرفه وهي كل مافيها يرتجف..
والوليد حس فيها..وقوى قلبه..
الوليد\عزيز..خلاص..أنت بطــل صح..!!
عزيز ولازال يصيح\صــح..
الوليد\والبطل يصيح..
عزيز\لا..
الوليد\يالله أمسح دموعك..
عزيز\مابــي..
مسح الوليد دموع أخوه وحب على راسه وحاول يهديه ويفرحه بأي شي\تحبني عزيز..
عزيز\أيه..بس لاتروح..
الوليد\عزيز أنا بروح لكن بكلمك بالتلفون كل يوم..واذا رحت بتشري لك كل تبيه..وحتى السوني اللي قلتي لي عليه بشتريه من هناك..ويالله اللحين ابيك ماتصيح..البطل مايصيح..يالله أبي اشوفك تضحك..
بعد عزيز عن اخوه ومسح دموعه اللي ظلت تنهمروسكت..
الوليد ابتسم له ومسك شعره اللي على عيونه ورفعه
وظل يناظر بعيونه اللي كانت نسخه من عيون يوسف\يوســف..انت يوسف..!!
عزيز\يوســف..!!مين يوسف..!!
مارد عليه الوليد وناظر ساعته بقلق وقام على طول يلبس ويتجهز..
::::::
على الساعه اربع ونص تجهز الوليد ولبس له بدله تيشرتها ابيض والجينز كحلي وجاكيته والاب توب بايده اليسار..وشناطه كانت بالسياره
نزل للصاله وشاف ابتسام وعزيز وابوه جالسين بالصاله وينتظرونه..
وياكثر ماتعذب قلبه اليوم..
وياكثر ماصبر وتحمل..
تعب قلبه..تعــب.كفايه عليه اللي صار بالنهار والصبح..كفايــه..
حتى هو تعبان..وله قلب يشكي ويتألم,,ينجرح ويجاهد..ويسكت ويكبد بقلبه.!!
مين يسمعه..!!
ومين يشكي له وحدته..
مين..!!
طاحت عينه على عزيز وشافه يمسح دموعه بأيده الصغيره..ويوم التف لأبتسام شافها هي الثانيه تصيح بهدوء ومنزله عيونها للأرض..ويوم شاف ابوه كان ساكت وهادي ويناظر فيه نظره مافهمها ولاعرفها..
نظره غريبه..
ممكن تكون نظرة رجا..او نظره عتاب..
جهلها..
جهل هالنظره وماقدر غير يبعد عيونه عن ابوه..ويتقرب من ابتسام ويهديها بكلمات بسيطه وحنونه لكن هيهات ابتسام تسكت..بل بالعكس زادت بكا وهالمره بصوت مسموع يعور القلب..
عزيزماأستحمل يشوف اخته تصيح قرب منها وحضنها من ورى ظهرها وصاح معاها..
دق تلفون الوليد وكان ثامر يستعجله لأنه وصل بيتهم..سكر الوليد منه..وابتسام عرفت أنه بيمشي اللحين..رفعت عينه له وسألته\بتروح..!!
قرب لها الوليد وجلس جنبها\أيه بروح..
ابتسام بصوت يرجــف\ونهـــ ــون عليــك..
الوليد\لا...ماتهــونون..
ابتسام\أرجوك..لاتروح..وبنظره كسيره..تكفــــى.
حضنها الوليد وماقدرت تقول شي غير أنها تصيح لفراقه..
بعد عنها الوليد وراح لأبوه هو مش عارف كيف يسلم عليه..
يحب راسه..ولاأيدينه..ولايحضنه ويرتاح..!!
ظل واقف فتره..يناظر في أبوه..ودمعت عيونه هاللحظه وماستحمل وارتمى بحضنه\سامحنـــي يابوي..
رص أبوه عليه\مسامحــك..مسامحك يالوليد..روح ياولدي..انا راضي عليك..روح..وقلبي معاك روح..
الوليد\ صدقنــي برجــع وبفرحــك..برجع وبفرحك..
بويوسف\الله يرجعك لنا سالم..قوم ياولدي..
قام الوليد وحس أنه مرتاح..يكفي أنه أرتمى في حظن ابوه وارتاح ..يكفي أنه أبوه راضي عليه..
هالشي البسيط كفيل بانه يريحه من هموم كثيره كان شايلها بقلبه..
طلع من البيت بعد ماناظرهم النظره الأخيره وفتح باب الصاله
وابتسام قامت له بسرعه ووقفت جنب الباب وبايدها كتاب\الوليــــد..
لف الوليد عليها وقرب لها
أعطته ابتسام الكتاب وابتسمت له بين دموعها\هذا قران..بيحفظك..خله معاك وين ماتروح..
اشر الوليد على عيونه\من عيوني...وباس راسها ومشى بره البيت..
ابتسام\الوليــد..
لف الوليد للمره الثانيه..ونااظر اخته نظره أخيره وطلع وسكر الباب وراه.
وعيون ابتسام تتبعه تحفظه وترعاه..
مشى وهو متمسك بأمل وحيد..
ممكن ينور دربه..أو يرجعه خايب..
وحلقت الطياره على سماءالسعوديه متجها لـ نيويورك
وقلوب كثيره تنتظره يرجع مرفوع الراس..
والله الوحيد العالم بحال الوليد ببداية غربته
=======
مسك قلبــه بشده من ورى ثيابه وغمض عيونه بالم..
وجلس على اقرب كرسي كان جنبه..وهو حاس بدوخه تتعب جسمه..
صرخااااات كبيره تتخلل قلبه..صرخات يحس أنها تنادي باسمه...
وتقوله أنا جاي يايوسف..
جــأي.
حس فيه لؤي وترك اللي عنده وقرب جنب صديقه وهو خايف أنه النوبه ترجع ليوسف مره ثانيه\يوسـف علامــك..!!فيك شي..!!
يوسف وهو مغمض وماسك جهة صدره\لا..مافيني شي..لؤي ساعدني أبي أجلس على السرير..احس بدوخه قويه..
تشتت لؤي لكن نفذ أوامر صديقه وساعده على الوقفه ودخلوا الغرفه وجلسه على السرير وفكك ازارره العلويه وراح يجيب له ماي يبرد على قلبه..
ويوم جاء شافه بوضعيته مسترخي وايده على صدره..رفعه شوي وشربه الماي\يوسف..أنت فطرت اليوم..!!
يوسف رد عليه بتعب\شفيك لؤي أنا فاطر معاك الصبح..!!
عتفس وجهه لؤي\أجل علامك..!!
يوسف بياس\مدري..مدري..تكفي لؤي خلني بروحي شوي..ابي أريح كم ساعه..
اعترض لؤي بقوه\مستحيييل..مستحيل اخليك..تبي يصير مثل اللي صار لك ذاك اليوم..أسف حبيبي..
ابتسم يوسف غصبن عنه عشان يريح بوقلب مرهف\أقول ماني بزر قدامك..روح وكمل شغلك..
لؤي\ظحكتني..اسكت احسن..مليق وانت تتحجى..
يوسف\كيفــك..مردك بتقوم..انا بنام وبتزهق..
لؤي\نوم العوافي الغالي..
يأس يوسف منه..وحس بالضجر وغمض عيونه وهو يحاول ينام..
لكن هيهات ينام..يحس بالهام غريب..وصرخات تعتلي قلبه وروحه..
ومايدري ليش..هالأحساس يتعلق باهله..!!
بس كيف يوصل لهم..!!
كيف..!!
دمعت عيونه وهو عاجـــز عن فعل أي شي يطمن قلبه عليهم..
ويوم شاف لؤي دموعه خاف أكثر\يوســف..!!
مارد عليه يوسف وظلت عيونه تدمع بحراره وهو مغمض وساكت
لؤي\شفت..وتقول مافيني شي..!!يوســف تكلم..
يوسف\مافيني شي يالؤي..لكن قل الحيله هي اللي وصلتني لهالحال..لؤي..
لؤي\فرغ يايوسف لاتكبد بصدرك..
يوسف\مشتاق لأهلي يالؤي..وحشوني..وربي وحشوني..أبي اشوفهم لو مره.ومسح دموعه..صدقني مراح اكون اناني ومتذمر بس شوفه...شوفه وحده.. حتى لوكانت بعيده..!!
انقبض قلب لؤي ..لازال يوسف متعلق برجوعه لاهله..مايدري وش يقوله عشان يهون عليه..لأنه حتى هو عاجز مثله..وهو حاس فيه..اكيد حاس فيه..
جمــره..جمره تحرق قلوبهم ومو مخليتهم يتهنون..وبيظلون متغربين في دنيا ناكرتهم وهم مو اهل لهالظليمه.\أذكر الله يايوسف..ومافي شي عند الله بعيد..
ردد يوسف بنفسه\ونعم بالله..ونعم بالله
=========
الفصل الأول
===========
راوين\أبي أروح البحـر..!!
ابتسام\طيب روحي..!!والا أقول...قوموا كلنا نروح..!!محتاجه أشم هواء...!!
راوين\أبي اشوف الغروب..!!
شاركتهم غلا بالحديث وكأنها أكتشفت شي خطير\طيب شرايكم نقول لسلطان..!!صدقوني ماراح يرفض لنا طلب..!!
فجر وماعجبتها فكرة أختها\أقول غلا..مو كأنك زودتيها شوي..أركدي أحسن..!!
غلا بدت بالدلع\شفيها يعني..عمي..ومايرفض لنا طلب..!!والا عندكم كلام ثاني..!!
فجر\السالفه مو سالفة سلطان وبس..أهدوا شوي..تونا جايين..عينوا خير..!!
غلا\يوووه..أحنا جايين عشان نستانس..وينها جماونا..مسويه بوزعم ربة البيت..!!
راوين\هههههههه في المطبخ جمانوا..
استغلت الغرصه ابتسام وقامت المطبخ على طول\بروح اشرب ماي..عطشانه..
راوين\جيبيلي معاك ابتسام لو سمحتي..!!
ابتسمت ابتسام لراوين ومشت المطبخ..وهي تفكر شتقول لجمانه..
أكيد بتنصدم..
وكانت بتتراجع..لكن حست بغباء..جمانه مردها بتعرف ..عن طريقها والا عن طريق شخص ثاني..
دخلت المطبخ ووقفت جنب الباب وشافتها تصب العصير في أكواب..والراحه باينه بملامحها..
حست بالذنب والضيقه..هي تعرف انه اذا جمانه درت بتزعل..وهي ماودها تعفس مزاجها وفرحتها اليوم..!!
أحتارت..تقول..والا ماتقول..!!
وظلت فتره طويله تفكر وسرحانه..
وماوعاها من سرحانها الا صوت جمانه..\بســــوم..
ابتسام\هلا..
جمانه\شفيك..تعالي..!!
قربت ابتسام من جمانه..وابتسمت بوجهها
جمانه بحنيه\تبين شي..!!
ابتسام\لا..
ضاقت عيون جمانه واستغربت..شفيها ابتسام..!!\بسوم شفيك..احس أنك مو على بعضك..!!
ابتسام\أنا....!!مافيني شي..!!
جمانه\متأكده..!!
ابتسام\أيه..ونزلت عيونها..متأكده..
حملت جمانه صينية العصير..ومشت\طيب أمشي نطلع لهم..
ابتسام\جمانـــه..لحظه..!!
التفت جمانه عليها..وسكتت تنتظر ابتسام تتكلم..
ابتسام\عندي لك سالفه..وابي أقولها..!!بس أحس زحمه والوقت مو مناسب,,,
أحترات جمانه أكثر..وفضولها لعب دوره..لكن الصينيه بأيدها ..وماتقدر تمارس طواقيسها المعتاده..ففضلت أنها تصبر شوي..لمن تلقى الفرصه المناسبه..\أوكي بسوم..خليني نطلع اللحين..ويصير خير بعدين..اوكي..!!
ابتسام\مو مشكله..
وبكذا طلعت جمانه وابتسام للصاله ..
لكن جمانه حست أنه الموضوع يخص الوليد..ماتدري ليش..!!
احساسها هالمره كان كبير..وقوي..
حاولت تتناسى الموضوع وتندمج مع البنات وسوالفهم..
بس ماقدرت..فكرت أنه تاخذ ابتسام ويختلون بغرفتها لوحدهم..لكن حستها صعبه تترك البنات لوحدهم..
جاها صوت راوين \ياهوااا..وش تفكرين فيه..
ابتسمت جمانه باحراج وخفت نبرة صوتها\ولاشي...
راوين\ياويلي على اللي يقولون ولاشي..!!جمانه شفيك..صخيتي فجأه..!!ماهو من عوايدك الهدؤء..
جمانه\ومين قال..!!أصلا أنا كلي هدوء ونعومه..!!
راوين\أهــا..طيب جمون..تعالي بقولك شي..!!
جمانه\قولي..
راوين بهس\لا قربي أكثر...
قربت جمانه منها لمن ألصقت فيها\وهذاني قربت..
راوين\أقول.....ابي أروح البحر...
ظحكت جمانه على رقة وخجل بنت خالها\ولايهمك..نروح البحر..هو قريب كثير منا..
فرحت راوين واستمتعت من هاللحظه\يعني نقدر نروح له مشي..
جمانه\نقدر..بس بنتعب....يبيلنا سياره تشيلنا...
راوين\ومين بيودينا...!
جمانه\وفيه غيره..سلطان راعي الفزعات..
راوين\أخاف يفشلنا..!!
جمانه\لاتخافين مايقدر علي..بكلمه وعلى طول بيوافق..
راوين\وثوق..
جمانه\أحم أحم..غصبن عنكم..ههههههه
راوين\أهي هذا جمانه العجوز اللي أعرفها..!!
أقتحمت غلا حديثهم فجأه\شتقولون..!!
جمانه أرمقتها بنظره حاده\وأنت شعليك..!!
غلا\أقول جمانه..
جمانه كتفت أيدينها وتسندت على الكنب الجلدي\نعم..!!
غلا\أنقلعــــي...وقامت بسرعه جنب الحريم قبل ماتسمع ردة فعل جمانه اللي دوم تقهرها..
===========
متى بتجي..!!
الوليد\ماأدري..أحتمال بكره بالليل..اوفجر الجمعه..!!
ثامر\ماتحس انها صعبه وضيق عليك..!!
شرب الوليد الكوفي اللي طلبه وهو يحس أنه الوقت يمشي بسرعه زي ماقال ثامر..بس هو مجبر أنه يروح\أنا أصلا أنا رايح رايح..عمتي لازم أسلم عليها قبل ماأسافر..
ثامر\على راحتك..بس حاول تجي الخميس أحسن لك..
الوليد\يصير خير..وأنت خلصت أمورك..!!
ثامر براحه\..والله يصبرنا على فراق هالبلد..
الوليد\تكفى ياثامر لاتذكرني...كل ماأتذكر أني بتغرب بعتصر هالقلب..
ثامر\يالله أحنا رايحين ندرس..والله يثبتنا ان شاء الله...
الوليد\ أن شاء الله....يالله قوم وراي طريق..
ناظر ثامر ساعته وكانت 8 والعقرب الكبير على10\تونا..شفيك مستعجل...!!
الوليد\وراي شغله ولازم اخلصها..
ثامر\أوكي..
طلعوا الشباب من الكوفي وقرروا يتلاقون الجمعه
الوليد ماكان عنده شغل ولاشي..بس كان يبي يختلي بنفسه شوي..
الوقت صار يخونه..وهو يحس بالتشتت بأفكاره..
يتخيل وش بيصير اذا عرفت جمانه..
يتخيل كيف بيسافر عن أهله..
كيف بيكون الوداع..
كيف بيصبر من دونهم.
صعب ..سفره بيكون صعب..
بيترك كل شي وبيسافر..
بيترك أبوه وأخته واخوه..وجمانه... وحلمه بانه يكون مشهور ولاعب محترف....
كل شي بيتركه...بسبب مجرد أمل ضعيف..ممكن يحيا وممكن يموت وهو ماطلع للنور..
لكن خلاص هو قرر الله معاه ودليله في كل خطوه يخطوها..
هو يمشي باحساس قلبه..باحساس قلبه اللي يقوله يوسف حي مامات..
والله كريـــم..وعلى نياتكم ترزقون...
==========
لا..مستحييييييل..!!
بعد ماطلعوا البنات (غلا وجمانه وراوين وابتسام) للبحر قررت ابتسام تقول لجمانه كل شي وتحطها بالصوره..مدام غلا وراوين مبتعدين عنهم..ومافي ناس موجودين هالوقت..
لكن أبدا ماتصورت تكون ردة فعلها بهالصوره..
:
وتحسفت على قد شعر راسها أنها تسترت على الموضوع وماخبرت جمانه....
جمانه تايهه.. مساكه راسها بعجز..وتروح وتجي من التوتر والضيقه اللي مصاحبتها من أول مادرت بالخبر..
خلاص الوقت ضاع والوليد بيسافر بعد يومين..!!
وش بيكون حالها..!!
ووقفت وهي مقابله ابتسام وعيونها كلها لوم وعتب عليها..\ليش ياابتسام..ليش ماقلتي لي..!!
حال ابتسام ماكان أحسن من حال جمانه..حتى هي متضايقه..اذا جمانه بتفارق حبيب..فأبتسام بتفارق أخو وعايله كامله تشتت بعد الوليد\وش تبيني أقول..أقولك أخوي تقدمت سفرته وبيروح بعد يومين..جمانه..
لاتزيديني لوم وضيقه..يكفي اللي فيني..أنا خلاص ماعدت أميز أفعالي..ماعدت أعرف اذا أنا عايشه والا لا..!!
سفرة الوليد هدت حيلي وارهقتني..!!فلا تلوميني أرجوك..كفايه لوم..
أنا أبي أحد يواسيني..مو يزيد علي..!!
أنتوا مو حاسين بحرقة الجوف اللي بصدري..
مو حاسين..ولا بتحسون بيوم ..
مشت ابتسام بعيد عن جمانه وهي ماتبي تقول شي تندم عليه بعيدن
وجمانه كانت منصدمه منها..ومو مستوعبه اللي قالته ابتسام..
ويوم شافت ابتسام تبتعد عن البحر..توها تستوعب..وعلى طول صرخت باسمها بدون شعور..\ابتســــــــام....
وابتسام سمعتها ولفت عليها وهي بمكانهاواقفه..
مشت جمانه لها لمن صارت قبالها..وعم الصمت بينهم..وماينسمع غير موج البحر اللي يتلاطم على الصخر ويرتد بكل قوته..
رفعت ابتسام أصبعها السبابه ودمعتها بعينها\شوفي جمانه..اذا بترجعين تلومينــــي فروحي أحسن لك....
حضنتها جمانه بكل قوه كانت عندها وسكتت ابتسام على طول وكأنت فعلا محتاجه حضن يضمها ويريحها وينسيها هموم بكره..
تمتمت جمانه باذن ابتسام بصعوبه وكل مافيها يرتجف \ألوم اللي يلومك يابتسام..ألوم اللي يلومك..سامحيني..سامحيني أرجوك..
ابتسام\جمانه..ليش مو حاسني فيني..أبي ارتاح..تعبت ومو قادره ارسي على بر..حاولت كذا مره اتأقلم مع الوضع..لكن ماقدرت..غصبن عني..غصبن عني..ماابي أخسر أحد ثاني..مليت..مليت من وحدتي وحزني..أبي أنسى..ماابي أحب أحد ثاني..لأن كل اللي أحبهم يروحون عني..ويخلوني بروحي..
ماأبي أنصدم..
تعبت وانا عايشه بروحي..
متى برتاح..قولي لي..متى برتاح..!!
وسكتت..وظلت تصيح..وتصيح في حظن جمانه..
ويوم هدت أبتعدت عنها. ومسحت دموعها بطرف عباتها.
وجمانه حاسه باللوم.\أسفه ابتسام..
ابتسام\لاتتأسفين..وانسي الموضوع..
جمانه\كيف أنسى وانتي متضايقه..
ابتسام\لا خلاص انا مو مضايقه..ارتحت لأني كلمتك..خفت أنك ماتفهميني..
ابتسام بابتسامه جافه \أثارايك تحبينه وأحنا ماندري..
أنحرجت جمانه..ودزت ابتسام بعيد..\ومين قال أني أحبه..
غمزت ابتسام بعيونها\لا والله..!!
جمانه\أي والله..
ابتسام\بيجي اليوم...
مافهمت جمانه عليها وضاقت عيونها\منوا..!!
ابتسمت ابتسام\الوليد..بيجي الليله..
بدون شعور قالت جمانه\صـــج..!!
ابتسام\أيه صج..!!أمشي نروح للبنات..شفيهم كيف يلعبون بالماي..شكل غلا عطت جرعات خبال لراوين..
التفت جمانه للبنات ومشت مع ابتسام لهم.. ..وفكرها بالوليد..بيجي الليله..يعني بتشوفه..هذا الشي ريحها كثير..على الأقل بتشوفه قبل مايسافر..
============
هند\يعني مو جايين اليوم..!!أنت قلتي لي أنهم بيجون..!!
الجده\أيه كانوا بيجون لكن سميه مارضت تجي معهم..!!
تكلمت نور ولهجتها ممزوجه بخوف\طيب ليش ماتجي سميه..شفيها..!!
الجده\تقول أمها أنها تعبانه..وهي مافيها الا كل خير..دلع بنيات,,
تنهدت هند بحزن على حال بنت أخوها سميه\الله يهديها ان شاء الله....
الجده\وين عشاك..والا مانتي بعشيتنا..!!
هند\شدعوه يمه..أنا انتظر هالبنات يجون..والتفت على فجر..فجور حبيبتي..دقي على جمانه قوليلهم بنحط العشاء..
طلعت فجر تلفونها من شنطتها\ان شاء الله عمتي..
ابتسم الجده بوجه فجر بكل حب وفخر\أيه هذا البنت السنعه..مو مثل المهبل اللي هجوا بسرعه..
بادلتها فجر الأبتسامه وكلمت جمانه\هلا وينكم..
تكلمت الجده بصوت عالي عشان تسمع جمانه\ياللي ماتستحون بسرعه تعالوا البيت..ولاتهيتوتن زي الصبيان..
جمانه على الخط وهي تضحك على كلام جدتها\وييييه..الجده معصبه..
فجر\حدها معصبه.يالله تعالوا..
جمانه\اللحين جايين..بس ننتظر سلطان..
تكلمت فجر بصوت واطي\بسرعه..
جمانه\هههههه طيب سلام..وسكرت..
الجده\وش قالت..!!
قامت فجر وحبت راس جدتها\بيجون يالغاليه,,هدي أعصابك..مو زين عليك..
كلمات فجر البسيطه بعثت الأبتسامه في وجه الجده ونست البنات على طول..ويوم شافت هند الموقف ظحكت\مفعولك قوي يافجر..صرتي أحسن مني..!!
فجربهدوء\ليتني أصير مثلك..أو حتى جزء منك..!!
هند\ياعمري والله مين مثلك أنتي..!!...والتفت لأم أحمد وقالت..الله يخلي لك فجر ان شاء الله..
رفعت أم أحمد ايدها لفوق \آميييييين..
وكلها لحظات وجاوا البنات وحطوا العشاء لهم وللرجال وتعشوا
==============
كانت ماسكه كيسه مليانه حلويات وطايره من الفرحه لأنه أبوها رضى لها تشتريهم..وكل مره تفتح حلاوه وتاكل شوي منها وتفتح الثانيه وتاكل شوي منهاوتضحك بجنون..وابوها جالس يناظرها وهو يسوق ويظحك على ضحكتها \يالدبـــه..!!بسج حلاو..
مااستوعبت ريوف كلام أبوها وظلت طول الطريق تاكل وتفتح لمن فتحتهم كلهم وارتاحت\اللــــه حلو حلــــو..ثنوا تقول..!!وحطت ايدها على فمها ودمعتها بعينها..أنا دبـــه..!!
ظحك عبد الرحمن على براءة بنته وحركاتها العفويه اللي تهبل فيه وتمسح أي ذرة عقل عنده\أيه دبه..دبـــه كبيره بعد...
قطت ريوف الحلاوه اللي بفمها ونزلت دمعتها\أنت الدبه..!!
علا نبرته شوي\لا أنتي الدبه..يالدبـــه..
ريوف\لااااااااا..انا مو دبه..مو دبه..
عبدالرحمن\وبعدين ليش تقطين الحلاو..اللي يجيبك معاه مره ثانيه السوبر ماركت..باخذ روز معي..وبخليج لوحدج في البيت..
حركت ريوف رجولها بعصبيه وهي مصدقه أنه أبوها بخليها بالبيت لوحدها ورمت كل الحلاو بالأرض..وهو ماهتم فيها وظل يضحك على حركاتها لمن وصلوا البيت ونزلت على طول من السياره اما عبد الرحمن فتح الشنطه بينزل الأكياس وجاه تلفون وكان أحمد داق عليه وظل يكلمه ونسى ريوف اللي ظلت تصيح جنب باب البيت..ويوم أنهى مكالمته شافها وظحك عليها وخذا ألكياس وفتح الباب وطنشها ونادى روز تشيل باقي الأكياس معاه
وظل واقف جنب الباب قبالها وهي بنفس الوضعيه ساكته ودموعها بعيونها.. وعرف أنها مو متحركه أبدا الا اذا أحد مسكها ..
ظحك كثير على بنته..هذه عادتها ومستحيل تغيرها ابدا وعلى طول شالها بخفه ودخلها الصاله وقطها على الكنب وفصخ غترته وجلس جنبها وحضنها\بنتي دلوعه..!!
مشت ريوف دموعها بثوب أبوها وتكلمت بصوت خشن من كثر الصياح \ماأحبــــك..كله تصلخ علي..بعلم يدتي عليك.
جارها عبدالرحمن بالكلام ومثل أنه خايف وحضنها بقوه\لالالا لاتقولين لها..أخاف تطقني بعدين..!!
شدت على اسنانها وقالت بقهر\الا بقول لها..تطقك بالعصا مالتها..وظحكت بخبث وهي تتخيل أبوها ينضرب بالعصا..
عبدالرحمن\ياشقيه..ترضين أنه أبوج ينطق..!!
ريوف\أحثـــن..تثتاهل..
فتح عبد الرحمن عيونه ومسوي نفسه مندهش وتركها وقطها على الكنب\وبعد أستاهل..أوريج..جلسي هني لوحدج...بروح أنا أنام..وياويلج ان جيتيني ولاتسبحتي..!!وابتسم بخبث..يادبــــــه..ودخل المطبخ وقال لروز تسبح بنته..وطلع فوق يتسبح وينام..
ويوم مرت ربع ساعه شاف أحد يفتح باب غرفته فتح عيونه شوي وعرف انه ريوف وعلى طول غمض عيونه وسوى روحه نايم ومو حاس فيها..وعلى طول جاته بنته وشعرها مليان ماي ولابسه بيجامه بيضه ومستعده للنوم ورفعت رجولها بصعوبه عشان تطلع للسرير وجلست جنبه ونامت..يوم حس عبدالرحمن أنها نامت ضمه لصدرها وحب راسها وعرف انها توها متسبحه وابتسم بحنيه.. مسك ريموت المكيف اللي كان محطوط جنبه وقصر عليه لأخر شي وغطاها بفراشه ونام وهي بحضنه كالعاده..
=================
ناظر الوليد ساعته الفضيه وشافها 12 ونص..
مر الوقت عليه بسرعه وماحس أنه وراه طريق الا على 12 .. بركن سيارته على جنب..وتفشل من عمره كيف بيدخل عليهم هالحزه أكيد كلهم نايمين..وكيف أصلا بيدخلونه الا بوجود جاسم زوج عمته هند..
ويوم وصل للبوابه قرر يكلمه عشان يدخله ..وضرب على رقمه وهو منحرج وتوقع انه مايرد عليه لكن تفاجأ أنه باول رنه رد..سلم عليه وسأله عن أحواله..وتفاجأ للمره الثانيه يوم عرف انه كان ينتظره هو وعمته هند..سكر منه وظل ينتظره..
وهو يسأل نفسه..مين قال لهم أني جاي..!!أكيد جدتي..!مافي غيرها..!!
والله أحراج ليتني ماجيت بس..وأنحطيت بهالموقف..اللحين وش بيقول عني الرجال..مستهتر وتوه متفرغ..!!
أوووف الله حاله..
وعلى هاللوم والتفكير شفت سيارة جاسم من بعيد..ويوم قرب نزلت من سيارتي ورحت اسلم عليه\السموحه منك..تعبتك معاي..
جاسم\أفا عليك يالوليد لاتعب ولاشي..يالله تعال وراي..عمتك تنتظرك..!!
ابتسم الوليد باحراج فظيع وقال\ان شاء الله..وركب سيارته..
وكلها خمس دقايق ووصلوا نزل الوليد وترك شنطته بالسياره ..ووقف له جاسم لمن جاء له وحط ايده بكتفه \حياك...
الوليد\الله يحيك...ودخلوا البيت وعلى طول للصاله لأنه هند كانت منتظرتهم وأول ماشفاها الوليد حن لها لأنه واضح عليها التعب والأرهاق وفجأه تذكر امه وترحم عليها بقلبه اللي أنفطر حزن بذكراها..سرع خطواته من عمته يوم شافها بتقوم عشان تسلم وجلسها وحب راسها\والله ماتقومين..وانت تعبانه...
ابتسمت هند بتعب خفيف وضربت الوليد على صدره بخفه\وليش توك تجينا..!!كنت أحاتيك..!!
جلس الوليد جنبها ..وناظر جاسم اللي كان يبتسم لهم وبعدين لف على عمته\شسوي ياعمتي..والله نسيت وماتذكرت أني بجيكم الا متأخر..
هند بعتاب\أخر مره تسويها...
الوليد\هههههههه ان شاء الله..
تذكرت هند سفرة الوليد وتكلمت بجديه عشان تخفي حزنها عليه\وش صار على سفرتك..!!
أستغرب الوليد..مايذكر أنه قال لعمته عن هالموضوع\أنتي دريتي..!!
هند\وفي أحد تتوقع مادرى...أنا ماراح ألومك لأن خلاص مضى وقت اللوم...لكن اللي ابيه منك تشد حيلك وترفع روسنا..وتجيب لنا الشهاده..
أرتاح كثير الوليد من كلام عمته..يمكن لأنها الوحيده اللي تقبلت الموضوع بكل واقعيه وماتضايقت زي البقيه..
الوليد\شفتي عيوني...من عيوني ياعمه..!
أخذت هند نفس وكملت كلامها بصعوبه\الله يوفقك..واللحين يالله قوم نام..تأخر الوقت..
جاسم\ها ياهند أرتحتي اللحين...!!
هند\أكيد.. ايه صحيح تعشيت..
الوليد\ متعشي..تسلمين..
قامت هند بصعوبه بعد مساعدة الوليد لها\..يالله أنا بروح أنام وراي قومه الصبح..وخذ راحتك ...وابتسمت بحنان...البيت بيتك
===========
جوعـــــانه
..وابي أكل شي يسد جوعي..
بتقولون لي ليه ماتعشيتي..!!بقول لكم جلست جنب الرقيقه غلا اللي كانت مسويه ريجيم وسدت نفسي على الأكل...وماكلت غير ملعقتين خضار وقمت وانا متنرفزه منها...وفي شي ثاني سد نفسيتي كلها..لكن ماراح أّذكره..أنتوا تعرفون أكيد..!!
طلعت من الغرفه بهدوء عشان مااقوم البنات اللي ناموا بغرفتي وسكرت الباب ببطىء..ويوم انجزت المهم الصعبه أطلقت واااااااو كبيره بعد..
ورحت للمطبخ وفتحت الثلاجه على طول... لعل وعسى أشوف شي بقى من العشاء..لكن للأسف مالقيت شي..
أكيد الخبله جيليتا خدامة جدتي رمتهم بالزباله أو كلتهم..مالت عليها الدوبه..
تسندت على الثلاجه وانا الجوع ذابحني واصوات بطني بدت تطلع وتقول أنقذوني..
وشفت علبة ببسي مسكره..خذتها وفتحتها..
أدري بتقولون مجنونه..بس شسوي هذا الموجود حاليا..
شفت كيسة توست محطوطه بطاولة المطبخ..وفكرت أسوي لي توست بجبن..لكن تعيجزت وطنشت بطني..تذكرت أني حاطه سنيكرس بدولاب الصاله وطلعت اخذه.ياسلام..حلت السهر عندك ياجمانه..!!
و شفته وماحد كله..فتحته على طول بأيدي اليمني..وأيدي اليسار ماسكه قوطي الببسي لكن سمعت أزعاج وراي وصكت باب.. لفيت وجهي بسرعه..وشفت الوليد وصرخت\يمـــــــه..وحطيت الببسي والسنكيرس بوجهي وكأنهم بيحجبوني عن الوليد..وعلى طول تخبيت ورى الدولاب لأنه كانت في فتحة ديكور جنبه..ودخلت نفسي غصب فيها..لمن تغلصت..!!
وقلبي..!!
شنوا قلبي..!!
احسه بيوقف من نبضاته المتسارعه..وغمضت عيوني بدون شعور والببسي والسنكرس بوجهي لحد اللحين..
:
سمعت صوته الهامس وكان قريب مني حيل\جمانه..؟
عرفنـــــــــي..!!يارب ثبتني ماأقدر أستحمل..
عاد اسمي مره ثانيه\جمانه وينك..!!
رديت عليه وجسمي ينتفض\هلا...هلا...الوليـــ ــــــد..!!
كلمني ووصوته هادي ومحرج\آسف ..ماكنت أدري انه في أحد موجود..!!كنت طالع أخذ شنطتي من السياره..وووبس..
جمانه\لاعادي الوليد..أدري أنك ماتقصد......وسكت..وهو سكت..وظلينا فتره ساكتين..سبحان الله تحققت أمنيتي على طول وشفته وهو شافني بموقف ماعمري تصوت أنه بيحصلي بيوم..
وبعد فتره..ماحسيت فيه..
وشكله راح..حسافه..
لكن أتفاجأت بصوته مره ثانيه..
الوليد\أحم..ماراح تقولين لي على السلامه..او على الأقل شلونك..!!
ياربي..وانا اللي مفكره أنه راح..أثاريه موجود..معقوله يفكر بنفس اللي أفكر فيه,...!!
رديت عليه بصوت واطي وأنا منحرجه\الحمدلله على سلامتك..
الوليد بهمس\بس..!!
ابتسمت له..ماراح يوفت هالفرصه\أيه بس......وكملت وانا مغصوبه... الوليد معليش تدخل غرفة العيال أبي أطلع..
الوليد\أفا طرده يابنت العمه,,!!..
لاياالوليد مو طرده..أخاف أذوب قدامك..ياويلي شفيني..!!
جمانه\لا ..أخاف يطلع ويشوفونا...ووو
قاطعني بسرعه وتفهم الوضع\أوكي..انا بدخل..تصبحين على خير ....جمــــانه..
غمضت عيوني وأنا هيمانه..اسمي حلو على لسانه..\وانت من اهل الخير..
وسمعت فتحت باب وعرفت أنه راح..
وانا على طول تركت هالببسي والسنيكرس اللي مخبيه فيهم وجههي وحطيت بالطاوله ودخلت غرفتي انام..وانا شبعانه...
شبعانه حــــب...!!
============
فتحت عيوني ومسكت ساعتي اللي جنبي وشفتها 11 بالظبط..لفيت وجهي الجهه الثانيه وشفت غلا نايمه وشوي بتوصل عند الباب من كثر حراكاتها....أما جمانه على سريرها..و مايبين شي فيها غير رجولها الطوال..
وشكل فجر وابتسام صاحين من زمان وماحسيت فيهم..
قمت من فراشي بكسل..الصراحه ودي أنام اكثر..لكن فشله وش بيقول عني..!!
دخلت الحمام اللي بالغرفه وكانت هذه أول مره أدخله..ياحليلها جمون..حتى الحمام صابغته اصفر..!!
تموت على الأصفر هالبنت..!!ولمساتها كلها أنثويه والورود المجففه منتشره بكل جهه حتى بالحمام..!!..بس لوتخف من دفاشتها تطلع بيرفكت..!!
غسلت ةجههي بالماي وشفت وجهي بالمرايه...
ضعفت كثير..
معقوله كل هذا تفكير..
لكن مو مشكله ضعفي أبرز ملامحي أكثر..
ابتسمت على تفاهتي..وذتكرت أنهم أحتمال يجون اليوم..
يارب يجون..!!وحتى لو جاوا..وش بيصير يعني.!!
صج غبيه..!!
خلني أطلع تأخرت عليهم..وبلا كلام ماله معني..!
وطاحت عيني على البنات مره ثانيه..وكنت بصحيهم لكني مو ناقصه تهزيأت توني صاحيه ومالي خلق..
طلعت من الغرفه وأتجهت للصاله وشفت الكل مجتمع ماعدا فجر وابتسام..لكن سمعت أصوات البنات في المطبخ ورحت لهم على طول وشفتهم جالسين يفطورن..
راوين\صبـــــاح الخير..
فجروابتسام\صباح النور..
طلعت فجر كرسي لي وقربته جنبها\تعالي فطري معنا..
جلست جنبها وشفت عصير برتقال وصبيت لي منه وشربته..من متى صاحين..!!
ابتسام\يعني ربع ساعه..
راوين\أها زين..خفت أنكم صاحين بدري..
فجر\والبنات صحوا..!!
ظحكت بنعومه وقلت\ولاقنبله تقومهم..
ابتسام\يمه منهم..أكثر ناس بالعايله ينامون..ماتشوفونهم صايرين طوال..!!
راوين\صج..!!اجل بظل طول اليوم نايمه..!!
فجر\أجل تصدقون أنا سمعت العكس..!!بس خلاص راحت علينا ووبيظل هذا طولنا..
مسحت شوي جبن بالخبز وابتسمت برضا\ على كل حال..
==============
توني ماسك خط الطريق وناوي أنزل الشرقيه..ومن الشرقيه لراس تنوره..
أمس قررت أني ماأروح وأخلص شغل المشروع..
لكن مدري ليش غيرت رأي على طول ..وماشفت نفسي الا مجهز أغراضي وراكب السياره..وكلها أربع ساعات وواصل ..
ظغطت على راسي بألم وفصخت النظاراه الشمسيه....راسي مصدع وكله بسبب سهرة أمس..
كثرت بالشرب لمن داخ راسي ونمت بدون ماأحس.... .. وغير كذا تذكرت أني ماشربت قهوتي الصبح..ومافيني أرجع وأشتري لي قهوه من أحد هالكفيهات..
شفت على يميني محطة بنزين وجنبها (قهوة الطريق) لفيت لها وطلبت قهوه وكلها نص دقيقه وخذتها وطبعا ماحطيت سكر لأني أحبها مره عشان تصحصحني أكثر..
ومشيت ودعست الطبلون..أبي اوصل بسرعه..وناوي أخلي هالأربع ساعات ساعتين..
شغلت على الراديوا عشان ألهي نفسي بهالطريق..
حطيت على أف أم وطلعت لي أغنيه غريبه مصريه وممزوجه بعربي..
صج سخفين كل واحد حس أنه صوته حلو حط له اغنيه وصار مشهور.
مصدقين حالهم كثير..أجل هذه أصوات..!!
طفيت الراديوا وخذت لي شريط لــ عبدالحليم حافظ...*..نار ياحبيبي نار..*وشغلته..
سمعت صوت تلفوني يدق..قصرت على المسجل..وجلست أدور عليه وأنا أبي أتذكر وين حاطه..
وبالأخير شفته تحت المقعد اللي جنبي خذته على طول قبل مايسكر وشفت المتصل مبارك..
ورجع لي الصداع ثانيه وضاقت عيوني بملل....شيبي هذا متصل..!!توني شايفه أمس..!!
وعلى طول بدون شعور قفلت تلفوني بوجهه..وقطيته ورى..وطولت على المسجل..
===========
صار لي نص ساعه واقفه جنب المرايه واحاول أدخل هالعدسات الكحليه اللي مو راضيه تدخل..
وياانا ياهي اليوم..بتدخل يعني بتدخل..
ومدام أني دخلت الأولى بتدخل الثانيه غصبن عنها..
بس شفيها زهقتني ياربي..الكل تجهز وخلص الا أنا..!!بقى لي اكمل مكياجي ومكياجي أعرفه ياخذ مني ساعه كامله ..ياربي شسوي اللحين..
والله يشوف شكلي يموت ظحك عيني مفتوحه على ألاخر وتدمع.. وجسمي كله على المرايه والشعر مرفوع أي كلام..
ليكون مقلوبه عشان كذا ماتدخل..!!
خذت العدسه وحطيت لها السائل اللي ينظفها وقلبتها وحطيتها بوسط عيني وتركتها...وعلى طول دخلت..
أخييييرا..أثاريها مقلوبه وانا ماادري...!!آآآآه ...غمضت عيوني عشان ترتاح شوي وجلست على سرير جمانه..ويوم حسيت أني أرتحت فتحتها وخذت منديل ومشيت دموعي اللي نزلت..
وبديت أشتغل بالمكياج..
ومدام أني لابسه بلوزه فوشيه وجينز كحلي..راح أحط مكياج بسيط..
خذت القلم الكحلي وحطيته تحت عيوني والماسكارا برموشي ثبتها..صحيح أني مو محتاجه تطويله رموش..لكن ماأقدر لازم أحطه.... وبعدها حطيت قلوس وردي وشوي بلاشر فوشي وانتهيت..
ماله داعي احط اوفر..
فتحت شعري ونفشته شوي ورفعته كله ونزلت خصلات من ورى..وانتهيت اخيرا..
بس بقى احط الحلق الغجري اللي كان بلون البدله فوشي..
خذته من الشنطه ولبسته..ولبست أساوري السته اللي كانت بالطراز الهندي..وهذا شي اساسي عندي..!
وابتسمت أبتسامة رضا على شكلي..
وطلعت للصاله وانا عارفه أني باخذ تهزيأه من امي على جلستي المتأخره...
وبالفعل اول ماطبيت الصاله عطتني أمي الكلام العدل..والمصيبه أنه الكل جالس ..وغير كذا كانوا يتغدون ومطنشيني..
هو أكيد بيطنشوني..أمس حالت فيني عمتي هند وبالموت كلت
واليوم شكلها يأست مني..
...شفت سلة فاكهه على الطاوله..خذت لي تفاحه وجلست على الطاوله..وأنا شوي منحرجه..
أم أحمد\بدري غلا..كان كملتي نومك..
ظحكت على أمي عشان أخفف الموقف علي..وناظرن بفجر عشان أستنجد فيها\ههههههه والله كان ودي لكن أحترمت روحي...
سمعت ظحكة جمانه اللي كنت جالسه جنب ابتسام \هههههه صج أحترمتي روحك..!
التفت العمه هند على بنتها وضربتها على أيدها\وانتي مو أحسن منها..توك صاحيه ياحظي..!!
وأنا هنا مت ظحك..احسن مو أنا بس اللي أتهزأ..تستاهل جمانوا..مسويه نفسها بو زعم أنها الزينه..مالت عليها...وبكذا سكتت وسكرت فمها..أحس مالي خلق أزعاج من الظهر..
لكن حسيت أنا في أحد ناقص..مو موجود..
أيه..جدتي وينها..\أقول فجر..وين جدتي..!!
فجر\عند العيال بالمجلس..
غلا\أها..
فجر\تبين منها شي..!!
ظحكت...يعني شنوا أبي منها..!!\لا..بس أسال عنها..!
ابتسام\..
هند\وين ياأبتسام,,,!!
ابتسام\لا خلاص ياعمتي..شبعت يعطيك العافيه..
هند\يعني بتسوين نفس غلا..!!
التفت علي ابتسام وقالت بقهر\وأنا اقدر أصير مثل غلا..همتها عاليه البنت..!!
وظحك الكل على لهجتها,,أما أنا..ابتسمت بفخر وغرور ورمشت بعيوني\شكـــرا..وعلى طول جت عيني بعين مرت عمي نور..وانحرجت الصراحه..ليش مدري..!!
أحس اذا طالعتني اخجل منها عكس أزواج عمي البقيه..
يمكن لأنها هاديه ونادر ماتتكلم مع أي شخص..
أو يمكن لأنها دوم تبتسم بطيبه ونيه صافيه..
مااعرف ليش..!!
لكن اللي اعرفه انها الوحيده اللي أستحي منها..
واكره أني أنوضع بهالمواقف..لأن شخصيتي تتغير كليا..
ومااكون غلا اللي الكل يعرفها...
:
قطع افكاري صوت جمانه وهي تتدلع على أمها \يمه ترى أقولك من اللحين..بنطلع ونتمشى ..
رديت عليها عمتي وهي تتمصخر عليها\ومين ياعمري بيوديكم..!!
جمانه بصوت أجش وحريمي\لاتخافين علينا..احنا مرتبين الوضع عدل..سلطان بعد عمري..!!..خلف أهلي والله..يعلني ماأّذوق حرته بيوم بيتكفل بهالشي..!!
الجالسين كلهم ظحكوا على كلامها..ومطها بالكلمات...
مو قلت لكم أنها عجوز..وماتصدقون..!!
ومحد مصبرني على خبالها الا انها تفهمني بسرعه..لأني حتى أنا أبي أطلع..
جمانه\ها وش قلتي يمه..
هند\ماأدري..
الصقت جمانه بأمها أكثر وبدت تتدلع\يمه..تكفيييييين..
دزتها عمتي بخفه وهي مالها خلق للدلع اللي مو جاي بوقته\زين..زيــــن..وخري عني..
جمانه\يعني موافقه..!!
هند\اوووف اللهم طولك ياروح..مواقفه..وخري عني جمانوا..
ظحكت جمانه بجنون وباست أمها بدفاشه\واااي أموت فيك يمه..ياحبيبتي أنتي,,!!وقامت تنطط زي السبال.....يالله بنات جهزوا حالكم..وينــ فجر..!!
رفعت فجر راسها\هذاني موجوده..
جمانه\هههههههه والله ماشفتك..يالله قوموا..وانتي أول وحده بتقومين معانا..!!
فجر\يصير خير..
ضربت جمانه رجولها بالأرض بعصبيه\فجـــــــــــــــــــر..قومي....!!
فجر\ههههههه زين..أصلا حتى أنا نفسي أشم هواء..
=============
يتمشون على البحر..ومستمتعين بجو اليوم الحلو..
ماكان حار ولابارد..كان معتدل بنسيمه الدافي.. ولولا الرمل اللي عكر وذبح عيونهم..كان طلع ولا احلى..
الوليد حاط أيدينه بجيب بنطلونه الفضفاض النيلي..وكان رياضي قح بجزمته الرياضيه..تيشيرته أبيض ولابسه كاب نيلي\ماراح يجي طلال..!!
سكر هيثم تلفونه وحطه بجيب بنطلونه الجينز\مااظن.يقول أحتمال يجي..واحتمال لا..!!
الوليد بحزن ياكل قلبه\حسافه كان ودي نسهر الليله مع بعض..!!
حزة في نفس هيثم هالكلمه لأنها بتكون أخر سهره مع الوليد اللي كان صديق وولد عم واخو بنفس الوقت..
مايدري كيف بيقدرون على فراقه..
صحيح هم نادر مايشوفونه وخصوصا لأنه مقسم وقته بين النادي والجامعه..لكن بيظل له اثر كبير بعد سفرته..
والله يعينهم على فراقه المر..
هيثم حاول يبعد نظاراته عن الوليد..وناظرالسماء اللي مغيمه..والبحر اللي يلطم بامواجه \ماأتخيل..ولابي أتخيل أنك بتسافر عنا...
ابتسم الوليد بألم وقال\لا..تخيل ياهيثم..عشان أقدر اروح وانا مطمئن..
هيثم\أتخيــــل..!!
أحسها صعبه يالوليد..
كيف قدرت.!!كيف قدرت تترك حلمك وتروح..
وعشان أيش..!!
معقوله عشان دراسه..!!اللي تقدر تكملها هنا..في بلدك وعند أهلك..!!
رفع الوليد راسه للسماء وكانه يطلب المعونه من ربه أنه يصبره ويثبته..عظ على شفايفه وحاول يكتم سره ومارد الا بكلمتين وعينه متصوبه لمدى لبعيد محد يشوفه الا هو\حلمي هنــاك..حلمي بره ياهيثم..!!
هيثم بعجز واضح وقف قبال الوليد\كيف..قولي كيف..!!وين اللي يقول يبي يصير لاعب مشهور..وين اللي يقول يبي يوصل للنجوميه..وين أمنياتك وطموحاتك..والا كل هذه الأمور أنتهت..!!
الوليد جاوبه بعيون كسيره وضايعه\أرجوك ياهيثم..لاتذكرني..خلني أنسى..
هيثم\كيف تبين أسكت وأنا أشوفك تهدم كل شي حلو بنيته بايام طويله..ولاتبيني أذكرك..!!
الوليد بجمود غريب\هيثـــــم...اذا تبي تجرح هالقلب...وأشر على قلبه.... ذكرني..وتلذذ في تعذيبي..
واذا تبي تداوي هالقلب..أنسى...مثل ماانا بنسى...!!
ومشى بعد ماقال هالجملتين اللي عورت قلب هيثم..وشتته أكثر..
وظل واقف يناظر ولد عمه اللي يمشي بانكسار لوحده..
وكأنه غريق في بحر ماله أول ولاأخر..
وكان بيتبعه لكن تراجع لأنه عرف أنه يبي يكون لوحده ويراجع حساباته..
وطاحت عينه على سلطان اللي جايب البنات ..وظحك وهو في غمرة حزنه..لأنه كان شكل سلطان يضحك وجموع البنات وراه وكأنه أمير وهم يتبعونه..
قرب لهم وشاف وحده تلوح له بأيدها وتسويله باي...وعرف أنها غلا من نظاراتها..
سلطان\هلا وغلا بولد أخوي...وين الثاني عنك..تطلعون ولاتقولون لي..
هيثم\بلا كذب قلنا لك وأنت مارضيت..لف هيثم وجهه على بنات عمه وسلم عليهم..شخباركم بنان العم..!!
محد تكلم غير جمانه الملقوفه\وأنا مطلعني من الحسبه..!!
هيثم\ههههههه وانتي معطتني فرصه..توني بقول شخبارك بنت عمتي..!!
جمانه\وانا برد عليك..الحمدلله..
دخلن غلا عرض عليهم ولصقت بهيثم\أقول أقول أقول..هيثوم..!!
بعد عنها هيثم وهو متقرف من حركاتها\هيثم في عينج..شتبين..!!
جمانه\ههههههههههه أحسن..
خزت غلا جمانه من ورى نظارتها وبعدين طنشتها\نبي ندخل داخل..
هيثم\دخلوا..احد مسكم..
فجر\نبيكم تدخلون معنا..!!
هز هيثم كتوفه بدون أعتراض\كيفكم..عادي..!
قربت ابتسام جنب فجر وهمست لها\فجر..قولي له وين الوليد مايرد على تلفونه..!!
فجر\ان شاء الله...هيثم..
هيثم\هلا
فجر\وين الوليد ابتسام تسأل عنه..!!
بدون قصد هيثم طاحت عينه على ابتسام ورد عليها.. وهي أنحرجت من نظراته لها وعلى طول نزلت عيونها هيثم\الوليد يتمشى على البحر... قدام شوي..
فجر\أرتحتي..!!
رفعت ابتسام عيونها\يعنـــي..
جمانه\واحنا بنوقف كثير..!!
سلطان\لا طبعا..بس صبروا بدق على الوليد..!!
دق سلطان على الوليد ومارد عليه..وظل يدق عليه لمن رد وقال له أنهم بيدخلون داخل وقفل منه..
ابتسام\بيجي..!!
سلطان\أيه..يالله مشينا...
مشوا الشباب والبنات لـ داخل المركز وكان حلو وممتع.. تقريبا فيه بالجهه اليسرى سينما لكن مادخلوها وجنب السينما على طول مطعم لوجبات سريعه وبعدها مكتبه متوسطه اللي دخول فيها البنات عشان فجر... والشباب تركوهم ودخلوا صالة الألعاب اللي كانت محتله مساحه واسعه بشكل كبير.. والألعاب اللي كانت موجوده لعبة البولينج والبلياردوا كانت بصاله ثانيه أصغر شوي.. والعاب كثيره خاصه للشباب..لكن المركز كان عائلي..
::::
وهاللحظه دخل عليهم الوليد وهو متصنع الأبتسامه.. وشاف سلطان وهيثم ماخذين كور البولينج الثقيله ويبدون يلعبون..
خذ الوليد الكوره وقرر يلعب معاهم ويعرض مهاراته لهم..
وخذ له مكان معين..وصار بالجهه اليمنى وهيثم باليسرى وسلطان يتوسطهم وكلهم مستعدين ومنزلين ظهورهم للــ لعبه..
سلطان\أقول هيثم مدام الوليد جاي ماله داعي نفشل عمرنا ونلعب..امش ننسحب..!!
ناظر هيثم الوليد وفرح لأنه مبتسم وشكله حاول انه ينسى ومايضيع اليوم الوحيد اللي بيكون فيه مجتمع معاهم..وهو حس بالغباء لأنه حاول يذكره بجروح قديمه..وكره عمره على تسرعه.
لكن حاول يتناسى الموضوع ويستمتع مع الوليد بكل الطرق مدام هو حاب هالشيء..
هيثم\لالالالا بالعكس..انا أبي ألعب..ومقرر أهزم هالوليد..!!
ظحك الوليد بغرور وجارا هيثم وهو يدري أنه المسأله كلها تمثيل في تمثيل\مشكله الثقه..يالله 3..2..1..go....
ومشوا بسرعه لمن رموا الكور الحديديه والكل يناظر هالكور اللي تتحرك ومايدورن مين اللي بيطيح أكثر وبيوصول للهدف..
وطبعا زي ماقال سلطان الوليد هو اللي بيفوز عليهم وطيحهم ماعدا ثنتين صار متحكمين بوفقتهم ومانزلوا واللي بعده على طول هيثم اللي كان بقى له 5 ويفوز واخرهم سلطان وماراح أذكر كم لأنه فاشل بهالأمور ..واللي يعجبه بس لعب الورقه(الكوتشينه) والبقيه على جنب عنده..
سلطان\مو أنا قلت لك..خلنا ننسحب..هذا هو فاز علينا..أنا منسحب من اللعبه..ومشى عنهم..
ظحك الوليد بجنون على شكل سلطان المهزوم ومشى وراه وحاط أيده علة وجهه.. وباسه على خده\قلنا لك من زمان خلنا نعلمك ..لكن مارضيت..!!
مسح سلطان خده بقرف\ووع عليك..أحد قالك بوس..امشوا ندخل بس..!!
الوليد\وين.!!
هيثم\نلعب بلياردوا..!!
سلطان\مانبي بلياردوا..!!
ابتسم الوليد بخبث\ليش خايف من الهزيمه..!لاتخاف ماأحب العبها ولا أعرف لها اساسا..
هيثم\حتى أنا..
سلطان\والله اللي يعرف لها تركي...
الوليد\ولد عمي..!!
سلطان\أيه متفنن في هاللعبه..
هيثم\أصلا مايبيلها شي..
سلطان بطنازه واضحه\أيه مايبيلها شي..اشوفك تعرف تلعبها..!!
انحرج هيثم لأنه صحيح مايعرف لها ولا يبي يعرف أصلا\أقول أمشوا نطلع..
الوليد\يالله..
طلعوا الشباب من صالة الألعاب ودخلوا المكتبه اللي ماكن فيها أحد الا البنات اللي ماخذين راحتهم على الأخير وكل واحده ماسكه كتاب وتقرى....
هيثم\شسالفه ماأشوف احد موجود غيرنا..!!
سلطان\نادر محد يجي هنا اساسا..واذا جاوا مايطولون....أمش ناخذ لنا أحد هالكتب ونتعنقف...قصدي نتثقف..!!
هيثم\لا الله يخليك..مالي خلق أتثقف..عندي في البيت كتب يبيلها فتح..
:::::
بالجهه الثانيه غلا وجمانه جالسين جنب بعض ويطلعون بالهكتب يتصفحونها على السريع ويقرون من كل بحر قطره.. وياخذون كتاب ثاني ويسون نفس الشي..
جمانه\يععععع.مااتخيل أقرى كتاب كامل..
غلا\قولي لي...انتي شلون نجحتي..!!
جمانه\بالواسطه..خخخخخخخ..يعي شلون نجحت بالدز...والله..
غلا وتناظر جمانه بقرف\كنت شاكه...
جمانه وودها تفقع عيون غلا\أقول تراني معطتك وجهه..
غلا\والله محد قالك تجلسين جنبي.. وحطت ايدينها بخصرها..قلوا الأماكـــن..!!
جمانه تنفست بضجر\غلاوه..اجلي الخناقه للبيت..مالي خلق لك..
ظحكت غلا بدلع\ولا أنا..بس شسوي.. ماأقدر..
جمانه استغربت\ماتقدرين في شنوا..!!
غلا\ماأقدر لازم أتخانق معك..والا ماأصير غلا العالي..
قربت جمانه منها وساسرتها\تصدقين حتى أنا..ماأقدر..أحس بشي ناقص اذا ماتخانقت معك..
ابتسمت غلا \الله يخلينا لبعض..
بادلتهاجمانه الأبتسامه وقالت\ويخلي هالخناقات اللي تقربنا من بعض,,,
رفعت غلا ايدينها لفوق وقالت بصوت مايع\آمييييين..
جمانه وتجاري الخبله اللي جنبها وترفع أيدها لفوق\يارب العالمين,,,
جمانه وغلا\هههههههههههههههههههههههههههههههههه
فجر\اوششششششششش..استحوا..
حطت غلا ايدها بفمها وقطت الكتاب اللي بحظنها وسببت ازعاج بالمكتبه والكل التفت عليها...
خزت فجر أختها لأنها سببت ازعاج وهمست لها\شيلي الكتاب..فشلتينا..
غلا\يوووه طيب..
جات راوين للبنات وهم منحرجين من الموقف اللي صار
راوين\أقول امشوا نطلع..خلاص زهقت..
قامت فجر وهي شوي معصبه من حركات غلا الغبيه وراحت لهيثم\وهذا اللي بيصير أساسا..قوموا يالله..
هيثم\شفيكـــم,,!!
فجر\خلص..بنطلع..!!
سلطان\يالله..وين تبون تروحون..!!
فجر\كيفكم..
::
ابتسام\ليه ماترد على تليفونك..!!
الوليد\كان معي خط..
ابتسام\..تكذب على منوا أنت..!!
الوليد\على أختي الكبيره..بسوم..
ابتسام رصت على أسنانها\سخيف..
الوليد\مشكوره..يجي منك اكثر..
ابتسام\الوليد..
الوليد\ابتسام
ابتسام\الوليد..
الوليد ومصر\ابتسام..
ابتسام بتأفف\أوووف..خلاص لاتطول..شكلي غلط جنبك..مستحيل الناس يصدقون اني أكبر منك..
الوليد ظحك بخيلاء\والله محد قالك تكونين قزمه..!!صج سنفور..!
ابتسام\..أنا سنفوره..!!
الوليد\أيه..
ابتسام انقهرت ومابينت له\ياويلي..طلعوا وتركونا..أمش نطلع وراهم..
الوليد \من بعد المكان..يالله أمشي..
الوليد\أقول ابتسام..
ابتسام\ها..
الوليد\ويعاه..شنوا ها.!!
ابتسام\اوووه..نعم..
الوليد\أحم..ماقالت لك شي جمانه..
ابتسام\مثل..!!
الوليد\يعني..أي شي..
ابتسام ابتسمت وحبت تجنن أخوها\لا ولاشي..ولاجابت حتى طاريك..
الوليد حس بخيبة امل\مالت عليكم ثنتينكم..!!أمشي بسرعه..والا بروح عنك..
فرحت ابتسام..هي تعرف كيف تهبل في أخوها..يستاهل..أجل هي سنفور..!!
:::
طلعوا الشباب للبحر ثانيه وقرروا البنات يرجعون لأنهم تعبوا من كثر المشي..
اما هيثم والوليد مايبون يرجعون اللحين..
ووصل سلطان البنت للسكن ورجع للشباب مره ثانيه..
::
عند باب مدخل البيت..
غلا\ويه كيف بدخل اللحين..جزمتي اختربت وصارت مليانه تراب..حرااام..
جمانه\والله محد قالك تلبسينها وتتكشخين..وشفينا كلنا لبسنا نعال..
غلا بغرور\وانا وش دخلني فيكم.
دخلت جمانه البيت وتركت غلا\أجل لاتتذمرين..
تسندت غلا عند باب المدخل وهي تتأفف وتنظف جزمتها بمناديل حاطتهم بشنطتها الصغيره
وماوعت الا بأحد من قوة جسمها طلعها بره باب البيت و هي أرتدت لورى وكانت بتطيح لكن مسكت على الجدار اللي خدش أظفارها الطويله ورفعت راسها تبي تشوف من هالوقح اللي عمل هالعمله..!!
وطاحت عينها على شخص مألوف بالنسبه لها طويل وعريض ولابس نظاره شمسيه ولابسه بدله ديزاينها هندي التيشرت بني على برتقالي..والبنطلون بني محروق وتلفونه بايده.. حاولت تتذكر منوا ..هي شافته من قبل..!!
هيئته معروفه..
بس منوا وهي لسه مو مستوعبه اللي صاير..!!
معقوله شافته بتلفزيون..لأنه مشبهته بعارض أزياء..دايم أتابعه,,
ويوم جات على بالها عارض ألأزياء
تذكرتــــــه..
و حطت أيدها على ثمها تمنع صرختها وسمعته يقول لها
أنتـــــــــي..!!
غطت غلا وجهها بأيدها وهي كارهه نفسها على هالمواقف اللي دايم تنحط فيها مع الشخص المجهول..!!
================
منوا هذا..!!
أكيد عرفتوه..!!
تركي طبعا..!!لأنه وصل الشرقيه..
هذا الفصل الأول من الجزء العشرين
بالفصل الثاني راح تعرفون ردة فعل غلا وتركي من اللي صار..
وأول يوم للوليد بغربته..وتعايشه مع الجو..
وصرخة قلب ..ومشاعر غريبه بتحل على يوسف..!
تابعوني بالفصل الجاي اللي يحمل عنوان >>..صرخة قلب
الجزء العشرين
الفصل الثاني
============
مسكت الغطا اللي قاطته أي كلام على راسي بايدي اليسار..وظغطت عليه بدون مااحس..
وكل قوتي كانت محطوطه على يدي اليمنى اللي متثبته على جدار البيت..
حاولت أرفع الغطا وأستر فيه نفسي وشعري اللي نصه طالع
حاولت أهرب...او أمشي خطوتين حتى..
حاولت أحرك أيديني.. لكن حسيت أنه كل مافي جسمي أنشل مره وحده..
حسيت أني متكهربه..متجمده..خايفه..مشتته..
احاسيس كثيره تخالطت بذهني..
ومن صعوبتها ..وقفت كل شي فيني..!!
وأنا لسه واقفه..وهو بالمثل واقف..
وكل هالأحاسيس اللي أحسها ماخذت نص دقيقه..لكن صوته الغريب الرجولي اللي جاني مره ثانيه ونظراته اللي
دخلت فيني..خلتني أستوعب أكثر..
تركي\أنتي...منوا..!!
وبسرعه وبدون أي شعور مريت جنبه وأنضرب كتفي بكتفه بقوه.. وماهتميت لأني أبي اهرب عن عيونه اللي غيرت شي فيني ماعرفته..
ودخلت البيت وانا أتنفس من أعماق اعماقي..
ولقيت راوين بطريقي وتناديني..
راوين\غلا..!!
تجاهلتها..ودخلت غرفة جمانه وانا اركض وكأن أحد يلاحقني....وقفلت باب الغرفه وانا خايفه..وجلست على السرير بعباتي ..
وانا كل تفكيري على هالشخص الغريب اللي اقتحم حياتي للمره الثانيه..!!
ليش تجمعني معه الصدف للمره الثانيه..!!
ليش وقفت وماعرفت أتحرك..!!
معقوله يصير لي..!!
لا مستحيل..لأنه حتى هو مايعرفني..!!
بس منوا..!!
منوا هذا..!!
ماأذكر اني شفته يوم من الأيام..!!
ومحد قال أنه بيجي أحد اليوم..!!
وليش حستيه شايفه نفسه أكثر من الموقف الأول..!!
أووووه وانا شدخلني فيه..!!
بس والله شكله غريب..
شكله غريب..كل شي فيه غريب..
نظراته..شكله..هيئته..أسلوبه..
ليتني أعرف مين هو..!!
بس كيف..!!
ومين اسأل..!!
وحتى لو سالت وش بيقولون عني..!!
أصلا مالي وجه اقول لأي شخص الموقف اللي تكرر معاه..
خلني أسكت أحسن..
ومثل ماأنكتب لي أشوفه بالصدفه..أكيد راح أعرفه بالصدفه
خذت نفس طوييييييييييل....
وقمت من السرير ورتبت شكلي وفصخت العباه..
وطلعت للصاله وأنا احاول أقنع نفسي باأني بعرفه بيوم..!
::::
شفت فجر جالسه مع جمانه وابتسام ويتفرجون على التلفزيون..
وبشكل أرادي جلست جنب اختي..
لأني أحس بالأمان مدام أني بتواجد بالمكان اللي هي بتتواجد فيه..
ابتسمت لي بحنيه\وينك أنتي..!!
رديت عليها بجمود\موجوده..بس دخلت الحمام..
جمانه\أكيد عشان ترتبين مكياجك اللي أختفى..
جاوبتها بسخريه\أيــه عندك مانع..!!
جمانه بصرخه \لاااااا..
ابتسام هالمره تكلمت غصبن عنها وهي تحاول تتنساى سفر اخوها وتنضم مع جو البنات\أبي أعرف شي واحد...اذا جلستوا بمجلس ماتقدرون تمسكون نفسكم..وقسم بالله أنكم قطاوه على هيئة بشر..
جمانه\ويه بسم الله علينا..أصلا أحنا نموووت في بعض.بس تدرين أنولدنا واحنا نتخانق ونعودنا على هالشي..عشان كذا صعب نقاوم رغبتنا ونكون مسالمين..صح غلا..!!
جاوبتها وانا اضحك على جنونها اللي ماأقدر أستغنى عنه\صـــح..
جمانه\سمعتوا..يعني لاتتكلمون رجاء..أحنا لابقين مع بعض..
فجر\خلاص محنا صاكينكم بعين..الله يخليكم لبعض..
وبعد كلمة فجر اللي سكتتنا..جات راوين وهي مبتسمه..وتذكرت أني طنشتها من شوي ومشيت..وكرهت نفسي..
أنا لين متى بتعلم الذرابه..صج ثوره..!!
وأكيد خذت بخاطرها مني..!!
كيف اعتذر لها..الصراحه ماأعرف أتكلم بهالمواقف..
راوين\سلام..
جمانه\ ياويلي على بنت خالي اذا أبتسمت...!!
راوين\فرحانه..فرحــانه ياناس..!!
فجر\فرحينا معاك..!!
راوين\تركي جاء من الرياض..وموجود بالمجلس..!!
::::::
تركي
تركي
تركي
تركـــي
لا ااااااااااااااااااا
معقـــــوله..معقوله يكون اخو راوين..!!
تركي..!!
ماأصدق..
ماأصدق..
ولد عمي..!!وماأعرفه..
وكيف ماجاء على بالي الشبه الكبير اللي بينه وبين راوين..!!
وانا اقول أحس أني أعرفه..ملامحه مو غريبه علي..!!
ياربــي ...يطلع ولد عمي...!!؟
وش بيقول عني اللحين..
أكيد بيقول أني متقصده حركاتي معاه..
أكيد..هذا اللي يجي في بال الشباب دايما..
طيب يمكن مايكون تركي..!!
يمكن يطلع شخص ثاني؟؟!!
لالالا أكيد تركي..محد غيره....
ياربي...شالصدف الغريبه..!!لفيت عيني على البنات.. وشفت فجر معتفس وجهها..وجمانه متفاجأه..وابتسام ملامحه هاديه..اما راوين..مبتسمه بفرحه كبيره..
جمانه\صج..!!تصدقين نفسي اشوف أخوك..ماعمري شفته...!!الا وأنا صغيره..
راوين\أيه هو قليل جياته معنا الشرقيه..بس أخاف اذا شفتيه تموتين..!!
جمانه\ليش..!!
راوين وغمزت بعينها\مزيون اخوي..!!
جمانه\خلص زوجيني أياه..
ابتسام\ومين قال أحنا بنرضى أصلا..!!
جمانه وكتفت ايدينها\وليش ان شاء الله..!!
ابتسام وابتسمت\أنتي أدرى..!!
جمانه أنحرجت وبدت بالسب\مالت..
ابتسام\عليك..
==========
معقــــوله...!!؟
صدف غريبــه..مثيره..عجيبه تجمعني انا وياها بنفس المكان..
مين هالبنت..!!
من تكون..!!
وليش تعرضت لهالموقف معاها..!؟
وكيف قدرت أسألها..!!ليش ماتحكمت بنفسي ومشيت..
ليش ظليت واقف أناظرها وانا مصدوم..!!
ليش ماتحركت وطنشتها..!!
أحس أني غبي..غبــي..
اللي يشوفوني يقول أول مره بحياتي يشوف بنت..!!
حسيت برجفه غريبه..مو مفهومه..تحتوي كل مافيني....
حسيت أني مش قادر أتحكم بنفسي..ولا اسيطر على الموقف..!!
ليتني أعرف مين هي..!!
ليتني أعرف..!!
لكن كيف..!!
كيـــف..!!
مسكت راسي بضيق وظغطت عليه....لازلت مصدع..!!
والقهوه ماأثرت فيني..ولاريحتني..!!
وشكلها زادتني تعب..؟؟!
دخلت داخل البيت..وعلى طول للمجلس..!!
وأنا متضايق لأامرين..
أولهم أني ماعرفت هوية البنت..وثانيا مالي خلق أي أحد..
وودي أرجع الرياض وارتاح..
لكن وين الراحه..
وأنا فكري مع هالبنت..!!
اللي اقتحمت حياتي بدون سابق أّنذار..
ويوم قررت أتناسها رجعت لي فجأه.. مثل مادخلت حياتي فجأه..
أكره هالشي..أكرهه..وماتعودت أني أعيش حالة هالغموض..
تعودت كل شي أبيه يتنفذ بسهوله..
وبدون حرق أعصاب..وضيقـة بال..
لكن بعرفها..
أكيد بعرفهــا..
==============
طلع من الدوام بدري..وارسل مسج لــ سماح تجهز حالها لأنه عازمها للعشاء بمطعم
ودخل الشقه للغرفه على طول وشافها مايله ظهرها على تحت وتدور شي معين
طاح على السرير بتعب وجاته رغبه بالنوم بس حاول يجاهد نفسه..
أحمد\مساء الخير..
ارفعت عينها صوبه ونزلتها\هلا احمد..انت جيت..!!
أحمد\أيه جيت شتسوين..!!
نزلت راسها ورجعت تدور\ادور على الحلق..طاح مني..مدري وينه..!!
.. قام من السرير..وقرب لها ومسكها من خصرها وهو ناويه بتهزيأه\وش قلت لك أنا..!!
خافت..وردت عليه بصعوبه\ماقلت شي..
أحمد\طيب..تركي الحلق..وخذي حلق غيره..بس لاتعبين عمرك ..
جاوبته بقلق\أحمد..عادي..
أحمد\حياتـــي..أخـــاف عليك...ليش ماتفهمين..!!
بعد ايدينه عنها اللي ماسكه خصرها وجلست على كرسي التسريحه وحطت بعض الأغراض بشنطتها وجاوبته بنرفزه\طيب..
.سماح.. جدا حساسه..ليش ماتفهم أنه خايف عليها..!!
وقف ورى الكرسي وحبيها على راسها عشان يراضيها وهمس بأذنها اليمين\بتطولين..!!
سماح بهدوء\لا..
أحمد\زعلتي..
سماح\شوي..
ابتسم على براءتها اللي تحرك شي كبير فيه..\أفديهـــم..أفدي اللي يزعلون شوي..!
وعلى طول ابتسمت على كلامه.. وقامت من الكرسي وخذت عباتها\جاهــزه..
ابتسم لها ومسكها من أيدها\وانا جاهز..
طالعته بنظره من فوقه لتحته\ماأنت مبدل ثوبك..!!
أحمد\يووووه..نسيت..
سماح\عرفت اللحين مين اللي يأخرك..!!
مارد عليها ودخل غرفة التبديل وبدل وخذ ثوب جديد ولبسه وسكر ازاريره وهو طالع للصاله\..يالله سماح....ورانا نومه..!!
سماح\ياحبك للنظام..كل شي عندك مرتب..حتى الأكل له وقته..وانا صرت مثلك..!!
وقف جنب مراية الصاله وعدلت غترته\ليش..ماتحبين النظام..!!
سماح\صدقني ..صرت احبـــه..والسبب أنت يأأحمد..!!
============
مضى اليوم على بيت العمه هند بغمضة بصر..
وكان جميل بأحداثه ..
قرروا الحريم فيه يطلعون للبحر بعد العشاء ويمضون أخر الساعات فيه
البنات دخلوا المطبخ وعملوا بعض الأشياء الخفيفه حق الطلعه..
جمانه عملت فشار وكان نصه محروق..وتوعدت انه اللي بينطق بحرف ويعلق ياويله منها..
وبكذا البنات اسكتوا وهو ماسكين الظحكه
وراوين جهزت العصير والشاي والقهوه بمساعدة ابتسام..
وفجر عملت كيكه بالشوكلاته..
وغلا جالسه على كرسي المطبخ وسرحانه بالخبر اللي عرفته اليوم..ولازالت متفاجأه..
وتمنت امنيه غريبه..
تمنت انها تشوفه..
ليش..!!
ماتدري..!!
فجر\أقول بسرعه خلصوا..الحريم مشوا مع سلطان..!!
حطت جمانه الفشار في علبه بلاستيكيه كبيره ورفعت غرتها اللي ذابحتها\واحنا ..مين بيودينا..!!
ردت ابتسام على جمانه وحطت باقي الأكواب في الكيسه\الوليد..الوليد يتسبح اللحين وقالي بعد عشر دقايق بيمشي..!!واللحين مضت خمس دقايق..!!
راوين\فجر خلصتي الكيكه..
فجر جلست على الكرسي وخذت نفس\أيه بس حطيتها بالثلاجه عشان تتمساك..ابتسام روحي شوفي الوليد..قولي له خلصنا..!!
ابتسام\أوكي..راوين السكر وملاعق التحريك ماحطيتهم....!!
راوين\ وينهم..!!
جمانه\بتلقينهم بالدرج الأخير اللي على اليسار..!!
فجر توها تحس بااختها وسرحانها..قربت الكرسي جنبها ومسكت ايدها اللي حاطتها على خدها\غلا..
غلا\همممم
فجر وهي رافعه حاجب\شفيــك..!!
غلا\مافيني شي..خلصتوا..
فجر\ايه..
قامت غلا من الكرسي وطلعت بره المطبخ..وفجر عينها عليها والتفت على جمانه..لكن لقتها حتى هي مصدومه ..
وسكتت..أكيد بالأخير بتعرف وش السالفه..!!
::::::
دقت ابتسام تلفون لأخوها وقالت له أنهم جاهزين..وهو بالمثل توه مخلص لبس..
وبكذا البنات طلعوا وركبوا السياره وانظغطوا ظغطه محترمه لأنه سيارة الوليد رياضيه وبالموت تلبق لثلاثه ورى..
ولأن حظ جمانه نحس واضعفهم أظطرت تكون شوي مقدمه هي مع غلا
وابتسام طبعا قدام..وتضحك عليهم..
ابتسام\أقول بسرعه أتسعدلوا قبل مايجي الوليد..
جمانه ورصت على اسنانها\أنتي فكينا واللي يرحم والديك..جالسه لي قدام ومريحه..
ابتسام\ههههههههههه اذا تبين مو مشكله تعالي بدالي..
فجر\اسكتوا..هذا الوليد جاء..
ركب الوليد السياره وسلم عليهم..وحس انهم متضايقين وظحك بداخله\شكلكم متضايقين..!!
تكلمت فجر لأنها تعتبر الوليد اخوا صغير لها\لاعادي الوليد..بس سرع الله يخليك..
الوليد\ان شاء الله.
اللي هون عليهم شوي انه المسافه قريبه كثير..يعني خمس دقايق ووصلوا.
الوليد\وصلنــــا..حياكم الله..
البنات بصوت واحد\الله يحيك..
نزلوا البنات من السياره ومشوا لمن وصلوا للحريم اللي كانوا فارشين السجاده وجالسين جنب البحر والضحك كان عنوان جلستهم وخصوصا لأن الشباب كلهم جالسين معاهم وطاقين سوالف ونكت..واولهم سلطان اللي جالس جنب أمه ويجننها بسوالف ابوه..
أما هيثم كان جالس معاهم لكن بعيد شوي لأنه ينحرج من الحريم..
والغريب بالموضوع أنه تركي كان موجود معاهم لكنه بعيد عنهم يكلم بالتلفون..
البنات حسوا بالأحراج وجلسوا جنب جدتهم وسلطان..
اما الوليد جلس مع هيثم..
الجده\كان بطيتوا بعد..وين الشاي احتريه من الصبح..!!
دزت فجر ابتسام وراوين لأنهم هم اللي حطوا الشاي..\صبوا شاي..!!
راون أعترضت وانحرجت بطبيعتها\لا والله..
ابتسام\طلعي الدله..خليني أصب..!!
وبالفعل صبت ابتسام الشاي..وطلعت فجر الكيك والمكسرات والفشار وحطته بصحون بلاستيكيه مع البنات ووزعوه وهو جالسين..
ولحد اللحين تركي ماقرب ..ومحد من البنات يدري بوجوده معاهم..
الوليد حس بحزن يحتويه..ويعصر فؤاده..
معقوله بتكون هالجلسه الحلوه بعيده عنه..
معقوله بيتغرب عنهم..!!
بيقدر..!!
بيقدر على بعدهـــم..
رفع عينه بدون شعور لأبتسام أخته وشافها تسولف مع البنات.. وانتقلت عينه لجدته وسلطان..وبدون شعور ركز على جمانه اللي حفظ شكلها بين بنات عمه..وابتسم بحزن لها ..وهي حست فيه ورفعت عينها له وظلت تناظر فيه وهي مو حاسه بشي أبدا غير عيونه اللي تطفر حزن وشكوى..
وعلى طول تذكرت سفرته وقلبها خفق بجنون
كسر الوليد النظره يوم سمع حس هيثم وهو يناديه واول مالتفت صوبه حس هيثم فيه من عيونه اللي تشكي الفراق..ومانطق بكلمه وظل يتأمل وجه ولد عمه اللي بغيب سنين عنه..ويوم حس بنفسه تكلم وهو يبي يبعد جو الحزن اللي اسره فجأه..
كل هذا وجمانه ماشالت عينها عنهم وهي تراقب حركات الوليد بدون محد يحس فيها..
حاولت أنها تبعد عيونها عنه لكن ماقدرت..
الوليد بيفارقها سنيـــن طويله..
ظلت فتره تناظره وتتأمل كل حركاته اللي يسويها وهو يتكلم..ويعلق على أي شي .
لمن سمعت صوت جدتها وهي تنادي الوليد يجلس جنبها ..وشافته قام من مكانه وجلس محل سلطان اللي قام هو الثاني وجلس جنب هيثم..
بعدوا البنات شوي ووسعوا للوليد اللي جلس بين اخته وجدته وعلى طول وبدون شعور حط راسه على كتفها وهو يبي يلتمس حنان وعاطفه فاقدها من سنين طويله..ويوم ابتسام شافت هالموقف اجتمعت الدموع بعيونها لكن على طول مسحتهم بكفها وابتسمت بشقاوه للوليد\بدينا بالتلصق..!!وخر عن جدتــي..!!
الجده وعشان تقهر ابتسام قربت من الوليد اكثر وحضنت ذراعه\وانت شعليك يالملقوفه..وخري عنا يالله...
كتفت ابتسام ايدنيها وهي تدعي الغيره\وبعــــد..ايه خلاص نستوني بعد الوليد اشوف..!!
سلطان\بس أنتي اللي نسوك..أجل شقول أنا..!!
الجده\فديت الوليد والله..خلوني أشبع منه..
ابتسم الوليد لجدته بحنيه وحبها على راسها\بشتاقلك والله..!!
الجده\أحنا أكثر..بس شنسوي فيك ياوليد راسك يابس..!!طالع على جدك..!!
الوليد\هههههه حرام عليك ياجدتي..جدي راسه يابس..!!
كملت الجده\وشري بعد..انت ماتعرفه كثري..!!
وظحك الكل على الجده وتكلمت فجر\أنا ماأرضى على جدي..!!
الجده\جاتنا عاد حبيبة جدها..!!
سلطان\كملت والله..فجر حببية ابوي..والوليد حبيب أمي..وانا حبيب منوا..!!
هيثم\ههههههههه أنت حبيبي..!!
سلطان\لا والله..!!ماابيك..زهقت منك كل يوم معاي بالجامعه..!!
هيثم\لازم تحمد ربك وتشكره أنك تشوف طلتي كل صبحيه..!!
رفع ايده سلطان بسخريه وقال\أقول بس لايكثر وانا عمك..!!؟
جمانه مااستحملت..ماأستحملت اللي تشوفه..
ابتسام والوليد يجاملون وهي أكثر وحده تعرفهم..
قامت من مكانها وهي تسأل البنات\بتمشـــى ..مين ييقوم معي..!!
قامت غلا معاها..اما فجر وراوين وابتسام حلت لهم الجلسه وظلوا يسولفون..
وعيون الوليد تتبع جمانه لمن أختفت في ظلمة هالليله..
وجاء هاللحظه تركي وهو توه مسكر السماعه من مبارك اللي متفاجأ من غيابه..
وجلس جنب الشباب شوي وهومقرر انه يمشي بعد نص ساعه للرياض...
:
غلا\شفيك قمتـــي..!!
رمت جمانه الحصا اللي جمعتهم في البحر وردت على غلا بضيق\أنتي اللي شفيك..!!
تفاجأت غلا..وأدعت الامباله في كلامها\عــادي..
جمانه\أجل ليش طول الوقت كنتي مسرحه..!!
رفعت غلا أدينها الثنتين بخصرها\وليش..!!كنتي تراقبيني..!!
جمانه\مالت عليك..!!شنوا أراقبك بعد..!!صجــ..!!
غلا وقاطعتها\رجاء لاتسبين..!!أنا أكبر منك..!!
جمانه\لا والله..تصدقين توني أدري..!!
غلا\وهذا أنتي دريتــي..عندك كويز السبت..!!
أعتفس جمانه وجهها يوم تذكرت الجامعه وتذكرت أنه عندها اختبار انجليزي ولاعت كبدها..ماتطيق شي اسمه انجليزي\وععع..عندي انحليزي..!وأنتي..!!
غلا\أنا عندي كويز الثلاثاء..أقول كأنه بعدنا كثير..
جمانه وهي تناظر المكان\لاعادي..امان..
غلا وصابها الخوف\بس أنا اخاف..!!
جمانه وغمرتها الظحكه بعد ضيقة البال\صج انك..!!
غلا\أني شنوا..!!
جمانه\ولاشي..أمشي نلف..!!
غلا\يالله..
::::
ذكرى اليمه تعتصر قلب فجر..لمجرد رجوع الماضي لها..
ومو أي ماضي...
هذا ماضي تركي الأسود..
اللي يعرفه كل شخص سمع عنه..
مضت أيام كثيـره طويلـــه..وهي ماسمعت أي خبر عنه..
واليوم التقت عيونها فيه ..
وعرفت توها أنه الدنيا صغيره..
ومصير الحي يتلاقــى..
من اول مامسكت القلم وبدت تكتبت خواطرها اللي كانت دليلها في حلها وترحالها..
من أول ماعرفت الحب وعاشته بكل لحظه..
من أول ماكان عمرها 16 سنه وهي تحيا وتموت لأجل الــ (حـب)..
كانت تكتب له..وتسهر له..وتفرح له..
قلمها..كان عباره عن فيض مشاعر مكبوته بقلبها الصغير..
وهالمشاعر كبرت وانكتبت في كتاب لها..
ومع الوقت وتطورها في هالمجال نشرت أول خاطره لها في مجلة الأسبوع..
وبدت الدنيا تفتح لها ابواب السعاده من كل جانب..
ومشت الأيام وهي تكتب باوراق ورديه مغلفه بوله وشوق ولهفه..
وكانت هالأوراق هي وسيلة الأتصال اللي بينها وبين يوسف..
لمن أنكشف سرها بصوره مؤلمه وبشعه..
وانهدم أول حلم عندها..
كرهتــــه..وكرهت كل شي يتعلق فيه..
كان حبها عذري..
طاهــر.
لكنه كان ظالم ويبي يشوه صورتها بأي وسيله..
والسبب مو معروف..!!
هل هوحقد..!!او غيره..!!
لحد هاليوم ماتعرف وش السببب..!!.
لكنه أصبح محرم بين يوم وليله..
واليوم بدال ماتكتب هالأوراق الورديه..
صارت تكتب اوراق فرقــا منسيه..
منسيــه في عالم ظلمها وقسى عليهــا..
" سرحت فجر على ذكــرى قديمه تجمعها مع يوسف وتركي..وماوعت من صحوتها الا بصوت ابتسام يناديها"
ابتسام\فجور...وينك ياهــواااا..
فجر\هــا
ابتسام\ماتبين نمشي..!!انا وراوين بنلحق البنات..
ناظرت فجر ابتسام بيأس وقل حيله\ياليـــت..!!
قامت على طول وهي حاسه أنها متختنقه..وتبعتها ابتسام وراوين..
وشافوا البنات بطريقهم..
جمانه\وين على الله..!!
راوين\أنتوا اللي وين..!!
غلا\احنا بنرجع ...تعبنا من المشي..!!يالله جمانه..
ابتسام\مالت عليكم..احنا جايين لكم..
غلا بدلع\والله محد قال لكم ماتجون معنا..!!ورمشت بعيونها..وراي جمــون..
مشت غلا مع جمانه عند الحريم وهي ماتدري عن اللي بتشوفه..
مشت وهي زي الطفله الصغيره على الدنيا..
ماتعرف وش تخبي لها الأيام لبكره..
ولاتعرف غير انها بتعيش حياتها بكل لحظه تمر عليها..براحــه وصفــا نفس..
ويوم وصلوا قابلته ..وعرفته من طوله لأنه كان واقف وبيمشي..
وهي ماقدرت تمشي أكثر ووقفت بمكانها ورجولها خذلتها مثل كل مره تشوفه قبالها..
واللحين كل شكوكها كانت صحيحه..
وطلع ولد عمهـــا..
دنيــا غريبــه..تجمع أشخاص بعاد وبنفس الوقت قراب..
وعشان أيش..!!
القدر كفيل بهالجواب..!!
والبرد والجفــا...بيتصادم مع نسمة الهـــوى..!؟؟
:::
سلم تركي على اللي جالسين واسـتأّن منهم بانه بيرجع الرياض الليله
ولمح المعارضه وخيبة الأمل بوجه امه اللي فرحة بشوفته.. لكن كالعاده مااهتم للموضوع ولا لي نظراتها اللي تترجاه وكلهاحب وعاطفــة أم لولدهــا..
ويوم مشى عشان يروح التقت عينه بعينها..وعرفها..
وكيف مايعرفها...!؟؟
هذه عيونها اللي حركة شي فيه تتلاقى معه اليوم للمره الثانيه..!!
شالصــدف..وشالقدر الغريب اللي يجمعه وياها..!!
ظلوا ثواني معدوده يناظرون في بعض ..واللي حولهم مو حاسين فيهم ومنهمكين بالسوالف والجمعه..
ولولا أنه جمانه شدت طرف عباة غلا كان أنفضحوا وصاروا في خبر كانا..\غلوه..وعمى..تحركـــي..!!
انتبه تركي للحركه البسيطه اللي اصدرت من جمانه وعلى طول بعد عنهم ومشى جهة السيارات
لمن وصل ووقف لحظه جنب باب السياره وهو حاس بتشتت أفكاره..
رفع ايده وفصخ نظاراته ومسح على وجهه بضيق..
وركب سيارته وهو في باله شي واحد بيريحه من اللي هو فيه..
كاسة خمــر..
محتاجــه اللحين
==============
مرت الليله غريبه على الكل وكلن في قلبه شقى هالليله..
وقاموا بعد ساعات طويله قضوها على البحر..ورجعوا البيت..
وكلن في باله شي مختلف ومتعب..
راوين تحسرت على هاليومين الحلوين اللي قضتهم بعيد عن اللي تتمناه
وفجر رجعت لها ذكرى مؤلمه كانت منسيه في مخيلتها وجاء الوقت اللي تحيا فيه هالذكرى بكل قسوه مثل
ماعهد تها ..
وغلا تحس بشي يذوب بداخلـهــا..لكن جهلت حالتها اللي تمر فيها ورجعت تتذكر المواقف اللي رسخت في بالها اليوم وانطبعت في مخيلتها وكانها رملا تثبت في صخر مبلل بماي وعيت تختفي..وهالحاله خلتها تذوب أكثر..
أما جمانه وابتسام فحالهم مو أحسن من البقيه..
جمانه جالسه على سريرها وتتظاهر بالنوم العميق..وابتسام بالمثل,,جالسه تحتها على طول..
وكل وحده فيهم تفكيرها في اللي بيصير في بكره من أحداث..
ويوم يأست ابتسام وتعبت من تفكيرها هتفت باسم جمانه وماتدري ليش حست أنها صاحيه\أنتي صاحيــه...!؟
ردت جمانه بصوت اجش وثقيل\لانايمـــه,,
ابتسام\جمون يالله عاد..
جمانه\لا مانمــت...شتبين بســوم..!!
ابتسام وتطالع بالسقف\أنتي تفكرين باللي أفكرفيــه..
لفت جمانه جسمها بجهة ابتسام \اللي هو..
ابتسام\بكــره..تفكرين في بكره ..
جمانه\تبين الصدق..ايه..
ناظرت ابتسام بعيون جمانه وخذت نفس وبعدها تكلمت بصوت هامس وهي معقده حواجبها\مش مصدقــه..أحس أني أحلم..أحس أنه كابوس.جمانه الوليد بيسافر بكره..مش مصدقــه..
جمانه\خلاص ابتسام..ارضي باللي الله كاتبه له..وأدعي له بالتوفيــق..
تفاجأت ابتسام من رد جمانه الهادي...وين عصبيتها يوم درت بسفرته..\وبسهوله تقولينها..!!
جمانه\شو تبيني أقول..جاوبيني..!!
ابتسام\ولاشــي..لاتقولين أي شي..
جمانه وهي ضايعه\خلي اللي في القلب بالقلب..محد حاس فيني..
ابتسام وحنت عليها ورق صوتها\ولا أنا..!!
جمانه وحاولت تنهي الموضوع\خلاص ابتسام..ابي أنام..
ابتسام وتجاهلت ردها\تدرين أنا بنمشي الصبــح..
وانقبض قلب جمانه\صــج..؟؟!
ابتسام بصوت واطي وهي تلتفت للبنات اللي نايمين جنبها\أيه صج..
جمانه\ليش ماقلتي لي..!!
ابتسام\وهذاني قلت لك..
سكتت جمانه..ايش بتسوي يعني..!!
ماراح تسوي شي..والوليد مرده بيسافر سواء مشى الصبح او الظهر..
ابتسام\جمانــه..
جمانه\تصبحين على خير..
بهالكلمه عم السكون بينهم وجمانه فضلت هالشيء..تبي تختلي لوحدها وتفكر..وخصوصا مع القرار اللي اتخذته قبل يومين..وشكل هالقرار بيتأجل لمن تهدا الأوضاع شوي..
::
وانتهى اليوم وجاء الجمعه المنتظر..
في صباح الجمعه صحى الوليد وهو متروع بعد مانام له ساعتين بعد ماصلى الفجر
ودق على ابتسام وردت عليه طول لأنها صاحيه وخبرها بأنه نص ساعه وبيمشون..
ودقت الساعه وبترحل السفينه....
ياعينه لاتبكين..دموع هالعيون تزيد عذابه..
.. ياقلبه لاتشكين..خلوه يبعد وهو مرتاح الظنينه.
..هذا زمن الغبرا يشتت الأحبه..
هذا زمن الفرقا والغربه والظليمه....
ودقت الساعه وبترحل السفينه....
:::::
واقف قبال باب الصاله وهو حاظن جدته بذارعه اليمين وعمته هند ياليسار ..والرجال مقابلينه والحريم جالسين يناظرونهم من بعيد
..والجد يوسف ماسك عصاته وجلس بكرسي قريب من الباب وساكت..
الوليد حاول يدور بعيونه على جمانه بين البنات وماشافها..وعرف أنها مو موجوده...وحس بالضيقه لعدم وجودها..
الجو كان حزين ويتخلله هدوء وبروده..وكأن الكل عارف ليش هو بيتغرب عنهم..!!
ومحد قادر يتكلم ولاحتى يعترض..
والوليد يشوف ساعته ويبي يوصل البيت بأقرب وقت..
ويوم حس المسأله بتطول والجو بدى يتكهرب.. تكلم وهو يحاول يبتسم بصعوبه\يالله..لازم أمشي اللحين...!!
ومسك جدته وأول ماحظنها اهتز جسمها وظلت تصيح وتصيح وهو ماأستحمل الموقف وتركها وسلم على عمته والعيال..وقرب من جده وشافه منزل عيونه ويناظر الأرض وحب راسه وأيده \تروح وترد لنا سالم وووالله يحفظك ياولدي..
ابتسم الوليد لجده وماقدر ينطق بحرف وفتح باب الصاله وطلع وهو يسمع جدته تقول\
ودعتك الرحمن اللي لاتضيع ودائعه..
ودعتك الرحمن اللي لاتضيع ودائعه..
كانت ابتسام بالسياره لأنها ماتبي تحظر الموقف واول ماركب الوليد ماتكلم شغل السياره ومسك خط الخبر
ويوم وصلوا نزلت ابتسام \ماراح تنزل..
الوليد\بمر على صديقي وبجي..
ابتسام\اللحين بياّذن الظهر
الوليد\أدري بصلي عنده..تبين شي..
ابتسام\سلامتك..
سكتت ابتسام.تبي أشياء كثيره لكنها ماقدرت تقول شي..تبي تجلس معاه بس هو مو حاس فيها..
لكن الوليد يبي يطلع ويتنفس وخصوصا هالأوقات هذه مايبي يدخل البيت ويشوف ابوه ..
ولايبي يشوف احد..
يحس بالضيق كل مامر الوقت..
ومش عارف يحدد مشاعره..
لكن اللي يعرفه أنه يبي يبتعد عن جو البيت الكئيب,,وكل مايذتكر أنه ماسلم على جمانه يتضايق أكثر..
::::
دخلت ابتسام البيت وحصلت عزيز جالس بالصاله ويلعب كالعاده بلايستيشن قربت منه وسكرت عيونها بأيدها\منوا انا..!!
عزيز بصوت طفولي\منوا أنتي..!!
ابتسام\ماعرفتني..!!
عزيز وهو يفكر\لا.
بعدت ابتسام وضمته بقوه وهي مشتاقه له مووت\حبيبي عزيز وحشتني..
عزيز\وخري يالدبــه ليش رحتي عني..!!أنا ماأحبك..!!
ظحكت ابتسام وهي ميته عليه وضمته أكثر\وانا أموووت فيك..
عزيز\كذابه..ماتحبيبني..خلتوني لوحدي..حتى الدب الوليد راح..
بعدت ابتسام عنه وقامت وهي تمثل العصبيه\اشوفك مصدق نفسك كثير.انابطلع وبتركك لوحدك
خاف عزيز أنها تسويه مره ثانيه ولصق فيها وهو فيه الصيحه
ظل طول هاليومين زهقان وجالس مع الخدامه
ولطيفه الله بالخير ماتدري عنه وطول هالأيام طالعه يابيت أهلها او عند جيرانها وصديقاتها
والضحيه هو..
عزيز\لالالالالا خلااص أخر مره..بس لاتروحيين..
ابتسام\زين وين امك..!!
عزيز \أمي..!!نايمه بغرفتها
ابتسام\فكـــه..امش نطلع الغرفه
عزيز\بسوم..
التفت له\شتبي..
تظاهر عزيز بالتعب وتمايل بجسمه وحب يتدلع ..من زمان ماتدلع على ابتسام\شليــني..!!
ماتت ابتسام على شكله وطنشته وطلعت فوق\اذا تبيبني الحقني..
===========
دخل الوليد البيت الساعه ثلاث العصر وطلع للدور الفوقي ودخل غرفته وشاف ابتسام وعزيز يرتبون اغراضه واول ماشافه عزيز ركض له وحضنه\وينــك..
الوليد\موجود..شخبارك يابطل..
ارتفعت معنويات عزيز بمجرد كلمة الوليد له وكأنه شهاده كبيره حصل عليها\الحمدلله
جلس الوليد على السرير واسترخى وعزيز جلس جنبه\شفتي ابوي..!!
ابتسام\أيه..سأل عنك..!!
الوليد\اهــا..بروح له اللحين..
عزيز\وليد أنت صج بتسافر..!!
ناظر الوليد اخوه \ايه
عزيز\وبتطول هنــاك..!
الوليد\لا..
عزيز فجأه ارتجف فكه\ومايصير توديني معاك..
عزيز برجا\ودني معاك..
الوليد\ماأقدر.
قرب عزيز من وجهه\ليش..!!
الوليد\بــس.....ماأقدر..
عزيز\طيب ..أنا ابيـــك..
الوليد\وحتى أنا... أبيك..
عزيز\طيب لاتروح..
الوليد\ماأقدر..
عزيز بدون مايحس باللي قاله\بتتركنــي لوحــدي..!!
سكت الوليد..وسكت عزيز فتره مو طويله.. وهو مش عارف كيف يعبر عن حزنه..مش مصدق أنه أخوه بيرحل عنهم.. وظل يصيح لوحده ودموعه ملت وجهه..والوليد ماأستحمل يشوف أخوه بهالحال قربه له وحضنه وهو تعبان..
كل هذا وابتسام تناظرهم وساكته....
تحس بقلبها يدق بقوه..وشي بخفوقها يحتــرق..
مااستحملت الوضع وطلعت بره الغرفه وهي كل مافيها يرتجف..
والوليد حس فيها..وقوى قلبه..
الوليد\عزيز..خلاص..أنت بطــل صح..!!
عزيز ولازال يصيح\صــح..
الوليد\والبطل يصيح..
عزيز\لا..
الوليد\يالله أمسح دموعك..
عزيز\مابــي..
مسح الوليد دموع أخوه وحب على راسه وحاول يهديه ويفرحه بأي شي\تحبني عزيز..
عزيز\أيه..بس لاتروح..
الوليد\عزيز أنا بروح لكن بكلمك بالتلفون كل يوم..واذا رحت بتشري لك كل تبيه..وحتى السوني اللي قلتي لي عليه بشتريه من هناك..ويالله اللحين ابيك ماتصيح..البطل مايصيح..يالله أبي اشوفك تضحك..
بعد عزيز عن اخوه ومسح دموعه اللي ظلت تنهمروسكت..
الوليد ابتسم له ومسك شعره اللي على عيونه ورفعه
وظل يناظر بعيونه اللي كانت نسخه من عيون يوسف\يوســف..انت يوسف..!!
عزيز\يوســف..!!مين يوسف..!!
مارد عليه الوليد وناظر ساعته بقلق وقام على طول يلبس ويتجهز..
::::::
على الساعه اربع ونص تجهز الوليد ولبس له بدله تيشرتها ابيض والجينز كحلي وجاكيته والاب توب بايده اليسار..وشناطه كانت بالسياره
نزل للصاله وشاف ابتسام وعزيز وابوه جالسين بالصاله وينتظرونه..
وياكثر ماتعذب قلبه اليوم..
وياكثر ماصبر وتحمل..
تعب قلبه..تعــب.كفايه عليه اللي صار بالنهار والصبح..كفايــه..
حتى هو تعبان..وله قلب يشكي ويتألم,,ينجرح ويجاهد..ويسكت ويكبد بقلبه.!!
مين يسمعه..!!
ومين يشكي له وحدته..
مين..!!
طاحت عينه على عزيز وشافه يمسح دموعه بأيده الصغيره..ويوم التف لأبتسام شافها هي الثانيه تصيح بهدوء ومنزله عيونها للأرض..ويوم شاف ابوه كان ساكت وهادي ويناظر فيه نظره مافهمها ولاعرفها..
نظره غريبه..
ممكن تكون نظرة رجا..او نظره عتاب..
جهلها..
جهل هالنظره وماقدر غير يبعد عيونه عن ابوه..ويتقرب من ابتسام ويهديها بكلمات بسيطه وحنونه لكن هيهات ابتسام تسكت..بل بالعكس زادت بكا وهالمره بصوت مسموع يعور القلب..
عزيزماأستحمل يشوف اخته تصيح قرب منها وحضنها من ورى ظهرها وصاح معاها..
دق تلفون الوليد وكان ثامر يستعجله لأنه وصل بيتهم..سكر الوليد منه..وابتسام عرفت أنه بيمشي اللحين..رفعت عينه له وسألته\بتروح..!!
قرب لها الوليد وجلس جنبها\أيه بروح..
ابتسام بصوت يرجــف\ونهـــ ــون عليــك..
الوليد\لا...ماتهــونون..
ابتسام\أرجوك..لاتروح..وبنظره كسيره..تكفــــى.
حضنها الوليد وماقدرت تقول شي غير أنها تصيح لفراقه..
بعد عنها الوليد وراح لأبوه هو مش عارف كيف يسلم عليه..
يحب راسه..ولاأيدينه..ولايحضنه ويرتاح..!!
ظل واقف فتره..يناظر في أبوه..ودمعت عيونه هاللحظه وماستحمل وارتمى بحضنه\سامحنـــي يابوي..
رص أبوه عليه\مسامحــك..مسامحك يالوليد..روح ياولدي..انا راضي عليك..روح..وقلبي معاك روح..
الوليد\ صدقنــي برجــع وبفرحــك..برجع وبفرحك..
بويوسف\الله يرجعك لنا سالم..قوم ياولدي..
قام الوليد وحس أنه مرتاح..يكفي أنه أرتمى في حظن ابوه وارتاح ..يكفي أنه أبوه راضي عليه..
هالشي البسيط كفيل بانه يريحه من هموم كثيره كان شايلها بقلبه..
طلع من البيت بعد ماناظرهم النظره الأخيره وفتح باب الصاله
وابتسام قامت له بسرعه ووقفت جنب الباب وبايدها كتاب\الوليــــد..
لف الوليد عليها وقرب لها
أعطته ابتسام الكتاب وابتسمت له بين دموعها\هذا قران..بيحفظك..خله معاك وين ماتروح..
اشر الوليد على عيونه\من عيوني...وباس راسها ومشى بره البيت..
ابتسام\الوليــد..
لف الوليد للمره الثانيه..ونااظر اخته نظره أخيره وطلع وسكر الباب وراه.
وعيون ابتسام تتبعه تحفظه وترعاه..
مشى وهو متمسك بأمل وحيد..
ممكن ينور دربه..أو يرجعه خايب..
وحلقت الطياره على سماءالسعوديه متجها لـ نيويورك
وقلوب كثيره تنتظره يرجع مرفوع الراس..
والله الوحيد العالم بحال الوليد ببداية غربته
=======
مسك قلبــه بشده من ورى ثيابه وغمض عيونه بالم..
وجلس على اقرب كرسي كان جنبه..وهو حاس بدوخه تتعب جسمه..
صرخااااات كبيره تتخلل قلبه..صرخات يحس أنها تنادي باسمه...
وتقوله أنا جاي يايوسف..
جــأي.
حس فيه لؤي وترك اللي عنده وقرب جنب صديقه وهو خايف أنه النوبه ترجع ليوسف مره ثانيه\يوسـف علامــك..!!فيك شي..!!
يوسف وهو مغمض وماسك جهة صدره\لا..مافيني شي..لؤي ساعدني أبي أجلس على السرير..احس بدوخه قويه..
تشتت لؤي لكن نفذ أوامر صديقه وساعده على الوقفه ودخلوا الغرفه وجلسه على السرير وفكك ازارره العلويه وراح يجيب له ماي يبرد على قلبه..
ويوم جاء شافه بوضعيته مسترخي وايده على صدره..رفعه شوي وشربه الماي\يوسف..أنت فطرت اليوم..!!
يوسف رد عليه بتعب\شفيك لؤي أنا فاطر معاك الصبح..!!
عتفس وجهه لؤي\أجل علامك..!!
يوسف بياس\مدري..مدري..تكفي لؤي خلني بروحي شوي..ابي أريح كم ساعه..
اعترض لؤي بقوه\مستحيييل..مستحيل اخليك..تبي يصير مثل اللي صار لك ذاك اليوم..أسف حبيبي..
ابتسم يوسف غصبن عنه عشان يريح بوقلب مرهف\أقول ماني بزر قدامك..روح وكمل شغلك..
لؤي\ظحكتني..اسكت احسن..مليق وانت تتحجى..
يوسف\كيفــك..مردك بتقوم..انا بنام وبتزهق..
لؤي\نوم العوافي الغالي..
يأس يوسف منه..وحس بالضجر وغمض عيونه وهو يحاول ينام..
لكن هيهات ينام..يحس بالهام غريب..وصرخات تعتلي قلبه وروحه..
ومايدري ليش..هالأحساس يتعلق باهله..!!
بس كيف يوصل لهم..!!
كيف..!!
دمعت عيونه وهو عاجـــز عن فعل أي شي يطمن قلبه عليهم..
ويوم شاف لؤي دموعه خاف أكثر\يوســف..!!
مارد عليه يوسف وظلت عيونه تدمع بحراره وهو مغمض وساكت
لؤي\شفت..وتقول مافيني شي..!!يوســف تكلم..
يوسف\مافيني شي يالؤي..لكن قل الحيله هي اللي وصلتني لهالحال..لؤي..
لؤي\فرغ يايوسف لاتكبد بصدرك..
يوسف\مشتاق لأهلي يالؤي..وحشوني..وربي وحشوني..أبي اشوفهم لو مره.ومسح دموعه..صدقني مراح اكون اناني ومتذمر بس شوفه...شوفه وحده.. حتى لوكانت بعيده..!!
انقبض قلب لؤي ..لازال يوسف متعلق برجوعه لاهله..مايدري وش يقوله عشان يهون عليه..لأنه حتى هو عاجز مثله..وهو حاس فيه..اكيد حاس فيه..
جمــره..جمره تحرق قلوبهم ومو مخليتهم يتهنون..وبيظلون متغربين في دنيا ناكرتهم وهم مو اهل لهالظليمه.\أذكر الله يايوسف..ومافي شي عند الله بعيد..
ردد يوسف بنفسه\ونعم بالله..ونعم بالله
=========
الجزء الواحد والعشرون
=========
بكيــنا هم..بكينا جروح.
بيظل هذا القدر مكتوب.
::::::
فتح عيونه لعالم مجهول..غريب ..
ناس تمشي..وناس تموت..ناس تشبع..وناس تجوع..
محد يهتم فيك..ولااحد يدري اذا كنت حزين..والا مسرور..
العالم تمشي..وتمشي.وتمشـي..وأنت لازم تتعايش مع هالجو..غصبن عنكـ...
هذه أمريكا..بلد التحظر مثل مايقولون..!!
::::
اسبوع فريد من نوعه..عاشه في نيويورك مع صديقه ثامر..
رتبوا فيه أوراق الألتحاق بالجامعه..واستلموا الجداول...وسكنوا في الشقه اللي حجزوها من أسبوعين في السعوديه..
وكانت عباره عن غرفتين نوم وصاله صغيره وحمام ومطبخ..
كانت بسيطه جدا..لكنها مريحه بعين الوليد لأن الوانها فاتحه وهاديه..ابيض وديكوراته حلبي..
واخيرا وبعد عناء شهور طويله..
استقروا في نيويورك..
واليــوم..اول يوم دراسه لهم في الجامعه..
والوليد هاللحظه محتار بين بدلتين..لكن بالأخير استقر على تيشرت كحلي بقلبه كلمه أنجليزيهit is not me محطوطه بخط كبير ابيض ..وجينز بنفس لون التيشرت كحلي وجاكيت ابيض بكمه اليمين حروف انجليزيه بالكحلي..
كان شكل الوليد رائع..وجذاب..
طلع من غرفته بعد ماحط لماسته الأخيره ورشات العطر اللي غطت على برودة الغرفة وعطتها انتعاش غريب..
خذ بوكه وتلفونه وبعض الأوراق اللي كان محطوط فوق شاشة التفزيون البلازميه ونادى على ثامر وهو متجهه للمطبخ.\ثامــر..تأخرنا..
طلع ثامر من غرفته وهو بالمثل كاشخ ببدلته البنيه..والجل اللي في شعره عامل عمايله..\صباح الخيـر..
ناظر الوليد صديقه من نافذة المطبخ وسكر قارورة الماي اللي خذها من الثلاجه\صباح النور..مشينا..
ثامر\تو الناس..
ظحك الوليد بخفه\وهذه بدايتها...مسكه من ذراعه ..اقول امش لاتأخرنا ولاهم يحزنون..
طلع الوليد وثامر بره الشقه اللي كانت بالدور الأول..وركبوا السياره اللي استأجروها واتجهوا للجامعه وكل واحد فيهم معنوياته مرتفعه ومستبشر كل خير..
""""""""
وصلوا الجامعه ونزلوا من السياره وبركنوها جنب معرض السيارات والدراجات اللي من أنواع مختلفه اللي كانت قدامهم..
وقف الوليد وتسند على السياره وثامرمثله.\اقول..
ثامر\ها
الوليد ويحك راسه بعجز\كيف بندخل اللحين..!!
ابتسم ثامر بخبث ومسك الوليد من شعره الطويل\وين اللي يقول يالله تأخرنا..!!تراك ذبحتنا..أمش قدامي أشوف..!!
الوليد\بمشي وشفيها يعني..!!يالله..
مشى الوليد وجنبه ثامر ودخلوا الجامعه وعيونهم ثابته بمكان واحد..باب الجامعه اللي يبيله امتار عشان يوصلون له..
لاحظ الوليد انه الكل يناظره..وبنفس الوقت يحس أنه كل هالأشياء تخيلات واوهام..
يسمع اصوات شديده..عاليه..تصم الأذن..
اللي يضحك باعلى صوته ..واللي يصرخ بجنون..واللي يتخانق ومسوي حزب كبير..واللي يتمايل بمشيته..واللي يطرب بصوته..
امور كثيره لاحظها الوليد وهو يمشي عشان يوصل للبوابه..
وبيكذب على نفسه اذا قال مااهتم فيها..
وتخيل بنفسه..!!معقوله كل يوم بشوف هالمصخره..!!
ضاقت فيه الوسيعه وهو مو مستلطف هالفكره..
لكن ماسرع ماتناسى يوم تذكر حلمه اللي جاي له..
وبهاللحظه دخلوا داخل وظلوا يبحثون عن مكان الكلاس اللي تبدى فيه محاظرتهم الأولى..
استوقف ثامر الوليد عند مكان الكلاس\هذا هو..كلاس 9a..
الوليد\أوكي أنت معي بهالماده..يالله ندخل..!!
دخل الوليد ووراه ثامر وجلسوا بالمقعد اللي الثاني اللي كان يتسع لشخصين..
ولاحظوا كثرة العرب الموجودين..وخصوصا الخليجين..
ولولا وجود البنات اللي بكل جهه كان قالوا أنهم بدوله خليجيه..مو أمريكا..
خمس دقايق مرت ودخل الدكتور اللي بيلقي المحاظره وكان جنسيته هنديه..لكن هندي كشخه ببدلته الدبلوماسيه البيجيه..
ابتسم ثامر بقل حيله وهمس للوليد\هزلــت..
الوليد ومركز عينه للدكتور اللي يعرف على نفسه\أنثبر..
===========
بمكان ثاني من الأرض..وبأحلى بقعه...
كانت جمانه جالسه على الكرسي الجلدي الهزاز اللي بغرفتها..وحاطه ايدها اليمنى على خدها..وتفكر..
مر اسـبوع..
مر اسبوع على سفرة الوليد
وهي ماتعرف أي خبر عنه...
تذكرت مكالمتها لأبتسام اللي كانت فاشله من بدايتها..
لأنها ماأستفادت شي غير هم وحزن زاد في نفسها..
صحيح أنها تطمنت عليه وعرفت أنه أموره استقرت..لكن يبقى القلب محتاج وملهوف..
تحسف كثيير..كثير لأنها ماودعته..ولاسلمت عليه مثل باقي بنات خالها..
واللحين الندم محتل فكرهــا..
قامت من الكرسي وجلست على جهازها وفتحت النت..
وظلت تتصفح المواقع والمنتديات بدون هدف..
المهم أنها تقضي وقت فراغها بأي وسيله..
وفجأه تذكرت أخوها..ناصر..
ولهت عليه..وتمنت أنها تشوفه هاللحظه..
تمنت يكون موجود بينهم..
تتكلم معاه..وهو يسولف لها..
تناقشه..تحاوره..تضحك له..وتعاتبه..
ياما تمنت يكون لها اخ مثل باقي بنات خالها..
صحيح تعتبرهم أخوان لها..لكن بيظل وجود الأخ الحقيقي خالــي..
فقدتهـــا
فقدت كلمة أخ واخت..
أصلا هي ماتعرفها..
ماعاشتها..ولا حست فيها..!!
فكيف بتفقدها..!!
متى الله بيحقق امنيتها..!!
ومتى بتحس بهالكلمه..!!
سالت دمعه من عيونها وهي عاجزه..
تحس انه كل شي تجمع عليها..
أولهم أمها وحملها..وأخرهم الوليد..
طفت الشاشه وحطت راسها على طاولة الكمبيوتر وغمضت عيونها وظلت تصيح .
يمكن اذا صاحت..بترتاح..
وسمعت صوت تلفونها يرن جنبها..ظغطت على رد وهي ماشافت الرقم
جمانه\الو
جاسم\جمــانه..
رفعت جمانه تلفونها وشافت رقم ابوها..استغربت..!!ليش داق عليها وهو بالبيت,,,!!
جاسم\جمانه..وينك..!!
جمانه\موجوده..
جاسم\جمانه اسمعيني زين..انا وامك بالمستشفى..
انقبض قلبها..وعلى طول رفعت عيونها للساعه وشافتها 2بالليل..
وصابها الخوف على أمها..ليكون ولدت..!!
جمانه\أمي بالمستشفى..!!
جاسم بعجله\ايه..وولدت..وجابت ولد..يالله بسكر اللحين انتبهي على نفسك..ويمكن أجي أخذك الصبح..!!وقفل الخط..
لازالت السماعه بأّذنها..
تبي تستوعب أنه أمها ولدت..وجابت ولد..
سبحـــان الله..
توها كانت تفكر بهالموضوع..
توها كانت تتمنى الأخو..
واللحين استجاب الله دعائها من أوسع أبوابه..
يارب..كم أنت كريم..!!
كم أنت عظيم..!!
كم أنت رحيم..!!
نطق لسنها بكلمة ..وظلت تردد هالكلمه بدون ماتحس..ودموع عيونها شاهده على لحظة ضعفها..
كانت دموع فرح وسعاده..
(ولئّن شّكرّتم لأزيّدنّكـم)
""""""""""""""""""
لكن في شي توها تنتبه له..!!
هي بالبيت لوحدهـــا...!!!
قامت من الكرسي ودارت عينها على المكان كله...
مسحت دموعها بكف ايدها وفتحت عيونها وكل حواسها بخوف وركضت للباب غرفتها تهرول وقفلته مرتين..
ومسكت التلفون بأيدها..
خوافه..
لاتلومونها..!؟
============
انتقل الخبر بولادة هند على العوايل كلها وماجات الساعه 6 الا وهو منتشر وكله بفضل الجده اللي استلمت هالمهمه..
::::::
سكرت فجر من أمها والبسمه بشفاتها..
عمتها هند ولدت..وجابت الولد اللي تحلم فيه من زمان..
أكيد بتفرح..
حست فيها ياسمين اللي كانت مدرسه مع فجر بنفس الروضه
ياسمين\وشفيه الحلو مبتسم..!!
اتسعت ابتسامة فجر أكثر\فرحانه يا ياسمين..عمتي هند ولدت..
ياسمين\صحيح..مبروك..وايش جابت..!!
فجر\ الله يبارك فيك..ولد..
ياسمين\ولـد..يتربى بعزكم ان شاء الله..من يشوف جمانه اللحين..؟!
ظحكت فجر..وتخيلت شكل جمانه..اكيد طايره من الفرحه..فكرت أنها تكلمها ..لكن شافت أنه مافي وقت وال*** الرابعه بتبدى..
اجلت هالفكره لبعدين..وكملت حكي مع ياسمين السرحانه..
فجر\ياسمين,,!!
رمقت ياسمين نظره لفجر وابتسمت بحزن
فجر\شفيك..
ياسمين\سلامتك..بهدوء كالعاده..مافي شي يستاهل عشان اقوله..
فهمتها فجر على طول\أخوك..
تنهدت ياسمين بحسره\ومن غيره اللي معذب قلوبنا..
فجر\هدي يا ياسمين وحاولي تتجنبينه..
ياسمين\اوكي أنا أحاول أتجنبه قد ماأقدر..لكن امي..وش ذنبها المسكينه..!؟ومين بياخذ حقها..
رفعت فجر ايدها لفوق وردت على ياسمين\الله ..الله بياخذ حقكم منه..وامك حاسبه أجرها عنده..
ياسمين بقل حيله\تعبنا..تعبنا يافجر..كل يوم نقول بتفرج..بتفرج..وهذه هي مافرجت..ولولا الله ثم مروان ولده..كان احنا متنا جوع وقهر..
فجر وقطبت وهي مو مستوعبه\كيف..!!
ياسمين بعبره مخنوقه\تخيلي..أمس دخلت المطبخ..ابي ادور لأمي شي عشان تاكله..ومالقيت..فتحت الثلاجه أبي على الأقل القى تفاحه او أي فاكهه عشان تاخذها قبل حبوب السكر وشفت الثلاجه فاضيه..الحقيره زوجته صارت مثله والعن منه..تاخذ كل شي وتترس فيه مطبخها الفوقي وثلاجتها..
ويوم سألتها قالت عندك كومة فلوس صرفيهم بدال ماانتي صاكتهم على قلبك..
والمصيبه إني أنا اللي أصرف على البيت مو أخوي..
أخوي بخيل على كثرة فلوسه..
بخيل ومرته صارت أبخل منه..
المهم أنا بعد ماشفت هالوضع طلعت مع مراون وقضينا للبيت من كل شي ولحقت على أمي المسكينه..بعد ماصبرتها بخبز وعسل..قبل ماأطلع..
فجر انفجعت وانربط لسانها وماقدرت ترد ياسمين الا بكلمه\الله كريــــم..
ودق جرس معلن انتهاء الفسحه..وانتهى الحوار اللي بين فجر وياسمين بنفس النتيجه.
قامت فجر بعد ماخذت اغراض ال***..وتبعتها ياسمين..
============
في المستشفى وصلت جمانه بعد ماحرقت جوال ابوها من المكالمات وشافت جدها وجدتها عند امها
سلمت عليهم بالأول وبعدين اتـجهت لأمها وحبت على راسها\وتهون عليك بنتك الوحيده تخلينها بالبيت بروحها..!!
ابتسمت هند بتعب\لا ماتهونين..مارحتي الجامعه..
جلست جمانه على طرف السرير وعقدت حواجبها يوم تذكرت الجامعه\وليش اروح لها بالله..أنا معطيه لنفسي يومين اجازه بعد هالخبر الحلو..
جاها صوت ابوها وراها\ايه..اللي بيخيلك عاد..
غمزت جمانه بعينها وهي واثقه\بنشوف..
تكلم الجد يوسف وهو عاجبه الوضع\ياحليلك يابنتي..تذكريني بوحده وهي صغيره..
اشتغل الغيره وولعت عند الجده وردت بضجر\ومين هي اللي تذكرك فيها..
ردت جمانه بصوت كله دلع وغنج\ومنوا يعني أكيد إنتي..يعني ماتدرين أنهم يشبهوني فيك..
ابتسمت الجده ولفت على زوجها وخزته\ايه اذا جمانه بنمشيها لك..
تذكرت جمانه شي هاللحظه وصرخت بجنون\البيبي..نسيته...وينه..يبه تكفى الله يخليك..أبي اشوفه..
جاسم\طيب..بعدين..
جمانه\شنوا بعدين..!!!؟يبه تكفى..أبي اشوفه..
ردت هند بوهن ورفعت نفسها شوي\ودها ياجاسم خلها تشوفه..
وعلى طول قامت جمانه ووقفت جنب الباب وعدلت شيلتها ولبست النقاب وبأسلوب شبابي\يالله يالله..
ابتسم جاسم على بنته الخبله\و احد يعصي لك كلمه أنتي..وطلع وطلعت جمانه وراه وسكرت الباب بقوه وراها بدون ماتحس..
الجده وهي مو عاجبها الوضع\حسبي الله على بليسها كسرت الباب..
التفت الجد يوسف على بنته\اقول ياهند ماقالوا شي عن الولد..
ردت هند بضيق\لا يبه..ماقالوا شي..
ابتسم الجد لبنته هند\لاتخافين...الله العالم بحالك يابنتي..
هند بضعف تخلل روحها\ونعم بالله..
""""""""""""""
في عصر هاليوم امتلت غرفة هند بالأهل والحبايب وناس داخلين وناس طالعين والجده مو ملحقه الحريم اللي صارو يجون فجاه ودفعه وحده ..
اما البنات ماأجتمعوا ابدا..
يوم جات ابتسام وابوها طلعت جمانه تشتري اغراض للبيبي,,
ويوم طلعت ابتسام وابوها دخلت فجر وغلا..وبعدها سماح وزوجها جلسوا ربع ساعه وطلعوا..
وبالمثل مالحقوا على جمانه الا بنهاية الوقت..
غلا جالسه براحه وحاطه رجل على رجل\وكل هذه مشتريات للبيبي..!!مايسوى علينا هالجيه..
جمانه وهيئت نفسها لخناقه جديده\أول مو اسمه بيبي..اسمه عمك عمر..
التفت غلا يمين ويسار وكأنها تبحث عن هالعمر\منوا..عمر..!!
جمانه مطت اسمه بدلع\أخــوي..مو عاجبك يعني.!!
فجر\ماشاء الله بتسمونه عمر..!!
التفت جمانه لفجر\ايه..شرايك بهالأسم..
فجر\حلو..وحاولت تلتمس هالأسم..كله عذوبـه..
جمانه\ياحبي لك والله..
غلا\أقول لاتغيرين الموضوع..بتجين بكره او لا..!!
جمانه بضيق كالعاده اذا انطرى اسم الجامعه\اوف..بجي.... ابوي مانعني أغيب..
غلا ظحكت بدلع\هههههه احسن..
جمانه\بس تدرين وش أحسن شي بالموضوع..أني مو داقه مشوار لراس تنوره على طول بيت جدي..
غلا\ومين اللحين مرتبه وضعك..!!!؟
جمانه\أكيد حبيبتي..خليني استغل جلسة امي هنا..
غلا\يمه منك..مايطوفك شي..
جمانه رصت عيونها وتكلمت بنبره عاليه\تحسدين الفقير على يوم الجمعه..حمدي ربك انتي مشوارك ماياخذ ربع ساعه..مو أنا..والله إني هلكانه بسببه..
التفت لهم فجر\وين جالسين احنا..استحوا شوي..
غلا ونزلت رجلها بنعومه\والله انا كلي حياء..قولي للي جنبك تخفض من صوتها مسويه نفسها طقاقه زمانها..
عصبت جمانه وبلحظه غبيه كان ودها تمط عر غلا اللي دوم فاتحته وتتدلع فيه لكن كلمات امها ونظراتها اللي خزتها من بعيد سكتتها ..وماقدرت غير إنها ترمي غلا بنظرات ناريه ومتوعده..
رصت على اسنانها بقوه وقالت\بكره الوعد ياحماره..
رفعت غلا اصبعها ورمشت بعينها\نشوف حبيبتي..
"""""""""""""
في اليوم الثاني بالليل طلعت هند لبيت اهلها على طول لأنها بتقضي هالأربعين يوم عند أمها كالعاده
لكن البيبي ماطلع معاها عشان يتاكدون من حالته الصحيه أكثر..
وهند سلمت امرها للباري سبحانه وماتبي شي غير الخلق التام لولدها
لكن الله بخلقه له حكمه بكل شي
========
حاول يتجنبها قد مايقدر..
لكن قلبه اللي محتاج حب هالمره لعب دور كبير في حياته..
تذكر كلام يوسف له..وتذكر أنه لازم مايعيشها على أي أمل مصيرها الموت..
لكنه مش قادر يسيطر على نفسه..
بدى يستلطفها..وقلبه مال بشكل جريء وغير متوقع..
يكفي دقاته اللي يسمعها كل مالتقت عينه بعينها..
يكفي الإرتجاف اللي يصاحبه كل ماابتسمت ابتساماتها الرقيقه الي تذوب شي فيه..
يكفي شعور الحنان..والعاطفه والحب اللي ياما أحتاجها في أوقات صعيبه في غربته..
عاش العمر كله وهو منحرم من أقل شي ممكن ينعش حياته ويعطيها طعم ثاني..
صحيح أنه الله عوضه بوجود أخ وصديق مثل يوسف..
لكن يبقى شي فارغ بقلبه..
يبقى عاطفه من نوع أخر فقدها..
وهو هالأوقات محتاج لها بشكل أكبر..
مايقدر..
مايقدر يقاوم..
هو محتاج لأحد يفهمه وينسيه غربة عمره كله..
عبير كانت حاظنه الكتب بايدها وعيونها تناظر زرع الحديقه اللي قدامها..بلعت ريقها بشده وحاولت تتكلم بهدوء\لؤي..!!مالك ساكت ..في شي شاغل بالك..!!
صحى لؤي من سرحانه ورفع خصلات شعره وهو حاس بحرارة الجو\لا..أبدا..بس كنت افكر شويه..
عبير \بشو عم تفكر.!!
التفت لها لؤي وظل يناظر بعيونها البنيه وابتسم بدون شعور\مافي شي مهم..لاتستهمين علي..
عبير عقدت حواجبها الهلاليه\شو..!وش اللي قلت.!!
لؤي\شو..شو..!!
عبير \شو معني كلمه تستهمين..!!
ظحك لؤي بخف\يعني..لاتخافين علي...فهمتي..!!
ابتسمت عبير باحراج وقررت بينها وبين نفسها أنه تتعلم لغة لؤي باقرب وقت..
تحس بالغباء بسبب كلماته الغريبه عليها
لكن بتحاول تفهمها لعيونه..
قام لؤي من الكرسي وابتسم عبير\يالله وراي اشغال.
عبير\أوكي..
كان وده يقول كلمه..لكنه مستحي..وبتهور قالها \ماراح أشوفج اليوم مره ثانيه..
انحرجت عبيروحمر وجهه وظغطت على الكتب أكثر\مأظن أقدر أطع اليوم..عندي بحث..ولازم اخلصوا...
تفشل لؤي من عمره ووتحسف أنه نطق\على راحتج..يالله نمشي..
مشى لؤي وتبعته عبير وهي حاسه انه لؤي مو طبيعي لكن لسه ماجاء الوقت اللي علاقتهم تصير اقوى..
وندمت كثير لأنها قالت له ماراح تقدر تشوفه مره ثانيه..
لكنها صحيح ماتقدر..ولو عليها كان ظلت طول عمرها قدام عيونه..
===========
تدري يادكتور سمير..
هالدنيا غريبه..
ماتفهمني..
ولاراح تفهمني بيوم.
أنا وياها خطين متوازيين مانتلاقى ابدا..
واذا تلاقينا فأأعرف أنها من فئة المستحيلات ..
..كم بقى لنا يوم عشان نموت..
وكم لنا عشان نعيش..!!
ابتسم الدكتور سمير على كلام يوسف ونظرته للحياه..وكيف هي بائسه..!!
قرب منه لمن صارت عيونه قبال عينه ونفسهم أختلط وصار واحد..وهمس بصوت هادي\واذا قلت لك..أنا الفرج قرب..!!
""""""""""""
ظحك يوسف على حظه التعيس وحاول يخفي جروحه ومايضايق هالرجل الكريم اللي فتح له بيته وقلبه.... واسند طوله.. وبدى يدمج بالالوان الزيته اللي مقرر أنها تكون بزوايا كل حائط\بكينا هم..بكينا جروح..بيظل هذا القدر مكتوب..!
الدكتور سمير ماعجبه كلام يوسف..وحس أنه فيه شي..لكنه مجهول..
كان وده يقوله بالخبر اللي بفرحه..لكن ماكان يبي يستعجل بالموضوع وخصوصا لأنه مو مـتأكد كثير..
اما يوسف فكان تفكيره بعالم ثاني..
تفكيره كله منحصر بـ لؤي صديقه..
كان متضايق لضيقة لؤي..ومش عارف وش سبب حزنه المفاجئ..
ويمكن هذه اول مره لؤي يغبي شي عنه..
ويوسف حز بخاطره هالوضع..وياما حاول يدرج لؤي بالحكي..
لكن لؤي كان ساكت ويدعي الامباله..
صحى يوسف من سرحانه يوم حس بحركة الدكتور وشافه بيطلع وماسك مقبض الباب المرصع بماسه كبيره تدل على فخامة الغرفه..لكنه قبل مايطلع قال كلمه ليوسف..وهالكلمه ظلت ترن في أّذنه لحد ماوصل الشقه..\ولاتهنوا..ولاتياسوا من رحمة الله..
ولاتهنوا..ولاتياسوا من رحمة الله..
ومرت ايام..وليالي والحال بين لؤي ويوسف مايسر أبدا..
كل واحد منهم يكابر.ويتجاهل الوضع..
ويرش الملح على جرحه اللي يكبر يوم عن يوم..
والقلوب..وش حال هالقلوب..!!
منتظره لمسه..أو نظره..أو أحساس..عشان تفرغ اللي مكبوت بداخلها..
===============
توها ابتسام داقه على أخوها عشان تتطمن على أحواله..
وقالت له عن ولادة عمته هند..
وفرح كثير لها..لكن حزة في نفسه أنه بعيد هاللحظات عنهم..
وطلب منها إنها تشتري باقة ورد من رابيه...وتقدمها لعمتها باسمه..
ابتسام\الوليد..خذ عزيز ..مزهقني يبيك..
يوم ذكرت ابتسام اسم عزيز...تذكر عيونه اللي كانت مشابهه لعيون يوسف..
وخفق قلبه بدقات متسارعه..وبدون شعور مسك قلبه بالم..وسمع صوت عزيز يناديه ولبى ندائه\الوليييييييد.
الوليد\شلونك يابطل..!!
عزيز بعتاب ولهفه\الوليد..متى بتجي..!!
تجاهل الوليد كلمة اخوه وظغط على قلبه أكثر\ها لعبت الكوره اليوم..
عزيز\لا..مالعبت اليوم..خلاص ماأبي ألعب..
الوليد ابتسم على لهجه أخوه الزعلانه\أفا...ليش..!
مسح عزيز دمعته اللي حرقت عيونه بذراعه الصغير\العب لوحدي..
رص الوليد على شفايفه وقال بالم\ابتسام تلعب معاك..
عزيز وأصر على كلامه\يعني انت مو جاي تلعب معاي..
الوليد بحرقة قلب\..لااا
انتفض جسم عزيز الصغير ويوم حس أنه بيصيح خلاص غط السماعه على ابتسام وطلع فوق لغرفته يصيح بدون محد يشوفه..
كل هذا وابتسام حاظره الموقف..وعلى طول قوة نفسها ورفعت السماعه..لكن لقت الخط انقطع..
وعرفت أنه الوليد قفل السماعه..وماأستحمل الموقف..
هي تدري انها لازم ماتضغط على الوليد..
هي تدري انه اللي فيه مكفيه..
لكن يوم هي سكتت وكابرت..
عزيز ماراح يسكت هو فاقد الوليد بجنون..
شافت ساعتها وتذكرت انها تأخرت على بيت جدها واكيد اللحين البنات مجتمعين بدري لأنه جمانه موجوده..
طلعت فوق غرفتها وخذت عباتها وشنطتها ..
ونزلت تدق على السواق يجي ياخذها..
==========
كانت بتطير من الوناسه..
تحس انه كل الدنيا فرحانه مثلها..
حتى الجو عايش احساسها..
كان مغيم بنسيمه الحلو..
ولو ينزل المطر اليوم راح تعرف انه السعاده انكتبت لها طول هاليوم..
رفعت عينها لأول مره من ركبت السياره وشافت طلال مندمج بالسوالف مع أخوها ياسر..
ويوم لفت على أمها شافتها مسنده راسها على النافذه ونايمه..
وتذكرت اخوها تركي والتجريحات اللي فعلها اليوم مع أمها.
وكله بسبب أنها قالت له ودنا الشرقيه..ابوك يشتغل الخميس..
وطبعا كالعاده..طنشها وطلع بسيارته..بدون مايقول كلمه اعتذار وحده..
تذكرت دمعة أمها..وحزنها على ولدها البكر..
لكنها ماقدرت تقول شي..وضمت أمها وهي حاسه فيها وبجروحها..
لكن احسن شي صار بالموضوع..انه طلال عرض خداماته وطلب من ابوها يوصلهم معاه الشرقيه..
وهذا الشي اسعدها كثير..
راويــن..
حست راوين أنه أحد يناديها..
لف ياسر وجهه للجهه اللي ورى\راوين..
ناظرت راوين بعيونها وماتكلمت..
ياسر\تبين شي من البقاله..
انحرجت راوين على عفوية اخوها..وخصوصا لأنه طلال ساكت وموقف السياره..وينتظر اجابه منها..
خزت راوين أخوها..وهي ودها تذبحه..
ويوم حس طلال انه مصخها طلع من السياره ودخل البقاله وهو الثاني منحرج.....
وراوين هنا استلمت ياسر\انت ماتستحي على وجهك..!!
ياسر\ليش..!!
راوين\ياحلاتي والله..وانا أقولك ايه أبي..
توه ياسر يحس بالموقف..ضرب على راسه وظحك على نفسه\طيب نسيت..شنوا تبين اللحين..
رجعت راوين على ورى وتسندت على المقعد\ماأبي شي..
ياسر\كيفك..وطلع ياسر وسكر الباب وراه..
وراوين رجعت تحلم بــ طلال..احلام يقظه..
وهي مو قاده تسيطر على دقات قلبها اللي تتسارع بوجوده قريب منها....
ويوم شافت طلال واخوها مقبلين..عدلت نفسها وحست أنه يطالع فيها من ورى النظاره اللي لابسها..
ارتبكت ونزلت عيونها على طول..
لكن اللي صج جننها وماخلا فيها ذرة عقل يوم شافت ياسر يغط عليها علبة ايس كريم باسكن روبنز اللي ينباع بالدكاكين الصغيره..
هذه اللحظه ماقدرت تسوي شي..
وماكنت لها ردة فعل ابدا..
لكن حست بالحراره تلفح وجهها وتحمرها
وبلحظه جريئه رفع طلال عيونه للمرايه وناظرها..
حس بتأنيب الضمير وهو يدري أنه كل اللي يسويه غلط في غلط..
لكن قلبه كان دليل له..ومو قادر يسيطر على نفسه اكثر..
ويوم حس أنه بينفضح أمره نزل عيونه وانتبه للطريق والشوق غالبه ومعذبه..
==========
يوم درت أنه باقة هالورد باعثها الوليد..
حست بالشوق يحتويها وينعش روحها اللي كانت ضايعه طول هالأسبوع..
وبدون شعور خذت ورده صفراء لأنها كانت تميل للأصفر وثبتتهافوق أذنها بطرف شعرها المرفوع لفوق..
و على أنه كان في تناقض بين لبسها الأبيض الباهت والأصفر الفاقع.
لكنها طلعت شمس منوره بفصل الصيف الحارق..
انتبهت لها غلا وهي ناويه أنها تقطع لحظة تفكيرها وسرحانها.
فضربت على راسها بخفه وركظت للمطبخ عن فجر وابتسام..
وجمانه ما صدقت على الله تلقى شي من غلا..
فكانت هي بمثابة الكبريت اللي تنتظر أحد يشعللها..
ركظت وراها وهي ناويه على تنتيف شعرها اللي دوم قاهرها..
وشافتها متخبيه ورى فجر والظحكه الخبيثه مرسومه بوجهها
شمرت جمانه أكمامها بفضوضيه واتجهت لها بقوه\جاك الموت ياتارك الصلاه..
ابتسام مسكت جمانه من ايدينها وماسكه ظحكتها\أقول بلا خبال..أنتي وياها...الحريم لسه ماطلعوا..
جمانه طنشتها وحاولت تفك ايدها وغلا تضحك ..وتضحك..وجمانه جاها المرض وارتفع ظغطها من ضحكها\وقسم بالله ماهــدك..
صرخت غلا بدلع\يعني وش بتسوين لي..!
جمانه\بسوي فيك هوايل..أول شي بنتف شعرك اللي تستعرضينه لنا..وثاني شي بمسح هالحفله اللي حاطتها بوجهك..
غلا\ههههههههه ..ظحكتيني..
ابتعدت فجر عنهم وخذت صينية الدلال وطلعت بره المطبخ..وابتسام صارت بينهم..غلا وراها..وجمانه قدامها..وكل واحده فيهم تضرب الثانيه بإيدها\حسبي الله على بليسكم..احترموني على الأقل..
غلا ترفع ايدها وتصوب ضربه خفيفه لجمانه وتشيلها ثانيه\هي اللي بدت..
جمانه وصلت عندها\انطمي ياحماره..لسه ماشفتي شي...ومشعت اطراف شعرها..وعلى طول غلا ضربت إيدها ورفعت شعرها..وطلعت لسانهاعشان تقهرها\يعني يتخويفني..يعني...!!
ابتسام يأست منهم ودزت جمانه وطلعت بره المطبخ تلحق فجر..
أما رقيه وسبيكه تشابكوا في بعض وبدو خناقه جديده..
مين اللي بينتصر..!!؟؟
=========
رفع عينه على ساعة ايده ..بقى نص ساعه ويبتدي الاجتماع..
وبنته مو راضيه تهده؟؟؟
تبي تروح بيت جدتها..وبنفس الوقت تبيه يروح معاها..
قابضه ايده وتصيح بجنون طفله..
وهو ثارت اعصابه..وتوتر أكثر..
وعرف انه بنته راسها يابس..ومو بسهوله ترضى..
هدى أعصابه شوي..وجلس على ركبته ومسح دموع بنته\وبعدين يابابا..خليني اغطج..واروح..عندي شغل..
ردت ريوف عليه وهي ماده شفايفها بطريقه تذوب\مابي..تعالي معاي..
عبدالرحمن\ليش حبيبتي..هناك بتشوفين بنات مثلج وبتلعبين معاهم..
جنت ريوف اكثر يوم تذكرت عزيز اللي ضربها الأسبوع اللي فات بدون سبب..وصاحت زياده..\عبدالرحمن\اللحين أبي أعرف ليش تبجين..!!
ريوف\بث..ماأبي ألوح لوحدي..
عبدالرحمن\عمري روز في بيت يديده تنتظرج,,
ضربت ريوف رجولها بالأرض وثارت أكثر وهي مصممه على رايها\ماأبي..ماأبي..ماأبي..
تضايق عبدالرحمن..بنته دلعها حيل..وهذه نتيجة الدلع الزايد..مسكها من ايدها وطلع من حديقة بيته متجه لبيت عمه يوسف ..
دخل حوش البيت وشاف بنته سكتت ..وشكلها ارتاحت..
لكن المصيبه كيف بيدخلها اللحين..!!
شاف حرمتين بيدخلون من باب الحريم وحس بالإحراج بعد شوي عن الباب وناظر بنته\ريوف حبيبتي .يالله دخلي
تركت ريوف ايد ابوها يوم سمعت صوت جدتها ودخلت البيت..
وهنا ارتاح عبد الرحمن وسرع من خطواته وركب سيارته للشركه..
واول مادخلت ريوف البيت شافتها فجر وخذتها لحضنها وهي مشتاقه لها مره\شلون الحلوه اليوم..
ردت ريوف بخجل\تيبه
ياسمين اللي كانت جنب فجر عرفت أنه اللي شافته من شوي هو عبد الرحمن..
فجر\امانه عليك ياياسمين..عمرك شفتي جمال مثل هالقمر..
ياسمين ابتسمت بحنان\ماأظن..تعالي حبيبتي .
فجر\روحي ريوف..سلمي على خاله ياسمين...
قامت ريوف من حظن فجر وقربت جنب ياسمين وهي مستحيه وايدينها الثنيتين حاظنتهم ومنزله عيونها بألأرض..
ياسمين يوم شافت حركات ريوف العفويه ماقدرت تستحمل خذتها بحظنها وضمتها\حبيبتي والله..تهبلين..
فجر\ريوف..قولي لخاله شكرا..
ريوف بمستحى\ثكرا..
ياسمين ماتت على هالبنت\فديت هالثكرا اللي طالعه من ثمك..تروحين الروضه..!!
ريوف ببراءه\ايه..
ياسمين\شاطره..
ريوف\الأبله تقولي شاطره..وحلوه..
ياسمين\وماكذبت ابلتك..انتي شاطره وحلوه وقمر بعد..
فجر\يالله ريوف حبيبتي..روحي لعبي مع البنات,,
أعتفس وجه ريوف بعد ابتسامتها الخجوله وقالت ببراءه\هنا عزيز..؟
فجر\لاحبيبتي ماجاء..
رجعت الأبتسامه لريوف مره ثانيه وراحت تلعب مع ألأطفال بطلاقه وراحة بال..
===============
كان وقف جانب نافذة الغرفه اللي تطل على الشارع..
توه كان متسبح ..والماي لازال مبلل شعره الطويل..
حط ايدينه بمخابيه يلتمس أي ذره دفا بحنايا جسمه الحار..
واللفافه الرماديه الصوفيه الطويله لافها برقبته بأحكام..
اليوم كان الجو صقيع..وبارد يخترق الأنفس..
وظل هو وثامر مرابطين بالشقه..
طاحت عينه على التلفون..ورجع يفكر.يكملها او لا..
قرب جنب تلفونه ومسكه بايده..
وده يكلمها..
وبنفس الوقت ماوده..
كل ماتذكر أنها ماسلمت عليه يتراجع ويقفل السماعه... ويرفعها مره ثانيه..
وبين هالحيره والتشتت واللهفه..
ظغط على رقمها وحط اتصال
ورجع للنافذه..
ينتظر رد منها..
::::::::
جمانه كانت توها طالعه الدور الفوقي ترتب شعرها ولبسها اللي عفسته بعد معركتها مع غلا اللي انتصرت هي فيها
وتوها بتدخل حمام الغرفه الا سمعت تلفونها يدق..
وكان المتصل رقم خاص..
دق قلبها هاللحظه..
حست أنه الوليد..
وبدون شعور ظغطت على رد وسكتت..
الوليد\جمــانه.
يوم سمعت صوته وهو ينادي باسمها التفت الجهه الثانيه وكانها تبي تبتعد عن مسمعه ..
ركظت لباب الغرفه وقفلته مرتين..
واحساسيس كثيره خالطتها خايفه..وتايهه..ومتولهه..
الوليد\جمانه..انتي معي..
أحتارت تتكلم..والا تسكت..ففضلت السكوت..
والوليد بعجز\اسكر..!؟
جمانه\لاااا...
ابتسم الوليد..اخيرا سمع صوتها..
يحس سنين طويله فاتت وهي بعيده..وهو بالمثل بعيد\ على سلامة عمتي..
جمانه بهدوء وهمس\الله يسلمك....شخبارك..
احتار الوليد..شيقول لها..
ضايع بدونكم..
مايقدر
الوليد\..لكن ....مشتـاق..
ماتدري ليش تصير غبيه اذا كلمته..
ماتدري ليش ترجع ذيك الطفله الخجوله اللي تتخبى ورى أمها
ماتدري ليش تنسى كل الحروف الأبجديه
وتظل ساكته تسمعه..
وتكتفي بصوته
كانت وده تقوله حتى انت وحشتني أكثر..لكن فضلت أنها تسكت مثل كل مره
لكن انفاسها كانت مضطربه وغير ثابته..
وهي تتخيل..أنها لو قالت له وحشتني..
وش بيكون حالها..!!
مسكت الورده الصفراء اللي تقطعت شوي من اوراقها وشالتها من شعرها
ومسحت عليها برقه والرجفه مصاحبتها..وشمت رحيقها بعمق..
وهي تحاول تلهي نفسها باي شي يثبت أنفاسها.
ظغطت على الورده عشان تخفف ارتجافها..
وحست بهدوء الوليد وحيرته..
"""""""
الوليد ظل يناظر بالسماء والثلج اللي نزل وغطى على الشوارع كلها..
ويسمع انفاسها تخترق التفلون وتوصل له..وتسكن روحه وكأنها عاصفه جارفه مليانه شوق ولهفه
وحس فجأه بحميمه..
حميمه عذبته أكثر..وخلته يشتاق ويحن..
جات في باله فكره لكن مايدري هل راح جمانه تقبلها أو لا..!!
قرر يقولها وهي بإيدها الخيار..
الوليد\جمانه..ممكن تعطيني ايميلك..!
جمانه كانت ساكته ومستلمه لأنفاسها الغير هاديه.
لكن يوم سمعت كلمته الأخيره رجعت لواقعها بعد هالأحلام اللي تتخيلها
وجاوبته بـــ ليش..!!
الوليد\يعني..عشان أيش.!!تتوقعين..لاتصيرين ساذجه,,!
جمانه بعتب وحيره\أنا ساذجه..!!
الوليد وتأفف\تونا حلويين..!
جمانه وعصبت اكثر على تأففه\وبعــد..!!..تبى شي الوليد..!!
الوليد\ايه..
جمانه بضيقه\الي هي,,!!
الوليد بكل جوارحه قالها\ابيــك..وسكت..ينتظر ردها..وطال السكوت فتره مو قليله..
جمانه غمضت عينها والكلمه ترد في أذنها..
أبيــك..
ابيـك
ومو أول مره يقولها الوليد لها..
لكن لاحظت هالمره كان له معنى مختلف...وشعور مختلف..
غمرتها فرحه فظيعه..خلتها تبتسم بدون شعور..
تخيلت انها مع الوليد..
لوحدهم..
بعالم خاص لهم.
وانحرجت من هالأفكار اللي تخيلتها
وسمعت طرق باب وفتحت عيونها على طول وهي خايفه
مسك الوليد النافذه اللي كانت مبلله بالماي وكتب اسمها بداخل قلب مايل \بتطولين..!!
جمانه\الوليد..اسمع أحد يطق الباب..مع السلامه..
الوليد\لا ..جمانه لاتقفلين..قولي اول..
جمانه وتناظر الباب \شقول..!!
الوليد\خلاص..برسلك مسج في ايميلي واضيفيني..اتفقنا..!!
جمانه\ليش طيب,,!!
الوليد\في اشياء كثيره أبي أقولك اياها..!!
جمانه وارتبكت\طيب مع السلامه.
الوليد حس بالراحه والقبول المبدئي منها\مع السلامه جمانه..وقفل الخط وهو مبتسم
واخيرا بيرتاح
================
بعد ماخلص يوسف شغل الصاله اليومي..
توجه للسوبر ماركت وشرى أغراض للثلاجه..
وكيكة التوت اللي يحبها لؤي بالكريمه..
حاسب الكاونتر..وطلع يمشي للشقه ..لأنها ماكنت بعيده كثير..
واول مافتح الباب حط الأغراض على طاولة المطبخ وفصخ جاكيته ودخل الغرفه..وهو مقرر أنه يفاتح لؤي مره ثانيه..
ولازم اليوم ينهي الموضوع باي وسيله..مهما كانت العواقب
لكن اللي تفاجا منه أنه لؤي مو بالغرفه,,
فتح الحمام ونادى باسمه..وماشافه..
رجع للصاله وهو محتار..!!
مو من عوايده يطلع هالحزه..!!
جلس على الكرسي وحط ايده على راسه..\وينك يالؤي..!!
معقوله مع عبير..!!
لكن مو لهالحزه..!!
وليش ماترك لي نوته..!!
حرام عليك..حرام عليك يالؤي..!!
تنهد يوسف بضيق..وحاول يلهي نفسه لمن يوصل لؤي,,
دخل المطبخ ودخل الأغراض بالثلاجه..
وصب له عصير ليمون يهدي اعصابه,,
ورجع للصاله مره ثانيه..
وجلس يشرب العصير ويفكر..وين بيكون لؤي اللحين..!!
مرت ساعه..وساعتين..وثلاث..وخمس..
ولوي..مارجــع..
والنوم بدى يسيطر عليه..
وخوفه وقلقه على صديقه موتره وناقز قلبه..
يحس أنه لؤي فيه شي..
لكن مو عارف كيف يتصرف.!!
هو يدري أنه طول هالأسبوع منشغل عنه ومبتعد..
لكن يجي الشقه ويشوفه نايم بسريره..
وحتى لو تأخر .مايتأخر لهالوقت..
وبين هالتفكير والحيره والخوف..
اسند جسمه على الكرسي..ومال براسه...
وغالبه النعاس..واستسلم له..
ونام بقل حيله..
ومعدته فاضيه وتأن من الجوع..
‘‘‘‘‘‘‘‘‘‘‘‘‘‘‘‘‘‘
كوابيس كثيره مرت في باله,,
وكلها مزعجــه وغريبه..
مر بخياله لؤي وهو يركض لبعيد والدموع تسبق انفاسه..
كان يناديه بصوت عالي..
كان يصرخ باسمه ويقوله لاتروح عني.أنا محتاجك....
كان يترجاه ويتوسل له..
لؤي..لــؤي تعال..لاتتركني بروحــي..ارجوك تعال..
لكن لؤي مايسمعه..كان يركض لمكان بعيد ويبتعد عنه..
ويوسف يحاول يسرع من خطواته ويجيه..
ويوم وصل له حاول يتمسك فيه بكل قوته..
واول ماالمسه..
أختفى لــؤي..
وكانه ســراب ..
فتح يوسف عيونه بشده وهو يحاول يلمس الهواء اللي كان مستحل روح لؤي..
لكنه ماقبض بأيده الا هالهواء اللي كل ماله ويزيد وكانه ريح بتاخذه وبتمحيه مثل مامحت صديقه..
وفجأه سمع يوسف صوت من وراه يناديه..
وهالصوت كل ماله ويزيد..
لمن حس أنه هالصوت بيخترق أّذنه..
ميز هالصوت..
هالصوت يعرفه..
نبرته مو غريبه عليه..
هذا صوتـه..
هذا صوت لؤي..
يستنجد فيه..
يوســـــــــــــــــف..
:
:
صحى يوسف من نومه وهو يصرخ وينادي لؤي..!!
ويوم فتح عيونه عرف أنه بالشقه..
رفع عينه على الساعه وشافها 4..4 الفجر..!!
حاول يتذكر اللي صار له أمس..
وتذكر أنه لؤي لسه مارجع..
وعلى طول قام من الكرسي وهو يلعن نفسه لأنه نام وماحس بروحه..
لبس جوتيه..وخذ جاكيته اللي معلق على الباب وطلع يدور على صديقه بكل مكان..
جات في باله اشياء كثيره...
وتذكر الحلم اللي حلمه عن صديقه..
ومات خوف ورهبــه..
وكرر في نفسه أنه لؤي صار له شي كبير..
وهو الغبي اللي نام وماحس بروحه..!!
وش بتكون حياته بدون لؤي..!!
وش الدنيا بتعطيه من الهموم أكثر..
مو كفايه عليه..!!
رفع عينه للسماء وشافها مغيمه والنور يتخللها من كل ناحيه..
فكر كثير.
وين بحصله اللحين..!!
وين ممكن يكون موجود..!!
تذكر صديقته عبير..لكن أستبعد الفكره على طول..
لأنه لؤي مستحيل يسويها ويبات عند صديقته..
نزلت الدموع من عيونه وهو عاجز عن فعل أي شي..
وهذا هو يدور بشوارع فرنسا بيأس وضايع..
محد جنبه..ولحد يخفف عنه مصيبته,
تذكر أول أيام غربته ..
وكيف كان يدور بهالشوارع بدون هدف..
تذكر جوعه ومرضه وحاجته.. والمه وعذابه..
ونزلت دموعه أكثر واكثر..
وهو حاس انه الزمن يعيد نفسه..وبيظل وحيد بهالبلده..
مثل ماكان وحيد ببداية غربته ..
ولأنه تعبان وعلى لحم بطنه من أمس..
ظل يكح ويكح من اعماق قلبه..
وصدره يألمه كل ماكح بشده..
حس أنه روحه بتطلع من كثر مايكح..
وجلس على الأرض الشارع بعجز..
هو يتمنى لو ماي يبل فيه ريقه..
دارت عيونه على المكان وشاف انه المكان خالي من الناس
والكل في بيته نايم..
رفع عينه للسماء وظل يدعي ويدعي أنه الله يبعد الشر عن صديقه..
ظل يدعي ربه بقلب صادق
وقلبه معتصر ندم وحسافه على اشياء كثيره..
واولها أنه طول هالفتره كان هو ولؤي مبتعدين عن بعض..
وبدال مابياخذ بخاطره ويسال عنه..صده والتهى بشغله..
تذكر عيونه اللي كانت تحكي اشياء كثيره..
تذكر حزنه اللي يطفر منه كل مالتقت عينه بعينه..
وكل هالأمور تجنبها وطنشها..
واللحين هو ندمــان أشد الندم على ضياع فرص كثيره ممكن أنه يكتسبها..
هو يدري انه الندم ماله فايده اللحين..
لكنه مايعرف شي غير الذكرى الأليمه والدعاء لصديقه..
قام من الأرض وهو يتحسس صدره ويظغط عليه بالم..
ومشى يدور عليه للمره الثانيه..
وعهد نفسه بين وبين ربه اللي عالم بحاله وشاهد على كل لحظة ندم مر فيها..
انه يدور لؤي مره وثانيه وثالثه لمن يلقاه ويرتاح فؤاده..
وحتى لو هالشيء بيسبب ضرر له..
بيدوره بقلبه وروحه..
لمن ينقطع نفسه..
وكانه الله أستجاب دعائه وحقق مراده..
اول ماتحرك خطوه عن المنطقه اللي هو فيها
وصار قبال الجسر اللي يطل على شارعين..
سمع أصوات بعيده..ولها صدى قوي..
قرب من هالصوت اكثر..
وكانه يتذكر الحلم اللي بمنامه..
وعرف أنه لؤي قبل مايشوفه..
دموعه نزلت مره ثانيه وحاول يمسحها بطرف كمها..
وظل يركض للصوت لمن أختفى..
ووقف,,
وقف وسط الشارع وهو ينتظر الصوت يطلع مره ثانيه..
وطلع هالمره بصوت اعلى من اللي قبل..
لمن وصل لنهاية الجسر..
وشاف رجال ملتوي على الأرض مثل الربيانه..
وعرف أنه لؤي من لبسه..
قرب منه يوسف وهو ينادي عليه ويصيح\لـــؤي..
جلس يوسف على الأرض مقابل له..وحظنه بكل قوته وحط راسه على صدره.. وهو يحمد ربه ويشكره على استجاب دعائه..
حب راس لؤي ووجهه وايدينه الثنتين وهو يصيح ويصيح على شوفته..ويضحك بجنون وفرحه..
ولؤي كان يهذي بأشياء غريبه مو مفهومه..لكن يوم شاف يوسف نادى باسمه وظل يصيح مثله
حس يوسف بشي غريب بــ لؤي..وبريحه غريبه وكريه..
ويوم قرب من فمه..
شم ريحة الخمر اللي تفوح منه..
ابتعد عنه وقام وايده ماسك فيها صدره.. وكانه شي قذر والمسه.
لؤي رفع ايده صوبه باستسلام ورجا\يــوســف..
==========
الجزء الثاني والعشرون
آمـــال أم..أحــلام..
==============
دقت الساعه على 7 الصبح..والناس بدت تطلع لأشغالها عشان تكسب ثمره حلوه تجعل ايامها أمان..
الا أثنين..
بـ شقه بالقرب من ضجة باريس..
كان الجو يتخلله تيارات كهربائيه..والسيمفونيه اللي تعزف على المكان نحيب لؤي وهو يأن باسم يوسف بمنامه...
يوسف كان جنب لؤي على السرير ..
و حاط أيدينه الثنين على راسه اللي منكسه للأرض بكل ضعف..
كان حاير..ويفكــر بحالة لؤي اللي وصلته لشرب الحرام..
تذكر قبل كم ساعه وش كان حاله وحال صديقه..
تذكر كيف شاله وهو ماسك صدره اللي يأن من الألم..
تذكر تعثر خطواته وهو يحمله من كتفه بكل قوته..
تذكر المسافه الطويله اللي حالت بينه وبين هالشقه..
تذكر ريحته..وهذايانه..وعذابه..ونهايته..
كانت نهايه اليمه..جريحه بدموع ووهن وضياع..
أسئله كثيره مرت في باله..
ومو لاقي لها جواب..
يمكن من عظم الحدث كان عقله متوقف عن التركيز في افكاره..
او يمكن صدمته..
صدمته بصديق عمره ..
حس بخيانــه عظيمـه تتأصل جوفه وعروقه..
لؤي..
لؤي صديق عمره يشرب!!..
ليش..!!
وكيف..!!
يوســف..يايوسف
ليش الناس يشربون..
فكــر فيها.!!
عشان ينسون..!!
أو ينجرفون ورى متعه حقيره..ممكن تضيع حياتهم للأبد..!!
صح والا لا..!!
وحتى أنت..!!وحتى أنت يايوسف..!!
كنت مدمن..
ممدن مخدارت,,
واللحين السؤال يتوجه لك..!!
ليـــش أدمـــنت..!!؟؟؟؟
وش هي هالأسباب اللي خلتك تعصي ربك لها..!!
اكيد جوابك بيكون يشبه جواب لؤي..!!
حسافه عليك..حسافه عليك يايوسف..!!
وانت اللحين بدال ماتعاتب صديقك..
عاتبك نفسك اللي وصلتك للغربه.
ومع هالحوار النفسي المعذب..
حس يوسف بنقزه بصدره لمن وصل لهالنتيجه..
هو مدمن..ولؤي شارب..
ماتفرق..
كل هالأمرين سببها هروب..
هـروب من واقع مر..
"""""""""
حس يوسف بأيد تضمه بقوه..وكأنها تطلب عفو..او رحمه..
وكانت هالأيد ..أيد لؤي..
التفت يوسف له وطاحت عينه على عيون لؤي اللي كانت تعبر عن كلام كثير..
كلام يتخلله ندم واعتذار وعذاب..
أحرقته..
احرقتــه عيون لؤي وحس أنه هو المذنب بحقه..
حاول يبعد عيونه عنه..حاول يكسر النظره..
لكن في شي غريب..مثير بالموضوع..
جاء له صوت لي لؤي وهو يستنجد فيه..
وكان نفس الصوت اللي سمعه يوم شافه طايح بنهاية الجسر
يوســف..ارجـوك..
ظغط يوسف على شفايفه بألم ورد عليه بكلمه والحزن يعصر قلبه\ليش..!!
لؤي مسح دموعه مثل الطفل المظلوم \كنت ضايع..
يوسف وصغر عيونه بوهن\ضايــع..!!
لؤي\كنت ضايع بدونك..!!طول هالأسبوع..كنت أدورك..كنت أدور صديقي يوسف..ومالقيته..
سكت لؤي..وظل يناظر يوسف ويشوف علامة ألأستغراب بوجهه..وبعدها كمل..
رجعت أفكر اهلي..وتذكرت فقرهم اللي وصلني لهالحاله..
تذكرت ابوي اللي وصاني عليه ومات وتركني لعالم قاسي على أمثالنا..
تذكرت العيشه اللي كنت أعيشها وانا زي الكلب المأمور اركض ورى الفلوس وبس..
تذكرتهم يوم قطوني وهجروني وانا اللي كنت الأمل الوحيد لأهلي..
تذكرت أني ضيعتهم وراي..وضعت بعدهم..
وجيت بغربتي وحيد..وشفتك ونور الله طريقي بصحبتك..
عشنا وقلوبنا مع بعض 11 سنه..
وماأشتكينا وظلينا ناكل اللقمه الحلال بعد الحرام اللي جنيته بأيدي..
وبعدهــا..
...تخيلت..تخيلت أنك بتسافر ..وبتروح بلادك..وبتتركني..
كنت اعرف أن من الدكتور سمير انك بترجع بيوم من الأيام..
وكنت أعرف انه هاليوم قرب..ومابقى الا القليل ..وبترحــــل..
بتتكرنــي يايوسف..بتتكرني لوحــدي..
وبرجع وحيد وغريب..!!
ماقدرت اشوف الأنسان اللي عشت معاه طول غربتي على الحلو والمره يرحــل..
يوسف انت تعني لي الكثير..وماأقدر اتخيل بيوم وليله انك بتروح عن عيني..
ماقدرت اتأقلم على الوضع..
كنت اسمعك تتكلم عن شوقك لأهلك وحنينك لهم..
وكنت أحس بالأنانيه بداخلي..
كرهت هالشعور,,وكرهت نفسي أكثر..لأني حسيت بلحظه أني خذلتك..وخذلت أهلي قبلك..
يوسف..احنا عشنا مع بعض عيشه محد عارفها غير ربنا اللي خلقنا..
تشتتنا..وضعنــا..ووقفنا من جديد..
وبالأخير تتركنــي وترحل..
لايايوسف..لاااا..قلبي مايقوى على بعــادك لاااا..
حرام اللي يصير فيني ..حرام..
مو قادر اتقبل هالواقع اللي انرميت فيه..
انا انسان ومن حقي احس..وازعل..
لكن قبل ماأزعل على هالدنيا اللي غدرت فيني..
لازم ازعل على نفسي اللي دمرتني..
وضيعتنــي..
سكت يوسف..سكت لحظات ماهي طويله..
وثار زي المجنــون..
ومسك لؤي من كتفه اللي يرتجــف\وانت تتوقعاني أني بروح عنــك..!!
لؤي\وليش ماتروح..!!11 سنه ضياع..ويوم قرب الفرج بتتراجع عشاني..!!
صرخ يوسف صرخه هزت لؤي\..أنت شتقول..اترك صديق عمري..واروح..لا والذي خلق سبع سماوات أني ماأحط رجلي ببلادي الا وانت راجع ديرتك..!!
مو أنــا..مو أنا اللي ينكر صديق فتح لي بابه بعد ماكنت من الأموات..
لؤي\وأنا مستحيل اخليك تيلس عشاني..
ترك يوسف لؤي وقام وهو يحاول يهدي نفسه..
مسح على وجهه بتوتر وحاول يهدي نفسه وماينجرف بغضبه وفكرة أنه ممكن يخون بصديق عمره.. ورجع يناظره\لاتفكــر بشي اللحين..
لؤي ولحد الآن يحس بدوامه\ماأقــدر..أنا أحس أني أموت يايوســف.. أمــوت؟؟
رجع يوسف بسرعه ونسى جرحه..ونسى الامه..ونسى خيانة لؤي...وجلس على السرير جنب لؤي وظل يناظر فيه وهو خايف عليه\بسم الله عليك..يعل يومي قبلـــ
حط لؤي ايده على فم يوسف وهو يمنع تكميل جملته ودموعه انهمرت وهو يتخيل موته\لاتكمــل..بس بــس..
لكن..ابيك توعدني انك ماتخليني..وحتى لو خليتني ورحت.. وغمض عيونه ونزلت دمعه حار من
حناياه...قول..قول لأهلــي اني حي مامــت..
خلهم يسامحوني..ويغفرون لي..
مسك يوسف قلبه والألم يزيد ويحتويه..جرح لؤي كبير وماانبرى..
لؤي يحس بالفرقــا..ليش,,!!
قطعت قلبي يالؤي..ذبحــته..
يوسف\مو قايل لهم..انت بتروح معاي...وبنمسك أيد بعض وبنطير مع الطيور..
صدقني بتشوف أهلك وبتكحل عينك بشوفتهم ..وبنرجع..وبنرجع كلنا مثل اول..وبتفتح لنا الدنيا أبوابها..
والعالم كله بيشهد بهاليوم..وذاك اليوم هو العيد الحقيقي..
ومسح دموعه بضعف..
قول يارب..قــول..!!
حس لؤي بأنه لسانه عاجز عن نطق هالكلمه..
كانت سهله..من أربع حرف لكنه تناساها بغمضة بصر..
لكن يوسف ماخلاه ورددها بأذنه بصوت قوي..
قول..قول يـــارب..يــارب
يــارب
رفع لؤي ايده اللي ترتجف برجا وضعف لفوق وقال
يــارب...ضم لؤي يوسف وحس بحب كبير يغنيه عن الكون واللي يحتويه
و تمسك فيه بقوه وكأنه غرقان من بحر عميق واللي نجاه هو يوسف..
ظل يصيح..ويصيح.. معاه بحرقة جوف هألأيام الطويله المريره اللي كان بعيد فيها عنه..
وارتاح بحظنه وتمسك فيه اكثر وشعور الفراقا يتأصل روحه ويتخلد فيها..
----------------
بوقت الظهر وبلفحة الشمس القويه..
كانت جالسه بالأرجوحه والأبتسامه مافارقت وجهها القمحي وماسكه بأيدها علبة الأيس كريم اللي كانت بتذوب لو ماكلتها.
وجالسه تتأمل النخلتين اللي مسيطرين على مكان الزرع اللي بدى ينبت حولهم ويمتص مجرى الماء بكل عذوبه..
وعلى أنه الحر مسيطر على الجو..لكن الأيس كريم معطي مفعوله و كل ماتخللت قطعة ببلعومها تحس بالأنتعاش الغريب اللي يقضي على أي نسمة هوى حاره ممكن تحرقها..
يكفي أنها تتذكر صاحب الأيس كريم..
وهذا الشي كفيل أنها تعيش العمر كله وهي سعيده على ذكراه..
وماوعاها من حلمها الجميل الا بصوت جمانه المزعج..
رفعت عينها لها وشافتها كاشخه ببلوزتهاالحمراء وتنورتها الشاموا البيجيه اللي متقطعه أطرافها بحلاوه\كشيخ البنـــات..
رفعت ايدها جمانه لشعرها المرفوع وبعثرته بفوضويه\أجل انتي بس اللي تتكشخين ..لاياأم الأخضر(راوين لابسه بلوزه خضره مخططه بذهبي بشكل انيق والتنوره ميدي بحزام ذهبي عند الخصر)
راوين\فديت الأخضر ..يارب يفوز...وسرحت..
وسرحت معاها جمانه لكنها انتبهت بالعلبه اللي بــ أيد راوين..\شنوا هذ..!!
سكتت راوين..وصابها الحيا..وهي مش عارفه وش تقول ..!! لكن قوت نفسها لحظات\ايس كريم..ماتعرفين يعني..!!
قربت جمانه لها لمن لصقت فيها وطاحت عينها على داخل العلبه\ول عليك..خصلتيه بسرعه.
انحرجت راوين للمره الثانيه..شكلها ظلت تاكله بدون ماتحس بنفسها.وسكتت هالمره لأنها خلاص فاض الحياء عندها..
ولأن جمانه بالها مو معها أبدا غيرت الموضوع بدون ماتحس ورفعت اكمام بلوزتها وهي حرانه\أقول مامتي حر...امشي ندخل ..
قامت راوين من الأرجوحه بخفه وتبعت جمانه اللي فكرها وقلبها بمكان ثاني ..
لمن صلوا لباب مدخل الصاله
راوين\وينهــم..
جمانه\كلهم بغرفة الحريم..
راوين\أوكي أنتي روحي وبجيك..
عطت جمانه راوين نظره غريبه وماعلقت وراحت للحريم وهي مستأه..
اما راوين قطت العلبه اللي بأيدها ورتبت مظهرهاوخذت منديل ومسحت فمها ورجعت عند الحريم وهي قابطه نفسها على فرحتها..وجلست جنب جمانه اللي جالسه بنهاية الغرفه بكنبه مركونه بالزاويه..
راوين\وش فيه الحلو جالس بروحه..
جمانه\ولاشي..اقول مو كأنه عمي تأخروا..
راوين \يمكن تلقين غلا ماضبطت مكياجها..
جمانه بابتسامه باهته\السخيفه توني داقه عليها وتقول هم بالطريق..!
راوين\ليش ..تولهتي على ضراباتها ..!!
جمانه\لا والله ماتولهت..بس تقدرين تقولين ماأقدر استغنى عنها..
راوين\الله يخليكم لبعض..
جمانه\وياك ان شاء الله..
===============
حبيـبي..لا
نطقت سماح بهالكلمه وهي معترضه على طلب أحمد
لكن احمد ماتركها وهو مصمم على رايه \سمــاح..أنتي محتاجه خدامه..وانا خلاص قدمت عليهــا..
سماح ويأست من زوجها\ليش يأحمد..!!ليش ماقلت لي قبل ماتقدم عليها..!!
أحمد باابتسامه مغريه\يعني شنوا..بتقنعيني مثلا..!!
وقربت منه بجرأه لمن صارت قباله ومايبعد بينهم الا سنتيمترات\وليش..مو واثق من قدراتــي..!!
تفاجأ أحمد من جرأتها لكن أنعجب بحركتها ..وحب يجرأها أكثر وبدون شعور باسها على خدها\لا..صدقيني واثــق..وهم واثق بعد..!!..لكن لاتحاولين..الخدامه جايه..جايه...وجلس على السرير يسكر ازارير بدلته ويجهز نفسه للدوام..
اما سماح مسكت خدها بخجل..وهي لازالت واقفه تسترجع المـوقف..
حس فيها أحمد وابتسم لها بحب\بتظلين واقفه كثيــر..!!
التفت له سماح باحراج\شنوا..!!
قام احمد بعد ماأخذ تلفونه ومحفظته\سلامتــك..تامرين على شي..!!
سماح\الله يسلمك..لا..بس لاتتأخر مثل كل مره..
احمد\احاول لكن مااوعدك..
انمحت الأبتسامه من وجهه سماح..وهي عارفه أنه اليوم بطوله بتجلس لوحدها بالشقه..
حس فيها ..لكن هذه طبيعة شغله..\حبيبتي..لاتزعلين..بحاول أبكر..عشانك..
سماح\لا أحمد عادي..هذا شغلك..وانا متفهمه وضعك..
احمد\وهذا العشم فيك....طيب تبين تروحين بيت أهلك..!!
سماح\لاخلاص أحمد عندي كم شغله بسويها اليوم..الله يحفظك..لاتستهم علي
أحمد بعجله\...ماأوصيك على عمرك..لاتتعبين نفسك..يالله..مع السلامه..
سماح وعيونها تتبعه وهو يطلع من الغرفه\الله يسلمك..
=============
منتي بطبيعيه..!!
جمانه بعصبيه زايده\يعني أنتي الطبيعيه..!!
جلست غلا وفستانها الفضفاض النيلي أنفرش على الكنبه اللي جالسه فيها جمانه ورمشت بعيونها الكحيله\والله ياعمري انا أعرف نفسي مو في بالي شي..!!مو انتي..!!
رفعت جمانه حاجبها اليمين\وش قصدك..!!
قربت غلا منها لمن صارت عينها بعيونها المرتبكه وهمست\والله أنتي أدرى..
قامت جمانه من الكنبه وايدينها الثنتين لامتهم على بعض بتوتر وعيون غلا تتبعها وهي محتاره وش اللي مغير طبايع بنت عمتها لمن وقفت جمانه والتفت على غلا\أقول..بس ماتقولين لحد..!؟
قامت غلا بالمثل وحطت ايدينها الطويله بكتوف جمانه\ يعني مكالمتك لي مو الله..!!مالت عليك..وربي كنت عارفه انه فيك شي...بس يالله معليش..!! بفوتها لك هالمره..تكلمي..سرك في بير ..وابتسمت.. يالعجوز..
تنرفزت جمانه من قلب ولأنها مالها خلق لغشمرة غلا اللي مو جايه بوقتها ابد سكتت بضيق..
استغربت غلا وعرفت انه جمانه فيها شي كايد وكبير ولأنه فضولها ذابحه حاولت تتناسى غشمرتها الثقيله ومثلت دور الحنونه\امزح حياتي..تكلمي.
.كلي أّذان صاغيه..
رفعت جمانه غرتها ورجعتها ورى أّذنها بضيق وترددت تتكلم..او تكتم وماتفضح نفسها..
وفضلت أنها تكتم في نفسها..
لكن هي ودها..وبنفس الوقت ماودها..
تحس انها خايفه..ومتشتته..ومحتاره..
وبين هالأمور كلها قالت كل السالفه لغلا
كل شي قالته..
موقف البحرين..وموقف الي حصل بيتهم..ومكالمته لها..
وطلبه اللي لحد الآن محتاره فيه..
وغلا طابعا ماستنكرت حب الوليد لجمانه..
هي تعرف من زمان أنه الوليد شاريها ويبيها
لكن اللي استنكرته سالفة الأيميل..
ولأنه جنونها في أمور الحب طاغي..
تمنت بلحظه غريبه أنها تكون بدال جمانه وتعيش الحب وأصوله..
أحلام غلا كبيره وكلها تدل على رومانسيتها المتعطشه ..
لكن تناست هالموضوع اللحين ورجعت تفكر بموقف جمانه
جمانه\شرايك..!!اعطيه ايميلي..!!
غلا\اقولك الصراحه..
جمانه بعد تنهيده\ياليــت..
غلا\عطيه..شوفي وش يبي..لكن..ولكن..لاتطول السالفه..يعني لاتنسين نفسك..
جمانه بحيره\يعني هذا رأيك..
غلا\هممم..بس لحظه ايميله عندك..
جمانه\ايه..رسله لي اليوم..
غلا\أحلى..احلى..ورسايل بعد..ياويلي على الحب..وسنينه..
انصبغ وجه جمانه باللون الأحمر....والتفت على غلا وشافتها لازالت مبتسمه..عطتها ظهرها وجلست وهي حاطه ايدها على خدها وتبتسم بخجل..
شافتها غلا وقلدتها تماما..جلست جنبها وحطت ايدها على خدها وهي لازالت تبتسم ابتسامتها الخبيثه..
=============
اكواب ببسي مرميه بالأرض..وكرتونين بيتزاء محطوطين فوق بعض ومفتوحين باهمال..ومخدات بكل طرف محتله الغرفه..والتلفزيون مطول لأخرحد
هذه الصاله اللي كان جالس فيها الوليد وثامر
اليوم مباراة الهلال والأتحاد..واللحين بدى الشوط الثاني..
والأجواء في الملعب حاره والحماس يلعب دوره..وجميع المدارجات مليانه بالجماهير اللي حاظرين مباراة التأهل للنهائي..
ولحد الآن النتيجه من صالح الهلال بعد الهدف اللي سدده محمد الشلهوب..ويطمع بهدف ثاني بالدقايق الأخيره..
الوليد يصرخ من جهه ويحط حرته بالمخدات اللي متسند عليها ويرميها على الشاشه بكل قهراذا ضاع الهدف
الوليد\وقسم بالله أني ودي ادخل الملعب واوريهم اللعب عدل..ياأخي نبي هدف ثاني..
فتح ثامر علبة ببسي ثانيه وسند نفسه على الكنب..\وانت ليش حارق أعصابك..بتشوف بعد دقيقتين هدف من الأتحاد..
التفت الوليد على ثامر وناظره بنظره كلها سخريه ورجع يناظر الشاشه\الله لايقوله..
ثامر\شوف..اذا ألأتحاد فاز عليك غداء بكره..واذا الهلال فازوا علي الغداء..وش رايك
ضرب الوليد على صدره بكل ثقه\اتفقنــا..
المباراه في النص ساعه الأخيره بدت تشتعل اكثر..
والجماهير يهتفون بأعلى صوتهم بهدف ثاني يرضيهم..
والكل على أعصابه..ويترقب أي هدف يحمس المباراه اكثر..
لمن جاء الهدف الرائع بمرمى ألأتحاد.. واللي سدده الشلهوب بكل مهاره
صاح الجمهور بصوت عالي معبرين عن فرحتهم ..
والكل تجمع على الشلهوب..
نقز الوليد على ثامر وزنطه بأيده الثنتين وهو ناوي عليه اليوم\بكــره..بكره توديني ارقى مطعم بنيويورك..
حاول ثامر يبعد الوليد وماقدر ويوم حس انه بيختنق كح بقوه\ كح كح حسبي الله على بليسك يالدب وخر عني..كح ..كــح..
الوليد ولازال على وضعيته\اول شي توديني والا لا..!!
ثامر\أوديك بس وخر.. فكه الوليد وهو فرحان..وتذكر هاللحظه جمانه وابتسم..
"..أكيد بتفرح اللحين..الهلال سجل هدفين.."
دخل غرفته عشان يشيك على تلفونه للمره الألف بعد مارسل مسج لجمانه فيه ايميله..
ويوم شافه لقاه مثل ماهو..
رجعه مكانه وهو لازال ينتظر أي مسج منها.
وسمع صوت ثامر بالصاله وهو يصرخ وعرف أنه الأتحاد سجلوا هدف وتحسف أنه ماشافه
قام ثامر وهو يصرخ\هــدف..هـدف جبتها يانور..!!
الوليد وماعجبه الوضع\أقول انثبر مابق غير دقايق وتنتهي بفوز الهلال..
وفعلا صفر الحكم وانتهت المباراه بفوز الهلال..
=============
مجتمعين البنات في الصاله لوحدهم..ومسوين حزب عنوانه.." لا للــ ملل.."
واللي يترأس هالحزب غلا والعنصر الثاني كان ابتسام ولأول مره..اما جمانه هالمره مااستلمت المهمه و كانت الأطرش في الزفه متسنده على كنبه طويله بنيه وعينها تلف يمين ويسار تخاف تشوفها جدتها وهي بهالوضعيه وتصرخ عليها..وهي مالها خلق احد..كانت تمع البنات..
وتعلق بعض المرات..وتقط كلمه من هنا وهناك..لكن عقلها مع الوليد..وتفكر هل هو يحتريها..مثل ماتحتريه..او لا..!!
وقطع تفكيرها ضربه من غلا بــ شريط فيديو ماسكته بأيدها ولأنه المود مو ماشي معها..طنشتها وركزت على الشريط اللي تحمله بأيدها..
غلا وتلوح الشريط بأيدها\شرايكــم بهالمفاجأه..!!
وماوحى لغلا تستمع بهالمفاجأه الا وشافت ابتسام ماخذه الشريط ومتجهه للتلفزيون تشغله وغلا فاتحه فمها كله..
غلا بميوعه زايده قالت كملتها المعهوده\ياربـــي..
ردت عليها جمانه وهي مو هامها الموضوع\من وين ماخذتهم..
غلا وعشان ترجع برستيجها رتبت فستانها بفخر\طلعت فوق عشان اصلي..وشفت باب غرفة سلطان مفتوح..ولأني تعرفون أني فضوليه بدرجه كبيره دخلت الغرفه
جمانه ومتنرفزه من لهجة غلا\وبعدين..
غلا\المهم..رشيت كم رشه من عطوره النسائيه..وبعدين فتحت درجه ولقيت كذا شريط..لكن هذا اثار فضولي أكثر لأنه مكتوب فيه".. رحلة راس تنوره.."
جمانه\عفيه على الشاطره..والله لو يدري عنك سلطان..بيذبحــك..
عادت ابتسام الشريط وخذت الريموت وجلست جنب جمانه\خلاص اسكتوا..اللحين بيبدى..
قامت فجر هاللحظه وسالتها راوين\وين..!!
فجر\مالي خلق..بتمشى بالحديقه..
راوين بحنيه\على راحتك..
خذت فجر دفترها اللي كان بشنطتها وطلعت وهي ضايقه الخاطر..
وبدت تكتب
الشمس غابت واقبل الليل بهموم
الله يعين العيـن طــول سهـرها
تسهر طول اللي ماذاقت النـوم
سبت وليف الروح بساعة هجرها
-----------------------
شريط الفيديو ابعد الملل عن بال البنات..وبدوا يستمتعون..وخصوصا لأنهم شافوا اشياء هم مايعرفون عنها لأنه التصوير كان للشباب وهم في البحر ..
لكنه ماكان طويل لهدرجه..
وطلعت هاللحظه لقطه فيها الوليد يلعب كوره مع ياسر وهيثم جالس على الكرسي من بعيد وطبعا ابتسام ماخلت جمانه ونقزتها من خصرها
ابتسام\فظيعــه..هاللقطه..اقول..شبعي منه..ماتتفوت ..
جمانه ارمقتها بنظره سامه..وعرفت أنها تقصد وجود الوليد فيها..وعشان تقهر ابتسام قالت لها\وحتى انتي ماتتفوت عليك..فيها حبيب القلب..!!
ابتسام عصبت وسكتت..
جمانه\عشان تعرفين مره ثانيه كيف تقهريني.
وبجنب ثاني كانت غلا متوتره وظاغطه على اصابعها الطويله بألم بدون ماتحس..
تتمنى لويطلع تركي بالغلط..
لكن هذا الشريط بيخلص وتركي لسه مابين..
تتمنى تعرف شخصيته..تتمنى تسمع عنه ويكون حقيقه وواقع..
الشي الوحيد اللي تعرفه أنه لها ولد عم اسمه تركي وهو اكبر اخوانه...
كانت تسمع أنها يحب السفر والتجاره..لكن ماكانوا يجبون طاربه ابدا..لا في خير ولا في شر..
التفت على راوين اللي كانت مندمجه بشريط الفيديو وركزت عيونها عليها..واصابتها رجفه..نفس عيون تركي..
لكن تركي أكثر حده منها...!!
جاء سؤال في بالها..
"..ليش دوم تفكر فيه.."
تحسه فجأه يجي على بالها و يختفي فجأه مثل ماجاء..وهاالشي مو عاجبها أبدا..!!
حست راوين بنظراتها وسألتها بعفويه\شفيك غلا..
انحرجت غلا وماردت ونزلت عيونها للصور وهي كارها انها تنحط بهالموقف..
والسبب..هو..تركــي..
وهالمره طلع تركي فجأه والتصوير كان بمجلس بيت هند..كان جالس ورافع رجلينه على الطاوله.. ومنزل عيونه يناظر تلفونه..ومو حاس انه أحد يصوره..وبعدين رفع عيونه يوم سمع صوت سلطان يناديه وانقطع التصوير..
وصرخت غلا\لييييييش..!!
والتفت لها 3 ازواج من العيون..وهي استحت وقالت عشان تبرر الموقف\ليش خلص التصوير..
جمانه\أحســـن..
ابتسام بخيبة أمل\حسافه
جمانه\أحسن..احسن..احسن وقامت ومزاجها معتفس بسبب ذكرى الوليد
---------
مر هالأسبوع والوليد ينتظر أي خبر عن جمانه ..
وكان طول اليوم يشيك على تلفونه أو جهازه..يعلى يلقى أي اضافه منها.
.لكن اللي مايعرفه الوليد انه جمانه بعد ماكلمت غلا ارتاحت شوي بس لازالت تحس أنها بتخطو خطوه كبيره واساسها غلط..وهي تعرف نفسها بتنجرف مع التيار..
وهذا اللي ماتبيه..
لكن بنفس الوقت تحس انه الوليد محتاج له اكثر من أول وعاطفتها بعض الأحيان تتغلب على عقلها وتقرر أنها تضيفه وترتاح..وبالأخير اذا اضافت ايميله ترجع تحذفه من جديد وترجع خطوه ورى وهي شتان بين القبول والرفض..
هذه حالة جمانه..عايشه بدوامه كبيره..
واللي طايح فيها الوليد اللي طفش من طول الأنتظار..
--------------------
ذبحته..ضيعته..شتته هالعيون الكحيله..
غمض عينه والا فتحها يلقاها وكأنها ملكه اثيريه بأحلى طله
صابه الهيام والجنون بسببها..
تمنى أنها ماطاحت عينه بعينها
حاول بكل الوسائل أنه يبعدها عن مخيلته
لكن النتيجه كانت وحده
تربعت على عرشه للأبد
::::::::
هذا حال تركي وهو جالس بمكتبه يوقع على بعض الأوراق لمشروع جنا اللي بيفتح قريبا بالأيام الجايه
كان لابس نظاراته الطبيه الحديثه الــ بنية الأطار ويحاول قدر المستطاع انه يتعمق بالأوراق ويكمل شغله المتراكم
لكن وجود غلا بمخيلته استحوذت على كل ذرة عقل عنده..
اجل لو درى أنها بنت وش راح يصير فيه..!!
معقوله بيتغير شي فيه..!!
شعر فيه مبارك اللي كان جالس قباله ويراقب تقلبات وجهه..
مبارك\تركـي..!
ظلت عيون تركي متركزه على الأوراق المبعرثه بكل جهه بدون اهتمام\اسمعك..
مبارك\فيك شي..تعبان..!!
ولازال على وضعيته\...لا...مافيني شي..
احتار مبارك..تركي مو معطيه مجال للنقاش..!!
اندهش من مزاجه المتقلب..
يحس أنه الوضع مو طبيعي..
في شي..
ولازم يعرفه..
تذكر سهرة الليله ..وحمد ربه انه في موضوع ممكن يغير مزاج تركي..وعلى طول ماصدق خبر وكلمه\أقول تركي..لاتنسى يو زيد اليوم عازمنــا في بيته بسهره يحبها قلبــك.!!
تركي وعينه عألأوراق وماهمه الخبر\أعتذر منه..ماراح أجي اليوم..راسي مصدع من سهره أمس..
بصم على العشره مبارك انه متغيــر..
من متى تركي يفوت هالعزايــم..!!؟؟
وعشان ايش..!!
عشان راسه المصدع..!!
معقــوله..
طيب شي طبيعي راسه يصدع من الشرب اللي شربه امس..!!؟
من متى يهمه هالموضوع أصلا..!!
انقطعت افكار مبارك بصوت تركي وهو قايم من مكتبه وماسك بعض الملفات المهمه للمشروع\اقول.انا راجع البيت ..وايجارات محل الصالحيه بسددها بكره الصبح..سلام..
وطلع تركي..وترك اكبر علامة استفهام بوجه مبارك.!!؟
وعلى طول مسك خط البيت وهو مقرر يفاتح راوين بموضوع البنت اللي شافها بيت عمته..
و المشكله..مو عارف كيف يبدى بالموضوع..
وهو من النوع مايجب المقدمات الطويله اللي يسميها "..تفاهات غير معنيه.."
والحظ هذا اليوم لعب دوره عنده..
بعد ماجاء من المحلات دخل الصاله وشاف امه وتتناقش مع راوين..
ولقط كم جمله بدون مايشعرون فيه..
نور\ليت تركي ياخذها صدقيني غلا تناسبه..لكن مو عارفه كيف اقوله..قولي لي أنتي.. وبقل حيله وعينها مكسوره..هو يسمعك على الأقل..
راوين\يمه لو يبي تركي يتزوج كان تزوج من زمان..وانتي تعرفينه مايحب أحد يغصبه على شي هو مو مقتنع فيه..
نور بحسرات تخفق قلبها\آآه ياراوين..أمنيتي..تركي يفرحني واشوف عياله..تدرين..
تدرين لو يتزوج تركي..
قلبي بيرفرف..وبيقول ابشري بالفرح بعد العنا يانور..
وتكلم فجأه\السلام..
التفت نور وبنتها على الصوت اللي وراهم وشافوا تركي..واقف بجمود ويناظرهم..
تغافل تركي استغرابهم وجلس على الكنب بهدء..
وتوها راوين تستوعب وتوها ترد السلام\وعليكم السلام..
اما نور فظلت ساكته.وبعينها دمعه تحرقها..
ماتدري..هل لازم تنصدم..او تفرح..او تحزن..
ولدها تركي..له فتره طويييييييله..ماجلس جنبها..واليوم هذا هوقبالها ومابينه وبينها الا طاوله وتوصل له
ياما تمنت يحس فيها..
او يجلس معاها..ويتكلم بدون حواجز..
او حتى يناظرها بنظره حنونه..تنسيها عذاب العمر كله..
لكن حتى أقل القليل تركي مستبعده..ومتناسيه..
ومو حاس بعقوقه لأمه..
تركي\راوين..صبي شاي..
راوين بانصياع تام\ان شا ءالله..
صبت له الشاي وسألته\هو محلى..تبيني أزيده سكر....
تركي\لا..كفايه..
راوين\تفضل..
اخذ تركي منها البياله وظل يشرب الشاي وهو هادي وينتظر اي كلمه من أمه أو اخته..عشان يفتحون المجال له..
لكن نور كانت ساكته وعيونها متعلقه بتركي..والفرحه غمرتها ولو ودها تقوم وتضم ولدها اللي كبر وهو بعيد عنها..وتمسح على وجهه بعذوبه وتعاتبه عتاب الأم لولدها وتصيح وتقول..
هذا ولدي اللي رجع لي..
لكن كل هالأمور كانت تخيلات..واوهام..
كانت احلام نقيه..شفافه...عذريه..
تركي كبر..وتغير ذاك الولد اللي انولد بفطره طاهره بعيده كل البعد عن الجانب الأسود اللي يحتويه..
وبتظل هذه احلام تحلمها نور..
وقلبها بيظل يدعي.ويدعــي لمن يرجع تركي اللي تعرفه وربته بين أيدينها..
وبين هالتفكير اللي اشغل نور ..سمعت راوين تكلمها وهي واقفه..ويوم التفت على مكان تركي..شافته خالي من بعده..
وتاكدت هاللحظه..
انه الأحلام عمرها ماتكتمـــل..\ها يمه..
راوين\شفيك سكتي ..!!
نور\مافيني شي حبيبتي..وين بتروحين..!!
راوين\بروح لتركي..يبيني بموضوع..ومشت لغرفة أخوها..
وسكتت نور....وعرفت بينها وبين نفسها أن ولدها بيظل
قاسـي..
ورنت هالكلمه باذنها..
معقوله ولدها قااسي عليها..!!
ماصعبها من كلمه..
ماقدرت تنطقها نور..
ماقدرت تتقبلها..
ولدها..اللي حملته في بطنها تسع شهور..قاسـي عليها..
ولدها..اللي ربته..وراعته..قاسي عليها..!!
ولدها اللي اذا شكى..والا بكى..هي الحظن الدافي له..
ولدها اللي اذا مرض..والا تألم تتألم لألمه
قاســي عليها..
ماقواها من كلمــه..وماصعبها..وماأثقلها..!!
و يا كبر جرحك يانــور..
وياعظم مصيبتك..
ادعي يانور..ادعــي..
الله الوحيد العالم بحالك..
============
واقف وسط صاله عريضه جدرانها ناصعة البياض
وبعينه نظره حالمه..والدكتور سمير يربت على كتفه بفخر وعزه..
بيتحقق حلمه..!!
بعد هالعنا الطويل....!!
بيتحقق حلمه
الله جزاه بعد الصبر العظيم بشي ماجاء على البال ولا الخاطر..
واليوم بيكون ملكه قاعه تضم رسوماته..
هذه اول خطوه بيخطوها يوسف للمستقبل..
ومن هنا يببدى حلمه اللي ظل يتمناه من أول ماعرفت أيده معنى كلمة".. لوحه فنيه.."
هذا جزء صبرك يايوسف..هذا جزى صبرك..
يوسف\حروفي تخوني هاللحظه..وش تبيني اقول عشان أرد جميلك ..!
الدكتور\لاتقول شي..ولاتحس بالأمتنان لي..هذه تعب ايدك اللي انجزته في صالة الموسيقى وانا اللهم اني بأجر هالمعرض اللي تشوفه قدام عينك..
يوسف ماعرف يعبر عن شعوره ومالقى غير الدعاء\عمري مراح أنسى وقفتك وياي.. قول آميين..الله يفتحها بوجهك ان شاء الله
الدكتور سمير بابتسامه حنونه\آميين..يالله عاد يايوسف نجي للجد ابيك تملي هالصاله لوح جميله من ريشتك الفنانه..وخذ وقتك متى انهيت شغلك بنبدى بالخطوه الثانيه..وانا حبيت اوريك المكان عشان ترتقع معنوياتك وتشتغل اكثر..
يوسف\صدقني انا لها..
شعر الدكتور سمير بالرضا والراحه \وهذا العشم فيك يا....ولــدي....وسكت فجأه واضاف بحزن شديد..اقدر اسميك ولدي..!!
غاص قلب يوسف بحناياه
ولـــدي...
كلمه قديمــه..
كلمه كانت بذاكرته مدفونه..
والقدر امحاها بكل عنفه وجبروته
ولــدي.
كلمه من اربع حروف..خفيفه على النفس ومحبه للقلب..
ولــدي..
ياما تمنى يوسف يسمعها..او حتى يستشعرها..
واليوم الدكتور سمير يطلبها منه..
هذا جزاء صبرك يايوسف..هذا جزاء صبرك..
..اماالدكتور سمير فسر سكوته بعدم الرضا وخاب أمله وانطوى قلبه بلهيب حار يحرقه\آسف لكنــ..
يوسف وقاطعه بسرعه\لااا..مو قصدي.. سكوتي كان فرحه..دهشــه..
وخذ نفس ..تقدر تقول..أمنيه
وتحققت..
الدكتور وتسلل الأمل لروحه\يعني افهم أنك راضي..
مارد يوسف..واكتفى باابتسامه يتخللها دمعه ماكانت بوقتها وعلى طول مسحها بطرف اصبعه ورجع يبتسم للدكتور سمير..وللعالم.. والكــون كله....
=============
زهقانه ..ومالها خلق أي شي...وعزيز مصدع راسها وهو يلعب بالدراجه بالصاله..
فكرت أنها تدرس..وبعدين غيرت رايها..توها متخرجه..ومالها خلق أبد دراسه..
لكن أحساس الوحده يضايقها..دايم تفكر..وش هدفها بالحياه..مالها هدف..
بنت تخرجت من الكليه وجلست بالبيت..!!
وبعدي.!!وش يجي بعد الدراسه..ولاشي..!!
تذكرت سالفة اخوها الوليد وتضايقت اكثر..
وحاولت قدر الأمكان أنها تبعد هالأفكار من بالها..لأنها لو تعمقت فيها..ماتدري وش بيكون حالها..!!
وقطع تفكيرها صوتت عزيز..وشافت بأيده البوم صور..!!وماتت قهر منه..
حرفه..حرفه هالولد..مايقر بمكان واحد..!!
راحت له وخذت الألبوم من ايده\الشرهه مو عليك..وبصوت واطي..على امك اللي طالعه وهدتك..!!
صرخ عزيز بوجهها\ابتسام..كله تصرخين علي..كله تصرخين..أنامأأحبك..!!وبدى يصيح..
ظحكت عليه وعلى طفولته الغبيه..
هي ماتحبه..!!
هو اصلا لو كان مو موجود..كان صارت ميته من زمان..!!
من غيرك يونس وحدتها بعد الوليد..!!
من غيرك ياعزيز..!!
من غيرك اذا ضاقت فيها الدنيا تضمه وتصيح..!!
من غيرك ياعزيز..!!
من غيرك اذا اشتاقت ليوسف تناظرك وتعيش
من غيرك ياعزيز..!!
وبكذا رق قلبها له وأنفطر حب وحنين له..
..ومسكت وجلسته على الكنب بالصاله وبدت تفتح البوم الصور\شوف ياحظي..تعال قرب ..!!
قرب عزيز وفرح بالصور..وكل مايشوف صوره يعلق عليها..!!
عزيز\منو هذه أم كشه..!!تخرع
ماتت ظحك ابتسام على الصوره..كانت صوره جماعيه هي وبنات عمها..
وأم كشه كانت جمانه..كان شكلها يضحك..لابسه بنطلون اصفر على بلوزه حمره..وفاتحه شعرها وحاطته على وجهها وتضحك وكلها طفوله..وجنبها راوين وكانت هاديه ومبستمه..وعلى الجنب الثاني غلا وابتسام وهم يظحكون بااستهبال..!!
ابتسام\أم كشه..جمانه..!!
عفس عزيز وجه\جمانوا..!!لا هذه ريوف..!!يع
ظحكت ابتسام عليه..\ياحليلك ياعزيز ريوف وش جيبها لنا..لسه ماجات على الدنيا..
مافهمها ..واصر أنها ريوف..وابتسام جارته وتفرجوا على صور ثانيه..
لمن وصلوا لصوره..تمنت انها ماطاحت عينها عليها.!!
ظلت تناظر فيها وهي راصه أيدينها الثنين على الصوره وزي الوحده الخايفه أنها تضيع الصوره منها..أو حتى يمكن تبي تحفظ هالملامح اللي عيونها ماناظرتهم من سنين..
وبدون شعور نزلت دموعها بسرعه وهي تتخيل..تتخيل لو لحظه وحده تشوفه وتمتع عيونها فيه..
وجاتها رجفه فضيعه هزت كل خليه فيها..وهي تتخيل أنها تعيش لحظة أنه يوسف موجود قبالها ..
ماكنت تبي صوره..ولا ذكريات قديمه..
كانت تبيه أهو بجوارحه وروحه وقلبه الحنون..
سنين مرت وهي تتمنى تحصل أي شي عنه..
واللحين حصلت كنز تعتبره ثمين..ومستحيل تفرط فيه..
ظل عزيز يناظر الصوره وماحس بابتسام اللي حالتها صعبه..
وهو يكرر السؤال اللي ماسمعته ابتسام..!!
منوا هذا..!!هذا أنا..!!صح..!!
هذا السؤال اللي يطرحه عزيز لأبتسام..وينتظر اجابه منها..!!
كانت صوره لــ يوسف قديمه أبيض وأسود..وعمره بعمر عزيز تقريبا..والشبه كبير..كبير كثير..
كرر عزيز السؤال ..وكان ينتظر اجابه..وبدون سابق انذار طالعها من الغلاف وهو فرحان أنه لقى صوره له..
لكن ايد ابتسام مسكت الصوره بعنف.ورجعته بالألبوم..وهي لازلت تدمع..
جاها صوت عزيز وهو يترجاها \ابتسام..أبي الصوره عطيني أها..هذه حقتي..ابتسام..!!
صرخت عليه ابتسام غصبن عنها وهي تبي تسكته\لا هذه مو صورتك..!!
فتح عزيز عيونه وهو مش راضي يستوعب\لا هذه صورتي...عطيني اياها..وبدى يصيح مثل ألأطفال..!!
انزعجت منه ابتسام وقررت تعمله\أسمعني.هذه صورة..صورة يـــوسف..!!
سكت عزيز وعلى طول سألها\..منوا يوسف..!!
وصابتها رجفه بلفظ الكلمه\أخــونـــا...!!
فتح ثمه عزيز وتفاجأ\أخــــونــــا..!! أنا عندي أخو مثل الوليد..!! انزين ليش مايجي.خليه يلعب معاي..وين هو اللحين..!!
ماردت عليه ابتسام..!!
شتقول له..!!
تقول ماتدري..!هوحي ولا ميت..!!
وسكتت وهي تتألم..
وورجع يسأل\وينــــه..!
ابتساموهي تبي تسكته\مـــادري..مادري؟؟
ومش قارد يستوعب\شلون ماتدرين..!!
ابتسام\يوسف مسافر..وبيرجع بعدين..!!
عزيز\وين سافر..!!
احتارت..وزاد الجرح كبرصار عميق اكثر من الأول..
هزت كتوفها ودموعها تسيل\ماأدري
وعزيز ماقدر يسكت..فرحان لأنه عنده اخو ثاني وكله حسباله أنه صغير لنه يفكر انه الصوره جديده..وبنفس الوقت متفاجا ويبي يعرف اكثر عن أخوه ..ومابقى سؤال الا وسأله لأبتسام..وابتسام ساكته..وماعندها الا كلمه وحده..مـــــاادري..هذه الكلمه اللي طلع منها عزيز..لكنه مش قادر يخبي فرحته.!!
ياما تمنى يكون عنده أخو صغير..مثله يلعب ووينام معاه..واللحين صار عنده..!!
فرح كثير..وتحمس بشوفته..
وقام يركض بالصاله وينط نط بفرحه ويقول\عندي اخو...عندي أخــو...
وابتسام تشوفه وتتمنى أنه يسكت ...
لكن عزيز زادت فرحته وهو مو حاس بدموع أخته اللي ملت وجهها..
لمن سمعت صوت التلفون وردت عليه عليه طول بصوت مخنوق\الو
هيثم\الو
مسحت دموعها اللي زالت تنهمر وحاولت تعدل نبرة صوتها الغليظه\الو..منوا..
هيثم وحاول يسمع بكل أفضل\السلام عليكم..
ابتسام عرفت هالصوت لكن لسه ماميزت\وعليكم السلام..
هيثم \شخبارك ابتسام..
ابتسام بحزن فظيع وهي تمسح دموعها\..
هيثم وحس أنه تصيح وتهور بدافع انه ولد عمها\ابتسام..شفيك..
تفاجأت ابتسام..يعني حس فيها..حاولت تاخذ نفس طويل وتعدل صوتها لكن ماقدرت وضاع صوتها وهي تصيح\مافيني شي..
هيثم عرف انه غلط يوم سألها وهو مو من حقه عشان كذا حاول يغير الموضوع\طيب..اذا ماعليك أمر عطيني رقم الوليد..ابي أتصل فيه..
ابتسام\ان شاء الله لحظه بس..
راحت ابتسام تجيب الرقم من غرفتها وهي تركض فتحت رفها اللي كان جنب سريرها وخذت الورقه وجلست على السرير وخذت منديل تمسح دموعها ونزلت تحت \الو..
هيثم\هلا..
ابتسام\اكتب الرقم.....وأعطته الرقم
هيثم\مشكوره..
ابتسام\العفو..وانتظرته يقول مع السلامه..
هيثم\أحم..ابتسام اذا محتاجين شيــ...
ابتسام وقاطعته لأنها مو محتاجه وخصوصا هاللحظه شفقه من أحد \ماتقصر ياهيثم..مع السلامه..
هيثم سكت وهو شوي عصب..ورد بسرعه\مع السلامه..
واول ماسكر رمت نفسها على الكنب وضمت الصوره لها ورجعت تصيح على يوسف..وعلى أمها اللي فقدتها..
وخلوها لوحدها..
وحيده..وحزينه..
ومحد بيحس فيها..ولا بيمسح دموعها..
==========
عطاها المختصر المفيد..وقالها جيبي من الأخر..!!
منو غلا..!!
وخبرته راوين بكل شي لأنها عرفت أنه سمع نهاية الحوار اللي بينها وبين أمها..!!
ومايدري ليش شعر انها هي البنت اللي يتلاقى وياها بالصدف..
احساسـ..
واحساسه هالمره كان قوي..لأنه كان متوقع خمسين بالميه أنه بنت عمه..
ولأنه حظوره طاغي..واسلوبه جذاب..ارغم راوين بــأنها تتكلم عن شخصية بنت عمه..وكانت حجته أنه فكرة الزواج عجبته..
وطبعا راوين من خوفها تكلمت بشكل بسيط ..وقلبها كان مقبوض ..ليش؟؟ماتعرف..!!
وبعد ماسمع تركي اللي يبيه..واكتفى بالقليل سكت اخته\خلـــص..
راوين وتبلع ريقها وحست بالجفاف\ان شاء الله..
ناظره تركي نظره غريبه..مافهمتها..لكن خافت منها كثير..واكتمت انفاسها غصب..وظلت ماسكه ايدها وشاده جسمها على الكرسي ..
تركي باسلوب هادي وعيونه متركزه على الفراغ اللي قدامه\غــلا...اسمها..غــلا....
راويـن
راوين بخوف\هلا
تركي\شفتي غلا..
راوين\أيه..
قام من كرسيه واحنى ظهره مقابل أخته وشد على كرسيها\أبي اخطبهــا...
اتسعت عيون راوين وهي تناظر تركي..
يعني كان من صجه..!!
يبي يتزوج..
وتركي يوم خذ اللي يبيه طلب من أخته تطلع..
وبالفعل طلعت راوين..
وهي مندهشــه...ومنصدمــه...!!
تركـــي يتـــــزوج..!!!؟؟
=========
بكيــنا هم..بكينا جروح.
بيظل هذا القدر مكتوب.
::::::
فتح عيونه لعالم مجهول..غريب ..
ناس تمشي..وناس تموت..ناس تشبع..وناس تجوع..
محد يهتم فيك..ولااحد يدري اذا كنت حزين..والا مسرور..
العالم تمشي..وتمشي.وتمشـي..وأنت لازم تتعايش مع هالجو..غصبن عنكـ...
هذه أمريكا..بلد التحظر مثل مايقولون..!!
::::
اسبوع فريد من نوعه..عاشه في نيويورك مع صديقه ثامر..
رتبوا فيه أوراق الألتحاق بالجامعه..واستلموا الجداول...وسكنوا في الشقه اللي حجزوها من أسبوعين في السعوديه..
وكانت عباره عن غرفتين نوم وصاله صغيره وحمام ومطبخ..
كانت بسيطه جدا..لكنها مريحه بعين الوليد لأن الوانها فاتحه وهاديه..ابيض وديكوراته حلبي..
واخيرا وبعد عناء شهور طويله..
استقروا في نيويورك..
واليــوم..اول يوم دراسه لهم في الجامعه..
والوليد هاللحظه محتار بين بدلتين..لكن بالأخير استقر على تيشرت كحلي بقلبه كلمه أنجليزيهit is not me محطوطه بخط كبير ابيض ..وجينز بنفس لون التيشرت كحلي وجاكيت ابيض بكمه اليمين حروف انجليزيه بالكحلي..
كان شكل الوليد رائع..وجذاب..
طلع من غرفته بعد ماحط لماسته الأخيره ورشات العطر اللي غطت على برودة الغرفة وعطتها انتعاش غريب..
خذ بوكه وتلفونه وبعض الأوراق اللي كان محطوط فوق شاشة التفزيون البلازميه ونادى على ثامر وهو متجهه للمطبخ.\ثامــر..تأخرنا..
طلع ثامر من غرفته وهو بالمثل كاشخ ببدلته البنيه..والجل اللي في شعره عامل عمايله..\صباح الخيـر..
ناظر الوليد صديقه من نافذة المطبخ وسكر قارورة الماي اللي خذها من الثلاجه\صباح النور..مشينا..
ثامر\تو الناس..
ظحك الوليد بخفه\وهذه بدايتها...مسكه من ذراعه ..اقول امش لاتأخرنا ولاهم يحزنون..
طلع الوليد وثامر بره الشقه اللي كانت بالدور الأول..وركبوا السياره اللي استأجروها واتجهوا للجامعه وكل واحد فيهم معنوياته مرتفعه ومستبشر كل خير..
""""""""
وصلوا الجامعه ونزلوا من السياره وبركنوها جنب معرض السيارات والدراجات اللي من أنواع مختلفه اللي كانت قدامهم..
وقف الوليد وتسند على السياره وثامرمثله.\اقول..
ثامر\ها
الوليد ويحك راسه بعجز\كيف بندخل اللحين..!!
ابتسم ثامر بخبث ومسك الوليد من شعره الطويل\وين اللي يقول يالله تأخرنا..!!تراك ذبحتنا..أمش قدامي أشوف..!!
الوليد\بمشي وشفيها يعني..!!يالله..
مشى الوليد وجنبه ثامر ودخلوا الجامعه وعيونهم ثابته بمكان واحد..باب الجامعه اللي يبيله امتار عشان يوصلون له..
لاحظ الوليد انه الكل يناظره..وبنفس الوقت يحس أنه كل هالأشياء تخيلات واوهام..
يسمع اصوات شديده..عاليه..تصم الأذن..
اللي يضحك باعلى صوته ..واللي يصرخ بجنون..واللي يتخانق ومسوي حزب كبير..واللي يتمايل بمشيته..واللي يطرب بصوته..
امور كثيره لاحظها الوليد وهو يمشي عشان يوصل للبوابه..
وبيكذب على نفسه اذا قال مااهتم فيها..
وتخيل بنفسه..!!معقوله كل يوم بشوف هالمصخره..!!
ضاقت فيه الوسيعه وهو مو مستلطف هالفكره..
لكن ماسرع ماتناسى يوم تذكر حلمه اللي جاي له..
وبهاللحظه دخلوا داخل وظلوا يبحثون عن مكان الكلاس اللي تبدى فيه محاظرتهم الأولى..
استوقف ثامر الوليد عند مكان الكلاس\هذا هو..كلاس 9a..
الوليد\أوكي أنت معي بهالماده..يالله ندخل..!!
دخل الوليد ووراه ثامر وجلسوا بالمقعد اللي الثاني اللي كان يتسع لشخصين..
ولاحظوا كثرة العرب الموجودين..وخصوصا الخليجين..
ولولا وجود البنات اللي بكل جهه كان قالوا أنهم بدوله خليجيه..مو أمريكا..
خمس دقايق مرت ودخل الدكتور اللي بيلقي المحاظره وكان جنسيته هنديه..لكن هندي كشخه ببدلته الدبلوماسيه البيجيه..
ابتسم ثامر بقل حيله وهمس للوليد\هزلــت..
الوليد ومركز عينه للدكتور اللي يعرف على نفسه\أنثبر..
===========
بمكان ثاني من الأرض..وبأحلى بقعه...
كانت جمانه جالسه على الكرسي الجلدي الهزاز اللي بغرفتها..وحاطه ايدها اليمنى على خدها..وتفكر..
مر اسـبوع..
مر اسبوع على سفرة الوليد
وهي ماتعرف أي خبر عنه...
تذكرت مكالمتها لأبتسام اللي كانت فاشله من بدايتها..
لأنها ماأستفادت شي غير هم وحزن زاد في نفسها..
صحيح أنها تطمنت عليه وعرفت أنه أموره استقرت..لكن يبقى القلب محتاج وملهوف..
تحسف كثيير..كثير لأنها ماودعته..ولاسلمت عليه مثل باقي بنات خالها..
واللحين الندم محتل فكرهــا..
قامت من الكرسي وجلست على جهازها وفتحت النت..
وظلت تتصفح المواقع والمنتديات بدون هدف..
المهم أنها تقضي وقت فراغها بأي وسيله..
وفجأه تذكرت أخوها..ناصر..
ولهت عليه..وتمنت أنها تشوفه هاللحظه..
تمنت يكون موجود بينهم..
تتكلم معاه..وهو يسولف لها..
تناقشه..تحاوره..تضحك له..وتعاتبه..
ياما تمنت يكون لها اخ مثل باقي بنات خالها..
صحيح تعتبرهم أخوان لها..لكن بيظل وجود الأخ الحقيقي خالــي..
فقدتهـــا
فقدت كلمة أخ واخت..
أصلا هي ماتعرفها..
ماعاشتها..ولا حست فيها..!!
فكيف بتفقدها..!!
متى الله بيحقق امنيتها..!!
ومتى بتحس بهالكلمه..!!
سالت دمعه من عيونها وهي عاجزه..
تحس انه كل شي تجمع عليها..
أولهم أمها وحملها..وأخرهم الوليد..
طفت الشاشه وحطت راسها على طاولة الكمبيوتر وغمضت عيونها وظلت تصيح .
يمكن اذا صاحت..بترتاح..
وسمعت صوت تلفونها يرن جنبها..ظغطت على رد وهي ماشافت الرقم
جمانه\الو
جاسم\جمــانه..
رفعت جمانه تلفونها وشافت رقم ابوها..استغربت..!!ليش داق عليها وهو بالبيت,,,!!
جاسم\جمانه..وينك..!!
جمانه\موجوده..
جاسم\جمانه اسمعيني زين..انا وامك بالمستشفى..
انقبض قلبها..وعلى طول رفعت عيونها للساعه وشافتها 2بالليل..
وصابها الخوف على أمها..ليكون ولدت..!!
جمانه\أمي بالمستشفى..!!
جاسم بعجله\ايه..وولدت..وجابت ولد..يالله بسكر اللحين انتبهي على نفسك..ويمكن أجي أخذك الصبح..!!وقفل الخط..
لازالت السماعه بأّذنها..
تبي تستوعب أنه أمها ولدت..وجابت ولد..
سبحـــان الله..
توها كانت تفكر بهالموضوع..
توها كانت تتمنى الأخو..
واللحين استجاب الله دعائها من أوسع أبوابه..
يارب..كم أنت كريم..!!
كم أنت عظيم..!!
كم أنت رحيم..!!
نطق لسنها بكلمة ..وظلت تردد هالكلمه بدون ماتحس..ودموع عيونها شاهده على لحظة ضعفها..
كانت دموع فرح وسعاده..
(ولئّن شّكرّتم لأزيّدنّكـم)
""""""""""""""""""
لكن في شي توها تنتبه له..!!
هي بالبيت لوحدهـــا...!!!
قامت من الكرسي ودارت عينها على المكان كله...
مسحت دموعها بكف ايدها وفتحت عيونها وكل حواسها بخوف وركضت للباب غرفتها تهرول وقفلته مرتين..
ومسكت التلفون بأيدها..
خوافه..
لاتلومونها..!؟
============
انتقل الخبر بولادة هند على العوايل كلها وماجات الساعه 6 الا وهو منتشر وكله بفضل الجده اللي استلمت هالمهمه..
::::::
سكرت فجر من أمها والبسمه بشفاتها..
عمتها هند ولدت..وجابت الولد اللي تحلم فيه من زمان..
أكيد بتفرح..
حست فيها ياسمين اللي كانت مدرسه مع فجر بنفس الروضه
ياسمين\وشفيه الحلو مبتسم..!!
اتسعت ابتسامة فجر أكثر\فرحانه يا ياسمين..عمتي هند ولدت..
ياسمين\صحيح..مبروك..وايش جابت..!!
فجر\ الله يبارك فيك..ولد..
ياسمين\ولـد..يتربى بعزكم ان شاء الله..من يشوف جمانه اللحين..؟!
ظحكت فجر..وتخيلت شكل جمانه..اكيد طايره من الفرحه..فكرت أنها تكلمها ..لكن شافت أنه مافي وقت وال*** الرابعه بتبدى..
اجلت هالفكره لبعدين..وكملت حكي مع ياسمين السرحانه..
فجر\ياسمين,,!!
رمقت ياسمين نظره لفجر وابتسمت بحزن
فجر\شفيك..
ياسمين\سلامتك..بهدوء كالعاده..مافي شي يستاهل عشان اقوله..
فهمتها فجر على طول\أخوك..
تنهدت ياسمين بحسره\ومن غيره اللي معذب قلوبنا..
فجر\هدي يا ياسمين وحاولي تتجنبينه..
ياسمين\اوكي أنا أحاول أتجنبه قد ماأقدر..لكن امي..وش ذنبها المسكينه..!؟ومين بياخذ حقها..
رفعت فجر ايدها لفوق وردت على ياسمين\الله ..الله بياخذ حقكم منه..وامك حاسبه أجرها عنده..
ياسمين بقل حيله\تعبنا..تعبنا يافجر..كل يوم نقول بتفرج..بتفرج..وهذه هي مافرجت..ولولا الله ثم مروان ولده..كان احنا متنا جوع وقهر..
فجر وقطبت وهي مو مستوعبه\كيف..!!
ياسمين بعبره مخنوقه\تخيلي..أمس دخلت المطبخ..ابي ادور لأمي شي عشان تاكله..ومالقيت..فتحت الثلاجه أبي على الأقل القى تفاحه او أي فاكهه عشان تاخذها قبل حبوب السكر وشفت الثلاجه فاضيه..الحقيره زوجته صارت مثله والعن منه..تاخذ كل شي وتترس فيه مطبخها الفوقي وثلاجتها..
ويوم سألتها قالت عندك كومة فلوس صرفيهم بدال ماانتي صاكتهم على قلبك..
والمصيبه إني أنا اللي أصرف على البيت مو أخوي..
أخوي بخيل على كثرة فلوسه..
بخيل ومرته صارت أبخل منه..
المهم أنا بعد ماشفت هالوضع طلعت مع مراون وقضينا للبيت من كل شي ولحقت على أمي المسكينه..بعد ماصبرتها بخبز وعسل..قبل ماأطلع..
فجر انفجعت وانربط لسانها وماقدرت ترد ياسمين الا بكلمه\الله كريــــم..
ودق جرس معلن انتهاء الفسحه..وانتهى الحوار اللي بين فجر وياسمين بنفس النتيجه.
قامت فجر بعد ماخذت اغراض ال***..وتبعتها ياسمين..
============
في المستشفى وصلت جمانه بعد ماحرقت جوال ابوها من المكالمات وشافت جدها وجدتها عند امها
سلمت عليهم بالأول وبعدين اتـجهت لأمها وحبت على راسها\وتهون عليك بنتك الوحيده تخلينها بالبيت بروحها..!!
ابتسمت هند بتعب\لا ماتهونين..مارحتي الجامعه..
جلست جمانه على طرف السرير وعقدت حواجبها يوم تذكرت الجامعه\وليش اروح لها بالله..أنا معطيه لنفسي يومين اجازه بعد هالخبر الحلو..
جاها صوت ابوها وراها\ايه..اللي بيخيلك عاد..
غمزت جمانه بعينها وهي واثقه\بنشوف..
تكلم الجد يوسف وهو عاجبه الوضع\ياحليلك يابنتي..تذكريني بوحده وهي صغيره..
اشتغل الغيره وولعت عند الجده وردت بضجر\ومين هي اللي تذكرك فيها..
ردت جمانه بصوت كله دلع وغنج\ومنوا يعني أكيد إنتي..يعني ماتدرين أنهم يشبهوني فيك..
ابتسمت الجده ولفت على زوجها وخزته\ايه اذا جمانه بنمشيها لك..
تذكرت جمانه شي هاللحظه وصرخت بجنون\البيبي..نسيته...وينه..يبه تكفى الله يخليك..أبي اشوفه..
جاسم\طيب..بعدين..
جمانه\شنوا بعدين..!!!؟يبه تكفى..أبي اشوفه..
ردت هند بوهن ورفعت نفسها شوي\ودها ياجاسم خلها تشوفه..
وعلى طول قامت جمانه ووقفت جنب الباب وعدلت شيلتها ولبست النقاب وبأسلوب شبابي\يالله يالله..
ابتسم جاسم على بنته الخبله\و احد يعصي لك كلمه أنتي..وطلع وطلعت جمانه وراه وسكرت الباب بقوه وراها بدون ماتحس..
الجده وهي مو عاجبها الوضع\حسبي الله على بليسها كسرت الباب..
التفت الجد يوسف على بنته\اقول ياهند ماقالوا شي عن الولد..
ردت هند بضيق\لا يبه..ماقالوا شي..
ابتسم الجد لبنته هند\لاتخافين...الله العالم بحالك يابنتي..
هند بضعف تخلل روحها\ونعم بالله..
""""""""""""""
في عصر هاليوم امتلت غرفة هند بالأهل والحبايب وناس داخلين وناس طالعين والجده مو ملحقه الحريم اللي صارو يجون فجاه ودفعه وحده ..
اما البنات ماأجتمعوا ابدا..
يوم جات ابتسام وابوها طلعت جمانه تشتري اغراض للبيبي,,
ويوم طلعت ابتسام وابوها دخلت فجر وغلا..وبعدها سماح وزوجها جلسوا ربع ساعه وطلعوا..
وبالمثل مالحقوا على جمانه الا بنهاية الوقت..
غلا جالسه براحه وحاطه رجل على رجل\وكل هذه مشتريات للبيبي..!!مايسوى علينا هالجيه..
جمانه وهيئت نفسها لخناقه جديده\أول مو اسمه بيبي..اسمه عمك عمر..
التفت غلا يمين ويسار وكأنها تبحث عن هالعمر\منوا..عمر..!!
جمانه مطت اسمه بدلع\أخــوي..مو عاجبك يعني.!!
فجر\ماشاء الله بتسمونه عمر..!!
التفت جمانه لفجر\ايه..شرايك بهالأسم..
فجر\حلو..وحاولت تلتمس هالأسم..كله عذوبـه..
جمانه\ياحبي لك والله..
غلا\أقول لاتغيرين الموضوع..بتجين بكره او لا..!!
جمانه بضيق كالعاده اذا انطرى اسم الجامعه\اوف..بجي.... ابوي مانعني أغيب..
غلا ظحكت بدلع\هههههه احسن..
جمانه\بس تدرين وش أحسن شي بالموضوع..أني مو داقه مشوار لراس تنوره على طول بيت جدي..
غلا\ومين اللحين مرتبه وضعك..!!!؟
جمانه\أكيد حبيبتي..خليني استغل جلسة امي هنا..
غلا\يمه منك..مايطوفك شي..
جمانه رصت عيونها وتكلمت بنبره عاليه\تحسدين الفقير على يوم الجمعه..حمدي ربك انتي مشوارك ماياخذ ربع ساعه..مو أنا..والله إني هلكانه بسببه..
التفت لهم فجر\وين جالسين احنا..استحوا شوي..
غلا ونزلت رجلها بنعومه\والله انا كلي حياء..قولي للي جنبك تخفض من صوتها مسويه نفسها طقاقه زمانها..
عصبت جمانه وبلحظه غبيه كان ودها تمط عر غلا اللي دوم فاتحته وتتدلع فيه لكن كلمات امها ونظراتها اللي خزتها من بعيد سكتتها ..وماقدرت غير إنها ترمي غلا بنظرات ناريه ومتوعده..
رصت على اسنانها بقوه وقالت\بكره الوعد ياحماره..
رفعت غلا اصبعها ورمشت بعينها\نشوف حبيبتي..
"""""""""""""
في اليوم الثاني بالليل طلعت هند لبيت اهلها على طول لأنها بتقضي هالأربعين يوم عند أمها كالعاده
لكن البيبي ماطلع معاها عشان يتاكدون من حالته الصحيه أكثر..
وهند سلمت امرها للباري سبحانه وماتبي شي غير الخلق التام لولدها
لكن الله بخلقه له حكمه بكل شي
========
حاول يتجنبها قد مايقدر..
لكن قلبه اللي محتاج حب هالمره لعب دور كبير في حياته..
تذكر كلام يوسف له..وتذكر أنه لازم مايعيشها على أي أمل مصيرها الموت..
لكنه مش قادر يسيطر على نفسه..
بدى يستلطفها..وقلبه مال بشكل جريء وغير متوقع..
يكفي دقاته اللي يسمعها كل مالتقت عينه بعينها..
يكفي الإرتجاف اللي يصاحبه كل ماابتسمت ابتساماتها الرقيقه الي تذوب شي فيه..
يكفي شعور الحنان..والعاطفه والحب اللي ياما أحتاجها في أوقات صعيبه في غربته..
عاش العمر كله وهو منحرم من أقل شي ممكن ينعش حياته ويعطيها طعم ثاني..
صحيح أنه الله عوضه بوجود أخ وصديق مثل يوسف..
لكن يبقى شي فارغ بقلبه..
يبقى عاطفه من نوع أخر فقدها..
وهو هالأوقات محتاج لها بشكل أكبر..
مايقدر..
مايقدر يقاوم..
هو محتاج لأحد يفهمه وينسيه غربة عمره كله..
عبير كانت حاظنه الكتب بايدها وعيونها تناظر زرع الحديقه اللي قدامها..بلعت ريقها بشده وحاولت تتكلم بهدوء\لؤي..!!مالك ساكت ..في شي شاغل بالك..!!
صحى لؤي من سرحانه ورفع خصلات شعره وهو حاس بحرارة الجو\لا..أبدا..بس كنت افكر شويه..
عبير \بشو عم تفكر.!!
التفت لها لؤي وظل يناظر بعيونها البنيه وابتسم بدون شعور\مافي شي مهم..لاتستهمين علي..
عبير عقدت حواجبها الهلاليه\شو..!وش اللي قلت.!!
لؤي\شو..شو..!!
عبير \شو معني كلمه تستهمين..!!
ظحك لؤي بخف\يعني..لاتخافين علي...فهمتي..!!
ابتسمت عبير باحراج وقررت بينها وبين نفسها أنه تتعلم لغة لؤي باقرب وقت..
تحس بالغباء بسبب كلماته الغريبه عليها
لكن بتحاول تفهمها لعيونه..
قام لؤي من الكرسي وابتسم عبير\يالله وراي اشغال.
عبير\أوكي..
كان وده يقول كلمه..لكنه مستحي..وبتهور قالها \ماراح أشوفج اليوم مره ثانيه..
انحرجت عبيروحمر وجهه وظغطت على الكتب أكثر\مأظن أقدر أطع اليوم..عندي بحث..ولازم اخلصوا...
تفشل لؤي من عمره ووتحسف أنه نطق\على راحتج..يالله نمشي..
مشى لؤي وتبعته عبير وهي حاسه انه لؤي مو طبيعي لكن لسه ماجاء الوقت اللي علاقتهم تصير اقوى..
وندمت كثير لأنها قالت له ماراح تقدر تشوفه مره ثانيه..
لكنها صحيح ماتقدر..ولو عليها كان ظلت طول عمرها قدام عيونه..
===========
تدري يادكتور سمير..
هالدنيا غريبه..
ماتفهمني..
ولاراح تفهمني بيوم.
أنا وياها خطين متوازيين مانتلاقى ابدا..
واذا تلاقينا فأأعرف أنها من فئة المستحيلات ..
..كم بقى لنا يوم عشان نموت..
وكم لنا عشان نعيش..!!
ابتسم الدكتور سمير على كلام يوسف ونظرته للحياه..وكيف هي بائسه..!!
قرب منه لمن صارت عيونه قبال عينه ونفسهم أختلط وصار واحد..وهمس بصوت هادي\واذا قلت لك..أنا الفرج قرب..!!
""""""""""""
ظحك يوسف على حظه التعيس وحاول يخفي جروحه ومايضايق هالرجل الكريم اللي فتح له بيته وقلبه.... واسند طوله.. وبدى يدمج بالالوان الزيته اللي مقرر أنها تكون بزوايا كل حائط\بكينا هم..بكينا جروح..بيظل هذا القدر مكتوب..!
الدكتور سمير ماعجبه كلام يوسف..وحس أنه فيه شي..لكنه مجهول..
كان وده يقوله بالخبر اللي بفرحه..لكن ماكان يبي يستعجل بالموضوع وخصوصا لأنه مو مـتأكد كثير..
اما يوسف فكان تفكيره بعالم ثاني..
تفكيره كله منحصر بـ لؤي صديقه..
كان متضايق لضيقة لؤي..ومش عارف وش سبب حزنه المفاجئ..
ويمكن هذه اول مره لؤي يغبي شي عنه..
ويوسف حز بخاطره هالوضع..وياما حاول يدرج لؤي بالحكي..
لكن لؤي كان ساكت ويدعي الامباله..
صحى يوسف من سرحانه يوم حس بحركة الدكتور وشافه بيطلع وماسك مقبض الباب المرصع بماسه كبيره تدل على فخامة الغرفه..لكنه قبل مايطلع قال كلمه ليوسف..وهالكلمه ظلت ترن في أّذنه لحد ماوصل الشقه..\ولاتهنوا..ولاتياسوا من رحمة الله..
ولاتهنوا..ولاتياسوا من رحمة الله..
ومرت ايام..وليالي والحال بين لؤي ويوسف مايسر أبدا..
كل واحد منهم يكابر.ويتجاهل الوضع..
ويرش الملح على جرحه اللي يكبر يوم عن يوم..
والقلوب..وش حال هالقلوب..!!
منتظره لمسه..أو نظره..أو أحساس..عشان تفرغ اللي مكبوت بداخلها..
===============
توها ابتسام داقه على أخوها عشان تتطمن على أحواله..
وقالت له عن ولادة عمته هند..
وفرح كثير لها..لكن حزة في نفسه أنه بعيد هاللحظات عنهم..
وطلب منها إنها تشتري باقة ورد من رابيه...وتقدمها لعمتها باسمه..
ابتسام\الوليد..خذ عزيز ..مزهقني يبيك..
يوم ذكرت ابتسام اسم عزيز...تذكر عيونه اللي كانت مشابهه لعيون يوسف..
وخفق قلبه بدقات متسارعه..وبدون شعور مسك قلبه بالم..وسمع صوت عزيز يناديه ولبى ندائه\الوليييييييد.
الوليد\شلونك يابطل..!!
عزيز بعتاب ولهفه\الوليد..متى بتجي..!!
تجاهل الوليد كلمة اخوه وظغط على قلبه أكثر\ها لعبت الكوره اليوم..
عزيز\لا..مالعبت اليوم..خلاص ماأبي ألعب..
الوليد ابتسم على لهجه أخوه الزعلانه\أفا...ليش..!
مسح عزيز دمعته اللي حرقت عيونه بذراعه الصغير\العب لوحدي..
رص الوليد على شفايفه وقال بالم\ابتسام تلعب معاك..
عزيز وأصر على كلامه\يعني انت مو جاي تلعب معاي..
الوليد بحرقة قلب\..لااا
انتفض جسم عزيز الصغير ويوم حس أنه بيصيح خلاص غط السماعه على ابتسام وطلع فوق لغرفته يصيح بدون محد يشوفه..
كل هذا وابتسام حاظره الموقف..وعلى طول قوة نفسها ورفعت السماعه..لكن لقت الخط انقطع..
وعرفت أنه الوليد قفل السماعه..وماأستحمل الموقف..
هي تدري انها لازم ماتضغط على الوليد..
هي تدري انه اللي فيه مكفيه..
لكن يوم هي سكتت وكابرت..
عزيز ماراح يسكت هو فاقد الوليد بجنون..
شافت ساعتها وتذكرت انها تأخرت على بيت جدها واكيد اللحين البنات مجتمعين بدري لأنه جمانه موجوده..
طلعت فوق غرفتها وخذت عباتها وشنطتها ..
ونزلت تدق على السواق يجي ياخذها..
==========
كانت بتطير من الوناسه..
تحس انه كل الدنيا فرحانه مثلها..
حتى الجو عايش احساسها..
كان مغيم بنسيمه الحلو..
ولو ينزل المطر اليوم راح تعرف انه السعاده انكتبت لها طول هاليوم..
رفعت عينها لأول مره من ركبت السياره وشافت طلال مندمج بالسوالف مع أخوها ياسر..
ويوم لفت على أمها شافتها مسنده راسها على النافذه ونايمه..
وتذكرت اخوها تركي والتجريحات اللي فعلها اليوم مع أمها.
وكله بسبب أنها قالت له ودنا الشرقيه..ابوك يشتغل الخميس..
وطبعا كالعاده..طنشها وطلع بسيارته..بدون مايقول كلمه اعتذار وحده..
تذكرت دمعة أمها..وحزنها على ولدها البكر..
لكنها ماقدرت تقول شي..وضمت أمها وهي حاسه فيها وبجروحها..
لكن احسن شي صار بالموضوع..انه طلال عرض خداماته وطلب من ابوها يوصلهم معاه الشرقيه..
وهذا الشي اسعدها كثير..
راويــن..
حست راوين أنه أحد يناديها..
لف ياسر وجهه للجهه اللي ورى\راوين..
ناظرت راوين بعيونها وماتكلمت..
ياسر\تبين شي من البقاله..
انحرجت راوين على عفوية اخوها..وخصوصا لأنه طلال ساكت وموقف السياره..وينتظر اجابه منها..
خزت راوين أخوها..وهي ودها تذبحه..
ويوم حس طلال انه مصخها طلع من السياره ودخل البقاله وهو الثاني منحرج.....
وراوين هنا استلمت ياسر\انت ماتستحي على وجهك..!!
ياسر\ليش..!!
راوين\ياحلاتي والله..وانا أقولك ايه أبي..
توه ياسر يحس بالموقف..ضرب على راسه وظحك على نفسه\طيب نسيت..شنوا تبين اللحين..
رجعت راوين على ورى وتسندت على المقعد\ماأبي شي..
ياسر\كيفك..وطلع ياسر وسكر الباب وراه..
وراوين رجعت تحلم بــ طلال..احلام يقظه..
وهي مو قاده تسيطر على دقات قلبها اللي تتسارع بوجوده قريب منها....
ويوم شافت طلال واخوها مقبلين..عدلت نفسها وحست أنه يطالع فيها من ورى النظاره اللي لابسها..
ارتبكت ونزلت عيونها على طول..
لكن اللي صج جننها وماخلا فيها ذرة عقل يوم شافت ياسر يغط عليها علبة ايس كريم باسكن روبنز اللي ينباع بالدكاكين الصغيره..
هذه اللحظه ماقدرت تسوي شي..
وماكنت لها ردة فعل ابدا..
لكن حست بالحراره تلفح وجهها وتحمرها
وبلحظه جريئه رفع طلال عيونه للمرايه وناظرها..
حس بتأنيب الضمير وهو يدري أنه كل اللي يسويه غلط في غلط..
لكن قلبه كان دليل له..ومو قادر يسيطر على نفسه اكثر..
ويوم حس أنه بينفضح أمره نزل عيونه وانتبه للطريق والشوق غالبه ومعذبه..
==========
يوم درت أنه باقة هالورد باعثها الوليد..
حست بالشوق يحتويها وينعش روحها اللي كانت ضايعه طول هالأسبوع..
وبدون شعور خذت ورده صفراء لأنها كانت تميل للأصفر وثبتتهافوق أذنها بطرف شعرها المرفوع لفوق..
و على أنه كان في تناقض بين لبسها الأبيض الباهت والأصفر الفاقع.
لكنها طلعت شمس منوره بفصل الصيف الحارق..
انتبهت لها غلا وهي ناويه أنها تقطع لحظة تفكيرها وسرحانها.
فضربت على راسها بخفه وركظت للمطبخ عن فجر وابتسام..
وجمانه ما صدقت على الله تلقى شي من غلا..
فكانت هي بمثابة الكبريت اللي تنتظر أحد يشعللها..
ركظت وراها وهي ناويه على تنتيف شعرها اللي دوم قاهرها..
وشافتها متخبيه ورى فجر والظحكه الخبيثه مرسومه بوجهها
شمرت جمانه أكمامها بفضوضيه واتجهت لها بقوه\جاك الموت ياتارك الصلاه..
ابتسام مسكت جمانه من ايدينها وماسكه ظحكتها\أقول بلا خبال..أنتي وياها...الحريم لسه ماطلعوا..
جمانه طنشتها وحاولت تفك ايدها وغلا تضحك ..وتضحك..وجمانه جاها المرض وارتفع ظغطها من ضحكها\وقسم بالله ماهــدك..
صرخت غلا بدلع\يعني وش بتسوين لي..!
جمانه\بسوي فيك هوايل..أول شي بنتف شعرك اللي تستعرضينه لنا..وثاني شي بمسح هالحفله اللي حاطتها بوجهك..
غلا\ههههههههه ..ظحكتيني..
ابتعدت فجر عنهم وخذت صينية الدلال وطلعت بره المطبخ..وابتسام صارت بينهم..غلا وراها..وجمانه قدامها..وكل واحده فيهم تضرب الثانيه بإيدها\حسبي الله على بليسكم..احترموني على الأقل..
غلا ترفع ايدها وتصوب ضربه خفيفه لجمانه وتشيلها ثانيه\هي اللي بدت..
جمانه وصلت عندها\انطمي ياحماره..لسه ماشفتي شي...ومشعت اطراف شعرها..وعلى طول غلا ضربت إيدها ورفعت شعرها..وطلعت لسانهاعشان تقهرها\يعني يتخويفني..يعني...!!
ابتسام يأست منهم ودزت جمانه وطلعت بره المطبخ تلحق فجر..
أما رقيه وسبيكه تشابكوا في بعض وبدو خناقه جديده..
مين اللي بينتصر..!!؟؟
=========
رفع عينه على ساعة ايده ..بقى نص ساعه ويبتدي الاجتماع..
وبنته مو راضيه تهده؟؟؟
تبي تروح بيت جدتها..وبنفس الوقت تبيه يروح معاها..
قابضه ايده وتصيح بجنون طفله..
وهو ثارت اعصابه..وتوتر أكثر..
وعرف انه بنته راسها يابس..ومو بسهوله ترضى..
هدى أعصابه شوي..وجلس على ركبته ومسح دموع بنته\وبعدين يابابا..خليني اغطج..واروح..عندي شغل..
ردت ريوف عليه وهي ماده شفايفها بطريقه تذوب\مابي..تعالي معاي..
عبدالرحمن\ليش حبيبتي..هناك بتشوفين بنات مثلج وبتلعبين معاهم..
جنت ريوف اكثر يوم تذكرت عزيز اللي ضربها الأسبوع اللي فات بدون سبب..وصاحت زياده..\عبدالرحمن\اللحين أبي أعرف ليش تبجين..!!
ريوف\بث..ماأبي ألوح لوحدي..
عبدالرحمن\عمري روز في بيت يديده تنتظرج,,
ضربت ريوف رجولها بالأرض وثارت أكثر وهي مصممه على رايها\ماأبي..ماأبي..ماأبي..
تضايق عبدالرحمن..بنته دلعها حيل..وهذه نتيجة الدلع الزايد..مسكها من ايدها وطلع من حديقة بيته متجه لبيت عمه يوسف ..
دخل حوش البيت وشاف بنته سكتت ..وشكلها ارتاحت..
لكن المصيبه كيف بيدخلها اللحين..!!
شاف حرمتين بيدخلون من باب الحريم وحس بالإحراج بعد شوي عن الباب وناظر بنته\ريوف حبيبتي .يالله دخلي
تركت ريوف ايد ابوها يوم سمعت صوت جدتها ودخلت البيت..
وهنا ارتاح عبد الرحمن وسرع من خطواته وركب سيارته للشركه..
واول مادخلت ريوف البيت شافتها فجر وخذتها لحضنها وهي مشتاقه لها مره\شلون الحلوه اليوم..
ردت ريوف بخجل\تيبه
ياسمين اللي كانت جنب فجر عرفت أنه اللي شافته من شوي هو عبد الرحمن..
فجر\امانه عليك ياياسمين..عمرك شفتي جمال مثل هالقمر..
ياسمين ابتسمت بحنان\ماأظن..تعالي حبيبتي .
فجر\روحي ريوف..سلمي على خاله ياسمين...
قامت ريوف من حظن فجر وقربت جنب ياسمين وهي مستحيه وايدينها الثنيتين حاظنتهم ومنزله عيونها بألأرض..
ياسمين يوم شافت حركات ريوف العفويه ماقدرت تستحمل خذتها بحظنها وضمتها\حبيبتي والله..تهبلين..
فجر\ريوف..قولي لخاله شكرا..
ريوف بمستحى\ثكرا..
ياسمين ماتت على هالبنت\فديت هالثكرا اللي طالعه من ثمك..تروحين الروضه..!!
ريوف ببراءه\ايه..
ياسمين\شاطره..
ريوف\الأبله تقولي شاطره..وحلوه..
ياسمين\وماكذبت ابلتك..انتي شاطره وحلوه وقمر بعد..
فجر\يالله ريوف حبيبتي..روحي لعبي مع البنات,,
أعتفس وجه ريوف بعد ابتسامتها الخجوله وقالت ببراءه\هنا عزيز..؟
فجر\لاحبيبتي ماجاء..
رجعت الأبتسامه لريوف مره ثانيه وراحت تلعب مع ألأطفال بطلاقه وراحة بال..
===============
كان وقف جانب نافذة الغرفه اللي تطل على الشارع..
توه كان متسبح ..والماي لازال مبلل شعره الطويل..
حط ايدينه بمخابيه يلتمس أي ذره دفا بحنايا جسمه الحار..
واللفافه الرماديه الصوفيه الطويله لافها برقبته بأحكام..
اليوم كان الجو صقيع..وبارد يخترق الأنفس..
وظل هو وثامر مرابطين بالشقه..
طاحت عينه على التلفون..ورجع يفكر.يكملها او لا..
قرب جنب تلفونه ومسكه بايده..
وده يكلمها..
وبنفس الوقت ماوده..
كل ماتذكر أنها ماسلمت عليه يتراجع ويقفل السماعه... ويرفعها مره ثانيه..
وبين هالحيره والتشتت واللهفه..
ظغط على رقمها وحط اتصال
ورجع للنافذه..
ينتظر رد منها..
::::::::
جمانه كانت توها طالعه الدور الفوقي ترتب شعرها ولبسها اللي عفسته بعد معركتها مع غلا اللي انتصرت هي فيها
وتوها بتدخل حمام الغرفه الا سمعت تلفونها يدق..
وكان المتصل رقم خاص..
دق قلبها هاللحظه..
حست أنه الوليد..
وبدون شعور ظغطت على رد وسكتت..
الوليد\جمــانه.
يوم سمعت صوته وهو ينادي باسمها التفت الجهه الثانيه وكانها تبي تبتعد عن مسمعه ..
ركظت لباب الغرفه وقفلته مرتين..
واحساسيس كثيره خالطتها خايفه..وتايهه..ومتولهه..
الوليد\جمانه..انتي معي..
أحتارت تتكلم..والا تسكت..ففضلت السكوت..
والوليد بعجز\اسكر..!؟
جمانه\لاااا...
ابتسم الوليد..اخيرا سمع صوتها..
يحس سنين طويله فاتت وهي بعيده..وهو بالمثل بعيد\ على سلامة عمتي..
جمانه بهدوء وهمس\الله يسلمك....شخبارك..
احتار الوليد..شيقول لها..
ضايع بدونكم..
مايقدر
الوليد\..لكن ....مشتـاق..
ماتدري ليش تصير غبيه اذا كلمته..
ماتدري ليش ترجع ذيك الطفله الخجوله اللي تتخبى ورى أمها
ماتدري ليش تنسى كل الحروف الأبجديه
وتظل ساكته تسمعه..
وتكتفي بصوته
كانت وده تقوله حتى انت وحشتني أكثر..لكن فضلت أنها تسكت مثل كل مره
لكن انفاسها كانت مضطربه وغير ثابته..
وهي تتخيل..أنها لو قالت له وحشتني..
وش بيكون حالها..!!
مسكت الورده الصفراء اللي تقطعت شوي من اوراقها وشالتها من شعرها
ومسحت عليها برقه والرجفه مصاحبتها..وشمت رحيقها بعمق..
وهي تحاول تلهي نفسها باي شي يثبت أنفاسها.
ظغطت على الورده عشان تخفف ارتجافها..
وحست بهدوء الوليد وحيرته..
"""""""
الوليد ظل يناظر بالسماء والثلج اللي نزل وغطى على الشوارع كلها..
ويسمع انفاسها تخترق التفلون وتوصل له..وتسكن روحه وكأنها عاصفه جارفه مليانه شوق ولهفه
وحس فجأه بحميمه..
حميمه عذبته أكثر..وخلته يشتاق ويحن..
جات في باله فكره لكن مايدري هل راح جمانه تقبلها أو لا..!!
قرر يقولها وهي بإيدها الخيار..
الوليد\جمانه..ممكن تعطيني ايميلك..!
جمانه كانت ساكته ومستلمه لأنفاسها الغير هاديه.
لكن يوم سمعت كلمته الأخيره رجعت لواقعها بعد هالأحلام اللي تتخيلها
وجاوبته بـــ ليش..!!
الوليد\يعني..عشان أيش.!!تتوقعين..لاتصيرين ساذجه,,!
جمانه بعتب وحيره\أنا ساذجه..!!
الوليد وتأفف\تونا حلويين..!
جمانه وعصبت اكثر على تأففه\وبعــد..!!..تبى شي الوليد..!!
الوليد\ايه..
جمانه بضيقه\الي هي,,!!
الوليد بكل جوارحه قالها\ابيــك..وسكت..ينتظر ردها..وطال السكوت فتره مو قليله..
جمانه غمضت عينها والكلمه ترد في أذنها..
أبيــك..
ابيـك
ومو أول مره يقولها الوليد لها..
لكن لاحظت هالمره كان له معنى مختلف...وشعور مختلف..
غمرتها فرحه فظيعه..خلتها تبتسم بدون شعور..
تخيلت انها مع الوليد..
لوحدهم..
بعالم خاص لهم.
وانحرجت من هالأفكار اللي تخيلتها
وسمعت طرق باب وفتحت عيونها على طول وهي خايفه
مسك الوليد النافذه اللي كانت مبلله بالماي وكتب اسمها بداخل قلب مايل \بتطولين..!!
جمانه\الوليد..اسمع أحد يطق الباب..مع السلامه..
الوليد\لا ..جمانه لاتقفلين..قولي اول..
جمانه وتناظر الباب \شقول..!!
الوليد\خلاص..برسلك مسج في ايميلي واضيفيني..اتفقنا..!!
جمانه\ليش طيب,,!!
الوليد\في اشياء كثيره أبي أقولك اياها..!!
جمانه وارتبكت\طيب مع السلامه.
الوليد حس بالراحه والقبول المبدئي منها\مع السلامه جمانه..وقفل الخط وهو مبتسم
واخيرا بيرتاح
================
بعد ماخلص يوسف شغل الصاله اليومي..
توجه للسوبر ماركت وشرى أغراض للثلاجه..
وكيكة التوت اللي يحبها لؤي بالكريمه..
حاسب الكاونتر..وطلع يمشي للشقه ..لأنها ماكنت بعيده كثير..
واول مافتح الباب حط الأغراض على طاولة المطبخ وفصخ جاكيته ودخل الغرفه..وهو مقرر أنه يفاتح لؤي مره ثانيه..
ولازم اليوم ينهي الموضوع باي وسيله..مهما كانت العواقب
لكن اللي تفاجا منه أنه لؤي مو بالغرفه,,
فتح الحمام ونادى باسمه..وماشافه..
رجع للصاله وهو محتار..!!
مو من عوايده يطلع هالحزه..!!
جلس على الكرسي وحط ايده على راسه..\وينك يالؤي..!!
معقوله مع عبير..!!
لكن مو لهالحزه..!!
وليش ماترك لي نوته..!!
حرام عليك..حرام عليك يالؤي..!!
تنهد يوسف بضيق..وحاول يلهي نفسه لمن يوصل لؤي,,
دخل المطبخ ودخل الأغراض بالثلاجه..
وصب له عصير ليمون يهدي اعصابه,,
ورجع للصاله مره ثانيه..
وجلس يشرب العصير ويفكر..وين بيكون لؤي اللحين..!!
مرت ساعه..وساعتين..وثلاث..وخمس..
ولوي..مارجــع..
والنوم بدى يسيطر عليه..
وخوفه وقلقه على صديقه موتره وناقز قلبه..
يحس أنه لؤي فيه شي..
لكن مو عارف كيف يتصرف.!!
هو يدري أنه طول هالأسبوع منشغل عنه ومبتعد..
لكن يجي الشقه ويشوفه نايم بسريره..
وحتى لو تأخر .مايتأخر لهالوقت..
وبين هالتفكير والحيره والخوف..
اسند جسمه على الكرسي..ومال براسه...
وغالبه النعاس..واستسلم له..
ونام بقل حيله..
ومعدته فاضيه وتأن من الجوع..
‘‘‘‘‘‘‘‘‘‘‘‘‘‘‘‘‘‘
كوابيس كثيره مرت في باله,,
وكلها مزعجــه وغريبه..
مر بخياله لؤي وهو يركض لبعيد والدموع تسبق انفاسه..
كان يناديه بصوت عالي..
كان يصرخ باسمه ويقوله لاتروح عني.أنا محتاجك....
كان يترجاه ويتوسل له..
لؤي..لــؤي تعال..لاتتركني بروحــي..ارجوك تعال..
لكن لؤي مايسمعه..كان يركض لمكان بعيد ويبتعد عنه..
ويوسف يحاول يسرع من خطواته ويجيه..
ويوم وصل له حاول يتمسك فيه بكل قوته..
واول ماالمسه..
أختفى لــؤي..
وكانه ســراب ..
فتح يوسف عيونه بشده وهو يحاول يلمس الهواء اللي كان مستحل روح لؤي..
لكنه ماقبض بأيده الا هالهواء اللي كل ماله ويزيد وكانه ريح بتاخذه وبتمحيه مثل مامحت صديقه..
وفجأه سمع يوسف صوت من وراه يناديه..
وهالصوت كل ماله ويزيد..
لمن حس أنه هالصوت بيخترق أّذنه..
ميز هالصوت..
هالصوت يعرفه..
نبرته مو غريبه عليه..
هذا صوتـه..
هذا صوت لؤي..
يستنجد فيه..
يوســـــــــــــــــف..
:
:
صحى يوسف من نومه وهو يصرخ وينادي لؤي..!!
ويوم فتح عيونه عرف أنه بالشقه..
رفع عينه على الساعه وشافها 4..4 الفجر..!!
حاول يتذكر اللي صار له أمس..
وتذكر أنه لؤي لسه مارجع..
وعلى طول قام من الكرسي وهو يلعن نفسه لأنه نام وماحس بروحه..
لبس جوتيه..وخذ جاكيته اللي معلق على الباب وطلع يدور على صديقه بكل مكان..
جات في باله اشياء كثيره...
وتذكر الحلم اللي حلمه عن صديقه..
ومات خوف ورهبــه..
وكرر في نفسه أنه لؤي صار له شي كبير..
وهو الغبي اللي نام وماحس بروحه..!!
وش بتكون حياته بدون لؤي..!!
وش الدنيا بتعطيه من الهموم أكثر..
مو كفايه عليه..!!
رفع عينه للسماء وشافها مغيمه والنور يتخللها من كل ناحيه..
فكر كثير.
وين بحصله اللحين..!!
وين ممكن يكون موجود..!!
تذكر صديقته عبير..لكن أستبعد الفكره على طول..
لأنه لؤي مستحيل يسويها ويبات عند صديقته..
نزلت الدموع من عيونه وهو عاجز عن فعل أي شي..
وهذا هو يدور بشوارع فرنسا بيأس وضايع..
محد جنبه..ولحد يخفف عنه مصيبته,
تذكر أول أيام غربته ..
وكيف كان يدور بهالشوارع بدون هدف..
تذكر جوعه ومرضه وحاجته.. والمه وعذابه..
ونزلت دموعه أكثر واكثر..
وهو حاس انه الزمن يعيد نفسه..وبيظل وحيد بهالبلده..
مثل ماكان وحيد ببداية غربته ..
ولأنه تعبان وعلى لحم بطنه من أمس..
ظل يكح ويكح من اعماق قلبه..
وصدره يألمه كل ماكح بشده..
حس أنه روحه بتطلع من كثر مايكح..
وجلس على الأرض الشارع بعجز..
هو يتمنى لو ماي يبل فيه ريقه..
دارت عيونه على المكان وشاف انه المكان خالي من الناس
والكل في بيته نايم..
رفع عينه للسماء وظل يدعي ويدعي أنه الله يبعد الشر عن صديقه..
ظل يدعي ربه بقلب صادق
وقلبه معتصر ندم وحسافه على اشياء كثيره..
واولها أنه طول هالفتره كان هو ولؤي مبتعدين عن بعض..
وبدال مابياخذ بخاطره ويسال عنه..صده والتهى بشغله..
تذكر عيونه اللي كانت تحكي اشياء كثيره..
تذكر حزنه اللي يطفر منه كل مالتقت عينه بعينه..
وكل هالأمور تجنبها وطنشها..
واللحين هو ندمــان أشد الندم على ضياع فرص كثيره ممكن أنه يكتسبها..
هو يدري انه الندم ماله فايده اللحين..
لكنه مايعرف شي غير الذكرى الأليمه والدعاء لصديقه..
قام من الأرض وهو يتحسس صدره ويظغط عليه بالم..
ومشى يدور عليه للمره الثانيه..
وعهد نفسه بين وبين ربه اللي عالم بحاله وشاهد على كل لحظة ندم مر فيها..
انه يدور لؤي مره وثانيه وثالثه لمن يلقاه ويرتاح فؤاده..
وحتى لو هالشيء بيسبب ضرر له..
بيدوره بقلبه وروحه..
لمن ينقطع نفسه..
وكانه الله أستجاب دعائه وحقق مراده..
اول ماتحرك خطوه عن المنطقه اللي هو فيها
وصار قبال الجسر اللي يطل على شارعين..
سمع أصوات بعيده..ولها صدى قوي..
قرب من هالصوت اكثر..
وكانه يتذكر الحلم اللي بمنامه..
وعرف أنه لؤي قبل مايشوفه..
دموعه نزلت مره ثانيه وحاول يمسحها بطرف كمها..
وظل يركض للصوت لمن أختفى..
ووقف,,
وقف وسط الشارع وهو ينتظر الصوت يطلع مره ثانيه..
وطلع هالمره بصوت اعلى من اللي قبل..
لمن وصل لنهاية الجسر..
وشاف رجال ملتوي على الأرض مثل الربيانه..
وعرف أنه لؤي من لبسه..
قرب منه يوسف وهو ينادي عليه ويصيح\لـــؤي..
جلس يوسف على الأرض مقابل له..وحظنه بكل قوته وحط راسه على صدره.. وهو يحمد ربه ويشكره على استجاب دعائه..
حب راس لؤي ووجهه وايدينه الثنتين وهو يصيح ويصيح على شوفته..ويضحك بجنون وفرحه..
ولؤي كان يهذي بأشياء غريبه مو مفهومه..لكن يوم شاف يوسف نادى باسمه وظل يصيح مثله
حس يوسف بشي غريب بــ لؤي..وبريحه غريبه وكريه..
ويوم قرب من فمه..
شم ريحة الخمر اللي تفوح منه..
ابتعد عنه وقام وايده ماسك فيها صدره.. وكانه شي قذر والمسه.
لؤي رفع ايده صوبه باستسلام ورجا\يــوســف..
==========
الجزء الثاني والعشرون
آمـــال أم..أحــلام..
==============
دقت الساعه على 7 الصبح..والناس بدت تطلع لأشغالها عشان تكسب ثمره حلوه تجعل ايامها أمان..
الا أثنين..
بـ شقه بالقرب من ضجة باريس..
كان الجو يتخلله تيارات كهربائيه..والسيمفونيه اللي تعزف على المكان نحيب لؤي وهو يأن باسم يوسف بمنامه...
يوسف كان جنب لؤي على السرير ..
و حاط أيدينه الثنين على راسه اللي منكسه للأرض بكل ضعف..
كان حاير..ويفكــر بحالة لؤي اللي وصلته لشرب الحرام..
تذكر قبل كم ساعه وش كان حاله وحال صديقه..
تذكر كيف شاله وهو ماسك صدره اللي يأن من الألم..
تذكر تعثر خطواته وهو يحمله من كتفه بكل قوته..
تذكر المسافه الطويله اللي حالت بينه وبين هالشقه..
تذكر ريحته..وهذايانه..وعذابه..ونهايته..
كانت نهايه اليمه..جريحه بدموع ووهن وضياع..
أسئله كثيره مرت في باله..
ومو لاقي لها جواب..
يمكن من عظم الحدث كان عقله متوقف عن التركيز في افكاره..
او يمكن صدمته..
صدمته بصديق عمره ..
حس بخيانــه عظيمـه تتأصل جوفه وعروقه..
لؤي..
لؤي صديق عمره يشرب!!..
ليش..!!
وكيف..!!
يوســف..يايوسف
ليش الناس يشربون..
فكــر فيها.!!
عشان ينسون..!!
أو ينجرفون ورى متعه حقيره..ممكن تضيع حياتهم للأبد..!!
صح والا لا..!!
وحتى أنت..!!وحتى أنت يايوسف..!!
كنت مدمن..
ممدن مخدارت,,
واللحين السؤال يتوجه لك..!!
ليـــش أدمـــنت..!!؟؟؟؟
وش هي هالأسباب اللي خلتك تعصي ربك لها..!!
اكيد جوابك بيكون يشبه جواب لؤي..!!
حسافه عليك..حسافه عليك يايوسف..!!
وانت اللحين بدال ماتعاتب صديقك..
عاتبك نفسك اللي وصلتك للغربه.
ومع هالحوار النفسي المعذب..
حس يوسف بنقزه بصدره لمن وصل لهالنتيجه..
هو مدمن..ولؤي شارب..
ماتفرق..
كل هالأمرين سببها هروب..
هـروب من واقع مر..
"""""""""
حس يوسف بأيد تضمه بقوه..وكأنها تطلب عفو..او رحمه..
وكانت هالأيد ..أيد لؤي..
التفت يوسف له وطاحت عينه على عيون لؤي اللي كانت تعبر عن كلام كثير..
كلام يتخلله ندم واعتذار وعذاب..
أحرقته..
احرقتــه عيون لؤي وحس أنه هو المذنب بحقه..
حاول يبعد عيونه عنه..حاول يكسر النظره..
لكن في شي غريب..مثير بالموضوع..
جاء له صوت لي لؤي وهو يستنجد فيه..
وكان نفس الصوت اللي سمعه يوم شافه طايح بنهاية الجسر
يوســف..ارجـوك..
ظغط يوسف على شفايفه بألم ورد عليه بكلمه والحزن يعصر قلبه\ليش..!!
لؤي مسح دموعه مثل الطفل المظلوم \كنت ضايع..
يوسف وصغر عيونه بوهن\ضايــع..!!
لؤي\كنت ضايع بدونك..!!طول هالأسبوع..كنت أدورك..كنت أدور صديقي يوسف..ومالقيته..
سكت لؤي..وظل يناظر يوسف ويشوف علامة ألأستغراب بوجهه..وبعدها كمل..
رجعت أفكر اهلي..وتذكرت فقرهم اللي وصلني لهالحاله..
تذكرت ابوي اللي وصاني عليه ومات وتركني لعالم قاسي على أمثالنا..
تذكرت العيشه اللي كنت أعيشها وانا زي الكلب المأمور اركض ورى الفلوس وبس..
تذكرتهم يوم قطوني وهجروني وانا اللي كنت الأمل الوحيد لأهلي..
تذكرت أني ضيعتهم وراي..وضعت بعدهم..
وجيت بغربتي وحيد..وشفتك ونور الله طريقي بصحبتك..
عشنا وقلوبنا مع بعض 11 سنه..
وماأشتكينا وظلينا ناكل اللقمه الحلال بعد الحرام اللي جنيته بأيدي..
وبعدهــا..
...تخيلت..تخيلت أنك بتسافر ..وبتروح بلادك..وبتتركني..
كنت اعرف أن من الدكتور سمير انك بترجع بيوم من الأيام..
وكنت أعرف انه هاليوم قرب..ومابقى الا القليل ..وبترحــــل..
بتتكرنــي يايوسف..بتتكرني لوحــدي..
وبرجع وحيد وغريب..!!
ماقدرت اشوف الأنسان اللي عشت معاه طول غربتي على الحلو والمره يرحــل..
يوسف انت تعني لي الكثير..وماأقدر اتخيل بيوم وليله انك بتروح عن عيني..
ماقدرت اتأقلم على الوضع..
كنت اسمعك تتكلم عن شوقك لأهلك وحنينك لهم..
وكنت أحس بالأنانيه بداخلي..
كرهت هالشعور,,وكرهت نفسي أكثر..لأني حسيت بلحظه أني خذلتك..وخذلت أهلي قبلك..
يوسف..احنا عشنا مع بعض عيشه محد عارفها غير ربنا اللي خلقنا..
تشتتنا..وضعنــا..ووقفنا من جديد..
وبالأخير تتركنــي وترحل..
لايايوسف..لاااا..قلبي مايقوى على بعــادك لاااا..
حرام اللي يصير فيني ..حرام..
مو قادر اتقبل هالواقع اللي انرميت فيه..
انا انسان ومن حقي احس..وازعل..
لكن قبل ماأزعل على هالدنيا اللي غدرت فيني..
لازم ازعل على نفسي اللي دمرتني..
وضيعتنــي..
سكت يوسف..سكت لحظات ماهي طويله..
وثار زي المجنــون..
ومسك لؤي من كتفه اللي يرتجــف\وانت تتوقعاني أني بروح عنــك..!!
لؤي\وليش ماتروح..!!11 سنه ضياع..ويوم قرب الفرج بتتراجع عشاني..!!
صرخ يوسف صرخه هزت لؤي\..أنت شتقول..اترك صديق عمري..واروح..لا والذي خلق سبع سماوات أني ماأحط رجلي ببلادي الا وانت راجع ديرتك..!!
مو أنــا..مو أنا اللي ينكر صديق فتح لي بابه بعد ماكنت من الأموات..
لؤي\وأنا مستحيل اخليك تيلس عشاني..
ترك يوسف لؤي وقام وهو يحاول يهدي نفسه..
مسح على وجهه بتوتر وحاول يهدي نفسه وماينجرف بغضبه وفكرة أنه ممكن يخون بصديق عمره.. ورجع يناظره\لاتفكــر بشي اللحين..
لؤي ولحد الآن يحس بدوامه\ماأقــدر..أنا أحس أني أموت يايوســف.. أمــوت؟؟
رجع يوسف بسرعه ونسى جرحه..ونسى الامه..ونسى خيانة لؤي...وجلس على السرير جنب لؤي وظل يناظر فيه وهو خايف عليه\بسم الله عليك..يعل يومي قبلـــ
حط لؤي ايده على فم يوسف وهو يمنع تكميل جملته ودموعه انهمرت وهو يتخيل موته\لاتكمــل..بس بــس..
لكن..ابيك توعدني انك ماتخليني..وحتى لو خليتني ورحت.. وغمض عيونه ونزلت دمعه حار من
حناياه...قول..قول لأهلــي اني حي مامــت..
خلهم يسامحوني..ويغفرون لي..
مسك يوسف قلبه والألم يزيد ويحتويه..جرح لؤي كبير وماانبرى..
لؤي يحس بالفرقــا..ليش,,!!
قطعت قلبي يالؤي..ذبحــته..
يوسف\مو قايل لهم..انت بتروح معاي...وبنمسك أيد بعض وبنطير مع الطيور..
صدقني بتشوف أهلك وبتكحل عينك بشوفتهم ..وبنرجع..وبنرجع كلنا مثل اول..وبتفتح لنا الدنيا أبوابها..
والعالم كله بيشهد بهاليوم..وذاك اليوم هو العيد الحقيقي..
ومسح دموعه بضعف..
قول يارب..قــول..!!
حس لؤي بأنه لسانه عاجز عن نطق هالكلمه..
كانت سهله..من أربع حرف لكنه تناساها بغمضة بصر..
لكن يوسف ماخلاه ورددها بأذنه بصوت قوي..
قول..قول يـــارب..يــارب
يــارب
رفع لؤي ايده اللي ترتجف برجا وضعف لفوق وقال
يــارب...ضم لؤي يوسف وحس بحب كبير يغنيه عن الكون واللي يحتويه
و تمسك فيه بقوه وكأنه غرقان من بحر عميق واللي نجاه هو يوسف..
ظل يصيح..ويصيح.. معاه بحرقة جوف هألأيام الطويله المريره اللي كان بعيد فيها عنه..
وارتاح بحظنه وتمسك فيه اكثر وشعور الفراقا يتأصل روحه ويتخلد فيها..
----------------
بوقت الظهر وبلفحة الشمس القويه..
كانت جالسه بالأرجوحه والأبتسامه مافارقت وجهها القمحي وماسكه بأيدها علبة الأيس كريم اللي كانت بتذوب لو ماكلتها.
وجالسه تتأمل النخلتين اللي مسيطرين على مكان الزرع اللي بدى ينبت حولهم ويمتص مجرى الماء بكل عذوبه..
وعلى أنه الحر مسيطر على الجو..لكن الأيس كريم معطي مفعوله و كل ماتخللت قطعة ببلعومها تحس بالأنتعاش الغريب اللي يقضي على أي نسمة هوى حاره ممكن تحرقها..
يكفي أنها تتذكر صاحب الأيس كريم..
وهذا الشي كفيل أنها تعيش العمر كله وهي سعيده على ذكراه..
وماوعاها من حلمها الجميل الا بصوت جمانه المزعج..
رفعت عينها لها وشافتها كاشخه ببلوزتهاالحمراء وتنورتها الشاموا البيجيه اللي متقطعه أطرافها بحلاوه\كشيخ البنـــات..
رفعت ايدها جمانه لشعرها المرفوع وبعثرته بفوضويه\أجل انتي بس اللي تتكشخين ..لاياأم الأخضر(راوين لابسه بلوزه خضره مخططه بذهبي بشكل انيق والتنوره ميدي بحزام ذهبي عند الخصر)
راوين\فديت الأخضر ..يارب يفوز...وسرحت..
وسرحت معاها جمانه لكنها انتبهت بالعلبه اللي بــ أيد راوين..\شنوا هذ..!!
سكتت راوين..وصابها الحيا..وهي مش عارفه وش تقول ..!! لكن قوت نفسها لحظات\ايس كريم..ماتعرفين يعني..!!
قربت جمانه لها لمن لصقت فيها وطاحت عينها على داخل العلبه\ول عليك..خصلتيه بسرعه.
انحرجت راوين للمره الثانيه..شكلها ظلت تاكله بدون ماتحس بنفسها.وسكتت هالمره لأنها خلاص فاض الحياء عندها..
ولأن جمانه بالها مو معها أبدا غيرت الموضوع بدون ماتحس ورفعت اكمام بلوزتها وهي حرانه\أقول مامتي حر...امشي ندخل ..
قامت راوين من الأرجوحه بخفه وتبعت جمانه اللي فكرها وقلبها بمكان ثاني ..
لمن صلوا لباب مدخل الصاله
راوين\وينهــم..
جمانه\كلهم بغرفة الحريم..
راوين\أوكي أنتي روحي وبجيك..
عطت جمانه راوين نظره غريبه وماعلقت وراحت للحريم وهي مستأه..
اما راوين قطت العلبه اللي بأيدها ورتبت مظهرهاوخذت منديل ومسحت فمها ورجعت عند الحريم وهي قابطه نفسها على فرحتها..وجلست جنب جمانه اللي جالسه بنهاية الغرفه بكنبه مركونه بالزاويه..
راوين\وش فيه الحلو جالس بروحه..
جمانه\ولاشي..اقول مو كأنه عمي تأخروا..
راوين \يمكن تلقين غلا ماضبطت مكياجها..
جمانه بابتسامه باهته\السخيفه توني داقه عليها وتقول هم بالطريق..!
راوين\ليش ..تولهتي على ضراباتها ..!!
جمانه\لا والله ماتولهت..بس تقدرين تقولين ماأقدر استغنى عنها..
راوين\الله يخليكم لبعض..
جمانه\وياك ان شاء الله..
===============
حبيـبي..لا
نطقت سماح بهالكلمه وهي معترضه على طلب أحمد
لكن احمد ماتركها وهو مصمم على رايه \سمــاح..أنتي محتاجه خدامه..وانا خلاص قدمت عليهــا..
سماح ويأست من زوجها\ليش يأحمد..!!ليش ماقلت لي قبل ماتقدم عليها..!!
أحمد باابتسامه مغريه\يعني شنوا..بتقنعيني مثلا..!!
وقربت منه بجرأه لمن صارت قباله ومايبعد بينهم الا سنتيمترات\وليش..مو واثق من قدراتــي..!!
تفاجأ أحمد من جرأتها لكن أنعجب بحركتها ..وحب يجرأها أكثر وبدون شعور باسها على خدها\لا..صدقيني واثــق..وهم واثق بعد..!!..لكن لاتحاولين..الخدامه جايه..جايه...وجلس على السرير يسكر ازارير بدلته ويجهز نفسه للدوام..
اما سماح مسكت خدها بخجل..وهي لازالت واقفه تسترجع المـوقف..
حس فيها أحمد وابتسم لها بحب\بتظلين واقفه كثيــر..!!
التفت له سماح باحراج\شنوا..!!
قام احمد بعد ماأخذ تلفونه ومحفظته\سلامتــك..تامرين على شي..!!
سماح\الله يسلمك..لا..بس لاتتأخر مثل كل مره..
احمد\احاول لكن مااوعدك..
انمحت الأبتسامه من وجهه سماح..وهي عارفه أنه اليوم بطوله بتجلس لوحدها بالشقه..
حس فيها ..لكن هذه طبيعة شغله..\حبيبتي..لاتزعلين..بحاول أبكر..عشانك..
سماح\لا أحمد عادي..هذا شغلك..وانا متفهمه وضعك..
احمد\وهذا العشم فيك....طيب تبين تروحين بيت أهلك..!!
سماح\لاخلاص أحمد عندي كم شغله بسويها اليوم..الله يحفظك..لاتستهم علي
أحمد بعجله\...ماأوصيك على عمرك..لاتتعبين نفسك..يالله..مع السلامه..
سماح وعيونها تتبعه وهو يطلع من الغرفه\الله يسلمك..
=============
منتي بطبيعيه..!!
جمانه بعصبيه زايده\يعني أنتي الطبيعيه..!!
جلست غلا وفستانها الفضفاض النيلي أنفرش على الكنبه اللي جالسه فيها جمانه ورمشت بعيونها الكحيله\والله ياعمري انا أعرف نفسي مو في بالي شي..!!مو انتي..!!
رفعت جمانه حاجبها اليمين\وش قصدك..!!
قربت غلا منها لمن صارت عينها بعيونها المرتبكه وهمست\والله أنتي أدرى..
قامت جمانه من الكنبه وايدينها الثنتين لامتهم على بعض بتوتر وعيون غلا تتبعها وهي محتاره وش اللي مغير طبايع بنت عمتها لمن وقفت جمانه والتفت على غلا\أقول..بس ماتقولين لحد..!؟
قامت غلا بالمثل وحطت ايدينها الطويله بكتوف جمانه\ يعني مكالمتك لي مو الله..!!مالت عليك..وربي كنت عارفه انه فيك شي...بس يالله معليش..!! بفوتها لك هالمره..تكلمي..سرك في بير ..وابتسمت.. يالعجوز..
تنرفزت جمانه من قلب ولأنها مالها خلق لغشمرة غلا اللي مو جايه بوقتها ابد سكتت بضيق..
استغربت غلا وعرفت انه جمانه فيها شي كايد وكبير ولأنه فضولها ذابحه حاولت تتناسى غشمرتها الثقيله ومثلت دور الحنونه\امزح حياتي..تكلمي.
.كلي أّذان صاغيه..
رفعت جمانه غرتها ورجعتها ورى أّذنها بضيق وترددت تتكلم..او تكتم وماتفضح نفسها..
وفضلت أنها تكتم في نفسها..
لكن هي ودها..وبنفس الوقت ماودها..
تحس انها خايفه..ومتشتته..ومحتاره..
وبين هالأمور كلها قالت كل السالفه لغلا
كل شي قالته..
موقف البحرين..وموقف الي حصل بيتهم..ومكالمته لها..
وطلبه اللي لحد الآن محتاره فيه..
وغلا طابعا ماستنكرت حب الوليد لجمانه..
هي تعرف من زمان أنه الوليد شاريها ويبيها
لكن اللي استنكرته سالفة الأيميل..
ولأنه جنونها في أمور الحب طاغي..
تمنت بلحظه غريبه أنها تكون بدال جمانه وتعيش الحب وأصوله..
أحلام غلا كبيره وكلها تدل على رومانسيتها المتعطشه ..
لكن تناست هالموضوع اللحين ورجعت تفكر بموقف جمانه
جمانه\شرايك..!!اعطيه ايميلي..!!
غلا\اقولك الصراحه..
جمانه بعد تنهيده\ياليــت..
غلا\عطيه..شوفي وش يبي..لكن..ولكن..لاتطول السالفه..يعني لاتنسين نفسك..
جمانه بحيره\يعني هذا رأيك..
غلا\هممم..بس لحظه ايميله عندك..
جمانه\ايه..رسله لي اليوم..
غلا\أحلى..احلى..ورسايل بعد..ياويلي على الحب..وسنينه..
انصبغ وجه جمانه باللون الأحمر....والتفت على غلا وشافتها لازالت مبتسمه..عطتها ظهرها وجلست وهي حاطه ايدها على خدها وتبتسم بخجل..
شافتها غلا وقلدتها تماما..جلست جنبها وحطت ايدها على خدها وهي لازالت تبتسم ابتسامتها الخبيثه..
=============
اكواب ببسي مرميه بالأرض..وكرتونين بيتزاء محطوطين فوق بعض ومفتوحين باهمال..ومخدات بكل طرف محتله الغرفه..والتلفزيون مطول لأخرحد
هذه الصاله اللي كان جالس فيها الوليد وثامر
اليوم مباراة الهلال والأتحاد..واللحين بدى الشوط الثاني..
والأجواء في الملعب حاره والحماس يلعب دوره..وجميع المدارجات مليانه بالجماهير اللي حاظرين مباراة التأهل للنهائي..
ولحد الآن النتيجه من صالح الهلال بعد الهدف اللي سدده محمد الشلهوب..ويطمع بهدف ثاني بالدقايق الأخيره..
الوليد يصرخ من جهه ويحط حرته بالمخدات اللي متسند عليها ويرميها على الشاشه بكل قهراذا ضاع الهدف
الوليد\وقسم بالله أني ودي ادخل الملعب واوريهم اللعب عدل..ياأخي نبي هدف ثاني..
فتح ثامر علبة ببسي ثانيه وسند نفسه على الكنب..\وانت ليش حارق أعصابك..بتشوف بعد دقيقتين هدف من الأتحاد..
التفت الوليد على ثامر وناظره بنظره كلها سخريه ورجع يناظر الشاشه\الله لايقوله..
ثامر\شوف..اذا ألأتحاد فاز عليك غداء بكره..واذا الهلال فازوا علي الغداء..وش رايك
ضرب الوليد على صدره بكل ثقه\اتفقنــا..
المباراه في النص ساعه الأخيره بدت تشتعل اكثر..
والجماهير يهتفون بأعلى صوتهم بهدف ثاني يرضيهم..
والكل على أعصابه..ويترقب أي هدف يحمس المباراه اكثر..
لمن جاء الهدف الرائع بمرمى ألأتحاد.. واللي سدده الشلهوب بكل مهاره
صاح الجمهور بصوت عالي معبرين عن فرحتهم ..
والكل تجمع على الشلهوب..
نقز الوليد على ثامر وزنطه بأيده الثنتين وهو ناوي عليه اليوم\بكــره..بكره توديني ارقى مطعم بنيويورك..
حاول ثامر يبعد الوليد وماقدر ويوم حس انه بيختنق كح بقوه\ كح كح حسبي الله على بليسك يالدب وخر عني..كح ..كــح..
الوليد ولازال على وضعيته\اول شي توديني والا لا..!!
ثامر\أوديك بس وخر.. فكه الوليد وهو فرحان..وتذكر هاللحظه جمانه وابتسم..
"..أكيد بتفرح اللحين..الهلال سجل هدفين.."
دخل غرفته عشان يشيك على تلفونه للمره الألف بعد مارسل مسج لجمانه فيه ايميله..
ويوم شافه لقاه مثل ماهو..
رجعه مكانه وهو لازال ينتظر أي مسج منها.
وسمع صوت ثامر بالصاله وهو يصرخ وعرف أنه الأتحاد سجلوا هدف وتحسف أنه ماشافه
قام ثامر وهو يصرخ\هــدف..هـدف جبتها يانور..!!
الوليد وماعجبه الوضع\أقول انثبر مابق غير دقايق وتنتهي بفوز الهلال..
وفعلا صفر الحكم وانتهت المباراه بفوز الهلال..
=============
مجتمعين البنات في الصاله لوحدهم..ومسوين حزب عنوانه.." لا للــ ملل.."
واللي يترأس هالحزب غلا والعنصر الثاني كان ابتسام ولأول مره..اما جمانه هالمره مااستلمت المهمه و كانت الأطرش في الزفه متسنده على كنبه طويله بنيه وعينها تلف يمين ويسار تخاف تشوفها جدتها وهي بهالوضعيه وتصرخ عليها..وهي مالها خلق احد..كانت تمع البنات..
وتعلق بعض المرات..وتقط كلمه من هنا وهناك..لكن عقلها مع الوليد..وتفكر هل هو يحتريها..مثل ماتحتريه..او لا..!!
وقطع تفكيرها ضربه من غلا بــ شريط فيديو ماسكته بأيدها ولأنه المود مو ماشي معها..طنشتها وركزت على الشريط اللي تحمله بأيدها..
غلا وتلوح الشريط بأيدها\شرايكــم بهالمفاجأه..!!
وماوحى لغلا تستمع بهالمفاجأه الا وشافت ابتسام ماخذه الشريط ومتجهه للتلفزيون تشغله وغلا فاتحه فمها كله..
غلا بميوعه زايده قالت كملتها المعهوده\ياربـــي..
ردت عليها جمانه وهي مو هامها الموضوع\من وين ماخذتهم..
غلا وعشان ترجع برستيجها رتبت فستانها بفخر\طلعت فوق عشان اصلي..وشفت باب غرفة سلطان مفتوح..ولأني تعرفون أني فضوليه بدرجه كبيره دخلت الغرفه
جمانه ومتنرفزه من لهجة غلا\وبعدين..
غلا\المهم..رشيت كم رشه من عطوره النسائيه..وبعدين فتحت درجه ولقيت كذا شريط..لكن هذا اثار فضولي أكثر لأنه مكتوب فيه".. رحلة راس تنوره.."
جمانه\عفيه على الشاطره..والله لو يدري عنك سلطان..بيذبحــك..
عادت ابتسام الشريط وخذت الريموت وجلست جنب جمانه\خلاص اسكتوا..اللحين بيبدى..
قامت فجر هاللحظه وسالتها راوين\وين..!!
فجر\مالي خلق..بتمشى بالحديقه..
راوين بحنيه\على راحتك..
خذت فجر دفترها اللي كان بشنطتها وطلعت وهي ضايقه الخاطر..
وبدت تكتب
الشمس غابت واقبل الليل بهموم
الله يعين العيـن طــول سهـرها
تسهر طول اللي ماذاقت النـوم
سبت وليف الروح بساعة هجرها
-----------------------
شريط الفيديو ابعد الملل عن بال البنات..وبدوا يستمتعون..وخصوصا لأنهم شافوا اشياء هم مايعرفون عنها لأنه التصوير كان للشباب وهم في البحر ..
لكنه ماكان طويل لهدرجه..
وطلعت هاللحظه لقطه فيها الوليد يلعب كوره مع ياسر وهيثم جالس على الكرسي من بعيد وطبعا ابتسام ماخلت جمانه ونقزتها من خصرها
ابتسام\فظيعــه..هاللقطه..اقول..شبعي منه..ماتتفوت ..
جمانه ارمقتها بنظره سامه..وعرفت أنها تقصد وجود الوليد فيها..وعشان تقهر ابتسام قالت لها\وحتى انتي ماتتفوت عليك..فيها حبيب القلب..!!
ابتسام عصبت وسكتت..
جمانه\عشان تعرفين مره ثانيه كيف تقهريني.
وبجنب ثاني كانت غلا متوتره وظاغطه على اصابعها الطويله بألم بدون ماتحس..
تتمنى لويطلع تركي بالغلط..
لكن هذا الشريط بيخلص وتركي لسه مابين..
تتمنى تعرف شخصيته..تتمنى تسمع عنه ويكون حقيقه وواقع..
الشي الوحيد اللي تعرفه أنه لها ولد عم اسمه تركي وهو اكبر اخوانه...
كانت تسمع أنها يحب السفر والتجاره..لكن ماكانوا يجبون طاربه ابدا..لا في خير ولا في شر..
التفت على راوين اللي كانت مندمجه بشريط الفيديو وركزت عيونها عليها..واصابتها رجفه..نفس عيون تركي..
لكن تركي أكثر حده منها...!!
جاء سؤال في بالها..
"..ليش دوم تفكر فيه.."
تحسه فجأه يجي على بالها و يختفي فجأه مثل ماجاء..وهاالشي مو عاجبها أبدا..!!
حست راوين بنظراتها وسألتها بعفويه\شفيك غلا..
انحرجت غلا وماردت ونزلت عيونها للصور وهي كارها انها تنحط بهالموقف..
والسبب..هو..تركــي..
وهالمره طلع تركي فجأه والتصوير كان بمجلس بيت هند..كان جالس ورافع رجلينه على الطاوله.. ومنزل عيونه يناظر تلفونه..ومو حاس انه أحد يصوره..وبعدين رفع عيونه يوم سمع صوت سلطان يناديه وانقطع التصوير..
وصرخت غلا\لييييييش..!!
والتفت لها 3 ازواج من العيون..وهي استحت وقالت عشان تبرر الموقف\ليش خلص التصوير..
جمانه\أحســـن..
ابتسام بخيبة أمل\حسافه
جمانه\أحسن..احسن..احسن وقامت ومزاجها معتفس بسبب ذكرى الوليد
---------
مر هالأسبوع والوليد ينتظر أي خبر عن جمانه ..
وكان طول اليوم يشيك على تلفونه أو جهازه..يعلى يلقى أي اضافه منها.
.لكن اللي مايعرفه الوليد انه جمانه بعد ماكلمت غلا ارتاحت شوي بس لازالت تحس أنها بتخطو خطوه كبيره واساسها غلط..وهي تعرف نفسها بتنجرف مع التيار..
وهذا اللي ماتبيه..
لكن بنفس الوقت تحس انه الوليد محتاج له اكثر من أول وعاطفتها بعض الأحيان تتغلب على عقلها وتقرر أنها تضيفه وترتاح..وبالأخير اذا اضافت ايميله ترجع تحذفه من جديد وترجع خطوه ورى وهي شتان بين القبول والرفض..
هذه حالة جمانه..عايشه بدوامه كبيره..
واللي طايح فيها الوليد اللي طفش من طول الأنتظار..
--------------------
ذبحته..ضيعته..شتته هالعيون الكحيله..
غمض عينه والا فتحها يلقاها وكأنها ملكه اثيريه بأحلى طله
صابه الهيام والجنون بسببها..
تمنى أنها ماطاحت عينه بعينها
حاول بكل الوسائل أنه يبعدها عن مخيلته
لكن النتيجه كانت وحده
تربعت على عرشه للأبد
::::::::
هذا حال تركي وهو جالس بمكتبه يوقع على بعض الأوراق لمشروع جنا اللي بيفتح قريبا بالأيام الجايه
كان لابس نظاراته الطبيه الحديثه الــ بنية الأطار ويحاول قدر المستطاع انه يتعمق بالأوراق ويكمل شغله المتراكم
لكن وجود غلا بمخيلته استحوذت على كل ذرة عقل عنده..
اجل لو درى أنها بنت وش راح يصير فيه..!!
معقوله بيتغير شي فيه..!!
شعر فيه مبارك اللي كان جالس قباله ويراقب تقلبات وجهه..
مبارك\تركـي..!
ظلت عيون تركي متركزه على الأوراق المبعرثه بكل جهه بدون اهتمام\اسمعك..
مبارك\فيك شي..تعبان..!!
ولازال على وضعيته\...لا...مافيني شي..
احتار مبارك..تركي مو معطيه مجال للنقاش..!!
اندهش من مزاجه المتقلب..
يحس أنه الوضع مو طبيعي..
في شي..
ولازم يعرفه..
تذكر سهرة الليله ..وحمد ربه انه في موضوع ممكن يغير مزاج تركي..وعلى طول ماصدق خبر وكلمه\أقول تركي..لاتنسى يو زيد اليوم عازمنــا في بيته بسهره يحبها قلبــك.!!
تركي وعينه عألأوراق وماهمه الخبر\أعتذر منه..ماراح أجي اليوم..راسي مصدع من سهره أمس..
بصم على العشره مبارك انه متغيــر..
من متى تركي يفوت هالعزايــم..!!؟؟
وعشان ايش..!!
عشان راسه المصدع..!!
معقــوله..
طيب شي طبيعي راسه يصدع من الشرب اللي شربه امس..!!؟
من متى يهمه هالموضوع أصلا..!!
انقطعت افكار مبارك بصوت تركي وهو قايم من مكتبه وماسك بعض الملفات المهمه للمشروع\اقول.انا راجع البيت ..وايجارات محل الصالحيه بسددها بكره الصبح..سلام..
وطلع تركي..وترك اكبر علامة استفهام بوجه مبارك.!!؟
وعلى طول مسك خط البيت وهو مقرر يفاتح راوين بموضوع البنت اللي شافها بيت عمته..
و المشكله..مو عارف كيف يبدى بالموضوع..
وهو من النوع مايجب المقدمات الطويله اللي يسميها "..تفاهات غير معنيه.."
والحظ هذا اليوم لعب دوره عنده..
بعد ماجاء من المحلات دخل الصاله وشاف امه وتتناقش مع راوين..
ولقط كم جمله بدون مايشعرون فيه..
نور\ليت تركي ياخذها صدقيني غلا تناسبه..لكن مو عارفه كيف اقوله..قولي لي أنتي.. وبقل حيله وعينها مكسوره..هو يسمعك على الأقل..
راوين\يمه لو يبي تركي يتزوج كان تزوج من زمان..وانتي تعرفينه مايحب أحد يغصبه على شي هو مو مقتنع فيه..
نور بحسرات تخفق قلبها\آآه ياراوين..أمنيتي..تركي يفرحني واشوف عياله..تدرين..
تدرين لو يتزوج تركي..
قلبي بيرفرف..وبيقول ابشري بالفرح بعد العنا يانور..
وتكلم فجأه\السلام..
التفت نور وبنتها على الصوت اللي وراهم وشافوا تركي..واقف بجمود ويناظرهم..
تغافل تركي استغرابهم وجلس على الكنب بهدء..
وتوها راوين تستوعب وتوها ترد السلام\وعليكم السلام..
اما نور فظلت ساكته.وبعينها دمعه تحرقها..
ماتدري..هل لازم تنصدم..او تفرح..او تحزن..
ولدها تركي..له فتره طويييييييله..ماجلس جنبها..واليوم هذا هوقبالها ومابينه وبينها الا طاوله وتوصل له
ياما تمنت يحس فيها..
او يجلس معاها..ويتكلم بدون حواجز..
او حتى يناظرها بنظره حنونه..تنسيها عذاب العمر كله..
لكن حتى أقل القليل تركي مستبعده..ومتناسيه..
ومو حاس بعقوقه لأمه..
تركي\راوين..صبي شاي..
راوين بانصياع تام\ان شا ءالله..
صبت له الشاي وسألته\هو محلى..تبيني أزيده سكر....
تركي\لا..كفايه..
راوين\تفضل..
اخذ تركي منها البياله وظل يشرب الشاي وهو هادي وينتظر اي كلمه من أمه أو اخته..عشان يفتحون المجال له..
لكن نور كانت ساكته وعيونها متعلقه بتركي..والفرحه غمرتها ولو ودها تقوم وتضم ولدها اللي كبر وهو بعيد عنها..وتمسح على وجهه بعذوبه وتعاتبه عتاب الأم لولدها وتصيح وتقول..
هذا ولدي اللي رجع لي..
لكن كل هالأمور كانت تخيلات..واوهام..
كانت احلام نقيه..شفافه...عذريه..
تركي كبر..وتغير ذاك الولد اللي انولد بفطره طاهره بعيده كل البعد عن الجانب الأسود اللي يحتويه..
وبتظل هذه احلام تحلمها نور..
وقلبها بيظل يدعي.ويدعــي لمن يرجع تركي اللي تعرفه وربته بين أيدينها..
وبين هالتفكير اللي اشغل نور ..سمعت راوين تكلمها وهي واقفه..ويوم التفت على مكان تركي..شافته خالي من بعده..
وتاكدت هاللحظه..
انه الأحلام عمرها ماتكتمـــل..\ها يمه..
راوين\شفيك سكتي ..!!
نور\مافيني شي حبيبتي..وين بتروحين..!!
راوين\بروح لتركي..يبيني بموضوع..ومشت لغرفة أخوها..
وسكتت نور....وعرفت بينها وبين نفسها أن ولدها بيظل
قاسـي..
ورنت هالكلمه باذنها..
معقوله ولدها قااسي عليها..!!
ماصعبها من كلمه..
ماقدرت تنطقها نور..
ماقدرت تتقبلها..
ولدها..اللي حملته في بطنها تسع شهور..قاسـي عليها..
ولدها..اللي ربته..وراعته..قاسي عليها..!!
ولدها اللي اذا شكى..والا بكى..هي الحظن الدافي له..
ولدها اللي اذا مرض..والا تألم تتألم لألمه
قاســي عليها..
ماقواها من كلمــه..وماصعبها..وماأثقلها..!!
و يا كبر جرحك يانــور..
وياعظم مصيبتك..
ادعي يانور..ادعــي..
الله الوحيد العالم بحالك..
============
واقف وسط صاله عريضه جدرانها ناصعة البياض
وبعينه نظره حالمه..والدكتور سمير يربت على كتفه بفخر وعزه..
بيتحقق حلمه..!!
بعد هالعنا الطويل....!!
بيتحقق حلمه
الله جزاه بعد الصبر العظيم بشي ماجاء على البال ولا الخاطر..
واليوم بيكون ملكه قاعه تضم رسوماته..
هذه اول خطوه بيخطوها يوسف للمستقبل..
ومن هنا يببدى حلمه اللي ظل يتمناه من أول ماعرفت أيده معنى كلمة".. لوحه فنيه.."
هذا جزء صبرك يايوسف..هذا جزى صبرك..
يوسف\حروفي تخوني هاللحظه..وش تبيني اقول عشان أرد جميلك ..!
الدكتور\لاتقول شي..ولاتحس بالأمتنان لي..هذه تعب ايدك اللي انجزته في صالة الموسيقى وانا اللهم اني بأجر هالمعرض اللي تشوفه قدام عينك..
يوسف ماعرف يعبر عن شعوره ومالقى غير الدعاء\عمري مراح أنسى وقفتك وياي.. قول آميين..الله يفتحها بوجهك ان شاء الله
الدكتور سمير بابتسامه حنونه\آميين..يالله عاد يايوسف نجي للجد ابيك تملي هالصاله لوح جميله من ريشتك الفنانه..وخذ وقتك متى انهيت شغلك بنبدى بالخطوه الثانيه..وانا حبيت اوريك المكان عشان ترتقع معنوياتك وتشتغل اكثر..
يوسف\صدقني انا لها..
شعر الدكتور سمير بالرضا والراحه \وهذا العشم فيك يا....ولــدي....وسكت فجأه واضاف بحزن شديد..اقدر اسميك ولدي..!!
غاص قلب يوسف بحناياه
ولـــدي...
كلمه قديمــه..
كلمه كانت بذاكرته مدفونه..
والقدر امحاها بكل عنفه وجبروته
ولــدي.
كلمه من اربع حروف..خفيفه على النفس ومحبه للقلب..
ولــدي..
ياما تمنى يوسف يسمعها..او حتى يستشعرها..
واليوم الدكتور سمير يطلبها منه..
هذا جزاء صبرك يايوسف..هذا جزاء صبرك..
..اماالدكتور سمير فسر سكوته بعدم الرضا وخاب أمله وانطوى قلبه بلهيب حار يحرقه\آسف لكنــ..
يوسف وقاطعه بسرعه\لااا..مو قصدي.. سكوتي كان فرحه..دهشــه..
وخذ نفس ..تقدر تقول..أمنيه
وتحققت..
الدكتور وتسلل الأمل لروحه\يعني افهم أنك راضي..
مارد يوسف..واكتفى باابتسامه يتخللها دمعه ماكانت بوقتها وعلى طول مسحها بطرف اصبعه ورجع يبتسم للدكتور سمير..وللعالم.. والكــون كله....
=============
زهقانه ..ومالها خلق أي شي...وعزيز مصدع راسها وهو يلعب بالدراجه بالصاله..
فكرت أنها تدرس..وبعدين غيرت رايها..توها متخرجه..ومالها خلق أبد دراسه..
لكن أحساس الوحده يضايقها..دايم تفكر..وش هدفها بالحياه..مالها هدف..
بنت تخرجت من الكليه وجلست بالبيت..!!
وبعدي.!!وش يجي بعد الدراسه..ولاشي..!!
تذكرت سالفة اخوها الوليد وتضايقت اكثر..
وحاولت قدر الأمكان أنها تبعد هالأفكار من بالها..لأنها لو تعمقت فيها..ماتدري وش بيكون حالها..!!
وقطع تفكيرها صوتت عزيز..وشافت بأيده البوم صور..!!وماتت قهر منه..
حرفه..حرفه هالولد..مايقر بمكان واحد..!!
راحت له وخذت الألبوم من ايده\الشرهه مو عليك..وبصوت واطي..على امك اللي طالعه وهدتك..!!
صرخ عزيز بوجهها\ابتسام..كله تصرخين علي..كله تصرخين..أنامأأحبك..!!وبدى يصيح..
ظحكت عليه وعلى طفولته الغبيه..
هي ماتحبه..!!
هو اصلا لو كان مو موجود..كان صارت ميته من زمان..!!
من غيرك يونس وحدتها بعد الوليد..!!
من غيرك ياعزيز..!!
من غيرك اذا ضاقت فيها الدنيا تضمه وتصيح..!!
من غيرك ياعزيز..!!
من غيرك اذا اشتاقت ليوسف تناظرك وتعيش
من غيرك ياعزيز..!!
وبكذا رق قلبها له وأنفطر حب وحنين له..
..ومسكت وجلسته على الكنب بالصاله وبدت تفتح البوم الصور\شوف ياحظي..تعال قرب ..!!
قرب عزيز وفرح بالصور..وكل مايشوف صوره يعلق عليها..!!
عزيز\منو هذه أم كشه..!!تخرع
ماتت ظحك ابتسام على الصوره..كانت صوره جماعيه هي وبنات عمها..
وأم كشه كانت جمانه..كان شكلها يضحك..لابسه بنطلون اصفر على بلوزه حمره..وفاتحه شعرها وحاطته على وجهها وتضحك وكلها طفوله..وجنبها راوين وكانت هاديه ومبستمه..وعلى الجنب الثاني غلا وابتسام وهم يظحكون بااستهبال..!!
ابتسام\أم كشه..جمانه..!!
عفس عزيز وجه\جمانوا..!!لا هذه ريوف..!!يع
ظحكت ابتسام عليه..\ياحليلك ياعزيز ريوف وش جيبها لنا..لسه ماجات على الدنيا..
مافهمها ..واصر أنها ريوف..وابتسام جارته وتفرجوا على صور ثانيه..
لمن وصلوا لصوره..تمنت انها ماطاحت عينها عليها.!!
ظلت تناظر فيها وهي راصه أيدينها الثنين على الصوره وزي الوحده الخايفه أنها تضيع الصوره منها..أو حتى يمكن تبي تحفظ هالملامح اللي عيونها ماناظرتهم من سنين..
وبدون شعور نزلت دموعها بسرعه وهي تتخيل..تتخيل لو لحظه وحده تشوفه وتمتع عيونها فيه..
وجاتها رجفه فضيعه هزت كل خليه فيها..وهي تتخيل أنها تعيش لحظة أنه يوسف موجود قبالها ..
ماكنت تبي صوره..ولا ذكريات قديمه..
كانت تبيه أهو بجوارحه وروحه وقلبه الحنون..
سنين مرت وهي تتمنى تحصل أي شي عنه..
واللحين حصلت كنز تعتبره ثمين..ومستحيل تفرط فيه..
ظل عزيز يناظر الصوره وماحس بابتسام اللي حالتها صعبه..
وهو يكرر السؤال اللي ماسمعته ابتسام..!!
منوا هذا..!!هذا أنا..!!صح..!!
هذا السؤال اللي يطرحه عزيز لأبتسام..وينتظر اجابه منها..!!
كانت صوره لــ يوسف قديمه أبيض وأسود..وعمره بعمر عزيز تقريبا..والشبه كبير..كبير كثير..
كرر عزيز السؤال ..وكان ينتظر اجابه..وبدون سابق انذار طالعها من الغلاف وهو فرحان أنه لقى صوره له..
لكن ايد ابتسام مسكت الصوره بعنف.ورجعته بالألبوم..وهي لازلت تدمع..
جاها صوت عزيز وهو يترجاها \ابتسام..أبي الصوره عطيني أها..هذه حقتي..ابتسام..!!
صرخت عليه ابتسام غصبن عنها وهي تبي تسكته\لا هذه مو صورتك..!!
فتح عزيز عيونه وهو مش راضي يستوعب\لا هذه صورتي...عطيني اياها..وبدى يصيح مثل ألأطفال..!!
انزعجت منه ابتسام وقررت تعمله\أسمعني.هذه صورة..صورة يـــوسف..!!
سكت عزيز وعلى طول سألها\..منوا يوسف..!!
وصابتها رجفه بلفظ الكلمه\أخــونـــا...!!
فتح ثمه عزيز وتفاجأ\أخــــونــــا..!! أنا عندي أخو مثل الوليد..!! انزين ليش مايجي.خليه يلعب معاي..وين هو اللحين..!!
ماردت عليه ابتسام..!!
شتقول له..!!
تقول ماتدري..!هوحي ولا ميت..!!
وسكتت وهي تتألم..
وورجع يسأل\وينــــه..!
ابتساموهي تبي تسكته\مـــادري..مادري؟؟
ومش قارد يستوعب\شلون ماتدرين..!!
ابتسام\يوسف مسافر..وبيرجع بعدين..!!
عزيز\وين سافر..!!
احتارت..وزاد الجرح كبرصار عميق اكثر من الأول..
هزت كتوفها ودموعها تسيل\ماأدري
وعزيز ماقدر يسكت..فرحان لأنه عنده اخو ثاني وكله حسباله أنه صغير لنه يفكر انه الصوره جديده..وبنفس الوقت متفاجا ويبي يعرف اكثر عن أخوه ..ومابقى سؤال الا وسأله لأبتسام..وابتسام ساكته..وماعندها الا كلمه وحده..مـــــاادري..هذه الكلمه اللي طلع منها عزيز..لكنه مش قادر يخبي فرحته.!!
ياما تمنى يكون عنده أخو صغير..مثله يلعب ووينام معاه..واللحين صار عنده..!!
فرح كثير..وتحمس بشوفته..
وقام يركض بالصاله وينط نط بفرحه ويقول\عندي اخو...عندي أخــو...
وابتسام تشوفه وتتمنى أنه يسكت ...
لكن عزيز زادت فرحته وهو مو حاس بدموع أخته اللي ملت وجهها..
لمن سمعت صوت التلفون وردت عليه عليه طول بصوت مخنوق\الو
هيثم\الو
مسحت دموعها اللي زالت تنهمر وحاولت تعدل نبرة صوتها الغليظه\الو..منوا..
هيثم وحاول يسمع بكل أفضل\السلام عليكم..
ابتسام عرفت هالصوت لكن لسه ماميزت\وعليكم السلام..
هيثم \شخبارك ابتسام..
ابتسام بحزن فظيع وهي تمسح دموعها\..
هيثم وحس أنه تصيح وتهور بدافع انه ولد عمها\ابتسام..شفيك..
تفاجأت ابتسام..يعني حس فيها..حاولت تاخذ نفس طويل وتعدل صوتها لكن ماقدرت وضاع صوتها وهي تصيح\مافيني شي..
هيثم عرف انه غلط يوم سألها وهو مو من حقه عشان كذا حاول يغير الموضوع\طيب..اذا ماعليك أمر عطيني رقم الوليد..ابي أتصل فيه..
ابتسام\ان شاء الله لحظه بس..
راحت ابتسام تجيب الرقم من غرفتها وهي تركض فتحت رفها اللي كان جنب سريرها وخذت الورقه وجلست على السرير وخذت منديل تمسح دموعها ونزلت تحت \الو..
هيثم\هلا..
ابتسام\اكتب الرقم.....وأعطته الرقم
هيثم\مشكوره..
ابتسام\العفو..وانتظرته يقول مع السلامه..
هيثم\أحم..ابتسام اذا محتاجين شيــ...
ابتسام وقاطعته لأنها مو محتاجه وخصوصا هاللحظه شفقه من أحد \ماتقصر ياهيثم..مع السلامه..
هيثم سكت وهو شوي عصب..ورد بسرعه\مع السلامه..
واول ماسكر رمت نفسها على الكنب وضمت الصوره لها ورجعت تصيح على يوسف..وعلى أمها اللي فقدتها..
وخلوها لوحدها..
وحيده..وحزينه..
ومحد بيحس فيها..ولا بيمسح دموعها..
==========
عطاها المختصر المفيد..وقالها جيبي من الأخر..!!
منو غلا..!!
وخبرته راوين بكل شي لأنها عرفت أنه سمع نهاية الحوار اللي بينها وبين أمها..!!
ومايدري ليش شعر انها هي البنت اللي يتلاقى وياها بالصدف..
احساسـ..
واحساسه هالمره كان قوي..لأنه كان متوقع خمسين بالميه أنه بنت عمه..
ولأنه حظوره طاغي..واسلوبه جذاب..ارغم راوين بــأنها تتكلم عن شخصية بنت عمه..وكانت حجته أنه فكرة الزواج عجبته..
وطبعا راوين من خوفها تكلمت بشكل بسيط ..وقلبها كان مقبوض ..ليش؟؟ماتعرف..!!
وبعد ماسمع تركي اللي يبيه..واكتفى بالقليل سكت اخته\خلـــص..
راوين وتبلع ريقها وحست بالجفاف\ان شاء الله..
ناظره تركي نظره غريبه..مافهمتها..لكن خافت منها كثير..واكتمت انفاسها غصب..وظلت ماسكه ايدها وشاده جسمها على الكرسي ..
تركي باسلوب هادي وعيونه متركزه على الفراغ اللي قدامه\غــلا...اسمها..غــلا....
راويـن
راوين بخوف\هلا
تركي\شفتي غلا..
راوين\أيه..
قام من كرسيه واحنى ظهره مقابل أخته وشد على كرسيها\أبي اخطبهــا...
اتسعت عيون راوين وهي تناظر تركي..
يعني كان من صجه..!!
يبي يتزوج..
وتركي يوم خذ اللي يبيه طلب من أخته تطلع..
وبالفعل طلعت راوين..
وهي مندهشــه...ومنصدمــه...!!
تركـــي يتـــــزوج..!!!؟؟
الصفحة الأخيرة
++++++++++++
يوسف\ســـــلام..
رمى يوسف جاكيته على جنب..وفصخ جوتيه وغط كل واحد على صوب..وراح المطبخ التحضيري وهو يحس بالعطش يبي يشرب شي..ومالقى غير قرشة ماي بـ باب الثلاجه....خذها..وشرب منها..
بدى لؤي بالكلام..ويتمنى يعرف وش صار بين يوسف والدكتور سمير..\أقول يوسف..ماقلت لي وش سويت مع الدكتور سمير..!!
حب يوسف يلعب باعصاب لؤي..ناظره بنظره غريبه وظل ساكت..ويوم حس باظطرابه..تكلم وهو يتقدم صوبه له\مافي شي يستحق الذكر....!!انت شفيك مانمت..مو من عوايدك..!!
ابتسم لؤي ابتسامه مو من خاطره\كنت انتظرك..
جلس يوسف جنبه ومسك ايده وتكلم بهدوء \ليش..!!تبي تعرف شي معين..!!
أستغرب لؤي علامه يوسف..مو هذا أسلوبه..معقوله قاله شي الدكتور سمير..!!عزة الله رحت فيها يالؤي شكوك يالؤي؟؟
لؤي\يوسف..يوسف..يوسف..اذا عندك حجي قوله..لاترفع أعصابي..
ضرب يوسف لؤي بالمخده اللي جنبه وهو لازال ماسك ايده..يحس بالأمتنان له..لكن مش قادر يعبر..يحس كل قواميس العربيه أنمسحت..
مايعرف كيف يشكر لؤي..
وده يضمه...يضمه هاللحظه ومايفكه ابدا..لكن أكيد بيسال ..وبيشك..!!وهو مايبيه يعرف..تنهد يوسف بعمق براحه وعيونه كلها حب وهوى لــ لؤي
ظحك لؤي على تنهيدة يوسف الطويله وعرف انه وراه شي.وفضوله المثير بيقتله\يوســـــف علامك..قول الزبده..شعندك..
يوسف بكل هدوء\..أحبـــك يالؤي..أحبـــك ياأخـــــوي..!هذا اللي عندي .. وهمس..فهمت اللحين..!!
كل الشكوك اللي في بال لؤي كانت صحيحه..يعني يوسف درى وماكبر الموضوع..يعني راضي....
أرتاح لؤي..وماقدر يقول شي.ولأنه متوتر ومش عارف كيف يتصرف..قام من مكانه على طول...لكن أيد يوسف مسكته مره ثانيه ووقف قباله.. وظل فتره طويله يناظر لؤي وكانه يشكره على كل شي فعله له يشكره على المأوى..والمسكن..والطمانينه والراحه..والحب..وألأخوه....وضمه على طول بدون أي كلمه..
ولؤي هنا ماقدر يستسلم وفتح ايده وضمه اكثر واكثر..
لكن ليش يحس بفراق يوسف..!!
ليش...!!
خانته دمعته وهو يتخيل فكرة انه يوسف يبتعد ويرحل عنه...
.وعلى طول مسحها وهو يدعي ربه أنه مايفرق بينهم الا المــوت
++++++++++++
الوليـــــــــــــد...!
طاحت قوى جمانه على الجدار اللي قبالها والسماعه لازالت باذنها....وهي تبي تتنفس..تحس بصعوبه في التنفس....
ماتدري تفرح..ولا تحزن..
ماتدري تبكي راحــه..ولا تبكي قهر..!
الوليــد كلمها..
الوليد ماجطلها..مانساها..ماطنشهـــا..
الوليـد وفى بوعده..
أكرهك يالوليد أكرهــــك..
الوليد متلهف على صوتها..وحتى على خنقاتها تلهف عليها.. وحب يسمع أي شي منها..وبيكتفي بالقليل..حتى لو همس منها\جمـانه.. تسمعيني..!
ماردت جمانه..وعرف الوليد أنها زعلانه..لكن أحساسه خطأ..
جمانه مش قادره تتنفس يالوليد..
خذ على خاطره وتضايق لأنها فهمت اللي تبيه وهو لسه مابرر موقفه ولاحكى..\طيب جمانه لاتتكلمين سمعيني بس..!!بتسمعيني صح..!!
واخيرا ردت لأنها فعلا تبي تسمعه..وجلست على السرير وهي تجاهد الهدوء\..اسمعك..
فرح شوي لأنها مابدت بالهجوم..ونزل من المدرج اللي بالملعب بخفه ووقف شوي عشان ياخذ نفس.. وكمل\أنتي أكيد تبين تعرفين ليش أنا كنت ابي أكلمك..وأكيد ابين تعرفين ليش ماوفيت بوعدي....
ظلت جمانه ساكته وكان هذا مو من صالح الوليد لأنه حتى هو منحرج ومش عارف كيف يبدى معاها..قوى نفسه وخذ نفس وتكلم عن كل شي\..أممم شوفي جمانه أنا بكون صريح معاك..لكن ارجوك لاتفكرين أني جريء لهدرجه..ورق صوته..صدقيني ياجمانه أنا مرغم أني اكلمك بهالموضوع..يعني بلييز لاتفهميني غلط..
وبدون شعور نطقت جمانه \تكلم الوليد..اسمعك..!!
وبهالكلمتين السحرتين الوليد عرف كيف يتكلم وكأنه منتظر الأجابه من جمانه\..أنا ماأدري أذا أنتي تدرين ببعثتي والا لا..!!ويمكن تدرين..!!لكن اللي أبي اقولك اياه..أني أمس جاني الخبر أنهم قبلوني في الجامعه اللي مختارها..وكنت حاط في بالي أني أدرس هالسيمستر هنا والثاني بامريكا و أتفاجأت أنهم قبلوني بهالسرعه..كنت متوقع المسأله تطول أكثر.و طبعا شي طبيعي أني بطول بالدراسه.. يعني بجلس تقريبا 4 سنين..4 سنين بهاجر عنكم..والله يعلم وش بيصير بــ ألأربع سنين..
جمانه حست انه قلبها اللي يتكلم هالمره\لازم..!!لازم تســافر..!!
ابتسم الوليد..وارتاح..يعني جمانه تحاتيني..!!متقبلتني..قوليها ياجمانه وريحيني..\أيه لازم اسافر...واذا تبين تعرفين ليش..أسألي ابتسام هي بتقولك..هذا مو صدد حديثنا اللي أبيك تعرفينه أنــــ....وسكت ثواني..وتكلم بصعوبه..والله مش عارف اشرحلك..
أنــا..وانتي..أممم..آآآه.. أنتي..وووأنـــــا..وغمض عيونه وقالها بسرعه..جمانه أنا أبي أخطبك رسمي..!!
\
\
\
شنوا..في هواء..لا مااظن..انه في هواء بالغرفة..جمانه سحبت الهواء كله..
خبت وجهها بالمخده ورمت التلفون بعيد عنها..
وظلت تتمتم في داخلها..لحقوا علي.
الوليد يبي يخطبني..
يــــــاويـــلـــــــــــــي..
والوليد بالجهه الثاينه يتكلم ويناديها كذا مره.وهي مو بوعيها..واستدركت الموضوع..الوليد لسه على السماعه.. ورفعت وجهها عن المخده وهي ترفع غرتها اللي دوم تشتكي منها....وومسكت التلفون باقوى ماعندها..
الوليد\جمانه..جمانه..جمـــانه..وينك..!!
بهدوء ردت لكن وقلبها كأنها معركة خيل من سرعة نبضاته\انا موجوده الوليد..!
ارتاح الوليد..خاف انها تسكر السماعه بوجهه..ركب سيارته بعد ماطلع من الملعب وشغل المكيف كله ورجع ظهره لورى\طيب ليش ماتردين..!!(سؤال غبي)
كرهته هاللحظه\..يعني شتبين اقول..!!
ظحك الوليد وكمل براحه\لاتقولين شي..يكفيني سكوتك..!!
ماتت جمانه..وماعرفت ترد اللحين..
صاير قوي وقليل أدب وماخذ راحته حيل..
وعشان تهرب من الموقف بتقوله انها بتسكر ..صحيح هي لحد اللحين ماعرفت ليش تأخر بمكالمته لكن مش قادره تكمل معاه..الموقف صار كبير عليها..والوقت تاخر\الوليد أنا مظطره اسكر اللحين..
رفع الوليد ظهره وبدى يحس أنه الوقت ضاع عليه\ليش..انا ماخلصت كلامي..
احتارت جمانه ودها تكمله.وودها تسكر...واسكتت..مش عارفه كيف تتصرف
وكمل الوليد\جمانه..ارجوك سمعيني للأخير..وصدقيني بتكون هذه أخر مكالمه وصدقيني ماراح اظغط عليك اكثر ..لكن عطيني دقيقتين أقول اللي عندي واسكر...اتفقنا..!!
جمانه واستسلمت لكلام الوليد وهي تتمنى تسكر قبل ماتنفضح بصوتها اللي كان هايم عكس طبيعتها\طيب..
بدى الوليد يسترجع الأحداث\أنا بعد ماجيت من البحرين كلمت ابوي عن الموضوع..موضوع بعثتي لأني كنت مرغم خصوصا انه ماعندي الوقت الكثير......وموضوعنا.. وابتسم وهو يعرف أن جمانه اللحين بتنحرج وكمل على طول ..لكنه صدمني لأنه رفض..رفض أني أخطبك واسافر..لأنه..لأنه خايف تنعاد الكره مره ثانيه..ويصير فيني اللي صار بأخوي...
انا ادري أنا موضوعي مختلف..لكن أبوي جرحه ماطاب..ولاراح يطيب الا اذا شاف ولده بحضنه..وسكت دقايق..وهو يحاول يرش الملح على جرحه وجرح ابوه..
المهم
أنا ماأبي ردك اللحين..أبيك بس تنحطين بالصوره..ومسألة أبوي بحلها باذن الله.
والسفره بسافرها..لكن اتمنى انه الوقت اللي ٍاسافر فيه فترة تفكير لك وتردين علي بأقرب فرصه..واذا علي أبوي لاتخافين بقنعه وان شاء الله يوافق..
واللحين ماأطول عليك..بكره وراك جامعه.. وابتسم من ورى خاطره...مبروك ادري أنها متأخره..لكن أعذريني. كنت ضايع ومحتار طول هالأسبوع..وماأرتحت الا لمن قلت لك كل اللي عندي..وسكت فتره..
واللحين اخليك.. تصبحين على خير..مع السلامه....جمانه..وقفل السماعه..وماأنتظر ردها..يمكن يبي يهرب..وهذا المتوقع..مايبي لايسمع رد..ولاتعليق على الموضوع..
استيعاب جمانه قل هاللحظه....
تبي تفهم اللي قاله الوليد وماقدرت..
تبي تركب هالجمل اللي رماها عليها,,وحست بصعوبه شديده..ماتدري هل صعوبه بألأستيعاب...أم صعوبه في عدم التصديق..
تركت الجانب الحلو بالموضوع.وظلت تفكر في الجانب السيء..
او نقدر نقول الحزن اللي بالموضوع طغى على الخبر المفرح اللي بشرها لها الوليد..
عمها مو راضي يزوج الوليد عشان يوسف..
عمها لسه ينتظر يوسف اللي مايدرون هو يمت والا حي..
عمها يخاف يتعرض الوليد مثل اللي تعرض له يوسف..
آآآه ياعمي..يعني جرحك ماطاب..مامسحته السنين..ماانهته الأيام..!؟
ظلت تفكر وتفكر وتفكر وحزنها عشان عمها نساها كل أحلى خبر..
خبر كل بنت تفرح فيه من زمان
وكيف اذا صار بحبها اللي فجرته الطفوله..
حب الوليد..
مانامت جمانه..ولاذاقت طعم الراحه..!!
كيف تنام..كيف يغمض لها جفن وهي تدري بصعوبة موقف الوليد..وهي تدري أنه بين نارين..
وهل عيونها بتنام اذا درت انه في شخص عيونها ماتنام..أعترفت بين وبين نفسها أنا عمها اكيد ماينام..واذا نام ينام عشان ينسى ويرتاح
ياما تمنت تفسر النظره الحزينه اللي بعيون عمها و ابتسام والوليد..واثاري هالنظرة نظرة الم وفراق..
وتأكدت وايقنت..انه همومها بسيطه تافه...سخيفه...قدام هموم عمها اللي ينتظر خبر يوسف..!!
وتذكرت الوليد..
الوليد..حسته يبي يتكلم.يبي يفضفض اللي فيه.. يبي يفرغ ..لكن جمودها والخبر الصعب اللي تعرضت له..خلتها صامته وما قّدرت موقفه...ولا قدّرت ألمه..
وزاد همها همين..هم الوليد وعذابه..وهم عمها المريض..أيه مريض..أيقنت انه مريض..ومراح يشفى الا بوجود نظر عينه..يوســف..!
اشرقت شمس الصباح..واعلنت يوم جديد بحلوه ومره..
وكثير أحلموا بأمل لبكره..وكثير خافوا من الم بكره..
لكن مين الرابح..!!
وايش الربح..!!
+++++++++
صحيت اليوم وانا ودي اروح الكليه..لكني ماقدرت وخصوصا لأني أعاني بالأرهاق والتعب يزيد يوم عن يوم..فقررت اني أروح بكره واكيد مافي شي مهم اليوم عشان اتعنى له..أتجهت المطبخ عشان أحظر فطور سريع لأحمد..وسويت له خفايف بسيطه وحطيتها عالطاوله على طول وناظرت الساعه وكانت سته ونص..ياربي تاخر كثير.شفيه ماصحى..!!
ناديته وانا متجهه للمطبخ عشان اجيب له الحليب\أحمـــد..أحمـــد..
وبعد فتره حسيت بازعاج بالصاله وعرفت أنه صحى من النوم..حملت اكواب الحليب ودخلت الصاله وفجأه حسيت بدوخه وألأكواب بيطحون مني لكني تداركت الأمر على طول وتسندت على الجدار ويوم حسيت أنه الدوخه زالت شوي رحت لأحمد وانا أحاول أني أبتسم عشان مايقلق علي...\صبــاح الخير,,شفيك ياأحمد تأخرت..!!
قرب مني وعرفت وش بيسوي وعلى طول غمضت عيوني منحرجه وباسني على خدي كالعاده\صبــاح الخير..شسوي لك أنتي اللي ماصحتيني بدري..!!وضحك وبدى ياكل...
سويت نفسي أني مو منحرجه لكني أعرف أنه يحس باحراجي حتى لو قالي كلمه حلوه...حاولت غير الموضوع وتذكرت أني أبي أزور اهلي اليوم\أحمــد..
رفع عينه وابتسم\عيون احمد..
وثاني مره انحرج..ياربي كاني ناقصه..قاومت مره ثانيه\في وقت البريك حقك أبيك توديني بيت اهلي من زمان مارحت لهم..!!
أحمد\لازم..!!
ابتسمت له\أيه لازم..وسكت وعرفت انه راضي..وسكت أنا وصبيت له كوب حليب وأول ماصبيته حسيت بالدوخه مره ثانيه وهالمره دوخه قويه وماقدرت استحمل ..أحس كل شي يدور حولي وأنفلت مني الكوب..وطاح على ألأرض..
سمعت صوت احمد يجيني من بعيد وحستيه ماسك كتوفي ويهز فيني..لكن الدوخه عملت فيني عمايلها وماقدرت أسوي شي..وغمضت عيوني عشان أخفف الدوران اللي براسي ويوم فتحتها لقيت احمد يشربني ماي وبعيونه خوف وحيره..
ياربي شفيني..!!
أحمد\سمـــاح..قومي..قومي حبيبتي بوديك المستشفى..!!
تضايقت...مااحب أسمع طاري المستشفى..حتى لو كانت صحتي متدهوره\..لا أحمد..ماله داعي أنت وراك دوام وتاخرت عليه..وانا مافيني شي..دوخه وبتروح..!!
لكن أحمد ماطاعني..\مو على كيفك..!!وقام..وانا تسندت على الطاوله..أبي بس أغمض عيوني.وارتاح..!!وماحسيت الا باحمد ماسكني ويلبسني العباه..\ياربي أحمـــد..ماأبي أروح المستشفى..!!ماأبي..
أحمد\سماح لاتجنيني...لازم تروحين..أنا اصلا ملاحظ عليك التعب من زمان..بس ساكت لك..
وطعت اوامره..أنا فعلا تعبانه..تعبانه كثير..لكني أقاوم..وهذه مو أول أحس بالدوره..لكني ماأحب المستشفى..ليش مايفهم ليش..!!
طلعنا من الشقه وركبنا السياره..وشفته يكلم بتليفون وشكله يكلم الشغل..غمضت عيوني وانا ابي أنام..وماتهنيت بغفوتي لأنا وصلنا المستشفى..نزلنا من السياره..ودخلنا على الطوارىء وجلسنا ننتظر دورنا..ولأني مش قادره أسيطر على نفسي..طاح راسي على أحمد بدون شعور..
أحمد\سماح..فيك شي..!!
قلت له بصوت واطي عشان مايستهم علي \لا مافيني شي أحمد..لاتخاف..!!
++++++++++
داومت اليوم بالجامعه..وليتني ماداومت..ضيعت وقتي على الفاضي..مجرد تنزيل جداول وفوضه مالها داعي..
أحس بالنوم يداهمني ويعتصرني من كل جهه..كم مره غمضت عيني وغفيت وانا مش حاسه بنفسي..وماأصحى الا بضجة البنات اللي حولي..مسكت التلفون وانا أترقب مكاملة غلا..والأخت مسويه لي طاف ولحد اللحين ماشفتها..مالت عليها ..!!يعني سوتها وبتخليني لحالي السخيفه..!!أوووف..
شسوي اللحين لحالي..!.!والمشكله هذه مش عوايدي..أنا اذا رحت مكان ماأجلس ابدا..دايما أتحرك وامشي وأظحك واسولف..لكن احس اني وحيده..مافي أحد معاي...حتى صديقاتي اللي كانوا معي بالدفعه تركوني وتفرقنا وكل وحده راحت تدرس بمكان ثاني..
ظليت فتره أناظر اللي رايح واللي جاي..ودققت عيني على وحده تضحك بصوت عالي وتتحرك وهي تتكلم..ومسيطره على الجو كله..وكانت معطتني قفاها..ويوم لفت عشان تسلم على البنت....شفت أنها غلا..بنت خالي..!!وعرفتها من شعرها اللي يدوم فاتحته و ناظارتها اللي دوم أضحك عليها.. نظارتها أكبر من وجهها..!!امحق موضه..!!
ظحكت عليها..!!حتى هنا ياغلا بتسيطرين على الجو..!!أثاريك منتي هينه يابنت خالي,,!
وشفتها تلف على جهتي ..وبعدها أستأذنت من صديقاتها... وجاتني تضحك وتركض وتصرخ..!!ياربي فشلتنا..!!
غلا\جمـــــــانه..!!هلا وغلا..أسفرت ونورت بــ بنت عمتي الخبله..!!
قمت لها عشان اسلم عليها \والله ماغيرك خبله..!!..ليش ماتردين على تلفونك..!!
غلا\يووه نسيت أني حاطته على الصامت..!!شخبارك..!!
ابتسمت لها من ورى خاطري\زفت..ياختي طفشت أبي أرجع البيت..!!
غلا بنعومه وهي متوقعه كلامي\لأنك اول يوم.وبعدين بتتعودين على الجو..!!فطرتي..!!
تذكرت أني ماشربت غير ماي وانا بالبيت\لا مافطرت..!!
مسكت ايدي وصرخت بدلع\أجل أمشي نروح الكافتيريا..!!
وقفتها وقلت\وصديقاتك..!!
ابتسمت بخبال على غير العاده\بالطقـــاق أمشي..انا اليوم عازمتك على حسابي..!!
ومشينا مع بعض..وحسيت اني طفله صغيره..وغلا هي اختي الكبيره اللي تجرني وراها..مدري شفيني..مش عاجبني هالجو..!!
يمكن زي ماقالت غلا هذا أول يوم..وبعدين بتوعد..!!
كل شي جايز..!!
+++++++
مبروك يامدام..أنتي حامـــــل..!!
كررت الكلمه اكثر من مره..سماح حامل..حـــامل مني..ياربي كم انت كريم
لفيت وجهي عليهاوشفت الفرحه بعيونها..ولولا الحيا كان ضميتها..
مشاعر غرييه..مشاعر غريبه امر فيها..!!وكلها تغمرني سعاده..!!
الدكتوره\أنا بكتب لك شوية فتامينات وأبيك الشهر الجاي تراجعيني عشان أطمن على صحتك..!!
وطلعنا من المستشفى بعد ماخذت الأدويه من الصيدليه..وركبنا السياره..وانا ساكت..وسماح ساكته..
مش عارف كيف أتصرف..أول مره أمر بهالموقف...وفرحتي سكتتني..ومشكلتي ماأعرف أظهر مشاعري بوقت الفرح..!!
لكن مستحيل..مستحيل أخلي هاللحظه تمر عابره..مستحيل..!!
وصلنا الشقه وطلعنا بالمصعد ..ودخلنا اخير الشقه..!!
وشفت سماح بتدخل غرفتها..لكني على طول مسكتها وضميتها بكل قوتي فيني حب كبير وابي أفرغه كله لها..لها لوحده.. وهمست باذنها\مبـــــروك حبيبتي..مبروك علينــــا..ماتتخيلين قد أيش أنا سعيد..!!بجـــن ياسمـاح بجن من فرحتــــي..!!
سماح بهمس\وانا اكثر ياحمد..واكثـــر..من زمان وانا اتمنى أجيب طفل منك..!!
بعدت عنها شوي..ومسكت وجهها بأيدي الثنين..وشفت دموعها\ليش الدمــوع..!!
سماح وعيونها تلمع\من الفرحــه..من الفرحـــه ياأحمد..!!
ضميتها ثانيه وانا ودي أدخل بروحها..ونكون جسد واحد نموت ونحيا مع بعض..وغمضت عيوني براحه..!!
وظلينا فتره ساكتين واحساسنا بالحب كل ماله ويكبر بداخلنا
وبعد فتره..
سماح\أحمد..منت رايح الدوام..!!
تضايقت..لازم اداوم..لكن سماح..ماأقدر أخليها لحالها..!!وتذكرت انها تبي تروح لأهلها\تبين تروحين لأهلك اللحين..!!
سماح\ياليت عشان أبشرهم..!!
وابتسمت لأني تطمنت عليها\خلاص أجل..بوصلك قبل ماأداوم..!!
++++++++++
ظليت فتره حاط ايدي على الكيبورد واضرب بهالأرقام اللي محتاجه تخزين..
وتذكرت أني لازم اروح دبي هالأسبوع..في أجهزه نازله جديده ويبيلي أطلع عليها..!
لكن الوقت ضايع..ضايع علي..ليش ماأدري..!أبي أركز..!!
ركز ياتركي..ركز.!!
فصخت النظاراه ومسحت على وجهي بضيق..شكلي باخذ أجازه يومين..!!
لكن مالي وجه ..توني طالع من أجازه..ومدير البنك صاير لعين هألأيام..!
خلاص..مافي الا بالويك اند أروح دبي وارجع الجمعه باللليل..
هذا أريح حل..والمحلات بيشرف عليها مبارك..!
ناظرت الساعه بملل..بقى ساعتين على البريك..!!
طلبت لي كوفي عشان اصحصح..وحاولت أِشتغل وانا تفكيري كله البنت اللي شفتها في بيت عمي..
ارحمني يارب..ماأبي أفكر فيها.!
ليش هي بالذات..ليش..!!
قطع على تفكيري..صوت تلفوني..رفعته على طول لأني عرفت مين المتصل
تركي\هلا
مبارك\هلا تركي.شخبارك..!!
جاوبته بضيق..أخباري زفت..بنت لاراحت ولا جات شاغله بالي\تمام..وينك انت.!
مبارك\توني طالع من البيت بمر المكتب..وبعيدن بروح المحلات..!
تركي\أوكي..حلو..
مبارك بهدوء\أقول تركي..!!
وسكت انتظره يكمل..مالي مزاج ازيد في الحكي
مبارك\اليوم أبي أِشوفك..عندي موضوع وودي أكلمك فيه..!
ولأني ماحب التأجيل بالمواضيع\خلصنا مبارك..شنوا عندك..!!
مبارك\ماينفع تركي..لازم اشوفك..!!يالله مااطول
ولأنه مالي خلق اتجادل معاه سكرت على طول..ولا سلمت..!
ورجعت اكفر بهالمفعوصه اللي شغلت بالي...!!
++++++++
بشرت امها بحملها..وفرحت كثير..ياما تمنت تشوف حفيد لها..واليوم حققت لها امنيتها..لكنها ضايقتها يوم قالت لها عن سميه..!!صار لها يومين حابسه روحها بغرفتها ومش راضيه تطلع..
راحت لها وهي ناويه تبشرها..أكيد بتفرح لها..
دقت باب الغرفه وشافته مفتوح..وحمدت ربها لأنها ماراح تتعب عمرها بالدق مثل امها وهي تتعب من كثر ما تدق عليها الباب..
واول مافتحته..شافت منظر يقطع القلب..منظر ممكن أنه يذوب الصخر..ويمرض الروح الساهيه التعبانه..
شافت أختها سميه جالسه على ألأرض بزاوية الغرفه وضامه رجولها بحضنها ومنزله راسها وشعرها متناثر على جسمها كله..
أبدا...ابدا..ماتوقعت يجي يوم وتشوف أختها بهالمنظر..ماتصورت انها حزينه لهدرجه..
حستها ميته..بدون قلب وروح ..وجو الغرفه البارد كمل الناقص وزاد الهم والغم كثر ماهو موجود...
حست بالبروده والجفا تتخلل أعظامها...وماقدرت غير أنها تنحي ظهرها وجلست قريب منها وعيونها متحجره..متحجره دموع على حال أختها اللي وصلت له...
وماقدرت غير تنطق بأسمها..وكانت تعني كل حرف تقوله\أختــــي..أختي سميــه..!!
رفعت وجهها سميه..وحست باأختها..
ياللــــــــه..من متى ماسمعتها منك ياسماح..!!
تقولين أختـــي..متأكده أني أختك...!!
هذا اللي كانت تنطق فيه سميه..لكن ماسمعتها سماح لأنها كانت تهمس بداخلها..وماتبي أحد يحس بضعفها اللي يهد حياتها يوم ورى يوم..!!
طال سكوت سميه بالنسبه لسماح..وهذا الشي خوفها..واربكها..
تبي تقول شي..!!توقعت أنه هالكلمه بتهزها..لكنها ماتاثرت...وظلت جامده بدون حركه..
وهي بداخلها..براااكين ثايره..وتنتظر مين يخمدها..!!
رجعت سماح مره ثانيه وهي تحاول أنها تثير عواطف سميه بحنيتها وحبها الواضح بمعالم وجهها..ومسكت ايد سماح اللي كانت حاظنتها واول ماصار التماس بين الطرفين صرخت سميه\طلعي..بره..أنا مو مجنونه...اطلــــــــــعي بـــــــره..!!بــــــــــره..كلكم تكرهونيز.كلكم ماتحبونيز.ليش...! أنا شسويت..!!
تدرين عاد حتى أنـــــا أكرهكـــــــــم..!!بـــــره..طلعي بــــــره..
تكرهها..!!اختها تكرهها..
موقف صعب..موقف صعب اللي تمر فيه سماح..اختها تطلب خروجها..خروجها من حياتها اللي بدت تنتهي..وتكرههـــــا..
هي تعرف أنه سميه شخصيته صعبه وغامضه..لكن ماتوقعت توصل لهدرجه..!!تذكرت انها تبي تقولها عن خبر حملها..وقلبها اعتصر حزن والم..وهي تدري أنه أختها مش فرحانه لها..
اختها الوحيده..ماتفرح لها..!!
وهي شكلها نست أنه متى اختها أصلا فرحت لها بشي..!!
أجل منوا لازم يفرح..!!
تمنت من زمان أنه يجي يوم وتتصلح علاقتها مع أختها..لكن كل مالها وتتدهور أكثر واكثر..وكل مره يكبر الحاجز..وتطول المسافات...والجفا والبعد هو عنوان أخوتهم..!!
كل مره تسأل نفسها هالسؤال..!!
ليش..!ليش هالبعد والجفا لي بينها وبين أختها..!!
ماتذكر انها أساءت لها..ولا غلطت عليها يوم من الأيام..!
لكن شخصية اختها الحقوده نفرت كل الناس منها..وأولهم زوجها اللي تركها بدون سبب ظاهر ممكن يسكت فم كل من يتكلم عليها,..!!
وهي تعرف ومتأكده أنه السبب الأول وألأخير أختها..!!
وأحتارت تطلع وتترك اختها..والا تجلس وتواسيها..!
وبين تفكيرها وحيرتها صرخت سميه للمره الثانيه..وهالمره وكانها ريح هايجه تبي تقضي على أي أحد قدامها\أنت ماتفهـــمين..ماتسمعين..قلت أطلعي بـــــــره..بـــــــــره..ذبحتونــــــــي كلكم بـــــــــره...بــــره..
وطلعت سماح من غرفت أختها وهي جاره أذيال الخيبه والألم..حست بتعب خفيف وتذكرت أنها ماخذت الدواء..وتضايقت اكثر..
ورجعت تاخذه... وهي تحاول تتناسى جبروت اختها..وتفكر بأحزانها ومرضها اللي قتل كل شي حلو فيها....
ونست فرحتها بحملها..ولا تهنت فيه..!!وصغرت الدنيا بعينها..!!
وتمنت أنها مادخلت عندها..ولاسمعت كلامها اللي حرق سعادتها..
ياترى مين اللي ظلمه القدر !..سميه الحاقده..والا القدر اللي زرع الحقد في قلب سميه...!!
+++++++++
طيب وش الحل..!!
الوليد\ماأدري..ماأدري ياأبتسام..صدقيني مافيني حيل..وعندي أكثر من شغله لازم اسويها..!!
ابتسام\طيب ليش أنت ماتسافر..واذا خلصت تعال واخطبها..!!
تضايق الوليد..!!شيقول لأخته..!!يقول لها خايف يروح وتنخطب لغيره..!!والا يقول أنه يبي يخطبها عشان يطمن ويرتاح..!!
لكن يحس انه ولا سبب من الأسباب اللي ذكرهم مقنعه..
وسأل نفسه..انا ليش أبي أخطبها..!!
ليش مأأصبر..!!
الكل يعرف انها بتكون لي يوم من ألأيام..!!
لكن هو عنده مخططات ثانيه..!!
مايقدر يصبر يبي يخطبها ويرتاح...
من حقه..!!
الوليد\وانت مفكره اربع سنين سهله..!!ياربي ليش..محد راضي يفهم..!!
قربت ابتسام من الوليد ولصقت فيه وابتسمت له وهي ناويه تجننه\لهدرجه تحبها يالخبيث..!! وغمزت بعينها
عصب الوليد..فاضيه..اخته فاضيه..هو وقت حب اللحين..!!\ابتسام فكينا..مالي خلق لخرابيطك..وشوفي لي حل..أحس انه عقلي وقف..لازم أتخذ القرار بسرعه..!!
ابتسام\طيب الوليد..متى انت بتروح..!!
الوليد\يمكن 3 اسابيع بالكثير وبسافر..!!
ابتسمت أبتسام بالم..وأخفت حزنها غصبن عنها وبدون شعور رق صوتها وصار هادي\..3 أسابيع..!!
حس فيها الوليد..!!
معقوله بيصبر على فراق أهله 4 سنين..!معقوله تقدر يالوليد..!!
لكن لازم ..لازم تقاوم..!!
انت رايح عشان اخوك..!
لازم تدوره..لازم,,!!
ابتسام\كيف تقدر..!!كيف بتقدر تغيب عنا 4 سنين..!واخنقتها العبره وماقدرت تكمل
ابتسم الوليد بحزن\بجيكم..بجيكم ان شاء الله أيام العطله...ولاتخافين ماراح أنساكم..!!وكل يوم بكلمكم..وبكون معك على الماسين..والا نسيتي..!!
حاول الوليد يخفف على ابتسام..!!بشتى الطرق..!!
لكن مايدري..هل هو يخخف على روحه والا على أخته..!!
اربع سنين صعبه..صعبه كثير..بس أيش يسوي ..غصبن عنه..!!
الوليد\ابتسام..سمعيني..احتمال الجامعه اللي أروحها يحذفون بعض المواد اللي درستها هنا..يعني ان شاء الله تقل السنين ..!!
وارجوك..خليك قويه..لاتضعفين..انتي اللحين اللي لازم تصمدين..وأنتي تعرفين ليش أنا بسافر..وتكفين..خلي بالك على ابوي..لاتخلينه يجلس لوحده...وحتى عزيز..خلي بالك عليه..وبتشوفين أنه السنين تركض..وبجيكم وانا حامل الشهاده..
دمعت عيون ابتسام ومسكت ايد اخوها الثنتين وهي تقاوم حزنها\لاتخاف..لاتخاف يالوليد..كل شي بيكون على ماهو..أنت بتروح وبترجع بالسلامه ان شاء الله..
وظحكت بين دموعها..وفيه وحده بعد شكلك نسيتها..ماتبيني أخلي بالي عليها..!!
وابتسم الوليد..وعرف أنه ابتسام تبي تغير جو الحزن\أنتي تعرفين..يعني ماله داعي تسألين ياحمــاره..!!
وظحكت اكثر...لكنها حزينه.ومش قادره تنسى انه أخوها بسافر ويبتعد\أيه هذا اخوي..طلعت على حقيقتك اللحين..مش من شوي صاير لي حنون..!!
وحاول يسايرها غصبن عنه\شسوي لك..تعودي على مزاجي..مره حنون..
وقاطعته على طول\وعشر مرات ثقيل وماتعطي وجهه..!!
++++++++++
سكرت أمي السماعه من احمد..وظليت انتظرها تتكلم..!!
مو من عوايده أحمد يدق هالوقت..!!
وليش أمي فرحانه هالكثر..!!
أكيد فيه شي..!!
فاطمه(ام أحمد)\تدرين وش فيه اخوك..!
بينت اني عادي مو مهتمه ..لكن ماقدرت وعلى طول تكلمت\شفيه..!!
فاطمه وظحكت \سماح حامـــل..!!
وصرخت زي الطفله اللي صارت عنده هديه ثمينه\صــــــــج..!!
فاطمه ولازلت تظحك\شتتوقعين يعني أكذب عليك وأنا بهالكبر..!
فجر\مبروك عليكم..يالله من متى وأنا أتمنى أشوف عيال احمد..!!
فاطمه\أجل شقول أنا..بيكون عندنا ولد صغيرون..!!
فرحــــانه..!!ياربي..يعل هالفرحه تكون دوم..من امس وانا احس بسعاده غريبه..والمشكله ماأعرف وش سببها..!!معقوله كنت متنبأه حمل سماح..!!\طيب يمه ليش ماخليته يجيب سماح عندنا..!!
فاطمه\قلت له..وقال لي هو بالدوام اللحين وسماح بيت أهلها..!وبكره ان شاء الله بيتغدون عندنا..
فجر\ان شاء الله..
فاطمه\بروح أبشر أبوك..أكيد بيستانس..!!
ظليت أناظر أمي وهي تطلع من الصاله وانا فرحانه لفرحها..كنت ادري انه أمي تتمنى يجي يوم وتشوف أحفادها..
وهاليوم كانت تتمناه من زمان..وتعد له الأيام عشان يصير..
كنت اذكر كلامها لي..وهي تقول متى بشوف عيالك يافجر..!!متى..!!
من 11 سنه..لكن الله له حكمه..ومستحيل نعترض عليها..
حاولت أنسى هالأفكار اللي تدور في بالي..واستمتع بخبر حمل سماح..
وطلعت فوق اجاري الزمن..وفكرت اني اكلم غلا وابشرها..اكيد بتستخف اللحين..!!
ودقيت الرقم..لكن ماردت..أكيد حاطته على الصامت..!!
كيفها هي الخسرانه..!!
++++++++++++
رحت الشقه بعد ماطلعت من الدوام..لكني شفتها مفتوحه..!وتذكرت مبارك..!اكيد جاء من المحلات بدري..!!
دخلت على طول وجلست باقرب كنب موجود بالصاله..وغمضت عيوني بتعب..
أبي أنام..هذا اللي جاء على بالي اللحين..
فصخت نظارتي والغتره.. واخذت المفاتيح والجوال وقطيتهم على الكنب..
وتوني بروح ألغرفه الا شفت مبارك بوجهي..!!
وشكله تفاجا أني موجود..!!
مبارك\متى جيت..!!
رديت عليه بتعب\توني جاي..وابي أنـــام تعبان..!!
مبارك\طيب ليش مارحت البيت ترتاح..!!
حكيت على شعري بضيق\لا مالي خلق أحد..قلت خلني أجي هنا وارتاح وبعدين أرجع البيت..!!وتذكرت شي..أيه تعال ..شنوا اللي كنت تبي تقوله لي..!!
حسيت بارتباك مبارك..!!شفيه اليوم مو طبيعي الرجال..!!والا أنا أتوهم هالشي..!!
مبارك\لا مايصلح اللحين..انت فيك النوم وتعبان اذا صحيت بقولك..!!
تسندت على الكرسي اللي قبالي بتعب\مبارك..أنت تعرف اني ماأحب هالأسلوب..ياأخي عندك حكي قوله..لاتصدع لي راسي..!!
مبارك\كيف تبيني أقولك وانت شوي وبتعطيني كف على وجهي..تركي انا أعرفك اذا مالك خلقك تكره الدنيا ومافيها..!!
تأففت من مبارك.!!مايفهم..يعرف اني ماأحب تطويل الموضوع..\أنت شكلك ماتفهم..مبارك...انا مافيني شي...قوللي اللي تبيه وفكني..
حسيته متررد..شكله فيه شي قوي..هديت نفسي ومسحت على وجهي..وجلست على الكرسي..وكرهت مزاجي المخترب..والمشكله أنه مبارك ماله ذنب..لكن هذه طبيعتي اذا كنت متضايق..اكره كل شي قدامي..\خلاص مبارك..أنا هديت..يالله قول اللي عندك..!!
جلس على الكرسي اللي قبالي ومن كثر ماهو متوتر ظل يحرك رجوله وهو مش حاس بنفسه..وبعدين نطق\أنا كنت حاب اخذ ريك بموضوع مهم..وكنت ابي اعرف ردك قبل ماأتقدم لكم.!!
ولأني مش قادر استوعب اللي يقوله سألته\كيف يعني..!!
مبارك واخذ نفس\تركــــي بدخل بالموضوع على طول..أنا أبي أخطب أختك على سنة الله ورسوله..وش قلت..!!
+++++++
أنتهـــــى