مشكوووووووووره ياااعسل روووووووعه
بس احسه مررره مختصر كنت طمعانه في بارت اطول
تسلم يمينك ياااحلوه

معليش بنات الجزء الثامن كنت بعدله وانمسح نصه
ماقدرت اسوي له تعديل هذا البارت والعذروالسموحه


الجزء الثامن
***********
***************

ابتهال : كيف ماعرفه هو فيصل
اخوي
**************
تولين : فيصل اخوك لاماصدق
قولي غيركذا
***************
ابتهال : غير كذا
**************
تولين : لاتكفين ابتهال والله اتكلم من جد
فيصل هو اخوك يعني ولد عمي
****************
ابتهال : أي والله انه اخوي بس ترى
والله يموت فيك من جد مويلعب
وبقولك شيء بس لاتزعلين علي
******************
تولين : قولي مراح ازعل
**************
ابتهال : ترى شافك وحنا طالعين
بس والله نيته زينه
****************
تولين : حطت يدها على فمها وصرخت
لاااا يا الله وليه ما قالتي لي
****************
ابتهال : هو قالي بس ترى هوناوي يخطبك
بس ينتظر ابوي يجي من السفر
شوفي هذي صورته اعطاني اياها
عشان تشوفينها
******************
تولين اخذت الصوره وشافتها خنقنها العبره
فديت اللي له بقلبي غلا ما ينحكي به
لو حكيته للعقول ما صدقتني
وماحست الادموعها تنزل وتمسحها كانت
ماتبي تبكي قدام ابتهال لكن غصب عنها
نزلت دموعها ومسحتها
***************
ابتهال : هاوشرايك
*****************
تولين : ابتسمت وحمر وجهها ونزلت راسها
********************
ابتهال : يقولون السكوت علامة الرضى
***************
دخلت الشغاله ماما تقول انزل عشان
ياكل عشاء
****************
تولين : ايوا يا الله ننزل تحت
****************
ابتهال : انقذك العشاء من سوالي
طيب يا الله ننزل
***************
تولين : طيب بس تكفين جيبي عباتي
*************
ابتهال : خلاص دخل غرفته مراح يشوفك
**************
تولين : لا والله ما أنزل الافيها
******************
ابتهال : ههههههههههه طيب بنزل اجيبها
***************
ونزلوا وتعشوا وكانوا مبسوطين
سوالف وضحك واخر انبساط
تولين كانت الفرحه ماليه قلبهاوحاسه
انها طايره من الفرح كانت تحس إن
الدنيا صارت في عينها حلوه ورجعت
زي من اول مزح وخفة دم وطلعوا
منهم بعد ماسهروا عندهم
******************
بعد ماراحوا جاء يزن وطلع فوق وشاف
فيصل يتفرج على الاخبار

يزن : السلام عليكم
*************
فيصل : هلا وعليكم السلام
**************
يزن :هابشر وش الاخبار شفتها
***************
فيصل : أي والله شفتها وليتني ماشفتها
*******************
يزن : هههههههه ليش طلعت موحلوه
******************
فيصل : لابالعكس قمر بس وش
يصبرني لحد مايجي ابوي ودي اروح
الحين واخطبها
****************
يزن : ههههههه أثقل يارجال والله
هالبنت حاستك حوس اول مره اشوفك
كذا
*****************
فيصل : تضحك علي قول امين الله
يجعلك تجرب زي ماجربت وتجيك
البنت الي تاكل قلبك واضحك عليك انا
********************
يزن : لابسم الله علي انا مافي امل قلبي
مسكره بغفل ومحكم اغلاقه والمفتاح
ضايع مافي امل ينفتح مافي بنت تستاهل
حبي
*******************
فيصل : والله كنت زيك مالي في الحب ابد
العب واتسلى لحد ماجت الي خلتني
لا ليلي ليل ولانهاري نهار حرمتني
حتى النوم
*********************
يزن : اف حالتك صعبه اعوذ بالله الله
لايبلانا انا مرتاح كذا
******************
فيصل : الامايجيك يوم وبكره تقول
فيصل قال لي
********************
وبعد كم يوم جت الحفلة الي كانت مصلحتها
الشركه
حنين : نزلت من اللموزين انت الساعة
تسعه يكون هنا مافي تاخير هنا مافي
يجي لموزين ثاني بعدين انت مافي
يجي بعدين انا في مشكله
*****************
الهندي : اوكي بابا انت مافي خوف
انا في يجي الساعه 9
*******************
ودخلت حنين الحفله وراحت عند طلال
طلال : وشفيك تاخرت
**************
حنين : اسف والله بس الطريق زحمه
********************
طلال : طيب يا الله تعال سجل الي
بقولك عليه
**************
حنين : تكتب وهي تنتفض ويدها
ترتجف كانها كانت بردانه
*****************
طلال : وشفيك كذا
*****************
حنين : والله احس إني مرتبك ماتوقعتهم
كثير كذا
**********************
طلال : ابتسم ابتسامه حنونه وقال
اجل كيف بتسلم عليهم كلهم
******************
حنين : فتحت عيونها ايش اسلم عليهم كلهم
معقوله
*******************
طلال : ههههههههه هههههه امزح معاك
مولازم تسلم على احد اذا ماتبي
بس كنت بشوف وش تقول
***********************
حنين : افففف الحمدالله والله خفت يعني مو
عشان شيء بس لانهم كثير
****************
طلال: صحيح صحيح يا الله اكتب
الي قلت لك عليه
**************
وبعد ماخلصوا راح طلال يكلم الموظفين
وكان الكل رايح جاي وراحت
حننين في زاويه بعيد عنهم وحتى لما فتحوا
البوفيه كان كل واحد منهم معاه صحن ويحط
من البوفيه الاحنين ماراحت معهم ماتبي
تتزاحم معهم وظلت واقفه في مكانها
**********************
طلال : ليش ماتعشيت
***************
حنين : ايوا الحين بروح اتعشى
*******************
طلال : تبي اجيب لك صحن
****************
حنين : لاتسلم طال عمرك شوي
وانا بروح بس شوي تخف
الزحمه
***************
طلال : عرف انها مراح تروح
اخذ صحن وحط لها من كل نوع
وجابه خذ هذا الصحن جبته لك
ادري انك مراح تروح
***************
حنين : تسلم تعبتك معاي
****************
طلال: اكتفى ببتسامه
**************
حنين : كان بيذبحها الفضول ترددت
ترددت وفي الاخير قالت
ابومحمد انت كم عندك عيال
************
طلال : انا انا اصلا مو متزوج
*******************
حنين : طيب وليه يقولون لك ابو محمد
******************
ناظرها نظره ذابت منها حنين ورتبكت
طلال : ابتسم احنا الرجال كذا
ينادون الواحد بأبو فلان على
اسم ابوه حتى لو كان مومتزوج
*****************
حنين :تفاجئت بكلامه كانه يقول انتي
ماتعرفين بكلام الرجال فهزت راسها
من غير ولاكلمه
*******************
مدير الشركه : ابومحمد وينك يسالون
عنك وانت هنا
**************
طلال : ايوا انا كنت بروح لهم الحين
****************
بعد ما أنتهت الحفله كل واحد ركب
سيارته وراح وقفت حنين تنتظر
سواق اللموزين وتنتظر اكثر من
ربع ساعه وبدت تخاف كلمته بجوالها
*************
حنين : وينك ليش تاخرت انا انتظرك
************
الهندي : معليش بابا سيارة حق انا في
خراب انا في ودي ورشه انا مايقدر
يجي
***************
حنين : كانت يتنجن ليه انت مافي قول انا
طيب انا وش اسوي مافي هنا سيارة
ثانيه كيف انا اروح البيت
****************
الهندي : معليش بابا انا مايقدر يجي
انت مافي زعلان
*******************
حنين : طيب تعال انت بسياره ثانيه
وبعدين انا اعطيك فلوس زياده
******************
الهندي : لا بابا انا مايقدر اليوم انا
سياراة في ورشه مقدر يجي
********************
سكرت حنين وهي ماتدري وش تسوي
والمكان ماتمرفيه سيارت اجرة وماتعرف
احد حست انها بتبكي ماتدري وش بتسوي
وفي هاللحظه جاء طلال كان يشوفها من
اول ماخرجت
**************
طلال : ليش مارحت لحد الحين
***************
حنين : اللموزين ماجاء يقول إن
سيارته عطلانه
****************
طلال : طيب اركب انا بوصلك
***************
حنين : بس
**************
طلال : ولابس ولاشيء اجل
بتروح مع مين اركب اقولك
**************
حنين : ركبت وهي ساكته
***************
طلال : وش تحسب الرجال بس
بلبس الثوب موبالسهوله الواحد
يصير رجال
**************
حنين : " ياربي اكيد انه عارف إني بنت
بعد هالكلام مستحيل مايكون عارف"
وجلسوا ساكتين
*******************
حنين : انت عارف عني صح
********************
طلال : عارف ايش انك بنت ايوا عارف
من زمان بعد وعارف إن فهد
اخوك متوفي وانتي انتحلتي
شخصيته استقليتي الشبه
******************
حنين : والله إن ضروفي صعبه وتعبت
وانا ادور شغل مالقيت والشركه ارسلوا
لفهد يداوم فما لقيت حل غير
كذا ولابننطرد انا وامي وخواتي
*****************
طلال : كيف انتي تشبهينه كذا
****************
حنين :لاني انا وفهد توئم بس تكفى
لاتعلم احد والله إني سويت كذا مضطره
وانا مراح اطول عندكم يمكن بس استلم
الراتب الشهر هذا اوالي بعده بالكثير
********************
طلال : لاتخافين مراح اقول لاحد لوكنت
بقول كان قلت من زمان بس انتي عارفه
بكره الرواتب بتنزل
***************
حنين : بكره الحمدالله
**************
طلال : انتي وش اسمك
***************
حنين : اسمي حنين
***************
وطبعا ماتعبت حنين في وصف بيتها
لطلال لانه اصلا هو عارف الوصف
لانه راح له من قبل
****************
حنين : الله يعطيك العافيه تعبتك معاي
*****************
طلال : لامافي تعب
***************
ونزلت كانت أمها تنتظرها اول
مادخلت
***************
الام : حمدالله على سلامتك يابنتي والله
من رحتي وانا على اعصابي
***************
حنين : باست راسها حبيبتي يمه تطمني
انا بخير ابشرك بكره بتنزل الرواتب
****************
الام : الحمدالله اخيرا خلاص خذيه بكره
وخلاص لاتروحين مره ثانيه
***************
حنين : ليه يمه احنا مواتفقنا شهرين
*************
الام : لالا والله مدري كيف استحملت
هالشهر كنت على اعصابي كل هالمده
خلاص الحين راتبك نعطيه صاحب البيت
حق ست شهور واذا جاء عمك الله يطول
بعمره بيدفع الباقي يعني خلاص ماصرنا
محتاجين تشتغلين عندهم
*********************
حنين : طيب الي تشوفينه يمه
****************
دخلت حنين غرفتها كانت فرحانه لكن كلام
امها خرب فرحتها صارت تبكي
**************
ودخلت عليها حلا وشافتها
حلا : حنين وشفيك ليه تبكين وش صار
***************
حنين : امي تقول بكره اخذ الراتب
وخلاص ماروح مره ثانيه
***************
حلا : بس هذا حسبي الله على بليسك
خوفتيني حسبت في مصيبه انتي كنتي
عارفه من اول انه موقت
*******************
حنين : بس امي كانت تقول شهرين
****************
حلا : وش يفرق شهر اوشهرين
انا قلت لك وحذرتك لاتتعلقين
فيه بس ماسمعتي كلامي
******************
حنين : تبكي عارفه بس والله قصب
عني حاولت بس ماقدرت كيف
يا الله احلى شهر بحياتي مع إني
ماعرفته الامن شهر بس احس كاني
اعرفه من سنين
*******************
حلا : بالعكس كذا احسن لوجلستي
شهريتن بتتعلقين فيه اكثر النسيان
احيان يكون نعمه حاولي تنسينه
********************
حنين : ليتني ماعرفته وليتني مارحت
اصلا وتبكي
******************
حلا : خلاص حبيبتي خلاص اهدي
****************
حنين : تصدقين كان عارف إني بنت
من زمان تخيلي كان قلبي حاس
انه عارف
******************
حلا : كيف عرفتي
*****************
حنين : هو قالي انه من زمان عارف
وعارف عن موت فهد تخيلي
ماعمري شفت في اخلاقه وطيبته
******************
حلا : عمي كلها كم يوم ويجي من السفر
لويدري عنك وش بيسوي يعني كذا
احسن ميت مره والحمدالله جت على كذا
**************
حنين : مسحت دموعها الحمدالله على
كل حال
*******************
حلا : ولاتنسين انه متزوج
*******************
حنين : لا طلع ماهو متزوج هو قالي
***************
حلا : ماشاء الله عليك وتقولين ماكلمه
وانتي داقه سالفه معاه
******************
حنين : والله زي ماقلت لك بس اليوم
ماقدرت قصب عني جلست اسولف معه
طول الحفله وهوخلى كل المدراء وجلس
معاي لحد ماجاء مدير الشركه وراح تمنيت
لوماراح وش اقولك وش اخلي رزانه وثقل
وخفة دم عمري ماشفت زي كذا فيه طيبة
ابوي وحنان فهد وووولوشفتي ابتسامته
وتمددت على السرير اه بس وش اقول
وش اخلي
*****************
حلا : الله الله ياسلام شكلك غرقانه لشوشتك
يابنت
******************
حنين : اه يا الحلا ليتني ماعرفته ليتني
ماشفته حسبت إن المسالة سهله
البس ثوب واصير رجال مادريت
إن هذا كله بيصير لي
**************
في اليوم الثاني راحت حنين تستلم راتبها
وتقدم استقالتها
*************
حنين : تفضل
**************
طلال : ايش هذا
************
حنين : هذي استقالتي
****************
طلال : خلاص بتتركينا بالسرعه
هذي
*****************
حنين : وش اسوي امي امس قالت
لي خلاص لاتروحين
****************
طلال : حنين
**************
حنين " يازين اسمي على لسانه " نعم
*************
طلال : ودي اخلي امي واختي يجون
يزورونكم في البيت اذا ماعندك مانع
***************
حنين : ارتبكت الله يحيهم في أي وقت
************
طلال : افهم من كذا انك موافقه
**************
حنين : استحت وحمر وجهها
ونزلت راسها
***************
طلال : ابتسم خلاص عطيني رقم
تليفونكم عشان اخلي اهلي يكلمون
الوالده
*******************
حنين : طيب واعطته الرقم اهلك
يعرفون إني سويت كذا
*****************
طلال : لا كيف اقولهم قلت لهم انك
اخت فهد واني كنت اعرفه
قبل لايموت
******************
حنين : طيب والله مدري وش بقول لامي
***************
طلال : قولي لها الحقيقه انا بخطبك على
سنة الله ورسوله وجيتكم من الباب
يعني مافي شيء يحتاج تخبينه
*****************
حنين : خلاص الي تشوفه
***************
طلال : طيب خليني اوصلك اليوم
*************
حنين : لا اليوم بيجي اللموزين عشان
اعطيه حسابه
****************
طلال : بنفقدك تعدوت اشوفك كل يوم
****************
حنين : اكتفت ببتسامه عن اذنك
انتهى البارت في البارت الجاي بيرجع عم البنات ابوسلطان
ياترى وش بيكون رد فعله وهل بيساعدهم اولا
اتمنى يكونون البارتين اعجبوبكم وردودكم تسعدني 00000000الماهرات

تسلم ايدك مرررررررره حلو
ومشكوره انك حطيتيه بدري قبل لا اروح
الله يسعدك

تصدقي حاسة إنه عمهم بيجي وبيتحكم فيهم ويمنع حنين تتزوج طلال...
ما أدري بس توقعااات..
المهم تكفين لا تتأخرين ترى القصة روووووووعة... وحماااااااااااااااااااااس

واااااااااااااااااااااااو مهوره الله على هالابداع ما شاء الله تبارك الله ..

الله يعطيك العافية ويجزاك خير ويبشرك بما يسرك ياااااااااارب العالمين ..

والله حمااااااااس وش بيصبرنا لبكره ؟؟

عارفة مهوره ؟؟
قريت لك 4 روايات تقريبا لحد الآن ..
لكن بصرااااحه .. والله ان هذي حطمت الرقم القياسي ..
ابداااااااااااااااااااااااااااااع بكل ماتحمله الكلمه من معنى ..
وفكرة جديده غير عن الروايات المعتاده ..

اممممممممم بالنسبة للتوقعات ..
اتوقع 98 % ان عمهم راح يخرب عليهم ابو الدنيا ..
وراح يمنع زواج حنين من طلال ..
هذا اذا ما منع عياله يحتكون فيهم ولا ساعدهم بعد ..

لكن ان شاء الله ما يصير هذا لأن اعصابي بتتلف صراحه ..