تجنن الروايه قريت 3 أجزاء لاني كنت مسافره يومين
بجد رووووووووووووووووعه
يعطيك الف عافيه يااااااااامبدعه
بجد رووووووووووووووووعه
يعطيك الف عافيه يااااااااامبدعه
الصفحة الأخيرة
اتمنى ينالون اعجابكم
البارت العاشر
****************
***********************
فيصل : اول ماراحوا جاء عندها وسلم
عليها وجلس جمبها ومسك يدها وحشتيني
وحشتيني موت حرام عليك ياشيخه عذبتيني
********************
تولين : انا عذبتك وش سويت لك
*********************
فيصل : لا يابريئه انتي بالله مافقدتيني
مافقدتي مسجاتي
*****************
تولين : الاوالله بس ما كنت اقدر اكلمك
*********************
فيصل : وهذا الي عجبني فيك ثقلك و
اخلاقك
***************
بعد مرور ساعه قامت تولين من عنده
تولين : فيصل وبعدين ترى اروح انادي
امي تجلس معنا
********************
فيصل :لا لاتصحين امك حرام خليها نايمه
****************
تولين : لاماهي نايمه صاحيه اروح
اقولها تجي ولاتجلس عاقل
*******************
فيصل : يبتسم طيب وش سويت انا
********************
تولين : لانك مشاغب خلاص انا بجلس
هنا
وجلست في الجهه المقابله له
******************
فيصل : لاحرام عليك وكيف اكلمك
وانتي بعيده كذا خلاص انا بجي
عندك
*****************
تولين : لا اجلس مكانك سولف وانت
مكانك
****************
فيصل : خلاص بقعد عاقل صدقيني
بس تعالي هنا
******************
تولين : اكيد ترى إن سويت حركه
كذا ولاكذا برجع هنا
***************
فيصل : طيب خلاص بس تعالي
********************
تولين : جت وجلست جمبه بس في بينهم
شوي مسافه
*****************
فيصل : قرب من عندها ترى يكون في
علمك انتي زوجتي انا اسوي الي ابي
****************
تولين : لاوالله اجل خلاص برجع
مكاني
***************
فيصل : لكنه مسكها وجلسها خلاص
عاد بلا دلع اجلسي ترى انا ماحب
الدلوعات
*****************
تولين : بدلع لا والله انا كذا ربي خلقني
دلوعه اجل انت ماتحبني
****************
فيصل : والله اموت في الدلع والدلوعات
الي انتي منهم
****************
تولين : طيب خلينا نسولف شوي ابي
اسالك كم سوال شاغلين بالي
*******************
فيصل : اسالي يابعد عمري اسالي
وحشتني سوالفك
*****************
تولين : وين بنسكن مع اهلك ولاوين
********************
فيصل : لاوليش نسكن عندهم انا بشتري
لنا بيت ونسكن فيه انا وانتي
*********************
تولين : تشتري بيت يعني عمي بيشتريه
******************
فيصل : ههههههههه وليش ابوي
يشتريه انا اشتريه من فلوسي
انا اقدر الحمدالله اشتري لك قصر
بعد لو تبين بس احنا الحين
بس ثنين بشتري لنا فله على قدنا
*******************
تولين : كيف انت موكنت اول تقول لي
انك موظف مندوب بشركه
*******************
فيصل : كنت اقولك كذا لاني مقدر اقولك
الحقيقه بس بعد ما أعترفت لك كنت ناوي
اقولك بس انتي ماعطيتيني فرصة على طول
عطيتيني بلوك ولاخليتيني ماقدر اكلمك
*********************
تولين : طيب ايش الحقيقه اجل
*******************
فيصل : الحقيقه انتي تعرفين مصنع -----
******************
تولين : ايوا اكيد اعرفه ومين مايعرفه
******************
فيصل : هذا المصنع حقي وانا الي اديره
*****************
تولين : جد معقوله المصنع هذا حقك
الحمد الله بصراحه كان هذا
الشيء الوحيد الي كان موعاجبني فيك
قلت ياربي اكيد بيكون راتبك بسيط
يادوب يعيشنا وانا والله طفشت من
الفقر بس لاني احبك وافقت عليك
******************
فيصل : ههههه ههههه ياحبيلك بس الله
يقدرني وماخلي في نفسك شيء
واعوضك عن كل الي شفتيه
***************
تولين : اثر فيها كلامه ومن غير
تحس قالت الله يخليك حبيبي
وحطت راسها على كتفه
*******************
فيصل : شفتي انا جالس عاقل
انتي الي تتحرشين فيني موانا
********************
تولين : ههههههههههه ههههههههههه
******************
وبعد ماراح في اخر الليل
تولين : ياربي منها هالحنين صارلها ساعه
ماسكه التليفون النحيسه اقولها ابي
اكلم موراضيه
*************
حلا : طيب كلمي بالجوال لحد ماتخلص
****************
تولين : لا لاني بطول وابي اكلم بتليفون
احسن بس مافي الا كذا فيصل ينتظرني
وقلت له لما تخلص حنين
*****************
وجت حنين : خذي التليفون اعوذ بالله
ازعجتينا خلصي وخلصي توه من شوي
كان عندك ماتشبعون هذره
**********************
حلا : بسم الله عليك انتي الي تشبعين
صبح وليل شكلي بخلي تولين
عندك وانا بجي عند بسمه انا
عندي دوام وبسمه مدرسه موزيكم
هذره طول الليل
****************
تولين : وانا بعد عندي جامعه
الاصدق حنون وين اتفقتوا
بتروحون شهر العسل
******************
حنين : والله مدري مره نقول ماليزيا
ومره نقول صلاله على قد فلوسنا
الشقه والاثاث كلها تبي والزواج
يبغاله مصاريف
**************
تولين : انا ماقلت لك عمي قالي
زواجي وزاوجك كله عليه هو قالي
اذا تبون تسون بيوم واحد اوكل
وحده يوم هوعليه المصاريف
****************
حنين : صحيح الله يبشرك بالخير
ياحبيله عمي الله يخليه لنا والله كذا
بيخف علينا كثير عشان نسافر على
راحتنا وانتوا وين بتروحون
*********************
تولين : احنا بعد محتارين بس فيصل قالي
اختاري وقولي لي وانا ودي اروح
ايطاليا اوسويسرا محتارا
*******************
حلا : ماشاء الله الله يهنيكم عقبالي
كان ودي إني معكم ونفرح
كلنا ونجهز مع بعض بس
ياالله وش اسوي انا مدري ليش
مئجلين زواجي مع انه المفروض
يصير مع زواج تولين وفيصل ليش
التاخير مدري
********************
حنين : معليش كل تاخيره وفيها خيره
****************
تولين : عشان تاخذين خبره منا نقولك
هذا زين وهذا يصلح وهذا مايصلح
******************
حلا: لاوالله كان ودي اروح اشتري معكم
بس يالله الحمدالله على كل حال
****************
تولين : تبين اسال فيصل يقوله متى
الزواج
***************
حلا : يوه لا لاتسالينه فشيله بعدين
يقول هذه مستعجله
*****************
فيصل كلم تولين
تولين : يوووو نسيته والله اشغلتوني
يالله عن اذنكم
****************
حنين : حلا تعالي اقولك وش قالي
*****************
حلا : لاتكفين ماصدقت خلصت
من تولين قالي وقلت له بروح
انام عندي بكره دوام
******************
حنين : اففف خلاص نامي والله كان
ودي اسولف عليك بس يا الله
بكره
******************
بعد ماخلصت تولين دخلت على
حنين لقتها صاحيه
تولين : مانمتي
****************
حنين : حاولت انام بس ماقدرت
******************
تولين : حتى انا ماعندي نوم ابي
اسولف معك كيف طلال وش اخباره
*****************
حنين : وش اقولك يهبل حنون مره
ما تتخيلين كيف وكلامه احس انه
يهبل احس قد ماسولف معه ماشبع
منه وفيصل كيفه معك
******************
تولين : حتى هو بعد مره روعه واحس
انه يحبني مره بس صراحه مره جريء
شوي بس على مين وقفته عند حده
****************
حنين : ايوا كذا انتبهي لايزودها مو
تقولين ولدعمي ويحبني لاترى
اذا سمحتي له يزودها تطيحين من
عينه كل شيء في وقته حلو
*****************
تولين : ايوا عارفه لامراح اخليه
يتجاوز الخطوط الحمراء
لاتخافين علي خخخخ
****************
في مدرسة بسمه
ريهام صديقتها : مبروك بسومه والله
فرحت يوم قالوا اسمك مع المتفوقات
في الاذاعه
****************
بسمه : الله يبارك فيك عقبالك يالله
شدي حيلك وخلينا نطلع الشهر الجاي
مع بعض
***************
ريهام : إن شاء الله بحاول والله كريم
بس صراحه اخرشيء توقعته فريال
ماتطلع معكم هالشهر غريبه موعوايدها
***************
بسمه : فريال تغيرت ماصارت زي
من اول من يوم مامشت مع جواهر
وهي متغيره حتى حركاتها صارت غير
والبنات كثير صاروا مايمشون معها
لانها تماشي جواهر
****************
ريهام : ايوالله حتى انا ملاحظه تغيرها
عاد جواهر معروفه الله لايبلانا بالصياعه
ياالله بروح اشتري من المقصف تجين
معاي
********************
بسمه : لاانا سبقتك شريت واكلت
وخلصت
******************
ريهام : متى شريتي واكلتي ممداك
*****************
بسمه : وجع قولي ماشاء الله
*****************
ريهام : ماشاء الله لاتخافين ترى
عيني بارده يالله بروح اشتري
لايدق الجرس وانا ماشريت
*******************
بعد ماراحت ريهام جت فريال
فريال : السلام عليكم مبروك بسمه
****************
بسه : بجديه الله يبارك فيك
******************
فريال : وشفيك انتي متغيره علي
ولاتكلميني زي من اول
******************
بسمه : موبس انا كل البنات صاروا
مايكلمونك ومقاطعينك
*****************
فريال : طيب ليش انا وش سويت لكم
***************
بسمه : يعني ماتعرفين ليه من يوم
مامشيتي مع هالي ماتتسمى
جواهر الصايعه الي سمعتها
على كل لسان
******************
فريال : بسمه انتي تعرفين اخلاقي زين
انا مستحيل اسوي شيء غلط
بس امشي معها لانها فله وسوالفها
حلوه
********************
بسمه : إنتي تدرين انها تكلم شباب وتطلع
معهم بعد
*******************
فريال : هي بكيفها انا وش دخلني فيها
انا بس اسولف معها لكن الشباب
مالي دعوه فيهم
*****************
بسمه : الصاحب ساحب والمرء
على دين خليله عن اذنك بروح اشوف
ريهام
**************
فريال : روحي كاني عاد بموت عليك
*************
ريهام : جيتي يادبه مره ثانيه اشتري
لي معك مو بس تشترين لك وتخليني
خلصت كل السندويتشات شريت
فشار وعصير وانا ميته من الجوع
*****************
بسمه : تستاهلين محد قالك تتاخرين
قاعده عند هالمرايه تصلحين
شعرك وتتعطرين ومدري وش
تسوين كان نزلتي بدري انا
اول مادق الجرس على طول
نزلت
******************
ريهام : تحسبيني زيك مفجوعه مهمني
الابطني
*****************
بسمه : انا مفجوعه طيب زين إن
شريت لك اوريك
*******************
ريهام : خلاص حقك علي لاتزعلين
******************
بسمه : طيب خلاص بس على شرط
******************
ريهام : بعد تتشرطين وش تبين اخلصي
علينا
******************
بسمه : تحجزين لي في الباص مكان
جمبك
**********************
ريهام : حرام عليك انا بالعافيه الاقي لي
مكان تبين احجز لك بعد
******************
بسمه : والله عاد كيفك اذا تبين كل يوم
اشتري لك احجزي لي
*****************
في نهاية الدوام
ركبت بسمه الباص وكان طبعا كله
مليان حده بسمه دورت ريهام لقتها
في اخر الباص
*************
بسمه : يادوبه انا ماقلت لك احجزي
لي
**************
ريهام : حجزت لك وجت هذي الي
جمبي وجلست تقول مافي شيء اسمه
حجز وش اسوي بعد
*****************
بسمه : امري لله نوقف كالعاده
***************
وقفت بسمه عند ريهام وشوي
بسمه : غريبه فريال وجواهر ما
شوفهم راكبين كل يوم صوتهم يلعلع
*************
ريهام : راحوا بسياره مع جواهر انا
سمعت جواهر تقول لفريال اليوم
تجين معاي بروح بسياره والخبله
فريال وافقت والله انها تمشي وراها
زي الخبله والله بكره بتوديها بدهيه
تعرفين ابوجواهر متوفي واخوها
مافي امل يجيبها اويوديها لانه دايما
مشغول
******************
بسمه : يوه اجل من وصلهم
*****************
ريهام : هع مين بعد الله لايبلانا اخوياء
جواهر طبعا
*****************
بسمه : يوه وفريال رضت تروح معها
********************
ريهام : طبعا ترضى مافي احد يمشي مع
جواهر مايطاوعها الله ياخذها ياما خربت بنات
والمشكله تخليهم بعد مايصيرون زيها وتروح
تدور غيرهم مدري هي وش تحس فيه نذله
الله يريحنا منها ومن امثالها
*********************
بسمه : لا ماصدق معقوله الي تقولينه فريال اليوم
كلمتني تقول مالي في الشباب ولاهالحركات
بس اماشي جواهر سوالف بس
********************
ريهام : هههههه والله انك على نياتك وصدقتيها
جواهر مستحيل تمشي مع وحده الاوتجيب رجلها
مع الشباب يقولون والله اعلم انهم يدفعون لها
****************
بسمه : لالا ماصدق اعوذ بالله لهدرجه
**********************
ريهام : والله واكثر جواهر يقولون عنها البنات
كلام يشيب الراس العام كانت معنا بنت جيرانهم
وقالت لي عنها تعرفين ليش هي تسوي كذا في
البنات
****************
بسمه : ليش تسوي كذا
****************
ريهام : تقول انها كانت تحب ولد عمتها تموت
فيه وضحك عليها وعدها بالزواج وسلمت نفسها
له وبعدها قال مستحيل اتزوج وحده سلمت نفسها
لي لاوانكر انه سوى شيء ومن يومها وجواهر
راحت فيها والي يقهر انها موبس هي لا تخرب
أي وحده تمشي معها عشان كذا البنات مايكلمونها
ولاحتى يحتكون فيها موئذيه الله ياخذها
***********************
بسمه : اعوذ بالله ياساتر معقوله في بنات كذا
بس صراحه كسرت خاطري نذل ولد
عمتها خرب حياتها وتركها ياويله من
من ربي
********************
ريهام : الله يستر علينا بس يالله باي وصلت
بيتنا تعالي اجلسي مكاني
*****************
بسمه : اخيرا بجلس يالله بايات اشوفك بكره
وجلست بسمه
****************
كل الكلام الي بينهم سمعته مزنه صديقة
جواهر الروح بالروح وكانت جالسه
جمب بسمه لكن بسمه ماتدري
****************
مزنه : انتي بيتكم بعيد من هنا
*****************
بسمه : ايوا انا انزل قبل البنتين الاخيرات
يعني لما يفضى الباص وانتي
****************
مزنه : انا بعد زيك بس عاد موبس
ثنتين لاقبل خمس بنات خخخخ
****************
بسمه : ههههه يعني الحال من بعضه
*******************
مزنه : ايوا انا سمعتك من شوي تتكلمون
عن جواهر ترى حرام جواهر ماهي زي
مايقولون البنات لابس هم يحبون يزودون
بالكلام
*****************
بسمه : ماهي وحده ولاثنتين الي قالت لي
ولاميت وحده كلهم نفس الكلام
**************
مزنه : انا اعرف جواهر من اكثر من سنتين
عمرها ماذتني اوحتى حاولت تقولي كلمي
فلان او شفتها تمشي مشي موزين او تكلم
احد بس البنات مايخافون الله يحبون يطلعون
كلام بس الله بيحاسبهم على ظلمهم
******************
بسمه : انتي مين انا اعرفك
*****************
طبعا بسمه ماعرفتها لانهم لابسين عبايه
وغطاء على الوجه عشان كذا ماعرفتها
مزنه : ايوا تعرفيني انا مزنه
******************
بسمه : عرفتها وانصدمت ايوا الله يستر
علينا وعليها انا مالي فيها زينه لنفسها
عن اذنك بروح قدام مدام المكان صار
فاضي باي وقامات من عندها
********************
مزنه : اشرت بيدها بايات "هههه مالك فيها
والله انتي دبور وزن على خراب عشه
نشوف جواهر وش تسوي فيك لودرت
بلي قلتيه عنها ياحلوه "
******************
وصلت مزنه البيت وعلى طول كلمت جواهر
وعلمتها بكل الي سمعته
****************
جواهر : ياسلام اجل تقول الله لايبلانا هههه
انا اوريها مين جواهر والله لاأخليها
تتحسف على كل كلمه قالتها هي والتبن
ريهاموه سبحان الله عاد جت في وقتها
انا كنت بدور صيده جديده تعرفين
فايز الي قلت لك عنه طالب مني وحده
حلوه وجديده ويبيها مالها في هالحركات
خام وبيعطيني مبلغ حلو لو جبت له كنت
محتاره وخلاص لقيت طلبه صار عندي
********************
مزنه : حلو اجل لاتنسين ففتي ففتي
******************
جواهر : خير ففتي ففتي ليه إن شاء الله
كل التعب والشغل علي انا انتي وش سويتي
*****************
مزنه : لاوالله انا الي جبتها وفكيتك من التعب
لقيتيها جاهزه بارده مبرده انا فيها لااخربها
*******************
جواهر : الله اكبر عليك زي المنشار طالعه واكله
نازله واكله خلاص بعطيك ثلاثين في الميه بعد
وش تبين بعد احمدي ربك
****************
مزنه : قلت لك ابي النص ولاوالله اروح لها
واقولها تعرفين إني بايعتها واسويها
**************
جواهر : خلاص الله يعلك لك النص بس
اجل ابيك تساعديني شوي الله يعيني عليها
واكسر راسها الي شايفه نفسها
******************
مزنه : ههههه غريبه اول مره تقولين كذا
ماعليك خوف تكسرين راسها مافي احد زيك
ماتذركين كيف جبتي راسي بمنتهى السهوله
الله يوريني فيك يوم قولي امين
**********************
جواهر : وجع لاتدعين علي انتي غير وهي
غيرانتي ماخذتي بيدي يومين كنك ماصدقتي
تبينها من الله اما هي شاطره ومحترمه زياده
عن الزوم حتى المدرسات يموتون فيها يعني
يبغالي اخطط واتكتك لها زين اما انتي جيتك
بكل سهوله وكنتي راضيه ومبسوطه مااجبرناك
لاتسوين فيها مسكينه
********************
مزنه : تغيرصوتها وكان فيه بكى كله منك
جيتيني في وقت الدنيا كانت مقفله معي وكاره
نفسي بسبب ظروفي الزفت ولوما انتي كان ما
تعرفت عليه الحقيرهذاك الله ينتقم منك ومنه
وخربت حياتي كلها بسببكم
**********************
جواهر : والله كلنا في الهوى سوى انا بعد زيك
حياتي كلها خربانه يعني موبس انتي نقطينا
بسكاتك وبطلي تدعين علي
***********************
مزنه : ههههههههه يعني يقالك تخافين انتي
اصلاحجر ماتخافين من شيء انا كل يوم ادعي
عليك وهذا انتي مافيك الاالعافيه مايضرك شيء
خليك من هالكلام وقولي لي متى بتبدين معها
تراني محتاجه فلوس الجيب فاضي
*******************
جواهر : ههههههههههه والله لوما انتي يدي
اليمين وما أقدر استغني عنك ولا كان حسابك
معي عسيرعلى هالكلام بس لاتخافين ببدء
فيها من بكره والفلوس بتكون عندك قريب
***************
البارت الحادي عشر
****************
**********************
في بيت ابوسلطان
أم سلطان : يزن ياولدي ماودك نخطبها لك
رسمي وتملكون عشان نخلي زواجك مع
اخوك فيصل
*******************
يزن : يايمه ياحبيبتي غصبتوني اخطبها وافقت
خلاص عاد الزواج مو الحين مومستعجل خلوني
على راحتي
******************
أم سلطان : ياولدي فشيله منهم طيب لوسالوني
وش اقولهم مالنا عذر في التاجيل البنت موظفه
لاتدرس ولاشيء
******************
يزن : اذا سالوك قولي لهم بعد مايتزوج فيصل
وتتزوج بنتهم حنين يصير خير
******************
أم سلطان : طيب وشرايك بس تطلب
تشوفها يمكن تغير رايك قمر بسم الله عليها
خواتها كلهم حلوات بس هي احلى وحده فيهم
لوتشوفها بتنهبل عليها اسم على مسمى
******************
يزن : ما ابي اشوفها اذا ملكنا بشوفها
اصلا لوعلي مابي بس انا بتزوجها
عشانكم
*****************
الام : الله يهديك بس ياولدي ويجعلني
افرح فيك قريب والله إني حامله همك
انت وابتهال اختك
*****************
يزن : ابتهال هي الي يحق لك تحملين
همها لكن انا ماعلي خوف لاتحملين
همي
*****************
في بيت أم فهد
جلسوا البنات الاربع العصر يسولفون
ويتقهون مع امهم
--------------------
بسمه : رمت المجله اف والله إني تعبت
وانا ادور موديل حق عرسكم انتي وياها
ماخليت ولامجله ولاكتلوج حتى النت
مالقيت موديل اعجبني
******************
تولين : انتي غاويه تعب وليش تفصلين
اشتري جاهز وريحي راسك الجاهزملي
السوق واحسن من الخياط
****************
بسمه : خلاص شكلي بشتري جاهز
مع إني كنت ابي اسويه تفصيل عشان
محد يفصل زيي انااخت العرايس وابي
اطلع احلى وحده في العرس ماابي احد
يقلدني
********************
تولين : والله موبالفستان الرك على الي
لابسه الفستان هي الي ياتحليه ياتخليه
موحلو
*****************
بسمه : من هالجهه الحمد الله اجل
انا بطلع احلى وحده
*******************
حنين : ياسلام على الغرور اجل والحلا
وشتطلع اذا طلعتي انتي احلى وحده
****************
بسمه : هههههه بالعكس انا مومغروره
متشوفوني متواضعه وجالسه معكم
****************
االجميع : هههههههههههههههه
******************
حنين : طيب وانتي يمه ماشوفك شريتي
شيء للحين للعرس
***************
الام : انا مومشكله اهم شيء انتوا
انا بشتري لي جلابيه او أي شيء
****************
تولين : لايمه وش جلابيه انتي أم العرايس
تلبسين جلابيه انا بشتري لك احسن فستان
ولايهمك أم العروس لازم تطلعين توب
****************
حنين : نعم نعم خير تشترين لهاانتي امي
فستانها علي انا بشتري لها انا الكبيره
*****************
تولين : لاوالله هو بالكبر اناقلت قبلك
ومن سبق لبق محد راح يشتري
لها غيري
*******************
حلا : خلاص لاتتهاوشون انا اقولكم حل
انتي ادفعي نص المبلغ وحنين نصف
المبلغ وخلاص
*******************
تولين : والله حل حلو انا موافقه
*****************
حنين : وانا بعد موافقه خلاص ففتي
ففتي
******************
الام : ياحبيلكم يابناتي االله يخليكم لي
ولايحرمني منكم
*******************
حنين : ويخليك لنا يمه طيب تولين و
الكوشه نجيب وحده انا وانتي اونغيرها
وحده لك وحده لي
****************
تولين : لاطبعا اكيد انتي كوشه وانا كوشه
انازوجة فيصل عبد الكريم ال-- الي
اسمه اشهر من نار على علم وتبين
اطلع انا وانتي بنفس الكوشه
*******************
الام : لايابنتي حرام الاسراف والفشخره الزايده