كوبونات الراقية تسجيل الدخول

آحلى آلحلوين
آحلى آلحلوين •
يالله تكفييين نبي بارت جديد تراي قرية كل البارتات مره وحده من الحماس
اتوقع مزنه بعد فتره يخطبها ابو ضي>>>> برااااا
الماهرات
الماهرات •
آحلى آلحلوين آحلى آلحلوين :
يالله تكفييين نبي بارت جديد تراي قرية كل البارتات مره وحده من الحماس اتوقع مزنه بعد فتره يخطبها ابو ضي>>>> برااااا
يالله تكفييين نبي بارت جديد تراي قرية كل البارتات مره وحده من الحماس اتوقع مزنه بعد فتره يخطبها...
ولايهمك ان شاء الله بارتات اليوم تكون طويله وتعجبك وشكرلك على المتابعه ياعسل

لاان شاء الله مراح اتاخر لايهمك وهلافيك
00000الماهرات


القصص الثانيه موجوده في الصفحه الاولى في روابطها ادخلي وشوفيها تشرفت بمعرفتك يالغلا
00000الماهرات


شكرا لك رمرومه كلك ذوق يالغاليه
00000الماهرات


فعلا يستاهل يزن التكفيخ وان شاء الله بزيدكم اليوم ولايهمك غلاتي 00000الماهرات


فعلا يزن بيجيب العيد بقوه بعد شكرا لمرورك العطر يالغلا 00000الماهرات


الله يعافيك والف شكر لك على المتابعه غلاتي
0000000الماهرات


ان شاء الله اليوم بيعجبكم ويكون طويل ولايهمك
00000الماهرات


صحيح بيكون فيها اكشنات يارب تعجبكم وهلافيك يالغلا 00000الماهرات



فعلا الله يستر منه اليوم بنشوف وش بيسوي
هلافيك ياقمر 000000الماهرات

ياهلا ومرحبا نورتي الحته كلها بمرورك ياعسل
والله حتى انا كان ودي انك معانا من الاول واشوف توقعاتك بس معليه معذوره واما يزن وحلا خلينا نشوف بتقدر عليه اولا كثير سعيده بمرورك ياعسل
00000الماهرات


افا كله ولازعلك بس حنين اخذت الاجزاء الاولى كلها واكشنات وحركات الحين دور خواتها
وشكرا لك على المتابعه غلاتي 0000الماهرات


معليه معذوره يكفي انك الحين منورتنا وشكرا لك قلبي 0000الماهرات


لاوالله انا كل يوم احط بارتين واليوم ان شاء الله بعد بارتين ولايهمك ياعسوله 0000الماهرات


والله مرورك الاحلى وبنسبه للاجزاء معليه خليك معنا وبتعرفين هلافيك يالغلا 0000الماهرات


معليه عشان تتشوقين للبارت الي بعده
وهلافيك ياقمر 000000الماهرات


حاضرولايهمك الحين بحط لكم موبارت بارتين وشكرا لك ياقلبي 000الماهرات
ديالا1
ديالا1 •
يزن هالمغرور هههههههه قهرني بس راح تجيب راسه حلا خخخ راح يتمنى الارض اللي تمشي عليهااا راح ينبهر فيهاااا في الملكه بيقول يا ارض احفظي ماعليكي ههههههههههههههههه كاني معاهم خخخخخخخخ الله يرحم ام ضئ وراح يتزوج ابو ضئ مزنه وش بعد ياربي ايه هههههههههههه يمكن تحمل تولين
الماهرات
الماهرات •
ديالا1 ديالا1 :
يزن هالمغرور هههههههه قهرني بس راح تجيب راسه حلا خخخ راح يتمنى الارض اللي تمشي عليهااا راح ينبهر فيهاااا في الملكه بيقول يا ارض احفظي ماعليكي ههههههههههههههههه كاني معاهم خخخخخخخخ الله يرحم ام ضئ وراح يتزوج ابو ضئ مزنه وش بعد ياربي ايه هههههههههههه يمكن تحمل تولين
يزن هالمغرور هههههههه قهرني بس راح تجيب راسه حلا خخخ راح يتمنى الارض اللي تمشي عليهااا راح ينبهر...
هلا فيك ياعسوله توقعاتك في منها صح بنشوفها اليوم شكرا لك على المرور يالغلا
0000000الماهرات
الماهرات
الماهرات •
والحين بحط لكم بارتين اتمنى ينالون على اعجابكم

البارت العشرين
***********
****************

الام : تكفى ياولدي اليوم ملكتك هالله
هالله بعروستك انتبه تسوي زي يوم
رحنا نشوفها
*****************
يزن : مدامها وافقت تتزوجني اجل
تستحمل الي بيجيها
***************
فيصل :وش هالكلام ياخي مانبي
مشاكل ترى الي فينا مكفينا سنين
وحنا بعيدين عنهم ماصدقنا إن احنا
رجعت علاقتنا معهم زي من اول
وبعدين حرام عليك البنت ماسوت
لك شيء
****************
يزن : طيب خلاص وشفيكم علي
*******************
ابتهال : اول ماتدخل تسلم عليها وتبوس
راسها وبعدين تلبسها الشبكه
*****************
يزن : وليه إن شاء الله ابوس راسها
هي امي
****************
الجميع : هههههههه هههههههههههه
*****************
الام : لايا ولدي بس كل العرسان
يسون كذا
**************
يزن : مالي انا فيهم انا غير عنهم بسلم
عليها بيدي وخلاص
******************
فيصل : والله انك غبي احد يحصله
ويقول لافرصه بكره تتمنى ومايحصلك
*****************
ابتهال : احسن خلهم يقولن الضابط
مايعرف في الاتكيت
*********************
يزن : الحين بتخلونا نمشي ولاترى
ماراح اروح
********************
الام : خلاص خلاص خلنا نروح
****************
كانت الملكه عائليه مختصره اهله واهلها
واهل طلال وصديقات البنات وكم حرمه
كانت حلا كلها حلا الكل مبهور فيها وفي
جمالها الفتان كانت لابسه فستان لونه اورنج
وكان فخم كثير اجتهدت فيه حلا وحرصت
انه يكون فخم ومصمم عند مصممه كبيره
ومعروفه وشعرها سوته لها الكوافيره
تسريحه كلفتها الكثير وطلعت في منتهى
الروعه وامها وخواتها كانوا مبسوطين
لها وبعد ماسلموا عليها المدعوات دخل
يزن وسلم على امه وامها وباس راسهم
وقفت حلا عشان تسلم عليه ومد يده وسلم
عليها
*************
ابتهال : تاشر له بوسها
**************
يزن : كان مرتبك بس مايبي يبين
فقال لها من غير يسمعه احد اسكتي
وعطيني الطقم وخلصيني
***************
وقفت الام وابتهال ماسكين له الطقم
وهو يلبسها لبسها الاسواره وقرب منها
عشان يلبسها العقد وصار وجه حلا
احمر من الحياء واخذ الحلق ودخله باذنها
لكنه عورها مسكت اذنها وغمضت
عينها اااه
****************
ابتهال : شوي شوي عورت البنت
*****************
يزن : وش عرفني انا اول مره البس احد
********************
بعد ماخلصوا جلسوشوي وبعدين
راحوا لغرفه ثانيه هم وامه وامها
وبعد ماباركوا لها خرجوا كلهم
وكان يزن بيقوم لكن امه قالت له
*************
امه : لااجلس يا ولدي انت مع
عروستك سولف معها وقالت في
اذنه لاوصيك هالله هالله فيها
****************
بعد ماراحوا جلسوا يزن وحلا
ساكتين ولاكلمه وحلا منزله راسها
*****************
يزن : مبروك
*****************
حلا : من غير ماترفع راسها الله
يبارك فيك
*******************
يزن : وصار يشوفها ويتامل فيها في
في يدها الناعمه واظافرها
المبروده والمناكيروفي فستانها
وشعرها
" سبحان ربي الي خلقها "
***************
حلا : استغربت من سكوته رفعت
راسها وجت عينه في عينها وحمر
وجهها
****************
يزن : على فكره بقولك قبل اروح
ترى بعد الزواج بنسكن عند اهلي
تعرفين انا دايما مشغول وبدال ما
تجلسين بالحالك قلت نسكن عندهم
احسن وعمك قالي اغيرالجناح
بالكامل من اثاث وصبغ
*****************
حلا : طيب مومشكله
*****************
يزن : طيب يالله انا ماشي شوفي
لي الطريق
*****************
حلا : انقهرت منه وقالت ممكن
اسالك سوال بس تجاوبني بصراحه
لوسمحت
**************
يزن : اسالي واكيد باجوبك بصراحه
انا ماتعودت اكذب
***************
حلا : انت مغصوب على الزواج
صح
******************
يزن : تبين الصراحه ولاولد عمها
***************
حلا : اكيد الصراحه
***************
يزن : فعلا انا ماكنت ابد ابي اتزوج
مواعتراضي عليك لاعلى الزواج ككل
ماكنت ابي اتزوج بس ابوي هو الي
اجبرني وهدد انه يزعل مني لو
ماتزوجتك وانا مقدر على زعله
عشان كذا وافقت
**************
حلا : انقهرت وعصبت وحست
بالاهانه طيب وليه ماقلت لي من
اول كان انا الي رفضتك على
العموم احنا فيها يمدينا ننفصل
من الحين
******************
يزن : انتي مهبوله وش بيقولون عليك
الناس لوتركتك بيقولون ولد عمها
تركها في الملكه اكيد فيها وفيها
وبيطلعون فيك مية شيء
********************
حلا : انا مايهممني انا مقدر اعيش معاك
وانت ماتبيني مغصوب علي
****************
يزن : يكون في علمك لوانا ابي ارفض
كان رفضت بس انا فكرت فيها قلت
ارتاح منهم ومن زنهم تزوج وتزوج
كذا ارتاح
*****************
حلا : ياسلام ترتاح على حسابي
******************
يزن : وليه على حسابك انتي المفروض
تفرحين من يطول يتزوج يزن
عبد الكريم البنات كلهم بيحسدونك
*****************
حلا : ارتفع ضطها مليون منه صحيح
بسمه صادقه يوم قالت عنك مغرور
****************
يزن :بسمه لها وجه بعد تتكلم بعد الي
سوته لوانا منها ادفن نفسي بالحياء
****************
حلا : انا ترى ماسمح لك تتكلم عن اختي
كذا كل الي سوته انها طلعت من غير
ماتقول لامي صح خطاء وندمت عليه
بس مولدرجة انها تدفن نفسها هذي اختك
ابتهال تروح وتجي مع السواق ولاحلال
عليكم حرام علينا
*********************
يزن : انتي كيف تكلميني كذا انتي ماتعرفين
انا مين
**********************
حلا : انا اعرف انت مين انت ولدعمي ابوك
اخو ابوي الله يرحمه كلهم من عايله
وحده وبطن واحد مافي بينهم فرق
*******************
يزن : لافي فرق احنا فوق وانتوا تحت وانتي
عارفه هذا الشيء زين
*******************
حلا : لا مافي فرق شوف اخوك كان بيموت
عشان يتزوج اختي وهذاهو الحين يترجها
عشان ترجع وهذا انت تزوجتني ولو ما إن
حضك زين وسبقت وخطبتني كان الف
حرمه تتمناني لولدها انا الحلا وكلي حلا
والف واحد يتمناني
****************
يزن : مسكها من اكتافها وصار يهزها
انا مااسمح لك تكلميني بهالطريقه
انا زوجك وبالعند فيك انا كنت ناوي
اخلي الزواج بعد ست شهور اوثمانيه
لكن الحين وبالعند فيك زواجنا بعد شهرين
وانا بوريك كيف تحترميني إن مادبتك
ماكون انا يزن
******************
حلا : ااااي فكني انا ترى موقدك وبعدين
موعلى كيفك بعد شهرين انا مايمديني
اجهز نفسي موقبل خمس ست شهور
****************
يزن : قلت لك بعد شهرين يعني بعد شهرين
لاتخليني اغير رايي وخليه الشهر
الجاي
******************
حلا : هع الشهر الجاي تزوج انت بالحالك
****************
يزن : عصب ورجع مسكها من يدها قلت لك
بعد شهرين يعني بعد شهرين انتي سامعه
والحين يا الله روحي ناديهم عشان اروح قبل
لا ارتكب فيك جريمه انا عمر محد كلمني
بهالطريقه
****************
حلا : ترتكب جريمه طبعا ما أنت متعود
على المجرمين والحراميه موغريبه عليك
****************
يزن : اعطاها كف بس ولاكلمه وقحه
****************
حلا : حطت يدها على خدها وكانت بتبكي
من قوة الضربه لكنها ماكانت تبي تبين
له ضعفها
" عشقتك قبل لاشوفك وشفتك صار
كلي هم "
*********************
يزن : اخذ جواله وكلم ابتهال تعالي عشان
بروح عند الرجال
***************
ابتهال : خلاص خلصت سوالفكم مامداكم
***************
يزن : اقول اخلصي تعالي ابوي يناديني
***************
وجت ابتهال عندهم
ابتهال : انا جيت كيفكم ها الحلا وشرايك
بخوي
***************
حلا : كانت لسه متاثره من الكف الي
اعطاها قالت اخوك مافي زيه ابد
*****************
يزن : طيب يا الله حبيبتي اخليك الحين
واشوفك يوم ثاني وباسها على خدها الي
ضربها عليه
***************
حلا : تفاجئت وماقدرت تقول شيء
****************
ابتهال : احم احم انا هنا لاتنسوني
*****************
يزن : حلا نستني نفسي يا الله سلام
عليكم وخرج من الغرفه
****************
وراحت غرفتها صلحت مكياجها
وشافت وجهها بالمرايه وكان خدها احمر
من الضربه نزلت خصله عليها عشان ما
تبينها وبعدها جلست عند الحريم بس كانت
معم بس ماهي معهم مشغول بالها بلي صار
**************
تولين : الحلا حبيبتي ابتسمي وش
بيقلون الحريم
******************
حلا : ابتسمت ابتسامه كذابه
*****************
في السيارة :
يزن : يمه ترى انا ابي الزواج بعد شهرين
**************
أم سلطان : شفت قلت لك بس بتشوفها بتغير
رايك خلاص ولايهمك بس يمديك تخلص
الجناح حقكم اثاث وصبغ بشهرين ماتوقع
يمديك
****************
يزن : الا يمه يمديني من بكره بجيب
العمال يشتغلون فيه وان شاء الله
بيخلصون
*****************
ابتهال : طيب والعروس يمكن مايمديها
تجهز
*******************
يزن : لا انا اتفقت معها خلاص
*******************
أم سلطان : خلاص اجل الله يوفقكم ياولدي
****************
بعد ماراحوا الناس كلهم
حنين : قولي لنا وش صار وش قالك
*****************
حلا : والله لااوريه إن ماكسرت خشمه
هالطاوس ماكون انا حلا انا عمري في
حياتي محد رفع يده علي حتى امي وابوي
يقوم هو ويضربني
*****************
حنين : ايش مد يده عليك ليه ؟؟
********************
الجزء الواحد والعشرين
******************
*********************
حلا : لانه قهرني قمت وستفزيته عشان
كذا ضربني لكن انا
اوريه بكره اخليه يتمنى بس رضاي
*********************
حنين : حلا خبري فيك عاقله وشفيك اليوم
لاتقولين كذا
********************
حلا : لووحده ثانيه بعد الي سواه كان طلبت
الطلاق بس انا بخليه يتندم على الي سواه
*****************
حلا : وش بتسوين قولي لي
*****************
حلا : اذا هو مغرور انا بوريه الغرور
كيف يكون لاتخافين علي بكره
تسمعين الاخبار
*********************
في اليوم الثاني بعد الملكه :
جت أم سلطان وفيصل في بيت ا فهد
أم فهد : حياكم الله ياهلا فيكم زارتنا البركه
*************
أم سلطان : الله يبارك بعمرك كيف
عروستنا بعد امس
***************
أم فهد : الحمد الله تمام ماعليها
******************
أم سلطان : والله يزن قبل الملكه كان
يقول بنخلي الزواج بعد ست شهورو
بعد الملكه غير رايه قال بعد شهرين
****************
أم فهد : هههههه ياحليله الله يوفقهم
ويكفيهم شرعيون الناس
*****************
أم سلطان : اللهم امين اليوم انا جايتك
ومابيك ترديني
***************
أم فهد : ماعش الي يردك ياام سلطان
امري تدللي
*****************
أم سلطان : مايأمر عليك عدوا انا
جيت انا وفيصل نبي تولين ترجع
له والله فيصل شاريها ويبي رضاها
*****************
أم فهد : والله جيتكم على عيني وراسي
والله انا ودي بس هي الله يهديها
راسها يابس موراضيه تعبت معها
********************
أم سلطان : روحي ناديها خلها تكلمني
******************
ودخلت الام عند تولين وقالت لها
**************
تولين : يمه ماابي ارجع له حتى لو
يجيب عمي بعد ماابيه
****************
حلا : تولين حرام عليك فيصل يحبك
لاتزودينها عاد غلط وندمان وهو
الي سواه قبل لاياخذك يعني مالك
تحاسبينه
****************
الام : عشان خاطري يابنتي اطلعي بس
كلميهم عشان جيت زوجت عمك عيب
ماتكلمينها فشيله والله
**************
تولين : خلاص خليها تدخل واكلمها
ما ابي اطلع عنده ولا اشوف وجهه
****************
الام : اقولك عشان خاطري لاتفشليني
طلبتك يابنتي
*****************
تولين : طيب خلاص بغير ملابسي
وبروح لهم بس عشانك
************
الام : الله يرضى عليك يا الله بسرعه
لاتطولين
****************
تولين لبست تنوره سكين لونها اسود
وبلوزه ناعمه لونها نيلي وربطت
شعرها ذيل حصان وحطت روج
خفيف وطلعت عندهم
*******************
أم سلطان : ياهلا والله حيا الله مرت
ولدي وضمتها وباستها
*****************
فيصل : وانا مالي سلام
****************
تولين : مدت يدها بزعل وسلمت
عليه
*****************
فيصل : والله ياتولين هذا انا قدام امي
وعمتي اوعدك مارجع لهم ابد والله
الشاهد علي إني ماصرت اكلم لافاتن
ولاغيرها
*******************
أم سلطان : خلاص ياتولين امسحيها
في وجهي هالمره وان عادها والله
حسابه علي
*****************
تولين : لامحشومه ياعمتي بس والله
قلبي موقادر يسامحه مقهوره منه
********************
أم فهد : خلاص عاد ياتولين موبعد جيت
عمتك أم سلطان خلاص الي فات مات
********************
أم سلطان : لاان شاء الله بنتي تولين ماهي
مفشله عمتها وبتروح معنا اليوم
صح ياتولين
******************
تولين : والله ياعمتي جيتك غاليه بس
********************
أم سلطان : ولابس ولاشيء الحين انا
بروح اشوف بنتي الثانيه وان شاء الله
يهديك الله يالله ياام فهد خلينا ندخل
نشوف حلا
****************
أم فهد : تفضلي حياك
***************
وقامت أم فهد وام سلطان وجت تولين
بتقوم معهم لكن امها قالت لها :
أم فهد : لا اجلسي انتي مع زوجك
**************
فيصل : تولين وبعدين مايكفيك كل
هالزعل خلاص قلت لك والله انها
تكذب عليك تبي تفرق بينا
***************
تولين : حتى لو رجعت معك قلبي
شايل عليك موقادره اسامحك
****************
فيصل : ياقسيه هالقلب معليه انتي
بس تعالي معاي وانا اتفاهم مع قلبك
******************
تولين : ماابي اجيك معاك
******************
فيصل : ترى ابوي لحد الحين مايدري
لازم يعني اروح واقوله واخليه يجي
*******************
تولين : لامايحتاج تتعب عمي معانا
****************
فيصل : خلاص اجل تعالي معنا
عشان خاطري ولاماصار لي
خاطر عندك
******************
تولين : انا برجع بس عشان عمتي
****************
فيصل : طيب قومي جيبي شنطتك خلينا
نمشي انتي والله عارفه وش كثر انا احبك
عشان كذا تدلعين علي بس دلعك زي العسل
على قلبي
******************
ودخلت أم سلطان : هابشروا عساكم
تصافيتوا
******************
فيصل : أي خلاص يمه تراضينا والحين
تولين بتجي معنا يالله ياتولين جيبي شنطتك
خلينا نمشي
*******************
أم فهد : الحمد الله الله يهديكم ياعيالي لبعض
ويكفيكم شر عيون الحساد
*******************
جمعت تولين اغراضها وسلمت على
خواتها وراحت معهم وبعد ماوصلوا
أم سلطان بيتها وفي السيارة
*******************
تولين : ترى يكون في علمك انا رجعت
بس عشان عمتي لكن لسه ماطاح الحطب
ولسه شايله عليك
*******************
فيصل : المهم انك رجعتي بيتك ومعليه
البيت والله ماله طم بدونك
******************
في اليوم الثاني في بيت ابوسلطان
كانوا يفطرون
***************
أم سلطان : يزن ياولدي وانت رايح العمل
بعطيك مويه مقري فيها (يعني مويه قريت
عليها ايات قران )تعطيها حلا
****************
ابوسلطان : ليش وشفيها الحلا
******************
أم سلطان : مسكينه ياقلبي عليها امس
رحت لهم لوتشوفها تحزن خدها احمر
*************
ابوسلطان : يوه من ايش
***************
أم سلطان : هي تقول انه من المكياج
حق الكوافيره مانسبها بس ماتوقع
انه كذا
*******************
يزن : عرف انه من الكف الي اعطاها
اجل من ايش يمه
******************
أم سلطان : اكيد انه من عيون الحريم
يوم الملكه كانوا بياكلونها بعيونهم
عشان كذا قلت لها بعطيك مويه
مقري فيها والله تحزن كان احد
معطيها كف على خدها
****************
يزن : طيب يالله انا ماشي عن اذنكم
****************
أم سلطان : لاتنسى تاخذ المويه معاك
اواذا مايمديك ارسلها مع السواق
***************
يزن : لا هاتيها انا بوصلها بس ابتهال
عطيني رقم حلا
*******************
واعطته ابتهال الرقم وكلم حلا على
موبايلها
حلا : الو مين
*****************
يزن : السلام عليكم
**************
حلا : بجديه وعليكم السلام مين
معي
*****************
يزن : انا يزن ماعرفتيني
***************
حلا : تفاجئت وحست قلبها دق
تماسكت وقالت ايوا نعم
****************
يزن : انا بروح الدوام والحين بجي
امر عليكم بعطيك المويه الي قالت
لك امي عنها
***************
حلا : مايحتاج تجي خلي السواق
يجيبه لاتجي انت
******************
يزن : موعلى كيفك انا الحين بالخط
جاي ومعاي المويه عشردقايق
وانا عندك يالله باي
*********************
حلا سكرت وارتبكت
حلا : يالله جاي بالخط وش اسوي
اغيرملابسي افتح له الباب اواخلي
امي تفتح له وراحت قالت لحنين
**************
حنين : لاوش امي روحي غيري
ملابسك بسرعه مدام انه بيروح
الدوام يعني اكيد مراح يطول
يالله بسرعه
*****************
حلا بسرعه غيرت ملابسها لبست فستان
بسيط كاروهات اسود طويل وماله اكمام
ورفعت شعرها بسرعه ونزلت خصله
على خدها وحطت روج وتعطرت ودق
جوالها
****************
يزن : بسرعه افتحي انا عند الباب
****************
وفتحت له حلا الباب اذهلها شكله
بالبدله والكبوس والنجوم مزينه
اكتافه كان شكله روعه خقة عليه
حلا وهو بعد كثير اعجبه شكلها
************
يزن : السلام عليكم
***************
حلا : وعليكم السلام
****************
يزن : خذي هذ المويه من امي
خايفه عليك
***************
حلا : فديت قلبها عمتي تحسب انه
من العين ماتدري انه من اليد
******************
يزن : اشوف وريني خدك
*****************
حلا : ابعدت يده لامايحتاج
******************
يزن : اقولك وريني تراني مستعجل
ماعندي وقت
*****************
حلا : رفعت الخصله عن خدها
ها شوف كذا زين
***************
كان خدها احمر بالكامل وشكلها
يحزن
****************
يزن : تفاجىء يوم شاف خدها
لكنه قال هذا لان لسانك طويل
****************
حلا : لساني الطويل ولايدك الي
طويله
***************
يزن : معليه بفوتها لك بمزاجي
هالمره لاني مستعجل بس لا
تنسين تبدين تستعدين لزواج
ترى انا عند كلامي زوجنا
بعد شهرين وفات منها يومين
*****************
حلا : ولافكرت اتجهز ولاجاء
على بالي
*************
يزن : كيفك على راحتك تجهزتي
ولاماتجهزتي بعد شهرين بخذك
بملابسك الي عليك انا حذرتك
وانتي بكيفك والفندق بحجزه
ياالله باي
*******************
دخلت حلا عند حنين الغرفه ولقتها
تكلم طلال وبعد ماقفلت منه
حلا : مين هذا طلال
**************
حنين : ايوا طلال يقول بيجي ياخذني
بليل يقول خلاص عاد ماصارت
مصختيها
**************
حلا : لاياشيخه انتي موقلتي بتقعدين
ثلاث اسابيع ماخلصت الثلاث الاسبيع
*******************
حنين : الاخلصت بس الايام تمر
بسرعه
****************
حلا : يا الله ماودي تروحين
****************
حنين : وش اسوي معليه بجيكم كل
خميس واذا تبين شيء كلميني في
أي وقت
****************
جهزت حنين اغراضها وشنطتها
وساعدتها حلا وبليل جاء طلال
عشان ياخذها صارت حلا تبكي
بقوه ماقدرت توقف عن البكى
*****************
حنين : حلا حبيبتي خلاص تكفين
لاتبكين أي وقت تبغين تكلميني
كلميني اوتعالي عندي وبروح معك
السوق وشرايك بس خلاص الله يخليك
****************
الام : حلا افا عليك هذا انتي العاقله
تسوين كذا يوم زواجها مابكيتي كذا
وشفيك اليوم
**************
حلا : تمسح دموعها وهي برضوا
تبكي خلاص روحي الله يحفظك
****************
بعد ماودعتهم حنين راحت ضلت
حلا تبكي في غرفتها ماتدري
هي تبكي عشان حنين اوعشان
شيء ثاني لكنها ضلت تبكي
ودق جوالها كان يزن
**************
حلا : مسحت دموعها الو نعم
*************
يزن : افتحي الباب بعطيك شيء
**************
حلا : انت الحين عند الباب ؟؟!
*****************
يزن : ايوا بسرعه افتحي الباب[