كوبونات الراقية تسجيل الدخول

الماهرات
الماهرات •
((السوسن)) ((السوسن)) :
والله شكلها حماس،،،، الله يستر من الأحداث الجاية
والله شكلها حماس،،،، الله يستر من الأحداث الجاية
تسلمين يالغاليه كلك ذوق وهلافيك 0000الماهرات


ياقلبي شكرا لك على المرورالاكثر من رائع
وفي توقعات عندك صحيحه ماشاء الله عليك
وبنسبه لموعد البارت ان شاء الله هو بيكون كل يوم بس مقدر احدد الوقت على حسب ظرفي وهلافيك غلاتي 0000000الماهرات

شكرا لك على المرورالعطر 00000الماهرات


اشرقت وانورت هلافيك ياروزي ومرور هوالاروع
وفعلا كلامك صحيح اتمنى ان البنات ينتبهون لهالنقطه وفعلا الامرزي ماقلتي لن يخلو من الحركات الحلوه اتمنى انها تعجبكم عنجد اسعدني مرورك حبيبتي 0000الماهرات


فعلا هي فيها كثير من الحماس بس قدام شوي هلافيك غلاتي 000000الماهرات
الماهرات
الماهرات •
السّفّانة السّفّانة :
الصبغة العامة لقصص هالوقت مشاكل البنات مع النت كمحور رئيسي ما ادري هو "اعتراف" بسوء النوايا او مجرد زيادة ملح على الجرح اقيمها 5/10 الخمسة من باب تسلسل الاحداث ووضوح الفكرة واظهار مشاعر الاشخاص
الصبغة العامة لقصص هالوقت مشاكل البنات مع النت كمحور رئيسي ما ادري هو "اعتراف" بسوء النوايا او...
تسلمين كلك ذوق هلافيك غلاتي 000الماهرات

انتي الاروع ومرورك كثير اسعدني يارب اكون عند حسن ظنكم 00000الماهرات

اسعدتني توقعاتك وتفاعلك الرائع هلافيك يالغلا
0000000الماهرات


تسلمين على دعواتك الطيبه وعلى مرورك
العطر غاليتي 00000الماهرات


تسلمين ياقلبي وان شاء الله مراح اطول عليكم
وهلا فيك ياقمر 00000الماهرات



لاياعزيزتي موالقصد منه زيادة الجرح القصد منه التحذير والتنبيه
بنسبه لتقيم كنت اتمنى تاجلينه لنهايه تونا نقول بسم الله يمكن تغيرين رايك ويصير 10/10
والله موغرور بس الحمدالله ثقه بالنفس وشكرا لك على المرور العطر عزيزتي 00000الماهرات
الماهرات
الماهرات •
الحين بحط لكم البارت الرابع بس لان ردودكم كثير اسعدتني وتفاعلكم رهيب عشان كذا بحط لكم بارتين
الرابع والخامس انا كريمه وانتوا تستاهلون


البارت الرابع
*************
*********************
ندى : سامحيني انا كذبت عليك انا في
البدايه كنت بس بتسلى لكن بعدين بعد
ماشفت برائتك واخلاقك حبيتك وماودي
اغشك ترى انا موبنت زي ما انتي فاكره
انا رجال واسمي فيصل
******************
تولين : انتي تتكلمين جد اوتمزحين شكلك
تسوين فيني مقلب صح
*****************
فيصل :لاوالله إني صادق في كل كلمه
قلتها لك
*****************
تولين تفاجئت وانصدمت ماكانت ابد
تتوقع إن ندى صديقتها الي تعرفت
عليها اكثر من سنه وثقت فيها وقالت
لها كل شيء عن حياتها ومشاكلها
وهمومها طلعت رجال كانت صدمه
كبيره رمت تولين جوالها وبكت بكت
بقوه
*****************
حلا : تولين وشفيك تبكين
*************
تولين : ندى طلعت زي ما قلتي رجال
اعترف لي واسمه فيصل مصدومه
موقادره اصدق
****************
حلا : والله كان قلبي حاس من اول
ابد ما ارتاحت لها خصوصا لما كنتي
تقولين لي عن سوالفها ماكنها سوالف
بنت ابد طيب والحين وش ناويه تسوين
*********************
تولين : وهي تبكي اكيد طبعا بتركها مدري
بتركه لكن مقهوره كل هالمده كان يضحك
علي ومستغفلني وانا على نياتي كل هالمده
وانا كل يوم اكلمه واسهر بالليل معاه واقوم
الصبح على مسجاته واخر شيء يطلع رجال
ياليتني ماعرفته وتبكي
***********************
حلا : قولي الحمدالله انها جت على كذا والله
مايستاهل دمعه من عيونك وحاولي تنسينه
*****************
في اليوم الثاني راحت حنين المكتب وصلت
قبل طلال وجلست تكمل الشغل الي طلبه منها
امس وأحتاجت لملف دورته عندها مالقته دخلت
مكتبه وفتحت النور ودورت الملف من بين
الملفات ولقته جت تطلعه نزل معه كميه كبيره
من الغبار وكانه ماتنظف صار له مده
******************
حنين : جلست تكح اعوذ بالله وش هالغبار كله
اجل الفراش وش يسوي وهو كل يوم ينظف
ونزلت كل الملفات ونظفت مكانها ونظفت
الملفات وكتبت عليهم اسمائهم بالترتيب
وحطت عليهم ارقام
واخذت الملفات القديمه الي مايحتاجونها
ورمتهاوصار شكله مره مرتب وحلو وشافت
مكتب طلال مره حوسه فتحت الستاير
على فوق ودخل النور على المكتب
ورتبت مكتبه وحطت له بس الاشياء الي
يستعملها قدامه والاشياء الي مالها داعي
حطتها في الدرج وسقت الزرع الي جمبه
وكان الزرعه ردت فيها الحياه حست انها
تقولها الله يعطيك العافيه كانت عطشانه
والقت نظره على المكتب بشكل
عام وقالت ايوا كذا الحين يحس الواحد انه
مكتب مدير كيف كان يجلس فيه من اول
ويوم جت تطلع شافت ملطف جو بريحت
دهن العود مليان ماأحد استعمله فبخت منه
وطلعت الريحه مره تجنن وسكرت الباب
ورجعت مكتبها
*****************
بعد شوي جاء طلال ومعاه الفراش
طلال : السلام عليكم
****************
حنين : وعليكم السلام
****************
طلال : يكلم الفراش تعال يابوعبدالله
الله يرضى عليك ابيك ترتب مكتبي
وتنظفه ابي اشوف وجهي فيه من
النظافه مايصير كذا الله يرضى عليك
المكتب مره حوسه ومبهذل ما كأنه
مكتب مدير تعال انا بقولك وش تسوي
*************
الفراش : سم طال عمرك
****************
ودخلوا حنين حطت يدها على راسها
يالله فشيله الحين بيعرف إني انا الي
رتبته انا كنت ابيه يحسب إن الفراش
هو الي نظفه احراج ياشين اللقافه
ليتني مارتبته
************
طلال : فهد تعال عندي المكتب
*****************
حنين : ضغطت الزر سم طال عمرك
ودخلت عليه
*******************
طلال : مين رتب مكتبي كذا انت رتبته
***************
حنيين : وهي بتطلع من ثيابها من الاحراج
ايوا انا بصراحه دخلت اخذ ملف لقيته
مره حالته حاله فقلت ارتبه شوي انا
اسف اذا كنت تدخلت ف
*************
طلال : لاتتاسف بالعكس الله يعطيك
الف عافيه كنت جالس فيه وقرفان منه
صراحه رووعه فرق بين اول والحين
يابوعبد الله الله يرضى عليك ابي مكتبي
كذا كل يوم ماابي اشوف الحوسه والغبار
الي كإن اول رجاء يابوعبدالله
***************
ابوعبد الله : حاضر ياعمي والله العتب على
النظر والله إني ياالله بالعافيه اشوف الدكتور
كتب لي على نظاره وبس يجي راتبي هالشهر
بشتريها سامحني يابو محمد
********************
حنين : "يوه ليش يقوله ابو محمد شكله
متزوج وعنده ولد بعد "
********************
طلال : بس كذا لاولايهمك وفتح بوكه
وطلع خمس ميه وقال هذه نظارتك
هديه مني كم ابو عبد الله عندنا
**********************
ابو عبد الله : الله يطول بعمرك الله يوفقك
ويكثر خيرك
*****************
طلال : الله يسلمك يالله عاد الحين ابيك
تجيب لي قهوه تصحصح لي
راسي
***************
ابو عبد الله : والله احلى قهوه لأ بو محمد
**************
حنين : سرحت "معقوله في ناس بالطيبه
هذي وبالاخلاق هذي كيف يعامل
الفراش ويساعده ماكانه هو المدير"
****************
طلال : فهد فهد وين رحت
*****************
حنين : انتبهت سم طال عمرك معاك
******************
طلال : شكرا على ترتيب المكتب
والله انفتح نفسي لشغل الله يعطيك
العافيه
*******************
حنين : الله يعافيك تفضل هذا الملف الي
طلبته مني امس
*******************
طلال : فتح الملف وشافه حلو حلو تمام
كذا خلصنا الاشياء المهمه في وقت مره
قصيرصراحه كنت متوقع إن مراح
نخلصها هالاسبوع كنت اقول ياالله
الاسبوع الجاي نخلصها بس الحمد الله
خلصناها قبل
***************
حنين : الحمدالله
***************
طلال : على فكره انا امس حطيت اسمك
من ضمن الي يشملهم التامين الصحي
ولانك مو متزوج يشمل انت والوالده
وخواتك بعد
******************
حنين : طارت من الفرحه صحيح
والله مدري وش اقولك
****************
طلال : لاتقول شيء هذا من حقك وجت
عينه في عينها
****************
حنين : ارتبكت ونزلت عينها عن اذنك
وطلعت من مكتبه
***************
طلال: استغرب من حركتها
*******************
حنين : "ياالله قد ايش الانسان
هذا ذوق الله يهنيها فيه زوجته جد
ماقد شفت في اخلاقه الله يحفظه "
*****************
تولين راحت الجامعه وهي مره نفسيتها
زفت خلصت محظرتها وما راحت عند
صديقاتها جلست مالها نفس تكلم احد
طفشانه والدنيا ضايقه فيها
*************
شيماء صديقتها : طحت عليك وينك
يادبه ماتجين تجلسين معنا
**************
تولين : والله اليوم مره نفسيتي زفت
قلت بصير ممله لو جلست معكم
****************
شيماء : وشفيك عسى ماشر ضايق
صدرك
****************
تولين : بقولك بس لاتعلمين احد
*************
شيماء : قولي وشفيك مراح اعلم احد
لاتخافين
***************
تولين : تعرفين صديقتي ندى الي
قلت لك عنها
****************
شيماء : ايوا اعرفها الي قلقتينا فيها
ايوا وش فيها
**************
تولين : تخيلي طلعت رجال
*****************
شيماء : لاوالله معقوله ايش يعني
تحولت رجال
******************
تولين : وش هالغباء وش تحولت هي
اصلا رجال موبنت
******************
شيماء : يا الله هو قالك ولا انتي عرفتي
******************
تولين : لاهو اعترف لي بس انا مره
مقهوره مره تعودت عليها وعلى مسجاتها
وكلامها احس إني فاقدتها احبها اموت فيها
مومصدقه إني خلاص بتركها
******************
شيماء : هو يعرف رقمك او اسمك بالكامل
*****************
تولين : لا الحمدالله مايعرفه مايعرف الا اسمي
بس والبن حقي لكن انا ودي اكنسل البن
حقه تعرفين كيف
********************
شيماء : ايوا بسيط سوي له بلوك وخلاص
بس لايكون دخلتي معه قروب
******************
تولين : لا الحمد الله إني مادخلت
******************
شيماء : اجل بسيطه لاتهتمين
بس خلاص عاد فكيها والله موحلوه
وانتي زعلانه الحمدالله انك ماتورطتي
معه بشيء ياالله تعالي نروح مع البنات
****************
تولين : لاوالله مالي نفس معليش روحي انتي
انا بنتظر المحاضره بحضرها وبروح البيت
لو ما انها مهمه كان ماحضرتها
*******************
شيماء : طيب على راحتك
****************
تولين : جلست وسرحت تذكرت كلمات
ندى اوفيصل لها وتذكرت كيف كان كلامه لها
واضح زي عين الشمس انه رجال لكن هي
من كثر تعلقها وحبها فيه ماانتبهت وبكت
بكت تولين وحست إن الدنيا كلها صارت
مالها طعم بدونها كيف بتعيش بدونها
كيف تقدر ماتكلمها ولاتعرف اخبارها
حست إن الدنيا ضايقه فيها
******************
في قسم الشرطه نادا يزن اخوانه
عنده في المكتب
-----------------
يزن : جبت لكم معلومات عن الحقير الي
كان يكلمها اسمه خالد سعد هو من عايله
فقيره مره يعني شكله كان طمعا فيهاعشان
كذا ماجاها وهو سمعته زي الزفت تزوج
اكثر من مره وطلقهم بعد كم شهر اكثر
وحده جلس معها 6 شهور وكل الي تزوجهم
كلهم غنيات من عايله معروفه شكله ينشن الاخ
وهو معروف انه يشرب سكير بشكل جنوني
مدري كيف الغبيه اختكم مالاحظت هالشيء
وشرايكم يعني مره يفشل مايصلح يناسبنا
**************
سلطان : اعوذ بالله لاطبعا مايصلح يناسبنا
بس الحمد الله إن مصار شيء خلاص
************************
يزن : المشكله لو رجع لها مره ثانيه وهددها
او سوى شيء ثاني واختك غبيه ينضحك
عليها
*******************
فيصل : عطني الملف وانا بوريها وهي
اصلا ندمانه ومراح ترجع له
******************
يزن : ايوا بس هذا مايكفي انا عشان كذا
ناديتكم الحين انا سويت له استدعى
ابيه يعرف إن وراها ظهر واخوفه عشان
مايقرب منها مره ثانيه وابي اتاكد من
كلامها عشان يطمن قلبي انها مراح
تفضحنا اذا تزوجت
****************
وطق الباب ودخل عليه العسكري ومعه
خالد
*****************
يزن : خلاص ياعسكري خله وروح انت
ولتفت له انت خالد سعد
******************
خالد : ايوا انا خالد بس انا وش سويت
ماسويت شيء ليش جبتوني هنا
****************
يزن : اعرفك هذا سلطان عبد الكريم
ال --- صاحب شركة --- اكيد
طبعا تعرفه
******************
خالد : بدء يفهم ايواطبعا اعرفه
******************
يزن : وهذا فيصل ال --- صاحب
مصنع ---- اكيد انك طبع تعرفه
****************
خالد : طبعا اعرفه
*************
يزن : وانا الضابط يزن اذا كنت
ماتعرفني انا اليوم بخليك تعرفني و
عمرك مراح تنساني
********************
خالد : خاف وعرف انهم اخوانها
انا والله ماسويت شيء انا كنت
ناوي اتقدم لها واتزوجها على سنة
الله ورسوله
*****************
يزن : ببرود ههههههههه انت تتزوج
اختنا انت ماتعرف هي بنت مين
بنت ابوسلطان ال-- التاجر المعروف الي
اشهر من نار على علم انت جدا متفائل
احنا مايشرفنا اختنا تاخذ واحد زيك
سكير مزواج يتزوج التاجرات ويطلقهم بعد
كم شهر بعد ماياخذ الي يبي انت لحد الحين
ماتدري ليش انا مستدعيك
***************
خالد : يحاول يسوي نفسه عادي ليش انا
ماسويت شيء
***************
يزن : انت هنا لان اختي تهمت بأنك
اعتديت عليها وانت عارف إن التهمه
هذي ممكن توديك في ستين داهيه
*****************
سلطان وفيصل انصدموا من كلامه ؟؟!
-----------------
خالد : بخوف ايش انا والله مالمستها
ولاجيتها
****************
يزن : شوف انا مستعد الحين اخليك تروح
وكأن ماصار شيء لو صرت عاقل وسمعت
الي اقولك عليه لكن لو ماسمعت الكلام
الحين بفتح المحضر وابهذلك والتهمه هذي
ثابته عليك ماتقدر تنكر وانا مستعد اجيب
لك الف دليل يثبت انك انت الي سويت كذا
وفيها سجن وابهذلك بهذله واكرهك نفسك
********************
خالد : سم طال عمرك الي تقوله انا بسويه
*******************
يزن : ايوا كذا تعجبني اختي تنساها وكانك
ماعرفتها لاتكلمها ولاتقرب منها وان سمعت
يوم انك بس كلمتها والله لانسيك اسمك تراك
لحد الحين ماعرفتني مايحتاج اقولك انا وش
اقدر اسوي فيك
******************
خالد : لاوالله مايحتاج وانا اصلا نسيت رقمها
ولا اعرفها ولا ابي اعرفها تكفى بس
خلني اطلع من هنا
*********************
يزن : اذلف ولا ابي اشوف وجهك ياالله تحرك
اشوف
*********************
خالد على طول قام بسرعه وخرج وسكر الباب
*****************
يزن : ابتسم ها وشرايكم فيني عجبتكم
****************
فيصل : يا ساتر الله لايطيحنا في يدك ياشيخ
شكله بيحلم فيك اسبوع
**********************
سلطان : يضحك والله حسيته من الخوف
بيسويها على نفسه والله انك مرعب
********************
يزن : هههههههه انا متعود على هالاشكال
واعرف كل واحد وكيف اتعامل معاه
***************
سلطان : الحمد الله إن السالفه خلصت
على خير انا الحين بستاذن لاني والله
مشغول مره وخرج وسكر الباب
*********************
فيصل : وانا بعد بمشي
*****************
يزن : لا انت اجلس ابيك في موضوع
****************

البارت الخامس
*****************
*********************
يزن : لا انت اجلس ابيك في موضوع
****************
فيصل : وش عندك بعد
*******************
يزن : ابيك تترك كل البنات الي تكلمهم
لاتلعب على بنات الناس احفظ اختك
ترى كما تدين تدان
*********************
فيصل : والله إني قاطعتهم كلهم واصلا انا
بس كنت أكلمهم كلام وحتى الي اشوفها
منهم والله كلام بس اتسلى ماعمري اذيت
وحده منهم
******************
يزن : دقه بدقه ولو زدت لازاد السقا
*******************
فيصل : وش سالفت المثل هذا انا دايما
اسمعه بس مادري وش سالفته
*****************
يزن : انا اقولك هذه قصه حقيقيه يقولك
كان في صايق ذهب معروف بانه طاهر
وشريف وعمره ما رفع عينه بحرمه
وفي يوم من الايام جت حرمه تبي تشتري
منه اسواره ومدت يدها كانت واثقه فيه
فمسك يدها بطريقه كانه يغازلها فسحبت
يدها وعصبت عليه وراحت تندم هو على
الي سواه ورجع البيت مقهور من نفسه
ولقى زوجته تبكي سالها وش فيك قالت
له السقا الي عندنا صارله سنين
المويه ماعمره رفع عينه فيني اليوم ترك
المويه ومسك يدي يغازلني ورجع للمويه
قال الصايق دقه بدقه ولو زدنا لزاد السقا
******************
فيصل : اعوذ بالله والله كلهم تركتهم ولاراح
ارجع لهم مره ثانيه بس وحده منهم
هي الي انا موقادر اتركها البنت هذي
غير عنهم كلهم شيء ثاني
*****************
يزن : انت غبي وحده تكلم واحد وش بتصير
يعني ملاك
*****************
فيصل : لا هي ماتدري إني رجال تحسب
إني زيها بنت انا حتى ماشفتها بس صارلي
اكثر من سنه معها والله اخلاق وادب ماتتخيل
كيف تحس انها فعلا بنت ناس
**********************
يزن : ياشيخ مافي وحده متربيه ولامو متربيه
من يصدق إن اختك تسوي الي سوته
والله إني كرهت البنات كلهم من بعدها
والله يجوني ناس هنا بنات عايله ومحترمات
ماتصدق انهم يسون كذا وهم ياما تحت
السواهي دواهي كرهتهم كلهم مافي
ولابنت زينه
******************
فيصل : يوه وش تقول انت اصابعك مو
زي بعض موكل البنات موزينات
في بنات والله عاقلات ولايفكرون في
هالامور تعرف البنت الي اقولك عليها
والله بس درت إني رجال قاطعتني حتى
ولاكلمه عجزت وانا ارسل لها والله ماتفتحها
حتى مع إني ماكنت اتركها لاليل ولانهار
وانا متاكد انها متعوده علي وروحها فيني
بس ماتبي تكلمني
*****************
يزن : طبعا ذكيه تخطط عشان توقعك بشباكها
عشان تتزوجها
*********************
فيصل : حرام عليك ياشيخ لا تصيرسيء
الظن والله ماكنت عارفه كانت تكلمني كنها
تكلم صديقتها سوالف بنات كنت اذا قلت
لها سالفه كذا ولاكذا تستغرب وماترد
والله عمري ماشفت في اخلاقها مع إن
ابوها واخوها متوفين مافي الا خواتها
وامها رغم كذا ماتطلع الامع امها أي
مكان كنت اقولها خليني اشوفك في
مطعم اوكفي شوب تقول لا امي
ماترضى
******************
يزن : مدري والله عني انا كرهت كل البنات
ولا اصدق إن في بنت عاقله طيب وانت
الحين وش تبي منها تكلمها خلاص
اتركها زيها زي غيرها
*********************
فيصل : مستحيل اتركها والله انا كنت في البدايه
بس العب عليها بس بعدين حبيتها من كل
قلبي ومقدر على فراقها اموت لو تركتها
*********************
يزن : مافهمت يعني ماتلعب عليها اجل وش تبي
فيها لايكون تبي تتزوجها وانت ماتدري وش
اصلها ولافصلها
******************
فيصل : والله ياليت بس هي توافق وانا مايهمني
هي من عيله غنيه اوفقيره اهم شيء تكون
عايله محترمه وخلاص وانا عارف انها كذا
بس المشكله إني ماعرف الابس اسمها واسم
ابوها ماعرف عايلتها ولارقمها وهي موراضيه
ترد على مسجاتي احس إني بنجن مدري وش
اسوي
******************
يزن : والله انت موصاحي تخلي بنت تسوي
فيك كذالاتخاف شوي وترد عليك هي بس
تبيك تستوي شوي وتقتنع انها عاقله مو
راعيت هالسوالف إن كيدهن عظيم
*******************
فيصل : اعوذ بالله منك انا غلطان الي جالس
اكلمك بقوم احسن لي
*****************
يزن : هههههه خلاص طيب لاتعصب والله شكلك
واقع لشوشتك خلاص انت انتظر بعد اسبوع
لو ماردت عليك انا اجيب لك اسمها ورقمها
واصلها وفصلها وكل الي تبي عنها
*********************
فيصل : طيب وليه ننتظر اسبوع ليه موالحين
تطلع لي المعلومات
***************
يزن : لا اصبراسبوع عشرايام واذا ماردت عليك
انا بجيب لك الي تبي بس انا ابي تتاكد بنفسك
من الكلام الي قلت لك إن ماردت عليك
لاتسميني يزن
***************************
فيصل : انا بصبر موعشاني شاك فيها
ولامصدق الكلام الي تقوله انا بس ابي اثبت
لك إن موكل البنات زي ما انت شايفهم
*****************
يزن : طيب الايام بينا وبنشوف كلامك
اوكلامي
********************
فيصل رجع للبيت بالليل ومعه المعلومات
عن خالد ودخل غرفت ابتهال ورمى عليها
الملف :
فيصل : شوفي هذا الي كنتي تبين تتزوجينه
شوفي كيف اخلاقه
***************
ابتهال : قرات الملف وصارت تبكي حقير
ضحك علي وخدعني بكلامه وانا
الغبيه صدقته
****************
فيصل : إن شاء الله يكون هذا درس لك
وماتخلين احد ثاني يضحك عليك
**************
ابتهال : جت عنده والله اول واخر مره
عمري مراح اعيدها انا ندمانه قد
عدد شعر راسي وامي ويزن وسلطان
مايكلموني فيصل تكفى سامحني
***************
فيصل : مسح دموعها وباسها على راسها
خلاص سامحتك انتي اختي ومقدر
ازعل عليك
******************
في بيت أم فهد كانوا كلهم جالسين
يتغدون
***************
حلا : يمه ابشرك جاء راتبي
بعطيك اياه يمه وانتي تصرفي فيه
*****************
الام : يابعد عمري يا بنتي والله زين
انه جاء عشان نسدد شوي من الديون
الي علينا
والباقي نجيب لنا شوية اغراض للبيت
إن شاء الله يجي راتب حنين ونسدد
اجار البيت هذا الي انا شايله همه
كم باقي على الراتب ياحنين
******************
حنين : كانت سرحانه وماهي معهم
********************
بسمه : حنين امي تكلمك
****************
حنين : انتبهت ها هلا يمه معليه
احسبك تكلمين حلا
********************
الام : وشفيك وش الي شاقل بالك
********************
حنين : ولاشيء يمه وش كنتي تقولين
******************
الام : كنت اقول كم باقي على الراتب
********************
حنين : باقي تقريبا اسبوعين تدرين يمه
إن الحين انا وانتوا نقدر نتعالج ببلاش
على حساب الشركه
***************
الام : ماشاء الله والله زين الحمدالله
يبي لنا اجل نتعالج هالشهرين قبل
لاتتركين العمل مدام انه ببلاش
*******************
حنين : يمه ليش طيب ليش اتركه والله
الشغل مره حلوه وراتبها مره زين
وبيريحنا ليه ما أستمر فيه
******************
الام : وشو هذا الي ناقص تقعدين طول عمرك
تشتغلين عند الرجال انا ترى وافقت هالشهرين
على عيني بس عشان الاجار لكن اذا سددناه
وش نبي بعد دوري لك وظيفه الاماتلاقين
**************
حنين : انتي شفتي يمه دورت لحد مادخت مالقيت
طيب واذا سددناه هالمره المره الي بعدها
وش بنسوي وحتى لو توظفت بتوظف ب15 الف
مراح الاقي ولاربعه حتى
*************************
الام : المره الجايه الله يرزقنا وحتى لوتلاقين
بالفين احسن ميت مره من هالوظيفه من تروحين
لحد ماترجعين وانا على اعصابي والله لو احد فيهم
يكشفك كان تروحين فيها انا اصلا بدور رقم عمك
وبروح له هو غني ويمكن اذا عرف ظروفنا يساعدنا
وقامت من الاكل
*******************
البنات : وين يمه اجلسي كولي ماكلتي شيء
*****************
الام : لا خلاص شبعت
*****************
بسمه : كله منك زعلتي امي زين كذا ما
خليتيها ما تاكل
****************
حنين : قامت وراحت لامها وباست
راسها اسفه يمه حقك علي
خلاص حتى لو تبين من بكره
ما تبين اروح مولازم بس اهم شيء
رضاك عني يالغاليه
******************
الام : الله يرضى عليك يابنتي والله لو بيدي
ماخليتك تروحين بس وش اسوي ماباليد
حيله مضطرين الله يحنن قلب عمكم عليكم
ويريحنا من الي احنا فيه
*******************
حنين : الله كريم يمه يحلها من عنده
*******************
الام جابت الدليل وقالت لبسمه
تعالي وطلعي لي رقم عمك عبد الكريم
فهد ال-----
**************
بسمه : طيب يمه فتحت دليل الهاتف
وصارت تدور عبدالكريم حمد عبد الكريم
سعد عبد الكريم سعود ايوا هذا عبد
الكريم فهد ال-----
****************
الام : الحمدالله خذي جوالي ودقي لي الرقم
***************
بسمه : خذت الجوال ودقت الرقم
<<اسوم>>
<<اسوم>> •
اوووحماس متحمسه اتوقع فيصل بيشوف تولين اذا جو او ان امه بتكلمه عنهم وهو بيعرفها من اسمها ..تكفين لا تتأخرين بالبارت السادس....مشكوره
((السوسن))
((السوسن)) •
رواية مشوقة جدا،،، بسسرعة بسسسرعة نزليها ما فينا صبر