في انتظارك يا مهوره الغاليه

واو البارت روعه والحمد الله كان يزن صار حبووب مع حلا وححرام مزونه تتزوج ابوو ضي):ولييش ماتجبين حنو مع طلال مالهم ا اثر بالقصصه؟ وي الله باانتظار البارتي(..

اسفه حبوباتي على التاخيربس اليوم صحيت متاخر
وجلست اكمل عليه معليه اعذروني وتفضلوا
البارتين ان شاء الله ينالون على رضاكم
اتمنى لكم قرائه ممتعه

البارت التاسع والعشرون
******************
*********************
حلا : ليه انت ماتبي تتزوج ليه
انت متعقد من البنات ممكن
اعرف وش السبب ؟؟!
***************
يزن : تفاجىء وتنهد يهمك تعرفين
****************
حلا : اكيد يهمني ابي اعرف وش
السبب مومعقوله مايكون فيه
سبب
*******************
يزن : مايصلح اقولك كذا لازم وجه
لوجه اذا شفتك بقولك
******************
حلا : اممم قصدك بعد الزواج بتقولي
***************
يزن : بعد ثلاث اسابيع فيك شده
تصبرين
*****************
حلا : والله مايمديني اصبر ذبحني
الفضول
***************
يزن : كنت عارف انك فضوليه
ومراح تصبرين خلاص اذا مصممه
بكره فيصل عازمنا على الغداء
وشرايك اشوفك هناك واقولك
*************
حلا : لا انا موفضوليه بس
ودي اعرف ليش وبعدين
كيف اشوفك هناك البيت بيكون
زحمه حريم ورجال مايصير
********************
يزن : لايصير الحديقه حقتهم كبير
مره يمدينا بعد الغداء نقعد فيها
نسولف شوي واقولكالي تبين
********************
حلا : يوه لالا استحي منهم مايصلح
ولو فيصل طلع وشافنا وش بيقول
مايصلح اذا تبي تعال عندنا البيت
****************
يزن : انا بقوله لاتجي عادي اخوي
امون عليه تكفين حلا عشان
خاطري كلها خمس دقايق لاني
اصلا ماقدر اطول عندي شغل
وبرجع لدوام بس خليني اشوفك
مقدر اجي عندكم البيت لاني
الاسبوعين هذي مره مشغول لاني
باخذ اجازه ولازم اخلص الشغل
الي عندي مره مضغوط هالاسبوعين
وقلت مدام انتي بكره بتجين
وانا بروح لهم قلت اشوفك هناك
عشان اقولك وش قلتي
****************
حلا : بغت تطير من الفرحه ما
صدقت الي تسمعه طيب خلاص
الي تشوفه
*****************
يزن : طيب الحين بسكر عشان
بروح انام عشان بكره عندي
دوام اشوفك بكره
***************
حلا : طيب مع السلامه
**************
بسمه :ها وش الاخبار اشوف
اليوم الوجه منور والابتسامه
وش كبرها
****************
حلا : حطت يدها على وجهها يالله
ماني مصدقه تخيلي ترجاني عشان
يشوفني بكره يقول بس خمس دقايق
****************
بسمه : حركات والله قدرتي عليه
وسويتي الي براسك
******************
حلا : ولسه ياما بتشوفين وبتسمعين
******************
في اليوم الثاني استعد الجميع عشان
يروحون لتولين
**************
حلا لبست فستان تايقر شانيل
ضيق وحزام بني وذهبي مربوط
على جمب وشعرها مفتوح وحلق
كبيرتايقر وميك اب ناعم طلع
شكلها شييييييييييء
**************
في بيت تولين وفيصل :
دق الجرس وفتحت لهم تولين

تولين : سلمت على امها وباست
راسها وينكم يمه تاخرتوا وشفيكم
*************
الام : انا جاهزه من الصبح بس
هالبنات الله يهديهم عندهالمرايه
الي تلبس والي تحط مكياج بغيت
اجي وخليهم
***************
تولين : هههه طيب ادخلي يمه
ارتاحي حياكم
*************
حلا : سلمت على تولين
***************
تولين : ماشاء الله عليكم هذا وانا
قايله تعالوا بدري
********************
حلا : معليش تاخرنا عليك بس
وش نسوي
****************
بسمه : ترى الحلا هي الي معطلتنا
انا خالصه من زمان بس هي
ساعه عند المرايه بالموت
خلصت
**************
تولين : ياالله معليش سماح هالمره
عروس ولازم تتهندس شوي
*******************
ودخلوا كانت ابتهال وام سلطان
وحنين موجودين سلموا عليهم
وبعد شوي حطوا الغداء كانت
تولين مسويه سفره اشكال وانواع
وجلسوا ياكلون ويسلفون كانت
حلا ماسكها جوالها بيدها تنظره
يكلمها وبعد ماخلصوا من الغداء
كلم يزن حلا :
يزن : يا الله تعالي انتظرك
***************
حلا : اوكي يالله جايه
***************
حلا : بروح الحديقه يزن يبي
يكلمني
****************
يزن : طيب روحي اطلعي من
الباب الخلفي عشان محد
يشوفك حركات ذكرتوني
بالذي مضى
**************
حلا : الي يسمعك يقول صارلك
سنين ترى كلها كم شهر
**************
تولين : أي بس خلاص راحت
علينا هالحركات
**************
حلا : طيب انا بروح لاتاخر
عليه بيروح الدوام
***************
وخرجت حلا من الباب الخلفي
وراحت لقته جالس ينتظرها
في الحديقه وكان لابس البدله
والكبوس اول ماشافها وقف
**************
حلا : مدة يدها السلام عليكم
*************
يزن : مد يده هلا وعليكم السلام
تاخرتي كثير
***************
حلا : اسفه بس كنت اكلم تولين
**************
جلست حلا على الكرسي وجلس
هو بالكرسي الي جمبها
*************
يزن : وهو يناظرها اخبارك
علومك
*************
حلا : عيونها في الارض الحمدالله
تمام
**************
يزن : ابعد شعرها عن وجهها اش
هالحلا كله ياحلا
******************
حلا : استحت وحطت يدها على
وجهها والله استحي
*****************
يزن : استمر يناظرها
****************
حلا : اشوفك لابس البدله بتروح
الدوام
***************
يزن : أي والله انا ماشي الحين
بس قلت بشوفك قبل لا اروح
*************
حلا : يو بتروح الحين
*************
يزن : وش اسوي الشغل
هاليومين مره كثير ولازم
اخلصه قبل اطلع اجازه
***************
حلا : طيب قولي قبل لاتروح
انت وعدتني تجاوبني
****************
يزن : معليه مره ثانيه الحين
مره مايمديني مضطر امشي
***************
حلا : يو كان ودي تقول لي
**************
يزن : إن شاء الله يوم ثاني
***************
وقف يزن وقطع ورده من
الورد الي جمبهم واعطاها
ايها وقال :
يزن : توصين على شيء
*****************
حلا : شكرا لاسلامتك ومدت
يدها تسلم عليه لكنه سحبها
وحضنها وباسها
***************
حلا : صار وجهها احمروما
عرفت وش تقول
**************
يزن : ابتسم ياالله سلام اشوفك
على خير وراح
*****************
حلا وقفت مكانها تشوفه وهو
ماشي يمشي مشيه سريعه
ورزينه ذابت حلا في مكانها
وهي تشوفه يمشي في الممر
بيروح لحد ماوصل عند الباب
ولف عليها واشربيده مع السلامه
كانه كان عارف انها كانت تشوفه
وخرج وسكر الباب
****************
حلا : جلست على الكرسي
خمس دقايق تشوف الباب
تمنت لو يرجع لكنه راح
***************
لكن يافرحه ياحلا ماتمت خذها يزن
وراح
دق جوال حلا وكانت رساله من يزن
فتحتها وانصدمت منها كان يقول لها


الجزء الثلاثين
************
**************
دق جوال حلا وكانت رساله من يزن
فتحتها وانصدمت منها كان يقول لها
( قلت لك انتي موقدي لاتتحديني
شفتي كيف لوابي شيء اخذه وبرضاك
لاتتحديني مره ثانيه )
***************
حلا : فتحت عيونها مصدومه لالا مومعقوله
كان يمثل كل هذا معقوله ماكان صادق
معاي من شوي معقوله انا احساسي ميت
لهدرجه وماعرفت انه يكذب علي
كانت بتبكي لكنها ماقدرت من الصدمه
مشت وهي ماتشوف قدامها ودخلت عندهم
واخذتها حنين وتولين على جمب وقالت
لهم الي صار
*****************
تولين : ياساتر عليه معقوله يسوي كذا
وش هالرجال
*****************
حنين : ماتوقع إن الرساله صادق فيها
فعلا هو انقهر من كلامك لكن
اتوقع انه سوى كذا لانه هو يبي
وعشان يبررلك تصرفه قال
كذا مايبيك تهزمينه على قولته
**********************
حلا : مادري مخي واقف عن التفكير بس
مصدومه بقوه موقادره افكر
*****************
تولين : خلاص لاتكلمينه هالثلاث
اسابيع خليه يتادب وحتى لو كلمك
لاتردين عليه سخيف صراحه
قهرني
****************
حنين : أي والله يقهر بس انا متاكده
انه بس يقول كذا كلام
*****************
حلا : مدري مدري موقادره افكر
****************
بعد مارجعوا من عند تولين دخلت حلا
واخذت شور ولبست بجامه ناعمه
وتمددت على سريرها بسمه
كانت جالسه على سريرها تذاكر
وماعرفت بالي صار
بسمه : صراحه اليوم وناسه
عند تولين انبسطنا كثير
وفيصل صراحه ماقصر جاب
الاكل كله من برى ماخلها
تسوي شيء صراحه الله يهنيها
بهالفيصل
***************
حلا : فعلا ماشاء الله تبارك الله
فيصل مافي زيه ليت كل الرجال
زيه طيب وكريم وحنون ودمه خفيف
ويرحمها الله يهنيها فيه مدري ليه
يزن ماطلع زيه الحمدالله على كل حال
****************
بسمه : معليه يهديه الله
****************
حلا : امين الله يهديه يالله بسمه
بنام مره تعبانه
******************
بسمه : طيب نامي حتى انا بعد بذكر
شوي وبنام
***************
حلا : تمددت على سريرها واعطت
بسمه ظهرها عشان ماتشوفها وصارت
تبكي من غير صوت دموعها تنزل
امتلت مخدتها قلبها معصور وينزف
من الي سواه مسحت دموعها
وقالت من غير ماتناظرها بسمه
**************
حلا : بسمه تكفين ترى ماأعرف انام
والنور مفتوح روحي غرفة البنات
ذاكري هناك ترى حدي تعبانه
***************
بسمه : اخذت كتبها وقامت طيب
متاسفين على الازعاج يالله إنا
رايحه سلام وخرجت من الغرفه
وغفلت الباب
****************
حلا : صارت تبكي بصوت عالي
ماقدرت تمسك نفسها مره مصدومه
منه وقامت توضت وصلت ركعتين
ودعت الله إن يهديه لها ويحببه فيها
ويجعلها احسن نساء العالم في عينه
وقرات قران وحست انها هدت
ونامت
****************
وفي بيت تولين وفيصل
فيصل : ها بشري إن شاء الله العزيمه
كانت تبيض الوجه
***************
تولين : كانت مره متاثره عشان حلا
ومقهوره عليها لكن ماكانت تبي فيصل
يعرف وقالت :
ايوا الله يعطيك العافيه ياحبيبي والله
ماقصرت كانت العزومه روعه
*****************
فيصل : وشفيك كذا صار شيء
**************
تولين : لاحبي مافي شيء وش
بيصير
***************
فيصل : تولين انا ماعرفك قولي لي
وش صار باين على وجهك
*************
تولين : ماقدرت تستحمل وبكت
مافي شيء بس مقهوره على
حلا اختي مسكينه والله ماتستاهل
يزن مجننها
*******************
فيصل : يابعد عمري انتي خلاص
لاتبكين وش سوى بعد اليوم قالي
لاتطلع الحديقه بروح مع اهلي و
فرحت قلت ياهدي وش سوى قولي
لي
****************
تولين : مقدر اقولك بس حرام
حلا والله انها احسن وحده فينا
عقل وادب وذوق وماشاء الله
عليها موناقصها شي ليه يسوي
فيها كذا ياويله من ربي
*******************
فيصل : صحيح انه اخوي بس انا
بعد مايرضيني الي يسويه لكن
والله انه يموت فيها هو قالي
شفتي يوم جاء عندنا من كم يوم
كان يشكي لي يقول جننتني هو
كذا كل عمره عيبه انه مايبي
احد يمشي كلامه عليه لكن
والله طيب وحنون قولي لحلا
فيصل يقولك برافوعليك انتي
سويتي الي محد قدر يسويه بس
يبغالها شوي تستحمله الواحد مايتغير
بين يوم وليله لكنه مره بيموت عليها
بس مايبي يعترف حتى لنفسه
الله يهديه لها ويهديها له
****************
تولين : مسحت دوعها وقلت امين
***************
وفي غرفة يزن
بعد مارجع من الدوام واخذ شور
وغير ملابسه تمدد بينام ابتسم يوم
تذكرها وتذكر الي صار ياالله ياحلوها
هالبنت ياترى وش سوت يوم قرات
الرساله وشاف الصوره الي كانت
معاه وكانه يكلمها معليه ياقلبي قسيت
عليك بس وش اسوي انتي تحديتيني
وقهرتيني انا ماتعودت احد يستفزني
كذا اسف حبيبتي وباسها وكان تعبانه
حده نام وهوحاضن الصوره
*****************
مراسبوع وحلا لازالت متاثره
ورغم انها لسه ماخلصت من
تجهيزات الزواج لكنها ماتروح السوق
عشان ماتبي تستاذن منه ماتبي تكلمه
وكان يزن مشغول مره لكنها كانت في
باله طول الوقت كان يتمنى لوتكلمه
************
بسمه : انتي صاحيه ولاموصاحيه
باقي على زواجك اسبوعين
وانتي لسه ماخلصتي وشفيك
ماتروحين السوق
******************
حلا : زهقت من كثر ماروح السوق
بخلي تولين اوحنين بوصيهم يجيبون
لي الي ابي وخلاص مابي اروح
****************
بسمه : ليه وشفيك انتي موعاجبتني
هاليومين لايكون الضابط مزعلك
*****************
حلا : لاعادي بس انا ماودي اروح
*********************
ومر الاسبوع الثاني وحلا على ما
هي عليه ويزن لازال مشغول بالدوام
وبالجناح كان يبذل كل جهده عشان
يكون الجناح جاهز قبل موعد الزواج
*************
يوم الخميس جت تولين وحنين
تولين : قالت لحلا كل الي قاله فيصل
****************
حنين : شفتوا قلت لكم بس يقول كلام
الله يهديه لكن معليه ياحلا انتي قده
*************
حلا : الله يخليكم سكروالموضوع
ماابي اسمع سيرته فيني قهر عليه
ماودي اسمع اسمه تكفون غيروا
الموضوع
*****************
تولين : طيب يالله جيبي ورقه وقلم
وكتبي لي كل الي تبين من السوق
وانا بجيبه
**************
حنين : لاانتي حامل وتعبانه عطيني
انا اجيبها كلها
***************
حلا فديت قلبكم الله لايحرمني منكم
ياخواتي والله لوماانتو كان مدري
وش اسوي مالي نفس اكلمه واستاذن
منه ولاحتى ارسل له
****************
انتهى البارتين يارب ينالون على رضاكم
كتبتهم بكل احساسي وعشت مع حلا وتولين
كاني انا معهم اتمنى إن شاء الله يعجبونكم
واكيد ردودكم تسعدني 0000الماهرات

هاليززززززززن يقهر ينرفزززز
يعطيك العافية ع البارت

وهـ يههبل البارتي بسس كانهه قصير)/: يااشين يززن يقههر مامدانا نفرح انه تغير الا انه رججع اكرررهـ وماششاء الله ع تاليين وحنين ماقصرو ي ححبي لهم ومششكوره الله يوفقكك ويسعدك ع البارتي الروعه(: