الجزء الثاني
عند نجوى وشلتها
كانن بالقاعه جالسات استعدادا للاختبار
سحر:بناات انا بفتح الكتاب بخليه بالطاااوله
نجوى:انا بجي جنبك وابنقش منك اوكي
سحر:مدري عن هالـ .... اخاف ماتخلينا جنب بعض
نجوى:يوووه هذي ورطه والله
مشاعل:القاعه زحمه ومليانه مستحيل تبدل مافي الاماكن اصلن
دخلت عليهم الاستاذه ومعاها اوراق الامتحان
سحر:يووووه هذي الله لايوريكم لها اربع عيون تشوف القاعه كلها بنظره وحده
نجوى:خساره لو انها استاذه صبريه كان اخذنا راحتنا
سحر:ماعليك انا اضبطك
نجوى:نشوف الله يستر بس
الاستاذه:يالله بنات شيلوا اللي قدامكم.
شالوا البنات كتبهم وملازمهم داخل الشنط وبدت الاستاذه توزع الاوراق
الاستاذه:كل وحده عينها بورقتها اللي المح عينها بورقة الثانيه الغي عليها الاختبار ومالها اعاده ابدا
نجوى بصوت منخفض:سوسو الحقيني ماني عارفه شي
سحر:طيب انطمي بفتح الكتاب الحين
فتحت نجوى الكتاب وبدت تحل بعض الاسئله وتقرب الورقه لنجوى وطبعا نجوى عيونها عليها
وفجأه وهي مندمجه تكتب من الكتاب
سحـــــــــــــــــــــــرررررررررررر
كان هذا صوت الاستاذه شافت سحر وهي تغش
الاستاذه:فاتحه الكتاب ياسحر
سحرنزلت راسها:لا مافتحته
جت الاستاذه وسحبت الكتاب من طاولة سحر:وتكذبين بعد
سحبت منها الورقه:خلاص راح الغي عليك الاختبار وترى عليه 40 درجه يعني راسبه ياسحر
سحر(ياويلي وش اسوي الحين):.......
الاستاذه:اطلعي ياسحر برا القاعه خلاص
طلعت سحر من القاعه وهي مقهور من الاستاذه شايله هم رسوبها لو تدري امها بتذبحها ماهو اهتمام هي اصلن ماهي مهتمه ولا درت عن بنتها بس ماتبي الناس يقولون بنتها راسبه تبي بناتها متفوقات برستيج قدام الناس
نرووووووووح للمدرسه
كان وقت الفسحه
داخل الفصل
ربى ماسكه المرايه وتزيد الروج عليها:
جوري هالمره اطلعي تفسحي بالساحه
جوري:مقدر ياربى بالذات اليوم بذاكر عشان اختبار بكره وبحل واجباتي
((طبعا جوري ماتطلع وقت الفسحه تجلس بالفصل عشان تذاكر وتحل واجباتها لان في البيت زوجة ابوها ماتخلي لها فرصه ابدا
الله يعينك يالجوري....))
ربى:براحتك انا بروح برا
طلعت ربى بالساحه وكانت احلام تستقبلها
جتها وضمتها:وحشتيني مووووت
ربى وهي متضايقه من حركة احلام:
وانتي بعد وحشتيني
احلام:الله شهالزين ياحياتي تجننين والله
ابتسمت ربى بخجل: مشكوره
احلام:امشي نتمشى
ربى:اوكي يالله
طلعوا يتمشون وطبعا كل وحده يدها على محاوطه لخصر الثانيه !!!
بعد ماتمشوا ولفوا الساحه
احلام:ربى امشي نروح عند المكتبه
ربى:ليش تبين شي
احلام:لا بس بسوي شي ومابي البنات يشوفون
ربى مستغربه:وشو
سحبت يدهااحلام:امشي
وقفوا عند المكتبه وماكان
فيه احد نهائيا
ربى:هاه شبتسوين
احلام:انتي حبيبتي وابي ابوسك ممكن
ربى:.......
((لاتنسين كلام جوري ياربى))
ربى:احلام انتي ليش تسوين كذا
احلام:احبك يابنت واموت فيك ماتفهمين
ربى:.......
احلام:والله ياربى اني احبك اكثر من امي بعد
ربى:لهالدرجه
احلام:واكثر ياقلبي
ربى:حتى انا ياحلام والله اموووت فيك
قربت منها احلام وبكل وحاقه باستها !!!
نرجع للجاااااامعه
نجوى:الله ياخذها ماحليت شي
مشاعل:ولا انا عادي يابنت بالطقاق
سحر:لا انا ياويلي من امي لو ارسب
مشاعل:المهم انا بروح عند حبيبةقلبي تجين سوسو معي
سحر:لا انا وين وانتي وين
راحت مشاعل لعشيقتها!!!
جت بشاير:اسمعي سوسو استاذه هدى تبغاك
سحر:شتبي بعد مايكفيها الغت اختباري
بشاير:روحي يمكن غيرت رايها
سحر:بروح واشوف شعندها
بشاير:وانتي لاتنسين الطلعه الليله
نجوى:لا افا عليك ماراح انسى
عند الاستاذه وسحر
طبعا الاستاذه لما شافت سحر مسترجله
حطت في راسها مواال
سحر:خير استاذه طلبتيني
الاستاذه:شوفي ياسحر انا مستعده اعيد لك الاختبار واساعدك وانجحك بالماده بعد بس عندي شرط
سحر:امري اهم شي انجح بس
الاستاذه:فيه بكره محاضره انا بلقيها بالمصلى ابيك تحضرين معي
سحر:بس كذا ابشري والله ماطلبتي شي
الاستاذه:ابيك ياسحر تجين قبل المحاضره هي الساعه10تعالي9 عندك شي بكره
سحر:لا اصلن بكر عندي تفرغ
الاستاذه:حلو اجل اشوفك بكره بالمصلى
سحر:اوووكي
طلعت الاستاذه من درجها كتيب للشيخ محمد العريفي بعنوان_هكذا ماتت_
واعطته سحر:اتمنى ياسحر تقرينه ماراح ياخذ منك 5 دقايق
_ _ __ _ __ _ __ _ __ _ __ _ __ _ __
لكـ دعـوتن مـع كـل تـكـبـيـرة إحـرام
ومـع كـل كـربـه ي العريفي جـزايـل
_ _ __ _ __ _ __ _ __ _ __ _ __ _ __
سحر:ان شاءالله
وطلعت من عند الاستاذه وهي تقلب الكتيب بيدها:ياربي منها ماحب هالكتب وبعد احضر محاضره اففف اكيد صلوا وبروا بوالديكم
انا وين وهي وين بس يالله لازم احضر اخاف بعد تسقطني.
جاءوقت الظهر
وقت الخروج من الدوام
في مدرسة ربى
كانت احلام تدور عليها
ربى تناديها:احلام انا هنا تعالي
احلام:شوفي ثاني مره خليك بنفس المكان عشان اجيك
ربى:اووك
احلام باستها على خدها: مع السلامه والله راح اشتاقلك
ربى:ههه بكره راح تشوفيني
احلام:الله يصبرني لبكره
ربى:يالله انا بطلع باي
احلام:باي
طلعوا كل البنات لبيوتهم
في بيت جوري
دخلت البيت وكان في استقبالها زوجة ابوها
ام عيسى:اخيرا شرفتي يالله حطي الغدا
جوري:طيب بروح ابدل
ام عيسى بصوت عالي:انتي ماتفهمين قلتلك حطي الغدا الحين اسمعي الكلام احسن لك
جوري:خلاص ان شاء الله
راحت للمطبخ تجهز الغدا لهم
بعد ماحطته على السفره راحت تنادي خواتها عندها اختين واخ واحد بس
على الغداء
جوري:يبه انا ابي اغراض من المكتبه ضروري مطلوبه علي
ابوعيسى:ان شاءالله
ام عيسى:خير ان شاءالله وشي هالاغراض اكيد من خرابيطك
جوري:لا والله طالبينها المدرسه ضروري
ام عيسى:والله مالها داعي واذا ماجبتيها بتقوم الدنيايعني
جوري:......
ابوعيسى:خلاص اسكتي ماراح اجيبها ارتحتي
رفعت جوري راسها وناظرت لابوهاوبعيونها الدمعه:ليش يايبه والله ضروري ابيهم
ام عيسى:خلاص قفلي الموضوع انتهينا
((طبعا ابوها مايقدر يقول شي بحضرة زوجته))
قامت جوري وهي ماكملت اكلها
ام عيسى:تعالي هنا
جوري:خير
ام عيسى:استني لين نخلص وشيلي الغداء ونظفي المطبخ
جوري:ان شاءالله
عند بنااات الجاااامعه
كانن في الباص بالطريق متجهين لبيوتهم
وطبعا كلهن مسويات اللثمه وفاتحين الشبابيك عشان اللي برا يشوفهم
واللي تتراسل بالبلوتوث مع اللي بالباص
واللي مشغله اغاني مع شلتها وقالبه الباص مرقص
بشايرتطالع مع الشباك:ياويلي نجوى شوفي هذا
نجوى:اي واحد
بشاير:هذا اللي مشغل اغاني
نجوى:من زينه
بشاير:والله يهبل ماعندك ذوق
بشاير:الحين بنوقف عند الاشاره اكيد بيعطينا الرقم
نجوى:ضامنه
بشاير:ايه اعرف هالاشكال ماشغل اغاني عند باص بنات الا ويبي يرقم
وقفوا عند الاشاره وفعلا رمى الرقم على بشاير من الشباااك بس ماطاح عندهم
بشاير:اوووه قهر لو قرب شويه هههه
نجوى:ههه بجد ماهو صاحي
نتركهم ونروح لبيت احلام
كانت تتغدا بالمطبخ:طبعا ابوها مايجي الا بعد مايوصل البنات لبيوتهم
وامها نايمه عشان تستعد لطلعات العصريه وزياراتها اللي ماتخلص
واخوها متزوج ولاهي عنهم
واختهاالوحيده اخت مجرد اسم وماكأنهم خوات عمرهم ماجلسوا مع بعض وحكوا لبعض مشاكلهم وهموهم لا كل وحده في حالها
اختها وداد:هاي ماي سستر
احلام:هلا
وداد:وليش تقولينها بدون نفس
احلام:كيفي
ابوسعد:يالله يابنات حطو الغدا تراي تعبت من الطريق وميت من الجوع
وداد:حتى انا والله الحين بقول للخدامه
احلام:عن اذنكم انا بروح انام
طبعا محد رد عليها
في بيت ربى
بعد ماتغدوا وخلصوا
جلست معاها امها تاخذ منها اخبار المدرسه
وهذا حال ام نواف يوميا دائما تحسس عيالها انها معاهم في كل شي
((ونعم الام يام نواف))
ربى:وهذا كل شي صار اليوم
(طبعا خبت عن امها نوع العلاقه بينها وبين احلام وماجابت سيرتها)
ام نواف:والله مسكينه هالبنت الله يعينها
ربى:تصدقين عاد ماتحب تشتكي منهم ابد ويوم اقول ادعي عليهم تقول ما اقول غير حسبي الله ونعم الوكيل
ام نواف:والنعم بالله يمهل ولا يهمل
ربى:طيب انا بروح انام وصحيني بدري عشان اذاكر بكره عندي اختبار
امها:ان شاءالله
في بيت نجوى
نجوى:هاه يبه شقلت اتجهز الليله
ابوها:تجهزي كم نجوى عندي انا وحده وافديها بعمري كله
نجوى:الله يخليك لي يااحلى ابو في الدنيا
ام نجوى:ماله داعي تخليها تروح لحالها
نجوى:عادي يمه انا وصديقاتي والحين بروح انام بااااي
ابو نجوى:انا ماحب اخلي بخاطر بنتي شي اللي تبيه بجيبه لها
ام نجوى:بس انت مدلعها زياده عن اللزوم
ابو نجوى:هذي فرحتي واول ضناي ووحيدتي
وهي اغلى الناس عندي والله
ام نجوى :الله يخليك لها
,,,,,,,,
نرووووووح للجوري
كانت جالسه بغرفتها وحاطه راسها على ركبتها وتبكييييي
_ __ __ __ __ __ __ __ __ __ _ _
قهر لاصرت ضآيق ولاتدري وش تسوي وتحضن نفسك ب نفسك وتحط رآسك على الركبه...
_ __ __ __ __ __ __ __ __ __ __ _
دخل عليها اخوها عيسى:جوري
جوري:نعم
عيسى:انتي تبكين
جوري وهي تمسح دموعها:لا حبيبي بس عيوني تدمع
عيسى:انا عارف انك تبكين خلاص ان شاء الله اذا كبرت اجيبلك كل اللي تبينه
جوري:الله يخليك لي يالغالي واشوفك رجال ان شاءالله
جت اختهم الصغيره ضحى:جوري تعالي عمي احمد جاء
جوري بفرحه:صدق وينه
ضحى:تحت
نزلت جوري لعمها
عمها الطيب الحنوووون ياما تمنت انها بنته مع ان ابوها طيب بس زوجته مسيطره عليه
احمد:هلا بالغاليه جوري
جوري:هلا بك عمي وينك والله اشتقتلك
احمد:انا عارف اني مقصر بالزيارت اعذرونا
تونا امس جينا من الاردن
جوري:بشر وش قالوا
احمد:مافي امل ياجوري ادعي لنا بس
(عمها لم يرزق بذريه منذ9 سنوات)
جوري:لاتقول مافي امل ياعمي الله سبحانه وتعالى قادر على كل شي
احمد:والنعم بالله انتي بشريني عنك عساك مستانسه وكيف ام عيسى معك للحين نفس طبعها
جوري:الحمدلله ياعمي انامرتاحه وبخير ونعمه
_ _ __ _ __ _ __ _ __ _ __ _ __
_گلِمآ همَمتِ آلبوَح بـ حزنَيً
¬» " أخججلِنَيً " |
. . . قوَلـِ? تِعّآلِى : ( وَ بشرِ الصَّآبرِينَ )
_ _ __ _ __ _ __ _ __ _ __ _ __ _ __ _
عند نجوى
كانت تسوي مكياج عيون على اساس بتطلع فضروري هالشي عشان اللثمه
دقت عليها بشاير وطلعت لها
بشاير:هلا والله
نجوى:هلابك
بشاير:اي سوق تبين
نجوى:اي واحد اهم شي نستانس
دخلوا المول
وطبعا كانن يلفتن جميع الانظار بلبسهن وعباياتهن المخصره المزركشه اللي محتاجه عبايه ثانيه
كانن من محل لمحل
مر من جنبهم واحد
الرجال:تبين اشيل عنك الاكياس حرام ثقيله عليك,,كان يكلم نجوى,,
نجوى:خير شيبي هذا
بشاير:ياخبله ردي عليه بذوق
نجوى:لا مشكور مانبي نتعبك
الرجال:افا والله تعبكم راحه
تقدم واعطى نجوى الرقم
بشاير:خوذيه بسرعه
اخذته نجوى وراح الرجال
نجوى:وش ابي فيه اخذه
بشاير:شلون شتبين فيه عطاكياه عشان تكلمينه
نجوى:لاوالله خوذيه انتي
بشاير:ياغبيه عطاكياه انتي وش ابي اخذه انا
لو اعطانياه اخذته عادي كلميه
نجوى:اوك اشوف
,,,,,,,
عند ربى
كانت تكلم احلام بالجوال
جت امهاتناديها:ربى
ربى:طيب احلام مع السلامه
امها:ساعه شتبي هذي
ربى:فيه مسأله ماهي فاهمتها تبيني اشرحها لها
امها:وبعدين انا اول مره اعرفها احلام منهي هذي
ربى:توي تعرفت عليها حبوبه وعسل
,,,,,,,
عند احلام
:اففف اكيد جتها امها
ياالله اموت فيها هالبنت مدري ليش دايما افكر فيها وماتغيب عن بالي ابد
جت امها:اسمعي انا ابطلع الحين تبين تجين معي
احلام:انتي اصلن عمرك جلستي بالبيت
امها:الشرهه علي اللي باخذك واونسك
احلام:ايه بالحيل يهمك وناستي والله مادريتي عني
طلعت امها كعادتها اليوميه
,,,,,
عند نجوى
رجعت وكان ابوها ينتظرها:
خير يالغاليه تأخرتي
نجوى:والله بعد ماتسوقنا وخلصنا قلنا نروح نتعشى بالمطعم
ابوها:الله يهديك ثاني مره لا تأخرين لهالوقت
وقام وباس راسها:يالله يالغاليه تصبحين على خير قومي نامي وارتاحي
((ايه يبوس راسها لاتستغربون بنته الوحيده
اللي مايشوف بالدنيا غيرها))
نجوى:وانت من اهله
راحت لغرفتهاوطلعت الرقم اللي عطاها الرجال
ترددت تدق ولا لا
بين ضميرها الصاحي وبين وسوسة الشيطان اعوذ بالله منه
امممم انا وش خسرانه اجرب
بس لا حرام ومايجوز هذا رجال وغريب عني حرام اكلمه
لالالا بكلمه بس هالمره وبشوف وش عنده
بس اكيد يضحك علي مثل مايسمونهم الذئاب البشريه
اممم لالالا انا بدق واتسلى معه اذا فضيت ماراح اكلمه على طول
سيطر عليها الشيطان في هاللحظه
وقررت تكلمه
نجوى:الو
حسين:هلا مين
نجوى:امم انا اللي عطيتني الرقم بالمول
حسين جلس يتذكر اي وحده هي لانه اليوم رقم 5بنات مشا الموضوع وكأنه عرفها:هلا والله ياحي هالصوت
نجوى:انت ليش كنت تبي تشيل الكيس عني
حسين(اووه هذي اللي كانت مع خويتها):
والله حرام كان الكيس ثقيل وماهان علي تشيلينه
احلام(ياربي شكله مره طيب):مشكور
حسين:الا من كان معك بالمول.............................
نتركهم يتكلمون والشيطان بينهم
الى هنااا نقف
يالله ابي توقعاااااااتكم ياااحبايبي
وارااائكم
انتظر ردوووودكم الحلووووووه
ولكم كل الود
ان اسلوب الدعوة ميسر ويصلح للبنات.وكملي لاني متحمسه..