يعطيكي العافيه بس لا تتاخري

وينـكـ ي قمـر تـآخرتي علينا قوولي متـى التكمله؟

يوه مرره تاخرتي كمليه الله يووفقك طولتي علينا):

جاتني رساله عالخاص خوفتني وعشان هيك بكمل الروايه هههههههههههههههههههه

عنوان الرساله مضاهراااات

يمه قلبي قام يرقع قلت هذي وش عندها لايكون بيدخلوني بالسياسه هههههههههههههه

طلعت المضاهرات عشان اكمل الروايه خخخخ


ابشري ياللي ارسلتي اكملها لعيونك ولعيون الشعب على قولتك بس باقي البارت الاخير ماخلصت من كتابته

اسفه طولت عليكم بس مشاغل الدنيا
يعني المعذرة عن التاخير حبيابي


((((الـــــــبارت16)))))))


مزون/سلمان تكفى مااقدر اتاخر اكثر من كيذا


سلمان/حياتي بس شوي


مزون/ ياخي احس امي بدت تلاحظ طلعاتي الكثيرة

امس قالت حاولي تخففين شوي من طلعاتك

سلمان/فكينا من امك وتعالي ابيك بسالفه

موزن/سلمان بس عاد خلي السالفه لبكره

سلمان/ماينفع ..والله بتعجبك السالفه تعالي

**************************
عايشه مع شمس عند قمر


عايشه/يالله ياعمه انا مابتأخر يعني ساعه وبرجع وهذي شمس الحلوة بتجلس معك على بال ماارجع

قمر/الله يجزاها خير ماتقصر

عايشه/يالله ياشمس انا بروح

شمس/لاتطولين طيب

قمر/اذا متضايقه من الجلسه معي روحي

شمس/لاياخاله بالعكس بس ام ناصر تحتريني ومابي اتاخر عنها

عايشه/ساعه بالضبط وانا راجعه..سلام

>>>>بعد ماراحت عايشه.شمس قربت من قمر وضلت تطالع فيها عن قرب

شمس((هالوجهه مو غريب علي؟قلبي مستحيل يكذب

علي.خايفه اصدق قلبي ويطلع تفكيري غلط))

قمر/شمس انتي هنا؟؟

شمس/هاه؟ايه هنا

قمر/اشفيك ساكته؟

شمس/لاولاشي

قمر/مرتاحه عند بيت ام سعد؟

شمس/اكيد مرتاحه هالناس لهم فضل علي هم الي ربوني

قمر/تحبين سعد؟

شمس تفاجأت من هالسؤال/ليش هالسؤال؟

قمر/مدري بليله عرسك حسيتك مومرتاحه او مغصوبه

شمس/لابالعكس بس يمكن تذكرت اهلي الله يرحمهم

>>>قمر كانت بتسأل عن اشياء بس لما شمس قالت اهلي الله يرحمهم غيرت رايها

وخذتهم السوالف ومر الوقت بسرعه وبعد رجوع عايشه شمس راحت بيت ام ناصر

***************************
سعد/يمه تكفين لااوصيك على شمس

نوره/الي يسمعك يقول بتروح ومابترجع.وشفيك يمه لاتخوفني عليك ترا والله مااخليك تروح

سعد/لايمه مابيصير الا كل خير بس تعرفين شمس يتيمه ومالها احد

دخل عليهم لافي/السلام عليكم

نورة+سعد/وعليكم السلام

سعد/جيت بوقتك

لافي/ليه خير؟

سعد/عشان اودعك قبل اسافر

لافي/تسافر؟؟ع وين؟وليه؟

نورة/عشان هالمقروده مرته

لافي بنبرت خوف ماقدر يخبيها/ليش وشفيها شمس؟؟

سعد انقهر بس مابين/مافيها شي لاتخاف بس انا وعدتها ادور لاهلها ولازم اوفي بوعدي

لافي/بجي معك

سعد/لا خلك مع اهلي راشد بيروح معي.بس لااوصيك

لافي/تطمن يالغالي.تروح وترجع بالسلامه

سعد/وين شمس ؟ابي اودعها قبل اسافر

نوره/راحت بيت عمك سعد تساعد منيرة

سعد/افففف ستين مره قلت خلاص شمس مو شغاله عشان تخدم عند احد شمس زوجتي تفهمون؟

نوره/الحين تجي لاتعصب..بعدين مافيها شي لاساعدت عمتك هذا هي طول عمرها تشتغل مابيضرها الحين

لافي/وهو صادق انا كنت بتكلم بس سبقني

سعد/بروح غرفتي اريح شوي لين تجي شمس

*********************************

<<<شمس طول الطريق تفكر بقمر

شمس((يالله ليش ماسألتها؟الكلام كان على طرف لساني

بس مدري ليش ترددت؟يمكن خفت تكون مو هي ؟يمكن))

>>>لما وصلت شمس للبيت وجات بتدخل تصادفت مع لافي عند الباب

لافي/كيفك شمس؟

شمس/بخير

لافي/امي قالت انك كنتي تساعدين عمتي منيرة صح؟

شمس/طيب؟

لافي/من اليوم طلعه من هنا مافي..وحكايه انك تساعدين فلانه وعلانه انسيها مفهوم؟

شمس/ههههههه

لافي بعصبيه/وش الي يضحكك هاه؟

شمس/ايام زمان يوم تأمرني انتهت ..والا نسيت اني متزوجه يعني اموامري اخذها من زوجي من من احد غريب

لافي/احد غريب؟يعني انا صرت غريب؟

شمس/..........

لافي/مابي اخذ واعطي معك كثير لان اخوي منتظرك

ومابي أأخرك عنه .. سلام

>>>دخلت شمس وراحت سيده على غرفتها

سعد/ليش تأخرتي؟وبعدين ماقلت لك لاتشتغلين عند احد حتى بيتنا لاتشتغلين فيه؟والا بس عناد؟


شمس/سعد والله استحي لما احد يطلبني اساعده وانت تعرف

سعد/هالشي كان زمان .من الحين انتي حرمه متزوجه وماتطلعين الا بشور زوجك فاهمه

شمس/ابشر من عيوني

سعد/انا بمشي الحين وكنت انتظرك عشان اودعك

شمس/ماودك تغير راييك؟وبلاش من هالسفره

سعد/لا خلاص الرجال يحتريني بس لاوصيك انتبهي على نفسك وامي وابوي اعتبريهم اهلك

شمس/تروح وترجع بالسلامه

سعد قرب منها /شمس ودي اقولك شي قبل اروح

شمس/........

سعد /ادري انك ماتحبيني وماراح تحبيني بيوم بس انا احبك والله احبك


>>>شمس تجمع الدمع بعيونها وماعرفت وش ترد

سعد مسح دمعتها/محد يستاهل دموعك يالغاليه..اشوفك ع خير..

<<<سعد اخذ اغراضه وفتح الباب بيطلع بس فجأة لف ورجع لشمس.وبدون مايفكر ضمها حيييييييييل لصدره وبكى

سعد/تمنيت تبادليني الحب بس ربي ماكتب هالشي

بس اتمنى تسمحين لي بهالحظه

شمس وهي ضامته/سامحني عن كل شي بس والله غصب عني

سعد/اشششش مابي اي شي غير هالضمه

شمس/.......

>>>شوي وتركها سعد وراح ..شمس حست بهاللحظه

انها موبس هي الي انظلمت

****************************
بعد سفر سعد بكم يوم رجع سالم للديرة


سالم/والله ندمت اني رحت لهم

ام سالم/احسن تستاهل

ناصر/ياام سالم الولد موناقص

سالم/خلها يبه انا استاهل والله لو ادري ان بيطلع لي عمه كيذا مافكرت ادور لهلي

ناصر/الحين خل عنك هالكلام وريح بالك احنا اهلك ومابيك تشغل بالك باي شي

ام سالم/عمتك اعرفها ماعندها ذوق من صغرها

سالم/بس والله لو تشوفين ولدها قمه في الذوق والاخلاق تصدقين كان بيجي معي ؟

ناصر/وليش ماجاء ؟

سالم /ابوه قاله مره ثانيه روح وتعرف عليهم براحتك

ام سالم/عن اذنكم عندي شغل بالمطبخ

>>>بعد ماراحت ام سالم

ناصر/لاتزعل من امك تدري اشكثر تحبك وكانت خايفه يجيك شي بالطريق او احد يجرحك بكلمه

سالم/ادري بس ماودي بزعلها

ناصر/ماعليك منها خلها علي

سالم/فديت خشمك يابوي.طيب انا بروح اسلم على ناصر حدي مشتاق له

ناصر/الله يحفظك ويرعاك

**********************
راشد/الحين كم ديره رحنا وعرفنا عن اهلها شي؟ماودك نرجع؟

سعد/تو الناس اشفيك مستعجل عالرجعه؟لايكون مخلي قلبك عند احد ههههه

راشد/ليش بس انت تحب؟

سعد/ههههه حركات ومن هي تعيسه يؤ قصدي سعيده الحظ؟


راشد/جواهر

سعد/جواهر ماغيرها؟بس هذي مطلقه وعندها ولد

راشد/ادري بس عاد القلب ومايهوى

سعد/طيب اهلك بيرضون؟

راشد/امي تدري اني احبها من قبل تعرس يعني مااتوقع انها ترفض

سعد/الله يجعلها من نصيبك

راشد/امييييييييين

**********************
مزون/سلمان تكفى انا مدري سشوي.انت لازم تخطبني

سلمان/طيب طيب بعدين مو الحين

مزون/سلمان ترا اتكلم جد ماامزح..انت تدري لو اهلي شمو خبر وش بيصير

سلمان/ووين كان خوفك من اهلك لما حبيتيني وطلعتي معي؟

مزون/يعني هذي جزاتي؟

سلمان/ماقلت شي بس هالموضوع مووقته اجليه شوي


مزون/لمتى؟؟


سلمان/اووووة اشفيك صايرة حنانه؟؟قلت بعدين يعني بعدين اف

مزون/طيب نشوف اخرتها معك..يالله انا رايحه


سلمان/سكري الباب وراك

مزون/.......

**********************


>>>شمس جالسه بروحها وتفكر

شمس((ياربي معقول ما تكون هي؟والله نفس الملامح مستحيل اتوه عنها .بس كيف اتأكد؟؟اممم مالي الا اروح هناك))

>>>لبست وجات بتطلع

مزون/خير ياحلوة على وين؟؟

شمس/مالك دخل

مزون/اوووة والله وطلع لك لسان يالسودة

شمس/طول عمري عندي لسان بس كنت اقول انك تستاهلين الي يحشمك

مزون/وش قصدك يالخايسه؟هاه

شمس/اظن فاهمه قصدي؟وترا هالمره احذرك واقولك ابعدي عني احسن لك والا نهايتك بتكون على ايدي فاهمه..ودفتها وطلعت

مزون((يمه وش عندها شمسوة؟لاوتتكلم بثقه.لايكون عرفت اني ؟ياويل حالك يامزون لو صدق)

>>>قبل تخرج من البيت قابلت لافي عند الباب

لافي/على وين؟

شمس/اففف انت بعد؟وش تبي؟فكوني شركم

لافي/شمس ترا انا لافي والا نسيتي؟

شمس وهي تلوح بيدها/لامانسيت.وخير ياطير لو كنت لافي وش بتسوي؟


>>>لافي شد ايدها بقوة

شمس/ايييي فكني

لافي/عيدي الي قلتي؟

شمس/.......

لافي/يالله عيدي؟ابي اسمعها مره ثانيه

شمس/فكني

لافي/لاموهذي الي قبلها؟


شمس/وش تبي مني؟


لافي/ابيك تتذكرين زين من هو لافي.والحين على وين رايحه؟؟ممكن اعرف؟

شمس/بيت خالتي الجازي


لافي/وش تبين هناك؟


شمس/اظن مو من حقك تسئلني

لافي/سعد قالي اكون بداله بغيابه ومو عيب يوم سئلتك


شمس/بس اظن بعد انه ماقلك حقق مع شمس وين تروح وتجي

لافي/اعوذ بالله منك يالشيطان..خلاص روحي ونتفاهم اذا رجعتي

شمس/ياخي مابيننا تفاهم انت ليش مو راضي تنسى

لافي بنظرة حزن/يعني انتي نسيتي؟؟

شمس/عن اذنك ..ودفت ايده وراحت


***********************
عايشه/والله ماحب اتكلم على الناس بس حرام والله اهلها مايستاهلون

قمر/مالنا دخل فيهم والبنت الله يستر علينا وعليها .يمكن الي قالك يكذبون

عايشه/يحلفون انهم شافوها وهي تدخل معه وتطلع لحالها وكثر من مره بالله وش معنى هالكلام؟


قمر/استغفر الله العظيم وبعدين؟؟

عايشه/خلاص خلاص بسكت

قمر/شوفي من يدق عالباب

عايشه/طيب بس لاتعصبين

عايشه تفتح الباب/شمس؟ياهلا والله حياك تفضلي

قمر((شمس))

شمس/المهلي مايولي ياخاله كيفكم؟

عايشه/بخير ياقلبي .يوووه عمتي بتفرح بجيتك تعالي تعالي

عايشه/معي ظيفه ياعمه؟

قمر/ياحياها الله من ماتكون

شمس/تحيين وتدومين ياخاله

قمر/شمس؟؟

عايشه/ايه بشحمها ولحمها ههههه

قمر/ياهلا فيك يابنتي تفضلي

شمس/يزيد فضلك

عايشه/جيتي والله جابك انا بروح اشتري اغراض وكنت شايله هم عمتي مابها تجلس بلحالها

شمس/الله وياك خذي راحتك

>>>بعد ماراحت عايشه .شمس ضلت تناظر في قمر وتدقق في ملامحها

قمر/شمس وين اهلك؟

>>> هالسؤال فاجأء شمس وبنفس الوقت حسسها ان الي تفكر فيه صح

.شمس قربت اكثر من قمر وبدت تتحسس وجهها

شمس/خاله انتي اسمك الجازي والا قمر؟

قمر/...........

شمس والدمعه بعينها/ خاله تكفين ردي

قمر/لا اسمي قمر ليش؟

شمس بدت تبكي /مستحييييل ماني مصدقه؟

قمر/شمس وشفيك ؟ليه تصيحين؟

شمس/يمه انا بنتك شمس مستحيل اتوة عن ملامحك

قمر/بنتي شمس؟؟مستحيل

شمس/يمه والله انا شمس شمس

قمر/اجل الي ماتت من هي؟

شمس تحضن امها وهي تبكي/يمه انا قدامك حيه مامت ..يمه وينكم عني طول هالسنين؟معقول كنتي معي بنفس الديرة وماادري؟

قمر/كيف تكوني مامتي ؟ابوك قالي انك متي انتي واخوك علي

شمس/هه ابوي؟آآآه على الي سواه فينا ابوي

قمر تحضن شمس /معقول بعد هالعمر ربي يجمعني فيك؟يارب لك الحمد والشكر.طيب دامك عايشه معناتها اخوك على عايش.وينه دليني عليه والله احترق قلبي عليكم يمه؟


شمس/على مات بالصحراء ولوالله ثم لافي كنت مت وراه

قمر/فهميني والله مخي بيتوقف

شمس/الحين افهمك كل شي

******************************
لافي/فايز وشفيك مهموم

فايز/ مشغول بالي شوي

لافي/مشغول؟بايش؟

فايز/فيه واحده ببالي ودي اخطبها بس اخاف اندم

لافي/اخس تبي تعرس هههههه طيب من هي وليش تخاف تندم

فايز/انت تعرفها زين وليش بندم مااقدر اقولك


لافي/افااا هذا وانا خويك وتخبي علي؟

فايز/صدقني مقدر .

لافي/عموما انا موجود لو حبيت مساعده انا حاضر

فايز/كفووالله

لافي/يالله انا بروح البيت توصي شي؟

فايز/لاتسلم

>>>بعد ماراح لافي

فايز((آآآآه ياترى الي بسويه صح والا غلط؟ولو ارتبطت فيها بكون راضي من داخلي والا الشك بيعيش بيننا؟والله محتااار ))

************************


قمر /خلك معي شوي.ماشبعت منك

شمس/لايمه الحين عمتي منيرة تعصب واخاف تشتكيني عند عمي سعد وهالادمي بالذات مابيه يزعل مني

قمر بدت الامور تتلخبط عليها/من سعد؟؟؟

شمس/ابو ناصر.يووة يمه قد ايش هالانسان طيب وحنون هو الوحيد بالديرة الي يعتبرني مثل بنته

عايشه/اول مره ادري ان اسمه سعد

قمر /شمس بسئلك عن شي

شمس/تفضلي

قمر/ابو ناصر وش اسمه بالكامل

شمس/ليش يمه؟

عايشه/صدق ليش؟؟

قمر/ماعليكم اهم شي جاوبي

شمس/اسمه سعد بن علي الـــ....

>>>قمر حست الدنيا دارت فيها ونفسها ضاق

شمس/يمه وشفيك ؟تعبانه؟

قمر/عيدي الاسم؟

شمس/يمه وش السالفه ؟

قمر/آآآآه ياشمس ماراح تصدقين الي بقولك عليه

عايشه/عمه فهمينا وشفيه؟

قمر/شمس تدرين من هو سعد؟

شمس/من ؟

قمر/سعد اخوي"اخوي من امي وابوي .يعني خالك ..يعني

الي عشتي عنده ورباك لين كبرتي هو خالك صالح

شمس مصدومه/مستحيل؟؟كيف خوالي؟انا ماعندي خوال

عايشه/عمه من جدك تتكلمين؟

قمر/والله كل كلمه قلتها صح 100في الـــ100

شمس/بس اذكر اني سئلتك مره وانا صغيرة وقلتي ماعندي اهل كلهم ماتوا

قمر/سالفه طويله

شمس/ابي اعرفها والحين

قمر/اجليها لبعدين

شمس/يمه الحين

قمر((ياخوفي لو عرفتي الحقيقه وايش سويت انا وابوك في خالك سعد تكرهيني ))

شمس/يمه انتظرك

قمر /طيب بقول بس لااحد يقاطعني



*****************************

نهايه البارت 16