ياااااااااااااااااااااااااااااااااااااااااا رب تكونين بخير

يؤؤؤه لسه ما كملت الروايه يارب لك الحمد انا من كم يوم شفتها وقراتها وانتوو من شهر واكثرر منتظريين الله يعييينكم
يارب تكون طيبه ومافيها شي التمسوو لها العذر ماندري وش ظروفها

<<< نتظرك ياقمر

اسسسفه جدا جدا جدا


والله النت كان عندي خربان وعجزت ادخل من الجوال


وبعدها مرضت شوي بس الحمد لله الحين احسن



يالله جهزو الفصفص والشاهي وتابعو ههههههه

$$الـــــــــــــبـــــــــــــ20ـــــــــــــــــ ـااااارت $$


>>>>طبعا الكل عرف سالفه مزون وابوها طاح بالفراش من الصدمه ..

فايز حاسس بالذنب لانه كان عارف ان لها علاقات بس ماقال للافي

ام سعد رجعت تتقبل وجود شمس بعد ماشافت وفقتها معها بالمحنه

وكانت قريبه منها حيييل لدرجه ماكانت تطلع من غرفتها لين تنام ام سعد

وهي الي مهتمه بأبوسعد من طاح وهي جالسه عند رجوله

الكل حاول يحل محلها بس رفضت وقالت هذا ابو الغالي

*************************************************

"""مرررت الاحداث وصار على موت مزون 6شهور"""


حسناء/ انت مالك ذنب.هي الله يرحمها السبب.

فايز/بس

حسناء /لابس ولا شي وش يعني كنت قصدك تسوي ؟

تقول للافي ان اخته تحب واحد وتروح له بيته؟


مو معقول مافي احد يقدر يقول لصديقه كيذا..وبعدين ياقلبي ياعمري خلاص هذا قدرها

فايز/عيدي؟؟ماسمعت؟

حسناء/هذا قدرهااا

فايز/لالا الي قبلها.حقت ياقلبي باعمري

حسناء بخجل/فاااايز بس عاااد

>>>>وقامت تبي تطلع من المجلس

فايز قرب منها اكثر وضمها/طيب ياقلب فايز دام اني قلبك وعمرك .يعني تحبيني؟

طيب ليش ماتقولينها لي

حسناء/فايز فكني اخاف ابوي يجي والله فشله

فايز/مانيب فاكك هذي فرصه ماتتعوض ههههه

حسناء /فايز يالله عااااد

فايز يضمها اكثر /طيب قوليها عشان افكك

حسناء/وش هي؟

فايز يبوسها/انك تحبيني

حسناء/مابي

فايز رجع باسها /وتموتين فيني

حسناء /مااابي

فايز/وانك مستانسه الحين هههه

حسناء /وخررررمناك

>>>>ابوك يالنصب والله انك مبسوطه وماتبين يوخر هههههه

حسناء /انطمي انتي وتعليقاتك الماصخه.

>>>>ابك ابك ابك تراني الكاتبه يعني لاتستفزيني واخلي المشهد يتطور لشي ثاني نيههههااااي

فايز/فديتك دموعه ركزي ركزي على انه يتطور ههههه

حسناء/لالا خلاص انتي احلا دمعه بالدنيا بس فكينا من التطورات

.ام حسناء تدق الباب/حسناء الشاهي

حسناء/طيب طيب((يافديتك يمه جيتي بوقتك))

فايز/مانيب فاكك لين تقولينها

حسناء/احبك احبك بس فك تكفى

فايز/وبعد ابي بوسه

>>>>حسناء عطته بوسه بس من قلب يعنني عشان يفكها هع

فايز/يمه يمه قلبي دخت الحقو على

حسناء /وجع والله لاوريك بعدين

فايز/اسمعي العرس اخر الشهر مافيني اصبر زود ..طيب

حسناء /طيب طيب


>>>حسناء راحت فتحت الباب.ودخلت امها وكملو الجلسه. وانا بروح اسوي لي شاهي اعدل دماغي


احس تعبت وانا اعصر مخي عشان يطلع لكم افكاري الخوقاقيه >>>>ارحمينا بس خخخخ


*****************************************
سالم/يبه يبه


ناصر/خير يابوك وشفيه؟

سالم/محمد في المجلس وبيجلس هنا كم يوم

ناصر/الله يحييه خلاص روح وبجي وراك

ام سالم/غريبه جاء وسالم مارد له الزيارة؟

ناصر/يمكن عجبته الديرة

ام سالم/هههههه والا شاف له بنيه بالديرة وهي الي حببته بالديرة

ناصر/كل شي جايز

"بالمجلس

سالم/يالله حي حموود.وش هالمفاجاة ياولد؟

محمد/الله يسلمك والله اشتقت لك

سالم/مممدري ليش احسك نصاااب ههههه

محمد/ليش باين علي خخخ

سالم/باين بقوة يالله اخلص قول وش عندك؟

محمد/آآه ياسلومي تدري اني جيت ادور على قلبي؟لاني ضيعته عندكم المرة الي طاف

سالم/اقققعد لايكون حبيت ههههه؟

محمد/حبيت وابتليت ولازم تشوف لي حل

ناصر/ابشر بالحل اذا نقدر

محمد متفشل/هلا ياعمي ..

ناصر يسلم على محمد/كيفك ياولدي؟وكيف ابوك؟ليش ماجاء معك

محمد/بخير ربي يسلمك..والله الوالد مريض ويبلغك السلام

ناصر/الله يسلمك ويسلمه..تفضل

سالم/الحق يبه

محمد يدق سالم/انطم لاتفضحنا

ناصر/خير يابوك؟

سالم/هههههه لابس ظيفنا عشقان ويبي نساعده

محمد/حسبي الله عليك

ناصر/يبشر اذا البنت موافقه نروح ونخطبها له

سالم/اكيد بتوافق وين بتلاقي واحد مثل محمد

محمد/تسلم ياخوي

ناصر/يالله اخليكم انا بروح ارتاح شوي



>>>بعد ماراح ابوسالم ..سالم نقز وقرب من محمد وبفضول قاله

سالم/يالله بسرعه قولي من هي هالبنيه الي لحست مخك؟

محمد/آآآه ياسلوم ماشفت مثل زينها ولا بشوف .تصدق احس لو وافقت بكون اسعد مخلوق على الارض

سالم/حلو حلو والله شكلها لعبت فيك ههههههههه

محمد/خلها تلعب انا كلي فدوة لها

سالم/يالله اخلص علي من هي؟

محمد/تذكر اول مره جيتكم؟

سالم بتفكير/امممم ايه ليش؟

محمد/تذكر البنت المزيونه

الي نادتك وقالت لك تبيك تجيب لها شال احمر؟

وانت قلت لها من عيوني ؟

سالم/وشفيها؟؟

محمد/هي الي خذت العقل والقلب والروح

سالم بصدمه//شمس؟؟

**************************************
اليوم زواج فايز وحسناء


فايز /عقبالك ياصاحبي

لافي/لاخلاص انا اغليت هالفكر من راسي

فايز/افااا..اقول لاتخليني احلف اني اخطب لك غصب عنك

لافي/ههههه والله مجنون وتسويها

راشد/اجل اخطب بنفسك بدال ماينكبك هالغبي

فايز/انا غبي؟طييييييييب اممم رشود ترا مرتي صديقه احم احم

راشد/يوووووه نسيت هههههه لالا خلاص


انت احسن واحد والغبي هو الي يخالف شورك

الكل/ههههههههههههههه


لافي/وش السالفه؟؟كأن فيه سر من ورانا؟

راشد/لا سر ولا سرين

لافي/فايز..ماهقيتها منك تخبي على خويك لافي؟

راشد/ماعليك منه يافايز لو يموت لاتعلمه هههههه

فايز/لالا كله ولا ابو ذيب مقدر على زعله

لافي/يعني بتعلمني؟

فايز/افاا عليك اكيييييييييييد بس خل الليله تعدي على خير


محمد/عقبالي ياسلووم


سالم ومبين الحزن بعيونه/امين


محمد/وشفيك ياخوي؟احس انك مخنوق ؟احد مزعلك يالغالي؟

سالم/لا ابد بس احس اني تعبان شوي

جاهم ناصر متكشخ اخر كشخه/هلا بالشباب

سالم+محمد/هلا فيك

محمد/بل بل وش هالزين وربي تقول انك المعرس هههه


ناصر/تف تف تف بسم الله علي من عيونك ترا باقي مادخلت دنيا وابي عمري

سالم غصب عنه ضحك/ههههه

محمد/ومن قالك اني اعطي عين هاه؟؟

ناصر بلعانه ويغمز لمحمد/الدب الي واقف جنبك هو هذرني منك وقالي انتبه ترا هالادمي عينه والقبر


سالم /لالا ورب البيت يكذب عليك؟

محمد /افا ياسلوووم وانا الي عديتك اخوي تقول عني كيذا؟؟حسافه بس

سالم /حمود والله يمزح معك ناصر لاتصدق

ناصر/اخس عليك تكذبني عيني عينك؟صراحه يامحمد

انا لولي صاحب مثل سالم وقال عني كذا صدقني يكون اخر شي بيني وبينه

سالم وهو من جد منقهر/ناصر وش هالكلام؟

ناصر/قول لنفسك مو لي

محمد/سلمو لي على عمي ابو سالم انا بس يخلص العرس برجع لديرتي

سالم/محمد وشفيك ؟انت من جدك مصدق هالخبل؟

محمد/رجاء خلاص الي بيننا انتهى بس من جد ماتوقعتك كذا

>>>>سالم كان معه مسدس لزوم الكشخه


مثل اغلب الشباب الي حاضرين العرس سحبه وحطه على راسه

سالم/يمين الله لو حلف ناصر اني قلت له هالكلام عنك لاثور في راسي

الكل منصدم/!!!!!!!!!!

سالم/ناصر احلف

ناصر/اقول بلا شغل مبزرة وحط المسدس بجيبك

سالم بعصبيه /احلللللللف اني قلت

محمد/سالم ياخوي وشفيك ؟ترا كنا نمزح معك

سالم وهو فايرة اعصابه/تمزحون؟

محمد+ناصر/ ههههههه ههههههه ههههههه ههههههه

سالم مسك ثوب ناصر وشده/قسم بالله تبي لك كف يعقلك

ناصر /هههه تكفى سلومي سامحني هههه

>>>>سالم دفه وراح عنهم

محمد/احس زودناها ..وسالم زعل صح؟

ناصر/ماعليك خويي واعرفه زين شويات ويرضى

محمد/اصلا هو معصب من قبل ..خاصه بعد ماقلت له اسم البنت

ناصر/اي بنت؟


محمد/الي خذت عقلي وخلتني ارجع ديرتكم

ناصر/البنت من ديرتنا ؟

محمد/ايه شفتها وخذت عقلي وابي اتزوجها

ناصر/من بنته؟

محمد/مدري والله..كل الي اعرفه ان اسمها شمس

ناصر/شمس؟؟بنت عمتي؟؟

محمد/بنت عمتك؟؟

ناصر/ايه ..بس البنت ماتصلح لك؟

محمد/وليش ان شاء الله ؟عشان بنت عمتك وانت اولى فيها؟


ناصر/هههههه لا مو هذاا السبب

محمد/اجل وشو؟

ناصر/البنت اول شي اكبر مني ومنك..ثاني شي ارمله

محمد منصدم/ارمله؟واكبر مني؟بس مو مبين عليها

ناصر/كلامك صح بس هي مو كبيرة مره بس اكبر منك خخخخ

محمد/ممكن اسئل سؤال؟


ناصر/تفضل

محمد/سلوم يحبها؟

ناصر/امممم الصدق؟كان يحبها بس هي ماتحبه

محمد/عشان كيذا زعلان ومتضايق مني

ناصر/اقول فكني من شمس وسلوم وتعال خل نرقص ترا مو كل يوم عرس ههههههه

محمد/الله يرجك..خلاص اسبقني وبلحقك

محمد(((اآآآه ياقلبي..يعني يوم حبيت طلعت الي احبها حبيبه

صاحبي؟اممم بس هي ماتحبه..حتى ولو تضل حبيبته))

عند البنات

عاليه/قمر ماشاء الله

شمس/بسم الله عليك تااخذين العقل

حسناء/من جد والا تجبرون بخاطري؟

جواهر/لا اكيد يمزحون ههههههههه

حسناء برطمت/كش عليك

جواهر/ههههههه امزح معك يالخبله..وربي تهبليييين الله يكون بعون فايز ماقدر شاف قمر والليه بيجيه صدمه

الكل/هههههههههههههه

حسناء/انطمي اقول

شمس/يالله تأخرنا اخاف المعرس ينحاش وتطيحين بكبودنا ههههههه

حسناء/يمماااااااااااااه شوفي هالبنات والله لااذبحهم

البنات/ههههههههههه

ام حسناء/الله يوفقك يمه يالله عجلي شوي

شمس/خلاص ياخاله الحين نجي وراك

>>>>تمت الزفه على خير وسهاله واخييييرا

صارت حسناء في بيت فااايز

فايز وهو ماسك ايدين حسناء/نورتي بيتك ياعروسه

حسناء/منورة باهله

فايز رفع راسها بيده/الف مبرووك ماني مصدق عيوني

حسناء/..................

فايز يبي يزيدها احراج/روجك مره حلووو

>>>حسناء ماردت بس الوان وجهها قالت كل الي بقلبها

فايزضمها بحنان/حبيبتي انا بخليك تاخذين راحتك وتبديلن وبرجع لك بعد دقيقتين تيب


حسناء هزت راسها
>>>اول ماطلع فايز من الغرفه سمع صوت الباب بنقفل بالمفتاح ههههههه

فايز/حسسنووة افتحي احسن لك

حسناء /حبيبي جرب نومه الصاله الليله طيب

فايز/لاوالله؟

حسناء/ايوالله لاني حييييييييييل تعبانه وميييييته نوم

فايز/اقول افتحي ماله داعي هالحركات

حسناء/اسفه انا قررت وانتهيت

فايز/يعني كيذا؟

حسناء/اممم ايوه

فايز/طيب مو مشكله خلك براحتك انا بروح اسلم على ابوك واسولف معه شوي واشكي له االحال

حسناء/.....................


فايز/يالله سلام..

>>>>فايز راح فتح باب البيت وسكره بقوة ورجع عند باب الغرفه


حسناء ((اففف هالمجنون سواها وراح لابوي يوووة

وش بيفكني الحين من الوالد؟هي خاربه خاربه خلني


اروح اكل لي شي من المطبخ قبل يرجع))

>>>>وفتحت الباب وطلعت بس تجمدت اطرافها

لما ضمها فايز من ورها


فايز/اجل انام بالصاله هاه؟الحين اوريك واطلع هالكرحه من عيونك

حسناء/فااااييييززز وربي امزح

فايز/ههههااااي الحين تمزحين؟؟اوكي نتفاهم داخل


حسناء/امممم بروح الحمام شوي وارجع

فايز/هههووو على مين تلعبين يابنيه؟انا بوديك الحمام ولايهمك

حسناء /فايز وشفيك كذا موعوايدك تكون نذل

>>>>فايز شالها ومشى داخل الغرفه

فايز/اففف وشفيك ثقيله كم صاير وزنك ههههههه


حسناءء /نزلني تدري ماحب هالحركه

فايز((راشد يقول البنت اذا قالت ماحب كذا معناتها تحبه

بس تبين غير كذا..اممم والله وعرفت حركاتك ياحسون))

حسناء/فايز تكفى نزلني

فايز/انزلك؟بس بشرط

حسناء/ اجل مابي انزل

فايز((وربي راشد صادق البنت تبي اضل شايلها))

فايز/طيب اسمعي الشرط بالاول

حسنا/هاه وشو شرطك؟

فايز/انك تنامين بالغرفه الثانيه

حسناء بدون شعور/ليش؟

فايز/كذا لاني احس انك منتي مرتاحه بقربي

حسناء /موافقه

فايز/يعني جد منتي مرتاحه ؟

حسناء/ايوة ماني مرتاحه ولا ابي قربك ابد حتى مابي اسمع صوتك ولا اشم ريحتك حتى زين؟

>>>فايز قرب منها حيييييل ومسك وجهها وجاوبها بس بدون مايتكلم

حسناء بدلع/وخرعني

فايزبأبتسامه خبث/متأكده تبين اوخر؟


حسناء/ايوة

فايز/بس انا مابي اوخر كيييييفي

حسناء/..........

فايزشالها/ادري انك تبيني بس حركات ويعنني استحي ههههه

>>>حسناء تضرب ظهرة

حسناء/نزلني

>>>>فايز طبق مقوله طنش تعش تنتعش ههههه ودخل الغرفه وقفل عليهم الباب

امممم انا حاولت اطالع لهم مع فتحته الباب بس خسارة ماشفت شي ههههااااااي

***************************************
ام سعد/لافي يمه وشفيك؟

لافي/هاه؟مافيني شي ليش؟

ام سعد/الهم بادي على وجهك قولي وش مضايقك؟

الجده/الولد يحب يانورة

لافي/.!!!!!!

ام سعد/يحب؟هذي الساعه المباركه طيب من هي يمه عشان اخطبها لك ونفرح فيك

لافي/جدتي تمزح يمه مافي شي

الجده/والله انك تحب لو تحلف من هنا لبكرة ماصدقتك

لافي/جدتي وشفيك علي؟

الجده/طيب تبي اجيبها من الاخر واقولها من تحب ؟

ام سعد/ليش تعرفينها ياخاله؟

لافي/..............

الجده/لاتفكروني عجيز وخرفت تراني افهم منك ومنه

ام سعد/طيب من هي ياخاله ؟


الجده تناظر للافي /الي يحبها وليدك وميت فيها هي شمس

لافي طارت عيونه/!!!!!!!!!

ام سعد/وشو؟؟اكدي تمزحين ياخاله

الجده/وليش امزح ؟هذي الحقيقه وياليت لو تعجلون بزواجه قبل العشق يذبح ولدكم

ام سعد/لو شمس اخر واحده بالدنيا مازوجتها له

الجده/وليش ان شاء؟لايكون بنت بنتي مو عاجبتك يالمقروده

ام سعد/حرقت قلبي على سعد وراح بسبتها تبينها بعد تحرمني وافي؟لابالله ماياخذها وراسي يشم الهوى

وافي ساكت ويسمع/...............

الجده/استغفري ربك يامره وش هالكلام؟هذا قدر ربك والا عندك اعتراض؟

دخل عليهم ابو سعد/السلام عليكم

الكل/وعليكم السلام

ام سعد/الحق علي ياصالح ولدك انجن

ابوسعد/خيروشفيه؟


ام سعد/ولدك جن وقعد.تخيل يبي يتزوج شمس

ابوسعد سكت شوي ثم قال/يازين مااختار

ام سعد منصدمه/انت وش تقول؟الحين بدل ماتوقف معي تقول يازين مااختار؟

وافي اخيرا تكلم/ريحي بالك مابتزوجها

<<<<وخلاهم وطلع

الجده/انتي وشفيك يامره ؟ماتبين سعادة ولدك؟


ام سعد/والسعادة عند شمس؟هذا انتي سمعتيه بنفسك يقول مايبيها.بس انتي الي تحبينها وتبين تدبسين ولدي فيه

الجده/صالح ابعد مرتك من قدامي لانزل بالعصا على ظهرها

ابوسعد/هدو نفوسكم وفهموني السالفه؟

ام سعد/السالفه ان امك تبي لافي يتزوج شمس.وانا مستحيل اوافق


ابوسعد/ليش؟عطيني سبب مقنع؟

ام سعد/اولا لانها كانت مرت اخوة الي اغلي عليه من عيونه اكيد مابيرتاح معها


ابو سعد/وغيرة؟

ام سعد/ولانها نحس هذا انت شفت وش صار لسعد الله يرحمه .

ابو سعد/وبعد؟؟

ام سعد/وبعدلان اخلاقها ماتعجبني

الجده/اتقي الله ياحرمه.هذا وانتي اكثر واحده تعرفين شمس ومربيتها

ام سعد بشويه ندم باين بصوتها/استغفر الله .ياناس افهموني

مابيها لولدي مابيهاغصب يعني؟

ابوسعد/مافي شي بالغصب.بس الامور مانحكم عليها وانا معصبين لازم نكون هادئين بعدين نحكم

ام سعد/لابعدين ولا قبلين.فكرت ان شمس

تتزوج لافي شيلوها من روسكم.....وخلتهم وقامت

الجده/استغفرالله العظيم عاجبك كلام مرتك ياصالح?

ابوسعد/لابالله موعاجبني بس خليها تهدأ ويصير خير

الجده/الولد يحبها خذوفيهم اجر وزوجهم

ابوسعد/ادري

الجده/تدري؟

ابوسعد/كنت حاس انه يحبها بس لما خطبها اخوة وماقال شي قلت يمكن انا خرفت وتوهمت شي موحقيقي

الجده/وش الي خلاك الحين تتأكد؟

ابوسعد/الي خلاني اتأكد هذا>>>وطلع منديل ابيض من جيبه

الجده/وش هذا؟

ابوسعد/هالمنديل لقيته قبل كم يوم بين ملابس لافي

كنت ادور لمفتاح المحل وشفته بالصدفه

الجده/ووش الي فيه؟

ابوسعد/ياميمتي هذا الله يسلمك مكتوب عليه اسم شمس تدرين بوش كاتبه؟

الجده/من زين العيون عشان اشوف

ابوسعد/لافي كتب اسمها بدمه يمه.يعني لافي موبس يحب شمس الا يعشقها

الجده/ياويلي على وليدي طيب ليش ماخطبها من زمان؟؟

ابوسعد/تبغين الصراحه؟مزون الله يرحمها هي السبب

الجده/وشوو؟؟وكيف عرفت؟


ابوسعد/ناصر ولد اخوي سعد حكى لي كل السالفه الجده/وايش مصلحته يقولك ؟

ابوسعد/تعرفين ناصر يحب شمس مثل اخته ومن حرصه عليها علمني وقالي اعجل بزواجهم لان شمس ناويه توافق على اي خطيب يخطبها عناد في لافي
لانه تخلى عنها لسعد

الجده/ياحسرتي عليهم اجل وانا امك زوجهم وخذ فيهم اجر

ابوسعد/قلت له اخطبها لك وعيا

الجده/ماعليك منه حركات عيال هو وده احد يغصبه بس مهوب عارف كيف

ابوسعد/ههههه يعني قولتك اغصبه

الجده/اغصبه دام يبي الغصيبه

ابوسعد/المشكله بامه وش السواة معها ؟.راسها يابس

الجده/ماعليك انا بقنعها انت بس سوي الي قلت لك وخلنا نفرح شوي

ابوسعد/ابشري يالغاليه


///////////////////////////////////////////////

//الـــــبارت 21//


محمد/يووه يمه قلت لك مابيها

ساره/مهوب على كيفك البنت حلوة وابوها ماشاء الله مبسوط وهي الوريثه الوحيده له

فواز/خلي الولد يختار الي يبي هذا زواج مهوب ثوب تختارينه له

ساره/انت اسكت ولاتتدخل

محمد/يبه بصراحه شفت بنت مزيونه بديرة صديقي سالم وودي اتزوجها

ساره/وشوو؟اكيد تمزح؟

محمد/لايمه اتكلم جد صح انها اكبر مني بشوي وارمله بس مابي غيرها لو ضليت العمر كله بدون زواج

ساره/اكييييد انجنيت ياااويلي ويلااااه

فواز/محمد ياولدي صح ان ماني مع راي امك انها تزوجك بكيفيها بس وش يحدك ياولدي تاخذ واحده اكبر منك وارمله؟

محمد/يبه يبه انت ماشفتها
آآآه يبه والله ان انها شمس على اسمهاوالي سماها شمس ماظلمها

فواز/شمس؟اسمها شمس

ساره/خير حنيت للماضي ياقلبي؟اصحى ياقلبي الماضي مايرجع

فواز/محمداوصف لي البنت

سارة/لالا انت اكيد جنيت؟شمس ماتت وشبعت موت

محمد/يبه وش السالفه؟

سارة/تعال معي ابوك شكله خرف وقعد

فواز/محمد احتمال شمس تكون اختك

محمد/وشووو!!!!!

فواز/امك السبب بكل شي

سارة/...........

محمد/ممكن افهم انتو عن ايش تتكلمون؟

فواز/اجلس وبحكي لك السالفه من اولها
//////////////////////////////////

ابوناصر/يابنتي وشفيك مستعجله فكري كويس وخذي وقتك

شمس/لاياخالي انا فكرت ومقتنعه بقراري

ابوناصر/تبين الجد؟انا مو راضي ولامقتنع بالهزواج

شمس/ليش؟

ابوناصر/لان حامد مو الشخص الي كنت اتمناة لك

شمس/............

ابوناصر/شمس انتي بحسبه بنتي واتمنى لك الافضل

لاتتسرعي وفكري زين

شمس/هو زواج وخلاص اهم شي اكون على ذمه رجال وافككم من كلام الناس

ابوناصر/الي يحكي فيك اقص لسانه انتي ماتعرفين غلاتك..اسمعي يابنتي

انا بخلي اسبوع تراجعين نفسك وبعدها اسمع ردك الاخير بخصوص حامد..يالله انا بروح خالك ناصر يحترني

شمس/الله يحفظك سلم ع خالتي وناصر

ابوناصر/يوصل

*************************************

محمد/مستحيييل يبه الي تقوله..معقول فيه اب يسوي بعياله كيذا؟

ماني مصدق ان ابوي الحنون والحساس سوى كذا مستحيل

فواز/امك السبب انا كنت مثل المخدر الي مايسمع ولايشوف الا سارة

محمد/طيب مارجعت للمكان الي خليتهم فيه؟

فواز/امك ماخلتني اقنعتني انهم اكيد ماتو يامن العطش ياأن الوحوش كلتهم

محمد/ياالله يالله ياليتني ماعشت ولاسمعت هالكلام.طيب وامهم ميته؟واذا عايشه وينها؟

فواز/امهم من سؤ معاملتي انا وامك لها هربت من الديرة بس مدري وين اراضيها ولاادري هي حيه او ميته.انا كنت ناسي هالسالفه ومابي اتذكرها بس مدري ليش الحين يوم سمعت اسم شمس حسيت ان يمكن تكون بنتي ..تفكى خذني لها اكيد بعرف اذا هي بنتي او لا

محمد/هه وايش متوقع يبه؟انها ترتمي بحضنك؟وتقولك اشتقت لك يبه؟

فواز يمسح دموعه/ادري حتى لو عرفتني بتقول مااعرفه بس ابي اشوفها قبل اموت ابيها تسامحني

محمد/يبه الديرة بعيده وانت مريض ماتقدر تروح

فواز/الا بقدر .تكفى ياولدي هذا طلبي الوحيد منك

محمد/خير ان شاء الله الاسبوع الجاي نروح

**************************************

حسناء/يوووه فايز وخر عني تكفى اطلع من البيت

فايز/وين اروح ؟


حسناء روح للافي لراشد اهم شي اطلع

فايز/ترا ماصار وحام هذا..تعبت من كثر ماتطرديني مره ريحتك

ومره طفشت منك ومره صوتك مابي اسمعه لو ادري ان هالحمل بيخرب علاقتنا ماخليتك تحملين

حسناء/لاياشيخ؟


فايز/ايوالله خلاص طقت كبدي تدرين ؟احسن شي اوديك بيت

اهلك واذا رجعتي حسنا الاوليه ارسلي وراي اجيلك

حسناء/لاوالله؟هذا بدال ماتهتم فيني

فايز/وانا مو مقصر بس انتي موعاجبك شي

حسناء ودموعها بدت تنزل /ادري والله ادري بس غصب عني شسوي؟

فايز قرب منها وضمها/ياقلبي انا اسف ماقصدي اضايقك تدرين اني احبك بس من كثر حبي لك قلت كذا

حسناء/امممم فايز ريييييحتك كتمتني ابعد شوي

فايز/يووووووووووووة ردينا

>>>>هههههههه ياححليلك مفروض تغير اسمك من فايز لابو ريحه خخخخ

فايز/ماودك تنقلعين احسن لك مسويه فكاهيه انتي وخشتك

>>>يييمه وشفيك ؟يعني بتحط حرتك من المدام فيني ؟اقول عدل اسلوبك معي تراني الكاتبه

فايز/اففف صدق حريم ماتنعطون وجه.. احسن شي اطلع واخليكم

****************************************

لافي/ومتى حددتو الزواج؟

راشد /يعني كلها كم شهر على بال مااضبط وضعي واجهز البيت

وانت ماودك تستقر؟

لافي/انا؟لالا خلني كيذا احسن

راشد وهو مركز برده فعل لافي بعد كلامه/تصدق حامد خطب شمس وينتظر ردها هالاسبوع

لافي ووجه قلب ميه لون /خطبها؟متى ؟ومن قالك

راشد/خطبها قبل كم يوم اممم اشفيك تعكر مزاجك؟

لافي/هاه ؟لا ابد بس احس اني مصدع شوي

راشد((انا مقدر اسكت اكثر من كذا ولازم اعلم عمي صالح((

راشد/اهاا اجل اخليك ترتاح وانا بروح

لافي/مو مشكله الحين بنام وبيروح الصداع

***********************************

ساره تناظر يدها والدم يصب منها ((ياربي وشفيني ؟

كل يوم اسؤ من الي قبله

وصارلي فتره على هالحال وش السالفه؟؟

**********************************

ناصر/سلوم

سالم/هااه

ناصر/هويت ببير وشو هاه؟

سالم/ياخي مشغول وش تبي؟

ناصر/ارحمنا يالمشغول

سالم/اخلص وش عندك؟

ناصر/ابي اعرس

سالم/ههههههههههههههههههههههههههه

ناصر/وجع مع هالضروس وشفيك؟قلت نكته انا؟

سالم/انت بكبرك نكته ههههه


ناصر/هههه هوووو مرره تضحك اقول الشرهه مهيب عليك

سالم/ههههه تعال تعال امزح معك

ناصر/..........


سالم يحاول يكتم الضحكه/ومن هي العروس؟

ناصر/نسايم بنت خالي شايع

سالم/اخس يالولد يعني تتكلم جد؟

ناصر/امزح معك يعني؟والا طايح من عينك؟

سالم/لابالعكس بس متفاجأ

ناصر/ليش؟عشان احلا منك ههههه


سالم/ رووح زييين قال احلا قال ..لامو هذا السبب

ناصر/اجل وش الاسباب؟


سالم/لانك طول عمرك ضد الحب والزواج

ناصر/ضد الحب بس الزواج لا

سالم /يعني بتتزوجها وانت ماتحبها؟

ناصر/الحب يجي بعدين ..وانت تعرفني هالخرابيط ماافكر فيها

سالم/بس صعبه تتزوج كذا اممم ويمكن حتى شكليا ماتعجبك

ناصر/لا البنت مزيونه ومن يوم شفتها قلبي قال مايبي غيرها

سالم/هههههههههه طيب ياغبي هذا هو الحب

ناصريستغبي/احلف؟

سالم/والله.بس تدري انا بسوي فيك نذاله وبكره تشوف

ناصر/سلوم اعرفك قليل خاتمه بذمتك وش تبي تسوي

سالم يرفع حواجبه لناصر/ابد يالغالي بس بخلي ابوي يخطبها لي

ناصر /والله لاتوطى ببطنك ياللي ماتستحي الحين يوم قلبي حب تبي تسرق الي حبها


سالم /هههههااااي اعترفت اخيرا

ناصر بخجل مصنع/اييييي احبها مررررره

سالم/وووعععع مولايق عليك

ناصر/اقول انا وش ابي فيك ضيعت وقتي معك بروح للغاليه امي تضبطني عند خالي ابو الحبيبه

سالم/اقول يالله انقلع هههههه

ناصر/ههههه ابشر

***********************************

ابو سعد/انت وش تقول؟


راشد /والله العظيم هذا الي صار

ابوسعد/وليش ساكت للحين ؟هذي وصيه تفهم

راشد/ادري بس هو وصاني اقولهم قبلكم

ابوسعد/بس ولو احنا من حقنا نعرف

راشد/والله ادري بس شمس ترجتني و حلفتني مااقول لا لكم ولا للافي.بس يوم دريت انها بتتزوج غير لافي ضميري انبني لاني مانفذت وصيه الغالي

ابوسعد/خلاص ياولدي ماقصرت انا بتصرف

راشد/الله يسهل ..يالله عن اذنك

***********************************

بعدها بيومين

الاخوان مجتمعين عند بيت قمر

ابوناصر/كنت حاسس انه يحبها

ابوسعد/بس الي قهرني ليش ماقالي؟كان زوجتهم من زمان

ابوسالم/يمكن خاف ترفض

قمر/لاكان ناوي يقولكم بس

ابوسعد/بس وشو؟ليش انتي تعرفين السبب؟

قمر/ايه شمس قالت لي كل السالفه

ابوناصر/طيب وش السالفه؟

>>>قمر حكت لاخوانها السالفه من اولها وكيف ان مزون خططت عشان تخرب زواج شمس ولافي الكل انصدمو بس بالاخير قررو انهم يصلحون الي اخترب ويجمعون بين القلبين..سعد قبل يموت وصى راشد انه يقول لشمس ولافي انهم اذا يبونه يرتاح بقبرة ينفذون وصيته.والوصيه انهم يتزوجون راشد كان على باله ان سعد يبي يطمن على شمس مع اخوة وهو مايدري ان سعد حب يجمعهم بعد موته لانه فرق بينهم بحياته.بس شمس لما عرفت السالفه ترجت راشد انه مايعلم احد ووعدته انها بتخبرهم بالوقت المناسب

/////////////////////////////////////////////

محمد/يمه شكلك تعبانه صح؟


ساره تحاول تكابر/مافيني شي

محمد/يمه المرض مو عيب عشان تخبينه.

ساره بعصبيه/قلت لك مافيني شي

محمد منصدم من الي يشوفه/يمه يدك

ساره وهي تحاول تكون طبيعيه/وشفيني

محمد/يمه القهوه انصبت فوق يدك اشفيك ماتحسين بالحراره؟

ساره بصوت مخنوق /لي فتره كذا مدري وش السالفه

محمد/وش قصدك؟

ساره/ماحس بالالم؟يدي تنقطع بس اشوف الدم يصب ومااحس

الابرة تنغرص باصبعي ومااحس

محمد/كم لك؟

ساره /حوالي كم شهر

محمد/بكره اجيب لك الطبيب يشوفك

**********************************

نوره/انت اكيد تقول كيذا عشان تقنعني انه يتزوجها

ابوسعد/والله هذي وصيه المرحوم بعدين انا حكيت لك السالفه وان بنتك هي السبب بكل شي صار

نوره/والحين وبيصير؟

ابوسعد/خلاص لازم ننفذ وصيه المرحوم.

*************************************

بعدها بيوم


لافي/يبه انت شتقول؟مااقدر مااقدر

ابوسعد/غصب عنك هذي وصيه اخوك

لافي/اخوي مات الله يرحمه.وانا مستحيل احل محله يبه افهمني


ابوسعد/لافي ..اسمعني وانا ابوك..انا عرفت انكم كنتو تحبون بعض

ولولا حقد اختك الله يرحمها كان الحين شمس زوجتك انت..بس ربك

اراد انكم تجتمعون بالاخير لاتعترض على قدر الله

لافي/يبه بس


ابوسعد/لابس ولا شي

لافي/اصلا هي ماراح تقبل

ابوسعد يكذب على لافي/لاهي موافقه كلمتها وقلت لها كل شي ووافقت بالاخير

لافي /من جدك يبه؟


ابوسعد/اجل اكذب عليك ؟


لافي/اسف يبه بس

ابوسعد/خلاص انتهينا زواجكم اخر الشهر مفهوم

لافي بفرحه مخفيه/على امرك يبه

///////////////////////////////////////////////////////
بنفس الوقت بس ببيت قمر


شمس/مستحيييل يمه مستحيل انا قلت قبل كذا لافي لا مابيه

قمر/يابنتي حرام هذي وصيه المرحوم ولازم تنفذوها

شمس/لافي تحلى عني يمه ومستحيل اتزوجه

قمر/يوووة تكلمنا قبل هالمره بهالموضوع وانتي عارفه انه ماتخلى عنك بس الظروف كانت ضدكم

شمس/اصلا هو ماراح يقبل هالوصيه

قمر/لا خالك كلمه وهو موافق

شمس/من جدك يمه؟

قمر/اجل اكذب عليك ؟

شمس/مااقصد بس

قمر/لابس ولاشي وخلاص اخوالك قررو زواجكم اخر الشهر

شمس /الي تشوفونه يمه

>>>>>كككللللللوش اخيرا بنفرح فيكم شموسه

شمس>>>انطمي اصلا كله عشان امي

>>>ياعيني مسويه نفسك مغصوبه.اقول مو علي يابنت ههههههه

شمس>>>يوووة منك انا بروح انام احسن لي

>>>>ههاااي استحت شمسنا

////////////////////////////////////////////////////

>>>سارت الامور على مايرام وابو سعد شرى بيت للافي قريب

منهم وجهزة بالكامل لاستقبال العرسان
الكل فرحان للافي وشمس رغم العرسان يحاولون يبينون العكس

يعني انهم مغصوبين ومو فرحانين هع هع

ساره زادت حالتهاسؤ لانها مرضها ماله علاج

والطبيب يقول انها حاله غريبه واول مره تمر عليه ..لان جاها فقدان

بالاحساس وصارت ماتجلس بروحها لازم معها احد عشان ماتجرح نفسها

او تحترق خاصه بعد ماكانت بتروح عينها وهي ماتحس ..

///////////////////////////////////////////////////


الـــــيـــــــوم زواج لافي من شمس

واجــتــمــاع قلبين بــعــد الفرااااق

حسناء/مبرووك حياتي

شمس/الله يبارك فيك.تصدقين خايفه وكاني اول مره اتزوج

حسناء/يالبى الخايفه..لان الحين هالزواج مو غصب

شمس/لا غصب تدرين اني مابيه

حسناء/هههههه اقول انتي تقدرين تلعبين عالناس كلها حتى ميمتك بس حسناء الحلوة لالالا تحلمين

شمس/بس حتى ولو وافقت اتزوجه راح اخليه يندم عالي سواه فيني

حسناء/سوي الي تبين بس الحين افردي خشتك وفرحي امك المسكينه

نوير/مبروووك ياشمس الديرة كلها

شمس/هلا نوير .الله يبارك فيك حياتي

حسناء/هلا باخت زوجي حبيبي اخبارك؟

نوير/بخير بس اخوي مو بخير لو حرمتيه من هالجمال اليوم

البنات/هههههههه

حسناء ووجهها احمر/اقول انطمي زين؟

نوير/حرام عليك يالمجنونه تصدقين شموس يقول لوماتعدلت خلال شهر بيتزوج

حسناء وعيونها طايرة/وشو؟؟

نوير تغمز لشمس/اجل امزح عليتس؟امس سمعته يقول

لامي خلي جاهزة بعد شهر لو ضلت مثل ماهي اخطبي لي

حسناء/ياويلي لو كنتي صادقه.

شمس/قلنا لك بطلي دلع بس ماتسمعين

حسناء/طيب شسوي مو بيدي

شمس/ادري تتوحمين بس بعد انتي زودتيها شوي

حسناء/حبيت اتدلع عليه شوي

نوير/تستاهلين هذا اخرة الدلع

حسناء /الله يعكر مزاجك قولي امين

نوير/هذي جزاتي نبهتك قبل يفوت الفوت

دخلت نوره/يالله يابنات خلصتو؟

حسناء/ايه ياخاله خلصنا

نوره/شمس هاه يمه مابتغيرين رايك؟

>>>شمس تهز راسها بمعنى لا

حسناء/حاولنا فيها بس تقول ماتبي تنزف

نوره/عالاقل اطلعي خلي الحريم يشوفونك ولافي مابيدخل لاتخافين

شمس/مابي خلوني براحتي

ابوسالم /درب ياحريم

نوره /بنات يالله اطلعو خالها يبي يسلم عليها

>>>طلعو البنات وام سعد ودخل ابوسالم عند شمس

ابوسالم/الف مبروك يابنتي.

شمس/الله يبارك بعمرك

ابوسالم/شمس يابنتي ابي اطلبك طلب

شمس مستغربه/امر ياخالي عيوني لك

ابوسالم/سمعت انك ماتبين زفه وحتى ماكنتي تبين نسوي

عشاء ولاشي.انتي ولافي اغلا من عيوني وعارف انكم تحبون بعض

شمس/لا انا

ابوسالم/اششش.خليني اكمل .لافي يحبك وحرام تحرمينه هالفرحه الي تمناها طول عمرة.

شمس/..........

ابوسالم/ابيك تنزلين وتنسين كل شي وتبدين صفحه وحياة جديده .حالك حال اي عروس

شمس/تعرفيني مااقدر ارفض لك طلب .ابشر ياخال بسوي الي تبي

ابوسالم يبوس راسها/فديتها بنتي .وهذي هديتك اتمنى تقبلينها

شمس/وجودكم بحياتي وبجنبي اكبر هديه ياخالي

ابوسالم/هذي شي بسيط ..والله انا بروح ومثل ماقلت لك طيب؟


شمس/طيب


>>>تم الزواج على خير وشمس ماخالفت طلب خالها والكل تفاجاة واولهم لافي ...


***********************************************

في بيت فايز

>>>فايز رجع من العرس ودخل تروش وانسدح يبي ينام كالعاده لحاله


بس سمع حركه غريبه بالصاله .فتح باب الغرفه وطلع وولع نور الصاله

وتفاجأ من الي قدامه

فايز/حسناء؟؟؟

حسناء بكامل اناقتها ومكياج العرس طالعه قمر/مساء الخير؟

فايز/غريبه؟اقصد وش هالزين

حسناء/افاااهذا استقبالك لزوجتك حبيبتك

فايز/والله اخاف ابالغ في الاستقبال ونكتك برحتنا

حسناء/يووووه انت باقي تتذكر؟خلاص الحمد لله صرت احسن

فايز/يعني خلاص

حسناء/اكيييد حبيبي انت اجمل واحلا شي بحياتي معقول تشك بهالشي

فايز((سبحان مغير الاحوال.وش السالفه؟))

حسناء/يالله تعال داخل عندي لك سوالف كثيييرة

>>>>ليله سعيده ياحلويييين

******************************************

بيت العرسان

لافي(ياربي مو مصدق عيوني معقول شمس صارت حلالي؟بس سعد؟

راح اقدر ابعد صورة سعد الي واقفه بيننا؟يووووة سعد خلاص مات

انا لازم اعيش حياتي الي انسرقت مني))

شمس(ياربي ليش قلبي يخفق بسرعه؟كأني اول مرة اتزوج؟

بس انا فعلا توني احس اني عروس..لافي هو حلم طفولتي وماعمري

تمنيت غيرة..وسعد؟؟؟سعد اخوي طول عمري اشوفه اخوي يعني بتنسين الي صار؟

لازم انسى والا بدفن نفسي بالحيا..بس مومعناتها اني سامحت لافي حسابه معي كبير)

لافي/مبروك ياعروس

شمس/حلو ذوق خالي بالبيت

لافي/اممم صح..

شمس/.......


لافي/بدلي ملابسك وتعالي نتعشى

شمس/لا ابي انام

لافي/خلاص مولازم عشى النوم احسن

شمس/قلت انا بناام


لافي/تصدقين حتى انا فيني نوم

شمس/اسمع بدون لف ودوران انا ابي انام بروحي فاهم

لافي/كيف يعني بروحك

شمس/يعني تاخذ لك فراش وتنام بأي مكان غير الغرفه هذي

لافي/اتوقع اني زوجك ويقولون الزوج يجوز ينام بغرفه نوم زوجته والا؟

شمس/مو كل الي ينقال نصدقه

لافي/هههههههه

شمس بعصبيه/اناماقلت نكته ويالله اذلف انا تعبانه بنام

لافي قرب منها ومبين انه وصل حده/شمسوه لاتنسين اني لافي زين؟

شمس/وخيير ياطير يالشيخ لافي يعني بتسوي رجال علي؟

لافي صك على سنونه /ادري انك تبين اعصب واضربك وتطلعيني


انا الغلطان بس اقصري الشر احسن لك

>>>شمس فاجأئت لافي بشي عمره ماتخيله

طرآآآآآآآآآخ

شمس/الحين لو تبي تذبحني اذبحني اهم شي اني طفيت ناري منك

لافي شد شعرها/قد الي سويتيه يابنت العمه؟

شمس/اييه قده .زعلان من كف؟

هالكف ولا شي بالنسبه للي صار لي بسبب تخليك عني وخوفك من اخوك

لافي/شرحت لك ميه مره وش السبب بس انتي حمارة ماتفهمين

شمس/والحمارة ماتبيك لابهالغرفه ولابحياتها .و تفضل اطلع براااا

>>>>لافي راح لباب الغرفه وقفله بالمفتاح ولف جهه شمس والزعل ملا

قلبه وراسه

لافي/مانيب طالع ولسانك هذا بعرف كيف اقصه لك

شمس/لافي بدون عناد كفايه اني وافقت اتزوجك وانت بعتني

لافي /بس الحين شريتك وصرتي حلالي وغصب عنك بتسوين الي ابي

شمس/يعني تبي اصير زوجتك بالغصب؟مو هذا لافي الي اعرفه

لافي بعصبيه /انتي الي حديتيني على هالشي تحملي

شمس/وش تقصد؟

لافي قرب منها/بعلمك الحين وش اقصد..

شمس/لافي ابعد عني ابعددد



****************************************

محمد/يبه خلنا ناجلها شوي لان امي مريضه


فواز/تعرف مرض امك ماله علاج يعني ماله داعي نأجل

محمد/طيب يبه انت تعبان اخاف عليك ماتتحمل الطريق طويله

فواز/الله بيعينني وبتحمل

محمد/خلاص بكرة الصبح نمشي تصبح على خير

*******************************************

مريم/طيب ليش ماتعلمينهم

سارة/تبين يتشمتون فيني

مريم/منتي بصاحيه كيف اهلك ويتشمتون فيك

ساره/محمد مابيه يعرف لاني مابيه يتضايق ويشيل همي.اما فواز اكيد بيشمت

وبيقول هذا عقابك من الله عالي سويتي بعيالي

مريم/بس انتي لازمك علاج لهالالم.هذا مرض خبيث تفهمين

ساره/هم بس يفكرون ان فقدان الاحساس هو كل شي بس مرضي الثاني

مايدرون عنه بوصي احد يجيب لي علاج بس خليه س بيننا

مريم/براحتك

************************************************** *