سعد/السلام عليكم

الكل/وعليكم السلام

سعد/وين بيت الشيخ فواز؟

سطام/وش تبي بالشيخ انت ووجهك ؟

سعد/ابيه بموضوع

ناجي/اقول تقلع الشيخ مايقابل هالاشكال

راكان/ماعليك منهم تعال معي اوديك للشيخ.

سعد/مشكور ربي يعافيك

سعد كان مبهدل حاله بملابس مقطعه وحاط فحم على وجه ومعه

حمار محمل عليه ماء.راكان اخذ سعد ووداه لقصر فواز ومشى

وخلاه،،وقف سعد عند الباب والحراس ماخلوه يدخل

الحارس1/خير يالحبيب وين داخل؟

سعد/بدخل داخل

الحارس 2/اقول اذلف انت وحمارك

سعد/الشيخ قالي بكره تعال واذا احد كلمك قولي .

الحراس يطالعون لبعض


سعد/هاه ادخل والاامشي؟

الحارس1/خلاص ادخل .اهم شي رضا الشيخ..

دخل سعد القصر وشاف الحشم والخدم معبين المكان ،

عايشه/هي انت وش تسوي هنا؟

سعد/انا وظفني الشيخ اجيب لكم الماء من العين

عايشه/الله يجزاه خير ريحنا من الروحه كل يوم .

اقولا أنت ليش كذا؟

سعد/وش فيني؟

عايشه/ملابسك وعع شكلها يقرف


سعد/لولقيت غيرها مالبستها بس الله كريم

عايشه /انا بجيب لك ثياب ومن بكره ابيك تجي وانت نظيف .

والحين تعال اوريك المطبخ عشان تحط الماء.


سعد/مشكوره ياغلاهم

عايشه/انت وش اسمك

سعد/اسمي جلمود

عايشه/وع وش هالاسم

سعد/كل شي وعع ؟الله يسامحك .


هذا وانا بغيت اقول فيك شعر

عايشه/خلاص لاتزعل بس قول الشعر تكفآ.

سعد/امم معرف اقول شعر وانا جيعان.

عايشه/الحين احط لك احلا غدا بس هالله هالله بالقصيد الزين.

>>عايشه هذي خدامه بالقصر واقرب وحده لقمر

سعد كان جالس ياكل وعايشه تحوس بالمطبخ.دخلت عليهم قمر

عايشه/هلابالشيخه


قمر/هلافيك عيوش.جهزتو الغدا؟ الشيخ على وصول

عايشه /دقايق ونحطه.

لاتشيلي هم ارتاحي.

قمر/تعرفين اي شي يخص فواز لازم يهمني

عايشه/تحبينه ياعمه عادي لاتستحين

قمر/لاماأحبه انا امووت فيه

عايشه/الله يخليكم لبعض‎ ‎‏،

اقول ياطويله العمر وش صار على موضوع خطيبي؟


قمر/من بكره خليه يروح يستلم شغله بالمزرعه الجنوبيه.

وخليه يبيض الوجه ..ويهتم بالشغل والعمال

عايشه/فديتك والله


قمر/من هالرجال؟ وليش جالس هنا؟

عايشه/هذا الشيخ جابه عشان يجيب لنا الماء من العين.

وابيك تسمعينه وهو يقول فيني شعر.

قمر/يالله سمعنا قصيدك.

سعد رفع راسه وعطاها نظره وقال

سعد/باقي ماشبعت

قمر{هالنظره احس اني قد شفتها بس وين}

عايشه/يقول مايعرف يشعر الا وهوشبعان

قمر/انت وش اسمك ومن اي ديره جاي؟

سعد/اسمي جلمود

ومالي ديره

قمر حست بضيقه وطلعت وخلتهم

سعد/هذي زوجه الشيخ؟

عايشه/ايه فديتها

سعد/ماشاء الله مزيونه

عايشه /هي قمر وبعد اسمها قمر فديت الي مسميها انا اشهد انه


عرف يختار

سعد تذكر يوم اختار لقمر اسمها وكان طاير فرحه فيها.

سعد/كثر الله خيركم انا لازم امشي.

عايشه/وين ياحلو؟ والقصيده؟

سعد/اووه نسيت .طيب اسمعي وعطيني رايك


نهايه البارت الثالث

الباااارت الرابع لعيونكم


اليوم الثاني فواز جاه خبر راعي الماء وعصب وارسل الحراس يدورون له وكان مقهور ويبي يعرف من هو واش يبي .بس الحراس قالوا انه اختفآ ومالقوا له اي اثر....سعد طلع من ديره فواز وقرر انه يرجع ديرته ويعتبر ان قمر ماتت وماعادلها اثر بعد ساعات من المشي وصل سعد ديره اهله وسأل عن بيت ابوسعد ودلوه عليه ودق عالباب وفتح له سعد ص
سعد/السلام عليكم
سعدص/وعليكم السلام .
سعد/انت من؟
سعدص/اناسعد بن صالح
سعد/والنعم
سعدص/ماعليك زود تفضل المجلس لين يجي ابوي
سعد/جدتك فيه؟
سعدص بعصبيه/وشدخلك بجدتي؟ وبعدين من انت اناأول مره اشوفك؟
سعد/اناعمك سعد
سعدص/عمي!!!
سعد/ايه عمك .والحين ابيك توديني عند امي الي هي جدتك فهمت؟
سعدص/طيب ادخل وانا بقولها بالاول..
"راح سعدص جري عند جدته ولقاها تصلي الضحى وجلس ينتظرها .بعد مافرغت ام سعد من صلاتها التفتت لسعد.
ام سعد/خير يمه وش تبي؟
سعدص/جده فيه رجال يبيك برا
ام سعد/ليش قالو لك اني رجال؟ اكيد يبي ابوك يالثور.
سعدص/لايبيك انتي وقال انه عمي سعد
ام سعدبصدمه/سعد!!!
سعدص/ايه وترا هوبرا ينتظر
ام سعد/خله يدخل بسرعه ..
دخل سعد وشاف امه بس شكلها كان مختلف كانت حرمه عجوز والشيب كاسيها..قرب منها وحب راسها وحب رجولها وبعدها حضنها وجلسو يبكون جميع
ام سعد/فديت هالوجه والله كنت خايفه اموت قبل اشوفك .
سعد/بعيد الشرعنك يالغاليه
ام سعد/طاوعك قلبك تغيب كل هالمده؟
سعد/والله يمه غصب عني.انا جيت الديره بس كنتو ناقلين منها ولاادري وين رحتوا .بس الحمد لله اني لقيتكم.
ام سعد/اهم شي انك بخير.بس ماأشوف معك احد..وين أختك؟ لايكون!!
سعد{وش تبين اقول يمه؟اقول الي تركتم عشانها راحت مع الغريب وخلتني؟}
ام سعد/ليش ساكت؟؟؟
سعد/قمر ماتحملت السفر والجوع وماتت بالطريق..
ام سعد بحزن/كنت حاسه وقلت لك بس ماسمعت كلامي طيب دام ماتت ليش مارجعت؟
سعد/خفت من ابوي .الاوينه ماأشوفه؟
ام سعد/ابوك عطاك عمره قبل 5سنين
‏‎ ووصاني اذا شفتك قبل اموت اقولك انه يبيك تسامحه وانه ندم انه كان سبب في تركك للبيت
سعد/الله يرحمه ويحلله واخواني وينهم؟
ام سعد/ناصر ببيته وصالح طلع مدري وين راح..وهذا ولده سعد
سعد/الله يحفظه ويخليه .
ام سعد/سعيدان
سعدص/اففف الحين بتبدأ المشاكل.ولحسة المخ
ام سعد/وش قصدك ؟؟
سعدص /قصدي اذا بتقولين سعيدان قصدك انا والاعمي
سعد/اكيد تقصدك انت ياحبيبي..
ام سعد/اقول سعيدان بلاهذره وروح ناد ابوك
سعد/لاخليه يجي براحته
سعدص/افاعليك ياعم تبيني افوت البشاره؟.
الابروح واجيبه الحين .
سعد/ههههه
‏‎@==@==@==@==@‎‏
تااابع

اخوان سعد سوو له عزومه ودعوا الكل لها والجميع فرحو برجعته

"عند الحريم الساعه 9مساء"

ام حمد/قرة عينك ياأم سعدبرجعته.
ام سعد/تسلمين والله لايحرمك احبابك.
ام راشد/يقولون اخته انخطفت صدق؟
ام سعد/البنت ماتت عليه بالطريق .
وموولدي الي يخطفون اخته من بين ايديه
فايزه/اقول ياخاله ولدك تزوج والا باقي؟
ام سعد/لاباقي
فايزه/طيب اشرايك فيني انفع تخطبيني له هههه
نوره/لاتحلمين تكونين سلفتي فاهمه.
فايزه/من حلاتك عاد اقول خلي خالتي تفكر لاتشوشين عليها
ام فايزه/فايزه استحي على وجهك
فايزه/يمه استهبل بس
نوف/والله انك من جدك هههه
ام سعد/يابنت الحلال ندري انها تمزح واذا سعد بيعرس مابلقى له احسن من فايزه.
وحتى لو تزوج غيرهابخليه ياخذها الثانيه
فايزه/لالاابيه لي لحالي مابي شرايك
نوف/ياشين الي يصدقون نفسهم
الكل/هههههههههه
فاطمه توشوش منيره/اشفيك وجهك مقلوب؟
منيره/مصدعه شوي
فاطمه/مصدعه والا الكلام ماعجبك؟
منيره/لا لاعادي
فاطمه/اهاا عادي
.منيره/أقول نوره ياليت تجيبين لي مويه عطشانه
نوره/والله متكسره ومافيني حيل وفيه
مثل يقول اخدم نفسك بنفسك ‏
ام سعد/الله يفشلك البنت ضيفه وتقولين اخدمي نفسك؟قومي وجعع جدي
نوره/ياخاله منيره ماهي غريبه وبعدين
البيت بيتها وماظن بتستحي مننا
منيره/ايوالله صادقه وهذا انا بروح .احد يبي شي
نوره/لبى الي تفهمني ‏
‏"عند الرجال"
ابوراشد/الله يحييك عند اهلك وناسك
سعد/الله يبقيك ياعم
‏‎ ‎جراح/والله ماني مصدق عيوني .اخيرا رجعت ياصقيقي؟
سعد/هههه لاصدق وبيرجع تكسير الراس ‏
جراح /فديتك كسر براحتك.
ابو محمد/اقول انت اعرست ؟والا نبدأ
من بكره ندور لك بنت الحلال؟
سعد{آه كيف تبيني اتزوج غيرمنيره }
ابومحمد/وين رحت؟
سعد/هاه ؟لاباقي بس خل موضوع زواجي
لحد ماارتاح واضبط اموري.
ابوشاهر/ماكن عشاكم تأخر ؟انا جاني النوم
ناصر/صالح قم شف العشاء.ليش تأخر
سعد/انا بروح اشرب وبشوف موضوع العشاء
صالح/لالامايصير
سعد/انا ماني ضيف اناراعي بيت
ناصر/بس اليوم كون ضيف
ابوشاهر/خلووه يروح متناجوع
الكل/هههههههه
راح سعد شاف العشاءوقالواباقي شوي.
بعدهاراح يشرب مويه ‏‎
من المطبخ.دخل وشاف وحده معطيته ظهرها
سعد/كح كح درب ياولد.
منيره لفت للي وراها
منيره/سعد !!!
سعد رفع راسه بعد ماسمع الصوت
سعد/انتي!منيره؟
منيره/معقول نسيتني؟
سعد/انسى روحي وماأنساك.كيفك ياقلب...
منيره/كمل
سعد/أخاف اقولها وتكونين متزوجه
منيره/قولها وانت متطمن لان انا نذرت
مااتزوج غيرك
سعد/معقول باقي تنتظريني؟
منيره/ومستعده انتظرك الباقي من عمري
سعد قرب منها ومد ايده يسلم عليها بس تفاجأ
ان منيره رمت نفسها بحضنه وهي تبكي
منيره/اشتقت لك وخفت ان الموت خذك مني
سعد /وانا بعد اشتقت لك وماغبتي عن بالي
ولحظه
منيره/فديت قلبك
سعد/تتزوجيني؟؟
منيره. . . . . . .
قطع عليهم هالحظات صوت سعدص وهو يقول/الجماعه يقولون اخبار العشا؟
منيره انحرجت وغطت علا وجهها بيدها
سعد/ماعليك سعود صغير ومايفهم .‏‎
سعدص/صح ياخاله انا ماأفهم ابدخذواراحتكم وبعدين.هذااكيد صرصوركان مار من هنا ومن خوفك ضميتيه
منيره استحت وطلعت تجري برا المطبخ
سعد يطالع في سعد بنص عين/هذاوانا قلت ماتفهم .اجل لو قلت تفهم وش كان قلت؟
سعدص/ههههه
سعد/اسمع قسم بالله تقول شي اذبحك فهمت
سعدص/اكيد فهمت



****************************

بعد كم يوم سعد خطب منيره والكل فرح لهم وزواجهم بعد شهر..

***************************


موضي/الحين اخوك مالقى غير هالزفته ياخذها؟؟
ناصر/زفته؟ومن هي الزفته؟
موضي/منيروه بنت ابو ساري.
ناصر/ليش وشفيها البنت؟الكل يمدحها
موضي/تقهرني لماتقول بنت .‏
ناصر/اجل وشهي؟
موضي/هذي عجوز انت عارف كم عمرها؟‎
ناصر/كم؟
موضي/30سنه
ناصر/طيب عادي اش المشكله ؟دام هو يحبها
موضي/اففف بس انا ماأحبها اكرههآآ ماطيقهآ.‏‎ ‎
ناصر/بس هو الي بيتزوجها مو انتي .عن اذنك
موضي/الحين انا موضي بنت منصور تصير منيروه سلفتي وععع
ناصر{اجل لوكانت ماهي حلوه وش كان قلتي؟ الله يهديك بس}
‏‎%%%%%%%%%%‎

فاطمه/سبحان الله من يصدق ان منيره وسعد بيجتمعون مع بعض من جديد؟
الجازي/عقبالي يارب
فاطمه/كش بس وانتي من يبيك ؟
الجازي/انا غير حمود مابي
فاطمه/اي حمود؟
الجازي/زوجك
فاطمه/لاياشيخه؟اكيد تحلمين؟
الجازي/طيب مفروض تفرحي لاني صديقتك وبنصير ببيت واحد
فاطمه/كش مابي صداقتك دام بتاخذين رجلي
البنات ./هههههههههه
نوره/من بترقص معي
بدريه/انا بقوم صراحه دقهم شي يخليك ترقصين وانتي ماتدلين الرقص.
فاطمه/منيره ماودك ترقصين هههههه
منيره/وجعع
بدريه/عروس وتبينها ترقص ؟صدق خبله
فاطمه/يآلبى خبآلي بس
‏‎%%%%%%%%%%‎
تم زواج سعد ومنيره على خير وسكن جنب اخوانه وامه صارت تجلس عند كل واحد منهم اسبوع..

نهايه البارت الرابع



هالله هالله بالردود الحلوة

قمر مرررررره سسخيفه ياحياتي اخوها سوى الويل عشان تعيش وفي النهايه تتزوج وتسحب ومبروك ياسسعد والله فررحت له يسـتاهل الله يوفقه وجعله ينـسى قمر>>>عششت معهم مشكوره ججزاك الله خيير متـى بتكلمين؟>>شرايك تحددين يومين او ثلاث ايام في الاسبوم مثـلآ الخميس و الاثنين والسبت انتي حددي الايام لي تناسبك وتناسب ظروفك والبـآرت مررره روعه كمـلي يامبدعه(..

رووووووووووووعــــــــــــة

اللهــ يخليكي كمليهــــــــــــــاااا

يسلموووووووووو

اشكر كل المتابعين

ولكم مني


((((اليكم البارت الخــــــامــــــــس))))


"في بيت سعد بعد اسبوعين من زواجه"

منيره/سعد بس عاد
سعد/زوجتي وكيفي
منيره/بس موهنا تدري استحى واخاف

امك تشوفنا والله فشله
سعد/امي في سابع نومه تعرفينها ماتغط في النوم
الا اذا عندها سوالف .
منيره/يعني متأكد ماتشوفنا؟؟
سعد/ايه متأكد بس قربي مني
ام سعد/يابنيتي أي شي يقوله رجلك صدقيه
منيره/
سعد/يمه انتي صاحيه‏‎ ‎
ام سعد/لامن قالهههه
منيره حست بالفشله وراحت غرفتها
سعد/هههه آه منك ياام سعد كذا تسوين فينا؟
ام سعد/انتو الي جيتو عندي .كان تغزلت فيها بغرفتكم
سعد/اناعادي بس البنيه تفشلت.
ام سعد/ماعليك منها بتتعود.اسمع ابيك
تشري لسعيدان ثوب وحذيان طلبني
قبل كم يوم ونسيت
سعد/ابشري بجيبها بس ثيابه جديده
وابوه موقصر غريبه طلبك‎ ‎؟
ام سعد/بيعطيها صديقه احمد
سعد/اهاا طيب اليوم اجيبها مايصير خاطرك
الا طيب تامرين على شي؟
ام سعد/على وين؟
سعد/امم بروح اشوف منيره
ام سعد/ههههه ايييه سلم عليها
‏¤¤¤¤¤¤¤¤¤¤¤¤¤¤
بعد شهرين

سعد/سعيدان من الولد الي كان معك؟وليش انحاش يوم شافي؟
سعدص/هذا صديقي احمد.هوماانحاش بس يستحي منك
سعد/اهااا طيب كان رد السلام عالاقل.
سعدص/هو عشان كذا انحاش
سعد/كيف يعني؟
سعدص/هو مايتكلم يعني اطرم جاته سخونه وهوصغير ومن بعدها صار كذا.
سعد/طيب تفهم عليه؟
سعدص/اكيد افهم وانت بعد اذا عرفته زين بتفهم عليه
سعد/طيب اخلاقه كيف؟
سعدص/اخلاقه ممتازه
وترا الولد ذكي.
‏‎ ‎سعد/‏‎ ‎طيب عرفنا عليه
سعدص/ابشر المرة الجايه بخليه يجي معي ونزورك ببيتك
سعد/امحق ضيوف هههههه
سعدص/ههههه لابنعجبك . .

‏¤¤¤¤¤¤¤¤¤¤¤¤¤¤‏
بعد مرور 3 سنوات ونص .قمر صار
عندها بنت عمرها 3سنين وسمتها
شمس وولد عمره سنه سمته علي ..
سعد جاله ولد سماه ناصر والحين عمره سنه ونص وعمه ناصر طاير فيه من الفرحه
¤¤¤¤¤¤¤¤¤¤¤¤
شيخه/‏‎ ‎قلت لك ماعندي
فلاح/اجل من وين طلعتي الفلوس
وشريتي السرير ؟
شيخة/ماشريته قمر غيرت سرير بنتها
وعطتني هذا لبنتي.
فلاح/طيب دام هالقمر طنخه وهبله ليش ماتستغلينهاوتشفطين منها فلوس
على قد ماتقدرين ؟
شيخه/الحرمه طيبه وماهي مقصره معي
بأي شي ليه استغلها؟وبعدين بدل
ماتقول كذا ليه ماتروح تدور لك
شغله بدل الهياته والسم الي تشربه؟
فلاح /تعايريني يالكلبه؟ انا اوريك
... قام ومسكها من شعرها
شيخه/آي آي فك شعري يامال الكسر
فلاح/وين الفلوس؟
شيخه/مآآعندييي
فلاح/ماعندك؟ طيب الحين بشوف
..ونزل فيها ضرب وركل
شيخه/آه تكفآ خلاص ارحمني
فلاح/الفلوس وين؟ انا متأكد انك مخبيتها عني
شيخه وهي تبكي/هنآآك فوق الدولاب بس تكفي ارحمني
فلاح اخذ الفلوس كلها وراح.‏
شيخه/حسبي الله عليك
>>شيخه تحب قمر ودوم قريبه منها وقمرتعرف ظروف شيخه وماتقصر معها لابفلوس ولابغيرها.بس زوجهافلاح داشر ومايشتغل وكل ماشاف مع زوجته فلوس اخذها لمزاجه ووناسته ..
¤¤¤¤¤¤¤¤¤¤¤¤¤¤‏‎