"بعد يومين"
منيرة/ولد عمك للحين مارجع؟
ناصر/لاباقي
ابوناصر/من هو؟؟
منيرة/لافي
ابوناصر/ليش وين راح؟
منيرة/مدري طلع من قبل امس وللحين مارجع
ابوناصر/غريبه صالح كان معي وماجاب لي سيرة؟
منيره/يمكن ماحب يشغلك وانت راعي قلب
ابوناصر/بس وين بيكون طس لافي؟مو من عوايده؟
منيرة/لاتشغل بالك.تعرف ولد اخوك يموت في القنيص
يمكن طلع يقنص..
ابوناصر/طيب باركتو لهم على خطبه ولدهم؟
منيرة/بروح لهم الليله وابارك لهم.بس غريبه سوو الملكه عالسكيتي؟
ابوناصر/كل شي صار بسرعه على قولة صالح
ناصر/من الي خطب؟
منيره/سعد..عقبالك يمه واشوف عيالك يناقزون قدامي
ناصر/سعيدان خطب ههههههه والله حاله
ابوناصر/ولد لاعاد تقول لسميي سعيدان تفهم؟
ناصر/يوووة نسينا ههههههه
ابوناصر/ترا العرس بعد اسبوعين اذا بتتجهزين انتي وبنتك
منيرة/الله يامسرعهم؟وشفيهم؟
ابوناصر/والله عاد بكيفهم
تاصر/ايييه نسيت اسئل من هي تعيسه الحظ يؤ قصدي
سعيدة الحظ الي بياخذها سعيدان
ابوناصر/شمس
ناصر بصدمه/شمس!!!
منيره/ايه شمس.وشفيك منصدم
ناصر/بس شمس تح
ابوناصر/وشفيك بلعت لسانك؟
ناصر/هاه لالا ولاشي..اممم يالله انا بطلع عندي مشوار ضروري
منيرة/وجع مابتوديني بيت عمك ناصر؟
ناصر/يمه اقولك مشوار ضروري ..خلي
المزيون الي جنبك يوديك
ابوناصر/مزيون غصب عن خشتك..اصلا ماشفتني بشبابي
كل بنات الحارة كانو متسدحات قدام بيتنا
منيرة/والله لو مو انا ماحد طل بوجهك
ناصر/هههههههههههههههههه
ابوناصر/قد هالكلمه؟
منيرة/اييه
ابوناصر/طيب اشرايك نجرب ونشوف؟
منيرة/كيف يعني؟
ابوناصر/يعني اخطب واشوف
منيرة/لاياحلو زمان غير والحين غير .وبعدين
انا راجعت نفسي وتذكرت انك كنت مزيون بشبابك
ناصر/ههههههههه والله انكم فله
ابوناصر/طيب وراك ماتنقلع مشوارك لاني ابي امك بسالفه
ناصر/فمان الله ههههه
))))))))))))))))))))****(((((((((((((((((((((
>>>شمس كانت منسدحه وتفكر بالي صار ..وعلى
قد ماهي مقهورة من لافي الا انها فكرها
مشغول فيه وين ممكن يكون راح . قطع عليها حبل
افكارها صوت ناصر وهو يزهم عليها من ورى الشباك
شمس/هلا ناصر.وشفييك؟
ناصر/بغيتك بسالفه
شمس/وشو؟
ناصر/صدق انخطبتي لسعد؟
شمس/ايه
ناصر/ولافي؟وحبكم لبعض
شمس/قول هالكلام للافي مو لي
ناصر/وش قصدك؟
شمس/مدري والله مخي بيوقف من كثر التفكير.هو قالي بالليل بخطبك رسمي ولما جاء الليل تفاجأت ان سعد هو العريس مو لافي وماقدرت اقول شي
ناصر/كيف كيذا؟
شمس/مدري
ناصر/احد يدري؟
شمس/لا.. بس الي محيرني انه لما عرف كان منصدم
وبعدها طلع وللحين مارجع
ناصر/انا بشوف الموضوع وبردك لك خبر
شمس/خلاص ماعاد ينفع الي صار صار
ناصر/يصير خير تصبحين على خير
شمس/تلاقي خير
))))))))))))))))))))****(((((((((((((((((((((
سعد/يابنت والله احسها ماتبيني
مزون/عن الهبال
سعد/وقسم مااكذب عليك.
مزون/لا بس البنت تستحي حيل وخاصه بعد ماقلت
لها اني علمتك انها قالت تحبك
سعد/اهااااا
مزون/يالله قوم البس عشان توديني لعذاري
سعد/طيب بس بروح اشوف عروستي وارجع لك
مزون((اففف شكلك حتى انت بتفضلها على ))
>>>راح سعد عند شمس ولقاها جالسه تقطع سلطه وشكلها يجنن وهي سرحانه ومو حاااسه بالي حولها..قرب منها وضمها من وراها
سعد/الحلو بأيش سرحان؟
شمس بخوف/يممه خوفتني.وبعدين لاتسوي كذا مره ثانيه طيب
سعد/ههههه فديت الخوافه.عادي ياقلبي انتي الحين بحكم زوجتي اشفيك?
شمس/ادري بس ماحب هالحركات
سعد/شمس لاتستحين مني ترا انا احبك والله احبك والحمد لله انك صرتي من نصيبي
شمس((بس انا احب لافي والله احبه))
سعد/الايام راح تبين لك قد ايش احبك
شمس/.........
سعد/تبين شي انا بطلع ؟
شمس/لاشكرا
))))))))))))))))))))****(((((((((((((((((((((
فايز/ومن قالك هالكلام؟
ناصر/ابوي قالنا.تكفى علمني وين راح. انت اقرب واحد له
فايز/ادري وين هو وكنت معه .بس هو قالي اخليه بروحه
ناصر/يعني هو بخير؟
فايز/ايه بخير.
ناصر/خلاص روح له وافهم منه وش الموضوع؟
البنت مقهورة تقول كان واعدها بالزواج
ولعب عليها وخطبها لاخوه.
فايز/ابشر بعلمه وبفهم منه كل شي.
))))))))))))))))))))****(((((((((((((((((((((
نهايه البارت13
اففف تعبت وانا الون
اممم بحكي لكم عن روايتي ياحسافه
هالروايه جابت لي الجنان
لاني عانيت فيها معاناه مرره قويه
كتبت حوالي 6اجزاء وجاء واحد في بالي يبي له تفقيع وجهه >>ماتقصد زوجها
وحذفها من عالجهازهي وكم خاطرة وبكل برود يقولي انمسحت بالغلط
انقهرررت موووت بس مااستسلمت ورجعت اكتب
ووصلت لنفس الجزء6ودخل للجهاز فايروس وقالو لازم ولابد ان الجهاز يتفرمت
وفعلا فرمتوة وانمسح كل ابو شي
>>>>قمه النحاااسه
قمت جلست مع نفسي وقلت يابنت ليش ماتريحي بالك وتكتبيها عالجوال؟
عجبتني الفوكره وضليت اكتب لحد ماوصلت للجزء12وجيت بنقلها لجهاز الكمبيوتر واخترب البلوتوث
يالليلشسوي بعمري انا
فكرت بلحظه زعل اني امسحها بس رجعت قلت حرام تعب حوالي 10شهور يروح عالفاضي
ودبرت طريقه واخيرا حفظتها بديت انزلها
بس عارفين من زود الحرص ان محد يمسحها حفظتها عندي بالرسايل الخاصه
اتمنى تلاقي اصداء جيده
هالروايه جابت لي الجنان
لاني عانيت فيها معاناه مرره قويه
كتبت حوالي 6اجزاء وجاء واحد في بالي يبي له تفقيع وجهه >>ماتقصد زوجها
وحذفها من عالجهازهي وكم خاطرة وبكل برود يقولي انمسحت بالغلط
انقهرررت موووت بس مااستسلمت ورجعت اكتب
ووصلت لنفس الجزء6ودخل للجهاز فايروس وقالو لازم ولابد ان الجهاز يتفرمت
وفعلا فرمتوة وانمسح كل ابو شي
>>>>قمه النحاااسه
قمت جلست مع نفسي وقلت يابنت ليش ماتريحي بالك وتكتبيها عالجوال؟
عجبتني الفوكره وضليت اكتب لحد ماوصلت للجزء12وجيت بنقلها لجهاز الكمبيوتر واخترب البلوتوث
يالليلشسوي بعمري انا
فكرت بلحظه زعل اني امسحها بس رجعت قلت حرام تعب حوالي 10شهور يروح عالفاضي
ودبرت طريقه واخيرا حفظتها بديت انزلها
بس عارفين من زود الحرص ان محد يمسحها حفظتها عندي بالرسايل الخاصه
اتمنى تلاقي اصداء جيده
..>>الـــــبأأأأأأأرت الــــــــــ14عشر..<<
حسنا/حرام عليك ليش كيذا؟
مزون/ههههههه والله لو تشوفون وجيههم كيف صارت من
الصدمه وهم يسمعون الخبر تموتون ضحك ههههههههه
عذاري/هههههه انتي مجرمه الله يستر من افكارك بس
***/طيب يمكن يكتشفون انك السبب..ساعتها بيذبحك لافي
مزون/فال الله ولا فالك وجع في عينك
***/هههههه ياخوافه
مزون/اكيد بخاف انتي ماتعرفين لافي اذا عصب يمممه يخررررع
عذاري/ياليت تتزوجين واحد نفس لافي هههههههههه
مزون/بلا في شكلك يامعفنه.خلاص فكونا من سيرته
لايطلع لي الحين
البنات/ههههههههههههههههههههه
حسناء(والله حرام الي صار.حسبي الله عليك يامزون)
*********************************
فايز/هذا الي صار
لافي/يعني وشو ؟ترا مافهمت ولا حرف
فايز/يعني اهلك خطبوها وهي وافقت على بالها انت
وبعد الملكه تفاجأت انه سعد هاه فهمت يالثور؟
لافي/طيب فيه كلمه مو راضيه تدخل مخي
فايز/وش هي؟
لافي/شمس تقول ان ابوي قالها يوم يخطبها ان سعد قالهم انها
عندها فكره عن الموضوع.كيف عندها فكره عن الموضوع؟
معناتها انها كذابه وكانت متفقه مع سعد
فايز/طيب انت من تصدق؟
لافي/وش قصدك؟
فايز/انت قلت لي مره ان شمس عمرها ماتكذب بشي .
لافي/المشكله اني واثق انها ماتكذب بس كييييييف
صار الي صار ابي افهم قبل انجن؟
فايز/اسئل سعد
لافي/مجنون انت؟وش اقوله ؟اقوله اني احب شمس الي
صارت زوجتك؟والا اقوله طلقها عشان ترجع لي؟
ياربي شسوي بهالمصيبه والله احس الدنيا ظلمت بوجهي
الحين كيف ارجع البيت وشمس قدامي؟
كيف بطالع فيها ؟كيف بقدر اشوفها مع سعد واسكت!
فايز/وكل امرك لله وهو بيحلها بس لازم ترجع للديرة
اهلك خايفين عليك.وحتى شمس قلقانه وسئلت ناصر عنك
لافيي/يصير خير
))))))))))))))))))))****(((((((((((((((((((((
>>>فايز كان بالطريق راجع لبيتهم وسمع صوت بنت تناديه
لف وراه وشاف وحده متغطيه
فايز/هلا اختي ناديتيني؟
حسناء/ايه ناديتك
فايز/امري؟
حسناء/انت صديق لافي صح؟
فايز/ايه ليش؟
حسناء/عندي كلمتين بقولهم لك ووصلها للافي
لاني ابي اريح ضميري..
فايز/بالاول من انتي؟
حسناء/انا صديقه اخته مزون
فايز/عذاري؟؟؟
حسناء/لا مو هي انا حسناء
فايز/تفضلي
حسناء /اسمع ياخوي......
))))))))))))))))))))****(((((((((((((((((((((
اليوم الثاني
>>>رجع لافي للبيت وعلى طول دخل غرفته ونام بدون مايكلم
احد..شمس شافته بدون مايحس ..كان نفسها تكون
في استقباله بس كرامتها ماخلتها
شمس((الحمد لله انك بخير.ولو اني ودي اذبحك عالي
سويته بس مااقدر.اممم اروح اسئله ليش سوى كذ ؟
لا لا دام باعني ماله داعي ابين له اني مهتمه خليه ينطق))
))))))))))))))))))))****(((((((((((((((((((((
عالعشاء في بيت ابو سالم
سالم/يبه ابي اسافر ديره عمامي
ام سالم بصدمه/وشو؟عيد عيد
سالم/بسافر ادور على هلي
ناصر/ليش واحنا مو اهلك؟
ام سالم/ماعليك منه اكيد يمزح
سالم/لا ماامزح.من حقي اشوف عمامي وعيالهم.طول عمري وحيد
ام سالم/وهم ليش ماسئلو عليك كل هالمدة
سالم/يمكن جو ديرة جدي بس انتي تقولين انكم شديتو م هذيك الديرة كيف تبينهم يعرفون؟
ابوسالم/سالم معه حق
ام سالم/الحين بدل ماتهاوشه تقولي معاه حق؟
ابوسالم/الولد من حقه يعرف اهله ويعيش عندهم
سالم/انا قلت بروح اادور عليهم واشوفهم مو اعيش هناك
ابوسالم/روح ياولدي ولو تبيني اروح معك ندور سوا ماعندي مانع
سالم/الله يخليك لي ومايحرمني منك.
>>>الله يسلمكم لماتوفى ابو سالم وهو صغير ام سالم راحت
لاهلها واهل زوجها ماكانو موافقين لانهم يبون سالم يعيش بينهم.
بس امه عييت وراحت وضلت سنه عند اهلها ومح سئل عنها
ولا عن ولدها .واهلها شدو من الديرة الي كانو فيها لديره سعد
واخوانه.والحين بعد ماكبر سالم صمم انه يدور على اهل ابوة
))))))))))))))))))))****(((((((((((((((((((((
>>>لافي وفايز واقفين برا البيت يسولفون
لافي/وش تقول؟اكيد تمزح؟بذمتك قول انك تمزح؟
فايز/لا ماامزح
لافي/مستحيل اختى تكون كذا مستحيل!
فايز/انا وصلت لك كلام االبنت ومازدت عليه ولا حرف
لافي/مزون تسوي كيذا؟طيب ليش ليييييش؟وش استفادت
من الي صار؟آآآه يامزون ذبحتيني .ذبحتي اخوك والله ذبحتيه
ليييييييش؟
>>وجلس يضرب يده بالجدار
فايز/يامجنون بس خلاص يدك بتنكسر
لافي/خلها تنكسر ماهي احسن من قلبي الي انكسر
لافي/طيب وش بتسوي
لافي/وش بسوي يعني؟خلاص الي صار صار وشمس
صارت لغيري انا لازم انساها
فايز/تقدر!!
لافي/اقدر
فايز/كذاااااااااب ماتقدر
لافي/فايز بس حرام عليك والله تعب قلبي ماعدت احتمل
فايز/طيب عندي حل
لافي/وشو؟
فايز/انا بكلم سعد واشرح له الوضع
لافي/مستحيييييييل اسمح بهالشي.سعد اغلى من روحي
ومااقدر اذبحه بيدي
فايز/اجل تذبح نفسك؟
لافي/اهون علي اذبح نفسي .من اني اخبر سعد بالحقيقه
فايز/على هواك
لافي......
فايز/تصبح على خير بروح انام
لافي/تلاقي خير
))))))))))))))))))))****(((((((((((((((((((((
>>>مرت هاليومين بسرعه واليوم زواج سعد من شمس
سالم/لازم اسافر اليوم مااقدر اشوفها وهي عروس لغيري
ناصر/يعني ماراح نخلص من هالسالفه؟
سالم/انت ماراح تحس الا اذا حبيت
ناصر/فال الله ولا فالك وش لي بوجع الراس
سالم/امانه ياناصر وصل لها سلامي وقولها انها بتبقى هنا
>>>ويئشر على قلبه
سالم/مهما صار راح اضل احبها
ناصر/ابشر بوصلها.بس انت لاتغيب كثير
سالم/ادع لي احصل ديرة اهلي بأقرب وقت
ناصر/الله يوفقك وتلاقيهم
سالم/يالله اشوفك على خير وسامحني
ناصر/فمان الله يالغالي .
))))))))))))))))))))****(((((((((((((((((((((
>>>كل شي جاهز والكل فرحان بزواج سعد وشمس
وابوناصر ماقصر تكفل بكل شي يخص شمس
يقول البنت يتيمه ومالها احد وتعتبرها هديه منه
سعد /يوووة قد ايش فرحان.
لافي/.......
سعد/عقبالك ياخوي
لافي/الله يتمم لك بخير يالغالي .منك المال ومنها العيال
>>>الجمله بالموت طلعت من حلق لافي وحس انها بتخنقه
))))))))))))))))))))****(((((((((((((((((((((
>>>شمس الكل يضحك حولها وهي بعالم ثاني.تفكر كيف
بتكون حياتها مع شخص وهي قبلها وروحها مع اخوه؟
مزون/يالله يابنات خلونا نطلع نرقص ونستنانس
حسناء/لا انا بجلس مع شمس حرام نطلع ونخليها بروحها
عذاري/اجلسي براحتك احنا نبي تستانس
>>>>بعد ماطلعو البنات
حسناء /شموسه ليش حزينه كيذا؟
شمس/اممم يمكن عشان تذكرت اهلي كان نفسي يكونو حولي بالليله
حسناء/شمس انا عارفه السبب لاتكذبي علي
شمس رفعه عيونها لحسناء وهي مستغربه/عارفه؟؟
حسناء/ايه ادري انك تحبي لافي وهو يحبك
شمس/من وين عرفتي؟
حسناء/عرفت وخلاص..
شمس/حتى لو كلامك صح خلاص الي صار صار ومايفيد الكلام
انا صرت مرت اخوة .هو باعني ومن باعني ماله عندي قيمه
حسناء(ياربي ودي اقولها الحقيقه .بس المشكله لافي حلفني
مااتكلم ومااخرب فرحة اخوة.اففف يارب سامحني))
شمس/حسناء ممكن تخليني لحالي؟
حسناء/ابشري بس اهم شي لايضيق صدرك .يالله عن اذنك
***********************************
ابوسعد/يالله ياعيال الناس وصلو
لافي/روحو انتوا انا باقي بتروش ويمكن اتأخر شوي
ابوسعد/اجل احنا بنطلع .يالله ياسعد
سعد/يالله هذا جاهزبس بتعطر هههههه
ابوسعد/ماكنك خلصت العطر يابوك هههههه
سعد/عريس ويحق لي
ابوسعد/يالله امش
>>>بعد ماراحوا .لافي تروش ولبس وتجهز عشان يروح للرجال
لافي(آآآه والله لو مابتزعل ياسعد ماحضرت.وكان طلعت من الديرة
بكبرها بس غصب عني بجلس))
>>>رش لافي شويه عطر وطلع من الغرفة .وهو بطريقه للباب
سمع صوت بكاء وشهقات وقدر يميزها لمن لانه مستحييييل
يتوه عن صوتها قرب من الباب ودق ع خفيف
شمس/تعالي ياحسناء
لافي فتح الباب وطل براسه/ممكن ادخل
شمس رفعة عيونها بعد مامسحتها من الدموع/انت!!!!
لافي/تسمحين لي ادخل؟؟
شمس/وش تبي؟؟ذبحتني مره والحين تبي تذبحني مره ثانيه؟
لافي/بس دقيقتين ماراح اطول
شمس........
لافي/شمس ادري المفروض مااكون معك الحين بس ماهان
علي اسمعك تبكين ومااشوفك
شمس/مشكوور وكثر الله خيرك
لافي/شمس لاتعذبيني بكلامك
شمس ودوعها بدت تنزل/اعذبك؟؟والي انا فيه وش تسميه؟
انك تخدعني طول هالسنين والحين تقدمني لاخوك على طبق
من ذهب وش تسميه؟
لافي.............
شمس/انك تجي الحين بكل وقاحه عشان تقولي ماهانت
علي دموعك وش تسميه??
لافي/بس بس ارحميني
شمس/وانا ليش مارحمتني؟ليش تقول انك تحبني
وانت كذاب لييييييييش؟
لافي/والله احببك وامووت فيك بس
شمس/بس وشووو ؟؟مالك عذر يالخاين .لوسمحت اطلع برااا مابي اشوفك
لافي/شمس وربي ماني خاين..وحبك مابيطلع من قلبي الا بموتي.
شمس/اجل ليش سويت كيذا؟بس ابي افهم عشان ارتاح
لافي/مزون السبب بكل شي
شمس/مزون؟؟؟
لافي/هي خططت لكل شي خدعتني وخدعت سعد اوهمته انك
تحبينه وانك موافقه عالزواج منه
شمس/وانت ليش ماتكلمت؟
لافي/صعبه اتكلم بعد ماملك عليك..اشتبين اقوله انك اخذت البنت
الي اموت بهواها ؟ومتفق معها اخطبها بنفس الليله الي انت خطبتها
فيها؟وربي كان مات فيها سعد
شمس/الي ماتت انا مو سعد
لافي/انا لما عرفت ماقدرت اتحمل وهجيت من البيت بس فايز رجعني للديرة
شمس/الحين جاي تقولي هالكلام؟وش بيتغير بالموضوع؟
لافي/ادري مابيتغير شي بس اقل شي تعرفين اني مابعتك
شمس...........
لافي/ عيشي حياتك وانسي لافي.
شمس.............
لافي/انا بطلع من البيت .لان مقدر اعيش معك ببيت واحد وانتي مو لي
شمس وهي تبكي/لافي انا احبك ماحب سعد افهم
لافي/ادري بس خلاص حبنا لازم يموت انتي الحين مو لي مولي
شمس/بقول لسعد الحقيقه
لافي/شمس اذا فعلا تحبيني لاتقولين له.سعد حساس وراح يتدمر لو عرف..انا لازم امشي
شمس/لافي
لافي/عيونه
شمس بدون شعور ضمة لافي/والله احبك ومستحيل احد يسكن قلبي غيرك
لافي خنقته العبرة/ادري ياقلب لافي بس ربي مو كاتب لنا نكون لبعض.
شمس/......
لافي/يالله انا بمشي
شمس/يعني خلاص
لافي/غصب عني وعنك..اتمنى لك حياة سعيده
>>>وخلاها وطلع وهي ذابحه نفسها من البكاء
*****************************************
>>>الكل ينتظر طله العروس .وحسو انها مرره تأخرت
عشان كيذا نوره راحت تشوفها
نورة/شمس افتحي الباب وشفيك؟
حسناء/شمس فيك شي؟
مزون/افففف من هالبنت لازم تسوي لنا افلام يعني؟
منيرة/يمكن فيها شي؟اصلا شكلها ماعجبني حسيتها مريضه
نورة/شمس ترا بنادي سعد
منيرة/يقالك قلتي شي يخوف
نورة/ايه هي من صغرها تخاف من سعد
حسناء/شمس حبيبتي افتحي تكفين
شمس تفتح الباب/مافيني شي
نورة/اجل ليش ماتردين؟يالله تاخرنا الناس تحتريك
منيرة/يوووة وشفيك كيذا؟احد ضاربك؟
شمس/لا بس تمنيت امي تكون معي بهالليله
منيرة تضمها لاول مرة/يالبى عمرك .اعتبريني بدل امك من الليله
نورة/شالله يابنت بسك دلع.بعدين تدلعي على سعيدان براحتك ههههه
>>>شمس ابتسمت ابتسامه ذبلانه وبااااهته
>>>دخلت شمس والكل انبهر من جمالها بس برضه الكل لاحظ انها حزينه
عايشه/يوووة ياعمتي لو تشوفينها طالعه تجنن بسم الله عليها
قمر/ياليت اشوف
عايشه/انا بشوفها عنك هههههه
قمر/ هههههه وجع وقت تنكتين
عايشه/اممم بس شكلها مره زعلانه احسها مغصوبه عالمعرس
قمر/يمكن
عايشه/والا يمكن عشان ماعندها اهل
قمر/يمكن
عايشه/ماعندك غير يمكن هههههه
قمر /مدري يمكن هههههه
عايشه/ههههه اقول وش رايك تجين معي نبارك للعروس؟
قمر/ايوالله اقل شي خليني المسها دام مابشوفها
عايشه/وش الفايده يعني ؟
قمر/من اسمها حسيت فيها من ريحه الغاليه
عايشه /قومي معي قبل الزحمه
>>>تقدمت عايشه وبيدها تسحب قمر وسلمو عالعروس
عايشه/مبرووك ياشمس
شمس/الله يبارك فيك
عايشه/هذي عمتي الجازي
شمس تطالع فيها /هلا عمتي
قمر/مبروك يابنتي
شمس/الله يبارك فيك.
قمر/ياليت اقدر اشوف كان شفت هالجمال الي يتكلمون عنه الناس
شمس/مشكورة ياخاله
نورة/يالله ياشمس العريس ينتظرك
>>>تم الزواج وانتهى حلم لافي وشمس.. بس محد يدري وين الخير فيه غير رب العباد
نهايه الباااارت14
ملاحظه// اتمنى ماتخلصون المناديل>>>>بتنضرب دموعه هههههه
..<<<..البـــــــــــــارت الـــ15عــــــــشـــــر...>>>..
لافي/فايز وربي احس مخنوووق مو قادر اتنفس
فايز/استهدي بالله.وخلاص حاول تنسى شمس
لافي/صعب والله صعب.احس لو تطلب اذبح روحي اهون علي من نسيانها
فايز/طيب اشرايك نطلع انا وانت من الديرة كم يوم
لافي/تكفى خذني بعيد عنها.. احس انها معي بكل مكان
فايز/ابشر بس علم اهلك عشان ماينشغل بالهم عليك
*******************************************
>>>دخلت شمس الغرفه وسعد ماسك بيدها ..جلست عالسرير
وسعد راح عند الشباك وقف شوي وبعدها رجع عند شمس
جلس جنبها ومسك وجهها بين ايديه وجلس يناظر بعيونها
سعد/شمس انتي كنتي حلم بالنسبه لي .كنتي شالغه تفكيري
بس احاول اخبى هالشعور عشان لايظهر.وتمنيت اني ضليت مخبيه
طول عمري
شمس/.......
سعد وبعيونه دمعه رافضه تنزل/احيان الحب يسعد الانسان..بس انا
اكتشفت ان الحب احيانا يشقي صاحبه مو بس يشقيه الا يذبحه
شمس/..........
سعد/عن اذنك
شمس/وين رايح؟
سعد/روح انام بغرفتي تصبحين ع خير
شمس والصدمه على وجهها/بغرفتك!!!
>>>سعد طنشها وطلع
شمس(وشفيه؟ليش يتكلم معي كيذا)
*******************************************
"اليوم الثاني"
نورة/وين زوجك مايجي يتغدى؟
شمس(ياربي شقولها ؟اقولها مدري عنه؟والا مانام معي؟)
ابوسعد/شمس اشفيك؟
شمس/مافيني شي.بروح اشوفه ليش مايجي
>>>راحت شمس غرفة سعد ولافي تبي تشوفه وتتدارك الموقف
الي بينحطون فيه دقت الباب بس محد رد..فتحت بشويش
وشافته نايم بنفس ملابسه حقت العرس
شمس/سعد..سعد قووم
سعد/همممم
شمس/امك تسأل عليك
سعد/وش تبي
شمس/تبيك تتغدا معهم وبعدين نسيت اننا معاريس يعني لازم نجلس سوا
سعد/ههههه صح نسيت
شمس/ممكن اعرف ليش تضحك؟
سعد وهو يقوم من عالسرير/ولاشي روحي وبجي وراك
شمس/تعال الغرفه غير ملابسك ونروح سوا
سعد بدون نفس /طيب اسبقيني
>>>شمس جهزت ملابسه وعطرتها واول ماطلع من الحمام مدتها له..وبدون مايحس لمس يدها
سعد/اسف ماكان قصدي
شمس/!!!!!!!
سعد/يالله خلينا نروح نتغدى
شمس/سعد ممكن اعرف اش
قاطعها سعد//اششش اجلي كل شي لبعدين
***********************************
>>>>سالم مر كذا ديرة يدور لاهل ابوة بس مالقاهم وقرر ان
هالديرة الي وصل لها بتكون اخر ديرة يدور فيها وبعدها بيرجع لامه
وصل سالم لمجموعه شباب يلعبون كره وسأل واحد منهم
سالم/ياخوي تعرف احد من عايله الـــــ.....
فهد/ليش من انت؟
سالم/انا سالم بن حمد الــــ....
محمد/امي من هالعايله.وش تبي فيهم؟
سالم/تكفى ابي اسألها عن اهل ابوي وينهم
فهد/تعال نجلس هناك واحكي لنا سالفتك
>>>>بعد ماحكى سالم للشباب سالفته عرف منهم ان ام محمد
تكون عمته اخت ابوة..وراح مع محمد البيت
دخل محمد البيت ومعه سالم
محمد/حياك ياولد الخال
سالم/الله يسلمك
محمد/ شوي وبجيك خذ راحتك
>>>راح محمد عند امه وقالها السالفه
ساره/انت ماكد من الي تقول؟
محمد/يمه اقولك الولد جالس بالمجلس ومسكين ميت على شوفتك
وشوفه اي احد من ريحه ابوة
ساره/طيب روح له وانا بعلم ابوك وبلحقك
محمد/لاتأخرين
>>>شويات وجات سارة للمجلس
سارة/السلام عليكم
>>>سالم على طول راح عندها وسلم عليها وكان حده فرحان
بس البرود الي حسه من سلامها خيب امله
سارة/وينك فيه كل هالمده؟والا امك ممشيتك على كيفها مثل ابوك؟
محمد/يمه وش هالكلام؟
سالم/والله ياعمتي كنت انتظر احد منكم يسئل عني بس للاسف ماشفت احد
سارة/جدك كم مره سئل عنك بس اهل امك الله لايساحمهم هجو من الديرة
عشان مانلقاك
سالم/عمتى ماله داعي هالكلام..ولو كانت امي ماتبيكم ماخلتني الحين وبعد هالمده اجي وادور عليكم.
سارة/جيت متأخر..جدك مات من كم سنه وكان مقهور عشانك
محمد/احنا كلنا اهلك والحمد لله ربي جاب لي اخو
سالم/تسلم ياولد العمه
>>>دخل عليهم فواز
فواز/حيالله الضيف
سالم يسلم على راسه/تحيا وتدوم ياعمي ..كيف حالك
فواز/بخير ياوليدي .كيف اهلك الي جيت منهم
سارة/وش علينا فيهم عشان تسأل.
فواز/سارة قولي للخدم يجهزون الغداء الضيف شكله تعبان من الطريق
سالم/كثر الله خيركم انا شكلي برد لاهلي
محمد/افا والله ليش واحنا وش نكون؟
سارة/وهو صادق اهله هناك مو هنا
فواز/سارة وش هالكلام؟
سارة/رجاء لاتتدخل بيني وبين ولد اخوي
فواز/يعني عارفه انه ولد اخوك؟اجل اقصري الهرج وروحي جهزي الغداء
سارة/ اسمع انت>>>وتأشر على سالم
سارة/اذا كنت انت وامك طمعانين بورث والا شي احسن لكم
لاتلحمون واجد لان مالكم شي
سالم/ماجبني لا ورث ولا شي من الي ببالك..كنت ابي اشوف اهلي
وناسي وكنت مقهور لاني محروم منهم بس الحين ندمت اني عنادت امي وطلعت وهي زعلانه مني
سارة/افففف ناقصه وجع راس انا
>>> وراحت وخلتهم
محمد/سالم تكفى لاتزعل من امي هي احيانا تعصب بس قبلها طيب
سالم/ حصل خير ..والحمد لله عرفت ديره هلي وهذا يكفيني ..انا لازم امشي
فواز/وين تمشي؟
سالم/برجع لامي ولاهلي الحقيقيين
محمد/تكفى خلك معنا كم يوم.والله فرحت ان طلع لي قرايب وبسني
فواز/خلك هنا كم يوم وبعدها الله ييسر دربك.واعتبر ان بيتي بيتك بأي ووقت.ومحمد اخوك
سالم/الله يسلمكم
***************************************
شمس((اففف شو هالوضع؟حاسه بخنقه موطبيعيه
هذا مدري اشفيه يدخل ويطلع وهو ساكت حتى اذا بغيت افتح موضوع
يسكتني..اول كنت اتسلى بشغل البيت بس الحين بعد ماعريس الغفله جاب
شغاله ماصار فيه شي اسويه غير الجلسه والتفكير..آآه يالتفكير.من جد
بيذبحني ..كل شي صار ممل ..والله اشتقت للافي
اففف استغفر الله العظيم انا ايش قاعده اقول .يارب افرجها من عندك))
***************************************
حسنا/مافيني شي
عاليه/معقول مافيك شي؟انا اعرفك زين
حسنا/عاليه كيف ناجي؟
عاليه/ناجي بخير بس لاتغيرين السالفه
حسنا/مافي امل ترجعين انتي وابوة
عاليه/لا مافي ..ويالله قولي وشفيك لاصكك بهالدله
حسنا/والله قويه وتسوينها ههههه
عاليه/اجل اهرجي
حسنا/آآه ياعلايه شقول؟اقولك ان صديقتك طبت على وجهها
عاليه/لااااا مومعقوله ههههه اخيرا..ومن هو الفارس الي خلاك تطبين يابعدي
حسنا/فارس ولا مثله فارس .ياااويل قلبك ياحسون
عاليه/لاا الحاله خطيييرة .
حسنا/جدا جدا
عاليه/اقوول عن الهبال وعلميني من هو؟
حسنا/فايز
عاليه/فايز ماغيرة؟
حسنا/ايه هو لبى قلبه
عاليه/هو يحبك.؟؟.متى بتتزوجون ؟؟من متى حبيتيه؟؟
حسنا/الله كل ذي اسئله؟
عاليه/يالله تكلمي
حسنا/شوفي انا احبه صح ومن زمان بس هو ماادري
عاليه/كيف يعني؟
حسنا/يعني مدري هو يحبني والا لا ؟وترا مايدري اني احبه
عاليه/ماشاء الله ومسويه هيمانه وسرحانه والحين تقولين مايدري؟هبللله وربي
حسنا/...........
عاليه/كيذا ماينفع..انا ع بالي بيجي يخطبك وانه يحبك
حسنا/يعني وشو؟
عاليه/يعني طلعي هالفايز من بالك دام مايدري عن هوى دارك
حسنا/مااقدر ياعاليه
عاليه/بلا حب وبلا كلام فاضي .وش استفدنا من الحب؟هذا انا قدامك كان
يحبني وكنت اموت فيه والنتيجه وشو؟رماني هنا وزياده ع كيذا
منحني لقب مطلقه
حسنا/انتي الي رفضتي كل محاولاته انه يرجعك
عاليه/خلاص الي انكسر صعب يتصلح
حسنا/كان فكرتي بناجي وش ذنبه؟ليش تحرمينه منك وترمين نفسك منه؟
عاليه/ذنبه ان عبدالله ابوة ومناير جدته
حسنا/......
عاليه/اففف ضيقتي صدري عن اذنك انا رايحه
حسنا/علايه تكفين لاتزعلين والله قصدي عشان مصلحتك
عاليه/ادري..يالله سلام
حسنا/الله وياك
>>>عاليه بنت فاطمه صديقة منيرة تزوجت من عبدالله وعاشت معه 3سنوات
وبسبب تدخل امه المتكرر بحياتهم وعدم توفير سكن خاص فيها
ماقدرت تتحمل وطلبت الطلاق .وكان شرطه انه يخلي ولدهم ناجي عنده
وبلحظه زعل وافقت عاليه وتطلقت.والحين كم مره حاول فيها ترجع بس باقي الشيطان مسيطر عليها
******************************************
شمس/سعد مايصير كيذ
سعد/وشو الي مايصير؟
شمس/معاملتك الرسميه والجافه معي
سهرك لاخر الليل برا البيت ..
سعد/اهااااا
شمس/شفت حتى ردك يقهر .
سعد/.......
شمس قربت منه/سعد انا زوجتك ومن حقي انك تعطيني من وقتك شوي
سعد/يعني تبين اجلس مثل الحريم في البيت عشان ترضين؟
شمس/والله حرام عليك.ليش تتعبني معك دام ماتبيني ليش اخذتني
سعد/.........
شمس/ الي قاعد يصير ظلم والله ظلم
سعد بعصبيه /والي صار معي مو ظلم؟؟
ان زوجتي عايشه معي وقلبها لغيري مو ظلم؟؟
شمس/!!!!!!!!!
سعد وعيونه بدت تمتلي دموع/اني انذبح باول ليله بزواجي موظلم؟
اني اكتشف اني البنت الي طول عمري احبها واتمناها وكاتم
حبها بقلبي تموت باخوي موظلم؟؟
اني اسمع اخوي الي اغلى من روحي يقول انه بيضحي
بحبه لك عشان ماانجرح ويخرب فرحتي موظلم؟؟
اني اعيش معك وعارف ومتأكد انك تحبين اخوي وكنتي
متوقعه ان الي خطبك لافي مو انا موظلم
شمس/سعد انا
سعد/يجلس عالكنبه ويمسك راسه بين ايديه/انتي وشو؟؟
انتي مالك ذنب .انتي كنتي تحبين اخوي وهذا مو عيب انا مااقدر
احاسبك عليه.بس برضه انا وش ذنبي ؟يعني ذنبي اني حبيتك؟
والا ذنبي اني صدقت اختي وكنت مفكرها تحبني وتتمنى
تساعدني عشان اخذ البنت الي حبيتها
شمس/من قالك؟؟
سعد/محد قالي ..انا سمعت كل شي بأذني وبليله زواجنا .
كنت جاي استعجل لافي وسمعتكم وانتوا تتكلمون
شمس/سعد انا خلاص صرت زوجتك ولافي انتهى من حياتي
سعد/هههههههههههههههه ههههههههههههه تكذبين على والا على نفسك؟؟
شمس/..........
سعد/شوفي يابنت الناس انا بخليك على ذمتي 4شهور وبعدها بطلقك
وتتزوجين انتي ولافي.لافي مو احسن مني يوم ضحى فيك عشاني
شمس/ياسلام يعني انا لعبه بينكم كل واحد يضحي فيني للثاني؟؟
سعد/مابعيد كلام بهالموضوع عن اذنك
>>>قبل يطلع من الغرفه التفت لشمس
سعد/.انا بكره بسافر
شمس/بتسافر؟؟
سعد/انا وعدتك قبل اتزوجك اني ادور لاهلك
ولازم اوفي بوعدي لك..
شمس/انتو اهلي
سعد/من طيبه اصلك بس لازم تعرفين وين اهلك ولك اخوان او لا
جهزي اغراضي بكرة الصبح بسافر انا وراشد
شمس/سعد سامحني
سعد/قلت لك انتي مالك ذنب..يالله انا طلع تبين شي؟
شمس/سلامتك
****************************************
لافي /كيذا احسن يمه
نوره/والله منت صاحي .وشوله تخلي البيت وتسكن لحالك؟
لافي/يمه شمس صارت زوجه اخوي والبنت تبي تاخذ راحتها
بالبيت .وانا بكون حارمها راحتها لو سكنت هنا
مزون/متاكد هذا السبب؟؟
لافي/انتي اخر واحده تتكلمين بهالموضوع..اظن فاهمه قصدي؟
>>>مزون حست من نظرت ونبرت صوت لافي انه كاشفها
نورة/الله يعني على فراقك
لافي/تراني مابهاجر البيت بجنبكم يعني لو كحيت بتسمعوني هههه
مزون/عن اذنكم
لافي/مزون تعالي غرفتي ابيك شوي
مزون/هاه؟وش تبي؟
لافي/انتظريني وبتعرفين
****************************************
عايشه/الله يوفقها البنت حبوبه وتستاهل كل خير.رغم اني حسيتها مغصوبه او ماتبي الزواج
قمر/عايشه
عايشه/هلا عمتي؟
قمر/بطلبك طلب
عايشه/عيوني لك امري؟
قمر/ابي اشوفها واجلس معها
عايشه/من هي؟.
قمر/شمس.ابيك تجيبينها هنا بجلس معها بسمعها وهي تسولف تكفين عواشه
عايشه/وش بتستفيدين؟
قمر/بس كيذا
عايشه/هي ماتطلع من البيت
قمر/شوفي لك اي طريقه عشاني
عايشه/ابشري من هالعين قبل هالعين
قمر/الله لايحرمني منك
>>>>طلعت عايشه وهي تفكر كيف ممكن تجيب شمس لبيت قمر
وبالصدفه حصلت شمس بالشارع رايحه لبيت ابو ناصر
عايشه/كيفك ياعروس؟
شمس/هلا والله.بخير وانتي كيفك
عايشه/والله انا بخير بس عمتي مو بخير
شمس/من؟اللي جات معك العرس؟
عايشه/ايه هي
شمس/سلامتها وشفيها؟
عايشه/محمومه ورجولها تعورها
شمس/الله يشفيها
عايشه/على وين؟
شمس/خالتي ام ناصر تقول تبنيني اساعدها شوي
عايشه/خسارة
شمس/ليش؟
عايشه/كنت ابيك بخدمه بس خلاص
شمس/وشو
عايشه وهي تحاول تكسر خاطر شمس/انا عندي شغل كثير ببيت
ام راشد عندها ظيوف ومااقدر اخلي عمتي بروحها تدرين انها
عمياء .وبنفس الوقت مقدر مااروح شغلي تدرين هذا مصدر رزقي
كنت ابيك تجلسن معها بس شوي على بال مااخلص شغلي
يعني ساعه بس
شمس/بس خالتي تنتظرني
عايشه/والله ماراح اتأخر بس ساعه
شمس/خلاص بجي معك.بس تكفين لاتتأخرين
عايشه/ابشري ..يالله تعالي معي
نهايه البارت15
الصفحة الأخيرة
وهذا كمان البارررت الــــ13عشر
لعيونكم
"في بيت سعد ابو ناصر"
>>>شمس خلصت شغلها من ترتيب وتنظيف لام ناصر
منيرة/شمس خلاص خوذي هالتمر وروحي بيتكم ماقصرتي
شمس/تمسو على خير ياعمه
منيرة/ تلاقين خير.سلمي على نورة
شمس/يوصل
ناصر/انتظري بجي معك
منيرة/خييير على وين رايح؟
ناصر/يمه بوصلها بيتهم الدنيا ليل ومايصير
نخليها تروح بلحالها
منيرة بضيقه/طيب روح وصلها بس لاتتأخر
ناصر/على امرك يالغاليه
""ناصر+شمس بالطريق""
ناصر/شموس بغيت اسئلك؟
شمس/تفضل
ناصر/انتي ليش ماتحبين سالم؟
شمس/والله احبه بس حب اخت لاخوها
ناصر/طيب وانا!
شمس/ههههه وانت بعد احبك مثل اخوي
ناصر/طيب ووافي؟؟؟
شمس/........
ناصر/ليش بلمتي؟
شمس/ليش تسأل؟؟
ناصر/لاني حاسس انكم تحبون بعض
شمس/........
ناصر/شوفي بكون معك صريح.
لافي متأكد 100في 100انه يموت فيك.بس انتي مممدري عنك!!
شمس/طيب تحفظ السر؟
ناصر/اكيييييد
شمس/ايه انا ولافي نحب بعض اممم وبنتزوج قريب
ناصر/اخسس ياولد العم والله وصرت رجااال وبتعرس
شمس/هههههه ولد عيب عليك
ناصر/هههههه
شمس/لاتقول لاحد طيب
ناصر/ابشري يالغلا.يالله ادخلي وصلنا
شمس/مشكووور والله تعبتك معي
ناصر/تعبك راحه يامرت ولد عمي خخخخ
شمس/ههههههه
))))))))))))))))))))****(((((((((((((((((((((
>>>دخلت شمس البيت وحصلت نورة وصالح جالسين
شمس/مساءالخير
نورة/مساء النور..ودي الي بيدك المطبخ وتعالي نبيك بسالفه
شمس/ابشري ياعمه
>>>راحت شمس المطبخ وفكرها مشغوول
شمس(اكيد لافي كلمهم ويبوني عشان هالشي.يووة
ماني مصدقه حاسه قلبي بيوقف من زود الفرحه
فديتك يااحلا لافي بالدنيا)
نوره/كلمها انت
صالح/لا انتي كلميها يمكن تستحي مني
نورة/اففف ةالله مادي بهالشي بس شسوي بولدك الزفت
صالح/استهدي بالله البنت مافي مثلها وكفايه مربينها وعارفينها زين
>>>دخلت عليهم شمس
شمس/خير ياعمتي فيه شي؟
نوره/تعالي اجلسي وشفيك خايفه؟
شمس/هاه؟لالا مو خايفه بس
صالح/تعالي اجلسي وبنقولك الي عندنا وعطينا رايك
>>>جلست شمس وباين عليها الارتباك
نوره/اسمعي ياشمس.انتي عندنا لك سنين والحمد لله
عارفين اخلاقك وانتي عارفه عننا كل شي
وتعرفين اشكثر نحبك ومو مقصرين معك بشي
شمس/الله يعلم وش كبر محبتكم بقلبي.ادري
انكم ماقصرتم معي وانا اعتبركم اهلي
نوره/حلو .طب يابنتي بصراحه ولدنا يبيك على سنه الله
ورسوله.هو اليوم فاتحنا بالموضوع وقال ان عندك فكره عنه
شمس/........
صالح/الولد يقول انه يحبك وشاريك وماراح يلاقي احسن منك
نوره/هاه وش قلتي؟
شمس/الي تشوفونه انا مالي راي بعد رايكم
نوره/كللللللوش كلللللوش الله يفرح قلبك
صالح/يعني خلاص مواقفه؟ترا بروح اجيب المأذون الحين
شمس/الحين؟
صالح/خير البر عاجله .خلينا نفرح .وترا بعد اسبوعين زواجكم
شمس/اللي تشوفه
صالح/ابي اسمعها منك
شمس/ايه موافقه
>>>وراحت تجري عالمطبخ من الخجل
صالح /يالله انا بروح اجيب ابو عامر يملك عليهم
نوره/الله يتمم على خير
>>>جاء ابو عامر وتم عقد القران على خييييير
بعد ماطلع ابو عامر والشهود نادى صالح لشمس تجي تجلس معهم
صالح/حيالله عروستنا.الف مبروك يابنتي
شمس/الله يبارك فيك ياعمي
مزون/تعالي اجلسي جنب عريسك والا مستحيه ههههه
نوره/وهي صادقه وشفيك واقفه بعيد؟
شمس/طيب اذا جاء بجلس
صالح/هذا هو جالس والا من الحيا ماشفتيه ههههههه
شمس/!!!!!!
مزون/هذا زوجك قدامك يالخبله هههههههه سعد وشفيها زوجتك؟؟
سعد/يمكن مستحيه مني خليها براحتها
شمس/وش السالفه!!؟
نوره/عزالله البنت انهبلت!
صالح/شمس حبيبتي اشفيك؟ماتوقعت الخجل
بيسوي فيك كيذا؟
>>>سعد قام ومسك بيد شمس الي واقفه مثل المتخدره
سعد/شموستي اشفيك ؟انا سعد !
قصدي انا من اليوم صرت زوجك سعد
شمس/زوجي؟
سعد/ايه زوجك؟اشفيه
.>>>شمس تمسك راسها وتجلس عالارض
الكل اجتمع عندها الا مزون واقفه وعلى وجهها ابتسامه
صالح/شمس اشفيك ؟تعبانه؟
نوره/ماعليك هذا دلع بنات
شمس تطالع في سعد/يعني الحين انت زوجي؟
سعد/شمس لاتخوفيني عليك.وشفيك ياقلبي
شمس(سعد زوجي ؟طيب و لافي؟وش السالفه؟ياربي انا احلم
والا انجنيت؟والاحقيقه؟طيب كيف؟)
سعد/شمس ..شمس..تسمعيني؟
مزون/عطها كفف يفوقها
سعد/مزون؟مو وقتك؟
سعد يمسك وجه شمس بين يديه/شموسه حبيبتي وشفيك؟
شمس وبدت دموعها تنزل(يعني لافي لعب علي؟قالي بخطبك
والحين يزوجني اخوه؟ لا مستحيل .اففف اكيد فيه شي غلط.طيب
شسوي؟اقولهم مابي سعد ابي لافي؟اكيد بيقولون هذي قليله
حيا آآآه يمه وينك تشوفين وش صار لي؟)
صالح/طيب دام ماتبينه اجل ليش تقولين موافقه ؟
شمس(خلاص ياشمس الموضوع منتهي وسعد صار زوجك يعني مستحيل يطلقك واخوه ياخذنك.اصلا اهله مابيوافقون وبيعتبرونك حقيره )
نوره/بنت ترا ارتفع ضغطي بتتكلمين والا اشلووون؟؟
شمس/انا ..انا
سعد وبعيونه حزن الكون من رد شمس/انتي ايشش؟
شمس/انا موافقه بس تذكرت امي وهلي كان نفسي يكونون معي
سعد/يووووه الله يسامحك نشفتي دمي يابنت
نوره/كلللللللووووش كللللللللووووش الف الصلاة والسلام عليييك ياحبيب الله محمد
سعد/وعد يالغاليه ان بعد زواجنا اروح ادور اهلك
>>>لافي الي كان بسابع نومه بسبب الغشبه الي حطتها له مزون صحى على صوت الزغارييد.وقام وطلع الصاله
لافي وعيونه بالموت تنفتح/خيييير وش صاير؟
مزون/قووووم وتعال ارقص اخوووك صار عرييييس
لافي/اخوي؟وعريس؟متى واشلون؟
صالح/قبل ساعه كانت ملكته.حاولت اصحيك
بس مدري اشفيك ماحسيت فيني
>>>شمس منزله عيونها بالارض.مو قادره تطالع بلافي
وعلى بالها انه خدعها
نوره/تعال بارك لاخوك
لافي يسلم على سعد/الف مبروك يالغالي منك المال ومنها العيال
>>>>شمس هالجمله ذبحتها واكدت لها الي يدور براسها
سعد/الله يبارك فيك ياخوي وعقبالك
لافي/وربي انك نذل سبقتني هههههه
صالح/هاه يالذيب يعني العروس جاهزة مخبي علينا ؟
لافي/هههههه تقدر تقول
مزون بكل برود/لافي !اشفيك ماباركت للعروسه ؟؟
لافي/وش يعني تبيني اعرفها وانا بالحلم مثلا؟
هذه انا توني عرفت بالسالفه منكم!
مزون/العروس قدامك ياحلووو ههههههه
لافي/قدامي!!!!وين قدامي؟؟
نوره/بسم الله عليك يمه شكل النوم باقي بعيونك .
هذي العروس
>>وتأشر على شمس
لافي بصدمه/شمس؟؟؟؟؟
صالح/اخوك فاجأنا الليله انه يحب شمس ويبنا نخطبها له واحنا ماصدقنا هههههه وكل شي تم على بركه الله
سعد/كان نفسي تكون الشاهد عالعقد بس النوم ذابحك
لافي./...........
نوره/اشفيك يمه ساكت؟
>>>لافي وشمس عيونهم متعلقه بعيون ببعض .
والاف الاسئله والاف علامات الاستفهام بس مالقو لها جواب
سعد/اشفيك ساكت؟
مزون/شكل شمس اعتدته هههههههههه
شمس/عن اذنكم بروح غرفتي
>>>لافي حس ان الكون صار اضيق من خرم الابره
بعينه كل احلامه ماتت بهاللحظه .ماصار لاي شي طعم
.سلم على اخوه وطلع من البيت وماحس بنفسه الا
وهو بالمكان الي لقى شمس فيه اول مره من سنين
لافي وهو يبكي(كيف كانت لي وبلحظه صارت لسعد؟
وش الي صار بالكون؟شمس حلم عمري وحبي الوحيد
اشلون تنسرق مني كيذا؟طيب هي تحبني كيف
توافق على سعد كييييف..يعني كانت تلعب علي؟؟
مستحييييل اجل وش صاااااار ؟
آآه احس اني بموووت والله بمووت يارب ساعدني))
))))))))))))))))))))****(((((((((((((((((((((