للكاتبة: عطر الشهد
الظالم مهما استقوى وتمادى سيلقى مصيره في الدنيا والاخره
وتضل مهما مضى الزمان دعوه المظلوم مستجابه
الشر مهما تواصلت انتصارات اعوانه وكثرت عددهم
مصيره الفناء
والخير مهما قل ناصره
وتواصلت هزيمته
سينتصر
الفقيير بتوكله على الله سيغنيه عن مد يده ومذلته
الغني مهما ضل يتكبر ويرفع راسه ويغتر
ستزوول منه امواله
فلنحمد الله قبل كل شيء
وعلى كل شيء
_______________________________________________________
:افتحي الباب ولا كسرته على راسك وراس عيالك
:خاف ربك انا مرتك وذولي عيالك مثل ماهم عيالي وبعدين كيف افتح الباب وانت بهذي الحاله
:اقوولك افتحي والله كسرته
حاولت تكتم عبرتها وتقوي نفسها قدام عيالها هي العون الوحيد لهم بعد الله سبحانه
:تكفى اتركنا هالمره تبغى اذبحني انا هما اتركهم خلاص انا بدالهم تكفى
:اللحين تسويلي كبش الفداء انا كاسر الباب وذابحك وذابحهم!!
كسر الباب وزوجته تحاول تثنيه عن فعله
تحمي اطفالها وتترجاه يتركهم
تقدم نحوها بوحشيه بقلب لايرحم
الدماء في كل مكاان وطفله مذعوره اختبأت تحت السرير
تنظر لهذا الوحش الكاسر بخووف تنتظر رحيله لتيقظ امها!!
وعينين صغيرتين تنتظر رحيله ايضاً بخوف ورعب
ضجيج بالخارج وصراخ ورجال الشرطه قد حاصرت المكان
بحث وتحريات من القاتل ومن المقتوول اين ذهب الفاعل واين اختفى ومن هوو؟؟
من هم المقتولون وما اسمائهم؟؟ لا احد يعلم شيئاً!!
الـــــــــــــــــبــــــــــــــــــــــــــــارت الأول
( بــدايــتــي )
هاهي بدايتي
حب ولعب
وتضحيه
ام حنون
واب رؤوف
واخٌ ودود
واختٌ عطوف
وأخوات لم تلدهم امهاتنا
هل ستستمر بدايتي
دوون حزن
ولا دمووع
لنرى..
شخصيات وابطال قصتنا
بيت أبو تركي
ابو تركي
عبدالاله )ام تركي
سليمه)تركي: اكبر واحد بالعائله طيب وحنون على اهله وغااامض ولا احد يعرف سر هالغموض كتووم ما احد يعرف عنه شي ما يحب يجتمع بأحد ابد غير اهله وصديقه فهد انسان حاله حال نفسه طويل ونحيف واسمراني حنون وطيب على اخواته واخوانه عمره 30 مو متزوج يشتغل بشركته الخاصه مشترك فيها هو وزميله فهد طبعا هو المدير وله القسم الاكبر من الشركه
فيصل: متزوج بنت عمه ( مناهل) وعنده ولد اسمه محمد عمره شهرين انسان على نياته انغصب على بنت عمه وافق عليها بس عشان يرضي ابوه ولا هو مايطيقها استحملها كثير عمره 28
هند: بنت حبووبه وطيوووووبه بالحيل تشيل هم اخواتها واخوانها ودووم وهي معهم حساسه وأي موقف يسيرلها تتأثر منه حييل عمرها 18 حلووه كثيير بيضاء وجسمها حلو يعني لاهي دبه مره ولاهي نحيفه مرره اخر سنه لها بالثانوي تحب اخوها تركي بقووه وتتمنى لو تعرف سر هالغموض الي هو فيه
راشد: انساااااان لعاااااااب الدنيا عنده كلها لعب وصرقه وهبااال راعي مقالب عمره 18 توائم هند وطبعا مقالبه كلها بهند المسكينه هههه لين ماخلاها تكرهه بس مو من قلبهاااا يحب طيبتها وتعجبه شخصيتها ويتمنى لو يكوون مثلها بس مايقدر ماقلكم الدنيا عنده لععععب طيب وشديد وقت الازمات والكل يعتمد عليه اخر سنه له بالثانوي
ملاك: اخر العنقود عمرها 8 سنوات سنه ثالث ابتدائي حليلها دلوعه البيت وعليها لسااان يهد ديره
عائله ابو ماجد
اخو ابو تركي
ابو ماجد (ناصر)
ام ماجد ( نوره )
ماجد : متزوج بنت خالته (رناد) وعنده منها ولدين وبنت ناصر وفيصل ورنا طيب وحبووب عمره 28 زميل فيصل الروح بالروح واسرارهم كلها عند بعض
مناهل : زوجه فيصل انسانه انانيه ومتكبره طالعه على ابوها ماتداني اهل بيت عمها تركي وخصوصا هند ودووم تحرض فيصل عليها بس فيصل عارفها وعارف طبعها اتزوجت فيصل بس عشان تنتقم من اهله!!!
محمد: هذا يموووت في هند بنت عمه يحسها غير عن البنات مسكين يحسب الناس كلهم مثل اخواته زميل راشد الروح بالروح وراشد يعرف ان محمد يحب هند وعشان كذا يطفش هند ههههههه نذاله عمره 20 بس الي يشوفه هو وراشد يقوول محمد اصغر نحيف وبشرته بيضاء دمه خفييييف بالحيل والي يجلس معه مايمل منه ابد
شوق:انسانه انانيه ماتحب احد يكوون احسن منهاو تكره بيت عمها ماتدري ليه بس كذا تكرهم واولهم هند يمكن عشان كل بيتهم مايدانون اهل عمهم؟؟..ياذي الهند الي الكل كارها الله يعينها عليهم..اخر سنه لها في الثانويه عمرها 18 في مدرسه هند دايم تحرض الكل عليها بس زميلات هند مايسكتولها وهند حليلها ماتدري عن الموضوع لان زميلاتها ماخبروها عشان مايحرجونها هم يعرفون ان شوق بنت عمها حلووه وبشرتها بيضاء تهتم بنفسها عشان تلفت نظر ولد عمها راشد تموت عليه بس هو مايعطيها وجه بس طبعا مو احلى من هند ^_^ هي عشان من يوم مانولدت وهي تشوف امها بهالاطباع واختها اكيد بتاخذ اطباعهم
وكمان شوق فيها اشياء كثيره حلوه بس..ممين الي بيكتشفها _الله اعلم_
عائله ابو مشاري
ابو مشاري : متوفي من يوم وهم صغاار
ام مشاري: ( عنود) شديده على عيالها تخاف عليهم من كل شي من يوم متوفى ابوهم
رناد: زوجه ماجد حبوبه بالحيل بس دووم يهينونها اخوات زوجها وهي صابره بس عشان ماجد عمرها 25
مشاري: شايل مسؤوليه اهله عمره 20 مع راشد ومحمد يدرس ويشتغل بشركه اخو راشد تركي شايل هم اخواته
رند: اخر العنقود بالهعائله الصغيره عمرها 18 زميله هند فيها برائه ودووم تشتاق لابوها بس مشاري محسسها انه ابوها واخواها واهلها ومدلعها على الاخر وطلباتها أوامر طيبه وطبعها مثل طبع هند تستحي بقووه ماتحب تجلس مع عيال خالتها حلوه واحلى مافييها لون عيونها السماويه والي زادها حلاوه خجلها
*******************************************************
في بيت ابو تركي
راشد نازل معصب من غرفته ويهاوش ملاك
سحب الكرسي وجلس وهوووووو واصله معه من ملاك صحته من احلى نومه على قوله
ام تركي: يالله صباح خير الناس تستغفر مع الصبح وانت تسابب في خلق الله
راشد: صباح الخير يمه والله هذي بنتك الي مدلعتها الي ماتخلي احد بحاله ابد
أم تركي:صباح النور وشفيها بنتي هذي غلاتي اخر العنقوود
راشد: ايه لنا الله اجل نايم وفي احلى نومه تنط على بطني هالدب تصحيني
أم تركي: انا ارسلتها تصحيك للمدرسه وتوصلها مدرستها اخرتها هذي جزاتها تبغى مصلحتك
راشد: ايه هين تبغى مصلحتى قوليلهم انا في السياره خمس دقايق ان ماطلعو اروح عنهم
ام تركي: وين ماكملت فطوورك؟
راشد: سدت نفسي ذي بنتك الدب لاتنسين يمه خمس دقايق ورااااايح
طلع راشد
أم تركي: الله مير يهديه هالولد مطلع في راسي الشيب ياحليله اذا عصب
أم تركي: ساره قومي نادي هند قوليلها راشد يستناكم في السياره
هند وهي نازله من الدرج: غريبه راشد صاحي قبلنا بالعاده احنا الي نسبقه
ام تركي: عصب من ملاك لانها صحته من النووم الله يهديه
هند: هههههههههه ايه من حقه بنتك ذي الدب تطفش ببلد اذا جات تصحي احد ولا لسانها يبغاله قص
ام تركي: روحي لابارك الله فيكم تجمعتو على بنتي الله يحفضها اذكري الله والحقي راشد بيرووح عنك
هند: هههههههههه لا توأمي مايسويها وسلمت على راس امها وطلعت
ام تركي: الله يحفظكم محد معطي هالبيت حلاوه غيركم
تركي من وراها: افا وانا ولدك العوود
ام تركي: هلا والله صباح النور انت نور هالبيت كله ربي يخليك لنا
تركي: صباح الورد يمه امين ويخليك لي
أم تركي: اميين ياولدي متى تبغاني افرح فييك لو ادري بس ايش الي فيك كان ساعدتك
قولي عسااني فداك
تركي طفش من هالموضوع الي امه لازم تناقشه فيه كل يوم: يمه الله يهديك هذا وقته
قلتلك مافيني الا كل خيير والعرس بدري عليه
ام تركي: أي بدري عليه بتصك الثالثين وانت ماعرست واخوك الي اصغر منك تزوج
اضحك على غيري مافيك شي وعزلتك هذي متى بتطلع منها
تركي:يلا فحفظ الرحمن يالغاليه وسلم على راسها وخرج
أبو تركي وهو نازل من الدرج: ها هذا الي تبغينه خليه براحته وهو متى مابيعرس يعرس بيعرس لاتضغطين عليه الله يهديك
أم تركي: تبغاني اشوف ولدي كذا واسكت؟!
أبو تركي: انتي عارفه زين ان تركي من يوم ما عرف عن هذيك السالفه رفض الزواج
فلا تضغطين عليه عشان مايمل ويخرج!!
*******************************************************
في مكاان تعيش فيه من ليس وجود لاهلها
مكان لو عشناه فيه يوماً لأحسسنا بمكانه اهلنا..
ملجى الايتام
ساره: فتاه مرحه وبس ظروفها وحالتها ماتسمح لها تظهر هالفرح للناس عمرها 17 من يوم وهي صغيره ماعرفت غير هالملجئ هو بيتها ومسكنها والي فيه اخواتها
زميلتها ماريه: بنت عاشت فتره مع اهلها او يتخيلها انهم اهلها وبعد فتره لقت نفسها هنا كانت صغيره وهي مع اهلها هي وساره مايتفارقو ابد كانو دووم مع بعض بالملجئ عمرها 19 نفسهم يعيشو زي الناس بين امهم وابوهم اخوانهم اخواتهم
بس مابيدهم حيله غيير يتحلمو احلام اليقضه على قولهم الاحلام ببلاش
بس مايدروون يمكن هالاحلام تتحقق ^_^
ساره: اوووووووف طفشششت من الحياه بجد طفشت نفسي احضن امي وابوي واخواني وصاحت
نفسي اعيش زي العالم انام بحضن امي ليه راحت وتركتني ليه راح ابوي ليه راحو اهلي؟؟!
ماريه: سارونه ياقلبي مالنا غير ربنا ندعيه وان شاء الله نلقى الي يعوضنا ويسعدنا
ساره: ونعم بالله يااااااااارب تفكنا من هالجحيم الي هنا ونعيش بسعاده ياااااارب
ماريه تبغى تخفف عن ساره شوي: ههههههههههه ايه والله ولقيتي له اسم بس تصدقين لايق
ساره: بقوه كمااان عايشين مع ناس ماترحم بس همها المال شفتي مس ندى امس زفتني زف جعلك ماتشوفينه
ماريه: هههههههههه نفسي اعرف من وين تتعلمي هالكلام وتعال مالها حق تهاوشك قلولي ايش سوت
ساره: الي يسمعك ايقوول بتفصلينها ياختي اهجدي احسلك قال ايه مالها حق تهاوشك
ماريه: سوسو لاتزيدي الجرووح قووليلي لييش هاوشتك وايش سويتي مع اني عارفه انه على سبب تافه مدري ليه تكرهك هالانسانه
ساره:اه ياماريه لازيد الجروح هو الجروح يبغالها زياده مهي زايده من زمان مو بس هاوشتني الا ضربتني الله ينتقم منها ياارب تخيلي بس عشاان اخذت الكوره ولعبت فيها مع بنت مس رناد
ماريه: سلامتك من الاه لاحول ولاقوه الا بالله لازم نلقى لها حل حرام لاتدعي عليها ترجع لك الدعوه بعدين
ساره: نلقى لها حل هذي محد يعرفلها كلامها يسم البدن ليييه ما ادعي ترى دعوت المظلوم مستجابه
خلينا ندعي الله ياخذهاااا
مس رناد: السلام عليك ايش فيكم بناات مين الي الله ياخذها احد تعرضلكم خبروني
انصدمت ساره بدخلتها وخافت تعلمها بعديين يطردوها وماتلقى لها مكان هالملجئ سار بيتها ومستحيل تفرط فيه )ههههههه حليلها طفوليه حييل
ماريه تداركت الموقف وحاولت تنبه ساره الي غارقه بأفكارها
ماريه: وعليكم السلام مس ريناد لا يامس محد اتعرضلنا ابد بس ساره تتحلم)) ههههههه كذبه حلووه
ساره انتبهت وضحكت اجل اتحلم يامرمر هاا ورطتيني
ساره: ههههههههههه وعليكم السلام مس مافيه شي مو يقولو الاحلام ببلاش بس اتحلم بأخت زوج المستقبل تخيلتها تكون زي اخت زوجك ودعيت عليها ههههههه
مس ريناد الي ماهي مصدقه السالفه بس مشتها: هههههههههههه اما اخت زوجي محد زيها ههههههههه تكرهك بنفسك بس ترى مافي كثيير منها
ارتاحي ولاتفكرين بدري على الهم لساكي صغيره
ساره بقلبها ( ها ايوه بدري على الهم من يوم ماعرفت نفسي وانا همي معاي ): ايه وانتي الصادقه بدري على الهم
الا وين بنتك رنو بلعب معها تصديقن ماتشبهلك ابد
مس ريناد: ايه طالعه على ابوها كلهم قاللولي بس بالله مو انا احلى
ماريه: هههههه بديت الغيره ايه اكيد احلى خخخخخ
ريناد حبتهم بجد وسارت اول ماتجي تمر عليهم واليوم جابت بنتها رنا عشان تجلس مع ماريه وساره
اكيد عرفتوها هذي ريناد زوجه ماجد بنت ام مشاري
مس ريناد: ايه اكيد اغار منها مو بنتي
ساره: ايه عادي كل وحده تغارمن بنتها عادي ههههههههههه
مس ريناد فين رنوو خليني اتسلى معها شوي
مس ريناد: انا جايبتها عشانكم لحظه اجيبها لكم
او ماراحت ساره بلمت قالت جايبتها عشانكم يعني عشاني وعشان ماريييييه من جدها ولا تضحك علينا
ماريه فرحانه:سااااااره لقينا مس حبوبه موو
ساره من قلبها: ماريه ماتدرين لاتاخذي عليها بعدين تنصدمي زي مانصدمنا من مس رشا ومس ندى
لاتاخذين عليها بسرعه خلينا نشوف تصرفاتها معنا للنهايه
ماريه: الله يستر كلامك خوفني يالله نشوف نهايتها معنا
*******************************************************
في المدرسه
هند: رند احس اخوي تركي بقلبه سالفه كبييره وكاتمها ما ادري ايش فيه بجد كاسر خاطري
رند: هند لاتضغطي عليه خليه هو يقول من نفسه كذا بيطفش منكم كفايه امك
هند: ايه والله صح كفايه امي تصدقين نبهتيني لموضوع هو يتضايق اذا امي كلمته عن الزواج وشكله يتضايق من كلامي كماان بس بجد شايله همممه
رند: هند بعدين نتكلم بهذي السالفه شوق جايه غيري الموضوع
هند: اوكي انا برووح للحمامات
رند: طيب
شووق: اذا جات الملائكه هربت الشياطين)) هههههههههه الله يذكر صاحبه هالمثل بالخيير^_^
ايش فيها هذي من يوم تشوفوني ترووح اللهم لا شماته من زينها تتكبر على ايش
رند: وعليكم السلام
شوق: اوف نستني حتى السلام المهم ايش فيها هذي
رند: شوق هند مالها دخل في هذيك السالفه الحقد الي بقلبك عليها شيليه
شوق: رند مو يعني عرفتي عن السالفه طلعتي هند منها خلاص انسكر على السالفه
واسمعي بنجي عندكم اليوم بما ان اليوم اربعاء نبغى نطلع للحديقه الي قدامكم نفسي اشوفها ايش رايك
رند: الله يحيكم ما ادري اشوف امي ويمكن مشاري مشغول اليوم تعرفيه يدرس ويشتغل مايفضى ابد
شوق: مو لازم مشاري يودينا انا بكلم محمد ولا ماجد اوكي
رند: تعرفي امي ماراح تخلينا نروح
شوق: امك اتركيها لامي اهم شي موافقه انتي؟؟
رند: نتفاهم بعدين اللحين مشاري جاء باايوو قلبوو
شووق: باي
*******************************************************
في السياره
رند: السلام عليكم
مشاري: وعليكم السلام ها ايش سويتي في اختبارك اليوم
رند: يعني ايش سويت فيه اكيد هببت
مشاري: رند ماذاكرتي؟
رند: ههههههههههههههههه امزح معك لا الحمدالله حليت
مشاري: الحمدالله بنرووح ناخذ ريناد من شغلها تعرفي ماجد موصيني عليها هو مايخرج من شغله إلا بعد العصر ومايبغى ريناد تجي مع السواق لوحدها
رند: اهاا تصدق نفسي اشوف ماريه وساره الي تتكلم عنهم ريناد
مشاري: هيا بطلي لقافه وخلي الناس بحالها
رند:والله مو لقافه بس ابغى اشوفهم
مشاري: خليها بعد الاختبارات النهائيه بعدين روحي مع ريناد
رند: واااااااو يعني موافق
مشاري: ايه عادي بس شدي حيلك في الاختبارات
رند: ابشرر من عيني هذي لعيني هذي يا اخوي الحبيب
مشاري: خلي عيونك لك ودقي على ريناد خليها تطلع..
*******************************************************
في بيت ابو تركي
ملاك تجري ووراها راشد بيضربها
ملاك: يممممممممه شوفي راشد بيضربني
راشد: ايه بضربك وانسمك يادب
ملاك: والله انت الدب مو انا وخلي تركي يجي اعلمه عنك
راشد: يمه خوفتيني أأدبك انتي وهو
تركي: تأدب مين؟
راشد: هههههههههههههههههه
ملاك: يقووول بيضربني ويضربك كمان تركي اضربه
تركي: ماطلبتي شي اللحين اضربه لك اجل بتأدبني ياراشد هااا
راشد نزل (نعاله) وانتم بالكرامه وانحاش على غرفته
تركي: ههههههه خبل
*******************************************************
في بيت ماجد
ريناد جالسه على السرير وتفكر
دخل ماجد وماحست فيه ابد
قرب منها وقال: الي ماخذ عقلك يتهنى بيه
رناد وهي تضحك: ايه خليه يتهنابوه دامو يجي متأخر
ماجد: ياحلو هالضحكه فين رنوو
رناد: عند عمتي تصدق تبغى تروح معي كمان بكره استانست هناك
ماجد: لا عاد مو كل يوم وهي رايحه
رناد: توها اول يوم تروح
ماجد: ولو خلاص اللحين اخوانها يبغون يرحون معك كمان
رناد: ياحليلهم على بالهم ملاهي هناك
ماجد: ههههههههههه خلاص اعدلي بينهم وشيلي كل يوم واحد منهم
رناد: ايه طيب وانت ارتاح بعملك وكل شي علي
ماجد: افاا امزح معك خلاص بشيلهم معي بكره الا زعلك
رناد: ههههههه طيب لاتغير رايك بكره ونشووف
ماجد:هههههه لا كنت امزح معك خخخخ
ريناد: اشوفك غيرت رايك من بدايتها
ماجد: ترضين علي اشيلهم واتبهذل هنااك
ريناد: لا مرضاها وانت ترضاها علي
ماجد: ههههههه يعني وحده بوحده
ريناد: والبادي اظلم
ماجد: هههه الله يرج بليسك خلاص خليهم هنا اريح لي ولك...
***************************************************
في بيت ابو ماجد:
شوق: اووووووووف وهذي ترمي عيالها علينا وتمشي واحنا الي نبتلش فيهم
ام ماجد: انا يبغالي اكلم ماجد يشوف حل لحرمته هذي تروح تشتغل وعيالها ترميها عندنا
محمد: الله عاد الحرص الزايد ماتمسكونهم انتو ولا شي الله يخلي ميري تعتني فيهم وبعدين انا كنت معكم يوم قلتي لماجد جيبهم عندنا
ام ماجد: قم لابارك الله فيك حطيتها فيه اللحين ماخرب افكارك علينا غير هذا راشد جعله البلا
محمد:استغفر الله يمه ايش دخل اللحين راشد بالموضوع
شوق: يمه راشد ماله علاقه فيهم
ام ماجد: اللحين انتي مين كلمك روحي يلا لغرفتك ولاعاد اشوف وجهك يلا
وأصلا كل البلا من هالعائله من اكبرهم لاصغرهم
شوق: اووووف يعني كل ماقلنا كلمه طرتي علينا ماسارت والله خلني اروح غرفتي احسن لي اوووووووف
محمد طلع من البيت وهو معصب من امه
بس مابيده حيله مهما كان بتظل امه
دق على راشد
محمد: السلام عليكم
راشد: وعليكم السلام كيفك يااادب ليش ماجيت اليوم المدرسه مشاري بيوريك
محمد: بسم الله الرحمن الرحيم شوي شوي انا بخير ماجيت لان راحت عليه نومه ومادب غيرك يالبرميل
ويش فيه منشار علي
راشد: اجل سميته منشار ها ههههههههه تصدق لايق عليه خخخ بمسكها عليه
بس لانك قفلت السماعه على وجه امس
محمد: الله عاد يالحساس خله يولي المهم نتقابل اليوم في الاستراحه عند الشباب اوكي
راشد:اوكي بس خبر مشاري قصدي منشار هههههههه
محمد: ابشر يلا اذلف الفاتوره صكت الالف
راشد: ايه صكت الالف العبها على غيري يالزطي
محمد: مازطي غيرك يلا لايكثر مع السلامه
راشد: فمان الله
في احد الاحياء القديمه
ام علي: يا بنتي يا مزون روحي انتبهي للغداء حق الجيران لا يحترق
مزون: ان شاء الله يمه بس في سؤال ببالي بس لاتبكين زي دايم
وين ابوي؟؟؟؟؟؟؟!!
امس بنت الجيران تقولي انت ماعندك ابو..
الام بدت دموعها تنزل على حال بنتها الي علمتها الطبخ من صغرها حتى تساعدها ومايحتاجون الناس
ام علي:انتي قوليلهم عندي اخوي علي يغنيني عن الدنيا كلها
علي:مشاء الله كاني اسمع اسمي عسى ذكرتوني بالخير
ام علي:لا ان شاء الله بالخير وتلف لجهة مزون وتقولها روحي للي قلتك عليه
مزون: ***** الله يمه
الام على طول لفت لعلي وقالت:ها يمه عسى لقيت اخبار عنه
علي:يمه نفسي اعرف ليش تسألين عنه نفسي اعرف علميني انا كبرت يمه
وبعدين ليش تشتغلوو يمه وتطبخون هالقدوور انا عندي راتبي والحمدالله يكفينا ويزيد
ومحنا محتاجين لهالشغله
ام علي: الله يخليك لنا هذي رزقنا كله فيه ياولدي بعدين راتبك الف وخمسميه وانت عندك اقساط سيارتك
وايجار البيت ياخذ نص هالراتب وهذا غير فاتورة الكهرباء والماء
علي: الله يعين يمه ولو اقدر كان ساعدتكم تتركون هالشغله بس مابي اليد حيله يمه
ام علي: انت اول شي خلص هالسنه وكمل الجامعه بعدين تلقى لك الشغله الزينه ياولدي
علي: طيب يمه محتاجين شي الشباب يستنوني في الاستراحه
ام علي: مانبغى الا سلامتك يمه انتبه على نفسك ياولدي وهالله هالله بالصحبه الزينه
****************************************************
نهايه البااارت الاول
اتمنى انه عجبكم يالغوالي
ايش سالفه ام علي ومين هالشخص الي تبحث عنه
هل لهذي العائله دخل في ابطال قصتنا
ايش سالفه مزون وابوها الي تسأل عنه؟!
محمد وحبه لهند بيكون له نصيب
فيها او بيتغير مجرى حياته وامه كيف بيتعامل معها
ريناد بتصبر عشان ماجد وعيالها على
اهل زوجها ولا بتنفجر عليهم بالاخير
هند ايش دخلها بسالفه شوق وليش رند تخبي عنها هالسالفه
وهم كل اسرارهم عند بعض
شووق حقدها وكرها لأهل عمها لفين بيوصل
ساره وماريه بيفتحون قلبهم لريناد بيثقون فيها
ولا ثقتهم انعدمت بالناس بعد ما خانوهم مس ندى ومس رشا
مناهل وفيصل هل بيكون لهم دوور في القصه
هذي الي بنعرفه في البارت الثاني..
(اتمنى اشوف تفاعل عشان اقدر اكمل وضع روايتي)
