مرحبا فيكم وحده وحده وثنتين ثنتين ...
قلت لكم سابقا عن أحلام البنات الوردية http://forum.hawaaworld.com/showthread.php?t=1555388
ولابد مما ليس منه بد ان اقووول لكم اليوم عن أحلام الشباب الزرقاء حتى تكتمل الصورة ونعرف أن مومخلينا كذا مو مرتاحين الا أحلامنا اللي ننسجها بوعي أو دون وعي
وبعد أن شمرت عن ذراعي :pالله يحفظه وبعد قول بسم الله نبدأ فاقول:
الشباب عندنا من يوووم يكون صغير يعرف كذا تلقائيا إنه المميز وإنه الملاك وإنه وإن أخطىء مغفور له طبعا بمجتمعه أما أمام الله فالذكر والأنثى متساووين في الحسنات والسيئات قال تعالى (من عمل صالحا من ذكر أو أنثى وهو مؤمن فلنحيينه حياة طيبة، ولنجزينهم أجرهم بأحسنما كانوا يعملون )وبمجرد ما يكبر ويوصل للمراهقة يبداء بنسج أحلام أقرب ماتكون للخنفشارية لأنها لاماتتصدق ببساطة ...:hahaha:
إن كانت أحلام سنووايت الوردية عاطفية وفيها قليلا من الفشخرة والمادية الا أنه وأعني به روبن هود وأحلامه الزرقاء تأخذ أبعادا غير طبيعيه وكلها تصب في مصب واحد الا وهو المظهر
من أحلام الشباب الزرقاء إنه يحلم إنه دووون جوان:mex: وإنه الوحيد الأوحد وإنها وياحظها اللي أمها داعية لها وبتاخذه ببساطه ليه محد يدري بس هو يدري إن مافيه لابعده ولاقبله
يحلم بوحده براطمها مثل فلانه ... وعيونها مثل علانه... وجسمها سكبه مثل زعطاانه وشعرها سواد الليل هايم وطووويل:3_2_21v: وصوتها أنعم من البلبل وتغريدها أحسن من بنت بولند يبي الدلال والدلع يمشي على الأرض،، وإن جت تمشي كأنها عصفور تربك تربك بالهون(( بالهوينا كان يمشي كان يمشي فوق رمشي))
يبي عزوبيته بمواصفات خمس نجوم يحلم إنه بيفتح عيونه ويلاقي الملاك الطاهر فاتحا فاه :27:اقصد مبسمه بفطور ولا أروع على السرير وبعدين تخليه يستند عليها ويلاقي الحمام مجهز وياخذ له شور ويجدها تنشفه وتلبسه وتعطره :arb:وتجهز كل شي وفجأة تتحول بقدرة قادر هذه الخادمة الى أم توصله للباب وتدعي له بالسداد والتوفيق ثم تعود لدورها السابق الذكر اللي هو التخديم وتقشع:3_13_12: وتنظف بشرط الا تفارق الابتسامة محياها ثم يأتي للبيت ويعود وتماما كما في الفوازير يجدها قد انتظرته بأبهى حلة والضباب اقصد البخار يطلع من تحت الباب (كناية عن الأحلام وجوها) ويفتح الباب فتطير الى ذراعيه مهللة مرحبة ومعها كأس عصير بارد(الله ماشفناه بالعقل عرفناه شلون تضمه وتفتح الباب ومعها عصير وتتدلع كله بوقت واحد مشو حالكم لزوم أحلام الشباب ) المهم وتاخذه ويبدل ملابسه ويلاقي نفسه باأجملها بوفيه للهوليدي إن:7_2_103v: وتلقمه والأهم ركزوا الأهم ما تقول شي لاتسمع لا ترى لاتتكلم بس تقول له بالعافية، إنت رهيب، إنت مافيه منك، أنا اصلا تعيسة ومن عرفتك صرت سعيده .....والعبارات الغريبه التي لاتنم عن شي الا عن شي واحد وهو أنه الأصل أما هي فلا شي ..:eek:
ثم تجهز له فراشه مع الفل والبخور وما تفتحش بوئها بكلمه ويقيل ولا مانع ماتاخذ مهفة تهفف عليه حتى ولو كان الجور بارد لان عصر الجواري هذه ميزاته ويستيقظ ويراها بانتظاره طبع أمه وجدته وخالته ولكن بمواصفات وهيكل عصري ومجهزة له الشاهي والقهوه ومبتسمه وتدلعه على الفاضي والمليان وتنفخه تنفخه الين يوصل للباب عشان يروح لاخوياه او لاستراحه وماتقول له ولاشي ومافيه مانع يصحى ويفاجئها ويقولها ترى بيجيني ضيوف ولانها ((فل سيستم)) يفترض تسوي له المشمر والمحمر وكل شي وان رجع متأخر يلاقيها بانتظاره لاتنام ولاتكل ولا تتعب وتسوي له مساج وليلة حمراء وخضراء واللي يبي مو هو شاريها بمفهومه طبعا وتجيب له صبيان وبنات بس ما يتغير جسمها ولاتمرض ولا تتوحم ولاتعبس بوجهه إيه مو هو زوجها ياويلها لوفكرت وعيالها أقصد عيالهم يبيهم نظاف مؤدبين محترمين مالهم صوت مثل الدمى متى مابغى يشغلهم ومتى مابغى طفاهم واذا موظفه عز الطلب تعاونه بس ما تاخذ منه وهذي حياته وأحلامه الزواج هو مرحلة وشي لابد منه بس ما يحط في باله واجبه او حقوقها وهنا وبعد اقل من شهر تجي المصادمااات وخيبات الامل ليه لان كل أحلامه لاتستند لا على دين ولا على أخلاق ولاحتى روايات رومانسية إنما على أقاويل معقدين من الزواج ومن أشباه رجال ذكور فهموا الزواج والقوامة غلط:30:
بليييييز لاتقولون أبالغ
على طول يتغير ويحط فيها النون ومايعلمون لأنه على طول يحط في باله إنها مافيها خير وإنها أنانية وإن حكيها كثير وإنها ماتهتم فيه ولا في نفسها وإنله الحق يدور غيرها وووو
لكل ازرق هو وأحلامه أقول لهم إن جيت تخطب خلك صريح ووواقعي في طلباتك وقول للي بتصير زوجتك ها الأفكار الخطيرة والتوقعات اللي عندك طاعتك الله يوفقكم والا تلاقي وحده تناسب مخيلتك العظيمة لاتتوقع أنها خلقت لك وعشان تدور في فلك أنت شمسه لاتتوقع بتكون له أمة الا إن صرت لها عبد لا تتوقع بتغني فيك وانت تهجيها لاتتوقع بتغمض وأنت فاتح عليها الفوكس وتدقق لا تتوقع أنها متنفس لك ولأهلك هي زوجتك مو زوجتهم كرمتها منك ولك عامل زوجتك ولباسك كما تود أن تعاملك لا تتوقع الزواج زي ماقال لك فلان والا زوجتك زي زوجة علان والا راح تمشيها مثل مامشى زعطان زوجته((ماوراه الا الغثى ها الزعطان))
خافوا الله ببنات الناس أتعبتوهم بامراضكم وخيالاتكم وحط نقطة دائما أمام عينك قبل الزواج قال صلى الله عليه وسلم في حجة الوداع وفداه نفسي لولا علمه اليقين بأهمية هذا الأمر لما افرد له مساحة في ذلك الوقت (أيُها الناس .. إن لنسائكم عليكم حقاً ولكم عليهنّ حقٌّ إلاّ يوطئن فرشَكُم غيركم، ولا يُدخلنَ أحداً تكرهونه بيوتَكم إلا بإذنكم، ولا يأتين بفاحشة ، فإن فعلن فإن الله أذن لكم أن تَعْضُلُوهُنَّ، وتهجروهُنَّ في المضاجع ، وتضربوهنّ ضرباً غير مُبَرِّح، فإن انتهين وأطعنكم فعليكم رزقهنّ وكسوتهنّ بالمعروف ، وإنما النساء عندكم عَوَان ، لا يملكن لأنفسهنّ شيئاً، أخذتموهنّ بأمانة الله، واستحللتم فروجهنّ بكلمة الله، فاتقوا الله في النساء ، واستوصوا بهنّ خيراً، ألا هل بلغت؟ اللهمّ اشهد ) فأين انتم من هذا
الله يجعل أحلامنا واقعية وأمنياتكم حقيقة وأسعد الله الجميع
وبارك الله فيكم
دمتم بود
مـــوهـــومـــه* @mohomh
كبيرة محررات
يلزم عليك تسجيل الدخول أولًا لكتابة تعليق.
بساط الريح
•
جزاك الله خير وبارك فيك
هههههههههههههههههههههه
والله انك جبتيها .....صادقه بكل كلمه
بس احيانا ارحمهم .....احس المجتمع زرع فيهم هالشي ....وتربو عليه
عشان كذا ما يحسون بانفسهم وهم يتصرفون هالتصرفات
على بالهم الحرمه سوبر مان ...
الف شكر
والله انك جبتيها .....صادقه بكل كلمه
بس احيانا ارحمهم .....احس المجتمع زرع فيهم هالشي ....وتربو عليه
عشان كذا ما يحسون بانفسهم وهم يتصرفون هالتصرفات
على بالهم الحرمه سوبر مان ...
الف شكر
الصفحة الأخيرة