هالطريقة روووووووووعة والله ولذيذة جدا والروبيان يطلع فيها طري جدا وطعمة قمة..
المقادير:
كيلو روبيان منظف بدون نزع القشر عنه "اللي تبي طريقتي بتنظيف الروبيان تقولي وانزلها اياها ان شاء الله"
الخلطة السرية :22: :
1\2 ك صلصة باربكبيو
1\2 ك صلصة الفرنسية البرتقالية
2-3 م ك قشر وعصير ليمونة مفرومة "بالمفرمة"
فص ثوم مهروس
2 م ك عسل نحل "ماراح يبين طعمة بالمرة"
ملح
الطريقة:
نتبل الروبيان بالخلطة ونتركة على الأقل ساعة..
نشك الروبيان بالأسياخ الخشب ونشويها على الشواية ، وحطي عليهم شوي زبدة..
نقلب الروبيان على الوجه الثاني وراح تلاحظون انها ماخذة لون غامق بس حلو من العسل "تاخذ لكل وجة 7 دقايق لأني مستخدمة الروبيان الجامبو وعلى اعلى درجة حرارة بالشواية"..
نقدم معاها رز "أنا قدمت رز أصفر مع خضار مشكلة <<< عشان يناسب لون الروبيان :22: "..
وهذا شكله النهائي "حطيت قطعة صغيرة زبدة على الرز وذابت من حرارته"..
هذي الصور بالترتيب :)
دعواتكم لأبوي الغالي ان الله يشفيه وطولنا بعمره..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
صج صج طباخه ماهره تبارك الرحمن
عسى الله يشفي الوالد يا رب و يرزقج بالزوج الصالح و الذريه الصالحه يا رب
آمين يا رب العامين