روبيان مشوي مع طريقة تقشير الروبيان

هلا بطباخات المنتدى

اليوم بنزل طريقة الروبيان المشوي وطريقة تقشيره >> أدري راح تقولون نعرف نقشر روبيان بس هذا ما يمنع اني انزل الطريقة لأني متأكدة اني في بنات للحين ما يعرفون

قبل كل شي اني على طول مخيمة في قسم التجارب واجي هالقسم زائرة ، لكن قلت هالمرة خلنا نكون مشاركين يمكن نطلع من طباخات المنتدى >> شكلها مطولة الأخت

طريقة تقشير الروبيان >> أني استخدمت الروبيان الجامبو حوالي 18 روبيانة لشخصين



طبعا قررت اني اصور لكم الطبق بعد ما بديت اقشر في الروبيان فطلبت من زوجي يصور ومسامحة على الكركبة

أول خطوة ننزع الرأس



ثاني خطوة ننزع القشور من أسفل إلى الأعلى >> إن شاء الله بس تفهمون على شرحي



راح نشيل كل القشور ما عدا الذيل راح نتركه ، وهذا راجع لك اذا كنين تحبين تخلينه او تشيلينه ومعروف في الروبيان المشوي ابقاء الذيل



ثالث خطوة نعمل شق في ظهر الروبيان لإزالة الخيوط والأوساخ



نسحب الخيوط >> معليش الخيوط تقرف



وهذي الروبيانة بعد ما كملنا من تقشيرها وتنظيفها



بعد ما كملنا من تقشير كل الروبيان نغسله وفي معلومة لازم نعرفها عن الروبيان وهو انه لا تخلينه في الماء لفترة طويلة لأن من طبيعة لحم الروبيان قدرته على امتصاص الماء وبالتالي يغلبنا في الطبخ

والطريقة الصحيحة مجرد شطفه على السريع وتركه في مصفاة لينشف تماما

الحين نجي لتتبيلة الروبيان

التتبيلة راجعة لك ولذوقك يعني مو شرط تتقيدين بتتبيلة معينة وتقدرين تغيرين فيها ، والتتبيلة اللي اعتمدتها في هالطبق

3 ملاعق أكل عصير ليمون - 3 ملاعق زيت زيتون - 2 ملعقة أكل صلصة صويا - 1 ملعقة صغيرة فلفل أحمر حار - 1 ملعقة صغيرة بابريكا - نصف ملعقة صغيرة كمون - 2 ملعقة أكل معجون طماطم - نصف ملعقة صغيرة فلفل أسود - ملح .

نخلط كل هذي المقادير مع بعض ما عدا الملح نضيفه قبل الشوي بنصف ساعة



نضيف التتبيلة على الروبيان ونتركه يتخمر على الأقل 3 ساعات وكل ما طالت مدة التخمير يكون أفضل وطريقتي في التخمير اني احط الروبيان في كيس واربطه واحطه بالثلاجة وهذي الطريقة افضل من وضعها في اناء>> نسيت ما صورت هالخطوة




يتبع بدون رد رجااااااااااء