روتينك اليومى للعناية ببشرتك(طبيعى100ِ%)

السلام عليكم ورحمة الله وبركاتة
جبت لكم النهاردة معايا مفاجئة بس يا رب تعجبكم
نبتدى مع بعض الروتين اليومى للعناية ببشرتك اى بشرة محتاجة عناية خاصة وكل بشرة بتختلف عن غيرها علشان كدة بقول الروتين دة للبشرة العادية والمختلطة
تانى للبشرة العادية والمختلطة بس
نبتدى الروتين اول ما تصحى من النوم يا قمر اغسلى وشك بلاش وشك خليها وجهك علشان الكل يفهم بالغسول
1-الغسول
شوفان مطحون
لوز مبشور
ورد مجفف
لبن بودرة
حطى المكونات على بعضها وضعية فى الثلاجة لما تيجى تستعملية خدى منة ملعقة فى راحة ايدك وحطى علية شوية مية واغسلى وشك (لايحفظ اكتر من اسبوع فى التلاجة)
بعد ما تغسلى وشك بالغسول روحى للتونك
2- التونك
استخدمية بعد الغسول بللى قطنة ومرريها على وشك بحركات دائرية:
90جراماء ورد
30جرام زيت لوز
15جرام جلسرين
باقى لنا كريم النهار وكريم الليل وكريم العين ماشى نخليهم مرة تانية علشان عاوزة انام
يا بنات عاوزة اشوف تفاعلكو معايا علشان اكمل الموضوع:26:
(للامانة الموضوع ماخوذ من برنامج اخر موضة لامينة شلباية)
(يا بنات امانة عليكم كل واحدة تدخل تتدعيلى ربنا يرزقنى حسن الخاتمة ويرزقنى الزوج الصالح ويفرج كربى انا واسرتى عاجل غير اجل)