روتين العناية بالبشرة:
ــــــــــــــــــــــــــــــــــــ
لازم قبل اى ماسك نفتح مسام البشرة عشان تتشرب المواد الطبيعية اللى هتحطيها وده من خلال عدة طرق:
1-عن طريق جهاز البخار ( ويفضل وضع نصف لمونة او نعناع داخل الماء ليتصاعد مع البخار )
2-عن طريق الوقوف امام ماء مغلى ( ويفضل ايضا عند تسخين الماء وضع نص لمونة او نعناع للتصاعد مع البخار )
3-او عن طريق غسل وشك بماء دافىء مائل للسخونة
4-او عن طريق تنشيف وشك بفوطة سخنة
وانتى حاطة وشك قدام البخار حطى على وشك اى كريم ترطيب وبعد الانتهاء من حمام البخار هاتى قطنة وامسحى بيها وشك كويس وخصوصا منطقة الانف والذقن وجبهة الراس لانها اكثر المناطق التى تتزايد فيها الدهون ولما تمسحى وشك بالقطنة وتخلصى متغسليش وشك بالمياه
.............................................................................................
الخطوة الثانية :
الصنفرة (السكراب)
ملعة زبادى .... 2 ملعقة ردة ناعمة (نخالة القمح)
ضعيهم على وشك لحد ما ينشفو وبعد كده افركى وشك لازالة الجلد الميت ثم اغسلى وشك بماء فاتر
ملحوظة هامة : متعمليش الصنفرة للوش اكثر من مرتين فى الاسبوع
..................................................................................
الخطوة الثالثة:
زبادى .... ترمس محطون
ولو بشرتك دهنية : ضيفى نصف لمونة
ولو بشرتك جافة : ضيفى ملعقة صغيرة عسل ابيض ( عسل النحل الطبيعى )
حطيهم على وشك نصف ساعة واغسليهم بماء فاتر
الماسك ده بيصفى ويفتح ويبيض البشرة
................................................................................
واخيرا عند الانتهاء من اى ماسك لازم نرجع نقفل تانى مسام البشرة عشان تحميها من الاتربة والشوائب وبتقفلى مسام بشرتك من عدة طرق وهى :
1-التونر قابض المسام
2-لو امكانيتك مش مساعداكى للتونر استخدمى ماء الورد
3-لو مفيش ماء ورد اغسلى وشك بماية ساقعة
......................................................................................
وحطى بعد كدة كريم ترطيب مثل ( ايفا بالجلسرين – نيفيا- دوف )
ده روتين رااااااائع للعناية بالبشرةوهو مفيد جدا
اعملى من مرة او مرتين فى الاسبوع لكن مش اكتر
يلزم عليك تسجيل الدخول أولًا لكتابة تعليق.
بناتي الحلا كله
•
الله يعطيك العافية
الصفحة الأخيرة