البشرة الصافية هي حلم كل بنت
و علشان نوصل لنتيجة تعجبنا لازم يكون فيه روتين يومي للبشرة
أساسيات الروتين طبعا هي الغسول والتونر والمرطب والصن بلوك لو بتنزلي بالنهار
عندنا الغسول زي مثلا غارنيه فاتح ومشرق دا بينضف كويس جدا وبيفتح مع الاستمرار بس لازم طبعا معاه روتين متكامل للتفتيح ولو بشرة بتتحسس من الليمون بلاش لأنه هيضرها
فيه كمان غسولات تانية زي كلين اند كلير وسينوبار ( للبشرة الدهنية) جونسون
ارخص تونر او هي بديل للتونر ماء الورد🌹 بيعمل نفس المهمة اللي التونر بيقوم بيها بتنضف المسام بعد الغسول بس النتيجة أقل شويه من التونر ﻷنها حاجه طبيعية المهم تكون نوع كويس وتكون شفافة مش اللي مضاف عليها الوان
ممكن لو بشرة دهنية تضيفي عليها نقط من زيت شجرة الشاي بتحارب الحبوب
ولو بشرة جافة بنضيف عليها جلسرين بترطب الوش جدا وهي حاجه طبيعية وآمنة جدا مفيش منها اي ضرر
ممكن نستخدم منقوع لبان الدكر ك تونر برضو حلو وبيفتح البشرة بس اهم حاجه يكون من عطار مضمون علشان ميعملش نتيجة عكسية
المرطب فيه انواع كتيرة جدااااا من المرطبات زي
بانثينول دا مناسب لبشرة جافة ومختلطة مايلة للجافة لكن ميناسبش بشرة دهنية
للبشرة الدهنية فيه موندو كريم و revi 2 وبيبانثين
وممكن نستخدم جل الصبار كمرطب حلو جدا بس أهم حاجه برضو يكون من مصدر موثوق
لازم لو بتنزلي في الشمس تستعملي صن بلوك ضروري علشان تحافظي على بشرتك من التجاعيد
فيه بوباي دا نوع كويس
وفيه انفنتي و لونا فيه كذا حاجه
بس دايما المشكلة في البشرة الدهنية محتاجة نوع يتحكم في إفراز الدهون ولﻷسف حجات غالية زي فيشي وأفين و لاروش بوسيه
princess nudii @princess_nudii
عضوة جديدة
يلزم عليك تسجيل الدخول أولًا لكتابة تعليق.
فستان بيج
•
رفع
هلا بيك موضوع جميل ومفيد تسلمي كثيرهلا بيك موضوع جميل ومفيد تسلمي كثير
❤❤
نيروز. :
مرحبا يعطيك العافيه على الطرح المفيد والقيم تم التقييم لاتحرمينا من جديدكمرحبا يعطيك العافيه على الطرح المفيد والقيم تم التقييم لاتحرمينا من جديدك
😍😍
ان شاء الله
ان شاء الله
الصفحة الأخيرة