يا حبيبتي يا الغالية
لاتزعلين نحن ياما سمعنا كلام يجرحنا من أقرب الناس لنا و ندري من اللي تقصد من اللي ما تقصد
بس نصيحة ذهبية خليها في بالك دوم انا الصراحة طبقتها ..حتى لو اطمنت على نتيجة معينه اثناء العلاج او بسم الله استوى شي او اتراجع شي في العلاج أكتم الاخبار هاي وما أقولها لحد الا لزوجي

صدقيني أمج حريصة عليج ويمكن لانها كانت تبي اتفضفض عن اللي في قلبها لخوفها عليج قالت لخواتج .. حتى لو هالشيء غلط لا تزعلين منها .. وخلاص حطي في بالج انج بتكتمين كل أخبارج الصحية عن الناس علشان ما تحطين نفسج في هالمواقف اللي الكل ما يتردد انه يكلمج فيها علانية

وإن شاء الله تستوين حامل والله وبالله اني قد ما بكيت من كلام الناس كنت في قرارة نفسي واصقة بان آخرة صبري خير .. ، حتى وحده من أقرب بنات عمي لي قالت لي زوجج طيب و يستاهل انج تحملين علشانه اتلحقي واحملي قبل لا يفكر يتزوج عليج !!! كأني انا مب طيبة أو استاهل ! وكاني ما اعرف غلاوتي عن زوجي .. دايما ادعي من رب العالمين انه يبعد عنكم كل حاقد ونمام وكل سوء وحسد ويرزقكم بالذرية الطيبة .. ربي ما ينسى أحد و أنا مؤمنة والكل مؤمن برحمته اللي شملت كل شيء ..

أتمنى انج ما تضعفين و أحسدج فعلا على قوة تحملج في هالمواقف اللي ياما مرينا بها .. الله يعوض صبرنا جميعا خير .. ونحن هني كلناااااااا خواتج فضفضي لنا اي وقت اتحبين ترانا كلنا هنا علشان بعض اولا وأخيرا :)

حبيبتي الله يرزقك من حيث لاتحتسبين..

انتي مو حساسه ولا شيء بس الكلام كان اكبر من انه يحتمل..

وبعدين ياقلبي نصيحتي لك الكتمان بالنسبه لحالة زوجك وحالتك حتى لو كان لامك
لان الام بطبيعتها حنونه اكييد ماقالت لاختك الا من حزنها عليك..

حبيبتي ياما سمعنا وياما بنسمع بس لازم نصبر عشان مايفوتنا الاجر
ياقلبي انا مالومك لاننا احنا المتاخرات بوضع حساس جدا واحنا اساسا متحسسين من هالموضوع
فشيء طبيعي تضيق صدورنا..

لكـــــــــــــــن
اسأل الله رب العرش العظيم لك ولي ولك محتاجه الرزق من عنده
وان يكرمنا بكرمه ويرحمنا برحمته..ويمن علينا بالحمل التام السليم والذريه الصالحه الكاملة الخلق والخلق اللهم آميييين

حبيبتي اكثري من الاستغفار وقراءة سورة البقره وقيام الليل اطلبي الله الكريم وحده يغنيك عن العالم كله سبحانه..

وفقك ربي دنيا وآخره

اناا مارااح اخفف عليكك واقولك ان هالكلام صعب وزين تحملتيه وكظمتي غيظك

الي رااح اقوله

اللهم اني اسئلك بان لك الحمد لااله الا انت المناان بديع السموات والارض يااذاا الجلال والاكراام ارزق صااحبه الموووضوع توأم ذكور واحسن خلقهم وخلقتهم وعووضهاا عن كتم غيظهاااا ببرهم وصلاحهم يارحمان يارحيم

هلا والله اختي .........
والله اقرا موضوعك واتنهت .....ياما مرينا بها المواقف وسعي صدرك ...صارلي 6 سنين متززوجه <<خبره

والله حاسه بشعورك اذا دخلتي على احد كل الناس تدخل هي وعيالها وانا بشنطتي صرت اكرهه الطلعات ولا اروح لاحد اجلس ببيتي

لا ولي يقهر زياده انه بالمناسبات والجمعات سواليف الحريم كلها عن عيالهم والحمل والولاده ......وانا ضايعه بالطوشه على قولتهم

الله يفرجها عاجلا غير اجل ويررزقك بالذريه الصالحه ياارب ......

الحال من بعضه أختي الكريمة
والحمد لله على كل حال
الله يرزقنا من واسع فضله وكرمه
والله يصبرنا