روحتي لطبيب الجلديه (ومعاناتي )

السلام عليكم ورحمة الله

طبعاً قصتي طويله مع حب الشباب وركز علي بعدسن الثلاثين

المهم ماخليت ولا طبيبه ودايم كريمات ومضاد حيوي وفلوس على الفاضي

ودايم اقرا عن حب الشباب كثير ودي بعلاج مضمون وسمعت عن الروكتان

قلت مابدهاش اباكلوا مع ان له مخاطر لاكن وش اسوي بشرتي

سببت لي حرج / وجهي ورقبتي وايديني والحمد لله على كل حال والله ما اقدر البس زي الناس منحرجه منها والي يشوفها عيونه فيه

وطبعاً حمواتي كلهم يلبسون ويتكشخون الا انا اكيد الي زيي بيحسون فيه

المهم رحت لطبيب الجلدي امس وقلت انا جايه مجربه كل شيء ابغا تحاليل وتصرف لي الروكتااان

قال انا مستحيل اصرف لأي مريض عندي لأنها خطيره وتسبب مشاكل فشل كبد وكلا

وما هي اول مره رحت لدكتوره ورفظت قلت اجرب دكتور

مع ان عندي حريم استخدموها ونا سبتهم كثير

المهم قلت وش الحل قال اصبري معي والعلاج راح يطول عشان تستفيدي

قلت خلاص ابشوف مع اني استخرت قبل ماروح

قلت الخيره فيما اختارها الله

طبعاً صرف لي مضادات اثنين وعدت مراهم لصدر والوجه والرقبه وقال استمري واتابعك

وحنا توكلنا على الله وبديت العلاج والله يجعل على ايده الشفاء ويكتب لي كل خير

كل من تقرا موضوعي تدعي لي بالشفاء من هاذي الحبوب الي تعبت نفسيتي

والله يحفظكم ويبارك فيكم