روحتي للسوق مافيها بركه

السلام عليكم

كيفكم ي بنات

راح اقولكم من البدايه موضوعي للرااااايقه اللي ما وراها شغل
ماتحب الغموض ههههههه

جايه هنا افضفض اكثر من كونه طرح مشكله وابحث عن استشاره

وماراح ازعل لو مافي ردود لاني بجد اختنقت من هالطبع اللي فيني
وابي افضفض
يمكن البعض راح يضحك مثل اهلي دائما يضحكون عليّ من هالناحيه

انا لما اقرر اروح السوق
اصيييييير والله مثل البلهااااااااء
ارجع مافي يدي الا كيسه وحده
اكون محتاجه ملابس كثيره للطلعات وللبيت
محتاجه شنطه وجزمه(وانتم بكرامه)
اكسسوار
عطورات ووووووو

لكن مدري وشو اللي يعمي عيوني
حتى فلوسي مافيها بركه يعني 500 تطير بسرعه
 وانا ماشريت شيء يذكر
قلت ي بنت يمكن لانك م تتصدقين اذا شفتي محتاج
وصرت اعطي (عشان احطكم بالصوره) 
حتى احاول اني اقرأ دعاء السوق قبل اي نزله
وبرضو والله مافي فائده
خواتي مشاء الله عليهم يشترون كل شيء نفسهم فيه 
في نزله وحده وانا ادووووووور ع الفاضي :(
مدري وش ابي 
لدرجة اني م اعرف اشتري قطعه اللي لما خواتي يشوفونها واستشيرهم
يعني بالله اذا تزوجت وش بسوي
مهزوزه من الدااااااااخل بشكل كبير

قلت يمكن العله اني ما اكتب اغراضي الناقصه 
وصارت محسوبتكم تسجلها لكن دون جدوى

آخر شيء قلت يمكن العله ف المولات الكبيره 
فصرت ارح سوق صغير لكن علتي مثل ماهي

لدرجة اني لما ارجع من السوق واحط راسي ع المخده خلاص 
دمعتي بتنزل
من القهر اللي احسه بداخلي
هذا وانا كبيره م اعرف اتصرف 
حتى لما اروح مع امي سوق الاثاث عشان اساعدها ف تأثيث البيت
ارجع اقول ياليتني مارحت امي اللي تختار كل شيء 


يارب يارب تحل هالعقده اللي فيني


المكان اللي الوحيد اللي اذا رحته وشريت منه الصيدليه

اللي قرت موضوعي أنا آسفه طولت عليك
وشكرآ لأنك عطيتيني من وقتك