روضات الاطفال

والله طلبج صعب شوي لانه مافيه روضه غدد الاطفال فيها عشره دايما اكثر اذا ما يوصل عشرين
بس بصراحه الاهم انها تكون معزول فيها الاولاد عن البنات

اهلين اختي سندريلا 2001

انا معلمة رياض اطفال ودرست وتخرجت من الرياض وعندي خبره كويسه عن مدارسها
وراح اذكر لك الروضات الي اعرفها واذا عندي معلومات عنها راح افيدك...

1.مدارس الرواد.... روضتهم حلوة لكن عيبهم يركزون كثير على الجانب التعليمي ويهملون الجانب المهاري والفني

2.رياض الجامعه وهي فرعين فرع تابع لجامعة الملك سعود فرع عليشه وهذا بعيد عنك والفرع الثاني داخل سكن منسوبي الجامعه على طريق الملك عبد الله السكن الي مقابل ايكيا سابقا (وعلى فكره تعتبر من افضل الروضات من جميع النواحي)بس اتوقع ان التسجيل فيها صعب الا اذا كان عندك واسطه تدخلينها...

3.في روضه صاحبتها دكتوررره رهيبه كانت تدرسني ومره يمدحون روضتها وقالوا لي البنات انها في الشمال بس والله ناسيه اسمها اتأكد لك من الاسم واعطيك اياه

4. روضة طويق وصديقاتي طبقوا فيها ويقولون انها روعه ومستواها مرره عالي حتى طالبات التدريب الي يدربون فيها لازم المديره حقت المدرسه هي الي تنقيهم من كثر حرصها عليهم...

5. المملكه و منارات الرياض ودار العلوم ينطبق عليها نفس كلام الرواد..

6.رياض نجد افضل من السابقات لانها وظفت مجموعه كبيره من الخريجات الجدد الي عندهم فكره افضل عن الهدف الاساسي من رياض الاطفال ولهم توجهات للرفع من مهارات الطفل الصغرى والكبرى وادخال مستوى بسيط وغير اجباري من التعليم...

7.مدارس نجد سمعت ان روضتهم مررره كويسه وعلى مستوى ...

واتمنى اكون افدتك واذا عندك اي استفسار ثاني انا تحت امرك...


ام فهوووودي...

الاخت العزيزه أم فهوووودي ألف شكر على الافاده وردك الرائع وتمنيت انك أتطوليننننن وتذكرين روضات اكثررررررررر الله يعطيك العافية وأسفة على تأخير الرد لظرووووف؟

أشكر الاخت الزبيرية2000 على الرد وما أعتقد طلبي صعب؟؟؟؟ ما أدري؟؟

أطلب من أخواتي الرد لمن عنده خبره أرجوكم وشاكره لتعاونكم معي
أذا أحد عنده روابط سابقة للموضوع ياليت تعرضونه
مع خالص شكري وتقدري

ماتدرون عن روضة الغد؟؟؟؟؟؟؟
الاصاله لتحفيظ القران؟؟

لاخت شكشوكة مالحة ما فهمت وش الممقصود؟؟
وينكم يابنات بأنتظار ردودكم وشكرا