روضة ابني ....

السلام عليكم :
بنات اخباركم..........
انا الصراحة ودي اشاوركم بموضوع مضيق صدري شوي:( انا الاسبوع هذا الي هو الاسبوع الثالث سجلت ولدي بروضة بعد بحث في الروضات الي حولنا لقيتها مناسبة الى حدا ما ولما قابلت مديرتها لقيتها صغيرة وفاهمة والروضة جديدة و نظيفة .........المهم سجلته واتفقت معهم اني ع الاقل اكون معها الاسبوع الاول لحد مايتعود........المهم المساعدة كل ماشافتني سمعتني كلام يوه انتي مره شكله طفلك الاول ...........مع اني ماسويت شي حومت كبدي حتى باشوف ولدي بالطابور ماخلتني وهي تسحب الطاولات حبكت تسحبها وانا واقفة كل شوي اوخر عشان تمر (انا الصراحة ماحطيت الموقف ببالي في الاول).......المهم اليوم الي بعده جلست معاه..........الي بعده وصلته وقلت له باستناك بس رحت و رجعت له على حصة اللعب عشان يعني بالتدريج يتعود ..........اليوم نفس الشي ..........
لما رجعت الظهر اخذه قامت كلمتني المساعدة قالت لي ام فلان بصراحة انتي المفروض ماتجين خلاص لانه اليوم تغلق الولد قلت لها خلاص التفاهم بيني و بين معلمته بصراحة اسلوبها مش حلو فيها عنجيهة حتى المديرة وش ذا الاسلوب وانا داخلة وخارجة وهي بس تناظرني بطريقة اللحين فهمتها........المهم كلمت معلمته قلت لها صحيح ولدي اليوم ازعجك لا بس تغلق شوي قلت لها ترا انا استنيت شوي ولما سمعته وضعه عادي طلعت..........المهم قلت لها خلاص بلغيني بملاحظاتك مباشرة قالت ان المساعدة شافته وقالت ليش هو كذا ........يعني الولد لا صاح ولا شي وش تغلق ذي ؟؟؟ الشي الثاني ولدي ماداوم معكم الا 3 ايام عطوني وعطوه فرصة...........
المهم حامت كبدي من الروضة للاسباب التالية:
اولا : اسلوبهم بالتعامل معي ........يعني يكون فيه شوي احترام للاهالي......
ثانيا : حسيت انهم مضايقين من وجودي وكانهم ماعندهم ثقة بالنفسهم او خايفين اشوف شي (الله واعلم )
ثالثا: قالوا فيه سينما تعلميه وادري ايش وما شفنا شي......
رابعا : ماهنا زود حرص يعني اليوم وديت ولدي متأخر شوي البيبان كلها مصككة والله الاطفال الي جاو وانا طالعة انا الي فتحت لهم الباب الداخلي .......ومافي احد يستناهم......
معليش طولت عليكم . بس عشان تفهمون السالفة .......المهم وش رايكم اسحب ولدي خصوصا انه صاجني اجلسي معاي لا تخليني.....عمره بس 3 ونصف....وهم يقولون لا تجين.......عموما مشورتكم ونصائحكم.....