روضة بناتي الي للحين مصدومه فيها,,,!!!!!

--------------------------------------------------------------------------------
السلام عليكم ورحمة الله وبركاته
اخواتي انا بحكي لكم 3 ايام الي رحتها للتسجيل بناتي الثنتين وايش الاحداث الي صارت فيها وابغى ارائكم بكل صراااحه ويعلم الله اني مراح اكتب الا الشي الي صااار وشفته بعيوني,,,,,,,,,
السبت اتصلت على الروضه وردت علي وحده قلت لها ابي اسجل بناتي عندكم وش الاوراق المطلوبه قالت لي تعالي وتعرفين ,,,,
يوم الاحد رحت لهم ومعايه اثباتاتي وعطينها نصف المبلغ واتفقت معاها اعطيها الباقي اليوم الثاني وكمان اعطيهم حق التوصيل بالباص ...طبعا كنت جدا مبسوطه ...وكان في امهات متضايقين من الاسلووب ومن النظافه ومن الفوضى الي بالروضه وانا بيني وبين نفسي اقول ماعندهم سالفه لاني بالاساس جايه متأخره على الساعه 11 وماشفت شي
طبعا قالولي بكره الاثنين تجيبينهم انتي ونرجعهم بالباص قلت تم
الاثنين رحت من 7 والا الصدمه ..الامهات جالسين بالشموووس وزحمه والاداره حاطينها تحت الدرج والحريم بالاسياب والاطفال طالعين من الفصووول ورايحين جاييين وماحد عندهم وفوضى قلت ياشيخه لازم في البدايه وتسجيل ولخبطه
ا
لمهم عطيتها النصف الثاني وبكذا سددت حق سنه كامله للثنتين وياليتني ماسويتها
وكل شوي وحده تطردنا برا وتعامل زفت واخلاق ازفت وحاطين الامهات بغرفه وش صغرها برا بالحوش قاعدين عالارض وحر موووت والغرفه من صغرها ماكفت واغلبهم بالشموس وربي وحده ولدها نايم بحظنها والشمس فوقهم رحمت المسكين
وادور لي مكان مو لاقيه ومعايه وحده حامل وهي مسكينه ولدها بالدوور الثاني وكل شوي تروح تدوره يطلع من الفصل والمعلمه ولا كانها مو جوده وكان مع بنتي الصغيره بالفصل
المهم لمن مالقينا مكان كان جنب فصل بنتي غرفه صغيره مره جلسه ارضيه الظاهر حضانه فاضيه فجلسنا فيها وشوي وتجي وحده وتطردنا ونزلنا تحت يالشمس وعند الصرفه طبعا بالباصات بيروحون قلت وين باص بناتي قالت مافي اسمائهم قلت طيب ...!! امس قايلين لي بكره تروحين بالباص والحين تقولين مافي اسمائهم :mad:
وبالاخير رحت مع وحده وصلتني لبيتي الله يجزاها خير

الثلاثاء رحت من 7 وطلعت بنتي الكبيره مع الصغيره بالدور الثاني عشان تشوف فصل اختها وتعرف مكانها وتنتبه لها وانا نازله الاقي بنت بالسيب تبكي والدموووع وربي تخيلتها وحده من بناتي وه شي طبيعي بس بحنان الام جلست

عندها واسألها وين فصلك حبيبتي ماترد طيب وين ماما برضو ماترد وتبكي بحرقه شوي جت وحده من الامهات عندي ونحاول في البنت انتبهت معلمه لنا وطلعت من الفصل وتشد يدين البنت بقوه تبي ترفعها قلت لها بكل ادب وانا

مبتسمه البنت تبعك وتناظرني بنص عين وتروح ومبين عليها الغرووور ووجها متجهم وفيه غضب اعوذ بالله منها
طبعا نزلت بنتي فصلها ورحت ادووور مكان لان باقي اعطيهم حق التوصيل وكل ذا التعب لان الصراف مايسحب الا 5000 والميلغ كان كبير للبنتين فكل يوووم اودي مبلغ لين اكنملت كل الاوراق

كالعاده مافي مكان ,,,لا واليوووم مقفلين الغرفه الي بالحوش الي اساسا غرفة حارس لانها فله قلبوها روضه ووقفت استنى اعطيها حق التوصيل وشوي والا تصارخ باعلى صوتها للي بالسيب واقفين ايش هاذا مسوين زحمه وتشتكووون ماعاد نبغى الامهات واقفين روحوا اجلسوا برا قصدها بالشمس وجلست عالكرسي وقالت شعب مدري

كيف ((للمعلوميه هي غير سعوديه واغلب العاملات والمعلمات غير سعوديات))ومالكة الروضه غير سعوديه
طبعا هي بس قالت كذا وانا ميته قهر قلت مابدهاش,,,,,,,, واروح لها وارمي لها باقي الفلوس وقلت لها شوفي انا عندي انتقادات واتمنى تستقبلينها بصدر رحب قالتي لي قولي قلت بناتي كانوا بدار تحفيظ السنه الي فاتت وربي

جالسين بساحه وش كبرها وكراسي وبخووور والقهوه والحلى وبطاقات المعايده وبروجكتر والعاب ومسابقات اسبوع كامل نروح ونجي مع عيالنا ولاحد طردنا ,,,,,,,,,,,وانتو مستكثرين علينا وقفتنا بالسيب احنا مو امهات اذا ماقدرتونا اشلون بتقدروون عيالنا واحنا مو جايين نتونس جاين نكمل تسجيل وماعاد بتشوفونا مع ان يفترض نكون معاهم طوال هالاسبوع ,,,,,,,,,,,, غير الفوضى والاسلوووب والباص امس ورطتوني فيه ,,,,,,قالتلي طيب فيه غرفه برا قلت وينها الي براالصغيره الحريم واصلين للباب عالارض جالسين ومكيف مايبرد ونصهم تحت الشمس بالحوش
قالت والله ذا الي عندنا

قلت روحي شوفيها مسكره قالت مستحيل وتنادي ووحده وتقلها ايه مسكر قامت يعني زعلت طيب افتحوها قربت منها وقالت حاطين فيه اغراض يعني قلبوها مستودع خخخخخخخخخ
قالت كلامك على عيني وراسي المهم قمت قلت طيب وين ارووح اجلس
وهي متوهقه ماتدري وش تسوي رحت طلعت فوق بالغرفه الصغيره

الا الان الموضوع عادي الطامه الكبرى عند الباب بالصرفه موزعينهم طوابير للباصات وتجيك مالكة الروضه وحاطين جنب الباب رمل بحوض كبير قاموا الاطفال يلعبوا فيه وجلست تصارخ عليهم وربي شوي وتضربهم وتصارخ على وحده شيلي ولدك وسخوا الروضه بالرمل طيب حاطين رمل ليش ؟؟؟؟

المهم فيه ثنتين بيروحون باص قالت مافي وحده تروح ممنوع بصراخ واسلوووب جدا وقح
قالت ام بروح مع بنتي ماحد بالبيت والمفتاح معي قالت ماتروحين اهي ترووح وانتي اقعدي لين يوصلهم كلهم ويجيك ((نذاله))) شوي وتأشر بيدها وبكل غرووور وقلة ذووق تقولها يالله روحي بس فكينا وربي كانها تكلم شغالتها مو ام
وكانت في وحده ثانيه مسكينه تبي تروح الباص قامت قالت باعلى صوتها متااان وطول وعرض وتبوون تركبووون الباص تقصد الام وهي تترجاها تروح توصف السواق البيت بالضبط

انا صرت شوي وانفجر والله ماهان علي تهين حريم كباربالسن لا وامهات لا وجايين بفلوسهم وربي موقف جدا مؤثر :44:
اعتذر عن كثرة قرقرتي بس من الحره الي فيني
اترك لكم الحديث

بنات ابي ارفع عليهم شكوى اشلوون؟؟؟