روضه حكومية رفضت بنتي عشان انا مش موظفه حكومية >>ادخلوا

السلام عليكم

اتمتى احد يفهمني ويشرحلي ويقول فين المنطق

روحت يا اخواتي اسجل بنتي بروضه حكومية

يلي امس كانت مقفله الساعه 10 صباحا ويلي تبعد عن بيتي 5 دقائق


دخلت وانتظرت المديره تقريبا 20 دقيقه

سلمت عليها وقلت ابغى اسجل بنتي عمرها 5 سنين

قالت انتي مدرسة؟؟؟

قلت : لا

قالت : احنا بس نقبل اطفال مدرسات المنطقه

قلت لها : انا ساكنه جنبك و اول مرة اسمع بهالموضوع

قالت: هذا نظام جديد

قلت : هذي مدرسة حكومية وبنتي سعوديه وحقها تدرس يمدرسه حكومية يلي الدوله عملتها عشاننا

قالت : اصلا عندنا اكتفاء

قلت لها: طيب وين روضات حكوميه قريبه منك؟؟

قالت ما اعرف

قلت لها : معليش انتي عندك دليل لكل المدارس والروضات يلي بجده بأسماء مديراتها

قالت : .............. ما عندي

قلت لها : كيف ما عندك هذا اجباري يكون بكل مدرسه وانا صح اني صغيره ودوبي متخرجه من الجامعه بس الوالده مديره مدرسه وكانت مدرسه هنا والان هي بمدينه ثانيه فاعرف النظام وحقوق الطالب

هي: ((ساكته)) قالت ما اعرف ولا اقدر اساعدك


............انتهى


قولولي هذا ابسط حق انا كأم سعوديه وبنتي طفله سعوديه انها تدخل روضه حكوميه في منطقتها
وتجي وحده وتقولي انو انا مش موظفه حكومية فمالي اي حق انا او بنتي انها تدخل

عموما تكملت القصه فريت كم حي ولقيت كذا روضه اول سؤال يسألوني هو هل انا موظفه حكومية او لا؟؟

انو هااااااااااااااا؟؟؟؟ لو سمحتي فين المنطق يلي يقول لازم اكون موظفه عشان بنتي تدخل روضه



طبعا اتصلت ع ماما صارت تشد شعرها وقالت : ايشششششششششششششششش؟؟؟؟

وانا انقهرت وصرت ابكي انو انحرق قلبي ع حالي وبنتي

قالت اول مره اسمع وقالت لي حاولي الاسبوع الجاي واذا نفس الكلام اروح الوزارة


فهل في مدرسة رياض اطفال او مديرة واعيه تشرح لي ؟؟؟؟؟؟؟؟؟؟؟؟؟؟؟؟