روعتي البارح....

مدامها لعبت بالمفتاح معناته بيوم بتسويها بس تفاديا حق هالمشكله شيلي المفتاح وحطي بداله مزلاج للباب
والله يحفظها ويخليها لج

اه الحممدلله جات على كذا والله قلبي وجعني وانا أقرأ الحمدلله ربي سلمها مرة صارت لبنتي وقفلت عليها باب الحمام وعمرها ٣ سنوات وماعرفت تفتحه وحاولت اشرح لها ايش تسوي مسكينة تبكي شوي وتركز معاي شوي وريتها يدي من تحت الباب عشان تتطمن وتلمس يدي وقلت لها حاولي تتطلعي المفتاح وتحطيه في يدي بس كانت باينة طرف يدي وبالفعل حطت المفتاح في يدي قدرت اسحب المفتاح وافتحه من برا بصراحة كانت اقل من ربع ساعة بس والله مرت علي كانها أيام

حمدلله ربي فكها وفكك....


ولدي قفل ع نفسه الغرفه...وجو الطواري واكسرو الباب وافتحوه ...
وبعدها بيومين ... قفل باب المطبخ عليه وعلى اخته الصغيره ... يويلي بغيت انجن ...اسمعه يلعب بكبت المطبخ خفت حيل ع بنتي الصغيره ...خفت من السكاكين ومن النار ومن الغاز ومن كل شي
اتصلنا ع الطواري ...وجو ..كسرو الباب بعد 😞...
شوي الا تلفون يتصل علي ... قلت نعم ..قال معاك المخفر ...بغيت اسويها ع نفسي ...خير شنو فيه ...قال انتي قبل يومين بلغتي ع طفل مقفل ..واليوم تكرر البلاغ ...والحين لازم نحقق معك انتي ع الاهمال ...


استغفر الله قفلت بوجهه ضليت ارجف ...وجاء زوجي ورد عليه المره الثانيه ويلا يلا تفاهم معه ... والحين البيبان عندي ..بابين مكسورات ... وبابين بدون مفاتيح ... يارب تحفظنا ...يارب...

اهلين وسهلين
والحمدالله على سلامة بنوتك وسلامة قلبك
شعووور متعب
بس الحمدالله
جت سليمه
وياكثر المواقف الي صارت معي
اول مولود كان مدلعه ابوه الله يرحمه
المهم كان يبغى شي
ولا جبناه له بالحال
قال مو اليوم وطلع الا الولد قفل الغرفه ونام
طقينا الين ملينا تصدقين انهبلنا مايرد
جاب حديده وكسر الباب وهو ولا فكر يرد ومسوي نفسه نايم الله يحفظه يارب
المهم ان قلوبنا واجسامنا وصياح حصل كل شي يخوف وعدت على خير
والله يرحمه ويهدي عيالنا ويصلحهم ياحي وياقيوم
\\\\\\\\\\\\\\\\\\\
وعيال اختي سكرو عليهم الباب
ودقت اختي على الدفاع المدني وفكولها الباب
==================
واخوي قفل على نفسه دورت المياه وهو بوسط الدوره تكرمين
ويوم جاء يفتح الباب صار خربان يلف معك عرفتي
يقول ماكان في البيت احد وعيالي عند اهلهم
المهم قال شكلي ابجلس الين الليل
يقول يوم لاينسى من الرعب والخوف وانكتمت وانا جالس
ماقدرت اسوي شي
كل المحاولات باءت بالفشل
وسبحان الله فكرت بحركه كان فيه مقص اظافر با الصيدليه الي بالحمام واحاول واحاول والحمدالله فرجت

صادقه
وحتى المزلاج يكون رفيع الله يحفظهم