روكوتان..الحل لحب الشباب واثاره,,

اختى عين الامل انا كمان الدكتور نصحنى به ولكنى لم اخذه لانى متزوجة ولكن اعرف واحدة اخذته من سنتين كان وجهها خريطة والحبوب كبيرة اما الان ما شاء الله وجهها زى الاطفال ولا حبة والبشرة مشدودة وزى الفل :26:

ياجماعة..
معقول مافي أحد ثاني جربه..
او سمع عنه..
او يعرف أحد..
أو
أو
أو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:06:

انا حاليا استخدمه

و حاسه بتقدم كبييييير جدا مع انه ما كانت حالتي شديده

و الأعراض الجانبيه اللي قلتي عنها ما صارلي منها شئ

انا استخدمته من خمس سنوات وهو علاج فعال بس بدايه العلاج الحبوب تزيد عندك بعدين خلاص تروح والجفاف في العين والانف وبشره الجسم كلها هو العيب الوحيد اللي واجهته ......

الحين رجعت لي الحبوب مره ثانيه بس بشكل اقل كثيييييييييييييييييييييييييييييييييييييييييييير من اول ورجعت اخذ كورس ثاني ... وخلصته الحين والحمد لله كل شئ تمام والاعراض اللي كاتبينها كلها مبالغ فيها اللي هي الهلوسه والانتحار !!!

والحمد لله على كل حال .

سلام عليكم

بنات انا اختي استخدمته لفتره مب قصيره وصح كان شي تحسن كبير وملحوظ
بس يوم سافرت تكمل دراسه سارت عند استشاري اهناك وقالها هالدوا وايد خطر وكلكم طبعا تعرفون هالشي واكيد الدكتور قبل ما يكتبلج او يكتبه لاي وحده يسألها اذا هي متزوجه ولا لا ويقولها بعض السلبيات اللي فيه

بس اللي ما يقولونه مدى الخطوره اللي تترتب عليه في المستقبل وانه تاثيره بعيد المدى حتى لو وقفتيه
الدكتور قالها الاستخدام اكثر عن 4 شهور مضر جدا جدا

وانا عن نفسي قبل ما تقولي هيه السالفه كنت سايره عياده في الشارقه عند الدكتور علي السويني اذا حد يعرفه هو اختصاصي ممتاز الصراحه

انا قلتله اني ابا استخدمه قالي ما انصحج وقالي هو ممكن اكتبلج اياه واخليج تستخدمينه وبتحسين بفرق بس انا ما انصحج لانه هالدوا بين فتره وثانيه يكتشفون له مضاعفات جانبيه اكثر من اللي معروفه عنه

وانا اعرف وحده بعد استخدمته كانت مخطوبه والمفروض توقفه قبل العرس اب 6 اشهر اقل مده وتوقع على تعهد انها ما تتزوج خلال فتره العلاج بس هيه ما كانوا قايليلها هالشي وقبل العرس بشهرين وقفته لانه الدكتوره قالتلها وقفيه قبل شهرين بس

ووايد تأخرت في الحمل اكثر عن سنتين
على فكره مب كل الدكاتره يقولون هالمعلومات والله انا يوم الدكتور قالي ما انصحج فيه ما خليت حد ما سألته لين تأكدت انه له وايد مضاعفات جانبيه

انا ما اقولج هالكلام عسان احبطج او شي انا قلت المعلومات اللي اعرفها

وانتي برايج اذا بتسخدمينه ولا لا
بس نصيحه اذا في اي علاج ثاني لو كان مفعوله بطيئ استخدميه على الاقل تكونين مرتاحه نفسيا من اللس تستخدمينه

all the best