السلام وعليكم خواتي الطيبات..
عندي لكم طريقة تجنن بالباذنجان حبيب الكل..
والأهم انها لذيذة بشكل أمممممممم..
وهي رولات الباذنجان باللحم المفروم والزبادي..
المقادير:
( 1) باذنجان مقطع شرايح دائرية ومقلية..
(2) نص كيلو لحم مفروم مسبك مع بصل مفروم ناعم وثوم مدقوق وحبة طماطم مفرومة ناعم وقليل من الكزبرة المفرومة وملعقتين صلصة طماطم وملح وفلفل أسود وقرفة..
(3) الوجه: 3 - 4 علب زبادي ( روب ) على حسب الصينية + ملعقتين طحينة سائلة + ملعقة نشا + عصير نص ليمونة + فص ثوم + ملح ان احتاج..
(4) للتزيين: صنوبر محمر + قليل من البقدونس المفروم..
الطريقة:
1- نحضر شرايح الباذنجان ونضع شوية من خلطة اللحم بالنص بشكل طولي ونسكر الطرفين على بعض يعني نسوي رول.. ونصفهم بالصينية اللي بيتقدم فيها.. بشرط يكون مكان التسكير على تحت..
2- عند الانتهاء من صفهم بالصينية نعمل خليط الوجه ونصبه فوق الرولات بحيث يغطيهم تماما.. ثم نرشهم بالصنوبر والبقدونس المفروم..
3- نفتح الفرن من تحت وفوق مرة وحدة بس بعد دقايق نسكر اللي تحت ونترك اللي فوق لحد ماتتماسك الخلطة شوي.. ماتاخذ وقت كثير..
نطلعها ونقدمها.. أحبها هالصينية فعلا لذيذة وايد.. ممكن تتاكل مع الخبز وممكن مع الرز كوجبة أساسية عالغدا..
أخليكم مع الصور بالمرفقات بس ترى بالطبيعة أحلى بوايد..
..
وألف صحة وهنا على قلبكم.. جربوها وادعولي..
•
( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..*المسافرة*..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.
•
.. دعواتي لك ..