شقيه بس رومنسيه @shkyh_bs_romnsyh
عضوة فعالة
رول الدجاج الشهي
اسعد الله اوقاتكم
وصفتي لكم اليوم عباره عن رول دجاج
والصور اللي عندي مارح تكون بالخطوات لان الوصفه سويتها بفتره ماكنت افكر انزلها بالمنتدى
باكتبلكم الخطوات والمقادير واوريكم نتيجة الوصفه
واي استفسار تفضلو
نجي لرول الدجاج
ناخذ دجاجه كامله ونخليها من العظم فقط
(العظم فقط)
وحاولو انكم ماتفتتو الدجاج او الجلد اثناء الخلي
وفيه بقوقل صور كثير توضح كيفية الخلي
بعد ماتخلوها جهزو المنقوع حقها
عباره عن حبه بصله مبشوره او عصير البصل بس الطازج افضل
وفص او اثنين ثوم
وبهارات
انا احط كاري وكمون وفلفل اسود
وزنجبيل وعليه زبادي وملح وشوي خل مايقارب ملعقتين واذا الدجاجه صغيره ملعقه وحده وكمان شوي ليمون
غسلي الدجاج ونظفيه وعلى مهلك لايتقطع الدجاج وحطيه بالتتبيله عشان يتنقع
حطيه بالثلاجه ليله واذا كنتي مستعجله خليه اربع ساعات اقل شي
بس كل مازادت الساعات كان الطعم افضل
واذا غيرتي رايك معد بتطبخيها ف خليها تتبل كويس وشيليها واحكميها بكيس حفظ وحطيها بالفريزر لوقت ثاني
وانا اسوي مرات كذا ولما نطلع برا للشوي اخذها واشويها😋
يصير طعمها زي مطاعم العجمي اللي بجده اذا تعرفو الدجاج حقهم
المهم
تبغين تطبخيها تعاااالي اقولك كيف
خذي حبه جزر او احبتين صغار وابشريهم وقطعي فلفل رومي مكعبات صغار واسلقي شوي ذره او اي خضار تبغيها او احتى بيض عادي
خذي الخضار وملحيها وحطي وبهريها كمون وفلفل وشوي قرفه مطحونه
الحين افرشي قصدير وحطي الدجاج عليها
يكون جلد الدجاج على القصدير والدجاجه بلحمها يكون على ناظريك
وحطي الحشوه على طرف الدجاج العلوي
واللحم اللي يجي زاير من صدر الدجاج حطيه بالجزء الفاضي من الدجاجه اللي هو بين الصدر والفخذ
وابدأي بلف الرول
لفيه نفس طريقة الكيك الرول
واذا لفيتيه شدي عليه عشان لايتفكك
حطيه بطرف القصدير ولفي القصدير كمان على الدجاج رول
زي لما تغلفين ساندوتش
واحكمي الاغلاق لايخرج الهواء
حطيها بالصينيه وحطي فيالصينيه فنجان مويه عشان مع الحراره بتنشف الصينيه وتطلع وثانيا اذا قطرت زيوت من القصدير يكون قدامها مويه لاتحترق وتطلع ريحه
دخليها الفرن وشغلي عليه النار من فوق واسفل ووطي الاثنين وخليهم ساعه بعد الساعه افتحي عليها ورجعيها تتحمر بس
اذا تحمرت خليها تبرد وقطعيها شرايح
تلذذي فيها مع رز ابيض او خذيها كعشاء مع الخبز والغموس
واللي عايلتها من شخصين وتشوف ان حبه كثيره عليها
تاخذ دجاج مقاس 800 وتسوي
انا استخدم مقاس 1100
7
2K
يلزم عليك تسجيل الدخول أولًا لكتابة تعليق.
أجواآآن88 :ما شاء الله تسلم يدك بسألك ينفع استخدم صدور بس ؟؟ما شاء الله تسلم يدك بسألك ينفع استخدم صدور بس ؟؟
بكل تاكيد ينفع بس وقت التحمير مارح تتحمر كويس الصدور بتصير قاسيه لان ماعليها جلد
والافضل انك تجهزيها وتدخليها الفرن نص ساعه وطلعيها وشوحيها بصاج تاخذ لون ذهبي
والافضل انك تجهزيها وتدخليها الفرن نص ساعه وطلعيها وشوحيها بصاج تاخذ لون ذهبي
الصفحة الأخيرة
مبينة ست بيت وشيف شاطرة وشغلك نظيف
يعطيكي العافية
والله يسلم هالإيدين ويحرمهم من النار
ويخليكي لأولادك