رول الدجاج المحشي مع صلصة الطماطم والكاجو بالخطوات المصورة

صباح الخير يا فنانات عالم حواء...


امبارح إجازة وما في شغل قلت خليني أطبخ طبخة غير عن الطبخات اللي بعملها باقي الأسبوع (طبخات الطوارىء) :42:

دخلت المطبخ وشمرت عن ايداي وبديت....


أولاُ: مقادير رول الدجاج + الحشوة

- 6 أفخاد دجاج مخلية من العظم ومفتوحة ومنظفة
- 100 غرام جوز (عين الجمل)
- حزمة بقدونس مفروم ناعم
- 5 فصوص ثوم مقطع
- ملعقة زيت زيتون
- ملح، بهار مشكل، بهار دجاج، كاري (تتبل فيها أفخاد الدجاج)


تخلط مقادير الحشوة اللي هي البقدونس والجوز والثوم وزيت الزيتون وملح وبهار مشكل







الآن بنجيب أفخاد الجاج وحدة وحدة وبنفردها وبنحط فيها مقدار من الحشوة وبنلفها بشكل رول وبنسكرها بعديان وهيك لحد ما نخلص كل الحبات.. بعدها بنحطها في صينية مدهونة بشوية زيت





بعدها بندخلها الفرن على حرارة متوسطة علشان تستوي.


هلا بنيجي للرز - المقادير:


- 2 كوب أرز منقوع بماء ساخن لمدة نصف ساعة
- 500 غرام لحمة مفرومة ناعم
- 4 فصوص ثوم مدقوق ناعم
- ملعقة زيت
- 3 كوب ماء ساخن
- ملح، فلفل أسود، بهار مشكل، جوزة الطيب، قرفة


هلا، بنحط الزيت على النار وبنضيف الثوم وبنقلبة شوية لحد ما يبدأ بتحمر




بعدها بنضيف اللحمة والبهارات وبنخليها تستوي



بعد ما تستوي اللحمة بنضيف الأرز والماء وبنشوف إذا بحاجة لكمان شوية ملح أو بهارات، وبنخلي على نار هادية لحد ما يستوي الرز




الآن بنيجي لمقادير الصلصة:

- 5 فصوص ثون مقطعة
- راس بصل كبير مقطع جوانح
- علبة مشروم
- 4 حبات كبار بندورة (طماطم)
- حوالي ملعقتين كبار رب البندورة
- ماء
- ملح، بهار مشكل، أورجانو
- ملعقتين زيت
- 100 غرام كاجو


بنحط الزيت في طنجرة على النار وبنضيف البصل والثوم وبنقليهم شوي لحد ما يبدأ البصل يذبل



بعدين بنضيف المشروم وبنقلبهم شوي على النار