صبحكم ومساكم الله بالرضى والسرور
وشلونكم اخواتي عساكم طيبات الله يديم علينا وعليكم العفو والعافيه آآآمين
احب دائما في اطباقي انزل الصوره النهائيه في اول الموضوع عشان الكل يتحمس ويتشجع انه يطبقه
راح اوضح ان الطبق سهل جدا لكن محتاج شوية وقت
اول شي مقاديرنا :صدور دجاج حسب عدد افراد الاسره او الحاجه -اي نوع خضار انا اخترت كوسى
بصل مفروم-كزبره مفرومه ممكن بقدونس او شبث-ملح وفلفل اسود
صوص عباره عن قليل كاتشب -ليمون او خل-صوص روشيستر-صوص صويا
او ممكن تضفين اي صوص انت تفضلين مو مشكله
راح اوضح الطريقه بالصور عشان تكون مفهومه اكثر
صوره 1:نفتح صدر الدجاج حتى نصل الجهة الثانيه ونخليه ما نقطعه ويكون شكله مثل الكتاب المفتوح
ندقه بالمدق الخاص ونضيف على احد اطرافه الحشوه مثل الصوره
صوره2: نلفها مثل الرول ونخليها على جنب حتى ننتهي من المقدار كله
صوره3: ناخذ النالون الخاص بلف الطعام ونحط الدجاج بداخله ونلفه عليه باحكام >>لاتخافون ماراح ينقطع
صوره4: ونلفه بشكل قوي جدا امسكي الطرفين وابرمي كانك تلعبين حبله راح يكون معك
مثل شكل النقانق كبير محبوك
صوره5: ناخذ قصدير ونقصه على احجام الرول ونلفها مثل الصوره ونحكم اغلاقها تمام
صوره6:نحطها داخل قدر على النار بداخله ماء مغلي نتركها حوالي 20-30 دقيقه
صورة7:نفك اللفات ونحط الدجاج في مقلاه او طاسه بها زبده ونحمرها
صورة8:نحضر صلصه بيضاء او باشميل ثقيل ويكون كالاتي
نضع زبده او زيت ونقلب الصنوبر حتى يتحمر نضيف الدقيق ونقلب قليلا ثم نضيف
حليب او كريمه خفق ثم بعد الانتهاء نضيف قليل كزبره مفرومه
عند التقديم نقطع الدجاج بعرض اصبع واحد ونحطها على الصوص وممكن تقدمين معها رز وسلطه او اي شي تفضلين
وصحه وعافيه على قلوب الجميع
ملاحظه مهمه :ضروري يكون ثقيل جدا مثل الصوره الاولى
في الختام اتمنى من كل قلبي انه يعجبكم وعاد ابي اشوف ردود تونس وتوسع الصدر مثل ما تعودت
شكله وااااااااااو ويجنن الله يعطيكي الف عافية
وسلمت ايدينك حبيبتي