أختي jasmean

لا تسوينها أنا قاعده أحارب عشان عيالي ماينحرمون من أبوهم ويرميهم علي

ويروح ينشغل مع حريمه

ترى ماقدر على تربيتهم بروحي الزمن صعب وأخاف عليهم يستقوون علي

ومابقدر ألف وراهم من شارع لشارع يوم يكبرون أنا هاذا إلي مخليني أعارض

زواجه والا هو درب يسد مايرد ..

أختي من علمك تجرح

من هالناحيه لا تخافين لا بغار ولا بتاخذ شي لأنه ماعنده شي اصلا يتاخذ

قاعد يدور حريم راهيات عشان يصرفون عليه مب عشان ياخذون منه

وهذا شرطه يوم يدور حرمه يقول إنتي عليج كل شي وأنا بس ........ مشرف خخخخخ

الله يخسه فشلني

نقشة حب

والله محد فاهمني أنا هذا رايي لكن الكل يقول أصبري وأخاف

اسوي شي يقوم الكل يلومني وأولهم أولادي رغم إنهم الحين يقولون بابا ليش مايقعد معانا

قلت على الأقل يوم اتطلق يشوفهم في الأسبوع يوم كامل ويصرف عليهم غصبا عنه

لكن لو قعدت معاه لا بيشوفونه ولا بيصرف عليهم عدل ..قاعد يلعب بفلوسه وعايش

على الديون..

الأخ الكريم عبد السلام صالح

الأخت السيده ملعقه ماخلت شي أقوله

بس أبا أقولك إنه مابيني وبينه مشكله إلا هذا الشي

يقول إنتي مب مقصره معاي في شي بس أنا أبا أغير

والدليل إنه كل يوم يخطب ويترك يكلمهم ويمل منهم ويروح لغيرهم لأنه ماله هدف من الزواج..

أختي أموت في هالمنتدى

مقصر ومقصر بعد

وماله نيه يعدل وهذا شي تأكدت منه بأم عيني محد قال لي ...

وماأريد أقول شو سوى عشان تصدقين لأني مابخلص ...

أشكر الجميع على الردود الطيبه ولاتنسوني من الدعاء