رياضة روزماري كونلي

بنات ان شفتكم تحطون مواضيع ودايما تسألون عن سيدي davina

فبغيت أقول لكم عن اللسيدي اللي عندي لوحدة إسمها روزماري كونلي rosemary conley

أمي جابته لي من أربع سنين بس كنت معاندة ما أبي أسوي عليه

بس ألحين لما قررت أبدأ رجيم بدأت أسوي رياضة مع السيدي ، في جزء منه إسمه رياضة حرق الدهون من جد من جد يتعب

هو أول شي فيه إحماء ل8 دقائق بعدين حرق الدهون ل 18 دقيقة بعدين رياضة الأفخاذ والحوض ل 10 دقايق و بعدين البطن 10 دقايق وبعدين استرخاء أو تمطيط هههههه ل 5 دقائق .. وفيه جزء في النهاية تمارين رياضية لتقوية القلب

بس بحثت في الانترنت عشان أعرف إيش أحسن رياضة ( دافينا أو روزماري أو غيرهم )

بس ما عرفت بس إللي لقيته إنه رياضة روزماري تحرق 500 سعرة حرارية ( يعني كمية هائلة من السعرات )

يعني لو الوحدة كانت تتبع رجيم فيه 1000 سعرة تصير كأنها ماكلة 500 بس

واكتشفت إن لهذه " الشخصة " هههههه كثير أشياء وكتب في الرياضة و الرجيمات و طبخات الرجيم

وفي لها رجيم مشهور وهو يعتمد على أخذ 900 سعرة في اليوم ( الفطور 200 الغذاء 300 والعشاء 400 )





ألحين بعد أبي أقول لكم عن كتشافي لأحسن رياضة في العاااااااااااااااااااااااااااااالم


( بعد البحث ) اكتشفت إن إذا الواحد ينط ( يقفز ) فإنه يحرق بين 11 إلى 20 سعرة في الدقيقة على حسب السرعة
يعني تخيلوا لو نطيتوا حبل أو حتى بدون لمدة نص ساعة راح تحرقون 600 سعرة حرارية


ومعلومة ثانية بعد إن إحنا نحتاج نحرق 7700 سعرة حرارية لكل كيلو ننقصه
( مرة من قبل كاتبت إن 3500 بس طلع انه هذا الرقم يحرق باوند واحد مو كيلو ، فأبي أصحح المعلومة)



سوري بنات أحس الموضوع مش ولا بد وولا ينفهم يعني بس بحطه يمكن أحد يستفيد منه


:7_5_127::7_5_127::7_5_127::7_5_122::7_5_122::7_5_122::7_5_122::7_5_131::7_5_131::7_5_131::7_5_131:


يالله بلا كسل قوموا نطوا
ما راح تنحفون بسرعة وينشد جسمكم إلا بالرياضة


إي صح اتذكرت بعد ان إذا سويتوا رجيم قاسي وبدون رياضة الرجيم ماراح يكسر الدهون بس .. راح يكسر معاها العضلات بس الانسان كلما كان عنده عضلات أكثر كلما كان جسمه يحرق أكثر عشان جذي الوزن يرجع بسرعة بعد الرجيم (لأنه قلت العضلات اللي فيه .. فكمية الحرق اثناء الراحة أو الحركة تكون أقل )

واللي خايفة يطلع لها عضلات ترى البنات ما عندهم الهرمونات اللازمة لتنفيخ العضلات فما راح تطلع العضلات الا بصعوبة ولو صار عندها عضلات فإن العضلات تتكسر بسرعة .. ممكن الواحد يخسر 20 سم من عضلات الفخذ مثلا خلال اسبوعين من عدم تحريك العضلة


إي صح بعد معلومة .. الجسم أول ما يقعد من النوم يكون خامل ويحرق كمية قليييييييييييييييييييييييييييلة من السعرات الحرارية ( يعني أٌقل شي يقدر عليه ) .. لأنهه يفكر إنه للحين نايم
عشان جذي مهم الانسان يفطر من الصبح وقبل لا يبدأ يومه عشان يحفز عمليات الحرق خلال اليوم
أنا أقول جذي لأني شفت كثير بنات ما يفطروا ويفكروا إنهم راح ينحفوا .. ولأني كنت أسوي نفس الشي من قبل لأني بعد ما أقعد من النوم عادي أستمر بدون أكل حتى لو طول اليوم بس من أبدأ آكل خلاص أصير ما أبي أوقف أكل




ما أدري أحس إني خلطت الحابل بالنابل بس اول مرة أحط موضوع في المنتدى وكنت أبي أفيدكم

ترى هاذي خبرة 10 سنين من القراءة والسمنة فلا تستهينو فيها ههههههههههه