المشرفات الغاليات الرجاء عدم اغلاق أونقل الموضوع لو سمحتوا
بسم الله الرحمن الرحيم
السلام عليكم ورحمة الله وبركاته
أنا عندي طفلين بنت عمرها 4سنوات ونصف وولد عمره سنتين وثمانيه شهور
أبي اسجل الولد برياض الأطفال والبنت بالتمهيدي
لفيت على مجموعه من المدارس وشفت روضاتهم بس مالقيت شيء اقتنع فيه خاصة انهم يطلبون مبالغ من 15 ألف وفوق
الزبده من ضمن المدارس اللي زرتها روضة مدارس الرواد ولقيت عندهم طريقتين في التدريس
الأولى بيسموها العام :: في الفصل من 18 إلى 22 طفل،، كلهم بنفس العمر ،،معهم معلمه وحده بتدرسهم عربي ،، فصولهم حلوه ماعليها،، دورات المياه الله يكرمكم في نفس الفصل،، وفي دادة توديهم للحمام الله يكرمكم ،، فيها باصات ومع السائق مشرفه بالباص
رسوم هالقسم 10 آلاف ريال ومافي رسوم تسجيل
القسم الثاني المنتسوري:: الفصل حجمه أكبر من الفصل العام ،، بالفصل تقريباً 20 طالب،، من عمر سنتين وتسعه شهور إلى عمر 6 سنوات((ماعجبني هالشي أبد))،، معهم معلمتين ،، وحده تتكلم عربي والثانيه تتكلم انقليزي،، برضو الحمام أكرمكم الله بالفصل وفي داداه تودي الأطفال الحمام،، ومدة التدريس الفعليه ثلاث ساعات،، وبيتعلم كل طفل لحاله ممكن ياخذ دقيقتين ممكن 10 دقايق،، لأن كل طفل بيتعلم حسب قدراته ،،
رسوم هالقسم 15 ألف ومافي رسوم تسجيل
سؤالي اللي درسوا أولادهم بهالروضه بأي من القسمين أبي رأيكم أو انطباعاتكم عن الروضه لأني يوم رحت هبلوا فيني دعايه ومميزات وعروض وأنا واثقه ان مو كل شيء يعدون فيه ينفذونه لذلك اللي درسوا أولادهم بهالروضه أرجوكم اكتبوا تجاربكم
بعد اللي يعرفون رياض أطفال بشمال الرياض ممتازه أكتبوا تجاربكم بليييييييييييييييييييييز
شكري الجزيل مقدما لكل من ترد على موضوعي
سعاد1400 @saaad1400
محررة برونزية
هذا الموضوع مغلق.
أم يزوونه 123
•
اب لعيونك
الصفحة الأخيرة