:32::32::32:
طبعا العنوان واضح جدا وما يبغالو كلام
قبل ما اقولكم الرجيم بقولكم حالتي وااااااااه من حالتي
شوفو يا طويلات العمر انا طول عمري دايت بس ما بقول غير من سنه ونص
كنت ناحفه مره وانخطبت وابتدا العشا برا والاكل تالي الليل فابتديت انتفخ
وبعد ما تزوجت زوجي يحب اكل برا وانا اسمن من اشم ريحتو مو اكلو!!!!
الموهم سمنت كثير في السنه والنص اللي طافو اكثر من 20 كيلو وابتدت معاناتي تاخذ مناحي كثيره (حلوه مناحي )
1- انا جسمي متناسق يعني لي خصر ولا لي بطن وصدري كبير ولي ارداف يعني لما اسمن اقدر البس مو نشاز بالعكس بس انتفخت صار لي بطن وجوانبي صارو بني ادم ثاني لاصق فيني وصدري ما عاد ستيان تتحملو !!
2- نيجي للناحيه الصحيه بعد ما كنت شعلت نشاط وبيتي زي الفل وشغلي اخر تمام صار بيتي مبهدل ما لي خلق اسوي شي اجي من الشغل مكسله حتى طبيخ ما لي مزاج اطبخ
ايضا صارت رجولي تتنفخ بشكل مو طبيعي من عند الاقدام والطب ما لقيلها حل طبعا انا عارفه انو من ثقل الجسم
ايضا الشعر يتساقط والحبوب ابتدت تطلع مو كثيره بس ابتدت حبه كل شهر تنور وجي اما ثنتين
بطلت الاقي لبس وزاد مقاسي ولبس جهازي ما لبست منو غير لبستين واختكم تحب اللبس وجايبه لبس يكفي عشيره مكوم في الدولاب يغني ياليل ما اطولك
:mad:
من نص سنه وقفت مع نفسي وقلت خلااااااااااااااااص صحيح ان الموضوع مو مؤثر على الحمل بكلام الاطباء بس تخيلت نفسي وانا حامل كيف بصير يمكن يبغالي فوركلفت ينزلني من البيت!!!
وابتديت من جديد يوم اوقف ويوم ابدا التزم اسبوع وافرط اسبوع النتيجه اني ما سمنت اكثر ولا نحفت بعد بس صحتي تأثرت ن الحرمان
جبت حبوب بانتوجار وااااااااااااااه انتفخت في شهر ونص مع اني كنت احافظ على اكلي وابتديت اخفف من فتره ونحفت شوي بس مو كثير بس ها فرحت ابتدينا
المهم كل ما اتعب يجي ورم رجولي يرجع ثاني غير حرقة المعده من قلة الاكل والقولون اللي يصيح ظلموه!!!
من اسبوع ونص تذكرت رجيم التمر واللبن قلت حلو ينحف ولبن اكتيفيا يظبط القولون وشوفو ايش صار
صرت خفيفة الحركه جدا من اول يومين اي نعم عانيت اول يومين من الجوع لكن الحين ما اجوع ابدا
شعري في ظرف اسبوع صار احسن
رجولي ما انتفخت نهائي برغم حركتي الكثيره هذي الفتره
المعده ما اشتكت بالعكس مرتاحه دايما
القولون نايم وساكت وما في اي الام!!
خدودي مع اني عندي فقر دم ومع كل رجيم يصير وجهي اصفر على بني لا هالمره صارت خدودي حمرا واحس شفايفي حمر !!
المحصله ان كلني اتحسنت لا ونحفت كثير في 10 ايام انا ما اوزن لكن عبايتي اختلف شكلها علي بنطلوني ابتدا يسحل يعني وانا طالعه الدرج لازم امسكه لا يطيح كل هذا في 10 ايام فقط!!!
بنات ترا مو كل رجيم ينفع ولا كل رجيم يضر رجيم التمر واللبن هو رجيم نبوي متكامل العناصر ما عدا البروتين فممكن تمشي عليه فتره وبعدين ترجعي تاكلي بروتين وبعدين ترجعيلو وهكذا يعني يضر على الفترات الطويله فقط
بس انا غيرت في الرجيم شوي لاني ما احب التمر واجد وعلى حسب ظروفي واموت في النسكافيه
الرجيم المتبع كالتالي
الصباح نسكافيه 3في 1 هذا لو كنت في المكتب لو كنت في البيت اعمل نسكافيه واخلي شوية حليب خالي الدسم مع نص ملعقة سكر علشان تعطيني نشاط
الغدا 5 تمرات مع كاس لبن اكتيفيا قليل الدسم
العشا بدري اول ما اروح من الشغل على الساعه 6 الى 8 تقريبا اخذ لبن اكتيفيا قليل الدسم كاس مع 5 تمرات
بالليل على 11 اكون جعت مره وابتديت الف بالبيت اشربلي كوب اناناس مع حبة كيوي بالخلاط يسد النفس وينحف وبس
اول 3 ايام كنت اشتاق لاي شي مالح فكنت اجيب شريحة جبن واحده احطها في لقمة خبز لقمه واحده خبز بر لدرجة اني كنت اطوي الجبن اربع علشان تيجي على قدر الخبزه بعدين بطلت اشتهي الموالح
التخبيص الممكن اني اذوق طبخه اكل منها ملعقه لاني انا اللي طابخه فاكلي ملعقه وان كثر اثنين بس مو رز وما في دسم اساسا
هذا كان نظامي بستمر عليه شهر وبقولكم كم الوزن النازل بالتحديد اخر الشهر
ادعولي بنات انحف لاني جد متضايقه مره من روحي
ويا رب كل من ترد علي ربنا ينحفها من غير شر ويرزقها بالزوج الصالح والخلفه الباره
تحياتي للجميع واسفه على زود الهذره :35:
نسيت اقولكم اني اشرب بابونج بالليل مع شاي اخضر بالنعناع مو بعد الاكل لا بالليل يعني 10 تقريبا مو علشان انحف لا بس انا ادمنت هذا المشروب لان البابونج ممتاز للقولون وانا ما احبو لوحدو فاخلي معاه شاي اخضر بالنعناع
ثاني واهم شي اهم اهم اهم شي هو الماء
عندي كوب كبير سعة نصف لتر اول ما اصحا من النوم اشرب واحد كامل واول ما ادخل المكتب في الصباح اشرب كوبين ماي يعني نص لتر تقريبا وطول الدوام كاس ماي رايح وكاس ماي جاي واول ما ادخل البيت اشرب كوبي الكبير كامل مو بارد علشان اقدر اكملو للاخر والعصر قبلل ما انام اشرب كمان كوب واول ما اصحى اشرب كوب وبالليل لما ارجع من دوامي بالليل اشرب كوب وطول الليل اعبي كوبي واشربه كامل
يعني امكن اشربلي في اليوم 5 او 6 لتر كامله مو بس 8 اكواب يعني 2 لتر لا اشرب قد ما اقدر كل ما اجوع اسكت بطني بكوب ماي صحيح ادخل الحمام كثير بس الصراحه الجسم خفه وحركه روعه والبشره ولا احلى
اما عن النزول فيمكن من 3 الى 5 كيلو او اكثر ما ادري وما بوزن قبل شهر وبقولكم على النتيجه بس المهم ان مقاسي نازل وعبايتي اللي كنت ببدلها لانها صارت ضيقه وملفته صارت الحين واسعه
واي استفسار انا حاظره وتحت الامر
دودو الاموره @dodo_alamorh
محررة ذهبية
يلزم عليك تسجيل الدخول أولًا لكتابة تعليق.
فعلا كثييير اسمع مدح لرجيم التمر واللبن
بس اتوقع اهم سبب لجمال بشرتك هو المويه
لانها تعطي رويان للبشره واشراقة خطييرره
الله يتمم عزيمتك وتوصلي لاحسن مما نتمني
بس اتوقع اهم سبب لجمال بشرتك هو المويه
لانها تعطي رويان للبشره واشراقة خطييرره
الله يتمم عزيمتك وتوصلي لاحسن مما نتمني
الصفحة الأخيرة
يالله ياكريم تنحفي وانا وياك
بس ماقلتي كم نزلتي ..................