ريجيمى المجنون من 20-30 كجم فى الشهر...

صباح الخير على بنوتات ومدامات المنتدى ازيكم يا حلوين ايه اخبار الريجيمات والسعرات والحلويات والحاجات والمحتاجات
انهاردة إن شاء الله أنوى أبدأ ريجيم جديد مشيت عليه كام يوم وجاب نتيجه مذهله فحبيت أعرضه واللى يحب يبدأ معايا ينورنى وأدينا نشجع بعض
الفكرة أنى للأسف مش بحب من الفاكهة غير المانجو :06: ودى مش نافعة طبعاً وبذلك مش بتاسبنى معظم الريجيمات المعتمدة على الفاكهة والمشكله التانية أنى مش أقدر أعدى الصبح من غير كوباية النسكافية وبذلك ابتدعت الريجيم ده وجربته 3 أيام الأسبوع اللى فات ووزنى نزل فيه 2.5 كجم والحمد لله فقلت طيب وليه مش أعمله فترة طويلة وأقوله لحبوباتى هنا فى حواء ونبتدى سوا
طولت عليكم هقولكم الريجيم بقى
مدته شهر مقسم ل 3 مجموعات
العشر أيام الأولى
الإفطار كوب نسكافية ( بدون سكر أو سكر دايت)
الغذاء 1 أو 2 بيضة مسلوقة + 1 كوب نسكافيه ( لو كلتى بيضه واحدة ممكن تاخدى ماج كبير نسكافية لو بيضتين يبقى كوباية عادية وطبعاً بدون سكر أو سكر دايت)
العشر أيام الثانيه
الإفطار كوب نسكافية ( بدون سكر أو سكر دايت)
الغذاء 1 زبادى خالى الدسم + 1 كوب نسكافيه أو 2 زبادى خالى الدسم
العشر أيام الثالثة
الإفطار كوب نسكافية ( بدون سكر أو سكر دايت)
الغذاء كوسه مسلوقه + اكوب نسكافيه

معدل الفقد من 8 إلى 10 كجم فى العشر أيام وطبعاً أنتم لاحظتم أنه لا يوجد عشاء لأن الفكرة فى هذا النظام أنك توقفى أكل بدرى .
وممكن لو فى أى رياضة خفيفة يكون مفضل
وفى خلال شهر إن شاء الله هنكون ناس جديدة
الميزان كل 10 أيام وحبيت أقولكم ان النظام يستمر 9 أيام واليوم العاشر نفطر برضة زى النظام وبعدين نوزن ونبوظ وجبة واحدة لكن المهم أنها متكونش بعد الساعة السابعة.
أنا مبتدية من اليوم إن شاء الله فيلا يا بنوتات نشجع بعضينا
وبس عايزاكم تفتكروا أن كل حاجه حلوة نوصلها لازم نضحى بالكتير عشانها.
وربنا يعينا كلنا إن شاء الله وبما إننا فى شهر رجب فممكن المواظبه على صيام الاتنين والخميس تكون عامل مساعد لينا فى النظام ده
اللى تحس بتعب ممكن تستعمل فيتامين.
مستنياكم معايا إن شاء الله :27: