ريجيم الموظفات (( دوام من 8 - 4 )) تعالي يا قمر لازم تنحفين-يمنع التجمعات واليوميات

انا من خلال هالمنتدى استنتجت من الريجيمات الفعاله اللي اشتغلت مع الناس صح ان الأساس او البنيه الأساسيه للدايت تتكون من القاعده القائله بفطور الملك و غدا الوزير و عشا الفقير

عشان كذا حنا يالمساكين يالموظفات نحتاج هالقاعده و بشدددددده عشان قل الحركه

و هنا ريجيم مالي فضل فيه ولا اختراع بس اني اقترحه من جديد للعزيزات الموظفات مع بعض الأفكار الخاصه بي ................سأنفذه بإذن الله من بكره والنتايج اسبوعيه او مع لقافتي .. كل يومين :27:

انا قررت بمشيئة الله ان الدايت سيكون :

الفطور :

على الريق 3 ملاعق اكل نخاله (رده) أو ما يعادلها من أل بران بلس ((كورنفليكس مليان الياف)) مع كأس ماء كبيييييييييييييييييييير واشربي بعدها كوب بلاك كوفي بلا سكر ((سويت اند لو)) لأنو ينححححححححححححححف (30 كاولوري)

اختاري من كل رقم نوع واحد

1) 2 توست او خبز نخاله (200 كالوري)
2) بيضه مع شريحة جبن أو قطعة جبن فيلادلفيا قليلة الدسم أو قريش قليل الدسم مع خسسسس وشطه و ممكن شريحة مرتديلا للنكهه (100 كالووري)............. اللي تقول لي هوت دوق يا ويلها:09:
3) كوب حليب أو علبة زبادي خالييييي الدسم ((بلاش العصير)) (80-100 كالوري)


الغداء بالدوام بيكون طبعا عالساعه 12 أو 1 وانتي هلكانه جوع أكيد
غدائي اللذيذ بيكون :
سلطة دجاج مع قلييييل صوص السلطه ((ملعقتين اكل وخففيها بالليمون)) (120 كالوري)

أحبها يا ناس


أنتي تبي تنوعي كلي لك سلطه بدون زيت ..فقط ليموووووووووووووون وملح ((التبوله بدون برغل عشان القولون و عشان النشويات ممنووووع خلاص.. بح)) + أي نوع بروتين تحبيه ربع دجاجه بس او ما يعادلها بحجم كف اليد + لو تحبي خضار بدون زيت (120 كالوري) .... انتي استبدلتي صوص السلطه بالخضار


رجعتي البيت بطنك يغررررد من هالأكل ...

السناك: اكتفي بكأس حليب مع 3 تمرات فققققققققققققققققققققط (160 كالوري) :mad:

أو كوب زبادي مع قطعة شابوره بر أو حبة توست بر (200 كالوري)


اذا انتي بطله و شطوره زيي ما راح تاكلين بالبيت
بتشربين الحليب أو الزبادي أو بالكثير حبة فواكه و بسسسسسسسسسسسسسسسسسسسسسس
(100 كاولوري)

المجموع = 650 - 750 كالوري

بليز لا تخربطين الدنيا وتقولين ليش ما نحفت

التمارين يا زيييييييييييييينها وانتي جوعانه.. عضلاتك تشد اكثر .. من تجربتي الخاصه...
أنا بامشي نص ساعه يوميا و بعد نزول 10 كيلو بروح اسوي ايروبك مائي بالمانع ((يحرق السعرات الشريره))

تبين تزيدين خير وبركه... اقترح الأوربت راك .. عشر دقايق كفايه .. الوقت بالبيت ثمين جدا ..
تبين ترقصين و تطامرين مع السيديات المنزليه .. بعد زين .. الطاقه تطلع و الرقص بكل انواعه ينحت الجسم...

طيب نجي للشروط و الأحكام.................... اكتتاب مو دايت :23:

أولا تتناولين الماء لترييييييييييين باليوم ... عشان بشرتك والكلى .. بالمكتب أنا احلف على نفسي اشرب لتر كامل ماء صافي .. لا عصير ولا حليب و لا بيطيخ وبالبيت اللتر الثاني
((المكتب 8 ساعات والبيت 8 ساعات و النوم 8 ساعات))

ثانيا الفيتامينات الغذائيه .. عندي فيتامين للشعر مخصوص و فيتامين عام للجسم .. و جرعه من فيتامين سي لحالها عشان امراض البرد تتعبني.. و أخيرا اشتريت حبوب من GNC
أسمها extra extreme slim - thermogenic- energy and diet formula
سعرها 150 ريال حسب كلام احد العضوات ولون العلبه بنفسجي

اخذ حبتين منها.. اول يوم نحفت من وراها نص كيلو مع اني اتعشيت كيكرز من دومينوز


أيش بعد يا ربي..

أيوه انتي ماراح تجوعين لأن الدايت مليان سوائل .. كوفي و مويه و أبيك تختارين وصفه لإزالة الكرش.. اللي تعجبك .. مو لأني مؤمنه انها تنحف ولكن لأني اعرف انها راح تنظم قولونك بالدرجه الأولى و الغازات و تشيل انتفاخ البطن و التلبك المعدي

عن نفسي ما راح اشرب غير الكمون و الليمون وبعد فتره يمكن ربي يهديني و اجرب اشياء اقوى شوي بالزنجبيل و المراميه و الشاي الأخضر


بالمكتب سوي تمارين : كيجل - شد الصدر - قبل لا تصلي الظهر سوي 20 تمرين بطن بالمسجد لو ما لقيتي مكان و قبل العصر سوي 20 ....عشان لا تنسين

و أخيرا شدي بطنك طول ما انتي جالسه و واقفه و بكل حال.. تفرق ترى بالعضلات و استجابتها وترهلها


زي ماتشوفون

لا جديد ولكن استنتاج ان هذا هو شكل غالب الريجيمات الفعاله

الله يوفق الكل






الطول = 164
الوزن = 87 مؤخرا (تراها من جلسة المكتب والله)
الهدف = 54 كيلو
المده المعطاه = 28 أسبوع
البدايه من 13 - 2 - 2008