ريجيم روعة لجسم رشيق وشعر كثييييف

السلام عليكم
شخباركم بنات
والله أني متابعتكم من زمااان ومع ذلك ما فكرت أطبق أي ريجيييم من اللي عرضتوها بهالقسم لأني ما أحب أتقيد بريجييم معين أحب التخفيف والنوم بدون عشاء
أنا خلقة ماأحب الغداء على الفطور ويوم أجي من الدوام أنام والعصرية تمرررر مع قهوة واحيانا قطعة معمول أو حلا وأنام بدون عشاء وأحيانا فواكه مشكلة ووزني ثابت جدا ما يتحرك وباقي على 73وأحيانا يوصل 74 أذا تركت التخفيف بالدورة لأنه الجوع مو زين بهالفترة يعني نظامي تخفييييف بالطريقة اللي ذكرتهااافوق وبالدورة أترك وأزيد هالكيلو وثمن أنقصه بقيه الشهرررر وعلى هالحال
ليما راحت شغالتي وقمت أشتغل وأنا خلقة اموت بالتنظيييف والشغل على سنع وتعبت مرررة وكنت مرررة اخفف وأغلب أكلي رقي اللي هو البطيخ ودايما بدون عشاء بسسس ما كنت احس بالجوع من ضغط الشغل بالبيت وما شاء الله نزلت 10كيلو وصاار وزني 63 وأحيانا يوصل 61والكل أشتكوا أني مريضة والكل قااام يضحك من شكلي والصراحة كل من شافني قال ما بقى منك ألا خشمك!! وصرت خفيفة مرررة ومشدودة وألبس كل اللي أبي بدون تعب والمهم مالكم بالطويلة شعرررري راح فيها وصار يهلهل هلهلة والصراحة صار شعرتين وبديت أصلع وخلال هالفترة حملت الحمدلله
ووصلت ل73 من جديد والشعر راح فيها مع الحمل يمكن بسبب أني كنت أخفف أكل وأنا حامل
وبعد ماولدت أستخدمت كل شيء له من فيتامينات ومحاليل وبدأيتساقط بشكل رهييييب وكل ما مشطته أحس مدري وشلون بطلع الأربعين بدون شعر الصراحة شعووور فضيع جعلكم ما تجربونه
واللحين لي سنة من ولدت وشعري على خفته شعرتين ودي بجسم رشيق وأخاف على هالشعرتين يروحوا ماأدري وش أسوي؟
بالله عليكم لا تقولوا أكلك مو صحي بالعكس أكثر شيء مركزة عليه الفواكه والجرجير والكبدة واللبن وأخذ معاهم سترس تابس وزنك ومو عارفة وش أسوي والوزن ثابت والشعر خفيف
ساعدوني بريجيييييم يخلي جسمي رشيييق وما يأثر على هالشعرتين الباقية الحمد لله والشكر
والصراحة ما عمري شفت الشعر الخفيف الا على هالسماااان
والنحاف ما شاء الله شعورهم كثيفة وما يقدروا يقوموا من كثافة شعرهم وحنا سمنة وخفة بالشعر وبهتان بالبشرة مدري وين السبب ؟ وحتى حبوب الحمل تركتها وأستخدم العزل وللحين شعري ما وقف تساقط وجسمي ما نقص وزن
الله يخليكم اللي جربت ريجيم وما ضررر شعرها تقووول