B]السلام عليكم ورحمة الله وبركاته
شفت فى برنامج خاص بالسمنة امس على قناة الخليجية دكتور بيتكلم عن نوع من انواع الشوربة
وبيقول انها بتنزل الوزن وخصوصا الدهون اللى بتكون متركزة فى اماكن من الجسم مثل الكرش والدهون اللى متكونه من سنين
وللعلم كمان بيقول ان طعمها جميل واللى يجربها هيحبها
طبعا انا اول ما سمعته على طول جبت ورقة وقلم وكتبت اللى قالة وخصوصا انى شفت ناس كتيير متحمسين لها
شوربة الكراكليه
للسيدات من سن 25 سنة الى 45 سنة
وهوا اكد على موضوع السن دا اوى
وتعالج
سمنة المناطق مثل البطن والارداف والاماكن اللى فيها تكتلات من الدهون
السيلوليت ... من الاشياء اللى لفتت انتباهى كتيير
اللغد ..مش عارفة عندكوا اسمها اللغد بردو ولا ايه بس هية المنطقة اللى بعد الذقن
تضخم الثديين
ضغط الدم
السكر
التبول الا ارادى
هيه دى الحاجات اللى انا لحقت اكتبها وهو قال حاجات تانية بس مش فاكراها
اولا المكونات
مكونات الشوربة كتيير اوى ولكنها تكفى لمدة 21 يوم
وبيقول ان فى سيدات كتيير اتغير شكل جسمها بعد 21 يوم من استخدمها الشوربة
بصراحة اول ما سمعت المكونات وكثرتها قلت لاااا مش هعملها
وبعدين لما شفت الثقة اللى بيتكلم بيها عن الشوربة وانه اكيد هتنزل الوزن اتحمست تانى
وبصراحة مكوناتها كلها مفيدة جدا
المهم مكوناتها هى
نصف كيلو لحم ريش مخلى
نصف كيلو جمبرى متوسط
فردة كوارع بقرى مخليه
ربع كيلو حمص الشام
5 ورقات كرنب
ثمرة لفت
4 بصلات
راس ثوم مفروم
حزمة شبت
حزمة بقدونس
توابل حسب الرغبة
شطة حسب الرغبة
1 كيلو طماطم عصر
3 ملاعق معجون طماطم
4 حبات بنجر
2 ليمون
1 او 2 ملعقة سمن
ربع كيلو مشروم
ملعقة سكر
ربع حزمة نعناع اخضر
فنجان خل ابيض
نصف كيلو فول نابت
نصف كيلو سبيط
ربع كيلومكورونة لسان العصفور
4 كوسة
4جزر
ربع كيلو سلق
4 لتر ماء
وفى نباتات قال الدكتور انها مهمة جدا لازم تضاف الى المكونات السابقة
ملعقة من نبات الالف ورقة
2 ملعقة من نبات عنب الحية
2 ملعقة من حشيش الريح
ثانيا طريقة اعدادها
نسلق المكونات الاتية كل شىء بمفردة ونصفية من الماء
وهى اللحم
الكوارع
الحمص
السبيط
ثم نضعها كلها بعد ذلك فى اناء واحد ونضيف اليها باقى المكونات ماعدا معجون الطماطم وبصلة واحدة والثوم والسمن
ونضع عليها 4 لتر ماء ونتركها تغلى لفترة كافية بحيث يكون باقى مكوناتها نضجت وبعد النضج نضيف اليها النباتات اللى قال عليها
وبعد كدة نعمل التخديعة بتاعتها
نضع ملعقة سمن فى طاسة
ثم نضع بصلة مقطعة وثوم مفروم ونحمرة الى ان يصبح لونة بنى غامق
ثم نضع معجون الطماطم ونقلب قليلا
ثم نضع عليها كوب ماء ونتركها على نار هادئة لفترة قليلة وبكدة تكون التخديعة جاهزة
ولما تيجى تاكلى منها تغرفى طبق من الشوربة وتضيفى له ملعقة من التخديعة وبالهنا والشفا
وعلى فكرة الدكتور بيقول ان مينفعش اى تغيير فى مكوناتها
ثالثا طريقة استخدامها
مرتين فى اليوم قبل الافطار وقبل الغداء
وبعدها كلى عادى دا طبعا لو قدرتى تاكلى حاجة بعدها ودا اللى استغربته ان الدكتور يقول كلى عادى
يعنى مفيش معها دايت ولا ريجيم
بس بصراحة انا لما هعملها هعمل معها تخفيف اكيد على الاقل
وان شاء الله هجربها بس اجمع مكوناتها الاول
ويا ريت اللى يجربوها يقولوا نتائجها فى نفس الموضوع عشان الكل يستفيد
وسامحونى على ركاكة الاسلوب اكتب شوية فصحى وشوية عامى
ويا رب ينحفنا كلنا واحنا بصحة وعافية عاجلا غير اجل
قولوا اميين
ودعواتكم
كلابيظو @klabytho
عضوة فعالة
يلزم عليك تسجيل الدخول أولًا لكتابة تعليق.
كلابيظو
•
ما فى دعوة :44:
الزغروطة
•
يالهوي ايه الهباب دا كله ياكلابيظو
هوه الدكتور بيتكلم قد والا بيهزر؟؟:o
مليون الف صنف مع بعض ههههههه:hahaha: بصراحه عجيبه هذي الشوربة قصدي التهبيبه المنيله دي:angry2:
الف شكر لك ياكلابيظو على حرصك وافادتك
بصراحه مكوناتها ضخمة جدا واخاف اسويها وتنكب :angry:
لا تحرمينا جديدك ..
بورك فيك...:heart:
هوه الدكتور بيتكلم قد والا بيهزر؟؟:o
مليون الف صنف مع بعض ههههههه:hahaha: بصراحه عجيبه هذي الشوربة قصدي التهبيبه المنيله دي:angry2:
الف شكر لك ياكلابيظو على حرصك وافادتك
بصراحه مكوناتها ضخمة جدا واخاف اسويها وتنكب :angry:
لا تحرمينا جديدك ..
بورك فيك...:heart:
ياخراشي
ايه دا
انتوا مقانين
كوارع وجمبري وريش:icon28:
يانهار اسووووووووووووووووويد ومتنيل بـ 60 نيله:icon33:
لألألألألأ كدا حنتخن اوي اوي:mad:
ايه دا
انتوا مقانين
كوارع وجمبري وريش:icon28:
يانهار اسووووووووووووووووويد ومتنيل بـ 60 نيله:icon33:
لألألألألأ كدا حنتخن اوي اوي:mad:
الصفحة الأخيرة