***** ريجيم لا يشق له غبار *****

السلالالالام على بنات حواء الجميلات

اليوم قررت اني اعطيكم الريجيم الي فعلاً لا يشق له غبار على مايقولون

انا قبل حملي الاول كان وزني 54 كيلو وكان جسمي ولا احلى من كذا .... حملت في بنتي الاولى ونط وزني في الحمل من 54 الى 83 صراحه كانت صدمه كبيره لي وكنت انقهر لما اطلع اشتري اغراض انه الاشياء الحلوه ماتجي قدي

قررت اني اسوي رجيم دخلت منتدى حواء وجربت تقريباً كل الرجيمات ولا شفت شي لنه من ثاني او ثلاث يوم ابطل الرجيم ... بعدين قلت خل نحول على الاشياء الطبيعيه احسن يعني مشي وركض ورياضه وتقليل من الدسوميات .. شفت نتجه بس بعد مده طوويله جداً .. بعد سنتين وشهر من حملي نقص وزني لين وصل 64 كيلو (يعني لسه كثثير ) وفي يوم من الايام بصدفه دخلت المنتدى ولقيت وحده الله يجزاها خير حاطه رجيم ينقص 7 كيلو في 9 ايام قلت خلالاص ماني خسرانه شي اجرب ... وفعلاً جربت
والله والله والله يابنات نقصة في 8 ايام 4 كيلو لني كنت اغش شوي :D ... بعدييين وقفت اسبوع وقررت ارجع ..بسسسسسس طلعت حامل وقررت اتركه لييين بعد الولالاده ...وانا الحيييييين في الشهر التاسع وزني الحين طق 81 كيلو :icon33: وحبيت احط لكم الرجيم عشااان كلنا نستفيد ولني حاسه في معانات بنات كثير .. ودعواتكم ان ربي يسهل علي :D

الثلاث الايام الاولى

الفطور:-

بيضه مسلوقه + قطعة طماطم + شاهي خالي من السكر

الغدى:-

رز مسلوق + كوب زبادي خالي من الدسم او منزوع الدسم

العشاء:-

سلطه مشكله + تفاحه

+

مشي ساعه كل يوم ( تقدري انك تقسميها نص ساعه في النهار ونص ساعه في الليل)


الثلاث الايام الثانيه

الفطور:-

نصف برتقاله + حبة توست بر + جبنه خاليه من الدسم

الغدى:-

قطعة دجاجه مشويه

العشاء:-

زبادي خالي من الدسم او منزوع + قطعة توست

+

مشي ساعه كل يوم


الثلاث الايام الاخيره

الفطور:-

بيضه مسلوقه

الغدى:-

سلطة + تفاحه

العشاء:-

قطعة دجاجه مشويه او مسلوقه

+

مشي ساعه كل يوم


وعلى فكره لازم توقفين اسبوع او اسبوعين وترجعين توسينه مره ثانيه...

الاشياء الي انتبهت لها انه في الرجيم هذا ماكنت احس ابد ابد ابد بالجوع وبلعكس احسس اني مره نشيطه ...