السلام عليكم ...
اول شي باركووووولي لاني تقريبا شلوووو نص الجبس من يدي وريلي الحمدلله الحين اقدر احركهم
شوووي خاااصه يدي احركها عادي قبل الجبس كان من الكف ليييييييين الكوووع الحين بس في منطقة
..... ماعرف شسمها بس المكان اللي يلبسون فيه الساعه
وريلي الجبس كان فيها كامل من القدم لييين الورج والفخذ لين فوووق يعني الحين من القدم لين الركبه
ونااااسه ....
المهم اليوم غيرت الاخصائيه اللي رحت لها المره الي طافت ورحت لاخصائي يديد في المستشفى الايراني
وشاف وزني وزني طلع زايد نص كيلوو يعني مب اكثر المهم وزني 112.5 وقلت له عن السالفه من
طء طء للسلام عليكم .. ورايوته الريجيم اللي عطتني ياه الحرمه اللي طافت ... قالي الريجيم غلط لان
فقير من العناصر الغذائيه ووالوزن اللي بينزل منه بيرجع مره ثانيه ويمكن يكون ضعف ..
وعطاني محاااضره في الادب والاخلاق والصحه والرشاقه والجمال كل ماقوله شي يقولي رشاقه وجمال
المهم بعد عناء واسأله وتحقيق شو اكل وشو احب وشو اشرب واي شوكلت افضل
المهم في الاخر كتب لي ريجيم وعطاني الريجيم وقالي سوي الريجيم وتعالي الاسبوع الياي وبنشوف
كم بنزل هو ماطاع يقولي كم بينزل في الاسبوع بس قالي خليها مفاجئه وقالي ان اول اسبوع بنزل وايد
وبعده كل اسبوع من 2 الى 2 ونص كيلوو وعطاني حبوب الثوم قالي استخدمها كل يوم الصبح حبه
تحرق الدهوون
المهم طووولت عليكم واااااااايد بكتب لكم الريجيم واتمنى ان وحده منكم تشاركني على الاقل نشجع
بعض .... اتمنى ام الجمايل الجميله تشاركني وبنات مجموعتي المجموعه الرابعه
نرجع لمحور حديثنا .... الريجيم
طبعا الريجيم بالساعات مب بالوجبات ولازم الدقه في الوقت يعني بالدقيقه والثانيه
الساعه 8 الى 8:30
4 توست اسمر + 2 بياض بيض مسلوق او قطعة جبن بحجم علبة الكبريت او 1 كوب من العدس
+ كوب حليب قليل الدسم + حبة تمر او ملعقة شاي عسل >>> لنضارة البشره وعدم شحوبها
الساعه 10 الى 10:30
تفاحه او كثرى او كيوي او برتقال او خوخ او 2 يوسفي او يح او 6الى5 فراوله
الساعه 12 الى 12:30
2 حبه بسكويت دايجستف + 4الى 5 حبات من الفستق او البندق او اللوز
الساعه 2 الى 2:30
6الى 7 ملاعق ممسوحه ارز مطبوخ او 4 توست + فخذ او صدر دياي او 6 تكا دياي او سمك
او كوب من البقوليات المطبوخه + نصف كوب روب قليل الدسم + واحد كوب خضروات مطبوخه
الساعه 4 الى 4:30
4 توست + جبن او بيض >>> نفس الفطور + خيار + طماطم
الساعه 6 الى 6:30
فاكهه نفس الصبح
الساعه 8 الى 9
4 توست + 2 كوب من العدس المطبوخ او شوربة عدس او شوربة خضروات ( لازم واجباري وجود
قطعه صغيره من صدر الدياي داخل الشوربه ) او دياي او سمك نفس مقدار الغداء + نصف كوب روب
قليل الدسم + صحن سلطه بدون مايونيز + 2 ملعقه زيت زيتون
الساعه 11
صنف فاااكه وااحد نفس الصبح
الملاحظات
1_الاكل يكون ببطئ من 20 الى 25 دقيقه
2_ اسنعمال صحن صغير للغداء وللاكل
3_ عدم شرب الماء اثناء الاكل
4_ شرب كوب ماء قبل الوجبه ب 10 دقيقه
5_ كل الاصناف تكون قليلة الدسم
6_خصصي مقلاة خاصه لشوي وسلق الاكل
7_ يسمح بتناول الخس والجزر والخيار بين الوجبات بس صنف واحد
8_ شرب من 8 الى 10 اكواب ماء في اليوم
9_ عدم ممارشة الرياضه المتعبه والمشي الى بعد مرور شهر على الريجيم وتحريك اليدين والقدمين
اعلى واسفل 20 مره
10_ اجباري تناول حبة ثوم الصبح كل يوم تنباع في الصيدليه
وبس .... اكيد بتقولون الريجيم كله اكل .... لان هذا يعتبر تهيئة للريجيم وتنظيم الاكل يعني الحين هذا
مب ريجيم بمعني الكلمه بس ننظف الجسم من السموم ونهيئه للريجييم وبعدين نبتدي الريجيم الصح
بعد اسبوع يمكن او 2 الحين نعود جسمنا على تخفيف الاكل والاكل بالطريقه الصحيحه
وبس .. اللي عندها اي سؤال او استفسار انا حاضره
مشكلتي_دلوعه @mshklty_dloaah
محررة فضية
يلزم عليك تسجيل الدخول أولًا لكتابة تعليق.
مامثلها عذاري
•
مساء الخير الرجيم حلوا نفسي أتبعه
مساء الخير الرجيم حلوا نفسي أتبعهمساء الخير الرجيم حلوا نفسي أتبعه
هلا حبوبه ... انزين ابدي باجر وياي انا باجر ان شاءالله ببتدي فيه وبسجل يومياتي هني
ان شاءالله :26:
ان شاءالله :26:
الصفحة الأخيرة