ريحة الطبخ

اهلين ..
كلنا نعاني من ريحة الطبخ اذا كنا بالذات ساكنين بشقق صغيره..
والمراوح ماتسوي شي.. والبخاخات طبعا والفواحات ابد ماتسوي شي فعلها وقتي وتختلط بريحه الطبخ ماتشيلها..
الشموع الكويسه هي اللي بس تشيل الريحه بس طبعا تاخذ وقت..

بس من جد من جد اقوى واروع حل لا اقوى روائح الطبخ مافيه مثل غلايه المويه تحطينها عالنار وتحطين عليها مويه مو كثير نص كاسه او اكثر شوي ..


وتحطين بوسطها فانيلا بودره او اعواد وتخلينها تغلي بقوه بس وانتي تشتغلين بالمطبخ او حوله لاتتعدين الممكان لان المويه تنشف بسرعه وعلى طول تحترق الغلايه وتسود والريحه فظيعه تصير.. غير استنشاق ريحة احتراق الفانيلا..
فعشان كذا خليك حول الغلايه وقبل تنشف طفي النار واستمتعي بالريحه النقيه ...

شي مو طبيعي الحل هذا ينشر لك بسرعة البرق ريحة كيك بالبيت ويشيل ريحة القلي والبصل ووووو.. ومفعولها يستمر لين بكره بدون مبالغه..

وممكن بعد تضيفين مع الفانيلا اعواد قرنفل قشر برتقال قشر ليمون اي شي طبيعي معروف انه زكي الرائحه..وتخلينهم يغلون سوا..

افضل يابنات من الشموع والروائح الكيميائيه المضره..
وسلامتكم