السلام عليكم و رحمة الله و بركاته
باختصار السالفه انو انا قبل فتره قريت موضوع لوحده تتكلم تقوووول اذا تبي ريحتك مكان ما تمشي يسألو عنها ادخلي و من دي الخرابيط
المووووووووووووووهم
كنت في السوق و كان في محل لعبد لصمد القرشي اوكي؟
المهم قلت للوالده تشتريلي المسك الجامد وقفت فـ حلقها و حلفت عليها يمين الين اشترت لي :04:
اللي عندو حق الجسم تجيكي 6 مكعبات صغيره في علبه
هوا سعرو ما اقلك رخيص ولا اقلك غالي يا 120 يا 160 مو فاكره
الموووهم رجعت ماما و اعطتني هوا رجعنا البيت افتركت كلام البنت عن الريحه الحلوه و كدا
ما كان فيني ابحث<<كسلآنه:35:
المـــهم اتذكرت الطريقه و قلت اسويها و رحت الخبط في الطبخ
و هيا كالآتي
بيبي جونسن اويل (زيت حق الاطفال)
و مكعب واحد من دي المكعبات و اللي حابه تزود بكيفها
المهم تاخدي مكعب و تبشريه اصغر شي عندك انا بشرتو ببشارة الجزر لكن صغير =$
و تحطيه في علبة الزيت و ترجيه
و كل يوووووم ع دا الحال ترجيه قد ما تقدري و كل ما شفتي العلبه اقلبيها
يووووووه يا بنات احس كلامي كتير ما اقدر اعالج دي المشكله آسفه استعينوا بالله و اقروا للنهايه :(
المهم امممممــ انا طول معايا عبال ما يدووووب يمكن اسبوع لكن انا خليتها شهور فسارت هيا و الزيت واحد
المهم ركنتها عندي فتره طويله مرآ و نسيتها لانو كل ما شميت العلبه كانت ريحت الزيت مع المسك ما تحمس
و امس في الصباح و انا رايحه المدرسه << توني صغيره تراآ اروح مدرسه :p
شفتها و قلت خليني احط شويا بما انو اليوم ربوع<<أحلا يوم للي يدرسو خخخخ
حطيتها الصباح يا بنات و شوفو الساعه كم دحين =s
6 المغرب
وربي للآن اشم يدي ريحه نااااااعمه وواضحه و حلوه ياااااااااي عاد انا عن نفسي مجنووووووووووووونة عطووووور للجسم شكلي ما حستغني عن دي الطريقه
ادري كلامي كتييييييييييييييييييييير و مالي داعي >< بس حبيت افيدكم بالطريقه لانها مرا حلوه و حبيتها مراآ ~
و السلام خير ختام فالسلام عليكم و رحمة الرحمن و بركاته~
مصرقعة زمانها @msrkaa_zmanha
عضوة فعالة
يلزم عليك تسجيل الدخول أولًا لكتابة تعليق.
مامو
•
مشكوره على الفكره جاري التجربه
الصفحة الأخيرة