السلام عليكم ورحمة الله وبركاته
بدخل بالموضوع على طول بقولكم شلون تخلصت من ريحة ثلاجتي بعد ماأنقطعت عنها الكهرباء يوم تقريباً
الحين الحمدلله مافي ريحه أبدددد والشكر لله
هذا الله يسلمكم سافرت لأهلي وزوجي جلس بالرياض يوم رجع ألا الريحه معبيه الشقه ريحه لاتطاق
ألا الثلاجه طافيه عنها الكهربا
فضاه من كل شي ونظفها بكلوركس وديتول والريحه ماراحت ويقول تخف أحيان وترجع بقوه
المهم جيت أنا وشمرت عن ساعديي قلت مالها إلا رجالها
نظفته عقمته بخرته مسحته بصابون وبيكربونات الصوديوم غليت قهوه تركيه ودخلته داخله وهو حار جبت فحم حطيت نعناع كل شي مافاد هنا قلت خلااااااااص
بحثت بالنت ولفت نظري رد من الردود تقول أنتبهي للعلبه اللي تكون تحت الثلااااااجه وتجتمع فيها السوائل
طيران ونوخر الثلاجه أنا وزوجي وحنا نلاقيه زي العلبه حديد مثبته بالثلاجه فكيناه وإلا الريحه ماتطاق كبيته وعقمته ورجعناه
ماشاء الله لاقوه إلا بالله مافي أي ريحه الحين وريحة مطبخي تجنن
مسحته بعد السالفه كله بديتول وبخرته والحمدلله الريحه من أحسن مايكون
أخيرا" صورته لكم
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 648x484 و بحجم 130KB.
هذي هي العلبه اللي لونه أبيض
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 648x484 و بحجم 109KB.
وهناشكله من بعيد
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 648x484 و بحجم 137KB.
وهنا المسامير اللي فكيناهن
تقبلوا تحياااااااااتي
أتمنى أكون أفدتكم حبايبي
دعواتكم
الله يعطيك العافيه
بس حبيت اسئل وين مكان هالعلبه
ولو ممكن صوره لها
لان الثلاجات تختلف ويمكن يكون مكانها ببعض الثلاجات غير
موفقه