ريحة حمام شقتي المستأجرة..ماني عارفه مصدر الريحه وشنو سببه

السلام عليكم
بنات حواء يعطيكم العافيه
اولا العماره اللي مستأجرينها مو قديم يعني صارلها كحد اقصى سنتين
والحمام فيه شفاطه صغيره عاديه وتحته على طول شباك صغير
وغسالة الملابس داخل الحمام
والحمام كرسي مو بالوعه
ثاني شي الحمام وانتم بكرامه
انا انضفه احسن تنظيف يعني متاكدة انه مو بسببقلة تنظيفي له
استخدم كل شي ديتول كروكس العملاق الاخضر داك منظف خاص بالمرحاض كللل شي
لكن فيه ريحه شينه كانه شي خايس كانه ريحه بواليع او حمام ماتنظف من شهور او كانها ريحه قطعه قماش خايسه..ريحة كتمه
طبعا الريحه موجوده سواء استخدمت الغساله او لا .. لكنها تزيد مع استخدام الغساله
بس بكل الحالات تصير موجوده ما كأني توني منظفته وملمعته


انا مااتذكر كانت الريحه موجوده اول ماجينا او لا بس مااتوقع كانت موجوده بهالوضوح


انا قلت لزوجي يجيب عامل يشوف سبب الريحه
بس ابغاكم تساعدوني تقولون لي من وين ممكن تكون وكيف احلها