ريحة غسالتي سيئة :(

السلام عليكم
بنات انا رح ادخل بالموضوع على طول،، عندي غسالة ال جي 7 كيلو جبتها لما اتزوجت من 3 سنين وعين الله عليها ما فيها اي مشاكل ومرتاحه عليها كتير
بس المشكلة انو من فتره صار عندي ظروف شغلتني شوي عن بيتي كنت اغسل فيها وانسى انشر الغسيل وارجع عليها تاني يوم الاقي الغسيل ريحتو طالعه زي ريحة الرطوبة :( والله مقهووووووورة بس ظروفي حكمتني وشغلتني
كنت لما الاقي ريحتو طالعه ارجع اغسلو وارجع تاني يوم انساه
للأسف هالاشي اثر ع غسالتي يعني بعد ما مرت الظروف ع خير ورجعت اغسيل عليها طبيعي وعادي وما انسى الغسيل الا انو الريحة استمرت:( :( :(
يعني بغسل الغسيل وبتكون ريحتو مش حلوة مع اني بستعمل ايريال ومعطر ملابس ،، بعد ما انشره بتروح الريحة السيئة بس ما بكون في ريحة حلوة للغسيل
والمصيبة انو ريحة الغسالة بتضل بشعة ،، حطيت فيها خل وخليتها تغسل لحالها بس الريحة ما راحت،، بعد ما اغسل بترك الباب مفتوح برضو ما راحت،، يعني والله بنحرج بس انشر غسيلي بخاف حدا يطلع من اهل زوجي عالسطوح ويشم الريحة :( :( :( يا الله شو مدايقني هالموضووووووووووووع
ساعدوني بنات بدي ترجع ريحة ملابسي وغسالتي حلوة